ᐋᐴᓯᑕᓖᑦ ᐱᓂᐊᕐᓂᖏᑦ 18:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᑖᓐᓇ ᐊᔪᕆᕐᑐᐃᓕᕐᐳᖅ ᓯᕘᕋᓇᓂ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓐᓂ; ᐳᕆᓯᓚᐅᑉ ᐊᑯᐃᓚᓪᓗ ᑐᓵᒐᒥᒃᑯᒃ, ᐊᖏᕐᕋᐅᑎᕚᒃ ᐊᔪᕆᕐᑐᕆᐊᒃᑲᓐᓂᕐᓗᒍ ᒎᑎᒧᑦ ᒪᓕᒃᑎᐅᓂᕐᒥᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 18:26 Iomraidhean Croise

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:5

ᓯᓚᑐᔪᓪᓗ ᑐᓴᕈᓐᓇᖁᓪᓗᒋᑦ ᑐᑭᓯᐅᒪᔭᖏᑦ ᐊᖏᓕᒃᑲᓐᓂᖁᓪᓗᒋᑦ, ᐊᖑᓪᓗ ᑐᑭᓯᐅᒪᔪᖅ ᐱᓇᓱᐊᕈᑎᒃᓴᖃᒃᑲᓐᓂᖁᓪᓗᒍ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 25:12

ᓲᕐᓗ ᓯᐅᑎᒥᐅᑕᖅ ᒎᓗ ᐅᕝᕙᓗ ᐱᐅᓴᐅᑎ ᒎᓗᑦᓯᐊᖅ, ᓯᓚᑐᔫᑉ ᐃᓂᕐᑎᕆᓂᖓ ᓯᐅᑎᒧᑦ ᓈᓚᑦᓯᐊᕐᑐᒧᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 9:9

ᓯᓚᑐᔪᒥᒃ ᐊᔪᕆᕐᑐᐃᒍᕕᑦ, ᑕᕝᕙ ᓯᓚᑦᑐᒃᑲᓐᓂᕐᓂᐊᕐᐳᖅ, ᐃᓱᐊᕐᑐᒥᒃ ᐃᓕᓮᒍᕕᑦ ᐃᓱᐊᕐᑐᒥᒃ ᐃᓕᑦᓯᒃᑲᓐᓂᕐᓂᐊᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 58:1

“ᓂᐱᖅᑯᕐᑐᓗᓯ ᓂᓪᓕᐊᓕᕆᑦᓯ, ᓂᐰᓐᖔᕐᓂᐊᕋᓯ, ᑎᑦᑐᓚᐅᑎᑎᑐᑦ ᓂᐱᖅᑯᕐᑐᑎᒋᓗᓯ ᓂᓪᓕᐊᒋᑦᓯ; ᐃᓄᖁᑎᒃᑲ ᐊᔪᕐᑐᓕᓂᖏᓐᓂᒃ ᐅᖃᐅᑎᓯᒋᒃ, ᔧᑰᓪᓗ ᑭᖑᕚᖏᑦ ᐅᖃᐅᑎᓗᒋᑦ ᐊᔪᕐᓂᖏᓐᓂᒃ.

ᒫᑯᓯᐅᑉ ᐊᒡᓚᖏᑦ 10:15

ᓱᓕᔪᒥᒃ ᐅᖃᐅᑎᕙᑦᓯ, ᓇᓪᓕᐊᑦ ᒎᑎᐅᑉ ᐊᑕᓂᐅᕕᖓᓂᒃ ᓄᑕᕋᑯᓗᒃᑎᑐᑦ ᐃᓚᓕᐅᕐᓯᖏᑦᑐᖅ ᑕᑉᕗᖓ ᐃᑎᕐᓂᐊᓐᖏᓚᖅ.”

ᓘᑲᓯᐅᑉ ᐊᒡᓚᖏᑦ 19:26

ᑖᑦᓱᒪ ᑭᐅᕔᑦ, ‘ᐅᖃᐅᑎᕙᑦᓯ, ᐱᖃᕐᑐᓕᒫᑦ ᑐᓂᓯᕕᐅᒃᑲᓐᓂᕐᓂᐊᕐᐳᑦ; ᐱᖃᖏᑦᑐᓪᓕ ᒥᑭᔪᒥᒃ ᐱᖃᕋᓗᐊᕐᐸᑕ ᐊᕐᓵᕐᑕᐅᓂᐊᕐᐳᑦ.

ᓘᑲᓯᐅᑉ ᐊᒡᓚᖏᑦ 24:27

ᔩᓱᓯᐅᑉ ᓇᓗᓁᕐᓯᕕᒋᑦᓯᐊᕐᐹᒃ ᐱᒋᐊᕐᓗᓂ ᒨᓯᓯᐅᑉ ᐊᒡᓚᖏᓐᓂᑦ ᓇᓚᐅᑦᑍᔪᓪᓗ ᐊᒡᓚᖏᓐᓂᑦ ᐊᒡᓚᓕᒫᑦ ᓇᓗᓁᔭᕐᐰᑦ ᐃᒻᒥᓂᒃ ᐅᖃᐅᓯᖃᕐᓯᒪᔪᓕᒫᑦ.

ᔪᐊᓇᓯᐅᑉ ᐊᒡᓚᖏᑦ 7:17

ᓇᓪᓕᐊᑦ ᒎᑎᐅᑉ ᐱᔪᒪᔭᖓᓂᒃ ᐱᓇᓱᐊᕈᒪᔪᖅ, ᖃᐅᔨᓂᐊᕐᐳᖅ ᐊᔪᕆᕐᑐᐃᔪᑎᒋᔭᒃᑲ ᒎᑎᒥᑦ ᐱᖕᒪᖔᑕ ᐅᕝᕙᓗ ᐅᕙᓐᓂᑐᐃᓐᓇᖅ ᐅᖃᓪᓚᖕᒪᖔᕐᒪ.

ᐋᐴᓯᑕᓖᑦ ᐱᓂᐊᕐᓂᖏᑦ 14:3

ᑖᒃᑯᐊᒃ ᐊᑯᓂ ᑕᕝᕙᓃᑉᐴᒃ ᐊᔪᕆᕐᑐᐃᓪᓗᑎᒃ ᓯᕘᕋᓇᑎᒃ ᐊᑕᓂᖅ ᐱᑦᔪᑎᒋᓪᓗᒍ, ᐅᖃᐅᓯᕆᔭᖏᑦ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᓴᖅᑭᑎᑦᓯᕗᑦ ᓱᓕᑦᓯᐊᕐᓂᖓᓂᒡᓗ, ᐱᔪᓐᓇᕐᓂᖃᕐᑎᑕᐅᕗᓪᓗ ᑲᒪᓇᕐᑐᓕᓪᓗᑎᒃ ᓇᓗᓁᒃᑯᑕᕐᑎᒍᓪᓗ ᐱᓇᓱᐊᕐᑎᑕᐅᓪᓗᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 18:18

ᑕᒪᑐᒪ ᑭᖑᕐᖓᒍᑦ ᐸᐅᓗᓯ ᑯᕆᓐᑎᒦᓚᐅᕐᐳᖅ ᐅᓪᓗᓂᒃ ᐊᒥᓱᓂᒃ, ᐅᒃᐱᕐᑑᖃᑎᒌᑦ ᕿᒪᓚᐅᕆᕔᑦ ᓯᕆᐊᒧᓪᓗ ᐅᒥᐊᕐᑐᕐᐳᖅ ᐳᕆᓯᓚ ᐊᑯᐃᓚᓗ ᐃᓚᒋᓪᓗᒋᒃ. ᑭᓐᑯᕆᐊᒥ ᐸᐅᓗᓯᐅᑉ ᓄᔭᓂ ᕿᐅᕐᑕᕐᐰᑦ, ᓱᓕᓂᐊᕐᓂᕋᕐᓗᓂ ᑍᒫᒃ ᐊᖏᕈᑎᖃᕐᓯᒪᒐᒥ.

ᐋᐴᓯᑕᓖᑦ ᐱᓂᐊᕐᓂᖏᑦ 18:25

ᑖᓐᓇᓗ ᐊᑕᓂᕐᒥᒃ ᒪᓕᖕᓂᕐᒥᒃ ᐊᔪᕆᕐᑐᕐᑕᐅᓯᒪᕗᖅ; ᑕᒪᑐᒥᖓ ᑲᑦᓱᖕᒊᕐᓯᒪᑦᓯᐊᕐᓗᓂ, ᐊᔪᕆᕐᑐᐃᕗᖅ ᓈᒻᒪᓈᕐᓯᒪᑦᓯᐊᕐᓗᓂ ᔩᓱᓯᐅᑉ ᒥᒃᓵᓄᑦ, ᔪᐊᓇᓯᐅᓪᓕ ᐹᑉᑎᑦᓯᑦᔪᑖᓂᒃ ᖃᐅᔨᒪᔭᑐᐊᖃᕐᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 19:8

ᐸᐅᓗᓯ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓐᓄᐊᕐᐳᖅ, ᑕᖅᑭᓂᒃ ᐱᖓᓱᓂ ᑕᑉᕙᓃᓕᕐᓗᓂ, ᐃᓄᐃᑦ ᐅᖃᖃᑎᒋᖃᑦᑕᕐᐰᑦ ᓯᕘᕋᓇᓂ, ᑐᑭᓯᑎᓐᓇᓱᐊᕐᓗᒋᑦ ᒎᑎᐅᑉ ᐊᑕᓂᐅᕕᖓᓂᒃ;

ᐋᐴᓯᑕᓖᑦ ᐱᓂᐊᕐᓂᖏᑦ 28:23

ᐸᐅᓗᓯᒥᒡᓗ ᑲᑎᒪᖃᑎᖃᕐᕕᒃᓴᒥᖕᓂᒃ ᐅᓪᓗᒥᒃ ᓇᓗᓁᕐᓯᕗᑦ, ᓇᓪᓕᐅᑎᖕᒪᓪᓗ ᐅᓄᕐᓂᕐᓴᒻᒪᕆᐊᓗᐃᑦ ᕾᕗᑦ ᓇᔪᕐᑕᖓᓄᑦ. ᐅᓪᓛᒥᑦ ᐱᒋᐊᕐᓗᒍ ᐅᓐᓄᒧᑦ ᑎᑭᓪᓗᒍ, ᓇᓗᓇᕈᓐᓃᕐᑎᑦᓯᕗᕐᓗ ᐅᖃᐅᓯᖃᕐᓗᓂ ᒎᑎᐅᑉ ᐊᑕᓂᐅᕕᖓᓂᒃ ᔩᓱᓯᒥᒡᓗ ᑐᑭᓯᔭᐅᑎᑦᓯᓇᓱᐊᕐᐳᖅ ᒨᓯᓯᐅᑉ ᐱᖁᔭᖏᑦ, ᓇᓚᐅᑦᑍᔪᓪᓗ ᐊᒡᓚᖏᑦ ᐊᑐᕐᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 8:31

ᑖᑦᓱᒪ ᑭᐅᕚ, “ᖃᓄᕐᓕ ᑐᑭᓯᔪᓐᓇᕐᐳᖓ? ᐊᔪᕆᕐᑐᕐᑕᐅᖏᓪᓗᖓ.” ᐱᓕᑉᐴᓯ ᐃᑭᒪᖃᑎᒋᔪᒪᓕᕐᐹ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:21

ᐃᔨ ᐊᒡᒐᖕᓄᑦ ᐅᖃᕈᓐᓇᓐᖏᓚᖅ, “ᐅᕙᓐᓄᑦ ᐊᑑᑎᖃᓐᖏᓚᑎᑦ,” ᓂᐊᖁᕐᓗ ᐃᑎᒐᖕᓄᑦ ᐅᖃᕈᓐᓇᖏᓐᓂᕗᖅ, “ᐅᕙᓐᓄᑦ ᐊᑑᑎᖃᓐᖏᓚᑎᑦ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:18

ᓇᓕᕐᓯ ᓇᖕᒥᓂᖅ ᐅᐃᕖᕐᕆᓂᐊᕋᓂ. ᐃᒻᒥᓂᒃ ᓯᓚᑐᓇᓱᒋᔪᖅ ᓯᓚᕐᔪᐊᕐᒥᐅᑦ ᓯᓚᑐᓂᖓ ᒪᓕᒡᓗᒍ, ᓯᓔᑦᑐᓐᖑᕐᑐᒃᓴᐅᕗᖅ ᓯᓚᑐᔪᓐᖑᓪᓚᕆᖁᓪᓗᒍ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 8:2

ᐃᓄᒡᓕ ᖃᐅᔨᒪᓇᓱᒋᔪᖅ ᖃᐅᔨᒪᔭᕆᐊᖃᓪᓚᕆᒃᑕᒥᓂᒃ ᓱᓕ ᖃᐅᔨᒪᓐᖏᓚᖅ.

ᐄᑉᕈᐃᓄᑦ 6:1

ᑍᒤᒻᒪᑦ ᓯᕗᒧᐊᓕᕐᑕ ᙭ᔅᑑᓯᒥ ᐱᒋᐊᓕᓵᕐᑐᕐᓯᐅᑎᑦ ᕿᒪᒡᓗᒋᑦ ᓵᒋᐊᕐᓂᐅᑉ ᑐᓐᖓᕕᒃᓴᖏᓐᓂᒃ ᐱᓇᓱᐊᒃᑲᓐᓂᕈᓐᓃᕐᑕ ᐱᓂᐊᕐᓂᕐᓂᒃ ᑐᖁᖓᔪᓂᒃ, ᐱᕈᕇᕐᓯᒪᔪᕐᓯᐅᑎᓂᒃ ᐱᓇᓱᐊᖔᓕᕐᑕ ᖃᓄᖅ ᐅᒃᐱᕐᑐᒃᓴᐅᖕᒪᖔᑦᑕ ᒎᑎᒧᑦ.

ᐲᑦᑐᕉᓯ ᐂᑉᐸᖏᑦ 3:18

ᐱᕈᕐᐸᓪᓕᐊᓕᕆᑦᓯᓕ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂ ᖃᐅᔨᕙᓪᓕᐊᓗᓯᓗ ᐊᑕᓂᑦᑎᓐᓂᒃ ᐱᐅᓕᔨᑦᑎᓐᓂᒡᓗ ᔩᓱᓯ ᙭ᔅᑑᓯᒥᒃ. ᑖᓐᓇ ᓂᕐᑐᕐᑕᐅᓕ ᒫᓐᓇᒥᑦ ᐃᓱᖃᖏᑦᑐᒧᓪᓗ ᐋᒦᓐ.