ᐋᐴᓯᑕᓖᑦ ᐱᓂᐊᕐᓂᖏᑦ 13:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᐃᓅᖃᑎᒋᒡᔪᐊᑦ 7 ᓵᓚᒋᒐᒥᒋᑦ ᑬᓇᓂᒥ ᓄᓇᖃᕐᑐᑦ, ᑕᒪᓐᓇ ᓄᓇ ᓇᖕᒥᓂᕐᑖᕆᔭᐅᑎᓚᐅᕐᐹ ᐃᓴᕆᐊᓕᒥᐅᓄᑦ, ᐊᕐᕌᒍᓂᒃ 450ᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 13:19 Iomraidhean Croise

ᒨᓯᓯ ᓯᕗᓪᓖᑦ 12:5

ᐂᑉᕋᒻ ᓄᓕᐊᓂ ᓴᕅ ᐃᓚᒋᕚ, ᓘᑎᓗ ᐊᖓᔪᐊᑕ ᐃᕐᓂᖓ; ᐱᖁᑎᑎᒡᓗᑦᑕᐅᖅ ᑕᒪᕐᒥᒃ ᐱᑖᕆᓯᒪᔭᑎᒃ, ᐃᓄᖁᑎᑖᕆᓯᒪᔭᑎᒡᓗ ᕼᐊᕋᓐᒥᑦ; ᑕᕝᕙ ᐊᐅᓪᓚᓯᓚᐅᕐᐳᑦ ᑬᓇᓂᒧᑦ. ᓄᓇᒧᓪᓗ ᑬᓇᓂᒧᑦ ᑎᑭᒃᑲᓗᐊᕋᒥᒃ,

ᒨᓯᓯ ᓯᕗᓪᓖᑦ 17:8

ᑕᒪᓐᓇᓗ ᓄᓇ ᐃᓕᖕᓄᑦ ᑐᓂᓂᐊᕐᐸᕋ, ᑭᖑᕚᒃᓴᕐᓄᓪᓗ ᑭᖑᓂᕐᓂ. ᑕᒪᓐᓇ ᓄᓇ ᓂᐅᕐᕈᐊᖑᕕᒋᔧᑦ, ᑕᒪᓐᓇᓕᒫᕐᓗ ᓄᓇ ᑬᓇᓂ, ᓄᓇᒋᔪᒫᕐᐸᓯ ᐃᓱᖃᖏᑦᑐᒧᑦ; ᐅᕙᖓᓗ ᑖᒃᑯᓄᖓ ᒎᑎᒋᔭᐅᔪᒫᕐᐳᖓ.”

ᐊᑕᓃᑦ ᓯᕗᓪᓖᑦ 6:1

480 ᐊᕐᕌᒍᐃᑦ ᐊᓂᒍᕐᓯᒪᓕᕐᑎᓪᓗᒋᑦ ᐃᓴᕆᐊᓕᐅᑦ ᐃᓄᖏᑦ ᐄᑦᔨᑉᑎᒥᑦ ᐊᐅᓪᓚᓚᐅᕐᓂᖏᑕ, ᐊᕐᕌᒍᓂᒃ ᓯᑕᒪᓂᒃ ᓲᓗᒨᓂ ᐊᖓᔪᖅᑳᕐᔪᐊᖑᓕᕐᑎᓪᓗᒍ ᐃᓴᕆᐊᓕᒥ, ᑕᖅᑭᐅᑉ ᐂᑉᐸᖓᓂ ᔨᕝᒥ, ᐱᒋᐊᓚᐅᕐᐳᖅ ᓴᓇᓕᕐᓗᓂ ᐊᑕᓂᐅᑉ ᐃᒡᓗᖓᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 9:24

ᓵᓚᖃᕐᓂᒃᑯᑦ ᓄᓇᑖᓚᐅᕐᐳᑦ ᑬᓇᓂᐅᑉ ᓄᓇᖓᓂᒃ; ᐃᓄᐃᓪᓗ ᓄᓇᓖᑦ ᓯᖏᑕᐅᑎᓚᐅᕐᐸᑎᑦ, ᐃᓄᖁᑎᑎᑦ ᐱᔪᓐᓇᕐᓂᕐᒥᒃ ᑐᓂᓯᕕᒋᓚᐅᕐᐸᑎᑦ ᐃᓱᒤᓐᓇᕐᕆᖁᓪᓗᒋᑦ ᐃᓄᖕᓂᒃ ᐊᖓᔪᖅᑳᕐᔪᐊᓂᒡᓗ ᑬᓇᓂᒥ.

ᐃᓐᖏᕈᑎᑦ 135:11

ᓮᕼᐆᓂ, ᐊᒧᕅᑎᒃᑯᑦ ᐊᖓᔪᖅᑳᕐᔪᐊᖓᑦ, ᐋᒡᓗ, ᐹᓴᓂᒃᑯᑦ ᐊᖓᔪᖅᑳᕐᔪᐊᖓᑦ, ᑬᓇᓂᐅᓪᓗ ᐊᖓᔪᖅᑳᕐᔪᐊᖃᕐᕕᓕᒫᖏᓐᓂᒃ,

ᐃᓐᖏᕈᑎᑦ 78:55

ᐃᓅᖃᑎᒌᒡᔪᐊᑦ ᐊᐅᓪᓚᕐᑎᓚᐅᕐᐰᑦ ᐃᓄᖁᑎᒥ ᓵᖏᓐᓂᑦ, ᓄᓇ ᐆᒃᑐᕋᐅᑎᒃᑯᑦ ᓇᓗᓁᕐᓯᒪᔪᖅ ᑐᓐᓂᕐᓴᐅᑎᒋᓪᓗᒍ ᓄᓇᑖᕆᔭᐅᖁᓪᓗᒍ ᑭᖑᕐᖑᑎᔭᐅᔪᑎᑐᑦ, ᐃᓴᕆᐊᓖᓪᓗ ᑭᖑᕚᕇᑦ ᐊᖏᕐᕋᕐᑖᕐᑎᓚᐅᕐᐰᑦ ᓄᓇᒥ ᑕᒫᓂ.

ᐂᓮᐊᓯᐅᑉ ᐊᒡᓚᖏᑦ 34:17

ᐊᑕᓂᐅᑉ ᓄᓇᖁᑎᒃᓴᖏᓐᓂᒃ ᐊᑐᓂᑦ ᐱᑖᕐᑎᓚᐅᕐᒪᒋᑦ ᓇᓚᐅᑦᑖᕈᑎᒃᑯᑦ, ᐱᔪᓐᓇᕐᓂᕐᒥᓄᑦ ᐊᒡᒍᐃᑦᔪᑎᓚᐅᕐᐰᑦ ᓄᓇᖁᑎᒋᓂᐊᕐᑕᖏᓐᓂᒃ; ᑖᒃᑯᐊᓗ ᐃᓂᒋᔪᒫᕐᐰᑦ ᐃᓱᖃᖏᑦᑐᒧᑦ; ᑭᖑᕚᕇᓂᑦ ᑭᖑᕚᕇᓄᑦ ᐃᓂᒋᔪᒫᕐᐰᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 7:45

ᑭᖑᓂᖓᒍᑦ ᓯᕗᓕᕕᓂᑦᑕ ᑐᐱᖅ ᑖᓐᓇ ᐱᓚᐅᕆᕚᑦ ᓯᕗᓕᕕᓂᕐᒥᖕᓂᑦ, ᐊᒡᔭᓚᐅᕆᕚᓪᓗ ᔮᓱᐊ ᐃᓚᒋᓪᓗᒍ ᓄᓇᑖᓕᕋᒥᒃ ᓄᓇᓕᑐᖃᕐᓂᒃ ᒎᑎ ᐊᐅᓪᓚᕐᑎᑦᓯᖔᕐᑎᓪᓗᒍ. ᑕᒫᓃᓕᓚᐅᕐᐳᖅ ᑍᕕᑎ ᑎᑭᓪᓗᒍ.

ᒨᓯᓯ ᑕᓪᓕᒪᖏᑦ 7:1

“ᐊᑕᓂᐅᑉ ᒎᑎᑦᓯ ᓄᓇᒧᑦ ᑎᑭᑎᓐᓂᐊᕐᐹᓯ ᓄᓇᑖᕆᓂᐊᕐᑕᑦᓯᓐᓄᑦ, ᐃᓅᖃᑎᒌᒡᔪᐊᓪᓗ ᐅᓄᕐᑐᑦ ᑕᒫᓂ ᓄᓇᖃᕐᑐᑦ ᓅᑎᓐᓂᐊᕐᐰᑦ, ᓵᓚᒃᓴᖁᓪᓗᓯ ᐃᓅᖃᑎᒌᒡᔪᐊᑦ 7ᐃᑦ ᐊᐅᓪᓚᕐᑎᓐᓂᐊᕐᐰᑦ ᐃᓕᑦᓯᓐᓂᑦ ᐃᓄᒋᐊᖕᓂᕐᓴᐅᔪᑦ ᓴᓐᖏᓂᕐᓴᐅᔪᓪᓗ; ᕼᐃᑍᑎᒥᐅᑦ, ᒋᕐᒐᓮᑎᒥᐅᓪᓗ, ᐊᒧᕅᑎᒥᐅᓪᓗ, ᑬᓇᓂᒥᐅᓪᓗ, ᐱᕆᔧᑎᒥᐅᓪᓗ, ᕼᐃᕔᑎᑎᒥᐅᓪᓗ, ᔨᐳᓮᑎᒥᐅᓪᓗ.

ᔮᓱᐊᑉ ᐊᒡᓚᖏᑦ 14:1

ᓄᓇᐅᑉ ᐊᕕᒃᑐᕐᑕᐅᓂᖏᑦ ᑭᖑᕐᖑᑎᔭᐅᖁᓪᓗᒋᑦ ᐃᓴᕆᐊᓕᒥᐅᑦ ᐃᓄᖏᓐᓄᑦ ᑬᓇᓂᐅᑉ ᓄᓇᖓᓂ, ᐅᑯᓄᖓ ᐱᓇᓱᐊᕐᑕᐅᓚᐅᕐᐳᑦ ᐃᓕᓯᕆ ᑐᓂᕐᕈᓯᕐᑎᑦᓯᔨᒧᑦ, ᔮᓱᐊᒧᓪᓗ ᓈᓂᐅᑉ ᐃᕐᓂᖓᓄᑦ, ᐃᓚᒌᓪᓗ ᐃᓴᕆᐊᓕᒥᐅᑦ ᓯᕗᓕᕐᑎᖏᓐᓄᑦ ᑖᒃᑯᐊ ᐊᒡᒍᐃᓚᐅᕐᐳᑦ ᐃᓄᐃᑦ ᑭᖑᕚᕇᖑᓂᖏᑦ ᒪᓕᒡᓗᒋᑦ.

ᔮᓱᐊᑉ ᐊᒡᓚᖏᑦ 18:10

ᔮᓱᐊᓗ ᓇᓚᐅᑦᑖᕈᑎᒃᑯᑦ ᓮᓗᐊᒥ ᐊᑕᓂᕐᒥᒃ ᖃᐅᔨᒋᐊᕐᐳᖅ ᑖᒃᑯᐊ ᐱᑦᔪᑎᒋᓪᓗᒋᑦ, ᐊᕕᒃᑐᕐᐰᓪᓗ ᐃᓴᕆᐊᓕᒥᐅᓄᑦ ᓄᓇᑖᕆᐊᖃᕐᑐᓄᑦ ᑭᖑᕚᕇᑦ ᐊᕕᒃᑐᕐᓯᒪᓂᖏᑦ ᒪᓕᒡᓗᒋᑦ.

ᔮᓱᐊᑉ ᐊᒡᓚᖏᑦ 19:51

ᑕᒪᒃᑯᐊ ᑕᕝᕙ ᑭᖑᕐᖑᑎᔭᐅᓂᐊᓕᕐᑎᓪᓗᒋᑦ ᐊᕕᒃᑐᕐᑕᐅᓚᐅᕐᑐᑦ ᐃᓕᓯᕆᒧᑦ ᑐᓂᕐᕈᓯᕐᑎᑦᓯᔨᒧᑦ, ᔮᓱᐊᒧᓪᓗ ᓈᓂᐅᑉ ᐃᕐᓂᖓᓄᑦ, ᐃᓴᕆᐊᓕᒥᐅᓪᓗ ᐃᓚᒌᑦ ᓯᕗᓕᕐᑎᖏᓐᓄᑦ ᑖᒃᑯᐊ ᑐᓂᐅᖅᑬᓚᐅᕐᐳᑦ ᓄᓇᒥᒃ ᓇᓚᐅᑦᑖᕈᑎᒃᑯᑦ ᐊᑕᓂᐅᑉ ᓵᖓᓂ ᓮᓗᐊᒥ, ᑐᐱᐅᑉ ᑲᑎᒪᕕᐅᔫᑉ ᐃᑎᕐᑕᕐᕕᖓᓃᓪᓗᑎᒃ. ᑍᒤᓕᐅᕐᓗᑎᒃ ᐱᔭᕇᓚᐅᕐᐳᑦ ᓄᓇᒥᒃ ᐊᕕᒃᑐᐃᓂᖓᑦ.

ᔮᓱᐊᑉ ᐊᒡᓚᖏᑦ 23:4

ᑕᑯᒋᑦ, ᓇᓚᐅᑦᑖᕈᑎᑎᒍᑦ ᑐᓂᓚᐅᕐᐸᑦᓯ ᑭᖑᕐᖑᑦᔨᖁᓪᓗᓯ ᑭᖑᕚᓯᓗ ᓄᓇᑖᖁᓪᓗᓯ ᐃᓅᖃᑎᒋᒡᔪᐊᑦ ᓄᓇᖃᕋᓗᐊᕐᑎᓪᓗᒋᑦ ᓱᓕ, ᑖᒃᑯᐊᓗ ᐅᓇᑕᕐᓂᒃᑯᑦ ᐃᓅᖃᑎᒌᒡᔪᐊᓂᑦ ᓄᓇᑖᕆᓚᐅᕐᑕᕗᑦ, ᔪᐊᕐᑕᓂᐅᑉ ᑰᖓᓂᑦ ᐱᒋᐊᕐᓗᒍ ᒥᑎᑎᕆᓂᐊᑉ ᑕᕆᐅᖓ ᓯᕿᓂᐅᑉ ᓂᐱᕕᐊᓃᑦᑐᖅ ᑎᑭᓪᓗᒍ.

ᔮᓱᐊᑉ ᐊᒡᓚᖏᑦ 24:11

ᑕᕝᕙ ᔪᐊᕐᑕᓂᐅᑉ ᑰᖓᓂᒃ ᐃᑳᓚᐅᕐᐳᓯ ᔨᕆᑯᒧᓪᓗ ᐂᓪᓗᓯ, ᔨᕆᑯᒥᐅᓪᓗ ᐃᓄᖏᓐᓄᑦ ᐅᓇᑕᕆᐊᕐᑕᐅᓚᐅᕐᐳᓯ, ᐊᒧᕅᑎᒥᐅᓄᑦ, ᐱᕆᔧᑎᒥᐅᓄᑦ, ᑬᓇᓂᒥᐅᓄᑦ, ᕼᐃᑍᑎᒥᐅᓄᑦ, ᒋᕐᒐᕆᓮᑎᒥᐅᓄᑦ, ᕼᐃᕔᑎᒥᐅᓄᑦ, ᔨᐳᓮᑎᒥᐅᓄᓪᓗ; ᑖᒃᑯᐊᓗ ᐃᓕᑦᓯᓐᓄᑦ ᑐᓂᓚᐅᕐᐸᒃᑲ.

ᐃᓗᐊᕐᓮᔩᑦ ᐊᒡᓚᖏᑦ 11:26

ᐊᕐᕌᒍᓂᒃ 300ᓂᒃ ᐃᓴᕆᐊᓕᒥᐅᑦ ᓄᓇᖃᓕᕐᒪᑕ ᕼᐃᓴᐸᓂᒥᒃ ᐊᕈᐃᕆᒥᓗ ᓄᓇᓕᖁᑎᖏᓐᓂᓗ, ᐃᒡᓗᒐᓴᓕᒫᓂᓗ ᐋᕐᓄᓂᐅᑉ ᑰᖓᑕ ᑭᒡᓕᖓᓃᑦᑐᓂᒃ, ᓱᖕᒪᓪᓕ ᐅᑎᕐᑎᑦᓯᓚᐅᕐᓯᒪᓐᖏᓚᓯ ᑍᒪᓐᖓᓂᑦ?