ᐋᐴᓯᑕᓖᑦ ᐱᓂᐊᕐᓂᖏᑦ 16:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᐅᓐᓄᐊᖅ ᕿᑎᕋᓕᕐᑎᓪᓗᒍ ᐸᐅᓗᓯᒃᑯᒃ ᓮᓚᓯᒃᑯᒃ ᑐᒃᓯᐊᕐᐴᒃ ᐃᓐᖏᕐᓗᑎᒡᓗ ᐱᓯᕐᓂᒃ ᒎᑎᒧᑦ, ᑎᒍᔭᐅᓯᒪᕕᖕᒦᖃᑎᖏᑕ ᑐᓴᕚᑦ,

ᐋᐴᓯᑕᓖᑦ ᐱᓂᐊᕐᓂᖏᑦ 16:25 Iomraidhean Croise

ᔫᐱᐅᑉ ᐊᒡᓚᖏᑦ 35:10

ᓇᓪᓕᐊᓐᓂᒡᓕ ᐅᖃᕐᑐᖃᓐᖏᓚᖅ, ‘ᓇᐅᒡᓕ ᒎᑎ ᐱᓐᖑᕐᑎᑎᒋᓚᐅᕐᑕᕋ, ᑖᕐᓯᐅᓕᕐᑎᓪᓗᑕ ᐃᓐᖏᕈᓯᕐᑖᕐᑎᑦᓯᕙᒃᑐᖅ.

ᐃᓐᖏᕈᑎᑦ 119:55

ᐊᑕᓃᖅ, ᐅᓐᓄᐊᒃᑯᑦ ᐃᖅᑲᐅᒪᖃᑦᑕᕐᐸᒋᑦ, ᐱᖁᔭᑎᓪᓗ ᓈᓚᒃᐸᒃᑲ.

ᐃᓐᖏᕈᑎᑦ 119:62

ᐅᓐᓄᐊᒃᑯᑦ ᑐᐸᒐᒪ ᓂᕐᑐᓕᕐᐸᒋᑦ, ᐊᑐᕐᑕᐅᖁᔭᑎᑦ ᓈᒻᒪᓈᕐᑐᑦ ᐱᓪᓗᒋᑦ.

ᐃᓐᖏᕈᑎᑦ 22:2

ᐆ ᒎᑎᒐ, ᐅᓪᓗᒃᑯᑦ ᓂᓪᓕᐊᕗᖓ, ᑐᓴᓚᐅᓐᖏᓚᕐᒪ; ᐅᓐᓄᐊᒃᑯᓪᓘᓐᓃᑦ, ᓂᐰᑦᑑᓐᖏᓚᖓ.

ᐃᓐᖏᕈᑎᑦ 34:1

ᐊᑕᓂᖅ ᖃᖓᓕᒫᖅ ᓂᕐᑐᕈᒪᕙᕋ; ᓂᕐᑐᐃᓂᕐᓗ ᑖᑦᓱᒥᖓ ᖃᓂᓐᓃᑦᓮᓐᓇᕐᓂᐊᕐᐳᖅ.

ᐃᓐᖏᕈᑎᑦ 42:8

ᐊᑕᓂᐅᑉ ᓇᒡᓕᖕᓂᓂ ᓱᖁᓯᔪᐃᑦᑐᖅ ᐅᓪᓘᑎᓪᓗᒍ ᑐᓂᓂᐊᕐᐹ; ᐅᓐᓄᐊᒥᓗ ᐃᓐᖏᕈᓯᖓ ᐃᓗᓐᓃᓐᓂᐊᕐᐳᖅ, ᑐᒃᓯᐊᕐᓂᐅᓗᓂ ᐃᓅᓯᕐᒪ ᒎᑎᖓᓄᑦ.

ᐃᓐᖏᕈᑎᑦ 50:15

ᓂᓪᓕᐊᕕᒋᓯᓐᖓ ᐅᓪᓗᒥᒃ ᐊᒃᓱᕈᕐᓇᕐᑐᖃᕐᑎᓪᓗᒍ; ᑕᕝᕙ ᓴᐳᑎᓂᐊᕐᐸᑦᓯ, ᓂᕐᑐᕐᓂᐊᕐᐸᑦᓯᓐᖓᓗ.”

ᐃᓐᖏᕈᑎᑦ 71:7

ᐅᓄᕐᑐᓄᑦ ᑲᒪᓂᐊᕈᑕᐅᕙᒃᐳᖓ, ᐃᕝᕕᓪᓕ ᓴᓐᖏᔫᓪᓗᑎᑦ ᕿᒫᕕᒃᓴᕆᕙᒋᑦ.

ᐃᓐᖏᕈᑎᑦ 77:2

ᐅᖁᒤᒃᓴᕐᓂᕐᒪ ᓇᓪᓕᐅᓐᓂᖓᓂ ᐊᑕᓂᖅ ᕿᓂᓚᐅᕐᐸᕋ; ᐊᒡᒐᒃᑲ ᐃᓵᖓᑎᓚᐅᕐᐸᒃᑲ ᐅᓐᓄᐊᒃᑯᑦ ᓄᖅᑲᓚᐅᕐᓇᖓ; ᑕᕐᓂᕋ ᓮᒻᒪᕐᓴᕐᑕᐅᔪᒪᓚᐅᓐᖏᓚᕐᓘᓐᓃᑦ.

ᐃᓐᖏᕈᑎᑦ 77:6

ᐃᓐᖏᐅᑎᒋᕙᓚᐅᕐᑕᒃᑲ ᐃᖅᑲᕐᐸᒃᑲ ᐅᓐᓄᐊᒥ; ᐃᓱᒪᒃᓴᕐᓯᐅᕈᑎᒋᓚᐅᕐᐸᒃᑲ, ᐊᓂᕐᓂᕋᓗ ᕿᓂᕐᓗᓂ.

ᐃᓐᖏᕈᑎᑦ 91:15

ᓂᓪᓕᐊᕕᒋᒃᐸᖓ, ᑕᕝᕙ ᑭᐅᓂᐊᕐᐸᕋ; ᐊᑲᐅᖏᑦᑐᒦᓕᕐᐸᑦ ᓇᔪᕐᓂᐊᕐᐸᕋ, ᓴᐳᑎᓗᒍ ᐅᐱᓐᓇᕐᓯᑎᓐᓂᐊᕐᐸᕋ.

ᐂᓮᐊᓯᐅᑉ ᐊᒡᓚᖏᑦ 30:29

ᐃᓕᑦᓯᓕ ᐃᓐᖏᕈᒫᕐᐳᓯ ᐅᓐᓄᒃᑯᑦ ᐃᑦᔪᕐᓁᑦᑐᒥᒃ ᓇᓪᓕᐅᓐᓂᕐᓯᐅᕐᓂᕐᒧᑦ ᓂᕆᕕᒡᔪᐊᕐᓂᐊᕐᑐᓃᑦᑐᑎᑐᑦ, ᖁᕕᐊᓱᖃᕐᑎᒋᒍᒫᕐᐳᓯ ᓱᐴᒐᕐᑎᓄᑦ ᐅᐸᒍᑎᓕᕐᑐᑎᑐᑦ ᐊᑕᓂᐅᑉ ᖃᖅᑲᖁᑎᖓᓄᑦ, ᐃᓴᕆᐊᓕᒥᐅᑦ ᕾᕐᑐᖓᓐᓄᑦ.

ᓴᑲᕅᐊᐅᑉ ᐊᒡᓚᖏᑦ 3:8

ᔮᓱᐊ ᓈᓚᑦᓯᐊᕆᑦ, ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖑᔪᑎᑦ; ᐃᓕᑦᓯᓗ ᑐᓂᕐᕈᓯᕐᑎᑦᓯᔨᐅᔪᓯ ᑖᑦᓱᒥᖓ ᐊᖓᔪᖅᑳᖃᕐᑐᓯ ᓈᓚᑦᓯᐊᕆᓯ, ᓯᕗᓂᒃᓴᒧᑦ ᑕᑯᔭᒃᓴᑦᓯᐊᕙᐅᔪᓯ: ᐱᔨᒐ ᓴᖅᑭᑎᑦᓱᒪᒐᒃᑯ ᑍᔭᐅᔪᖅ ᓇᐹᕐᑑᑉ ᐊᕙᓚᖓᔪᐊᓂᒃ.

ᓘᑲᓯᐅᑉ ᐊᒡᓚᖏᑦ 22:44

ᐅᖁᒤᒃᓴᓗᐊᓕᕋᒥ ᐊᒃᓱᕈᕐᓂᕐᓴᐅᓪᓗᓂ ᑐᒃᓯᐊᓕᕐᐳᖅ, ᐊᐅᒃᑲᕐᓂᖓᓕᕐᓗᓂ ᐊᐅᒃᑎᑐᑦ ᑯᑐᒃᑐᓂᒃ ᓄᓇᒧᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 15:22

ᐋᐴᓯᑕᓖᓪᓗ ᐅᒃᐱᕐᑐᓪᓗ ᓯᕗᓕᕐᑎᖏᑦ, ᐅᒃᐱᕐᑑᖃᑎᒌᓪᓗ ᐃᓚᒋᓪᓗᒋᑦ ᐊᑲᐅᒃᓴᕋᒥᒃ ᓂᕈᐊᕈᒪᓪᓗᑎᒃ ᐊᖑᑎᓂᒃ ᐃᓚᒥᖕᓂᑦ ᐊᓐᑎᐅᑭᐊᒧᑦ ᑎᓕᓂᐊᕐᑕᒥᖕᓂᒃ, ᐸᐅᓗᓯᐅᑉ ᐸᕐᓇᐹᓯᐅᓪᓗ ᐃᓚᒋᓂᐊᕐᑕᖏᓐᓂᒃ. ᔫᑕᓯ ᓂᕈᐊᕐᐹᑦ ᐹᕐᓴᐸᓯᒥᒃ ᐊᑎᓕᒃ, ᓮᓚᓯᓗ, ᑖᒃᑯᐊᒃ ᐅᒃᐱᕐᑐᓄᑦ ᐅᐱᒋᔭᐅᑦᓯᐊᕐᒪᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 16:19

ᑖᑦᓱᒥᖓ ᐊᕐᓇᒥᒃ ᐱᖃᕐᑐᑦ ᖃᐅᔨᒐᒥᒃ ᑮᓇᐅᔭᓕᐅᕈᑎᒃᓴᖃᕈᓐᓃᕐᓂᕐᒥᖕᓂᒃ, ᐸᐅᓗᓯ ᓮᓚᓯᓗ ᑎᒍᕚᒃ ᐅᓂᐊᕐᓗᒋᒃ ᑲᑎᕕᐅᕙᒃᑐᒧᑦ ᐊᖓᔪᖅᑳᓄᓪᓗ;

ᐋᐴᓯᑕᓖᑦ ᐱᓂᐊᕐᓂᖏᑦ 16:33

ᐃᑲᕐᕋᒥ ᑕᕝᕙᓂ ᑎᒍᔭᐅᓯᒪᕕᐅᑉ ᑲᒪᔨᖓᑕ ᐸᐅᓗᓯᒃᑯᒃ ᑭᓪᓕᖏᑦ ᓴᓗᒻᒪᕐᓴᕐᐰᑦ, ᐹᑉᑎᑕᐅᓪᓗᓂᓗ ᐃᒡᓗᒥᐅᖃᑎᓕᒫᓂ ᐃᓚᒋᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 5:41

ᐋᐴᓯᑕᓖᑦ ᑲᑎᒪᔨᕐᔪᐊᓂᑦ ᐊᓂᒐᒥᒃ ᖁᕕᐊᓱᒻᒪᕆᒃᐳᑦ ᖃᐅᔨᒐᒥᒃ ᐋᓐᓂᐊᑎᑕᐅᔪᓐᓇᕐᓂᑎᒃ ᓈᒻᒪᒋᔭᐅᖕᒪᑦ ᒎᑎᒧᑦ, ᔩᓱᓯ ᐱᑦᔪᑎᒋᓪᓗᒍ.

ᕉᒪᒥᐅᓄᑦ 12:12

ᓂᕆᐅᖕᓂᑦᓯᓄᑦ ᖁᕕᐊᓱᒃᑎᑕᐅᒋᑦᓯ, ᐊᒃᓱᕈᑎᑕᐅᓂᕐᒥᒃ ᕿᓄᐃᓵᕆᑦᓯ, ᑐᒃᓯᐊᑦᓮᓐᓇᕐᓗᓯ.

ᕉᒪᒥᐅᓄᑦ 5:3

ᑕᒪᑐᒥᖓᑐᐊᖑᖏᑦᑐᖅ, ᐊᒃᓱᕈᕐᑎᑕᐅᓂᑦᑎᓐᓂᒡᓕ ᖁᕕᐊᓲᑎᖃᕐᐳᒍᑦ, ᖃᐅᔨᒪᒐᑦᑕ ᐊᒃᓱᕈᕐᑎᑕᐅᓂᖅ ᕿᓄᐃᓵᕐᓂᕐᒥᒃ ᐱᑎᑦᓯᖕᒪᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:10

ᕿᒃᓵᒃᑎᑕᐅᕙᒃᐳᒍᑦ, ᖁᕕᐊᓱᑦᓮᓐᓇᕐᐳᒍᓪᓕ; ᐊᔪᕐᓴᕋᓗᐊᕐᐳᒍᑦ, ᐊᓯᕗᓪᓕ ᐊᒥᓱᑦ ᐊᔪᕐᓴᕈᓐᓃᑎᑉᐸᕗᑦ; ᐱᖃᖏᑦᑑᔮᕐᐳᒍᑦ, ᑕᒤᓐᓂᒡᓕ ᐱᖃᕋᓗᐊᕐᐳᒍᑦ.

ᐃᐱᓯᒥᐅᓄᑦ 5:19

ᑍᕕᑎᐅᑉ ᐃᓐᖏᕈᑎᖏᓐᓂᒃ ᐱᓯᕐᓂᒡᓗ ᐊᓂᕐᓂᒃᑯᓪᓗ ᐃᓐᖏᕐᓂᕐᓂᒃ ᐅᖃᖃᑎᒌᖃᑦᑕᕆᑦᓯ, ᐃᓐᖏᕐᓗᓯ ᓂᑦᔭᐅᓯᔭᕆᑦᓯ ᐊᑕᓂᕐᒧᑦ ᐆᒻᒪᑎᑦᓯᒍᑦ ᓂᕐᑐᐃᓗᓯ.

ᐱᓕᐱᒥᐅᓄᑦ 2:17

ᐊᐅᒐᓕ ᑯᕕᓂᐊᕐᐸᓪᓘᓐᓃᑦ ᑐᓂᕐᕈᓯᕐᕕᖕᒥ ᑐᓂᕐᕈᑕᐅᔪᑎᑐᑦ ᐅᒃᐱᕐᓂᑦᓯᓐᓄᑦ, ᖁᕕᐊᓱᒃᑲᔭᕐᐳᖓ ᐃᓘᓐᓇᓯᓗ ᖁᕕᐊᓱᖃᑎᒋᓗᓯ.

ᑯᓘᓯᐊᒥᐅᓄᑦ 1:24

ᒫᓐᓇ ᖁᕕᐊᓲᑎᒋᕙᕋ ᐅᖁᒤᒃᓴᕐᓇᕐᑐᑰᕐᑎᑕᐅᓂᒃᑲ ᐃᓕᑦᓯ ᐱᑦᔪᑎᒋᓪᓗᓯ, ᑎᒥᒃᑯᑦ ᐋᓐᓂᐊᓇᑐᑰᑎᑕᐅᓂᒃᑲ ᐱᔭᕇᓯᖃᑕᐅᑦᔪᑎᒋᒐᒃᑭᑦ ᙭ᔅᑑᓯᐅᑉ ᑎᒥᖁᑎᒥᓂ ᐋᓐᓂᐊᕈᑎᒋᒐᔭᕐᑕᖏᓐᓂ, ᐅᒃᐱᕐᑑᖃᑎᒌᑦ ᐱᓪᓗᒋᑦ.

ᐄᑉᕈᐃᓄᑦ 5:7

ᔩᓱᓯ ᑎᒥᒥ ᐃᓅᑎᓪᓗᒍ, ᑐᒃᓯᐊᖃᑦᑕᓚᐅᕐᐳᖅ ᕿᓄᕐᓗᓂᓗ ᒎᑎᒧᑦ, ᓂᐱᖅᑯᕐᑐᓪᓗᓂ ᖁᕝᕕᐅᕐᓗᓂᓗ, ᑐᖁᓂᕐᒥᑦ ᓴᐳᑎᔭᐅᔪᒪᓪᓗᓂ. ᓈᓚᑦᓯᐊᕐᓂᖓᓄᓪᓗ ᒎᑎᐅᑉ ᑐᓴᓚᐅᕐᐹ.

ᔧᒥᓯᐅᑉ ᐊᒡᓚᖏᑦ 1:2

ᐅᒃᐱᕐᑑᖃᑎᒃᑲ ᖁᕕᐊᓱᒪᕆᒋᑦᓯ, ᓱᓇᑐᐃᓐᓇᕐᓄᑦ ᐊᑦᔨᒌᖏᑦᑐᓄᑦ ᐆᖁᒤᑐᒦᑎᑕᐅᓕᕈᑦᓯ,

ᔧᒥᓯᐅᑉ ᐊᒡᓚᖏᑦ 5:13

ᐃᓚᓯ ᐃᓗᐊᖏᑦᔪᑎᖃᕐᐹ? ᑖᓐᓇ ᑐᒃᓯᐊᕐᓕ. ᐃᓚᓯ ᖁᕕᐊᓱᒃᐹ? ᑖᓐᓇ ᐃᓐᖏᕐᓕ ᓂᕐᑐᐃᓗᓂ.

ᐲᑦᑐᕉᓯ ᓯᕗᓪᓖᑦ 4:14

ᐅᖃᕐᓂᕐᓗᒃᕕᐅᒍᑦᓯ ᙭ᔅᑑᓯᐅᑉ ᐊᑎᖓ ᐱᓪᓗᒍ, ᑕᑉᕙ ᓮᒻᒪᕐᑎᑕᐅᑦᔪᑎᒃᓴᖃᕐᐳᓯ ᒎᑎᐅᑉ ᐊᓂᕐᓂᖓ ᐱᓐᓇᕐᓇᕐᑐᕐᔪᐊᖅ ᐃᓂᖃᕐᒪᑦ ᐃᓕᑦᓯᓐᓂ.