ᐋᐴᓯᑕᓖᑦ ᐱᓂᐊᕐᓂᖏᑦ 12:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᐃᕉᑕᓯᐅᓪᓕ ᕿᓂᕐᑕᐅᑎᓕᕐᐹ ᓇᓂᔭᐅᔪᓐᓇᖏᒻᒪᓪᓕ, ᐅᓇᑕᕐᑐᒃᓮᑦ ᑲᒪᔨᐅᔪᑦ ᐊᐱᕐᓱᕐᑕᐅᑎᓕᕐᐰᑦ ᐊᐱᕐᓱᕐᑕᐅᔭᕇᕐᒪᑕ ᑐᖁᑕᐅᔭᕐᑐᖁᓕᕐᐰᑦ. ᑕᒪᑐᒪᓗ ᑭᖑᓂᖓᒍᑦ ᐃᕉᑕᓯ ᔫᑎᐊᒥᑦ ᓯᓴᕆᐊᒧᐊᕐᐳᖅ ᑍᑲᓃᓕᕐᓗᓂ.

ᐋᐴᓯᑕᓖᑦ ᐱᓂᐊᕐᓂᖏᑦ 12:19 Iomraidhean Croise

ᐊᑕᓃᑦ ᓯᕗᓪᓖᑦ 20:43

ᐃᓴᕆᐊᓕᒥᐅᓪᓗ ᐊᖓᔪᖅᑳᕐᔪᐊᖓ ᐊᖏᕐᕋᐅᕗᖅ ᓴᒥᐊᕆᐊᒧᑦ ᐃᓱᒪᔮᕐᓗᓂ ᕿᒃᓵᓕᕐᓗᓂᓗ.

ᐃᔅᑕᐅᑉ ᐊᒡᓚᖏᑦ 6:12

ᑭᖑᓂᖓᒍᑦ ᒧᐊᑎᑬ ᐊᖓᔪᖅᑳᕐᔪᐊᑉ ᐃᒡᓗᖓᑕ ᐃᑎᕐᑕᕐᕕᐊᑕ ᓴᓂᐊᓄᑦ ᐅᑎᓚᐅᕆᕗᖅ. ᕼᐂᒪᓂᓕ ᑐᐊᕕᕐᓗᓂ ᐊᖏᕐᕋᕐᐳᖅ, ᕿᒃᓵᕕᒡᔪᐊᕐᓗᓂ ᑮᓇᓂ ᒪᑐᓯᒪᓪᓗᓂᐅᒃ.

ᔨᕆᒤᐊᐅᑉ ᐊᒡᓚᖏᑦ 36:26

ᐊᖓᔪᖅᑳᕐᔪᐊᕐᓕ ᐅᖃᖔᓚᐅᕐᐳᖅ, ᔨᕋᒥᐅᓪᓕ ᐃᕐᓂᓂ ᓯᕅᐊᓗ ᐊᔭᕆ-ᐃᐅᑉ ᐃᕐᓂᖓ ᓯᓕᒤᐊᓗ ᐊᐸᑎᐅᓕᐅᑉ ᐃᕐᓂᖓ ᑎᒍᓯᔭᕐᑐᖁᓪᓗᒋᑦ ᐸᕉᒃᒥᒃ ᐊᒡᓚᖕᓂᒃ ᑎᑎᕋᕐᑎᒥᒃ, ᔨᕆᒤᐊᒥᒡᓗ ᒎᑎᐅᑉ ᐅᖃᕐᑎᖓᓂᒃ, ᐊᑕᓂᐅᓪᓕ ᐃᔨᓚᐅᕐᐹᒃ.

ᒫᑎᐅᓯᐅᑉ ᐊᒡᓚᖏᑦ 2:1

ᔩᓱᓯ ᐃᕐᓂᐊᖑᖕᒪᑦ ᐱᑦᓕᐊᒥ ᔫᑎᐊᒦᑦᑐᒥ, ᐃᕉᑕᓯ ᐊᖓᔪᖅᑳᕐᔪᐊᖑᑎᓪᓗᒍ, ᑕᑯᒋᑦ, ᐊᖑᑏᑦ ᐅᓪᓗᕆᐊᓂᒃ ᐃᓕᓯᒪᔪᑦ ᓯᕿᓂᐅᑉ ᓄᐃᕕᐊᑕ ᓇᓛᓂᑦ ᐱᔪᑦ, ᔨᕉᓴᓕᒻᒧᑦ ᑎᑭᑉᐳᑦ.

ᒫᑎᐅᓯᐅᑉ ᐊᒡᓚᖏᑦ 2:13

ᐊᐅᓪᓚᕐᒪᑕ, ᑕᑯᒋᑦ, ᐊᑕᓂᐅᑉ ᐂᖏᓕᖓᑕ ᔫᓯᐱ ᓴᖅᑭᕝᕕᒋᕚ ᓯᓐᓇᒃᑑᒪᒃᑯᑦ, ᐅᖃᕐᓗᓂ, “ᐃᕉᑕᓯ ᓄᑕᕋᑯᓗᖕᒥᒃ ᕿᓂᕐᓂᐊᓕᕐᒪᑦ ᑐᖁᑦᓯᔪᒪᓗᓂ. ᑍᒤᒻᒪᑦ ᒪᑭᓕᕆᑦ, ᓄᑕᕋᑯᓗᒃ ᐊᓈᓇᖓᓗ ᓇᒃᓴᕐᓗᒋᒃ ᕿᒫᓕᕆᑦ ᐄᑦᔨᑉᑎᒧᑦ, ᑍᑲᓃᓐᓂᐊᕐᐳᑎᑦ ᐅᕙᓐᓄᑦ ᓅᖁᔭᐅᓕᓚᐅᖏᓐᓂᕐᓂ.”

ᒫᑎᐅᓯᐅᑉ ᐊᒡᓚᖏᑦ 2:16

ᐃᕉᑕᓯ ᖃᐅᔨᓕᕋᒥ ᐅᓪᓗᕆᐊᓂᒃ ᐃᓕᓯᒪᔪᓄᑦ ᓴᒡᓗᕿᑕᐅᓂᕐᒥᓂᒃ, ᓂᓐᖓᕕᒃᔪᐊᕐᐳᖅ, ᐱᖁᔨᓕᕐᐳᖅ ᓄᑕᕅᑦ ᓄᑲᑉᐱᐊᖑᒃᐸᑕ ᐱᑦᓕᐊᒦᑦᑐᑦ ᖃᓂᒋᔮᓃᑦᑐᓪᓗ ᑕᒪᕐᒥᒃ ᑐᖁᕋᕐᑕᐅᖁᓪᓗᒋᑦ, ᒪᕐᕉᖕᓂᒃ ᐊᕐᕌᒍᓖᑦ ᓄᑲᕐᖠᓪᓗ, ᑍᒤᓕᐅᓚᐅᕐᐳᖅ ᑖᒃᑯᐊ ᐅᓪᓗᕆᐊᖓᓂᒃ ᑕᑯᓚᐅᕐᑐᑦ ᑐᑭᓯᕕᒋᑦᓯᐊᓚᐅᕋᒥᒋᑦ ᖃᖓᐅᑎᓪᓗᒍ ᓴᖅᑭᓚᐅᕐᒪᖔᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 12:18

ᖃᐅᑎᓪᓗᒍ ᐅᓇᑕᕐᑐᒃᓮᑦ ᐊᖏᔪᒥᒃ ᐅᐃᒪᔮᓕᕐᐳᑦ, ᐲᑦᑐᕉᓯ ᖃᓄᐃᓕᓐᓂᕐᒪᖔᑦ ᖃᐅᔨᓇᓱᒃᓗᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 12:4

ᑎᒍᒐᒥᐅᒃ, ᑎᒍᔭᐅᓯᒪᕕᖕᒧᐊᕐᑎᑉᐹ, ᑲᒪᒋᔭᐅᑎᓪᓗᒍ ᐅᓇᑕᕐᑐᒃᓴᓄ ᓯᑕᒤᓄᑦ ᐊᕕᒃᑐᕐᓯᒪᔪᓄᑦ ᐊᑐᓂᑦ ᓯᑕᒪᐅᓪᓗᑎᒃ, ᐃᓄᐃᑦ ᓵᖏᓐᓂ ᐃᖅᑲᕐᑐᕐᑕᐅᑎᑦᓱᒪᓪᓗᓂᐅᒃ ᖄᖏᕐᑕᐅᕕᒃ ᐊᓂᒍᕐᐸᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 12:6

ᐅᓐᓄᖕᒥ ᑕᑉᕙᓂ ᐃᕉᑕᓯᐅᑉ ᖃᐅᒃᐸᑦ ᐊᓂᑎᑦᓱᒪᓕᕐᑎᓪᓗᓂᐅᒃ, ᐲᑦᑐᕉᓯ ᐅᓇᑕᕐᑐᒃᓵᒃ ᒪᕐᕉᒃ ᐊᑯᓐᓂᖓᓂ ᓯᓂᓚᐅᕐᐳᖅ, ᐊᕐᓵᕐᑑᔭᓄᑦ ᐊᑦᑐᖏᕐᓯᒪᓪᓗᓂ ᑖᒃᑯᖕᓅᖓ, ᖃᐅᔨᓴᕐᑏᒃ ᑎᒍᔭᐅᓯᒪᕕᐅᑉ ᐃᑎᕐᕕᖓᑕ ᐊᕙᑎᖏᖕᓃᓪᓗᑎᒃ;

ᐋᐴᓯᑕᓖᑦ ᐱᓂᐊᕐᓂᖏᑦ 16:27

ᑎᒍᔭᐅᓯᒪᕕᐅᑉ ᑲᒪᔨᖓ ᐃᖅᑯᒻᒪᕋᒥ ᑎᒍᔭᐅᓯᒪᕕᐅᑉ ᒪᑐᖏᑦ ᒪᑐᐃᓐᖔᕐᑐᑦ ᑕᑯᒐᒥᒋᑦ, ᓴᕕᒡᔪᐊᓂ ᐊᒧᕚ, ᐃᒻᒥᓂᒃ ᑐᖁᓐᓇᓱᐊᓕᕐᓗᓂ, ᑎᒍᔭᐅᓯᒪᔪᑦ ᐊᓂᓇᓱᒋᒐᒥᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 21:8

ᖃᐅᑎᓪᓗᒍ ᐊᐅᓪᓚᕋᑦᑕ ᓯᓴᕆᐊᒧᑦ ᑎᑭᑉᐳᒍᑦ; ᑕᕝᕙᓂ ᑐᔪᕐᒥᕗᒍᑦ ᐱᓕᑉᐴᓯᐅᑉ ᓵᒋᐊᕐᑎᑦᓯᔨᐅᑉ ᐃᒡᓗᖓᓂ, ᑖᓐᓇ 7 ᓂᕈᐊᕐᑕᐅᓚᐅᕐᑐᑦ ᐃᓚᖓᑦ ᔨᕉᓴᓕᒻᒥ ᐃᑲᔪᕐᑎᐅᖁᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 25:13

ᑕᒪᑐᒪᓕ ᑭᖑᓂᖓᒍᑦ ᐊᖓᔪᖅᑳᕐᔪᐊᖅ ᐊᒍᕆᐸ ᐱᕐᓁᓯᓗ ᓯᓴᕆᐊᒧᐊᕐᐴᒃ ᑐᓐᖓᓱᒃᑎᑦᓯᔭᕐᑐᕐᓗᑎᒃ ᕕᓯᑕᓯᒥᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 27:42

ᑕᕝᕙ ᐅᓇᑕᕐᑐᒃᓮᑦ ᑎᒍᔭᐅᓯᒪᔪᓂᒃ ᑐᖁᕅᔪᒪᓕᕐᐳᑦ, ᐳᐃᑦᔭᕐᓗᑎᒃ ᕿᒫᓂᐊᕋᓱᒋᓪᓗᒋᑦ;

ᐋᐴᓯᑕᓖᑦ ᐱᓂᐊᕐᓂᖏᑦ 8:40

ᐱᓕᑉᐴᓯᓗ ᓄᓇᒥ ᐋᓱᑑᓯᒦᓕᕆᕗᖅ; ᑭᖑᓂᖓᒍᓪᓗ ᓯᓴᕆᐊᒨᓕᕐᓗᓂ, ᑍᑯᓐᖓᐅᓪᓗᓂ ᐅᖃᐅᓰᑦ ᑐᓴᕈᒥᓇᕐᑐᑦ ᐊᔪᕆᕐᑐᐃᑦᔪᑎᒋᕔᑦ ᓄᓇᓕᓕᒫᓄᑦ ᐊᖅᑯᓵᕐᑕᒥᓄᑦ.

ᓴᒧᐃᓕ ᓯᕗᓪᓖᑦ 23:14

ᑍᕕᑎᓗ ᐃᓄᖃᔪᐃᑦᑐᒥ ᖃᖅᑲᓂ ᕾᕈᓱᖕᓃᓚᐅᕐᐳᖅ, ᔨᐸᐅᑉ ᖃᓂᒋᔮᓂ ᖃᖅᑲᓂ ᐃᓄᖃᔪᐃᑦᑐᒥ. ᓴᐅᓕᐅᓪᓗ ᕿᓂᖃᑦᑕᓚᐅᕐᐹ ᖃᐅᑕᒫᑦ, ᒎᑎᐅᓪᓕ ᑍᕕᑎ ᑐᓂᓚᐅᓐᖏᓛ ᓴᐅᓕᒧᑦ.