ᐋᐴᓯᑕᓖᑦ ᐱᓂᐊᕐᓂᖏᑦ 13:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐅᖃᕐᓗᓂ, “ᓵᑖᓇᓯᐅᑉ ᐃᕐᓂᖓ, ᓇᓛᒎᕐᑐᓕᒫᓂᒃ ᐊᑭᕋᕐᑐᕐᑎᐅᔪᑎᑦ, ᓯᓔᕐᕆᒃᓯᓂᐊᓗᖕᓂᒃ ᓴᒡᓗᓂᕐᓂᒡᓗ ᑕᑕᑦᑐᑎᑦ, ᐊᑕᓂᐅᑉ ᐊᖅᑯᑎᖓᑕ ᓱᓕᑦᓯᐊᕐᓂᖓᓂᒃ ᓴᖑᑎᑦᓯᓇᓱᐊᖏᓐᓇᕐᓂᐊᕐᐲᑦ?

ᐋᐴᓯᑕᓖᑦ ᐱᓂᐊᕐᓂᖏᑦ 13:10 Iomraidhean Croise

ᒨᓯᓯ ᓯᕗᓪᓖᑦ 18:19

ᐊᓐᖏᒍᑎᓂᐊᓐᖏᓚᕋ, ᓂᕈᐊᕐᓯᒪᒐᒃᑯ, ᐱᖁᔨᔪᒫᕐᒪᑦ ᕿᑐᕐᖓᒥᓂᒃ ᐃᓚᒥᓂᒡᓗ ᐊᑕᓂᐅᑉ ᐊᖅᑯᑎᖓᓃᖁᓪᓗᒋᑦ ᐃᓱᐊᕐᑐᓕᓂᒃᑯᑦ ᐊᑦᔨᒌᒃᑎᑦᓯᓂᒃᑯᓪᓗ; ᐊᑕᓂᖅ ᑐᓂᓯᖁᓪᓗᒍ ᐂᑉᕋᕼᐋᒧᑦ ᐊᖏᕈᑎᒋᓯᒪᔭᒥᓂᒃ ᑖᑦᓱᒧᖓ.”

ᒨᓯᓯ ᓯᕗᓪᓖᑦ 3:15

ᐊᕐᓇᕐᓗ ᐊᑭᕋᕇᒃᑎᓐᓂᐊᓕᕐᐸᑦᓯᒃ, ᑭᖑᕚᑎᓪᓗ ᑭᖑᕚᖏᓪᓗ ᐊᑭᕋᕇᒃᓗᑎᒃ; ᑖᑦᓱᒪ ᑭᖑᕚᖓᑕ ᓂᐊᖁᐃᑦ ᑎᒡᓘᔭᕐᑎᑦᓱᒫᕐᐹ, ᐃᕝᕕᓪᓕ ᑭᖑᕚᖓ ᑭᖕᒥᖓᒍᑦ ᑎᒡᓘᔭᕐᑎᑦᓱᒫᕐᐸᑦ.”

ᑯᕉᓂᑲ ᐂᑉᐸᖏᑦ 17:6

ᓴᐱᖏᑦᓯᐊᓚᐅᕐᐳᖅ ᐱᓂᐊᕐᓂᒥᒍᑦ ᐊᑕᓂᕐᒧᑦ; ᒎᑎᓐᖑᐊᓄᓪᓗ ᑐᒃᓯᐊᕐᕖᑦ ᐱᓪᓚᕆᒋᔭᐅᔪᑦ ᕿᔪᐃᓪᓗ ᐃᓄᓐᖑᐊᑦ ᐊᓯᕋᒥᑦ ᔫᑕᒥᑦ ᐲᔭᕐᐰᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:3

ᑕᒪᓐᓇ ᑕᒪᑦᔭ ᐱᐅᖏᑦᑐᖅ ᑕᒪᑭᕐᓗᓂ ᐊᑐᕐᑕᐅᔪᖅ ᓯᕿᓂᐅᑉ ᐊᑖᓂ; ᐊᑦᔨᒌᒃᑐᒥᒃ ᑕᒪᕐᒥᒃ ᐱᓂᐊᕐᕕᐅᖕᒪᑕ. ᓱᓕᔪᒥᒃ ᐃᓄᐃᑦ ᐆᒻᒪᑎᖏᑦ ᑕᒪᕐᒥᒃ ᐱᐅᖏᑦᑐᒥᒃ ᑕᑕᒻᒪᑕ; ᐃᓱᒤᕈᑎᓂᐅᔮᕐᑐᒥᒃ ᐆᒻᒪᑎᖏᑦ ᑕᑕᑉᐳᑦ ᐃᓅᓂᕐᒥᖕᓂ, ᑕᒪᑐᒪᓗ ᑭᖑᓂᖓᒍᑦ ᑐᖁᕙᒃᐳᑦ.

ᔨᕆᒤᐊᐅᑉ ᐊᒡᓚᖏᑦ 23:36

‘ᐊᑕᓂᐅᑉ ᐅᖁᒤᒋᔭᖓᓂᒃ,’ ᐅᖃᖃᑦᑕᕆᐊᖃᕈᓐᓃᕐᐳᓯ, ᐃᓄᐃᑦ ᐅᖁᒤᒋᔭᒥᖕᓂᒃ ᐅᖃᖃᑦᑕᕐᒪᑕ, ᑐᑮᕈᑎᑎᑦᓯᑐᐃᓐᓇᖃᑕᓕᕋᑦᓯ ᒎᑎᐅᑉ ᐆᒪᔫᑉ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ, ᒎᑎᑦᑕ ᐅᖃᐅᓯᖏᓐᓂᒃ.

ᕼᐆᓯᐊᑉ ᐊᒡᓚᖏᑦ 14:9

ᓇᓪᓕᐊᑦ ᓯᓚᑐᔪᖅ, ᑕᒪᒃᑯᓂᖓ ᑐᑭᓯᓕᕐᓕ; ᓇᓪᓕᐊᑦ ᖃᐅᔨᔪᓐᓇᕐᑐᖅ ᑖᒃᑯᓂᖓ ᖃᐅᔨᓕᕐᓕ; ᐊᑕᓂᐅᑉ ᐊᖅᑯᑎᖏᑦ ᓈᒻᒪᑦᓯᐊᕐᒪᑕ; ᐃᓱᐊᕐᑐᑦ ᑕᒪᓐᓇ ᐊᑐᕐᐹᑦ, ᐱᐅᖏᑦᑐᓕᔪᓪᓕ ᑕᒪᐅᓇ ᐹᓪᓚᒃᐳᑦ.

ᒫᑎᐅᓯᐅᑉ ᐊᒡᓚᖏᑦ 13:38

ᐱᕈᕐᓰᕕᒃ, ᑕᕝᕙ ᓯᓚᕐᔪᐊᖅ, ᐱᕈᕐᑐᒃᓮᑦ ᐱᐅᔪᑦ ᑕᕝᕙ ᐃᓄᐃᑦ ᐊᑕᓂᐅᕕᐅᑉ ᐱᖏᑦ; ᐱᕈᕐᓂᕐᓗᒃᑐᑦ ᑕᕝᕙ ᐃᓄᐃᑦ ᓵᑖᓇᓯᐅᑉ ᐱᖏᑦ;

ᒫᑎᐅᓯᐅᑉ ᐊᒡᓚᖏᑦ 15:19

ᐃᓅᑉ ᐆᒻᒪᑎᖓᓂᑦ ᐃᓱᒤᑦ ᐱᐅᖏᑦᑐᑦ ᓴᖅᑭᑉᐳᑦ, ᐱᔮᕆᓗᓂ ᑐᖁᑦᓯᓂᖅ, ᓄᓕᐊᕇᖕᓂᕐᒥᒃ ᐊᓯᓐᓂᐊᕐᓂᖅ, ᑲᑎᑎᑕᐅᓯᒪᖃᑎᒋᓐᖏᑕᒥᒃ ᐃᓐᓇᖓᖃᑎᖃᕐᓂᖅ; ᑎᒡᓕᖕᓂᖅ, ᐃᓅᖃᑎᒥᒃ ᓴᒡᓗᑎᖃᕐᓂᖅ, ᐅᖃᐅᑎᖃᕐᓗᖕᓂᖅ.

ᒫᑎᐅᓯᐅᑉ ᐊᒡᓚᖏᑦ 23:13

“ᐃᓕᑦᓯᓐᓄᑦ ᑲᑉᐱᐊᓐᓇᒦᒃ, ᐱᖁᔭᓂᒃ ᐃᓕᓮᔩᑦ ᐹᕆᓯᓪᓗ, ᑕᒃᑯᕐᒨᕐᑐᓯ! ᒎᑎᐅᑉ ᐊᑕᓂᐅᕕᖓᑕ ᐅᒃᑯᐊᖓ ᐅᒃᑯᐊᕐᓯᒪᒐᑦᓯᐅᒃ ᐃᓄᐃᑦ ᐃᑎᖁᓇᒋᑦ; ᓇᖕᒥᓂᕐᓗ ᐃᑎᕐᓯᒪᓇᓯ, ᑕᕝᕗᖓᓗ ᐃᑎᕋᓱᐊᕐᑐᑦ ᐊᒡᕕᐊᕋᓱᐊᕐᐸᓯ! [

ᒫᑎᐅᓯᐅᑉ ᐊᒡᓚᖏᑦ 3:7

ᐹᕆᓯᓪᓕ ᓵᑦᔪᓰᓪᓗ ᐊᒥᓱᑦ ᑎᑭᑎᓂ ᐹᑉᑎᑦᓯᕕᖕᒥᓄᑦ ᑕᑯᒐᒥᒋᑦ, ᐅᖃᐅᑎᕔᑦ, “ᖁᒡᓗᒋᐊᖑᔮᕐᑐᓯ, ᑭᐊ ᕿᒫᖁᕚᓯ ᒎᑎᐅᑉ ᓂᓐᖓᖕᓂᖓᓂᑦ ᐱᔪᒫᕐᑐᒥᑦ?

ᓘᑲᓯᐅᑉ ᐊᒡᓚᖏᑦ 11:39

ᐊᑕᓂᐅᑉ ᐅᖃᐅᑎᕚ, “ᐃᓕᑦᓯ ᐹᕆᓯᑦ ᑏᑑᑏᑦ ᓂᕐᕆᑏᓪᓗ ᓯᓚᑎᖏᑦ ᓴᓗᒻᒪᕐᓴᕋᓗᐊᕐᐸᓯ, ᐃᓗᓯᓕ ᐱᑖᕈᒫᓂᐊᓗᖕᒥᒃ ᐱᐅᖏᑦᑐᓕᓂᕐᒥᒡᓗ ᑕᑕᑉᐳᖅ.

ᓘᑲᓯᐅᑉ ᐊᒡᓚᖏᑦ 11:52

“ᐃᓕᑦᓯᓐᓄᑦ ᑲᑉᐱᐊᓐᓇᒦᒃ ᐃᓕᑦᓯ ᐱᖁᔭᓂᒃ ᐃᓕᓮᔩᑦ! ᐃᓕᓯᒪᓂᐅᑉ ᒪᑐᖓᑕ ᐲᕈᑖ ᐱᓯᒪᒐᑦᓯᐅᒃ; ᐃᓕᑦᓯᓕ ᓇᖕᒥᓂᖅ ᐃᑎᕐᓂᐊᓐᖏᓚᓯ, ᐃᑎᕈᒪᔪᓪᓗ ᐃᑎᕐᑎᑦᑍᓕᓪᓗᒋᑦ!”

ᔪᐊᓇᓯᐅᑉ ᐊᒡᓚᖏᑦ 1:23

ᔪᐊᓇᓯᐅᑉ ᑭᐅᕔᑦ, “ᑍᓐᓇᐅᕗᖓ, ‘ᓂᐱ ᕾᒐᓛᕐᑐᖅ ᑐᓴᕐᓴᐅᔪᖅ ᐃᓄᖃᖏᑦᑐᒥ; ᐊᑕᓂᐅᑉ ᐊᖅᑯᑎᒃᓴᖓ ᑐᑭᓕᐊᕐᓯᑎᓯᐅᒃ,’ ᓇᓚᐅᑦᑍᔪᑉ ᐂᓮᐊᓯᐅᑉ ᐅᖃᐅᓯᕆᓯᒪᔭᖓ.”

ᔪᐊᓇᓯᐅᑉ ᐊᒡᓚᖏᑦ 8:44

ᐊᑖᑕᑦᓯᓐᓂᑦ ᓵᑖᓇᓯᒥᑦ ᐱᕗᓯ, ᐊᑖᑕᑦᓯᓗ ᐱᔪᒪᔭᖏᑦ ᒪᓕᒍᒪᕙᓯ. ᑖᓐᓇ ᐱᒋᐊᕐᓂᖓᓂᑦ ᐃᓄᐊᕐᑎᐅᕗᖅ, ᓱᓕᔪᒥᒡᓗ ᐱᓯᒪᓚᐅᕐᓯᒪᓐᖏᓚᖅ, ᓱᓕᓂᖅ ᑖᑦᓱᒪᓃᖏᒻᒪᑦ. ᓴᒡᓗᒍᓂ, ᐱᐅᓯᒥᓂᒃ ᐊᑐᕐᐳᖅ, ᓴᒡᓗᑐᔫᒐᒥ ᓴᒡᓗᓂᐅᓪᓗ ᐊᑖᑕᒋᕚ.

ᐋᐴᓯᑕᓖᑦ ᐱᓂᐊᕐᓂᖏᑦ 20:30

ᐃᓄᒃᑕᖃᓕᕈᒫᕐᒪᑦ ᐊᑯᓐᓇᑦᓯᓐᓂᑦ ᐱᔪᓂᒃ ᓱᓕᖏᑦᑐᒥᒃ ᐊᔪᕆᕐᑐᐃᖃᑦᑕᕐᑐᓂᒃ, ᒪᓕᒃᑎᑖᕋᓱᐊᕐᓗᑎᒃ ᐃᓕᓐᓂᐊᕐᑎᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:3

ᐄᕕ ᖁᒡᓗᒋᐊᒧᑦ ᐱᖏᑦᓯᕐᑐᕐᑐᒧᑦ ᐅᐃᕕᕆᔭᐅᓚᐅᕐᒪᑦ, ᓯᕘᕋᕗᖓᓕ ᐃᓱᒪᓯᑦᑕᐅᖅ ᓴᖑᑎᑕᐅᓂᐊᕋᓱᒋᓪᓗᒋᑦ ᓱᓕᑦᓯᐊᕐᓂᕐᒥᑦ ᐃᒃᐱᒍᓱᒍᓐᓃᕐᑎᑕᐅᓂᕐᒧᑦ ᙭ᔅᑑᓯᒥᒃ.

ᒐᓔᑎᐊᒥᐅᓄᑦ 1:7

ᐅᖃᐅᓰᑦ ᑐᓴᕈᒥᓇᕐᑐᑦ ᐊᓯᖃᓐᖏᒃᑲᓗᐊᕐᑎᓪᓗᒋᑦ, ᐃᓄᖃᑎᑦᓯᓕ ᐃᓚᖏᓐᓄᑦ ᐃᓱᒪᔮᕐᑎᑕᐅᕗᓯ ᙭ᔅᑑᓯᒥ ᑐᓴᕈᒥᓇᕐᑐᑦ ᓇᕐᕈᓇᕐᓯᑎᓐᓇᓱᐊᕐᓗᒋᑦ.

ᐃᐱᓯᒥᐅᓄᑦ 4:14

ᓱᕈᓯᐅᔪᓐᓁᖁᓪᓗᑕ, ᒪᓕᖕᒧᑦ ᐊᐅᓚᑕᐅᔪᑎᑐᑦ ᐊᓄᕆᐅᓪᓗ ᓴᕿᖃᑦᑕᕐᓂᖓᓂᒃ ᒪᓕᑐᐃᓐᓇᕐᑐᑎᑐᑦ, ᑕᕝᕙ ᐊᔪᕆᕐᑑᓯᕐᓄᑦ ᓯᓔᕐᕆᒃᓯᔪᓄᑦ, ᑕᒻᒪᕐᑎᑦᓯᔪᓄᑦ ᑕᑯᒃᓴᐅᔪᒃᑯᑦ ᓱᓕᔫᔮᕐᓗᑎᒃ ᐱᓇᓱᐊᖃᑦᑕᕐᑐᓄᑦ.

ᐲᑦᑐᕉᓯ ᐂᑉᐸᖏᑦ 2:15

ᐊᖅᑯᒻᒥᒃ ᓇᓛᒎᕐᑐᒥᒃ ᕿᒤᓪᓗᑎᒃ ᑕᒻᒪᕐᓇᕐᑐᒧᑦ ᑐᕌᓕᕐᐳᑦ; ᒪᓕᒃᐳᑦ ᐊᖅᑯᒻᒥᒃ ᐸᓛᒥᐅᑉ ᐱᐅᕆᐅᑉ ᐃᕐᓂᖓᑕ ᐊᑐᓚᐅᕐᑕᖓᓂᒃ, ᑮᓇᐅᔭᓂᒃ ᐱᔪᒪᓗᐊᕐᓂᕐᒧᑦ ᓈᒻᒪᖏᑦᑐᒃᑯᑦ ᐱᑖᕆᓯᒪᕔᑦ,

ᔪᐊᓇᓯ ᓯᕗᓪᓖᑦ 3:8

ᓇᓪᓕᐊᑦ ᐊᔪᕐᑐᓕᔪᖅ ᑖᓐᓇ ᓵᑖᓇᓯᒥᑦ ᑍᒤᑎᑕᐅᕗᖅ, ᐱᒋᐊᕐᓂᖓᓂᑦ ᓵᑖᓇᓯ ᐊᔪᕐᑐᓕᖕᒪᑦ. ᑕᒪᓐᓇ ᐱᑦᔪᑎᒋᓪᓗᒍ ᒎᑎᐅᑉ ᐃᕐᓂᖓ ᓴᖅᑭᓯᒪᕗᖅ ᐊᓯᕈᐃᔭᕐᑐᕐᓗᓂ ᓵᑖᓇᓯᐅᑉ ᐱᓇᓱᐊᕐᓂᖏᓐᓂᒃ.