ᐋᐴᓯᑕᓖᑦ ᐱᓂᐊᕐᓂᖏᑦ 18:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᑖᓐᓇᓗ ᐊᑕᓂᕐᒥᒃ ᒪᓕᖕᓂᕐᒥᒃ ᐊᔪᕆᕐᑐᕐᑕᐅᓯᒪᕗᖅ; ᑕᒪᑐᒥᖓ ᑲᑦᓱᖕᒊᕐᓯᒪᑦᓯᐊᕐᓗᓂ, ᐊᔪᕆᕐᑐᐃᕗᖅ ᓈᒻᒪᓈᕐᓯᒪᑦᓯᐊᕐᓗᓂ ᔩᓱᓯᐅᑉ ᒥᒃᓵᓄᑦ, ᔪᐊᓇᓯᐅᓪᓕ ᐹᑉᑎᑦᓯᑦᔪᑖᓂᒃ ᖃᐅᔨᒪᔭᑐᐊᖃᕐᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 18:25 Iomraidhean Croise

ᒨᓯᓯ ᓯᕗᓪᓖᑦ 18:19

ᐊᓐᖏᒍᑎᓂᐊᓐᖏᓚᕋ, ᓂᕈᐊᕐᓯᒪᒐᒃᑯ, ᐱᖁᔨᔪᒫᕐᒪᑦ ᕿᑐᕐᖓᒥᓂᒃ ᐃᓚᒥᓂᒡᓗ ᐊᑕᓂᐅᑉ ᐊᖅᑯᑎᖓᓃᖁᓪᓗᒋᑦ ᐃᓱᐊᕐᑐᓕᓂᒃᑯᑦ ᐊᑦᔨᒌᒃᑎᑦᓯᓂᒃᑯᓪᓗ; ᐊᑕᓂᖅ ᑐᓂᓯᖁᓪᓗᒍ ᐂᑉᕋᕼᐋᒧᑦ ᐊᖏᕈᑎᒋᓯᒪᔭᒥᓂᒃ ᑖᑦᓱᒧᖓ.”

ᐃᓐᖏᕈᑎᑦ 119:1

ᑐᓱᓐᓇᕐᐳᑦ ᐸᓯᔭᒃᓴᐅᖏᑦᑐᒥᒃ ᐃᓅᓯᖃᕐᑐᑦ, ᐃᓅᔪᑦ ᐊᑕᓂᐅᑉ ᐱᖁᔭᖏᑦ ᒪᓕᒡᓗᒋᑦ.

ᐃᓐᖏᕈᑎᑦ 67:2

ᐱᓂᐊᕐᓂᑎᑦ ᖃᐅᔨᔭᐅᖁᓪᓗᒋᑦ ᓄᓇᒥ, ᐱᐅᓕᒃᓯᓃᓪᓗ ᐃᓅᖃᑎᒌᒡᔪᐊᓄᑦ ᖃᐅᔨᔭᐅᓗᓂ.

ᐂᓮᐊᓯᐅᑉ ᐊᒡᓚᖏᑦ 40:3

ᓂᐱᒥᒃ ᑐᓴᕐᓴᐅᔪᖃᕐᐳᖅ ᐃᓄᖃᖏᑦᑐᒥ: “ᐊᑕᓂᐅᑉ ᐊᖅᑯᑎᒃᓴᖓ ᐋᖅᑭᒃᓱᕐᓯᐅᒃ; ᓱᓇᖃᔪᐃᑦᑐᒃᑯᑦ ᑐᑭᓕᐊᕐᑐᒥᒃ ᐊᖅᑯᑎᓕᐅᓕᕆᑦᓯ ᒎᑎᑦᑕ ᐊᑐᕐᓂᐊᕐᑕᖓᓂᒃ.

ᔨᕆᒤᐊᐅᑉ ᐊᒡᓚᖏᑦ 6:16

ᐃᒫᒃ ᐊᑕᓂᖅ ᐅᖃᕐᐳᖅ, “ᐊᖅᑯᑏᑦ ᑲᑎᓐᓂᖏᓐᓄᑦ ᑕᑯᔭᕐᑐᕆᑦᓯ, ᐊᑐᕐᑕᐅᕙᒃᑐᑐᕾᓪᓗ ᖃᐅᔨᓇᓱᐊᕐᓯᒋᑦ, ᑐᑭᓯᑎᑕᐅᔪᒪᓗᓯ ᐊᖅᑯᒻᒥᒃ ᐊᑲᐅᔪᒥᒃ ᐊᑐᕐᓂᐊᕐᑕᑦᓯᓐᓂᒃ. ᑕᕝᕙ ᑕᕐᓂᑦᓯᓐᓄᑦ ᒥᕐᖑᐃᕐᓯᕐᕕᒃᓴᕐᓯᓂᐊᕐᐳᓯ. “ᑭᓯᐊᓂᓕ ᐅᖃᕐᐳᑦ, ‘ᐊᖅᑯᒻᒥᒃ ᑍᒤᑦᑐᒥᒃ ᐊᑐᕈᒪᓐᖏᓚᒍᑦ.’

ᕼᐆᓯᐊᑉ ᐊᒡᓚᖏᑦ 14:9

ᓇᓪᓕᐊᑦ ᓯᓚᑐᔪᖅ, ᑕᒪᒃᑯᓂᖓ ᑐᑭᓯᓕᕐᓕ; ᓇᓪᓕᐊᑦ ᖃᐅᔨᔪᓐᓇᕐᑐᖅ ᑖᒃᑯᓂᖓ ᖃᐅᔨᓕᕐᓕ; ᐊᑕᓂᐅᑉ ᐊᖅᑯᑎᖏᑦ ᓈᒻᒪᑦᓯᐊᕐᒪᑕ; ᐃᓱᐊᕐᑐᑦ ᑕᒪᓐᓇ ᐊᑐᕐᐹᑦ, ᐱᐅᖏᑦᑐᓕᔪᓪᓕ ᑕᒪᐅᓇ ᐹᓪᓚᒃᐳᑦ.

ᒫᑯᓯᐅᑉ ᐊᒡᓚᖏᑦ 1:3

ᑖᓐᓇ ᓂᐱᖅᑯᕐᑐᓗᓂ ᐅᖃᓪᓚᒍᒫᕐᐳᖅ ᐃᓄᖃᖏᑦᑐᒥ; ᐊᑕᓂᐅᑉ ᐊᖅᑯᑎᒃᓴᖓ ᐋᖅᑭᒃᓱᕐᓯᐅᒃ, ᐃᖏᕐᕋᕕᒋᓂᐊᕐᑕᖓ ᐊᖅᑯᑦ ᑐᑭᓕᐊᕐᓯᑎᓪᓗᒍ.”

ᒫᑯᓯᐅᑉ ᐊᒡᓚᖏᑦ 12:14

ᑖᒃᑯᐊ ᔩᓱᓯᒧᐊᕋᒥᒃ ᐅᖃᕐᐳᑦ, “ᐊᔪᕆᕐᑐᐃᔩ ᖃᐅᔨᒪᒐᑦᑕ ᓱᓕᔪᒥᒃ ᐅᖃᖃᑦᑕᕋᕕᑦ, ᐃᓄᐃᑦ ᐃᓱᒪᖏᑦ ᓯᕘᕋᒋᓇᒋᑦ ᓱᓕᑦᓯᐊᕐᑐᒥᒃ ᐅᖃᕐᐸᒃᑲᕕᑦ; ᐃᓄᐃᑦ ᖃᓄᐃᑦᑑᓂᖏᓐᓂᒃ ᑲᒪᒋᖏᓐᓇᕕᒋᑦ, ᐊᔪᕆᕐᑐᖃᑦᑕᕋᕕᒋᑦ ᓱᓕᔪᒥᒃ ᒎᑎᐅᑉ ᐱᓂᐊᕐᑕᐅᖁᔭᖏᓐᓂᒃ. ᐅᖃᐅᑎᓚᐅᕐᑎᒍᑦ, ᐱᖁᔭᑦᑎᓐᓄᑦ ᐊᑭᕋᕐᑐᕐᐹᑦ, ᑖᒃᓰᔭᕈᑎᓂᒃ ᑐᓂᓯᖃᑦᑕᕈᑦᑕ ᓰᓴᕆᒧᑦ ᐅᕝᕙᓗ ᑐᓂᓯᖃᑦᑕᕆᐊᖃᓐᖏᓚᒍᑦ?”

ᓘᑲᓯᐅᑉ ᐊᒡᓚᖏᑦ 1:4

ᑐᑭᓯᑦᓯᐊᕐᓂᐊᕋᕕᑦ ᓱᓕᑦᓯᐊᕐᑐᒥᒃ ᑕᒪᒃᑯᓂᖓ ᑐᓴᕐᑎᑕᐅᑦᔪᑎᒋᓯᒪᔭᕐᓂᒃ.

ᓘᑲᓯᐅᑉ ᐊᒡᓚᖏᑦ 7:29

ᑐᓴᓚᐅᕐᑐᑦ ᑕᒪᕐᒥᒃ ᔪᐊᓇᓯᒥᒃ ᕉᒪᒥᐅᓪᓗ ᑮᓇᐅᔧᕐᑎᑦᓯᔨᖁᑎᖏᑦ ᓈᓚᓚᐅᕐᒪᑕ ᒎᑎᐅᑉ ᐊᑐᕐᑕᐅᖁᔭᖓᓂᒃ, ᔪᐊᓇᓯᒧᑦ ᐹᑉᑎᑕᐅᓚᐅᕐᐳᑦ;

ᐋᐴᓯᑕᓖᑦ ᐱᓂᐊᕐᓂᖏᑦ 13:10

ᐅᖃᕐᓗᓂ, “ᓵᑖᓇᓯᐅᑉ ᐃᕐᓂᖓ, ᓇᓛᒎᕐᑐᓕᒫᓂᒃ ᐊᑭᕋᕐᑐᕐᑎᐅᔪᑎᑦ, ᓯᓔᕐᕆᒃᓯᓂᐊᓗᖕᓂᒃ ᓴᒡᓗᓂᕐᓂᒡᓗ ᑕᑕᑦᑐᑎᑦ, ᐊᑕᓂᐅᑉ ᐊᖅᑯᑎᖓᑕ ᓱᓕᑦᓯᐊᕐᓂᖓᓂᒃ ᓴᖑᑎᑦᓯᓇᓱᐊᖏᓐᓇᕐᓂᐊᕐᐲᑦ?

ᐋᐴᓯᑕᓖᑦ ᐱᓂᐊᕐᓂᖏᑦ 16:17

ᑖᑦᓱᒪ ᐸᐅᓗᓯ ᐅᕙᒍᓪᓗ ᒪᓕᒃᐹᑎᒍᑦ ᕾᒐᓛᕐᓗᓂᓗ, “ᐅᑯᐊ ᒎᑎᐅᑉ ᖁᑦᓯᖕᓂᕐᐹᑉ ᐱᔨᖏᑦ, ᐊᔪᕆᕐᑐᐃᔪᑦ ᐃᓕᑦᓯᓐᓂᒃ ᖃᓄᖅ ᐱᐅᓕᔭᐅᔪᓐᓇᕐᓂᑦᓯᓐᓂᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 18:26

ᑖᓐᓇ ᐊᔪᕆᕐᑐᐃᓕᕐᐳᖅ ᓯᕘᕋᓇᓂ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓐᓂ; ᐳᕆᓯᓚᐅᑉ ᐊᑯᐃᓚᓪᓗ ᑐᓵᒐᒥᒃᑯᒃ, ᐊᖏᕐᕋᐅᑎᕚᒃ ᐊᔪᕆᕐᑐᕆᐊᒃᑲᓐᓂᕐᓗᒍ ᒎᑎᒧᑦ ᒪᓕᒃᑎᐅᓂᕐᒥᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 19:23

ᑍᑦᓱᒪᓂ ᐃᐱᓲᓯᒥ ᐃᓗᐊᖏᑦᔪᑎᒃᓴᖃᒻᒪᕆᓕᕐᐳᑦ ᐊᑕᓂᕐᒧᑦ ᒪᓕᒡᑎᐅᓂᖅ ᐱᓪᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 19:3

ᐸᐅᓗᓯᐅᑉ ᐅᖃᐅᑎᕔᑦ, “ᖃᓄᕐᓕ ᐹᑉᑎᑕᐅᓯᒪᕕᓰ?” ᑖᒃᑯᐊ ᑭᐅᕚᑦ, “ᔪᐊᓇᓯᐅᑉ ᐹᑉᑎᑦᓯᑦᔪᑖᓄᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 19:9

ᐃᓚᖏᓪᓕ ᓯᑎᔪᐊᓘᖕᒪᑕ ᐅᒃᐱᕈᒪᖏᒻᒪᑕᓗ, ᐊᑕᓂᕐᒧᑦ ᒪᓕᒃᑎᐅᓂᖅ ᐱᐅᖏᑦᑐᐊᓘᓂᕋᕐᓗᒍ ᐅᖃᐅᓯᕆᖃᑦᑕᒪᑦᔪᒃ ᐃᓄᖕᓄᑦ, ᐸᐅᓗᓯᐅᑉ ᕿᒪᒃᐰᑦ, ᐃᓕᓐᓂᐊᕐᑐᑦ ᐃᓚᒋᓪᓗᒋᑦ, ᖃᐅᑕᒫᑦ ᐅᖃᖃᑎᒋᓕᕐᐰᑦ ᐃᓕᓐᓂᐊᕐᕕᖕᒥ ᑍᕋᓅᓯᒥᒃ ᐊᑎᓕᖕᒥ.

ᐋᐴᓯᑕᓖᑦ ᐱᓂᐊᕐᓂᖏᑦ 9:2

ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓄᐊᕐᑐᓂᒃ ᑕᒫᓯᑰᓯᒧᑦ ᑎᑎᕋᕐᓯᒪᔪᓂᒃ ᑎᒍᓯᔪᓐᓇᕈᑎᒃᓴᓂᒃ ᐱᑎᑕᐅᔪᒪᓪᓗᓂ, ᓇᓂᓯᒍᓂ ᒪᓕᒃᑎᓂᒃ ᐊᑕᓂᐅᑉ ᐊᖅᑯᑎᖓᒎᕐᓂᕋᕐᑕᐅᔪᓂᒃ, ᑎᒍᓗᒋᑦ ᐊᖑᑎᑦ ᐊᕐᓁᓪᓗ ᔨᕉᓴᓕᒻᒧᑦ ᐅᑎᐅᑎᔪᒪᓪᓗᒋᑦ.

ᕉᒪᒥᐅᓄᑦ 12:11

ᐊᒃᓱᕈᕐᓗᓯ ᐱᓇᓱᐊᕆᑦᓯ ᐃᕿᐊᓱᒃᑍᓕᓗᓯ, ᐊᓂᕐᓂᒃᑯᑦ ᑲᑦᓱᖎᕐᓯᒪᑦᓯᐊᕐᓗᓯ, ᐊᑕᓂᖅ ᐱᔨᑦᓯᕐᓗᒍ.

ᑎᒧᑎᒧᑦ ᐂᑉᐸᖏᑦ 2:4

ᐅᓇᑕᕐᑐᒃᓴᖅ ᐅᓇᑕᕆᐊᕐᓯᒪᔪᖅ ᐅᓇᑕᕐᑐᒃᓴᐅᖏᑦᑐᑎᑐᑦ ᐃᓄᓯᖃᕋᓱᐊᕐᓂᐊᓐᖏᓚᖅ, ᐅᓇᑕᕐᑐᒃᓴᐅᓂᕐᒧᑦ ᐊᖓᔪᖅᑳᕆᔭᐅᔪᒧᑦ ᐊᑲᐅᒋᔭᐅᔪᒪᒐᒥ.

ᔧᒥᓯᐅᑉ ᐊᒡᓚᖏᑦ 5:16

ᑍᒤᒻᒪᑦ ᐊᔪᕐᓂᑦᓯᓐᓂᒃ ᖃᕿᐊᓕᖃᑦᑕᐅᑎᖃᑦᑕᕆᑦᓯ ᐃᓚᑦᓯᓐᓄᑦ, ᑐᒃᓯᐅᑎᖃᑦᑕᐅᑎᓗᓯᓗ, ᐋᖅᑭᒃᑕᐅᖁᓪᓗᓯ. ᐃᓗᐊᕐᑐᓕᔫᑉ ᑐᒃᓯᐊᕐᓂᖓ ᐊᖏᔪᒥᒃ ᐱᔪᓐᓇᕐᓂᖃᕐᒪᑦ ᐊᑑᑎᖃᕐᓗᓂᓗ.

ᐃᓗᐊᕐᓮᔩᑦ ᐊᒡᓚᖏᑦ 2:22

ᐊᑐᕐᓂᐊᕐᐸᒃᑲᓕ ᖃᐅᔨᓴᐅᑎᒋᓗᒋᑦ ᐃᓴᕆᐊᓕᒥᐅᓂᒃ, ᐃᓅᓯᖃᕈᒪᖕᒪᖔᑕ ᓯᕗᓕᕕᓂᕐᒥᒃᑎᑐᑦ ᐊᑕᓂᐅᑉ ᐊᑐᕐᑕᐅᖁᔭᖏᓐᓂᒃ ᑍᒤᑦᓱᒪᖏᒻᒪᖔᑕᓘᓐᓃᑦ.”

ᓴᒧᐃᓕ ᓯᕗᓪᓖᑦ 12:23

ᐅᕙᓐᓂᓪᓕ, ᐅᖓᓯᒡᓕ ᐊᔪᕐᑐᓕᔪᒃᓴᐅᓂᕋ ᐊᑕᓂᕐᒧᑦ ᑐᒃᓯᐅᑦᔨᖃᑦᑕᕈᓐᓃᕋᔭᕈᒪ ᐃᓕᑦᓯᓐᓂᒃ; ᐊᔪᕆᕐᑐᖃᑦᑕᕐᓂᐊᕐᐸᑦᓯ ᐱᐅᔪᒥᒃ ᓈᒻᒪᓈᕐᑐᒥᒡᓗ.