ᐋᐴᓯᑕᓖᑦ ᐱᓂᐊᕐᓂᖏᑦ 13:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᒨᓯᓯᐅᑉ ᐱᖁᔭᖏᑦ ᓇᓚᐅᑦᑍᔪᓪᓗ ᐅᖃᐅᓯᖏᑦ ᐅᖃᓕᒫᕐᑕᐅᔭᕇᕐᒪᑕ, ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᑦᑕ ᐊᖓᔪᖅᑳᖏᑕ ᐅᖃᐅᑦᔭᐅᔭᕐᑐᖁᕚᒃ ᐅᖃᕐᓗᓂ, “ᐃᓅᖃᑎᒃᑲ, ᐱᕙᓪᓕᕈᑎᒃᓴᒥᒃ ᐃᓄᖕᓄᑦ ᐅᖃᐅᓯᒃᓴᖃᕈᑦᓯ ᐅᖃᓪᓚᖁᔨᕗᒍᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 13:15 Iomraidhean Croise

ᒫᑯᓯᐅᑉ ᐊᒡᓚᖏᑦ 5:22

ᔧᕉᓯ, ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᑕ ᐊᖓᔪᖅᑳᖏᑦᑕ ᐃᓚᖓᑦ, ᑎᑭᑉᐳᖅ; ᔩᓱᓯ ᑕᑯᒐᒥᐅᒃ, ᐃᑎᒐᖏᓐᓄᑦ ᓰᖅᑯᕐᓗᓂ ᐅᑯᕗᖅ.

ᓘᑲᓯᐅᑉ ᐊᒡᓚᖏᑦ 16:16

“ᒨᓯᓯᐅᑉ ᐱᖁᔭᖏᑦ, ᓇᓚᐅᑦᑍᔪᓪᓗ ᐊᒡᓚᖏᑦ ᐊᑐᓚᐅᕐᐳᑦ ᔪᐊᓇᓯ ᐹᑉᑎᑎᕆᔨ ᑎᑭᓪᓗᒍ; ᑭᖑᓂᖓᒍᑦ ᐅᖃᐅᓰᑦ ᑐᓴᕈᒥᓇᕐᑐᑦ ᒎᑎᐅᑉ ᐊᑕᓂᐅᕕᖓᓂᒃ ᐅᖃᐅᓯᖃᕐᑐᑦ ᐅᖃᐅᓯᐅᓕᕐᐳᑦ, ᐅᓄᕐᑐᐊᓗᐃᑦ ᐊᔪᐃᓐᓇᕐᓗᑎᒃ ᐃᑎᕋᓱᓕᕐᒪᑕ.

ᐋᐴᓯᑕᓖᑦ ᐱᓂᐊᕐᓂᖏᑦ 1:16

“ᐃᓅᖃᑎᒃᑲ, ᐊᒡᓔᑦ ᓇᓚᐅᑦᓯᔭᕆᐊᖃᓚᐅᕐᒪᑕ, ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᖃᐅᓯᕆᓯᒪᔭᖏᑦ ᑍᕕᑎᒃᑯᑦ, ᓇᓚᐅᑦᑍᑦᔪᑕᐅᓯᒪᔪᑦ ᔫᑕᓯᒥᒃ, ᑖᓐᓇ ᑕᓯᐅᕐᑎᐅᓚᐅᕐᒪᑦ ᔩᓱᓯᒥᒃ ᑎᒍᓯᓚᐅᕐᑐᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 13:27

ᐃᓄᐃᑦ ᔨᕉᓴᓕᒻᒥ ᓄᓇᖃᕐᑐᑦ ᐊᖓᔪᖅᑳᕆᔭᖏᓪᓗ ᖃᐅᔨᒪᓚᐅᖏᒻᒪᑕ ᐱᐅᓕᔨᐅᖕᒪᖔᑦ, ᑐᑭᓯᓚᐅᖏᒻᒪᑕᓘᓐᓃᑦ ᓇᓚᐅᑦᑍᔪᑦ ᐅᖃᐅᓯᖏᓐᓂᒃ ᓴᐸᑎᑕᒫᑦ ᐅᖃᓕᒫᕐᑕᐅᕙᒃᑲᓗᐊᕐᑎᓪᓗᒋᑦ, ᔩᓱᓯᒥᒃ ᑐᖁᑕᒃᓴᓐᖑᕐᑎᑦᓯᓂᕐᒥᒍᑦ ᐅᖃᐅᓰᑦ ᓇᓚᐅᑦᓯᑎᑕᐅᓚᐅᕐᐳᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 15:21

ᑍᑲᓐᖓᑦ ᐱᒋᐊᓕᕋᑖᕐᓂᖓᓂᑦ ᓄᓇᓕᓕᒫᓂ ᒨᓯᓯᐅᑉ ᐱᖁᔭᖏᑦ ᐊᔪᕆᕐᑐᐃᑦᔪᑕᐅᒪᑕ ᓴᐸᑎᑕᒫᑦ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ.”

ᐋᐴᓯᑕᓖᑦ ᐱᓂᐊᕐᓂᖏᑦ 15:7

ᐲᑦᑐᕉᓯ ᐅᖃᖃᑎᒌᕕᒡᔪᐊᒻᒪᕆᓚᐅᕐᑎᓪᓗᒋᑦ ᓂᑯᕕᓪᓗᓂ ᐅᖃᕐᐳᖅ, “ᐃᓅᖃᑎᒃᑲ, ᐅᓪᓗᓂ ᐱᒋᐊᓕᕋᑖᕐᑎᓪᓗᑕ, ᒎᑎ ᐅᕙᓐᓂᒃ ᓂᕈᐊᓚᐅᕐᒪᑦ ᐊᔪᕆᕐᑐᐃᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᔫᑎᐅᖏᑦᑐᓄᑦ, ᑐᓴᖁᓪᓗᒋᑦ ᐅᒃᐱᓕᖁᓪᓗᒋᓪᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 18:17

ᑖᒃᑯᐊ ᓲᔅᑎᓃᓯ ᔫᑎᑦ ᑲᑎᒪᕕᖓᓐᓄᑦ ᐊᖓᔪᖅᑳᖑᔪᖅ ᑎᒍᕚᑦ, ᐃᖅᑲᕐᑐᐃᔪᑦ ᑕᑯᓐᓇᕐᑎᓪᓗᒋᑦ ᐊᓇᐅᓕᓕᕐᐹᑦ. ᒑᓕᐅᓪᓕ ᑲᒪᒋᓐᖏᓔᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 18:8

ᑯᕆᔅᐸᓯ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓄᑦ ᐊᖓᔪᖅᑳᖑᔪᖅ, ᐊᑕᓂᕐᒧᑦ ᐅᒃᐱᓕᕐᐳᖅ, ᐃᒡᓗᒥᐅᖃᑎᓂ ᐃᓚᒋᓪᓗᒋᑦ; ᐅᓄᕐᑐᓪᓗ ᑯᕆᓐᑎᒥᐅᑦ ᐸᐅᓗᓯᐅᑉ ᐅᖃᐅᓯᖏᓐᓂᒃ ᑐᓴᕐᑐᑦ ᐅᒃᐱᓕᕋᒥᒃ ᐹᑉᑎᑕᐅᕗᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 2:29

“ᐃᓅᖃᑎᒃᑲ, ᖁᓚᖏᓪᓗᖓ ᓯᕗᓕᕆᓚᐅᕐᑕᑦᑎᓐᓂᒃ ᑍᕕᑎᒥᒃ ᐅᖃᐅᑎᔪᓐᓇᕐᐸᑦᓯ, ᑍᓐᓇ ᑐᖁᓚᐅᕐᐳᖅ ᐃᓗᕕᕐᑕᐅᓪᓗᓂ, ᒫᓐᓇ ᐅᓪᓗᒥ ᐃᓗᕕᖓ ᒫᓃᑉᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 2:37

ᐃᓄᐃᑦ ᑕᒪᑐᒥᖓ ᑐᓴᕋᒥᒃ ᐆᒻᒪᑎᒥᒍᑦ ᐊᒃᑐᕐᑕᐅᕗᑦ, ᐲᑦᑐᕉᓯᒧᑦ ᐋᐴᓯᑕᓕᖕᓄᓪᓗ ᐅᖃᓕᕐᓗᑎᒃ, “ᐃᓅᖃᑎᕗᑦ ᖃᓄᕐᓕ ᐱᓂᐊᓕᕐᐱᑖ?”

ᐋᐴᓯᑕᓖᑦ ᐱᓂᐊᕐᓂᖏᑦ 2:4

ᑕᒪᕐᒥᒡᓗ ᐃᓗᒻᒥᕐᑕᐅᕗᑦ ᐊᓂᕐᓂᕐᒥᑦ ᐃᑦᔪᕐᓁᑦᑐᒥᑦ, ᐅᖃᐅᓯᕐᓄᑦ ᐅᖃᐅᓯᕆᓐᖏᑕᒥᖕᓄᑦ ᐅᖃᓪᓚᓕᕐᐳᑦ, ᑍᒫᒃ ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᖃᕈᓐᓇᕐᓯᑎᒻᒪᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 20:2

ᑖᒃᑯᑎᒎᓇᖅ ᐃᖏᕐᕋᒐᒥ ᐃᓄᐃᑦ ᑕᒫᓃᑦᑐᑦ ᐱᕙᓪᓕᕈᑎᒃᓴᖏᓐᓂᒃ ᐊᔪᕆᕐᑐᒻᒪᕆᓚᐅᕐᓗᒋᑦ, ᑭᖑᕐᖓᒍᑦ ᒍᕇᓯᒧᐊᕐᐳᖅ ᐊᑬᐊᒦᑦᑐᒧᑦ,

ᐋᐴᓯᑕᓖᑦ ᐱᓂᐊᕐᓂᖏᑦ 22:1

“ᐃᓅᖃᑎᒌᖑᔪᓯ ᐊᖓᔪᒃᖠᐅᔪᓯᓗ, ᐅᕙᓐᓂᒃ ᑐᑭᓯᔭᐅᑎᓐᓇᓱᐊᕐᑎᓪᓗᖓ, ᓈᓚᓚᐅᕐᓯᓐᖓ.”

ᐋᐴᓯᑕᓖᑦ ᐱᓂᐊᕐᓂᖏᑦ 4:36

ᔫᓯᐱᑦᑕᐅᖅ ᓕᕔᑎᐅᔪᖅ, ᓮᐳᕋᓯᒥ ᐃᕐᓂᐊᖑᓯᒪᔪᖅ, ᐋᐴᓯᑕᓕᖕᓂᑦ ᑍᔭᐅᔪᖅ ᐸᕐᓇᐹᓯᒥᒃ (ᐊᑎᖓᑕ ᑐᑭᖓ ᐱᕙᓪᓕᕐᑎᑦᓯᔨ).

ᐋᐴᓯᑕᓖᑦ ᐱᓂᐊᕐᓂᖏᑦ 7:2

ᓯᑎᐹᓇᓯᐅᑉ ᐅᖃᐅᑎᕚ, “ᐃᓅᖃᑎᒃᑲ ᐊᖓᔪᖅᑳᖑᔪᓯᓗ, ᓈᓚᒃᓯᓐᖓ. ᒎᑎ ᓂᕐᑐᕐᓇᕐᑐᕐᔪᐊᖑᓪᓗᓂ ᓴᖅᑭᓚᐅᕐᐳᖅ ᐂᑉᕋᕼᐋᒻᒧᑦ ᐊᑖᑕᑦᑎᓐᓄᑦ, ᒥᓱᐳᑍᒥᐊᒦᑎᓪᓗᒍ ᕼᐊᕋᓐᒥ ᓄᓇᖃᓚᐅᕐᑎᓐᓇᒍ ᓱᓕ,

ᕉᒪᒥᐅᓄᑦ 12:8

ᐱᕙᓪᓕᕐᑎᑦᓯᓂᕐᒥᒃ ᑐᓂᕐᕈᓯᐊᕈᓂ ᐱᕙᓪᓕᕐᑎᑦᓯᓕ, ᓇᓪᓕᐊᑦ ᑐᓂᓯᒍᓂ ᐊᓐᓂᕈᓱᖏᓪᓗᓂ ᑐᓂᓯᓕ; ᑕᓯᐅᕐᑎᐅᓂᕐᒥᒃ ᐱᓯᒪᒍᓂ ᐊᒃᓱᕈᕐᓕ; ᓂᑲᒍᓱᖕᓂᕐᒥᒃ ᐱᓇᓱᐊᕈᓂ, ᖁᕕᐊᓱᒡᓗᓂ ᑍᒤᓕᐅᕐᓕ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:3

ᒎᑎᐅᓪᓕ ᐅᖃᐅᓯᕆᖁᔭᖏᓐᓂᒃ ᐅᖃᐅᓯᖃᕐᑐᖅ ᐃᓄᖕᓄᑦ ᐅᖃᓪᓚᒃᐳᖅ, ᑖᒃᑯᐊ ᓲᖑᓯᑎᑕᐅᖁᓪᓗᒋᑦ ᐱᕙᓪᓕᕐᑎᑕᐅᖁᓪᓗᒋᓪᓗ ᓮᒻᒪᕐᓴᕐᓗᒋᓪᓗ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:14

ᑍᒃᑯᐊᓕ ᐃᓱᒪᖏᑦ ᓱᓕ ᒪᑐᓯᒪᕗᑦ ᐅᓪᓗᒥᒧᑦ ᑎᑭᓪᓗᒍ; ᐅᖃᓕᒫᓕᕌᖓᒥᒃ ᐊᖏᖃᑎᒌᖕᓂᑐᖃᕐᓃᑦᑐᓂᒃ, ᒪᑐᐊᕆᔭᐅᓚᐅᕐᑐᖅ ᓱᓕ ᐲᕐᑕᐅᓯᒪᓐᖏᓚᖅ, ᑖᓐᓇ ᒪᑐᐊᖅ ᙭ᔅᑑᓯᒃᑯᑦ ᑭᓯᐊᓂ ᐲᕐᑕᐅᔪᓐᓇᕐᒪᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:3

ᐊᒃᓱᕈᕐᓗᑕ ᐱᓇᓱᐊᕐᓂᕆᔭᕗᑦ ᑕᒪᕐᑎᑦᓯᓇᓱᐊᕐᓂᕐᒥᒃ ᑐᓐᖓᕕᖃᓚᐅᖏᒻᒪᑦ ᓇᒻᒪᖏᑦᑐᒥᒃᓘᓐᓃᑦ, ᓯᓔᕐᕆᒃᓯᓇᓱᐊᕐᓂᕐᒥᒡᓘᓐᓃᑦ ᐃᓚᖃᓚᐅᓐᖏᓚᑦ.

ᐄᑉᕈᐃᓄᑦ 13:22

ᕿᓄᕕᒋᕙᑦᓯ ᐅᒃᐱᖃᑎᒃᑲ, ᕿᓄᐃᓵᕐᓗᓯ ᐅᖃᐅᓰᑦ ᐱᕙᓪᓕᕈᑎᒃᓮᑦ ᓈᓚᒃᓯᐅᒃ, ᐃᓕᑦᓯᓐᓄᑦ ᑎᑎᕋᕐᑕᒃᑲ ᓁᑦᑑᒐᓗᐊᑦ.