ᐋᐴᓯᑕᓖᑦ ᐱᓂᐊᕐᓂᖏᑦ 16:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᐅᓄᕐᑐᐃᕐᓱᕐᓗᑎᒃ ᑏᒐᕐᑐᕐᑕᐅᖅᑳᕐᓗᑎᒃ ᑎᒍᔭᐅᓯᒪᕕᖕᒧᑦ ᐃᑎᕐᑎᑕᐅᕘᒃ, ᑎᒍᔭᐅᓯᒪᕕᐅᑉ ᑲᒪᔨᖓᓄᑦ ᑲᒪᒋᑦᓯᐊᕐᓗᒋᒃ ᐱᓯᒪᔭᐅᖁᕚᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 16:23 Iomraidhean Croise

ᒫᑎᐅᓯᐅᑉ ᐊᒡᓚᖏᑦ 26:48

ᐱᔭᐅᑎᑦᓯᔫᖅ ᐃᓄᒐᓴᒡᔪᐊᑦ ᖃᐅᔨᑦᔪᑎᒃᓴᖏᓐᓂᒃ ᐅᖃᐅᑎᓯᒪᕔᑦ, “ᐊᖑᑦ ᑯᓂᒃᑕᕋ, ᑖᓐᓇᐅᓂᐊᕐᐳᖅ ᐱᔪᒪᔭᓯ; ᑖᓐᓇ ᑎᒍᓂᐊᕐᐸᓯ!”

ᓘᑲᓯᐅᑉ ᐊᒡᓚᖏᑦ 21:12

ᑕᒪᒃᑯᐊ ᐱᓚᐅᖅᑳᕐᑎᓐᓇᒋᑦ ᑎᒍᔭᐅᔪᒫᕐᐳᓯ, ᐊᑭᕋᕐᑐᕐᑕᐅᓗᓯ, ᐋᑕᐅᔪᒫᕐᐳᓯ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓄᑦ ᑎᒍᔭᐅᓯᒪᕕᖕᒧᐊᕐᑕᐅᔪᒫᕐᐳᓯᓗ, ᐊᖓᔪᖅᑳᕐᔪᐊᓄᑦ ᐊᐅᓚᑦᓯᔨᓄᓪᓗ ᐱᑎᑕᐅᔪᒫᕐᐳᓯ ᐅᕙᖓ ᐱᑦᔪᑎᒋᓗᖓ.

ᐋᐴᓯᑕᓖᑦ ᐱᓂᐊᕐᓂᖏᑦ 12:18

ᖃᐅᑎᓪᓗᒍ ᐅᓇᑕᕐᑐᒃᓮᑦ ᐊᖏᔪᒥᒃ ᐅᐃᒪᔮᓕᕐᐳᑦ, ᐲᑦᑐᕉᓯ ᖃᓄᐃᓕᓐᓂᕐᒪᖔᑦ ᖃᐅᔨᓇᓱᒃᓗᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 12:4

ᑎᒍᒐᒥᐅᒃ, ᑎᒍᔭᐅᓯᒪᕕᖕᒧᐊᕐᑎᑉᐹ, ᑲᒪᒋᔭᐅᑎᓪᓗᒍ ᐅᓇᑕᕐᑐᒃᓴᓄ ᓯᑕᒤᓄᑦ ᐊᕕᒃᑐᕐᓯᒪᔪᓄᑦ ᐊᑐᓂᑦ ᓯᑕᒪᐅᓪᓗᑎᒃ, ᐃᓄᐃᑦ ᓵᖏᓐᓂ ᐃᖅᑲᕐᑐᕐᑕᐅᑎᑦᓱᒪᓪᓗᓂᐅᒃ ᖄᖏᕐᑕᐅᕕᒃ ᐊᓂᒍᕐᐸᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 16:27

ᑎᒍᔭᐅᓯᒪᕕᐅᑉ ᑲᒪᔨᖓ ᐃᖅᑯᒻᒪᕋᒥ ᑎᒍᔭᐅᓯᒪᕕᐅᑉ ᒪᑐᖏᑦ ᒪᑐᐃᓐᖔᕐᑐᑦ ᑕᑯᒐᒥᒋᑦ, ᓴᕕᒡᔪᐊᓂ ᐊᒧᕚ, ᐃᒻᒥᓂᒃ ᑐᖁᓐᓇᓱᐊᓕᕐᓗᓂ, ᑎᒍᔭᐅᓯᒪᔪᑦ ᐊᓂᓇᓱᒋᒐᒥᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 16:36

ᑎᒍᔭᐅᓯᒪᕕᐅᑉ ᑲᒪᔨᖓᑕ ᐸᐅᓗᓯ ᐅᖃᐅᑎᕚ, “ᕉᒪᒥᐅᑦ ᐊᐅᓚᑦᓯᔨᖏᑦ ᑎᓕᓯᖕᒪᑕ ᐊᓂᑎᑕᐅᖁᓪᓗᓯᒃ; ᑍᒤᒻᒪᑦ ᐊᓂᓕᕆᑦᑎᒃ ᖁᕕᐊᓱᒡᓗᓯᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 5:18

ᐋᐴᓯᑕᓕᖕᓂᒃ ᑎᒍᔭᐅᑎᑦᓯᕗᑦ ᑎᒍᔭᐅᓯᒪᕕᖕᒧᐊᕐᐰᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 5:23

ᐅᖃᕐᓗᑎᒃ, “ᑎᒍᔭᐅᓯᒪᕕᖕᒧᑦ ᐃᑎᕋᑦᑕ, ᐅᒃᑯᐊᖏᑦ ᐊᑦᓱᖏᕐᓯᒪᖅᑲᐅᕗᑦ, ᖃᐅᔨᓴᕐᑏᓪᓗ ᐅᒃᑯᐊᑦ ᓴᓂᐊᓂ ᓇᖏᕐᓗᑎᒃ, ᒪᑐᐃᕋᑦᑎᒍ ᐃᓗᐊᓂ ᐃᓄᒃᑕᖃᓐᖏᓚᖅ.”

ᐋᐴᓯᑕᓖᑦ ᐱᓂᐊᕐᓂᖏᑦ 8:3

ᓴᐅᓗᓯᐅᑉ ᐅᒃᐱᕐᑑᖃᑎᒌᑦ ᓄᖑᓐᓇᓱᐊᓕᕐᐰᑦ, ᐃᒡᓗᓄᑦ ᐃᑎᖃᑦᑕᕐᓗᓂ ᐅᒃᐱᕐᑐᑦ ᐊᖑᑎᑦ ᐊᕐᓁᓪᓗ ᑎᒍᓪᓗᒋᑦ ᑎᒍᔭᐅᓯᒪᕕᖕᒧᐊᕐᑎᑉᐰᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 9:2

ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓄᐊᕐᑐᓂᒃ ᑕᒫᓯᑰᓯᒧᑦ ᑎᑎᕋᕐᓯᒪᔪᓂᒃ ᑎᒍᓯᔪᓐᓇᕈᑎᒃᓴᓂᒃ ᐱᑎᑕᐅᔪᒪᓪᓗᓂ, ᓇᓂᓯᒍᓂ ᒪᓕᒃᑎᓂᒃ ᐊᑕᓂᐅᑉ ᐊᖅᑯᑎᖓᒎᕐᓂᕋᕐᑕᐅᔪᓂᒃ, ᑎᒍᓗᒋᑦ ᐊᖑᑎᑦ ᐊᕐᓁᓪᓗ ᔨᕉᓴᓕᒻᒧᑦ ᐅᑎᐅᑎᔪᒪᓪᓗᒋᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:23

᙭ᔅᑑᓯᐅᑉ ᐱᔨᒋᕔᑦ? ᐃᓱᒤᕈᑎᓯᒪᔪᑎᑐᑦ ᐅᖃᕋᓗᐊᕐᐳᖓ ᐅᕙᖓᓕ ᐊᖏᓂᕐᓴᒥᒃ ᐱᔨᑦᓯᕐᓯᒪᕗᖓ ᙭ᔅᑑᓯᒥᒃ, ᐱᓇᓱᐊᕐᓂᕐᒥᒃ ᐊᒃᓱᕈᕐᓂᕐᓴᐅᓯᒪᕗᖓ, ᐅᓄᕐᑐᐃᕐᓱᕐᓂᕐᓴᐅᕗᖓ ᑎᒍᔭᐅᓯᒪᕕᖕᒦᓪᓗᖓ, ᐅᓄᕐᓂᕐᓴᓂᒡᓗ ᑏᒐᕐᑐᕐᑕᐅᖃᑦᑕᕐᓯᒪᕗᖓ, ᐅᓄᕐᑐᐃᕐᓱᕐᓗᖓᓗ ᑐᖁᒦᖃᑦᑕᕐᓯᒪᕗᖓ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:5

ᐋᓐᓂᕐᓯᕐᑕᐅᓕᕌᖓᑦᑕ, ᑎᒍᔭᐅᓯᒪᕕᖕᒦᓕᕌᖓᑦᑕ, ᒥᑕᐅᑎᒋᔭᐅᓕᕌᖓᑦᑕ; ᐊᒃᓱᕈᕐᑎᑕᐅᓪᓗᑕ ᐱᓇᓱᐊᕐᑎᑕᐅᓗᐊᓕᕌᖓᑦᑕ, ᓯᓂᓱᐃᑦᑑᓕᕌᖓᑦᑕ, ᓂᕿᒃᓴᖃᕈᓐᓃᕌᖓᑦᑕᓗ;

ᐃᐱᓯᒥᐅᓄᑦ 3:1

ᑕᒪᓐᓇ ᐱᓪᓗᒍ, ᐅᕙᖓ ᐸᐅᓗᓯ, ᙭ᔅᑑᓯ ᔩᓱᓯᐅᑉ ᑎᒍᔭᐅᓯᒪᕕᖕᒦᑎᑕᖓ ᐃᓕᑦᓯ ᔫᑎᐅᖏᑦᑐᓯ ᐱᑦᔪᑎᒋᓪᓗᓯ,

ᐃᐱᓯᒥᐅᓄᑦ 4:1

ᑍᒤᒻᒪᑦ, ᐃᓇᑉᐸᑦᓯ ᐅᕙᖓ ᑎᒍᔭᐅᓯᒪᕕᖕᒦᑦᑐᖓ ᐊᑕᓂᖅ ᐱᑦᔪᑎᒋᓪᓗᒍ, ᒎᑎᒧᑦ ᕾᖁᔭᐅᓯᒪᓂᓯ ᐊᑐᑦᓯᐊᕐᓗᒍ ᐃᓅᖁᓪᓗᓯ ᑕᒪᑐᒧᖓ ᕾᖁᔭᐅᓯᒪᒐᑦᓯ.

ᑎᒧᑎᒧᑦ ᐂᑉᐸᖏᑦ 2:9

ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐊᔪᕆᕐᑐᐃᕙᖕᓂᓐᓄᑦ ᐊᒃᓱᕈᕐᓇᕐᑐᒦᑉᐳᖓ ᐊᕐᓵᕐᑑᔭᓄᓪᓗ ᕿᓚᒃᓱᕐᑕᐅᓯᒪᓪᓗᖓ ᐱᕋᔭᒃᑎᑐᑦ. ᒎᑎᐅᓪᓕ ᐅᖃᐅᓯᖓ ᕿᓚᒃᓱᕐᑕᐅᓯᒪᓐᖏᓚᖅ.

ᐰᓕᒨᓂᒧᑦ 1:9

ᓇᒡᓕᒋᒐᒃᑭᓪᓕ ᕿᓄᕕᒋᑐᐃᓐᓇᓕᕐᐸᒋᑦ, ᐅᕙᖓ ᐸᐅᓗᓯ, ᒫᓐᓇ ᑎᒍᔭᐅᓯᒪᕕᖕᒦᑦᑐᖓ ᔩᓱᓯ ᙭ᔅᑑᓯ ᐱᑦᔪᑎᒋᓪᓗᒍ.

ᔮᓱᐊᑉ ᐊᒡᓚᖏᑦ 4:17

ᑍᒤᒻᒪᑦ ᔮᓱᐊᑉ ᑐᓂᕐᕈᓯᕐᑎᑦᓯᔩᑦ ᐅᖃᐅᑎᕔᑦ ᐅᖃᕐᓗᓂ, “ᔪᐊᕐᑕᓂᐅᑉ ᑰᖓᓂᑦ ᒪᔪᓕᕆᑦᓯ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:9

ᔪᐊᓇᓯᐅᕗᖓ, ᐅᒃᐱᑑᖃᑎᓯ, ᔩᓱᓯᒥᒃ ᒪᓕᒃᑎᐅᓂᓐᓄᑦ ᐃᓕᑦᓯᓐᓄᑦ ᐋᓐᓂᐊᓇᕐᑐᑎᒎᖃᑕᐅᕗᖓ ᕿᓄᐃᓵᖃᑕᐅᓪᓗᖓᓗ ᑎᑭᐅᑎᕙᒃᑐᑎᒍᑦ ᑖᑦᓱᒪ ᐊᑕᓂᐅᕕᖓᓂ ᐃᓅᔪᓄᑦ, ᕿᑭᕐᑕᒧᑦ ᐹᑦᒨᓯᒥᒃ ᐊᑎᓕᖕᒧᐊᕐᑕᐅᓚᐅᕐᐳᖓ ᒎᑎᐅᑉ ᐅᖃᐅᓯᖓᓂᒃ ᐱᑦᔪᑎᖃᕐᓗᑎᒃ ᔩᓱᓯᒥᒡᓗ ᓇᓗᓁᕐᓯᖃᑦᑕᕐᓂᓐᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:10

ᐊᒃᓱᕈᕐᓇᕐᑐᔪᐊᑰᓂᕆᓂᐊᕐᑕᓯ ᓯᕘᕋᒋᑦᑍᓕᓯᐅᒃ. ᑕᑯᒋᑦ, ᓵᑖᓇᓯᐅᑉ ᐆᒃᑐᕐᑕᐅᖁᓪᓗᓯ ᐃᓚᑦᓯ ᐃᓚᖏᓐᓂᒃ ᑎᒍᔭᐅᓯᒪᕕᖕᒧᐊᕐᑕᐅᑎᑦᓯᓂᐊᕐᐳᖅ, ᐊᒃᓱᕈᕐᓇᕐᑐᒃᑰᕐᓂᕆᓂᐊᕐᑕᓯᓗ ᐅᓪᓗᓂᒃ ᖁᓕᓂᒃ ᓯᕕᑐᓂᖃᕐᓂᐊᕐᐳᖅ. ᓱᖁᓯᕐᑍᓕᒋᑦᓯᓕ ᑐᖁ ᑎᑭᓪᓗᒍ, ᑕᕝᕙ ᑐᓂᓯᕕᒋᔪᒫᕐᐸᑦᓯ ᓂᐊᖂᑎᒥᒃ ᐃᓅᓯᖃᕐᓇᕐᑐᒥᒃ.