3 ᑖᒃᑯᐊ ᓂᕆᑦᑍᓕᓪᓗᑎᑦ ᑐᒃᓯᐊᕇᕋᒥᒃ, ᐸᑎᒻᒥᕚᒃ ᑎᓕᓪᓗᒋᒡᓗ.
ᑕᕝᕙᓂ ᐸᑎᒻᒥᓪᓗᒍ ᐃᓂᒋᓂᐊᕐᑕᖓᓂᒃ ᐃᓂᑖᕐᑎᑉᐹ, ᑍᒫᒃ ᐊᑕᓂᐅᑉ ᒨᓯᓯ ᐱᖁᓚᐅᕐᒪᒍ.
ᐅᐃᒡᒐᕐᓂᐅᓕᕐᑐᖅ ᐊᕐᕌᒍᖃᓕᕐᓗᓂ 84ᓂᒃ. ᑖᓐᓇ ᖃᐅᑕᒫᑦ ᑐᒃᓯᐊᕐᕕᒡᔪᐊᕐᒦᖃᑦᑕᓚᐅᕐᐳᖅ ᑐᒃᓯᐊᕐᓗᓂ ᓂᕆᑦᑍᓕᕙᒡᓗᓂᓗ.
ᑖᒃᑯᐊ ᑐᒃᓯᐊᓕᕋᒥᒃ ᐅᖃᕐᐳᑦ, “ᐊᑕᓃᖅ, ᐃᓄᓕᒫᑦ ᐆᒻᒪᑎᖏᓐᓂᒃ ᖃᐅᔨᒪᔪᑎᑦ, ᓇᓗᓁᕐᓯᕕᒋᓚᐅᕐᑎᒍᑦ ᐅᑯᐊᒃ ᓇᓪᓕᐊᓐᓂᒃ ᓂᕈᐊᕐᒪᖔᕐᐱᑦ.
ᐊᑕᓂᕐᒧᑦ ᑐᒃᓯᐊᕐᑎᓪᓗᒋᑦ ᓂᕆᑦᑍᓕᓪᓗᑎᒡᓗ, ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᖃᐅᑎᕔᑦ, “ᐸᕐᓇᐹᓯᒃᑯᒃ ᓴᐅᓗᓯᒃᑯᒃ ᑎᓕᓚᐅᕐᓯᒋᒃ ᐱᓇᓱᐊᖁᓪᓗᒋᒃ; ᑕᒪᑐᒧᖓ ᕾᖁᓯᒪᒐᒃᑭᒃ.”
ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᑎᓕᔭᐅᒐᒥᒃ, ᓯᓘᓯᐊᒧᐊᕐᐴᒃ; ᑕᕝᕙᓐᖓᑦ ᐅᒥᐊᒃᑯᑦ ᕿᑭᕐᑕᒧᐊᕐᐴᒃ ᓮᐳᕋᓯᒥᒃ ᐊᑎᓕᖕᒧᑦ.
ᐃᓚᒌᒃᑐᓂᑦ ᐊᑐᓂᑦ ᓂᕈᐊᕐᓯᔭᕇᕋᒥᒃ ᓯᕗᓕᕐᑎᐅᓂᐊᕐᑐᓂᒃ, ᑐᒃᓯᐊᕐᓂᒃᑯᑦ ᓂᕆᑦᑍᓕᓂᒃᑯᓪᓗ ᑐᓂᕔᑦ ᐊᑕᓂᕐᒧᑦ ᐅᒃᐱᕐᕕᒋᔭᒥᖕᓄᑦ.
ᑕᕝᕙᓐᖓᑦ ᐅᒥᐊᒃᑯᑦ ᐊᓐᑎᐅᑭᐊᒧᑦ ᐅᑎᕆᕘᒃ, ᑍᑲᓂ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᑐᒃᓯᐅᑦᔭᐅᓪᓗᑎᒃ ᐱᒋᐊᕐᕕᒋᓚᐅᕐᑕᒥᖕᓄᑦ ᐃᓱᓕᑦᓯᕘᒃ.
ᐸᐅᓗᓯᐅᓪᓕ ᓮᓚᓯ ᓂᕈᐊᕐᓗᒍ ᐃᓚᒋᓕᕐᓗᒍ ᐊᐅᓪᓚᕆᕘᒃ, ᐅᒃᐱᕐᑑᖃᑎᒌᓄᑦ ᑐᓂᔭᐅᓪᓗᑎᒃ ᐊᑕᓂᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ.
ᑖᒃᑯᐊ ᐋᐴᓯᑕᓕᖕᓄᑦ ᐱᑎᑕᐅᕗᑦ, ᐋᐴᓯᑕᓖᑦ ᑐᒃᓯᐅᑎᕔᑦ ᐸᑎᒻᒥᓪᓗᒋᑦ.
ᑕᕝᕙ ᐊᓇᓁᐊᓯ ᐂᕗᖅ, ᐃᒡᓗᒧᑦ ᐃᑎᕐᓗᓂ; ᐸᑎᒻᒥᓪᓗᓂᐅᒃ ᐅᖃᕐᐳᖅ, “ᐅᒃᐱᖃᑎᒐ ᓴᐅᓗᓰ, ᐊᑕᓂᐅᑉ ᔩᓱᓯᐅᑉ ᐃᓕᖕᓄᑦ ᓴᖅᑭᓚᐅᕐᑑᑉ ᕾᓕᕐᑎᓪᓗᑎᑦ, ᑎᓕᕚᖓ ᑕᐅᑐᓕᕐᑎᑕᐅᖁᓪᓗᑎᑦ ᐊᓂᕐᓂᕐᒥᒡᓗ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᖁᓪᓗᑎᑦ.”
ᖃᓄᕐᓗ ᐊᔪᕆᕐᑐᐃᒐᔭᕐᐹᑦ ᑎᓕᔭᐅᓯᒪᖏᓪᓗᑎᒃ? ᐊᒡᓚᓂ ᑎᑎᕋᕐᓯᒪᔪᖃᕐᒪᑦ, “ᐱᐅᔪᐊᓘᕗᑦ ᐃᓯᒐᖏᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᕆᐊᕐᑐᕐᖢᑎᒃ ᑎᑭᐅᑦᔨᔪᑦ!”
ᑐᓂᕐᕈᓯᐊᕆᓯᒪᔧᑦ ᑲᒪᒋᔪᓐᓃᕐᑍᓕᒍᒃ, ᑐᓂᕐᕈᓯᐊᕆᓚᐅᕐᑍᑦ ᐊᓂᕐᓂᒃᑯᑦ ᐅᖃᓪᓚᒡᕕᐅᑎᓪᓗᑎᑦ ᐅᒃᐱᕐᑑᖃᑎᒌᑦ ᐊᖓᔪᖅᑳᖏᓐᓄᑦ ᐸᑎᒻᒥᔭᐅᓪᓗᑎᑦ.
ᐊᑕᓂᕐᒧᑦ ᐱᔨᑦᓯᕐᑐᒃᓴᓂᒃ ᑐᐊᕕᕐᓗᑎᑦ ᐸᑎᒻᒥᓯᓂᐊᕐᓇᒃ, ᐊᓯᕕᑦ ᐊᔪᕐᑐᓕᓂᖏᓐᓄᑦ ᐃᓚᐅᑦᑍᓕᒋᑦ; ᓇᖕᒥᓂᖅ ᐃᑦᔪᕐᓁᑎᑦᓯᐊᕆᑦ.
ᑍᒤᒻᒪᑦ ᐃᖅᑬᑎᑉᐸᒋᑦ ᐆᒻᒪᕐᑎᑦᓯᖁᓪᓗᑎᑦ ᒎᑎᒥᑦ ᑐᓂᕐᕈᓯᐊᕆᓯᒪᔭᕐᓂᒃ ᐃᓕᖕᓄᐊᓚᐅᕐᑐᒥᒃ ᐸᑎᒻᒥᓯᑎᓪᓗᖓ ᐃᓕᖕᓂᒃ.
ᐊᔪᕆᕐᑐᐃᓂᒃᑲᓗ ᑐᓴᓚᐅᕐᑕᑎᑦ ᐃᓄᐃᑦ ᐊᒥᓱᑦ ᑐᓵᑎᓪᓗᒋᑦ ᑲᒪᒋᔭᐅᖁᒃᑭᑦ ᐱᓇᓱᐊᑦᓯᐊᕈᓐᓇᕐᑐᓄᑦ ᐊᔪᕆᕐᑐᐃᔪᓐᓇᕋᔭᕐᑐᓄᓪᓗ ᐊᓯᒥᖕᓂᒃ.
ᑖᒃᑯᐊ ᐅᖃᐅᓯᖃᓚᐅᕐᒪᑕ ᐅᒃᐱᕐᑑᖃᑎᖕᓄᑦ ᓇᒡᓕᖕᓂᖃᕐᓂᕐᓂᒃ. ᐊᐅᓪᓚᓕᕐᐸᑕᑦ ᐃᑲᔪᕐᓯᕋᔭᕋᕕᒋᑦ ᐃᓱᒫᓗᖏᓪᓗᑎᒃ ᐊᐅᓪᓚᓕᖁᓪᓗᒋᑦ ᒎᑎᐅᑉ ᐱᔪᒪᔭᖓ ᒪᓕᒃᓗᒍ.
ᐅᕙᒍᑦ ᑍᒫᒃ ᐱᓇᓱᐊᕐᑐᓂᒃ ᐃᑲᔪᕐᑐᒃᓴᐅᒐᑦᑕ, ᐱᓇᓱᐊᕐᓂᖓ ᓱᓕᓂᒃᑰᕐᑐᖅ ᐱᖃᑕᐅᕕᒋᓂᐊᕋᑦᑎᒍ.
