27 ᑍᑦᓱᒪᓂ ᓇᓚᐅᑦᑍᔪᑦ ᔨᕉᓴᓕᒻᒥᑦ ᑎᑭᓚᐅᕐᐳᑦ ᐊᓐᑎᐅᑭᐊᒧᑦ.
ᑍᒤᒻᒪᑦ ᓇᓚᐅᑦᑍᔪᓂᒃ ᑎᓕᓯᕕᒋᓂᐊᕐᐸᑦᓯ, ᓯᓚᑐᔪᓂᒡᓗ, ᐊᔪᕆᕐᑐᐃᔨᓂᒡᓗ; ᐃᓚᖏᑦ ᑐᖁᓐᓂᐊᕐᐸᓯ, ᐃᓚᖏᓪᓗ ᓴᓐᓂᖓᔪᓕᖕᒧᑦ ᑭᑭᐊᒃᑐᕐᓗᓯᐅᒃ, ᐃᓚᖏᑦ ᑏᒐᕐᑐᕐᓗᒋᑦ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ, ᒪᓕᑲᑕᖕᓂᐊᕐᐸᓯᓗ ᐊᑭᕋᕐᑐᕐᓗᒋᑦ ᓄᓇᓕᖕᓂᑦ ᓄᓇᓕᖕᓄᑦ.
ᑍᒤᒻᒪᑦ ᒎᑎ ᓯᓚᑐᓂᕐᒥᒍᑦ ᐅᖃᓚᐅᕐᐳᖅ, ‘ᓇᓚᐅᑦᑍᔪᓂᒃ ᐅᖃᕆᐊᕐᑐᕐᑎᑕᓐᓂᒡᓗ ᑎᓕᓯᕕᒋᔪᒫᕐᐸᒃᑲ; ᑖᒃᑯᐊᓕ ᑐᖁᑦᓯᔪᒫᕐᐳᑦ ᐃᓚᖏᓐᓂᒃ, ᐃᓚᖏᓪᓗ ᐊᑭᕋᕐᑐᕐᓗᒋᑦ.’
ᐃᓚᖏᑦ ᐃᓄᐃᑦ, ᓮᐳᕋᓯᒥᐅᑦ ᓮᕆᓂᒥᐅᓪᓗ, ᐊᓐᑎᐅᑭᐊᒧᐊᕐᑐᑦ ᐅᖃᓪᓚᓕᕐᐳᑦ ᒍᕇᑭᓄᑦ ᐊᔪᕆᕐᑐᐃᑦᔪᑎᖃᕐᓗᑎᒃ ᐊᑕᓂᕐᒥᒃ ᔩᓱᓯᒥᒃ.
ᑕᒪᓐᓇ ᑐᓴᕐᑕᐅᓚᐅᕐᐳᖅ ᐅᒃᐱᕐᑑᖃᑎᒌᓄᑦ ᔨᕉᓴᓕᒻᒦᑦᑐᓄᑦ, ᐸᕐᓇᐹᓯ ᑎᓕᕚᑦ ᐊᓐᑎᐅᑭᐊᒧᑦ.
ᐃᓚᒌᒃᑐᓂ ᐊᓐᑎᐅᑭᐊᒥ ᓇᓚᐅᑦᑍᔪᓂᒃ ᐊᔪᕆᕐᑐᐃᔨᓂᒡᓗ ᐱᑕᖃᓚᐅᕐᐳᖅ, ᐸᕐᓇᐹᓯ, ᓯᒥᐅᓂ ᑍᔭᐅᔪᖅ ᕿᕐᓂᕐᑕᒥᒃ, ᓗᓯᐅᓯᓗ ᓮᕆᓂᒥᐅᖅ, ᒪᓁᓂᓗ ᐊᖓᔪᖅᑳᕐᔪᐊᕐᒥ ᐃᕉᑕᓯᒥ ᐱᕈᕐᓴᓚᐅᕐᑐᖅ, ᓴᐅᓗᓯᓗ.
ᑕᕝᕙᓐᖓᑦ ᐅᒥᐊᒃᑯᑦ ᐊᓐᑎᐅᑭᐊᒧᑦ ᐅᑎᕆᕘᒃ, ᑍᑲᓂ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᑐᒃᓯᐅᑦᔭᐅᓪᓗᑎᒃ ᐱᒋᐊᕐᕕᒋᓚᐅᕐᑕᒥᖕᓄᑦ ᐃᓱᓕᑦᓯᕘᒃ.
ᐋᐴᓯᑕᓖᓪᓗ ᐅᒃᐱᕐᑐᓪᓗ ᓯᕗᓕᕐᑎᖏᑦ, ᐅᒃᐱᕐᑑᖃᑎᒌᓪᓗ ᐃᓚᒋᓪᓗᒋᑦ ᐊᑲᐅᒃᓴᕋᒥᒃ ᓂᕈᐊᕈᒪᓪᓗᑎᒃ ᐊᖑᑎᓂᒃ ᐃᓚᒥᖕᓂᑦ ᐊᓐᑎᐅᑭᐊᒧᑦ ᑎᓕᓂᐊᕐᑕᒥᖕᓂᒃ, ᐸᐅᓗᓯᐅᑉ ᐸᕐᓇᐹᓯᐅᓪᓗ ᐃᓚᒋᓂᐊᕐᑕᖏᓐᓂᒃ. ᔫᑕᓯ ᓂᕈᐊᕐᐹᑦ ᐹᕐᓴᐸᓯᒥᒃ ᐊᑎᓕᒃ, ᓮᓚᓯᓗ, ᑖᒃᑯᐊᒃ ᐅᒃᐱᕐᑐᓄᑦ ᐅᐱᒋᔭᐅᑦᓯᐊᕐᒪᑎᒃ.
ᑕᕝᕙ ᑎᓕᔭᐅᔪᑦ ᐊᐅᓪᓚᕐᐳᑦ ᐊᓐᑎᐅᑭᐊᒧᑦ, ᑍᑲᓂᓗ ᐅᒃᐱᕐᑑᖃᑎᒌᑦ ᑲᑎᖁᕔᑦ, ᑖᒃᑯᓂᖓ ᑎᑎᖅᑲᓂᒃ ᑐᓂᓪᓗᒋᑦ.
ᔫᑕᓯ ᓮᓚᓯᓗ ᓇᓚᐅᑦᑍᓂᕐᒥᒃ ᑐᓂᕐᕈᓯᐊᖃᕋᒥᒃ, ᐊᑯᓂ ᑖᒃᑯᓂᖓ ᐅᖃᖃᑎᖃᕐᐴᒃ ᑲᔪᖏᕐᓮᓪᓗᑎᒃ ᓲᖑᓯᕚᓪᓕᕐᑎᑦᓯᓪᓗᑎᒡᓗ.
ᓯᓴᕆᐊᒧᑦ ᑎᑭᓐᓇᒥ, ᔨᕉᓴᓕᒻᒧᐊᕐᐳᖅ ᐅᒃᐱᕐᑑᖃᑎᖐᓂᒃ ᑲᑎᓯᓚᐅᕐᓗᓂ, ᐊᓐᑎᐅᑭᐊᒧᑦ ᐊᐅᓪᓚᓕᕆᕗᖅ.
‘ᐅᓪᓗᐃᑦ ᑭᖑᓪᓕᖏᓐᓂ ᐃᒫᒃ ᐱᓇᓱᐊᕈᒫᕐᐳᖓ, ᒎᑎ ᐅᖃᕐᐳᖅ, ᐊᓂᕐᓂᕋ ᑯᕕᔪᒫᕋᒃᑯ ᐃᓄᓕᒫᓄᑦ, ᐃᕐᓂᓯ ᐸᓂᓯᓗ ᐅᖃᐅᓯᕆᔭᐅᖁᔭᓐᓂᒃ ᐅᖃᕈᒫᕐᐳᑦ, ᐃᓅᓱᒃᑐᖁᑎᓯᓗ ᑕᑯᑎᑕᐅᖃᑕᕈᒫᕐᐳᑦ, ᐃᓄᑐᖃᖁᑎᓯᓗ ᓯᓐᓇᒃᑑᒫᖃᑦᑕᕈᒫᕐᐳᑦ.
ᐃᓕᓐᓂᐊᕐᑎᓂᒃ ᑕᕝᕙᓂ ᑲᑎᓯᒐᑦᑕ, ᓇᔪᓕᕐᐸᕗᑦ ᐅᓪᓗᓂᒃ 7ᓂᒃ. ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᑖᒃᑯᐊ ᐅᖃᕐᑎᑕᐅᓪᓗᑎᒃ ᐸᐅᓗᓯ ᔨᕉᓴᓕᒻᒧᐊᖁᓐᖏᓛᑦ.
ᑖᓐᓇ ᓯᑕᒪᓂᒃ ᐅᐃᖃᖏᑦᑐᓂᒃ ᐸᓂᖃᕐᐳᖅ, ᑖᒃᑯᐊ ᒎᑎᐅᑉ ᐅᖃᐅᓯᐅᖁᔭᖓᓂᒃ ᐅᖃᐅᓯᖃᖃᑦᑕᕐᐳᑦ.
ᐅᒃᐱᕐᑑᖃᑎᒌᓕᒫᑦ ᐋᐴᓯᑕᓖᑦ ᐅᖃᐅᓯᖏᓐᓂᒃ ᐊᑲᐅᒃᓴᓚᐅᕐᐳᑦ, ᓂᕈᐊᓚᐅᕐᐳᑦ ᓯᑎᐹᓇᓯᒥᒃ, ᐅᒃᐱᕐᓂᖃᑦᓯᐊᕐᑐᒥᒃ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᓯᒪᔪᒥᒃ, ᐱᓕᑉᐴᓯᒥᒡᓗ, ᐳᕈᑯᕉᓯᒥᒡᓗ, ᓁᑲᓄᐊᕆᒥᒡᓗ, ᑍᒨᓂᒥᒡᓗ, ᐸᕐᒥᓈᓯᒥᒡᓗ, ᓂᑯᓚᓯᒥᒡᓗ, ᑖᓐᓇ ᔫᑎᓐᖑᕐᑎᑕᐅᓯᒪᔪᖅ ᐊᓐᑎᐅᑭᐊᒥᐅᖅ.
ᐃᓚᖓᑦ ᑲᒪᓇᕐᑐᓕᔪᓐᓇᕐᓂᕐᒥᒃ ᑐᓂᓯᕕᐅᕗᖅ; ᐃᓚᖓᓪᓗ ᒎᑎᐅᑉ ᐅᖃᐅᓯᕆᔭᐅᑯᔭᖏᓐᓂᒃ ᑐᓂᓯᕕᐅᕗᖅ; ᐃᓚᖓᓪᓗ ᐊᓂᕐᓃᑦ ᖃᓄᐃᑦᑑᓂᖏᓐᓂᒃ ᖃᐅᔨᑎᑕᐅᓂᕐᒥᒃ ᑐᓂᓯᕕᐅᕗᖅ; ᐃᓚᖓᓪᓗ ᑐᓴᕐᖓᕐᑕᓂᕐᓄᑦ ᐊᑦᔨᒌᖏᑦᑐᓄᑦ ᐅᖃᕈᓐᓇᕐᓂᕐᒥᒃ ᑐᓂᓯᕕᐅᕗᖅ; ᐃᓚᖓᓪᓗ ᑐᓂᓯᕕᐅᕗᖅ ᑐᓴᕐᖓᕐᑕᕈᑎᐅᔪᓂᒃ ᑐᑭᓯᓇᕐᓯᑎᑦᓯᔪᓐᓇᕐᓂᕐᒥᒃ.
ᒎᑎᓗ ᐋᖅᑭᒃᓯᓯᒪᕗᖅ ᐃᓚᒌᒃᑐᓂ ᓯᕗᓪᓕᕐᒥᒃ ᐋᐴᓯᑕᓕᖕᓂᒃ, ᐂᑉᐸᖓᓂᒃ ᓇᓚᐅᑦᑍᔪᓂᒃ, ᐱᖓᔪᐊᓐᓂᒃ ᐃᓕᓮᔨᓂᒃ, ᑲᒪᓇᕐᑐᓕᓂᕐᒥᒃ ᐱᓇᓱᐊᕈᓐᓇᕐᑐᓂᒃ, ᐋᓐᓂᐊᕐᑐᓂᒡᓗ ᐋᖅᑭᒃᓯᓂᕐᒥᒃ ᑐᓂᕐᕈᓯᐊᓕᖕᓂᒃ, ᐊᓯᒥᖕᓂᒡᓗ ᐃᑲᔪᕈᓐᓇᕐᑐᓂᒃ, ᐃᓚᒌᒃᑐᓂᒡᓗ ᐊᐅᓚᑦᓯᔨᐅᔪᓐᓇᕐᑐᓂᒃ, ᐅᖃᐅᓯᕐᓄᓪᓗ ᑐᓴᕐᖓᕐᑕᓄᑦ ᐊᑦᔨᒌᖏᑦᑐᓄᑦ ᐅᖃᓪᓚᒍᓐᓇᕐᑐᓂᒃ.
ᒎᑎᐅᑉ ᐅᖃᐅᓯᕆᖁᔭᖓᓂᒃ ᐅᖃᓪᓚᖕᓂᖅ ᐅᖃᓪᓚᒃᑑᑉ ᓇᖕᒥᓂᖅ ᐊᐅᓚᑦᓱᓐᓇᕆᐊᖃᕐᒪᒍ.
ᓰᐸᓯᓕ ᐊᓐᑎᐅᑭᐊᒧᑦ ᑎᑭᒻᒪᑦ, ᐃᓄᐃᑦ ᑕᒃᑯᐊᓂ ᓈᒻᒪᒃᓴᖏᓐᓂᓐᓂᒃ ᓇᓗᓁᕐᓯᕕᒋᓚᐅᕐᐸᕋ, ᑕᒻᒪᕐᓯᒪᓪᓚᕆᓚᐅᕐᒪᑦ.
ᑖᑦᓱᒪᓗ ᑐᓂᕐᕈᓯᐊᕐᑎᓚᐅᕐᐰᑦ ᐃᓚᖏᑦ ᐋᐴᓯᑕᓕᓐᖑᕐᑎᓪᓗᒋᑦ, ᐃᓚᖏᑦ ᓇᓚᐅᑦᑍᔪᓐᖑᕐᑎᓪᓗᒋᑦ, ᐃᓚᖏᑦ ᓵᒋᐊᕐᑎᑦᓯᔨᓐᖑᕐᑎᓪᓗᒋᑦ, ᐃᓚᖏᑦ ᐅᒃᐱᕐᑐᓄᑦ ᑕᓯᐅᕐᑎᓐᖑᕐᑎᓚᐅᕐᐰᑦ ᐊᔪᕆᕐᑐᐃᔨᓐᖑᕐᑎᓪᓗᒋᓪᓗ.
