ᐋᐴᓯᑕᓖᑦ ᐱᓂᐊᕐᓂᖏᑦ 13:45 - ᐊᒡᓔᑦ ᐃᑦᔪᕐᖕᓁᑦᑐᑦ

⁴⁵ ᔫᑎᓪᓕ ᐃᓄᒋᐊᒃᑐᐊᓗᖕᓂᒃ ᑕᑯᒐᒥᒃ ᐊᑲᐅᒃᓴᕈᓐᓃᕐᐳᑦ ᓵᓐᖓᔭᐅᓂᕐᓴᐅᔪᒪᓪᓗᑎᒃ; ᐅᖃᐅᓯᕐᒥᖕᓄᑦ ᓵᓚᖃᕋᓱᐊᕐᐳᑦ ᐸᐅᓗᓯᒥᒃ ᐱᐅᒋᔭᐅᔪᓐᓃᑎᓇᓱᐊᕐᖢᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 13:45 Iomraidhean Croise

ᒨᓯᓯ ᓯᕗᓪᓖᑦ 37:11

ᐊᖓᔪᖏᑕᓗ ᓯᒡᒐᑎᓕᕐᐹᑦ, ᐊᑖᑕᖓᑕᓕ ᑕᒪᓐᓇ ᐃᓱᒪᒥᐅᑕᕆᓕᕐᐹ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 4:4

ᓱᓕ ᖃᐅᔨᓚᐅᕆᕗᖓ ᓴᓇᓂᓕᒫᑦ ᓴᓇᔪᓐᓇᑦᓯᐊᕐᓃᓪᓗ ᑐᓱᒋᔭᐅᖕᒪᑕ ᐊᓯᖏᓐᓄᑦ. ᑕᒪᓐᓇ ᑐᑭᖃᖏᒻᒪᑦ ᐊᓄᕆᒥᒡᓗ ᐊᖑᓯᓇᓱᑐᐃᓐᓇᕐᓂᐅᔮᕐᓗᓂ.

ᐂᓮᐊᓯᐅᑉ ᐊᒡᓚᖏᑦ 26:11

ᐊᑕᓃᖅ ᐊᒡᒐᑎᑦ ᐅᕐᓕᑐᕐᑐᑦ ᐃᓴᐅᑎᓯᒪᓕᕐᐸᑎᑦ, ᓱᓕᓕ ᑕᒪᑐᒥᖓ ᖃᐅᔨᓐᖏᓚᑦ. ᐃᓄᖁᑎᖕᓂᒃ ᓇᒡᓕᒍᓱᒃᑐᐊᓘᓂᕐᓂᒃ ᑕᑯᑎᓚᐅᒃᑭᑦ ᑲᓐᖑᓱᓕᖅᑯᓪᓗᒋᑦ. ᐊᑭᕋᕐᑐᕐᑎᕕᑦ ᓂᓐᖓᐅᒪᓂᖏᑕ ᐃᑯᐊᓚᓂᖏᓐᓄᑦ ᓄᖑᑕᐅᑎᓚᐅᒃᑭᑦ.

ᒨᓯᓯ ᓯᑕᒪᖏᑦ 11:29

ᒨᓯᓯᐅᑉ ᐅᖃᐅᑎᕚ, “ᐅᕙᓐᓂᒃ ᓯᖕᓇᒍᑦᔨᕖᑦ? ᐃᓄᓕᒫᑦ ᒎᑎᐅᑉ ᐅᖃᐅᓯᐅᖁᔭᖏᓐᓂᒃ ᐅᖃᕈᓐᓇᖁᒐᓗᐊᕐᐸᒃᑲ ᐊᑕᓂᕐᒧᓪᓗ ᐊᓂᕐᓂᕐᒥᒃ ᑐᓂᓯᕕᐅᖁᒐᓗᐊᕐᐸᒃᑲ!”

ᒫᑎᐅᓯᐅᑉ ᐊᒡᓚᖏᑦ 23:13

“ᐃᓕᑦᓯᓐᓄᑦ ᑲᑉᐱᐊᓐᓇᒦᒃ, ᐱᖁᔭᓂᒃ ᐃᓕᓮᔩᑦ ᐹᕆᓯᓪᓗ, ᑕᒃᑯᕐᒨᕐᑐᓯ! ᒎᑎᐅᑉ ᐊᑕᓂᐅᕕᖓᑕ ᐅᒃᑯᐊᖓ ᐅᒃᑯᐊᕐᓯᒪᒐᑦᓯᐅᒃ ᐃᓄᐃᑦ ᐃᑎᖁᓇᒋᑦ; ᓇᖕᒥᓂᕐᓗ ᐃᑎᕐᓯᒪᓇᓯ, ᑕᕝᕗᖓᓗ ᐃᑎᕋᓱᐊᕐᑐᑦ ᐊᒡᕕᐊᕋᓱᐊᕐᐸᓯ! [

ᒫᑎᐅᓯᐅᑉ ᐊᒡᓚᖏᑦ 27:18

ᖃᐅᔨᒪᒐᒥ ᔫᑎᑦ ᐊᖓᔪᖅᑳᖏᑕ ᔩᓱᓯ ᑕᕝᕗᓐᖓᐅᑎᓯᒪᖕᒪᑦᔪᒃ ᐃᓄᖕᓄᑦ ᓵᓐᖓᔭᐅᓂᕐᓴᐅᓂᖓᓂᒃ ᐊᑲᐅᒃᓴᕋᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 13:50

ᔫᑎᓪᓕ ᐅᐃᒪᔮᕐᑎᑦᓯᓕᕐᐳᑦ ᐊᕐᓇᓂᒃ ᐅᒃᐱᕐᑐᓂᒃ ᐱᓪᓚᕆᐅᑎᑕᐅᔪᓂᒃ, ᐊᖑᑎᓂᒡᓗ ᐊᐅᓚᑦᓯᔨᐅᔪᓂᒃ ᓄᓇᓕᖕᓂ, ᐊᑭᕋᕐᑐᕐᑕᐅᑎᑦᓯᓕᕐᓗᑎᒃ ᐸᐅᓗᓯᒥᒃ ᐸᕐᓇᐹᓯᒥᒡᓗ, ᐊᐅᓪᓚᕐᑎᓪᓗᒋᒡᓗ ᓄᓇᓕᖕᓂᑦ:

ᐋᐴᓯᑕᓖᑦ ᐱᓂᐊᕐᓂᖏᑦ 14:19

ᔫᑎᑦ ᐊᓐᑎᐅᑭᐊᒥᑦ ᐱᓯᑎᐊᒦᑦᑐᒥᑦ ᐂᑯᓂᐊᒥᓪᓗ ᑎᑭᑉᐳᑦ; ᐃᓄᐃᑦ ᐃᒻᒥᒃᑎᑐᑦ ᐃᓱᒪᑖᕐᑎᑦᓴᕇᕋᒥᒋᑦ, ᐸᐅᓗᓯ ᒥᓪᓗᕐᐹᑦ ᐅᔭᖅᑲᓄᑦ ᐅᓂᐊᕐᓗᒍ ᓄᓇᓖᑦ ᓯᓚᑖᓄᑦ, ᑐᖁᓇᓱᒋᓪᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 14:2

ᔫᑎᓪᓕ ᐅᒃᐱᖏᑦᑐᑦ ᐅᐃᒪᔮᕐᑎᑦᓯᓕᕐᐳᑦ ᔫᑎᐅᖏᑦᑐᓂᒃ ᐊᑭᕋᕐᑐᕐᑕᐅᑎᑦᓯᓇᓱᐊᕐᓗᑎᒃ ᐅᒃᐱᕐᑐᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 14:4

ᓄᓇᓖᑦ ᒪᕐᕈᐃᓕᕗᑦ; ᐃᓚᖏᑦ ᔫᑎᓂᒃ ᒪᓕᒡᓗᑎᒃ, ᐃᓚᖏᓪᓗ ᐋᐴᓯᑕᓕᖕᓂᒃ ᒪᓕᒡᓗᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 14:5

ᔫᑎᐅᖏᑦᑐᑦ ᔫᑎᓂᒃ ᐃᓚᖃᕐᓗᑎᒃ, ᐊᖓᔪᖅᑳᖏᓐᓂᒡᓗ ᐱᑦᓯᐊᖏᓐᓇᓱᐊᓕᕐᐳᑦ ᐋᐴᓯᑕᓕᖕᓄᑦ ᒥᓪᓗᕈᒪᓪᓗᒋᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 17:5

ᔫᑎᑦ ᓵᓐᖓᔭᐅᖔᕈᒪᓂᕐᒧᑦ ᓂᓐᖓᐅᒪᓕᕐᐳᑦ, ᓄᐊᑦᓯᓪᓗᑎᒃ ᐃᓄᖕᓂᒃ ᐅᐃᕖᑦᑐᐊᓗᖕᓂᒃ ᐊᖅᑯᑎᓂᑦ ᑕᒫᓐᖓᑦ ᐃᓚᑖᕐᐳᑦ ᐃᓄᒋᐊᒃᓯᓪᓗᑎᒃ, ᐃᒡᓗᒐᓮᑦ ᐅᐃᒪᔮᕐᑎᓕᕐᐰᑦ, ᔧᓴᐅᑉ ᐃᒡᓗᖓᓄᐊᕐᐳᑦ, ᕿᓂᕆᐊᕐᓗᑎᒃ ᐸᐅᓗᓯᒥᒃ ᓮᓚᓯᒥᒡᓗ, ᐃᓄᖕᓄᑦ ᓴᖅᑭᑎᑦᓱᒪᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 18:6

ᑖᒃᑯᐊ ᐊᑭᕋᕐᑐᕐᒪᑕ ᐅᖃᕐᓂᕐᓘᑎᖃᕐᒪᑕᓗ ᐸᐅᓗᓯᒥᒃ; ᐊᓐᓄᕌᓂ ᐳᔪᕐᓗᖏᑦ ᐃᑦᓱᒃᐰᑦ ᐊᖏᖃᑎᒋᖏᒻᒪᕆᒃᓗᒋᓪᓗ ᐅᖃᐅᑎᕔᑦ, “ᑕᕐᓂᓯ ᐊᓯᐅᒃᐸᑕ ᐃᓕᑦᓯᓐᓂᒃ ᓇᖕᒥᓂᖅ ᐱᔭᕆᓂᐊᕐᐳᓯ! ᐅᕙᖓ ᐸᓯᔭᒃᓴᐅᓂᐊᓐᖏᓚᖓ. ᒫᓐᓇᒥᑦ ᔫᑎᐅᖏᑦᑐᑦ ᐊᔪᕆᕐᑐᖔᕐᓂᐊᓕᕐᐸᒃᑲ.”

ᐋᐴᓯᑕᓖᑦ ᐱᓂᐊᕐᓂᖏᑦ 19:9

ᐃᓚᖏᓪᓕ ᓯᑎᔪᐊᓘᖕᒪᑕ ᐅᒃᐱᕈᒪᖏᒻᒪᑕᓗ, ᐊᑕᓂᕐᒧᑦ ᒪᓕᒃᑎᐅᓂᖅ ᐱᐅᖏᑦᑐᐊᓘᓂᕋᕐᓗᒍ ᐅᖃᐅᓯᕆᖃᑦᑕᒪᑦᔪᒃ ᐃᓄᖕᓄᑦ, ᐸᐅᓗᓯᐅᑉ ᕿᒪᒃᐰᑦ, ᐃᓕᓐᓂᐊᕐᑐᑦ ᐃᓚᒋᓪᓗᒋᑦ, ᖃᐅᑕᒫᑦ ᐅᖃᖃᑎᒋᓕᕐᐰᑦ ᐃᓕᓐᓂᐊᕐᕕᖕᒥ ᑍᕋᓅᓯᒥᒃ ᐊᑎᓕᖕᒥ.

ᐋᐴᓯᑕᓖᑦ ᐱᓂᐊᕐᓂᖏᑦ 5:17

ᑐᓂᕐᕈᓯᕐᑎᑦᓯᔨᑦ ᐊᖓᔪᖅᑳᖓᑦ ᐃᓚᒋᔭᓐᖏᓪᓗ ᓵᑦᔪᓰᑦ, ᐃᓱᒪᒋᔭᐅᓐᖏᓗᐊᕋᓱᒋᓕᕋᒥᒃ ᓈᒻᒪᒃᓴᕈᒃᓃᕐᐳᑦ.

ᕉᒪᒥᐅᓄᑦ 1:29

ᐱᐅᖏᑦᑐᓕᓂᕐᓂᒃ ᖃᓄᐃᑦᑐᑐᐃᓐᓇᑦᓯᐊᓂᒃ ᐱᓕᕆᕗᑦ, ᐱᐅᖏᑦᑐᓂᒃ, ᐱᔪᒪᕕᒡᔪᐊᕐᓂᕐᓂᒃ, ᐊᑭᕋᕐᑑᑎᓂᕐᓂᒃ, ᐊᓯᒥᖕᓂᑦ ᐱᖃᕐᓂᕐᓴᐅᔪᒪᓂᕐᒥᒃ, ᑐᖁᑦᓯᔪᒪᓂᕐᒥᒃ, ᐅᓇᑕᕈᒪᓂᕐᒥᒃ, ᓯᓔᕐᕆᒃᓯᓂᕐᒥᒃ, ᐅᒋᐊᓐᖑᖃᑦᑕᐅᑎᓂᕐᒥᒃ, ᑎᕐᓕᐊᖃᑦᑍᓂᕐᓂᒡᓗ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:3

ᓱᓕ ᑎᒥᐅᑉ ᐃᓕᖅᑯᓯᖏᓐᓂᒃ ᐊᑐᕋᑦᓯ. ᐱᒃᑲᐅᓂᕐᓴᐅᔪᒪᓂᖃᕋᑦᓯ ᐊᑭᕋᕐᑐᕐᑎᒌᒃᓗᓯᓗ, ᑕᕝᕙ ᑎᒥᐅᑉ ᐃᓕᖅᑯᓯᖏᑎᑐᑦ ᐃᓕᖅᑯᓯᖃᓐᖏᓚᓰ? ᐃᓄᑐᐃᓐᓇᐅᓪᓗ ᐃᓕᖅᑯᓯᖓᓂᒃ ᐊᑐᓐᖏᓚᓰ?

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:26

ᓇᒧᑐᐃᓐᓇᖅ ᐃᖏᕐᕋᑎᓪᓗᖓ ᐅᓄᕐᑐᐃᕐᓱᕐᓗᖓ ᑲᑉᐱᐊᓇᕐᑐᒦᓯᒪᕗᖓ ᑰᖕᒥ, ᑲᑉᐱᐊᓇᕐᑐᒦᓯᒪᕗᖓ ᑎᒡᓕᒃᑎᓂ, ᑲᑉᐱᐊᓇᕐᑐᒦᓯᒪᕗᖓ ᓇᖕᒥᓂᖅ ᐃᓅᖃᑎᓐᓂ, ᑲᑉᐱᐊᓇᕐᑐᒦᓯᒪᕗᖓ ᔫᑎᐅᖏᑦᑐᓂ; ᑲᑉᐱᐊᓇᕐᑐᒦᓯᒪᕗᖓ ᓄᓇᓕᒡᔪᐊᓂ, ᑲᑉᐱᐊᓇᕐᑐᒦᓯᒪᕗᖓ ᐃᓄᖃᖏᑦᑐᒥ, ᑲᑉᐱᐊᓇᕐᑐᒦᓯᒪᕗᖓ ᐃᒫᓂ, ᑲᑉᐱᐊᓇᕐᑐᒦᓯᒪᕗᖓ ᐅᒃᐱᕐᑑᓐᖑᐊᕐᑐᓂ;

ᒐᓔᑎᐊᒥᐅᓄᑦ 5:21

ᐃᒃᓯᒍᖕᓂᖅ, ᐋᖓᔮᕐᓂᖅ, ᑲᑎᓐᖓᓪᓗᑎᒃ ᓄᓕᐊᖃᑦᑕᕐᓃᑦ, ᐊᓯᖏᓐᓂᒡᓗ ᐊᑐᕐᓂᕐᓗᖃᑦᑕᕐᓃᑦ. ᓯᕘᕋᒋᔭᒃᓴᑦᓯᓐᓂᒃ ᐅᖃᐅᑎᕙᑦᓯ ᐅᖃᐅᑎᓚᐅᕐᓯᒪᒐᓗᐊᕆᓪᓗᓯ, ᑕᒪᒃᑯᐊ ᑍᒤᓕᐅᖃᑦᑕᕐᑐᑦ ᒎᑎᐅᑉ ᐊᑕᓂᐅᕕᖓᓂᒃ ᑭᖑᕐᖑᑦᔨᓂᐊᓐᖏᓚᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:16

ᐊᒡᓛᑦ ᔫᑎᐅᖏᑦᑐᓄᑦ ᐅᖃᓪᓚᖃᑦᑕᖁᔨᓇᑎᒃ ᓄᖅᑲᕐᑎᑦᓯᓇᓱᐊᓚᐅᕐᐳᑦ ᐅᕙᑦᑎᓐᓂᒃ, ᐅᖃᐅᓯᕐᓂᒃ ᐱᐅᓕᔭᐅᑦᔪᑎᒃᓴᖏᓐᓂᒃ; ᑍᒤᓕᐅᕐᓗᑎᒃ ᐊᔪᕐᑐᓕᒃᑲᓐᓂᓚᐅᕐᐳᑦ ᐊᖏᓂᕐᓴᒋᐊᓪᓚᖕᒥᒃ. ᒫᓐᓇᓗ ᒎᑎᐅᑉ ᓂᓐᖓᐅᓯᖓᑕ ᑎᑭᕝᕕᒋᓯᒪᓕᕐᐰᑦ!

ᑎᒧᑎᒧᑦ ᐂᑉᐸᖏᑦ 3:11

ᐊᑭᕋᕐᑐᕐᑕᐅᓂᒃᑲ, ᐋᓐᓂᐊᑎᑕᐅᓂᒃᑲ, ᐊᓐᑎᐅᑭᐊᒥ ᐱᓂᐊᕐᕕᐅᓯᒪᓂᕋ, ᐂᑯᓂᐊᒥ, ᓕᔅᑐᕋᒥᓗ, ᐊᑭᕋᕐᑐᕐᑕᐅᓂᕐᒥᒡᓗ ᐊᖏᔪᒥᒃ ᐊᓂᒍᐃᔪᓐᓇᓚᐅᕋᒪ; ᐊᑕᓂᐅᓪᓕ ᓴᐳᑎᓚᐅᕐᐹᖓ ᑕᒪᒃᑯᓇᖓᑦ ᑕᒤᓐᓂᑦ.

ᔧᒥᓯᐅᑉ ᐊᒡᓚᖏᑦ 4:5

ᐅᑉᕙᓘᓐᓃᑦ ᐃᓱᒪᕕᓯ ᐱᑦᔪᑎᖃᕋᑎᒃ ᒎᑎᐅᑉ ᐅᖃᐅᓯᖏᑦ ᐅᖃᕐᓯᒪᓇᓱᒋᕕᓯᐅᒃ, “ᒎᑎᐅᑉ ᓯᖕᓇᒋᓪᓗᒍ ᐱᒋᔪᒪᒪᕆᒃᐹ ᐊᓂᕐᓂᖅ ᐅᕙᑦᑎᓐᓂ ᐃᓂᖃᕐᑎᑕᓂ”?

ᐲᑦᑐᕉᓯ ᓯᕗᓪᓖᑦ 4:4

ᑍᒤᓕᐅᖃᑎᒋᕙᓚᐅᕐᑕᓯ ᑲᒪᓂᐊᕐᐳᑦ ᐱᓕᕆᐊᖏᓐᓂᒃ ᐱᓇᓱᐊᖃᑎᒋᔪᓐᓃᕋᑦᓯᐅᒃ ᐃᓅᓯᖃᕈᓐᓃᕋᑦᓯᓗ ᑐᑮᕈᑎᓯᒪᔪᑎᑐᑦ, ᑍᒤᒻᒪᑦ ᐅᖃᕐᓂᕐᓘᑎᖃᕋᓱᐊᓕᕐᐳᑦ ᐃᓕᑦᓯᓐᓂᒃ.

ᔫᑎᐅᑉ ᐊᒡᓚᖏᑦ 1:10

ᐃᓄᐃᓪᓕ ᑖᒃᑯᐊ ᓱᓇᓕᒫᓂᒃ ᐅᖃᕐᓂᕐᓘᑎᖃᖃᑦᑕᕐᐳᑦ ᑐᑭᓯᓯᒪᓐᖏᑕᒥᖕᓂᒃ, ᐃᒃᐱᒋᓕᕐᑕᑐᐃᓐᓇᒥᖕᓂᒃᓗ ᖃᐅᔨᓯᒪᔭᒥᖕᓄᑦ ᐆᒪᔪᑎᑐᑦ ᓄᔪᐊᕐᑐᑎᑐᑦ ᐱᓇᓱᐊᕐᐸᒃᐳᑦ, ᑕᒪᒃᑯᓄᖓ ᑕᕝᕙ ᓱᒋᐊᕐᑕᐅᑦᔪᑎᖃᕐᐳᑦ.