ᐋᐴᓯᑕᓖᑦ ᐱᓂᐊᕐᓂᖏᑦ 14:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑖᒃᑯᐊᒃ ᐊᑯᓂ ᑕᕝᕙᓃᑉᐴᒃ ᐊᔪᕆᕐᑐᐃᓪᓗᑎᒃ ᓯᕘᕋᓇᑎᒃ ᐊᑕᓂᖅ ᐱᑦᔪᑎᒋᓪᓗᒍ, ᐅᖃᐅᓯᕆᔭᖏᑦ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᓴᖅᑭᑎᑦᓯᕗᑦ ᓱᓕᑦᓯᐊᕐᓂᖓᓂᒡᓗ, ᐱᔪᓐᓇᕐᓂᖃᕐᑎᑕᐅᕗᓪᓗ ᑲᒪᓇᕐᑐᓕᓪᓗᑎᒃ ᓇᓗᓁᒃᑯᑕᕐᑎᒍᓪᓗ ᐱᓇᓱᐊᕐᑎᑕᐅᓪᓗᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 14:3 Iomraidhean Croise

ᒫᑯᓯᐅᑉ ᐊᒡᓚᖏᑦ 16:20

ᐃᓕᓐᓂᐊᕐᑎᑦ ᐊᔪᕆᕐᑐᐃᔭᕐᑐᕐᐳᑦ ᓇᒧᑐᐃᓐᓇᓕᒫᖅ, ᐊᑕᓂᐅᑉ ᐱᓇᓱᐊᖃᑎᒋᕔᑦ ᐊᔪᕆᕐᑐᐃᓂᖏᑕ ᓱᓕᓂᖏᑦ ᓇᓗᓁᒃᑯᑕᖃᓚᐅᕐᐳᑦ ᑲᒪᓇᕐᑐᓕᓂᒃᑯᑦ ᐱᓇᓱᐊᕐᑕᖏᑎᒍᑦ.

ᔪᐊᓇᓯᐅᑉ ᐊᒡᓚᖏᑦ 4:48

ᔩᓱᓯᐅᑉ ᐅᖃᐅᑎᕚ, “ᓇᓗᓁᒃᑯᑕᕐᓂᒃ ᑲᒪᓇᕐᑐᓂᒡᓗ ᑕᑯᖏᒃᑯᑦᓯ ᐅᒃᐱᕈᒪᓐᖏᓚᓯ.”

ᐋᐴᓯᑕᓖᑦ ᐱᓂᐊᕐᓂᖏᑦ 13:46

ᐸᐅᓗᓯᒃᑯᒡᓕ ᐸᕐᓇᐹᓯᒃᑯᒃ ᓯᕘᕋᓇᑎᒃ ᐅᖃᓚᓪᓕᕐᐴᒃ ᐃᒫᒃ, “ᐱᔭᕆᐊᖃᒻᒪᕆᓚᐅᕐᒪᑦ ᐊᑕᓂᐅᑉ ᐅᖃᐅᑕᐅᓂᖓ ᐃᓕᑦᓯᓐᓄᑦ ᓯᕗᓪᓕᕐᐹᒥᒃ ᐅᖃᐅᓯᐅᖁᓪᓗᒍ. ᑭᓯᐊᓂᓕ ᐃᓚᓕᐅᖏᓐᓇᑦᓯᐅᒃ ᐃᓅᓯᕐᒥᒃ ᓄᖑᓱᐃᑦᑐᒥᒃ ᐱᔪᒃᓴᐅᔪᓐᓃᕐᑎᓐᓇᑦᓯ ᐃᓕᑦᓯᓐᓂᒃ, ᔫᑎᐅᖏᑦᑐᓄᑦ ᑕᕝᕙ ᓵᓐᓂᐊᓕᕐᐳᒍᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 2:22

“ᐃᓴᕆᐊᓕᒥᐅᖑᔪᓯ, ᐅᑯᐊ ᐅᖃᐅᓰᑦ ᓈᓚᒃᓯᒋᒃ: ᔩᓱᓯ ᓈᓴᕇᑎᒥᐅᖅ, ᐱᔪᓐᓇᕐᓂᖃᕐᑎᑕᐅᓪᓗᓂ ᒎᑎᒥᑦ ᓇᓗᓇᖏᑦᑐᒥᒃ ᑕᑯᒃᓴᐅᓚᐅᕐᑐᖅ ᐃᓕᑦᓯᓐᓄᑦ ᑲᒪᓇᕐᑐᓕᓂᕐᑎᒍᑦ ᓇᓗᓁᒃᑯᑕᕐᑎᒍᓪᓗ, ᒎᑎ ᐱᓇᓱᐊᓚᐅᕐᒪᑦ ᑖᑦᓱᒨᓇ, ᖃᐅᔨᒪᒐᑦᓯ ᑕᒪᑐᒥᖓ.

ᐋᐴᓯᑕᓖᑦ ᐱᓂᐊᕐᓂᖏᑦ 20:24

ᐃᓅᓯᕐᒪ ᐅᕙᓐᓄᑦ ᐊᑐᕐᓇᓗᐊᖏᓐᓂᖓ ᖃᐅᔨᒪᕙᕋ, ᐱᔭᕇᕋᓱᐊᕈᒪᓂᕋ ᐃᓱᒪᓇᕐᓂᕐᓴᐅᕗᖅ ᐊᑕᓂᐅᑉ ᔩᓱᓯᐅᑉ ᐅᕙᓐᓄᑦ ᑎᓕᓯᑦᔪᑎᒋᓯᒪᔭᖓᓂᒃ, ᓇᓗᓁᕐᓯᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 20:32

“ᒫᓐᓇ ᒎᑎᒧᑦ ᑐᓂᓕᕐᐸᑦᓯ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᐊᔪᕆᕐᑐᐃᑦᔪᑕᐅᓂᖓᓄᑦ ᑕᒪᑐᒧᖓ ᐱᔪᓐᓇᕐᓯᕙᓪᓕᐊᑎᑕᐅᔪᓐᓇᕋᑦᓯ ᑭᖑᕐᖑᑎᔭᒃᓴᒥᒡᓗ ᑐᓂᓯᕕᒋᔪᓐᓇᕐᐹᓯ ᒎᑎᐅᑉ ᐃᓄᖁᑎᓕᒫᒥᓄᑦ ᐊᖏᕈᑎᒋᓯᒪᔭᒥᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 4:31

ᑐᒃᓯᐊᕐᒪᑕ, ᑖᓐᓇ ᑲᑎᒪᕝᕕᒋᔭᖓᑦ ᐊᐅᓚᕗᖅ; ᐊᓂᕐᓂᕐᒥᒡᓗ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᕗᑦ ᑕᒪᕐᒥᒃ, ᒎᑎᐅᑉ ᐅᖃᐅᓯᖏᓐᓂᒃ ᐅᖃᓪᓚᓕᓚᐅᕐᐳᑦ ᓯᕘᕋᓇᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 5:32

ᐅᕙᒍᓪᓗ ᑕᑯᓚᐅᕐᑐᒍ ᐅᖃᐅᓯᖃᕐᐳᒍᑦ ᑕᒪᒃᑯᓂᖓ, ᐃᓚᖃᕐᓗᑕ ᐊᓂᕐᓂᖕᒥᒃ ᐃᑦᔪᕐᓁᑦᑐᒥᒃ ᒎᑎᐅᑉ ᑐᓂᕐᕈᑎᒋᓯᒪᔭᖓᓂᒃ ᒪᓕᒃᑎᒥᓄᑦ.”

ᕉᒪᒥᐅᓄᑦ 1:16

ᐅᖃᐅᓰᑦ ᑐᓴᕈᒥᓇᕐᑐᑦ ᑲᓐᖑᓲᑎᒋᖏᓐᓇᒃᑭᑦ: ᒎᑎᐅᑉ ᐱᔪᓐᓇᕐᓂᕆᖕᒪᒋᑦ ᐅᒃᐱᕐᑐᓕᒫᓄᑦ ᐱᐅᓕᔭᐅᑦᔪᑕᐅᖁᓪᓗᒋᑦ, ᔫᑎᑦ ᓯᕗᓪᓕᐅᓗᑎᒃ ᒍᕇᑭᓄᓪᓗᑦᑕᐅᖅ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:2

ᖃᐅᔨᒪᕗᓯ ᐃᓕᑦᓯᓐᓄᐊᓚᐅᕐᓇᑕ ᓱᓕ ᐱᑦᓯᐊᕐᑕᐅᖏᓐᓂᕆᓚᐅᕐᑕᑦᑎᓐᓂᒃ ᒥᑕᐅᑎᒋᔭᐅᓚᐅᕐᓂᑦᑎᓐᓂᒡᓗ ᐱᓕᐰᒥ, ᑍᒤᒃᑲᓗᐊᕐᑎᓪᓗᒍᓕ, ᐊᑭᕋᕐᑐᕐᑕᐅᒻᒪᕆᒃᑲᓗᐊᕐᓗᑕ ᒎᑎᐅᑉ ᐱᔪᓐᓇᕐᑎᓚᐅᕐᐹᑎᒍᑦ ᐃᓕᑦᓯᓐᓂᒃ ᑐᓴᕐᑎᑦᓯᖁᓪᓗᑕ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᑖᑦᓱᒪᖓᑦ ᐱᔪᓂᒃ.

ᐄᑉᕈᐃᓄᑦ 2:4

ᒎᑎᑦᑕᐅᖅ ᓇᓗᓁᕐᓯᖃᑦᑕᐅᓚᐅᕆᕗᖅ ᑖᒃᑯᓄᖓ ᓴᖅᑭᑎᑦᓯᓪᓗᓂ ᓇᓗᓁᒃᑯᑕᕐᓂᒃ ᑲᒪᓇᕐᑐᓕᓂᕐᓂᒡᓗ ᐊᑦᔨᒌᖏᑦᑐᓂᒃ ᐊᓂᕐᓂᐅᓪᓗ ᐃᑦᔪᕐᓁᑦᑑᑉ ᑐᓂᕐᕈᑎᖏᓐᓂᒃ ᐱᑎᑦᓯᓪᓗᓂᒃ ᐱᔪᒪᔭᓂ ᒪᓕᒡᓗᒍ.