ᐋᐴᓯᑕᓖᑦ ᐱᓂᐊᕐᓂᖏᑦ 18:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐱᓇᓱᐊᖃᑎᒋᓕᕐᐹᒃ ᓇᔪᕐᑎᒋᓪᓗᒋᒃ, ᑐᐱᓕᐅᕐᑎᐅᒐᒥᒃ ᑕᒪᕐᒥᒃ ᑐᐱᕐᓂᒃ ᓴᓇᓪᓗᑎᒃ ᓂᐅᕐᕈᑎᒃᓴᓕᐅᖃᑦᑕᕐᐳᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 18:3 Iomraidhean Croise

ᐊᑕᓃᑦ ᐂᑉᐸᖏᑦ 6:2

ᔪᐊᕐᑕᓂᒧᓐᖓᐅᔪᒪᒐᓗᐊᕋᑦᑕ ᐃᓘᓐᓇᑕ ᐊᑐᓂᑦ ᓇᐹᕐᑐᓂᒃ ᓇᑲᑎᕆᓗᑕ ᐃᓂᒋᖃᑦᑕᕐᓂᐊᕐᑕᑦᑎᓐᓂᒃ ᐃᒡᓗᓕᐅᕈᒪᓕᕋᑦᑕ.” ᐃᓔᓴᐅᑉ ᑭᐅᕔᑦ, “ᐊᑏ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:12

ᓇᖕᒥᓂᖅ ᐊᒡᒐᑦᑎᓐᓄᑦ ᐊᒃᓱᕈᕐᓇᕐᑐᒥᒃ ᐱᓇᓱᐊᕐᐳᒍᑦ. ᓇᕐᕈᓇᕐᓂᕋᕐᑕᐅᔭᕌᖓᑦᑕ, ᓮᒻᒪᕐᑎᑦᓯᕙᒃᐳᒍᑦ; ᐊᑭᕋᕐᑐᕐᑕᐅᓕᕅᒐᑦᑕ, ᕿᓄᐃᓵᕈᑎᒋᕙᒃᐸᕗᑦ;

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:14

ᑍᒫᑦᓮᓐᓇᕐᑕᐅᖅ, ᐊᑕᓂᖅ ᐱᖁᔨᓯᒪᕗᖅ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐊᔪᕆᕐᑐᐃᑦᔪᑎᖃᕐᑐᑦ ᐃᓅᑦᔪᑎᒃᓴᖏᓐᓂᒃ ᐊᑭᓕᕐᑕᐅᔪᒃᓴᐅᖕᒪᑕ ᐱᓇᓱᐊᕐᓂᕐᒥᖕᓄᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:15

ᑍᒫᒡᓕ ᐱᓇᓱᐊᕐᓯᒪᓐᖏᓚᖓ, ᐱᑎᑕᐅᔪᒪᓂᕐᒧᓪᓗ ᑕᒪᑐᒥᖓ ᑎᑎᕋᓐᖏᓚᖓ, ᑐᖁᔪᒪᖔᕋᔭᕐᐳᖓᓕ ᓂᕐᑑᑎᑦᔪᑎᒃᓴᕋ ᓇᓪᓕᐊᓐᓄᑦ ᓱᓇᐅᔪᓐᓃᕐᑎᑕᐅᖁᖏᓐᓇᒃᑯ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:18

ᓱᓇᒥᒡᓕ ᑍᒪ ᐊᑭᓕᕐᑕᐅᔪᒃᓴᐅᕗᖔ? ᐃᒫ ᑭᓯᐊᓂ: ᐊᔪᕆᕐᑐᐃᓂᒃᑯᑦ ᐅᖃᐅᓰᑦ ᑐᓴᕈᒥᓇᕐᑐᑦ ᐊᑭᖃᖏᑦᑐᒥᒃ ᐱᓇᓱᐊᕈᑎᒋᔪᒪᕙᒃᑲ, ᐱᔭᕆᐊᖃᕐᑕᕋᓗᐊᒃᑲᓗ ᑎᒥᒃᑯ ᐱᖏᓪᓗᒋᑦ ᐊᔪᕆᕐᑐᐃᖃᑦᑕᕐᓂᓐᓄᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:7

ᐊᔪᕐᑐᓕᓚᐅᕐᐳᖔ ᒥᑭᒡᓕᑎᕋᒪ ᐅᕙᓐᓂᒃ ᐃᓕᑦᓯ ᐊᖏᔪᕈᕐᑎᑕᐅᖁᓪᓗᓯ, ᐊᔪᕆᕐᑐᐃᖃᑦᑕᓚᐅᕋᒪ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᒥᑦ ᐱᔪᓂᒃ ᐊᑭᓖᔭᕆᐊᖃᕐᑎᓚᐅᓐᖏᓚᑦᓯᓘᓐᓃᑦ?

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:9

ᐃᓕᑦᓯᓐᓃᑎᓪᓗᖓᓗ ᑮᓇᐅᔭᒥᒃ ᐱᔭᕆᐊᖃᓕᕌᖓᒪ, ᐃᓕᑦᓯᓐᓄᑦ ᓇᓕᑦᓯᓐᓄᑦ ᐃᑲᔪᕐᑕᐅᔪᒪᓗᖓ ᐅᖃᓚᐅᓐᖏᓚᖓ, ᐅᒃᐱᕐᑑᖃᑎᒌᓪᓕ ᒫᓯᑑᓂᐊᒥᑦ ᐱᓯᒪᔪᑦ ᐱᔭᕆᐊᖃᕐᑕᓐᓂᒃ ᐅᕙᓐᓄᑦ ᑐᓂᓯᓚᐅᕐᐳᑦ. ᐃᓕᑦᓯᓐᓂᒃ ᐅᖁᒤᒃᓴᕐᑎᑦᓯᔪᒪᖏᓐᓇᒪ ᑕᒤᑎᒍᑦ; ᓱᓕᓗ ᑕᒪᑐᒪ ᑭᖑᓂᖓᒍᑦ ᐅᖁᒤᑦᔪᑕᐅᔪᒪᖏᓐᓂᕗᖓ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:13

ᖃᓄᖅ ᐅᒃᐱᕐᑑᖃᑎᒌᓂᑦ ᐱᑦᓯᐊᕐᑕᐅᓯᒪᖏᓐᓂᕐᓴᐅᓇᓱᒋᕕᓰ? ᐃᓕᑦᓯᓐᓄᑦ ᐅᖁᒤᑦᑐᒥᒃ ᐱᐅᓯᖃᕐᑎᑦᓯᓚᐅᖏᓐᓂᓐᓅᑦ? ᑍᒤᓚᐅᕐᓂᕈᒪ ᐃᓱᒪᒋᔪᓐᓁᕐᕕᒋᓯᓐᖓ ᑕᒪᕐᓂᓐᓂᒃ!

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:9

ᐅᒃᐱᕐᑑᖃᑎᕗᑦ, ᐃᖅᑬᒐᓗᐊᕐᐳᓯ ᓇᓗᓇᓐᖏᓚᖅ ᐊᒃᓱᕈᕐᓗᑕ ᐱᓇᓱᐊᕐᓂᕆᓚᐅᕐᑕᑦᑎᓐᓂᒃ ᐅᖁᒤᒃᓴᕋᓗᐊᕐᓗᑕ, ᐱᓇᓱᐊᖃᑦᑕᓚᐅᕐᐳᒍᑦ ᐅᓪᓘᑎᓪᓗᒍ ᐅᓐᓄᐊᒥᓗ ᐃᓕᑦᓯᓐᓂᒃ ᐅᖁᒤᑎᑦᓯᔪᒪᓇᑕ, ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐱᓇᓱᐊᕐᑎᓪᓗᑕ ᒎᑎᒥᑦ ᐱᔪᓂᒃ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:11

ᐃᓅᓯᑦᓯᓐᓂ ᑐᕌᒐᖃᕋᓱᐊᕆᑦᓯ ᐅᐃᒪᔮᖏᓪᓗᓯ, ᐱᓂᐊᕋᒃᓴᓯ ᓇᖕᒥᓂᖅ ᐱᓇᓱᐊᕐᓗᒋᑦ, ᓇᖕᒥᓂᕐᓗ ᐱᓇᓱᐊᕐᓂᑦᓯᓐᓄᑦ ᐃᓅᑦᔪᑎᒃᓴᕐᓯᓗᓯ, ᓲᕐᓗ ᑍᒫᒃ ᐱᖁᓚᐅᕋᑦᓯ;