ᐋᐴᓯᑕᓖᑦ ᐱᓂᐊᕐᓂᖏᑦ 15:32 - ᐊᒡᓔᑦ ᐃᑦᔪᕐᖕᓁᑦᑐᑦ

³² ᔫᑕᓯ ᓮᓚᓯᓗ ᓇᓚᐅᑦᑍᓂᕐᒥᒃ ᑐᓂᕐᕈᓯᐊᖃᕋᒥᒃ, ᐊᑯᓂ ᑖᒃᑯᓂᖓ ᐅᖃᖃᑎᖃᕐᐴᒃ ᑲᔪᖏᕐᓮᓪᓗᑎᒃ ᓲᖑᓯᕚᓪᓕᕐᑎᑦᓯᓪᓗᑎᒡᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 15:32 Iomraidhean Croise

ᑖᓂᐊᓕᐅᑉ ᐊᒡᓚᖏᑦ 11:1

ᐊᖓᔪᖅᑳᕐᔪᐊᑉ ᑍᕉᓯᐅᑉ ᒦᑎᒥᐅᑕᐅᑉ ᐊᖓᔪᖅᑲᐅᓂᖓᑕ ᐊᕐᕌᒍᑦ ᓯᕗᓪᓕᕐᐹᖓᓂ, ᒪᑭᒋᐊᓚᐅᕐᐳᖓ ᐃᑲᔪᕐᓯᕐᓗᒍᓗ ᓴᐳᑎᔪᒪᓪᓗᒍ.

ᒫᑎᐅᓯᐅᑉ ᐊᒡᓚᖏᑦ 23:34

ᑍᒤᒻᒪᑦ ᓇᓚᐅᑦᑍᔪᓂᒃ ᑎᓕᓯᕕᒋᓂᐊᕐᐸᑦᓯ, ᓯᓚᑐᔪᓂᒡᓗ, ᐊᔪᕆᕐᑐᐃᔨᓂᒡᓗ; ᐃᓚᖏᑦ ᑐᖁᓐᓂᐊᕐᐸᓯ, ᐃᓚᖏᓪᓗ ᓴᓐᓂᖓᔪᓕᖕᒧᑦ ᑭᑭᐊᒃᑐᕐᓗᓯᐅᒃ, ᐃᓚᖏᑦ ᑏᒐᕐᑐᕐᓗᒋᑦ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ, ᒪᓕᑲᑕᖕᓂᐊᕐᐸᓯᓗ ᐊᑭᕋᕐᑐᕐᓗᒋᑦ ᓄᓇᓕᖕᓂᑦ ᓄᓇᓕᖕᓄᑦ.

ᓘᑲᓯᐅᑉ ᐊᒡᓚᖏᑦ 11:49

ᑍᒤᒻᒪᑦ ᒎᑎ ᓯᓚᑐᓂᕐᒥᒍᑦ ᐅᖃᓚᐅᕐᐳᖅ, ‘ᓇᓚᐅᑦᑍᔪᓂᒃ ᐅᖃᕆᐊᕐᑐᕐᑎᑕᓐᓂᒡᓗ ᑎᓕᓯᕕᒋᔪᒫᕐᐸᒃᑲ; ᑖᒃᑯᐊᓕ ᑐᖁᑦᓯᔪᒫᕐᐳᑦ ᐃᓚᖏᓐᓂᒃ, ᐃᓚᖏᓪᓗ ᐊᑭᕋᕐᑐᕐᓗᒋᑦ.’

ᐋᐴᓯᑕᓖᑦ ᐱᓂᐊᕐᓂᖏᑦ 11:23

ᑍᑯᖓ ᑎᑭᓐᓇᒥ ᑕᑯᕗᖅ ᒎᑎᐅᑉ ᓮᒻᒪᕐᑎᑦᓯᓂᖓᓂᒃ ᐃᓄᖕᓂᒃ, ᖁᕕᐊᓱᒃᐳᑦ; ᑲᔪᖏᕐᓴᕐᐰᑦ ᑕᒪᕐᒥᒃ ᑲᔪᓯᑦᓯᐊᖁᓪᓗᒋᑦ ᐊᑕᓂᕐᒥᒃ ᐊᑕᕕᖃᑦᓮᓐᓇᖁᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 11:27

ᑍᑦᓱᒪᓂ ᓇᓚᐅᑦᑍᔪᑦ ᔨᕉᓴᓕᒻᒥᑦ ᑎᑭᓚᐅᕐᐳᑦ ᐊᓐᑎᐅᑭᐊᒧᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 13:1

ᐃᓚᒌᒃᑐᓂ ᐊᓐᑎᐅᑭᐊᒥ ᓇᓚᐅᑦᑍᔪᓂᒃ ᐊᔪᕆᕐᑐᐃᔨᓂᒡᓗ ᐱᑕᖃᓚᐅᕐᐳᖅ, ᐸᕐᓇᐹᓯ, ᓯᒥᐅᓂ ᑍᔭᐅᔪᖅ ᕿᕐᓂᕐᑕᒥᒃ, ᓗᓯᐅᓯᓗ ᓮᕆᓂᒥᐅᖅ, ᒪᓁᓂᓗ ᐊᖓᔪᖅᑳᕐᔪᐊᕐᒥ ᐃᕉᑕᓯᒥ ᐱᕈᕐᓴᓚᐅᕐᑐᖅ, ᓴᐅᓗᓯᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 14:22

ᐃᓕᓐᓂᐊᕐᑎᑦ ᐱᕙᓪᓕᕐᑎᑉᐰᑦ ᐃᓇᓪᓗᒋᑦ ᐅᒃᐱᕐᓂᕐᒦᖁᓪᓗᒋᑦ, ᐅᖃᐅᑎᓪᓗᒋᑦ. “ᐅᖁᒤᓐᓇᕐᑐᓂᒃ ᑲᑉᐱᐊᓇᕐᑐᓂᒡᓗ ᐊᒥᓱᓂᒃ ᐊᖅᑯᓵᕐᓯᔭᕆᐊᖃᕋᑦᑕ ᒎᑎᐅᑉ ᐊᑕᓂᐅᕕᖓᓄᑦ ᐃᑎᖁᓪᓗᑕ.”

ᐋᐴᓯᑕᓖᑦ ᐱᓂᐊᕐᓂᖏᑦ 15:1

ᐊᖑᑏᑦ ᐃᓚᖏᑦ ᑎᑭᓚᐅᕐᐳᑦ ᔫᑎᐊᒥᑦ ᐊᔪᕆᕐᑐᐃᓕᕐᓗᑎᒃ ᐅᒃᐱᕐᑑᖃᑎᒌᓂᒃ ᐃᒫᒃ, “ᑭᐱᔭᐅᖏᒃᑯᑦᓯ ᒨᓯᓯᐅᑉ ᐱᖁᔭᖏᑦ ᒪᓕᒡᓗᒋᑦ ᐱᐅᓕᔭᐅᔪᓐᓇᓐᖏᓚᓯ.”

ᐋᐴᓯᑕᓖᑦ ᐱᓂᐊᕐᓂᖏᑦ 15:22

ᐋᐴᓯᑕᓖᓪᓗ ᐅᒃᐱᕐᑐᓪᓗ ᓯᕗᓕᕐᑎᖏᑦ, ᐅᒃᐱᕐᑑᖃᑎᒌᓪᓗ ᐃᓚᒋᓪᓗᒋᑦ ᐊᑲᐅᒃᓴᕋᒥᒃ ᓂᕈᐊᕈᒪᓪᓗᑎᒃ ᐊᖑᑎᓂᒃ ᐃᓚᒥᖕᓂᑦ ᐊᓐᑎᐅᑭᐊᒧᑦ ᑎᓕᓂᐊᕐᑕᒥᖕᓂᒃ, ᐸᐅᓗᓯᐅᑉ ᐸᕐᓇᐹᓯᐅᓪᓗ ᐃᓚᒋᓂᐊᕐᑕᖏᓐᓂᒃ. ᔫᑕᓯ ᓂᕈᐊᕐᐹᑦ ᐹᕐᓴᐸᓯᒥᒃ ᐊᑎᓕᒃ, ᓮᓚᓯᓗ, ᑖᒃᑯᐊᒃ ᐅᒃᐱᕐᑐᓄᑦ ᐅᐱᒋᔭᐅᑦᓯᐊᕐᒪᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 15:27

ᑍᒤᒻᒪᓪᓕ ᐃᓕᑦᓯᓐᓄᑦ ᑎᓕᓯᓕᕐᐳᒍᑦ ᔫᑕᓯᒥᒃ ᓮᓚᓯᒥᒡᓗ, ᑖᒃᑯᐊᒃ ᓇᖕᒥᓂᖅ ᐅᖃᐅᑎᓂᐊᕐᒪᓯ ᐅᖃᐅᓯᕆᔭᑦᑕ ᐊᑦᔨᖏᓐᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 15:3

ᑖᒃᑯᐊᒃ ᐅᒃᐱᕐᑑᖃᑎᒌᓂᑦ ᑎᓕᔭᐅᒐᒥᒃ ᐱᓃᓯᐊ ᓴᒥᐊᕆᐊᓗ ᐊᖅᑯᓵᕐᐹᒃ, ᐅᓂᒃᑳᕐᓗᑎᒃ ᔫᑎᐅᖏᑦᑐᑦ ᓵᒋᐊᕐᑎᑕᐅᓂᖏᓐᓂᒃ ᒎᑎᒧᑦ ᐊᖏᔪᒥᒃ ᖁᕕᐊᓲᑕᐅᕘᒃ ᐅᒃᐱᕐᑑᖃᑎᒌᓕᒫᓂᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 15:31

ᑖᒃᑯᐊ ᑖᒃᑯᓂᖓ ᐅᖃᓕᒫᕋᒥᒃ, ᐊᖏᔪᒥᒃ ᖁᕕᐊᓱᖕᓂᕐᒥᒃ ᐃᓗᒻᒥᕐᑕᐅᕗᑦ ᐱᕙᓪᓕᕐᑎᑕᐅᒐᒥᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 15:41

ᐸᐅᓗᓯ ᓯᕆᐊᒃᑰᕐᐳᖅ ᓯᓕᓯᐊᒃᑯᓪᓗ, ᐅᒃᐱᕐᑑᖃᑎᒌᑦ ᐱᕙᓪᓕᕐᑎᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 18:23

ᐊᑯᓂ ᑕᕝᕙᓃᓚᐅᕐᓗᓂ ᐊᐅᓪᓚᕆᕗᖅ, ᒐᓔᑎᐊ ᐊᖅᑯᑎᒋᓪᓗᒍ ᐴᕐᒋᐊᓗ, ᐃᓕᓐᓂᐊᕐᑎᓕᒫᑦ ᐱᕙᓪᓕᕐᑎᑉᐰᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 2:40

ᐲᑦᑐᕉᓯᐅᑉ ᐅᖃᕐᕕᒋᕔᑦ ᐅᖃᐅᓯᕐᓂᒃ ᐊᒥᓱᓂᒃ ᐊᑐᕐᓗᓂ ᐃᓇᕐᓱᕐᐰᑦ ᐅᖃᐅᑎᓪᓗᒋᑦ, “ᐱᐅᓕᔭᐅᓕᕆᑦᓯ ᐅᑯᐊ ᐃᓅᖃᑎᒌᒡᔪᐊᑦ ᐱᐅᖏᑦᑐᓕᔪᑦ ᐊᓯᕈᕐᑕᐅᓂᒃᓴᖏᓐᓂᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 20:2

ᑖᒃᑯᑎᒎᓇᖅ ᐃᖏᕐᕋᒐᒥ ᐃᓄᐃᑦ ᑕᒫᓃᑦᑐᑦ ᐱᕙᓪᓕᕈᑎᒃᓴᖏᓐᓂᒃ ᐊᔪᕆᕐᑐᒻᒪᕆᓚᐅᕐᓗᒋᑦ, ᑭᖑᕐᖓᒍᑦ ᒍᕇᓯᒧᐊᕐᐳᖅ ᐊᑬᐊᒦᑦᑐᒧᑦ,

ᕉᒪᒥᐅᓄᑦ 12:6

ᐊᑦᔨᒌᖏᑦᑐᓂᒃ ᑐᓂᕐᕈᓯᐊᕐᓯᒪᒐᑦᑕ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᑐᓂᕐᕈᓯᐊᑦᑎᓐᓂᒃ, ᐊᑏ ᑐᓂᕐᕈᓯᐊᕗᑦ ᐊᑐᑦᓯᐊᓚᐅᕐᓚᕗᑦ: ᓇᓪᓕᐊᑦ ᒎᑎᐅᑉ ᐅᖃᐅᓯᕆᖁᔭᖏᓐᓂᒃ ᑐᓂᕐᕈᓯᐊᕈᓂ, ᑍᒤᓕᐅᕐᓕ ᐅᒃᐱᕐᓂᖅ ᐱᓯᒪᔭᓂ ᒪᓕᒡᓗᒍ;

ᕉᒪᒥᐅᓄᑦ 12:8

ᐱᕙᓪᓕᕐᑎᑦᓯᓂᕐᒥᒃ ᑐᓂᕐᕈᓯᐊᕈᓂ ᐱᕙᓪᓕᕐᑎᑦᓯᓕ, ᓇᓪᓕᐊᑦ ᑐᓂᓯᒍᓂ ᐊᓐᓂᕈᓱᖏᓪᓗᓂ ᑐᓂᓯᓕ; ᑕᓯᐅᕐᑎᐅᓂᕐᒥᒃ ᐱᓯᒪᒍᓂ ᐊᒃᓱᕈᕐᓕ; ᓂᑲᒍᓱᖕᓂᕐᒥᒃ ᐱᓇᓱᐊᕈᓂ, ᖁᕕᐊᓱᒡᓗᓂ ᑍᒤᓕᐅᕐᓕ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:8

ᑖᑦᓱᒪ ᓱᖁᓯᔪᐃᑎᓐᓂᐊᕐᐹᓯ ᓯᓚᕐᔫᑉ ᐃᓱᐊᓄᑦ, ᐸᓯᔭᒃᓴᐅᖁᓇᓯ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᐅᓪᓗᖓᓂ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:29

ᒪᕐᕉᒃ ᐱᖓᓱᓪᓘᓐᓃᑦ ᒎᑎᐅᑉ ᐅᖃᐅᓯᕆᖁᔭᖏᓐᓂᒃ ᐅᖃᓪᓚᒃᑐᒃᓴᐅᕗᑦ, ᐊᓯᖏᓪᓕ ᖃᐅᔨᓴᕐᑐᒃᓴᐅᕗᑦ ᐅᖃᐅᓯᐅᔪᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:3

ᒎᑎᐅᓪᓕ ᐅᖃᐅᓯᕆᖁᔭᖏᓐᓂᒃ ᐅᖃᐅᓯᖃᕐᑐᖅ ᐃᓄᖕᓄᑦ ᐅᖃᓪᓚᒃᐳᖅ, ᑖᒃᑯᐊ ᓲᖑᓯᑎᑕᐅᖁᓪᓗᒋᑦ ᐱᕙᓪᓕᕐᑎᑕᐅᖁᓪᓗᒋᓪᓗ ᓮᒻᒪᕐᓴᕐᓗᒋᓪᓗ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:32

ᒎᑎᐅᑉ ᐅᖃᐅᓯᕆᖁᔭᖓᓂᒃ ᐅᖃᓪᓚᖕᓂᖅ ᐅᖃᓪᓚᒃᑑᑉ ᓇᖕᒥᓂᖅ ᐊᐅᓚᑦᓱᓐᓇᕆᐊᖃᕐᒪᒍ.

ᐃᐱᓯᒥᐅᓄᑦ 3:5

ᓯᕗᓕᕕᓂᑦᑎᓐᓄᑦ ᑕᒪᓐᓇ ᓇᓗᓇᕐᑎᑕᐅᓚᐅᕐᑐᖅ ᑐᑭᓯᔭᐅᓂᖅ ᐊᔪᕐᓇᕐᑎᑕᐅᓚᐅᕐᐳᖅ ᐃᓅᑎᓪᓗᒋᑦ, ᒫᓐᓇᓕ ᓇᓗᓇᕈᓐᓃᕐᑎᑕᐅᕗᖅ ᐊᐴᓯᑕᓕᖁᑎᖏᓐᓄᑦ ᐃᑦᔪᕐᓁᑦᑐᓄᑦ ᓇᓚᐅᑦᑍᔪᓄᓪᓗ ᐊᓂᕐᓂᒃᑯᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:11

ᖃᐅᔨᒪᕗᓯ ᐃᓕᑦᓯᓐᓄᑦ ᐊᑐᓂᑦ ᐱᓇᓱᐊᕐᓂᖃᓚᐅᕋᑦᑕ ᐊᑖᑕᐅᑉ ᕿᑐᕐᖓᒥᓂᒃ ᐱᓂᐊᕐᓂᕆᒐᔭᕐᑕᖓᑐᑦ, ᑲᔪᖏᕐᓮᓪᓗᑕ ᓮᒻᒪᕐᑎᑦᓯᓪᓗᑕᓗ ᐃᓕᑦᓯᓐᓂᒃ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 3:2

ᑎᓕᓯᓚᐅᕐᐳᒍᓪᓗ ᑎᒧᑎᒥᒃ, ᐅᒃᐱᕐᑑᖃᑎᑎᓐᓂᒃ ᐱᓇᓱᐊᖃᑎᒋᔭᕗᓪᓗ ᒎᑎᒧᑦ ᐊᔪᕆᕐᑐᐃᑎᓪᓗᑕ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᙭ᔅᑑᓯᒥᒃ, ᓲᖑᓯᑎᑕᐅᖁᓪᓗᓯ ᐅᒃᐱᕐᓂᓯ ᐃᑲᔪᕐᑕᐅᒃᑲᓐᓂᖁᓪᓗᒍ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:1

ᑭᖑᓪᓕᕐᐹᒥᒡᓕ, ᙭ᔅᑑᓯᒥᐅᑕᐅᖃᑎᒃᑲ, ᕿᓄᕕᒋᓪᓗᓯ ᐃᓇᑉᐸᑦᓯ ᐊᑕᓂᑦᑎᓐᓂ ᔩᓱᓯᒥ, ᐅᕙᑦᑎᓐᓂᑦ ᐃᓕᓐᓂᐊᓚᐅᕋᑦᓯ ᖃᓄᖅ ᐃᓅᔪᒃᓴᐅᖕᒪᖔᑦᓯ ᒎᑎᒧᑦ ᖁᕕᐊᒋᔭᐅᔪᒥᒃ. ᑍᒫᒃᓗ ᐃᓅᓯᖃᓚᐅᕋᑦᓯ, ᑭᓯᐊᓂᓕ ᐃᓅᓯᖃᑦᓯᐊᓕᖁᕙᑦᓯ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:14

᙭ᔅᑑᓯᒥᐅᑕᐅᖃᑎᕗᑦ, ᐃᓇᑉᐸᑦᓯ, ᐱᓇᓱᐊᒐᖃᕋᓱᐊᓐᖏᑦᑐᑦ ᐱᓇᓱᐊᖁᓗᒋᑦ ᐊᔪᕆᕐᑐᕐᓯᒋᒃ, ᓴᓐᖐᓕᓯᒪᔪᑦ ᐱᕙᓪᓕᕐᓇᕐᑐᓂᒃ ᐅᖃᐅᑎᓯᒋᒃ, ᓴᓐᖐᑦᑐᑦ ᐃᑲᔪᕐᓯᒋᒃ, ᑕᒤᓐᓄᑦ ᕿᓄᐃᓵᕐᓂᖃᕆᑦᓯ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:20

ᓇᕐᕈᒋᓂᐊᕋᓯᒋᒃ ᒎᑎᐅᑉ ᐅᖃᐅᓯᐅᖁᔭᖏᓐᓂᒃ ᐅᖃᐅᓯᓖᑦ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 3:12

ᑍᒤᑦᑐᑦ ᐱᖁᓪᓚᕆᒃᓗᒋᑦ ᐃᓇᑉᐸᕗᑦ ᐊᑕᓂᑦᑎᒍᑦ ᔩᓱᓯ ᙭ᔅᑑᓯᒃᑯᑦ ᐋᖅᑮᒋᐊᖁᓪᓗᒋᑦ ᐃᓅᓯᕐᒥᖕᓂᒃ ᐱᓇᓱᐊᓕᖁᓪᓗᒋᓪᓗ ᓇᖕᒥᓂᖅ ᑮᓇᐅᔭᓕᐊᒥᖕᓄᑦ ᐆᒪᑦᔪᑎᒃᓴᕐᓯᐅᖁᓪᓗᒋᑦ.

ᑎᒧᑎᒧᑦ ᓯᕗᓪᓖᑦ 2:1

ᓯᕗᓪᓕᕐᐹᒥᒡᓕ, ᐱᖁᔨᕗᓐᖓ ᕿᓄᑦᔪᑎᖃᕐᓂᖅ ᑐᒃᓯᐊᖃᑦᑕᕐᓂᖅ ᑐᒃᓯᐅᑦᔨᓂᖅ, ᖁᔭᓕᓃᓪᓗ ᒎᑎᒧᑦ ᑐᓂᕐᕈᑕᐅᖃᑦᑕᖁᕙᒃᑲ ᐃᓄᐃᑦ ᑕᒪᕐᒥᒃ ᐱᑦᔪᑎᒋᓪᓗᒋᑦ,

ᑎᒧᑎᒧᑦ ᐂᑉᐸᖏᑦ 4:2

ᐊᔪᕆᕐᑐᐃᖁᓪᓗᑎᑦ ᐅᖃᐅᓯᕐᓂᒃ, ᐊᔪᐃᓐᓇᕐᓗᑎᑦ ᐱᕕᒃᓴᖃᑦᓯᐊᕈᕕᑦ ᐱᕕᒃᓴᖃᑦᓯᐊᖏᒃᑲᓗᐊᕈᕕᓪᓘᓐᓃᑦ, ᓇᓗᓁᕐᓯᓗᑎᑦ, ᐃᓂᕐᑎᕆᓗᑎᑦ, ᐃᓇᑦᓯᓗᑎᓪᓗ, ᑲᔪᓯᓗᑎᑦ ᕿᓄᐃᓵᕐᓂᒃᑯᑦ ᐊᔪᕆᕐᑐᐃᓂᒃᑯᓪᓗ.

ᐲᑦᑐᕉᓯ ᓯᕗᓪᓖᑦ 5:1

ᐃᓐᓁᑦ ᐊᐅᓚᑦᓯᔩᑦ ᐃᓇᑉᐸᒃᑲ, ᐅᕙᖓᑦᑕᐅᖅ ᐊᐅᓚᑦᓯᔨᐅᖃᑕᐅᒐᒪ ᙭ᔅᑑᓯᐅᑉ ᐊᒃᓱᕈᓇᕐᑐᒦᑎᑕᐅᓚᐅᕐᓂᖓᓂᒃ ᑕᑯᖃᑕᐅᓯᒪᒐᒪ ᐱᖃᑕᐅᔪᒫᕆᕗᖓ ᓂᕐᑐᕐᓇᕐᑐᔪᐊᕐᒥ ᓴᖅᑭᕈᒫᕐᑐᒥ.

ᐲᑦᑐᕉᓯ ᓯᕗᓪᓖᑦ 5:10

ᐊᑯᓂᐅᖏᑦᑐᖅ ᐊᒃᓱᕈᖕᓇᕐᑐᔪᐊᒦᑎᑕᐅᓚᐅᕐᓗᓯ, ᒎᑎ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᖃᕐᑐᑉ, ᐃᓕᑦᓯᓐᓂᒃ ᕾᖁᔨᓚᐅᕐᑑᑉ ᐃᓱᖃᖏᑦᑐᒧᑦ ᐱᓐᓇᕐᓇᕐᑐᕐᔪᐊᒧᑦ ᙭ᔅᑑᓯᒥ, ᑖᑦᓱᒪ ᓇᖕᒥᓂᖅ ᐋᖅᑭᒃᓱᕐᓂᐊᕐᐹᓯ, ᐅᒃᐱᕐᓂᒃᑯᑦ ᑐᓐᖓᕕᓕᑦᓯᐊᕐᓗᓯ, ᓴᓐᖏᔫᓕᕐᑎᓪᓗᓯᓗ.

ᐲᑦᑐᕉᓯ ᓯᕗᓪᓖᑦ 5:12

ᓮᓚᓯᒥᒃ ᐃᑲᔪᕐᑎᖃᕐᓗᖓ, ᐅᑯᓂᖓ ᓁᑦᑐᓂᒃ ᑎᑎᕋᕐᕕᒋᕙᑦᓯ, ᑖᓐᓇ ᑍᔪᓐᓇᕐᐸᕋ ᓱᖁᓯᔪᐃᑦᑐᒥᒃ ᖃᑕᓐᖑᑎᒋᒐᒃᑯ, ᑲᔪᖏᕐᓴᕐᐸᑦᓯ ᓇᓗᓁᕐᓯᕕᒋᓪᓗᓯᓗ ᑕᒪᓐᓇ ᓱᓕᔪᒥᒃ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ; ᑐᓐᖓᕕᒋᓯᐅᒃ ᐊᐅᓚᖏᓪᓗᓯ.