40 ᐸᐅᓗᓯᐅᓪᓕ ᓮᓚᓯ ᓂᕈᐊᕐᓗᒍ ᐃᓚᒋᓕᕐᓗᒍ ᐊᐅᓪᓚᕆᕘᒃ, ᐅᒃᐱᕐᑑᖃᑎᒌᓄᑦ ᑐᓂᔭᐅᓪᓗᑎᒃ ᐊᑕᓂᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ.
ᑍᑯᖓ ᑎᑭᓐᓇᒥ ᑕᑯᕗᖅ ᒎᑎᐅᑉ ᓮᒻᒪᕐᑎᑦᓯᓂᖓᓂᒃ ᐃᓄᖕᓂᒃ, ᖁᕕᐊᓱᒃᐳᑦ; ᑲᔪᖏᕐᓴᕐᐰᑦ ᑕᒪᕐᒥᒃ ᑲᔪᓯᑦᓯᐊᖁᓪᓗᒋᑦ ᐊᑕᓂᕐᒥᒃ ᐊᑕᕕᖃᑦᓮᓐᓇᖁᓪᓗᒋᑦ.
ᑖᒃᑯᐊ ᓂᕆᑦᑍᓕᓪᓗᑎᑦ ᑐᒃᓯᐊᕇᕋᒥᒃ, ᐸᑎᒻᒥᕚᒃ ᑎᓕᓪᓗᒋᒡᓗ.
ᑕᕝᕙᓐᖓᑦ ᐅᒥᐊᒃᑯᑦ ᐊᓐᑎᐅᑭᐊᒧᑦ ᐅᑎᕆᕘᒃ, ᑍᑲᓂ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᑐᒃᓯᐅᑦᔭᐅᓪᓗᑎᒃ ᐱᒋᐊᕐᕕᒋᓚᐅᕐᑕᒥᖕᓄᑦ ᐃᓱᓕᑦᓯᕘᒃ.
ᐋᐴᓯᑕᓖᓪᓗ ᐅᒃᐱᕐᑐᓪᓗ ᓯᕗᓕᕐᑎᖏᑦ, ᐅᒃᐱᕐᑑᖃᑎᒌᓪᓗ ᐃᓚᒋᓪᓗᒋᑦ ᐊᑲᐅᒃᓴᕋᒥᒃ ᓂᕈᐊᕈᒪᓪᓗᑎᒃ ᐊᖑᑎᓂᒃ ᐃᓚᒥᖕᓂᑦ ᐊᓐᑎᐅᑭᐊᒧᑦ ᑎᓕᓂᐊᕐᑕᒥᖕᓂᒃ, ᐸᐅᓗᓯᐅᑉ ᐸᕐᓇᐹᓯᐅᓪᓗ ᐃᓚᒋᓂᐊᕐᑕᖏᓐᓂᒃ. ᔫᑕᓯ ᓂᕈᐊᕐᐹᑦ ᐹᕐᓴᐸᓯᒥᒃ ᐊᑎᓕᒃ, ᓮᓚᓯᓗ, ᑖᒃᑯᐊᒃ ᐅᒃᐱᕐᑐᓄᑦ ᐅᐱᒋᔭᐅᑦᓯᐊᕐᒪᑎᒃ.
ᔫᑕᓯ ᓮᓚᓯᓗ ᓇᓚᐅᑦᑍᓂᕐᒥᒃ ᑐᓂᕐᕈᓯᐊᖃᕋᒥᒃ, ᐊᑯᓂ ᑖᒃᑯᓂᖓ ᐅᖃᖃᑎᖃᕐᐴᒃ ᑲᔪᖏᕐᓮᓪᓗᑎᒃ ᓲᖑᓯᕚᓪᓕᕐᑎᑦᓯᓪᓗᑎᒡᓗ.
ᑖᑦᓱᒥᖓ ᐊᕐᓇᒥᒃ ᐱᖃᕐᑐᑦ ᖃᐅᔨᒐᒥᒃ ᑮᓇᐅᔭᓕᐅᕈᑎᒃᓴᖃᕈᓐᓃᕐᓂᕐᒥᖕᓂᒃ, ᐸᐅᓗᓯ ᓮᓚᓯᓗ ᑎᒍᕚᒃ ᐅᓂᐊᕐᓗᒋᒃ ᑲᑎᕕᐅᕙᒃᑐᒧᑦ ᐊᖓᔪᖅᑳᓄᓪᓗ;
ᐃᓚᖏᑦ ᐅᒃᐱᓕᕐᐳᑦ, ᐸᐅᓗᓯᒧᑦ ᓮᓚᓯᒧᓪᓗ ᐃᓚᒋᔭᐅᓕᕐᓗᑎᒃ; ᐊᒥᓱᑦ ᒍᕇᑭᑦ ᐊᕐᓁᓪᓗ ᐱᓪᓗᐊᑕᕆᔭᐅᔪᑦ ᒎᑎᒧᑦ ᐅᒃᐱᓕᕐᑐᑦ ᐊᒥᓱᑦ ᐃᓚᒋᔭᐅᓕᕆᕗᑦ.
“ᒫᓐᓇ ᒎᑎᒧᑦ ᑐᓂᓕᕐᐸᑦᓯ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᐊᔪᕆᕐᑐᐃᑦᔪᑕᐅᓂᖓᓄᑦ ᑕᒪᑐᒧᖓ ᐱᔪᓐᓇᕐᓯᕙᓪᓕᐊᑎᑕᐅᔪᓐᓇᕋᑦᓯ ᑭᖑᕐᖑᑎᔭᒃᓴᒥᒡᓗ ᑐᓂᓯᕕᒋᔪᓐᓇᕐᐹᓯ ᒎᑎᐅᑉ ᐃᓄᖁᑎᓕᒫᒥᓄᑦ ᐊᖏᕈᑎᒋᓯᒪᔭᒥᓂᒃ.
ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᐃᓅᓯᕆᓕᕐᑕᕋ ᒫᓐᓇ ᐃᓅᓯᕆᕙᕋ, ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓗ ᑕᒪᐅᖓᑐᐃᓐᓈᕐᓯᒪᓐᖏᓚᖅ ᐅᕙᓐᓄᑦ. ᐋᐴᓯᑕᓕᖕᓂᓪᓕ ᑕᒤᓐᓂᑦ ᐊᒃᓱᕈᕐᓇᕐᑐᑰᓂᕐᓴᐅᓯᕐᒪᕗᖓ ᐱᓇᓱᐊᕐᑎᓪᓗᖓ, ᓇᖕᒥᓂᕐᓕ ᐱᓇᓱᐊᕐᓂᓐᓅᖏᑦᑐᖅ, ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐅᕙᓐᓃᑦᑐᖅ ᐱᓇᓱᐊᕐᓯᒪᕗᖅ.
ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᒎᑎᐅᓪᓗ ᓇᒡᓕᖕᓂᖓᑕ ᐊᓂᕐᓂᐅᓪᓗ ᐃᑦᔪᕐᓁᑦᑑᑉ ᐃᓚᖃᕐᓂᖓᑕ ᐃᓚᒋᓕᓯ ᑕᒪᑦᓯ.
ᐊᑕᓂᐅᑉ ᐊᓂᕐᓃᑦ ᐃᓚᒋᓕᐅᒃ. ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᐃᓚᒋᔭᐅᒋᑦ.
ᐅᕙᑦᑎᓐᓃᑦᑐᓕᒫᓂᑦ ᑕᕝᕙᐅᕗᑏᕐᑕᐅᕗᑎᑦ. ᐅᒃᐱᕐᓂᒃᑯᓪᓗ ᐃᓚᓐᓇᕆᔭᕗᑦ ᑕᕝᕙᐅᕗᑏᕐᐸᕗᑦ. ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᐃᓚᒋᔭᐅᑦᓮᓐᓇᕆᑦᓯ ᑕᒪᑦᓯ.