ᐋᐴᓯᑕᓖᑦ ᐱᓂᐊᕐᓂᖏᑦ 18:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᓯᓴᕆᐊᒧᑦ ᑎᑭᓐᓇᒥ, ᔨᕉᓴᓕᒻᒧᐊᕐᐳᖅ ᐅᒃᐱᕐᑑᖃᑎᖐᓂᒃ ᑲᑎᓯᓚᐅᕐᓗᓂ, ᐊᓐᑎᐅᑭᐊᒧᑦ ᐊᐅᓪᓚᓕᕆᕗᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 18:22 Iomraidhean Croise

ᐋᐴᓯᑕᓖᑦ ᐱᓂᐊᕐᓂᖏᑦ 10:1

ᓯᓴᕆᐊᒥ ᐊᖑᑎᑕᖃᓚᐅᕐᐳᖅ ᑰᓂᓕᐅᓯᒥᒃ ᐊᑎᓕᖕᒥᒃ, ᕉᒪᒥᐅᑦ ᐅᓇᑕᕐᑐᒃᓴᖁᑎᖏᓐᓄᑦ ᐊᖓᔪᖅᑳᕆᔭᐅᔪᒥᒃ, ᐊᖓᔪᖅᑲᐅᕕᒋᔭᖏᑦ ᑍᔭᐅᕗᑦ “ᐃᑕᓕᐊᒥᐅᑦ ᐅᓇᑕᕐᑐᒃᓴᖁᑎᖏᓐᓂᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 10:24

ᖃᐅᓕᖅᑭᒃᑎᓪᓗᒍ ᓯᓴᕆᐊᒧᑦ ᑎᑭᑉᐳᑦ. ᑰᓂᓕᐅᓯᐅᑉ ᓂᕆᐅᒋᓚᐅᕋᒥᒋᑦ ᐃᓚᓂ ᓇᖕᒥᓂᓂ ᐃᓚᓐᓇᕆᔭᓂᓗ ᑲᑎᖁᕔᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 11:11

ᑍᑦᓱᒪᓂᑦᓮᓐᓇᖅ ᐊᖑᑎᑦ ᐱᖓᓱᑦ ᑎᑭᓚᐅᕐᐳᑦ ᓇᔪᕐᑕᓐᓄᑦ, ᓯᓴᕆᐊᒥᑦ ᐅᕙᓐᓄᑦ ᑎᓕᔭᐅᔪᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 13:1

ᐃᓚᒌᒃᑐᓂ ᐊᓐᑎᐅᑭᐊᒥ ᓇᓚᐅᑦᑍᔪᓂᒃ ᐊᔪᕆᕐᑐᐃᔨᓂᒡᓗ ᐱᑕᖃᓚᐅᕐᐳᖅ, ᐸᕐᓇᐹᓯ, ᓯᒥᐅᓂ ᑍᔭᐅᔪᖅ ᕿᕐᓂᕐᑕᒥᒃ, ᓗᓯᐅᓯᓗ ᓮᕆᓂᒥᐅᖅ, ᒪᓁᓂᓗ ᐊᖓᔪᖅᑳᕐᔪᐊᕐᒥ ᐃᕉᑕᓯᒥ ᐱᕈᕐᓴᓚᐅᕐᑐᖅ, ᓴᐅᓗᓯᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 14:26

ᑕᕝᕙᓐᖓᑦ ᐅᒥᐊᒃᑯᑦ ᐊᓐᑎᐅᑭᐊᒧᑦ ᐅᑎᕆᕘᒃ, ᑍᑲᓂ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᑐᒃᓯᐅᑦᔭᐅᓪᓗᑎᒃ ᐱᒋᐊᕐᕕᒋᓚᐅᕐᑕᒥᖕᓄᑦ ᐃᓱᓕᑦᓯᕘᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 15:23

ᑖᒃᑯᑎᒎᓇᖅ ᑎᑎᖅᑲᓂᒃ ᓇᒃᓴᕐᑎᑦᓯᕗᑦ ᐃᒤᓕᔪᓂᒃ: “ᐅᒃᐱᕐᑑᖃᑎᑦᑎᓐᓄᑦ, ᐋᐴᓯᑕᓖᑦ ᐅᒃᐱᕐᑑᖃᑎᒌᓪᓗ ᓯᕗᓕᕐᑎᖏᑦ, ᑎᑎᕋᕐᐳᑦ ᐅᒃᐱᕐᑐᓄᑦ ᔫᑎᐅᖏᑦᑐᓄᑦ ᐊᓐᑎᐅᑭᐊᒦᑦᑐᓄᑦ ᓯᕆᐊᒦᑦᑐᓄᓪᓗ ᓯᓕᓯᐊᒦᑦᑐᓄᓪᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 15:30

ᑕᕝᕙ ᑎᓕᔭᐅᔪᑦ ᐊᐅᓪᓚᕐᐳᑦ ᐊᓐᑎᐅᑭᐊᒧᑦ, ᑍᑲᓂᓗ ᐅᒃᐱᕐᑑᖃᑎᒌᑦ ᑲᑎᖁᕔᑦ, ᑖᒃᑯᓂᖓ ᑎᑎᖅᑲᓂᒃ ᑐᓂᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 15:35

ᐸᐅᓗᓯ ᐸᕐᓇᐹᓯᓗ ᐊᓐᑎᐅᑭᐊᒦᓚᐅᕐᐴᒃ ᐊᑯᓂ, ᐅᓄᕐᑐᓂᒡᓗ ᐊᓯᒥᖕᓂᒃ ᐃᓚᖃᕐᓗᑎᒃ ᐃᓕᓮᕘᒃ ᐊᔪᕆᕐᑐᐃᑦᔪᑎᖃᕐᓗᑎᒡᓗ ᐊᑕᓂᐅᑉ ᐅᖃᐅᓯᖏᓐᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 15:4

ᔨᕉᓴᓕᒻᒧᑦ ᑎᑭᒻᒪᑎᒃ, ᐅᒃᐱᕐᑑᖃᑎᒌᓂᑦ ᑐᓐᖓᓱᒃᑎᑕᐅᕘᒃ ᐋᐴᓯᑕᓕᖕᓂᑦ ᐅᒃᐱᕐᑑᖃᑎᒌᓪᓗ ᓯᕗᓕᕐᑎᖏᓐᓂᑦ, ᑖᒃᑯᐊᒃ ᐅᓂᒃᑳᕐᐴᒃ ᒎᑎᐅᑉ ᐱᓇᓱᐊᕐᓂᖏᓐᓂᒃ ᑖᒃᑯᓄᖓ.

ᐋᐴᓯᑕᓖᑦ ᐱᓂᐊᕐᓂᖏᑦ 23:23

ᐅᓇᑕᕐᑐᒃᓮᑦ ᐊᖓᔪᖅᑳᖓᑦ ᐅᓇᑕᕐᑐᒃᓴᓄᑦ ᐊᖓᔪᖅᑳᖑᔪᖕᓂᒃ ᒪᕐᕉᖕᓂᒃ ᕾᖁᔨᕗᖅ ᐅᖃᐅᑎᓪᓗᒋᑦ, “ᐅᓇᑕᕐᑐᒃᓴᓂᒃ 200ᓂᒃ ᐸᕐᓇᒃᑎᑦᓯᓕᕆᑦᓯᒃ 70ᓂᒡᓗ ᕿᒧᒃᓯᐅᑎᓂ ᐃᑭᒪᓂᐊᕐᑐᓂᒃ, 200ᓂᒡᓗ ᐅᓇᑕᕐᑐᒃᓴᓂᒃ ᐱᓱᖕᓂᐊᕐᑐᓂᒃ, ᒫᓐᓇ ᐅᓐᓄᒃ 9ᒨᕐᐸᑦ ᓯᓴᕆᐊᒧᑦ ᐊᐅᓪᓚᕐᓂᐊᕐᑐᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 25:1

ᕕᓯᑕᓯ ᐅᓪᓗᓂᒃ ᐱᖓᓱᓂᒃ ᓄᓇᖁᑎᒥᓃᓕᕋᒥ, ᓯᓴᕆᐊᒥᑦ ᔨᕉᓴᓕᒻᒧᐊᕐᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 25:9

ᕕᓯᑕᓯ ᔫᑎᓄᑦ ᐊᑲᐅᒋᔭᐅᔪᒪᓪᓗᓂ, ᐸᐅᓗᓯ ᐊᐱᕆᕚ, “ᖃᓄᐃᒃᓴᕋᔭᓐᖏᓚᑏᑦ ᔨᕉᓴᓕᒻᒧᐊᕐᓗᑎᑦ, ᑕᒪᒃᑯᐊ ᑍᑲᓂ ᐃᓚᐅᑎᓪᓗᖓ ᐃᖅᑲᕐᑐᕐᑕᐅᑦᔪᑎᒋᒐᓗᐊᕈᕕᒋᑦ?”

ᐋᐴᓯᑕᓖᑦ ᐱᓂᐊᕐᓂᖏᑦ 8:40

ᐱᓕᑉᐴᓯᓗ ᓄᓇᒥ ᐋᓱᑑᓯᒦᓕᕆᕗᖅ; ᑭᖑᓂᖓᒍᓪᓗ ᓯᓴᕆᐊᒨᓕᕐᓗᓂ, ᑍᑯᓐᖓᐅᓪᓗᓂ ᐅᖃᐅᓰᑦ ᑐᓴᕈᒥᓇᕐᑐᑦ ᐊᔪᕆᕐᑐᐃᑦᔪᑎᒋᕔᑦ ᓄᓇᓕᓕᒫᓄᑦ ᐊᖅᑯᓵᕐᑕᒥᓄᑦ.