ᐋᐴᓯᑕᓖᑦ ᐱᓂᐊᕐᓂᖏᑦ 12:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᐲᑦᑐᕉᓯ ᖃᐅᔨᑦᓯᐊᓕᕋᒥ ᐅᖃᓕᕐᐳᖅ, “ᒫᓐᓇ ᖃᐅᔨᑦᓯᐊᕐᐳᖓ ᐊᑕᓂᐅᑉ ᐂᖏᓕᓂ ᑎᓕᖕᒪᒍ ᓴᐳᑎᓪᓗᖓᓗ ᐃᕉᑕᓯᒥᑦ ᔫᑎᓪᓗ ᐱᓇᓱᐊᕈᒪᔭᖏᓐᓂᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 12:11 Iomraidhean Croise

ᒨᓯᓯ ᓯᕗᓪᓖᑦ 15:13

ᑕᕝᕙ ᐊᑕᓂᐅᑉ ᐂᑉᕋᒻ ᐅᖃᐅᑎᕚ, “ᓱᓕᔪᒥᒃ ᖃᐅᔨᑦᓯᐊᕆᑦ ᑭᖑᕚᑎᑦ ᓂᐅᕐᕈᐊᖑᔪᒫᕐᐳᑦ ᓄᓇᒥ ᓄᓇᒋᓐᖏᑕᒥᖕᓂ; ᑕᕝᕙᓂᓗ ᓄᓇᒥ ᓯᐊᓛᕆᔭᐅᔪᒫᕐᐳᑦ, ᐅᖁᒤᒃᓴᕐᑎᑕᐅᔪᒫᕐᓗᑎᒡᓗ ᐊᕐᕌᒍᓂᒃ 400ᓂᒃ;

ᒨᓯᓯ ᓯᕗᓪᓖᑦ 18:13

ᑕᕝᕙ ᐊᑕᓂᐅᑉ ᐂᑉᕋᕼᐋᒻ ᐅᖃᐅᑎᕚ, “ᖃᓄᐃᒻᒪᑦ ᓄᓕᐊᑦ ᓵᕋ ᑕᒪᑐᒥᖓ ᐃᔪᕈᓱᒃᐸ ᐅᖃᕐᓗᓂᓗ, ‘ᕿᑐᕐᖓᕐᑖᕈᓐᓇᕋᓗᐊᕐᐳᖔ ᐃᓄᑐᖄᓘᓕᕐᓗᖓ?’

ᒨᓯᓯ ᓯᕗᓪᓖᑦ 26:9

ᐊᐱᒥᓕᑭᐅᓪᓗ ᐂᓴᑭ ᕾᖁᕚ, ᐅᖃᐅᑎᓪᓗᒍᓗ, “ᑕᑯᒋᑦ, ᑖᓐᓇ ᐊᕐᓇᖅ ᓄᓕᐊᕆᕙᑦ; ᓱᒻᒪᓪᓕ ᐅᖃᖃᑦᑕᕐᐱᑦ, ‘ᐅᓇ ᓇᔭᒐ?’” ᐂᓴᑭᐅᑉ ᑭᐅᕚ, “ᐃᓱᒪᖃᑦᑕᓚᐅᕋᒪ ᑐᖁᑕᐅᓂᐊᕋᓱᒋᓪᓗᖓ.”

ᓴᒧᐃᓕ ᐂᑉᐸᖏᑦ 22:1

ᐊᑕᓂᐅᑉ ᐱᐅᓕᖕᒪᒍ ᓴᐅᓕᒥᑦ ᐊᑭᕋᕐᑐᕐᑎᖏᓐᓂᓪᓗ ᐊᓯᖏᓐᓂᑦ, ᑍᕕᑎ ᐃᓐᖏᓚᐅᕐᐳᖅ ᐃᓐᖏᕈᒻᒥᒃ ᐊᑕᓂᕐᒧᑦ:

ᑯᕉᓂᑲ ᐂᑉᐸᖏᑦ 16:9

ᐊᑕᓂᖅ ᒫᓐᖓᑦ ᑕᐅᕗᖓ ᓄᓇᕐᔪᐊᓕᒫᒥᒃ ᑕᑯᓐᓇᕐᒪᑦ, ᓲᖑᓂᕐᒥᓂᒃ ᑕᑯᑎᑦᓯᔪᒪᓪᓗᓂ ᐆᒻᒪᑎᒥᒍᑦ ᐃᒃᐱᒍᓱᑦᓯᐊᕐᑐᓄᑦ ᑖᑦᓱᒥᖓ. ᐱᓂᐊᕐᓃᑦ ᑕᒪᑐᒧᖓ ᓯᓔᑦᑑᓚᐅᕐᒪᑦ; ᑍᒤᒻᒪᑦ ᒫᓐᓇᒥᑦ ᐱᒋᐊᕐᓗᒍ ᐅᓇᑍᓐᓇᕐᓂᐊᓕᕐᐳᑎᑦ.”

ᔫᐱᐅᑉ ᐊᒡᓚᖏᑦ 31:31

ᐱᓇᓱᐊᕐᑎᖁᑎᒃᑲ ᖃᐅᔨᒪᑦᓯᐊᕐᐳᑦ, ᐊᖏᕐᕋᓐᓂ ᑳᒃᑐᖃᓚᐅᕐᓯᒪᖏᒻᒪᑦ ᓇᓪᓕᐊᓐᓂᒡᓘᓐᓃᑦ.

ᔫᐱᐅᑉ ᐊᒡᓚᖏᑦ 5:19

ᐱᐅᓕᖃᑦᑕᕐᓂᐊᕐᐹᑎᑦ ᐱᖓᓲᔪᕐᑐᓂᑦ ᐊᑲᐅᓐᖏᓕᐅᕈᑎᓂᑦ; 7ᖓᓐᓂᓕ ᓱᓇᒧᓪᓘᓐᓃᑦ ᐱᐅᖏᑦᑐᒧᑦ ᐊᒃᑐᕐᑕᐅᑎᓐᓂᐊᓐᖏᓛᑎᑦ.

ᐃᓐᖏᕈᑎᑦ 109:31

ᑖᓐᓇ ᐊᔪᕐᓴᕐᑑᑉ ᑕᓕᕐᐱᐊᓂ ᓇᖏᕐᓂᐊᕐᒪᑦ, ᐱᐅᓕᔪᒪᓪᓗᒍ ᑖᒃᑯᓇᓐᖓᑦ ᑐᖁᑕᒃᓴᓐᖑᕐᑎᑦᓯᔪᓂᑦ.

ᐃᓐᖏᕈᑎᑦ 33:18

ᐊᑕᓂᐅᓪᓕ ᑕᑯᓐᓇᕐᐰᑦ ᑖᑦᓱᒥᖓ ᓯᕗᕋᔪᑦ, ᑍᒃᑯᐊ ᓂᑲᒋᔭᐅᓂᕐᒥᒃ ᑖᑦᓱᒪᓐᖓᑦ ᓂᕆᐅᒃᑐᑦ,

ᐃᓐᖏᕈᑎᑦ 33:19

ᑕᕐᓂᕐᒥᖕᓂᒃ ᓴᐳᑎᔭᐅᖁᔨᔪᑦ ᑐᖁᒥᑦ, ᑖᑦᓱᒧᖓᓗ ᐃᓅᑎᑕᐅᔪᒪᓪᓗᑎᒃ ᑳᖕᓇᕐᑐᕐᔪᐊᒥ.

ᐃᓐᖏᕈᑎᑦ 34:22

ᐊᑕᓂᐅᑉ ᐱᔨᓂ ᐱᐅᓕᕔᑦ; ᑖᑦᓱᒧᖓᓗ ᕿᒫᔪᑦ ᐸᓯᔭᒃᓴᐅᓂᐊᓐᖏᓚᑦ.

ᐃᓐᖏᕈᑎᑦ 34:7

ᐊᑕᓂᐅᑉ ᐂᖏᓕᖓᑕ ᐊᕙᓗᓯᒪᕔᑦ ᑖᑦᓱᒥᖓ ᓯᕘᕋᔪᓕᒫᑦ, ᓴᐳᑎᓪᓗᒋᓪᓗ.

ᐃᓐᖏᕈᑎᑦ 41:2

ᐊᑕᓂᐅᑉ ᓴᐳᑎᓯᒪᓂᐊᕐᒪᒍ ᐆᒪᑎᓐᓂᐊᕐᓗᒍᓗ; ᓮᒻᒪᕐᑎᓐᓂᐊᕐᐹᓗ ᓄᓇᒥ; ᐊᑭᕋᕐᑐᕐᑎᖏᑕᓗ ᐃᓱᒪᒋᔭᖏᓐᓄᑦ ᑐᓂᓂᐊᓐᖏᓛ.

ᐃᓐᖏᕈᑎᑦ 97:10

ᐊᑕᓂᐅᑉ ᓇᒡᓕᒋᕔᑦ ᐱᐅᖏᑦᑐᒥᒃ ᐆᒥᒋᔭᓖᑦ; ᑖᑦᓱᒪ ᐃᓄᖁᑎᖏᑕ ᐃᓅᓯᖏᑦ ᓴᐳᑎᓯᒪᖕᒪᒋᑦ; ᐱᐅᖏᑦᑐᑦ ᐱᓇᓱᐊᕐᓂᖏᓐᓂᑦ ᓴᐳᑎᕔᑦ.

ᑖᓂᐊᓕᐅᑉ ᐊᒡᓚᖏᑦ 3:25

ᐊᖓᔪᖅᑳᕐᔪᐊᖅ ᐅᖃᕐᐳᖅ, “ᑕᑯᒋᑦ! ᑕᑯᕗᖓ ᐊᖑᑎᓂᒃ ᓯᑕᒪᓂᒃ, ᐃᑯᒪᐅᑉ ᐃᓗᐊᓂ ᐱᓱᑲᑕᒃᑐᓂᒃ ᖃᓄᐃᖏᑦᑐᓂᒃ; ᓯᑕᒪᖓᓪᓗ ᒎᑎᑦ ᐃᕐᓂᖓᑐᑦ ᑕᐅᑦᑐᖃᕐᐳᖅ.”

ᑖᓂᐊᓕᐅᑉ ᐊᒡᓚᖏᑦ 3:28

ᑕᕝᕙ ᓂᐱᑯᓁᓴ ᐅᖃᕐᐳᖅ, “ᓵᑐᕌᑭᐅᑉ ᒥᓵᑭᐅᓪᓗ ᐊᐱᓐᑎᒎᓪᓗ, ᒎᑎᖓᑦ ᓂᕐᑐᕐᑕᐅᓕ, ᐂᖏᓕᖁᑎᓂ ᑎᓕᖕᒪᒍ ᐱᔨᓂᓗ ᓴᐳᑎᓪᓗᒋᑦ, ᑖᑦᓱᒥᖓ ᑕᑎᖃᕐᒪᑕ, ᐊᖓᔪᖅᑳᕐᔪᐊᑉ ᐱᖁᔨᓂᖓ ᐊᑐᕐᓇᒍ ᑎᒥᑎᒃ ᐊᓐᓂᕆᓇᒋᑦ, ᓇᖕᒥᓂᖅ ᒎᑎᑎᒃ ᐱᔨᑦᓯᕈᒪᓪᓗᒍ, ᐊᓯᖏᓐᓂᒃ ᐱᔨᑦᓯᕈᒪᓇᑎᒃ ᑐᒃᓯᐊᕐᕕᖃᕈᒪᓇᑎᒡᓗ.

ᑖᓂᐊᓕᐅᑉ ᐊᒡᓚᖏᑦ 6:22

ᒎᑎᒐ ᐂᖏᓕᖁᑎᒥᓂᒃ ᑎᓕᓯᓚᐅᕐᐳᖅ, ᓛᔧᓪᓗ ᖃᓂᖏᑦ ᒪᑐᓪᓗᒋᑦ, ᑖᒃᑯᓇᖓᑦ ᖃᓄᐃᓕᔭᐅᓐᖏᓚᖓ, ᖃᐅᔨᔭᐅᒐᒪ ᐸᓯᔭᒃᓴᐅᖏᓐᓂᓐᓂᒃ ᑖᑦᓱᒪ ᓵᖓᓂ; ᐃᓕᖕᓄᓪᓗ ᐊᖓᔪᖅᑳᕐᔪᐊᖅ, ᓈᒻᒪᖏᑦᑐᒥᒃ ᐱᓇᓱᐊᓚᐅᕐᓯᒪᖏᓐᓇᒪ.”

ᓘᑲᓯᐅᑉ ᐊᒡᓚᖏᑦ 15:17

ᑍᒪᓕ ᐃᖅᑬᓕᕋᒥ ᐃᓱᒪᓕᕐᐳᖅ, ᐊᑖᑕᒪ ᐃᖅᑲᓁᔭᕐᑎᖁᑎᖏᑦ ᓂᕿᒃᓴᒥᒃ ᐊᒥᒐᕐᓯᖏᑦᓯᐊᕐᐳᑦ, ᐅᕙᖓᓕ ᒫᓂ ᐱᕐᓕᓕᕐᐳᖓ!

ᐋᐴᓯᑕᓖᑦ ᐱᓂᐊᕐᓂᖏᑦ 12:7

ᑕᑯᒋᑦ, ᑕᕝᕔᓐᓇᖅ ᐊᑕᓂᐅᑉ ᐂᖏᓖᖓ ᓴᖅᑭᑉᐳᖅ, ᑎᒍᔭᐅᓯᒪᕕᐅᓪᓗ ᐃᓗᐊ ᖃᐅᒻᒪᒃᑎᐹ; ᐲᑦᑐᕉᓯ ᑐᐃᖓᒍᑦ ᐊᒃᑐᕐᓗᒍ ᑐᐹᕐᐹ ᐅᖃᐅᑎᓪᓗᒍ, “ᑐᐊᕕᕐᓗᑎᑦ ᒪᑭᒋᑦ.” ᐊᕐᓵᕐᑑᔧᑦ ᐊᒡᒐᐅᑎᖏᖕᓂᑦ ᑲᑕᒃᐳᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 24:27

ᐊᕐᕌᒎᒃ ᒪᕐᕉᒃ ᐊᓂᒍᕐᑎᓪᓗᒋᒃ, ᕖᓕᒃᓯ ᑭᖑᕝᕕᕐᑕᐅᕗᖅ ᐴᑭᐅᓯ ᕕᓯᑕᓯᒧᑦ; ᕖᓕᒃᓯ ᔫᑎᓄᑦ ᐊᑲᐅᒋᔭᐅᔪᒪᒐᒥ, ᐸᐅᓗᓯ ᑎᒍᔭᐅᓯᒪᕕᖕᒦᑏᓐᓇᕐᐹ.

ᐋᐴᓯᑕᓖᑦ ᐱᓂᐊᕐᓂᖏᑦ 25:9

ᕕᓯᑕᓯ ᔫᑎᓄᑦ ᐊᑲᐅᒋᔭᐅᔪᒪᓪᓗᓂ, ᐸᐅᓗᓯ ᐊᐱᕆᕚ, “ᖃᓄᐃᒃᓴᕋᔭᓐᖏᓚᑏᑦ ᔨᕉᓴᓕᒻᒧᐊᕐᓗᑎᑦ, ᑕᒪᒃᑯᐊ ᑍᑲᓂ ᐃᓚᐅᑎᓪᓗᖓ ᐃᖅᑲᕐᑐᕐᑕᐅᑦᔪᑎᒋᒐᓗᐊᕈᕕᒋᑦ?”

ᐋᐴᓯᑕᓖᑦ ᐱᓂᐊᕐᓂᖏᑦ 5:19

ᐅᓐᓄᐊᖑᓕᕐᑎᓪᓗᒍ ᐊᑕᓂᐅᑉ ᐂᖏᓕᖓᑕ ᑎᒍᔭᐅᓯᒪᕕᐅᑉ ᐅᒃᑯᐊᖏᑦ ᒪᑐᐃᕐᐰᑦ, ᐊᓂᑎᓪᓗᒋᑦ ᐅᖃᐅᑎᕔᑦ,

ᐄᑉᕈᐃᓄᑦ 1:14

ᐂᖏᓖᓪᓕ ᐊᓂᕐᓂᐅᕗᑦ ᑎᓕᔭᐅᓯᒪᔪᑦ ᐱᔨᑦᓯᖁᓪᓗᒋᑦ, ᐃᑲᔪᕐᑎᐅᖁᓪᓗᒋᑦ ᐱᐅᓕᔭᐅᓂᕐᒥᒃ ᑭᖑᕐᖑᑦᔨᓂᐊᕐᑐᓄᑦ.

ᐲᑦᑐᕉᓯ ᐂᑉᐸᖏᑦ 2:9

ᑕᕝᕙ ᐊᑕᓂᐅᑉ ᓴᐳᑎᔪᓐᓇᕐᐰᑦ ᒎᑎᒧᑦ ᐅᒃᐱᕐᑐᑦ ᐆᒃᑐᕐᑕᐅᓂᖏᓐᓂᑦ, ᐱᐅᖏᑦᑐᒥᒃ ᐃᓕᖅᑯᓯᖃᕋᓱᐊᕐᑐᑦ ᓱᒋᐊᕐᑕᐅᓂᕐᒦᑎᓐᓂᐊᕐᐰᑦ ᐃᖅᑲᕐᑐᕐᑕᐅᕕᐅᑉ ᐅᓪᓗᖓ ᓈᒻᒪᒃᓯᑦᓯᐊᕆᓗᒍ;