ᐋᐴᓯᑕᓖᑦ ᐱᓂᐊᕐᓂᖏᑦ 16:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐸᐅᓗᓯ ᑐᕐᐱᒧᑦ ᑎᑭᑉᐳᖅ, ᓕᔅᑐᕋᒧᐊᕆᓪᓗᓂᓗ, ᐃᓕᓐᓂᐊᕐᑎᑕᖃᕐᐳᖅ ᑕᕝᕙᓂ, ᑎᒧᑎᒥᒃ ᐊᑎᓕᖕᒥᒃ, ᐊᕐᓇᐅᑉ ᐅᒃᐱᕐᑑᓪᓗᓂ ᔫᑎᐅᔫᑉ ᐃᕐᓂᖓ, ᐊᑖᑕᖓᓕ ᒍᕇᑭᐅᕗᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 16:1 Iomraidhean Croise

ᐄᓱᕋᐅᑉ ᐊᒡᓚᖏᑦ 9:2

ᐊᖑᑏᑦ ᔫᑎᑦ ᓄᓕᐊᓂᒃᓯᒪᖕᒪᑕ ᐃᓅᖃᑎᒃᓴᔭᕆᓐᖏᑕᒥᖕᓂᒃ ᐊᕐᓇᓂᒃ, ᒎᑎᐅᓪᓗ ᐃᓄᖁᑎᖏᑦ ᐃᑦᔪᕐᓁᑦᑐᑦ ᓱᕈᕐᑕᐅᓯᒪᖕᒪᑕ, ᓯᕗᓕᕐᑏᑦ ᐱᓇᓱᐊᕐᑏᓪᓗ ᐊᖓᔪᖅᑳᖏᑦ ᓱᕅᓂᕐᐸᐅᓯᒪᕗᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 14:1

ᐂᑯᓂᐊᒥ ᑍᒫᒃ ᓱᓕ ᐸᐅᓗᓯᒃᑯᒃ ᐸᓇᐹᓯᒃᑯᒃ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓐᓄᐊᕐᐴᒃ, ᐅᖃᓪᓚᖕᒪᑎᒃ ᐃᓄᒋᐊᒃᑐᐊᓗᐃᑦ ᐅᒃᐱᓕᕐᐳᑦ ᔫᑎᓪᓗ ᒍᕇᑭᓪᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 14:21

ᑖᒃᑯᓄᖓᓕ ᐊᔪᕆᕐᑐᐃᓂᕐᒥᒍᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᑑᕆᐱᒥ ᐊᒥᓱᓂᒃ ᒪᓕᒃᑎᖃᓕᕐᓗᑎᒃ ᓕᔅᑐᕋᒧᑦ ᐅᑎᕐᐴᒃ, ᐂᑯᓂᐊᒧᐊᕐᓗᑎᒃ, ᐊᒻᒪ ᐊᓐᑎᐅᑭᐊᒧᑦ ᐱᓯᑎᐊᒦᑦᑐᒧᑦ ᐅᑎᕆᕘᒃ,

ᐋᐴᓯᑕᓖᑦ ᐱᓂᐊᕐᓂᖏᑦ 14:6

ᑖᒃᑯᐊᓕ ᑕᒪᑐᒥᖓ ᖃᐅᔨᒐᒥᒃ ᕿᒫᕗᑦ ᓄᓇᓕᖕᓄᑦ ᓕᔅᑐᕋᒧᑦ ᑐᕐᐱᒧᓪᓗ ᓔᑲᐅᓂᐊᒦᑦᑐᒧᑦ, ᓄᓇᓕᖕᓄᓪᓗ ᖃᓂᒋᔭᖏᓐᓃᑦᑐᓄᑦ;

ᐋᐴᓯᑕᓖᑦ ᐱᓂᐊᕐᓂᖏᑦ 17:14

ᐅᒃᐱᕐᑑᖃᑎᒌᑦ ᐸᐅᓗᓯ ᐊᐅᓪᓚᕐᑎᑉᐹᑦ ᐃᒪᐅᑉ ᖃᓂᒋᔮᓄᑦ, ᓮᓚᓯᓕ ᑎᒧᑎᓗ ᐱᕆᐊᒥᑦ ᓅᓐᖏᓚᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 18:5

ᓮᓚᓯᒃᑯᒃ ᑎᒧᑎᒃᑯᒃ ᒫᓯᑑᓂᐊᒥᑦ ᑎᑭᒻᒪᑎᒃ, ᐸᐅᓗᓯ ᐊᔪᕆᕐᑐᐃᖏᓐᓇᕐᓂᕐᓴᐅᓕᕐᐳᖅ ᑎᓕᔭᐅᑦᔪᑎᒥᓂᒃ, ᓇᓗᓁᔧᓪᓗᓂ ᔫᑎᓄᑦ ᔩᓱᓯᐅᑉ ᙭ᔅᑑᓯᐅᓂᖓᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 19:22

ᑍᒤᒻᒪᑦ ᑎᓕᓯᕗᖅ ᐃᑲᔪᕐᑎᒥᓂᒃ ᒪᕐᕉᖕᓂᒃ, ᑎᒧᑎᒥᒃ ᐃᕌᔅᑕᓯᒥᒡᓗ ᒫᓯᑑᓂᐊᒧᑦ, ᓇᖕᒥᓂᕐᓕ ᐂᓯᐊᒦᒃᑲᓐᓂᕐᐳᖅ.

ᕉᒪᒥᐅᓄᑦ 16:21

ᑎᒧᑎᐅᑉ, ᐱᓇᓱᐊᖃᑎᒪ ᑕᕝᕙᐅᕗᑏᕐᐹᓯ; ᓗᓯᐅᓯᐅᓪᓗ, ᔧᓴᐅᓪᓗ ᓱᓯᐹᑕᕆᐅᓪᓗ, ᑎᒥᒃᑯᑦ ᐃᓚᒋᔭᒪ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 16:10

ᑎᒧᑎ ᑎᑭᑉᐸᑦ, ᑐᓐᖓᓱᒃᑎᑦᓯᐊᕐᓯᐅᒃ ᐃᓕᑦᓯᓐᓃᓐᓂᖓᓂ, ᐊᑕᓂᐅᑉ ᐱᓇᓱᐊᖁᔭᖓᓂᒃ ᐱᓇᓱᐊᕐᒪᑦ, ᐅᕙᑦᑐᑦᑕᐅᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:17

ᑍᒤᒻᒪᑦ ᑎᒧᑎ ᐃᓕᑦᓯᓐᓄᑦ ᑎᓕᕙᕋ, ᐃᕐᓂᕋ ᓇᒡᓕᒋᔭᕋ ᐊᑕᓂᕐᒥ ᓱᕐᕋᔪᐃᑦᑑᖕᒪᑦ, ᑖᑦᓱᒪ ᐃᖅᑬᑎᓐᓂᐊᕐᒪᓯ ᐃᓅᓯᕆᔭᓐᓂᒃ ᙭ᔅᑑᓯᒥ, ᑍᒫᒡᓗ ᐊᔪᕆᕐᑐᐃᕙᒃᑲᒪ ᓇᓂᑐᐃᓐᓇᖅ ᐅᒃᐱᕐᑑᖃᑎᒌᓕᒫᓂ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 7:14

ᐅᒃᐱᖏᑦᑐᖅ ᐊᖑᑦ ᓄᓕᐊᒥᓂᒃ ᑲᑎᒪᒃᓯᓂᕐᒥᒍᑦ ᐃᑦᔪᕐᓁᑎᑕᐅᓕᕐᒪᑦ, ᐅᒃᐱᖏᑦᑐᕐᓗ ᐊᕐᓇᖅ ᐅᐃᒥᓂᒃ ᑲᑎᒪᒃᓯᓂᕐᒥᒍᑦ ᐃᑦᔪᕐᓁᑎᑕᐅᒋᕗᖅ. ᑍᒤᖏᑉᐸᑦ ᕿᑐᕐᖓᓯ ᓇᕐᕈᓇᕐᑑᓂᕋᕐᑕᐅᒐᔭᕐᐳᑦ, ᒫᓐᓇᓕ ᐃᑦᔪᕐᓁᑉᐳᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:1

ᐸᐅᓗᓯᒥᑦ, ᙭ᔅᑑᓯ ᔩᓱᓯᐅᑉ ᐋᐴᓯᑕᓕᖓᓂᑦ ᒎᑎᐅᑉ ᐱᖁᔨᓂᖓᒍᑦ, ᐅᒃᐱᕐᑑᖃᑎᑦᑎᓐᓂᓪᓗ ᑎᒧᑎᒥᑦ. ᒎᑎᐅᑉ ᐃᓚᒌᒃᑐᖁᑎᖏᓐᓄᑦ ᐅᒃᐱᕐᑐᓄᑦ ᑯᕆᓐᑎᒦᑦᑐᓄᑦ, ᒎᑎᐅᓪᓗ ᐃᓄᖁᑎᖏᓐᓄᑦ ᐊᑬᐊᒦᑦᑐᓄᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:19

ᒎᑎᐅᑉ ᐃᕐᓂᖓ, ᔩᓱᓯ ᙭ᔅᑑᓯ, ᓮᓚᓯᐅᓪᓗ ᑎᒧᑎᐅᓪᓗ ᐅᕙᖓᓗ ᐃᓕᑦᓯᓐᓄᑦ ᐊᔪᕆᕐᑐᐃᑦᔪᑎᒋᔭᕗᑦ, ᐊᑕᐅᑦᓯᒃᑯᑦ ᐊᖏᕐᓂᐅᓗᓂᓗ ᐊᖏᖏᓐᓂᐅᓗᓂᓗ ᐱᓐᖏᓚᖅ, ᑖᑦᓱᒪᓂᓕ ᑍᒪᓐᖓᑦ ᐊᖏᕐᓂᐅᕗᖅ.

ᐱᓕᐱᒥᐅᓄᑦ 1:1

ᐸᐅᓗᓯᒥᑦ ᑎᒧᑎᒥᓪᓗ, ᔩᓱᓯ ᙭ᔅᑑᓯᐅᑉ ᐱᔨᖏᖕᓂᑦ, ᐃᑦᔪᕐᓁᑎᑕᐅᓯᒪᔪᓕᒫᓄᑦ ᐱᓕᐰᒦᑦᑐᓄᑦ ᔩᓱᓯ ᙭ᔅᑑᓯᒥ ᐃᓚᒌᖕᓂᖃᕐᑐᓄᑦ, ᐅᒃᐱᕐᑑᖃᑎᒌᓄᑦ ᓯᕗᓕᕐᑎᐅᔪᓄᑦ ᐃᑲᔪᕐᑎᓄᓪᓗ:

ᐱᓕᐱᒥᐅᓄᑦ 2:19

ᐊᑕᓂᖅ ᔩᓱᓯ ᐱᖁᔨᒃᐸᑦ ᑎᒧᑎ ᒫᓐᓇᐸᓗᒃᑯᑦ ᐃᓕᑦᓯᓐᓄᑦ ᑎᓕᔪᒪᒐᓗᐊᕐᐸᕋ, ᐃᓕᑦᓯᓐᓂᒃ ᑐᓴᕈᒪ ᐱᕙᓪᓕᕐᑎᑕᐅᖁᓪᓗᖓ.

ᑯᓘᓯᐊᒥᐅᓄᑦ 1:1

ᐸᐅᓗᓯᒥᑦ, ᒎᑎᐅᑉ ᐱᔪᒪᔭᖓᒍᑦ ᔩᓱᓯ ᙭ᔅᑑᓯᐅᑉ ᐋᐴᓯᑕᓕᖁᑎᖓᓂᑦ, ᑎᒧᑎᒥᓪᓗ ᐅᒃᐱᕐᑑᖃᑎᑎᓐᓂᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:1

ᐸᐅᓗᓯᒥᑦ, ᓯᓪᕙᓅᓯᒥᓪᓗ, ᑎᒧᑎᒥᓪᓗ, ᐅᒃᐱᕐᑑᖃᑎᒌᓄᑦ ᑎᓴᓗᓁᑲᒥᐅᓄᑦ, ᒎᑎ ᐊᑖᑕᒥ ᐊᑕᓂᕐᒥᓗ ᔩᓱᓯ ᙭ᔅᑑᓯᒥ: ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᓮᓕᓇᕐᑑᓪᓗ ᐃᓚᒋᓕᓯ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 3:2

ᑎᓕᓯᓚᐅᕐᐳᒍᓪᓗ ᑎᒧᑎᒥᒃ, ᐅᒃᐱᕐᑑᖃᑎᑎᓐᓂᒃ ᐱᓇᓱᐊᖃᑎᒋᔭᕗᓪᓗ ᒎᑎᒧᑦ ᐊᔪᕆᕐᑐᐃᑎᓪᓗᑕ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᙭ᔅᑑᓯᒥᒃ, ᓲᖑᓯᑎᑕᐅᖁᓪᓗᓯ ᐅᒃᐱᕐᓂᓯ ᐃᑲᔪᕐᑕᐅᒃᑲᓐᓂᖁᓪᓗᒍ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 3:6

ᒫᓐᓇᓕ ᑎᒧᑎ ᐅᑎᕐᓯᒪᓕᕐᒪᑦ ᐃᓕᑦᓯᓐᓂᖔᕐᓗᓂ, ᑐᓴᕈᒥᓇᕐᑐᒥᒡᓗ ᐅᓂᒃᑲᐅᑎᖕᒪᑎᒍᑦ ᐅᒃᐱᕐᓂᖃᕐᓂᑦᓯᓐᓂᒃ ᓇᒡᓕᖕᓂᖃᕐᓂᑦᓯᓐᓂᒡᓗ ᐅᖃᐅᑎᓚᐅᕐᒪᑎᒍᑦ ᐅᕙᑦᑎᓐᓂᒎᖅ ᓱᓕ ᐃᓱᒪᕾᓐᓇᕐᐸᒃᑲᑦᓯ ᕿᓚᓈᕐᓗᓯᓗ ᑕᑯᔪᒪᓪᓗᓯ, ᑍᒫᒃᑕᐅᖅ ᐅᕙᒍᑦ ᕿᓚᓈᕐᒥᒐᑦᑕ ᐃᓕᑦᓯᓐᓂᒃ ᑕᑯᔪᒪᓪᓗᑕ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:1

ᐸᐅᓗᓯᒥᑦ, ᓯᓪᕙᓅᓯᒥᑦ ᑎᒧᑎᒥᓪᓗ, ᐅᒃᐱᕐᑑᖃᑎᒌᓄᑦ ᑎᓴᓗᓁᑲᒦᑦᑐᓄᑦ ᒎᑎᒧᑦ ᐊᑖᑕᑦᑎᓐᓄᑦ ᐊᑕᓂᑦᑎᓐᓄᓪᓗ ᔩᓱᓯ ᙭ᔅᑑᓯᒧᑦ ᐃᓄᖁᑎᒋᔭᐅᔪᓄᑦ:

ᑎᒧᑎᒧᑦ ᓯᕗᓪᓖᑦ 1:18

ᐃᕝᕕᓪᓕ ᑎᒧᑏ ᕿᑐᕐᖓᕋ, ᐱᓇᓱᐊᕐᑕᐅᖁᔭᓐᓂᒃ ᐅᖃᐅᑎᕙᒋᑦ, ᓇᓚᐅᑦᑍᑦᔪᑕᐅᓯᒪᔪᑦ ᐃᓕᖕᓂᒃ ᒪᓕᒡᓗᒋᑦ, ᑖᒃᑯᐊ ᐅᖃᐅᓰᑦ ᒪᓕᒃᑯᕕᒋᑦ ᐱᐅᔪᒥᒃ ᐱᑦᔪᑎᖃᕐᓗᑎᑦ ᐅᓇᑕᕐᑎᐅᓂᐊᕐᐳᑎᑦ.

ᑎᒧᑎᒧᑦ ᓯᕗᓪᓖᑦ 1:2

ᑎᒧᑎᒧᑦ, ᐅᒃᐱᕐᓂᒃᑯᑦ ᐃᕐᓂᓪᓚᕆᒋᔭᓐᓄᑦ: ᒎᑎ ᐊᑖᑕᐅᑉ ᙭ᔅᑑᓯ ᔩᓱᓯᐅᓪᓗ ᐊᑕᓂᑦᑕ ᑐᓂᓯᕕᒋᓕᑎᑦ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᕐᒥᓂᒃ, ᓂᑲᒍᓱᖕᓂᕐᒥᓂᒡᓗ, ᓮᓕᑎᑦᓯᓂᕐᒥᓂᒃᓗ.

ᑎᒧᑎᒧᑦ ᐂᑉᐸᖏᑦ 1:2

ᐃᕐᓂᓐᓄᑦ ᑎᒧᑎᒧᑦ ᓇᒡᓕᒋᒻᒪᕆᒃᑕᓐᓄᑦ: ᒎᑎᐅᑉ ᐊᑖᑕᐅᑉ ᙭ᔅᑑᓯ ᔩᓱᓯᐅᓪᓗ ᐊᑕᓂᑦᑕ ᑐᓂᓯᕕᒋᓕᑎᑦ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ, ᓂᑲᒍᓱᖕᓂᖓᓂᒃ, ᓮᒻᒪᕐᑎᑦᓯᓂᖓᓂᒃᓗ.

ᑎᒧᑎᒧᑦ ᐂᑉᐸᖏᑦ 1:5

ᐃᖅᑲᐅᒪᒐᒪ ᓱᓕᑦᓯᐊᕐᑐᒥᒃ ᐅᒃᐱᕐᓃᖃᕋᕕᑦ, ᐊᓈᓇᑦᓯᐊᕕᑦ ᓗᐃᓯᐅᑉ ᐅᒃᐱᕐᓂᖓᑐᑦ ᐊᓈᓇᕕᓪᓗ ᔫᓁᓯᐅᑉ, ᖁᓚᖏᑦᓯᐊᕋᒪ ᐃᓕᖕᓃᓐᓂᖓᓂᒃᑕᐅᖅ.

ᑎᒧᑎᒧᑦ ᐂᑉᐸᖏᑦ 3:11

ᐊᑭᕋᕐᑐᕐᑕᐅᓂᒃᑲ, ᐋᓐᓂᐊᑎᑕᐅᓂᒃᑲ, ᐊᓐᑎᐅᑭᐊᒥ ᐱᓂᐊᕐᕕᐅᓯᒪᓂᕋ, ᐂᑯᓂᐊᒥ, ᓕᔅᑐᕋᒥᓗ, ᐊᑭᕋᕐᑐᕐᑕᐅᓂᕐᒥᒡᓗ ᐊᖏᔪᒥᒃ ᐊᓂᒍᐃᔪᓐᓇᓚᐅᕋᒪ; ᐊᑕᓂᐅᓪᓕ ᓴᐳᑎᓚᐅᕐᐹᖓ ᑕᒪᒃᑯᓇᖓᑦ ᑕᒤᓐᓂᑦ.

ᐰᓕᒨᓂᒧᑦ 1:1

ᐸᐅᓗᓯᒥᑦ, ᑎᒍᔭᐅᓯᒪᔪᒥᑦ ᔩᓱᓯ ᙭ᔅᑑᓯ ᐱᑦᔪᑎᒋᓪᓗᒍ, ᑎᑎᕋᕐᐳᒍᒃ ᐅᒃᐱᕐᑑᖃᑎᕗᓪᓗ ᑎᒧᑎ, ᐃᓚᓐᓇᕆᔭᑦᑎᓐᓄᑦ ᐱᓇᓱᐊᖃᑎᑦᑎᓐᓄᓪᓗ ᐰᓕᒨᓂᒧᑦ,

ᐄᑉᕈᐃᓄᑦ 13:23

ᖃᐅᔨᒪᖁᕙᑦᓯ ᐅᒃᐱᖃᑎᕗᑦ ᑎᒧᑎ ᑎᒍᔭᐅᓯᒪᕕᖕᒥᑦ ᐊᓂᑎᑕᐅᓯᒪᓕᕐᒪᑦ, ᐊᑯᓂᐅᖏᑦᑐᖅ ᑎᑭᑐᐊᕐᐸᑦ ᐱᖃᑎᒋᓗᒍ ᐃᓕᑦᓯᓐᓄᑦ ᑎᑭᓐᓇᓱᐊᓛᕐᐳᖓ.