ᐋᐴᓯᑕᓖᑦ ᐱᓂᐊᕐᓂᖏᑦ 11:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᓇᓂᒐᒥᐅᒃ, ᐊᓐᑎᐅᑭᐊᒧᐊᕈᑎᕚ. ᑖᒃᑯᐊᒃ ᐊᕐᕌᒍᓕᒫᖅ ᓈᓪᓗᒍ ᐅᒃᐱᕐᑑᖃᑎᒌᓂᑦ ᑲᑎᒪᖃᑎᖃᖃᑦᑕᓚᐅᕐᐴᒃ, ᐅᓄᕐᑐᒻᒪᕆᐊᓗᖕᓂᒃ ᐃᓕᓐᓂᐊᕐᑎᑦᓯᕘᒃ; ᐊᓐᑎᐅᑭᐊᒥ ᐅᒃᐱᕐᑐᑦ ᑍᔭᐅᓕᓚᐅᕐᐳᑦ ᓯᕗᓪᓕᕐᐹᒥᒃ ᙭ᔅᑑᓯᒥᐅᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 11:26 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 65:15

ᐊᑎᕐᓯ ᐃᓕᔪᒫᕐᐸᓯ ᓂᕈᐊᕐᓯᒪᔭᓐᓄᑦ ᓇᕐᕈᒋᔭᒃᓴᓐᖑᖁᓪᓗᒋᑦ; ᐊᑕᓂᐅᓪᓗ ᒎᑎᐅᑉ ᑐᖁᑦᓱᒫᕐᐹᓯ; ᐱᔨᓂᓕ ᑍᒎᓯᖃᓕᕐᑎᑦᓱᒫᕐᐰᑦ ᐊᑎᖏᑕ ᐊᓯᐊᓂᒃ.

ᒫᑎᐅᓯᐅᑉ ᐊᒡᓚᖏᑦ 28:19

ᑍᒤᒻᒪᑦ ᐃᓅᖃᑎᒌᒡᔪᐊᓄᑦ ᐂᓕᕆᑦᓯ, ᐃᓕᓐᓂᐊᕐᑎᓐᖑᕐᑎᑦᓯᒋᐊᕐᑐᕐᓗᓯ: ᐹᑉᑎᓪᓗᒋᓪᓗ ᐊᑖᑕᐅᑉ ᐃᕐᓂᐅᓪᓗ ᐊᓂᕐᓂᐅᓪᓗ ᐃᑦᔪᕐᓁᑦᑑᑉ ᐊᑎᖓᓂ,

ᔪᐊᓇᓯᐅᑉ ᐊᒡᓚᖏᑦ 2:2

ᔩᓱᓯᑦᑕᐅᖅ ᕾᖁᔭᐅᓯᒪᒋᕗᑦ ᑲᑎᑎᑕᐅᔫᖕᓄᑦ, ᐃᓕᓐᓂᐊᕐᑎᖏᓪᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 1:15

ᐅᒃᐱᕐᑐᑦ ᐊᑕᖏᕐᓗᑎᒃ 120 ᖃᓂᒋᔭᖓᓃᓚᐅᕐᐳᑦ, ᐅᓪᓗᐃᑦ ᐃᓚᖓᓐᓂ ᑲᑎᒪᑎᓪᓗᒋᑦ ᐲᑦᑐᕉᓯ ᓂᑯᕕᑉᐳᖅ ᐅᖃᕐᓗᓂ,

ᐋᐴᓯᑕᓖᑦ ᐱᓂᐊᕐᓂᖏᑦ 11:20

ᐃᓚᖏᑦ ᐃᓄᐃᑦ, ᓮᐳᕋᓯᒥᐅᑦ ᓮᕆᓂᒥᐅᓪᓗ, ᐊᓐᑎᐅᑭᐊᒧᐊᕐᑐᑦ ᐅᖃᓪᓚᓕᕐᐳᑦ ᒍᕇᑭᓄᑦ ᐊᔪᕆᕐᑐᐃᑦᔪᑎᖃᕐᓗᑎᒃ ᐊᑕᓂᕐᒥᒃ ᔩᓱᓯᒥᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 11:22

ᑕᒪᓐᓇ ᑐᓴᕐᑕᐅᓚᐅᕐᐳᖅ ᐅᒃᐱᕐᑑᖃᑎᒌᓄᑦ ᔨᕉᓴᓕᒻᒦᑦᑐᓄᑦ, ᐸᕐᓇᐹᓯ ᑎᓕᕚᑦ ᐊᓐᑎᐅᑭᐊᒧᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 11:27

ᑍᑦᓱᒪᓂ ᓇᓚᐅᑦᑍᔪᑦ ᔨᕉᓴᓕᒻᒥᑦ ᑎᑭᓚᐅᕐᐳᑦ ᐊᓐᑎᐅᑭᐊᒧᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 11:29

ᐅᒃᐱᕐᑐᑦ ᐋᖅᑭᒃᓯᓚᐅᕐᐳᑦ ᐊᑐᓂᑦ ᑐᔪᐃᔪᒪᓪᓗᑎᒃ ᐊᔪᓐᖏᑕᒥᖕᓂᒃ, ᐃᑲᔫᑎᒋᓂᐊᕐᑕᒥᖕᓂᒃ ᐅᒃᐱᕐᑑᖃᑎᒌᓄᑦ ᔫᑎᐊᒥ ᓄᓇᖃᕐᑐᓄᑦ;

ᐋᐴᓯᑕᓖᑦ ᐱᓂᐊᕐᓂᖏᑦ 14:20

ᐃᓕᓐᓂᐊᕐᑏᓪᓕ ᐸᐅᓗᓯᐅᑉ ᐊᕙᑖᓂ ᓇᖏᓕᕐᑎᓪᓗᒋᑦ, ᒪᑭᑉᐳᖅ ᓄᓇᓕᖕᓄᑦ ᐅᑎᓕᕆᓪᓗᓂ; ᖃᐅᑎᓪᓗᒍ ᐸᕐᓇᐹᓯ ᐂᑉᐸᕆᓪᓗᒍ ᑐᕐᐱᒧᑦ ᐊᐅᓪᓚᕐᐴᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 14:22

ᐃᓕᓐᓂᐊᕐᑎᑦ ᐱᕙᓪᓕᕐᑎᑉᐰᑦ ᐃᓇᓪᓗᒋᑦ ᐅᒃᐱᕐᓂᕐᒦᖁᓪᓗᒋᑦ, ᐅᖃᐅᑎᓪᓗᒋᑦ. “ᐅᖁᒤᓐᓇᕐᑐᓂᒃ ᑲᑉᐱᐊᓇᕐᑐᓂᒡᓗ ᐊᒥᓱᓂᒃ ᐊᖅᑯᓵᕐᓯᔭᕆᐊᖃᕋᑦᑕ ᒎᑎᐅᑉ ᐊᑕᓂᐅᕕᖓᓄᑦ ᐃᑎᖁᓪᓗᑕ.”

ᐋᐴᓯᑕᓖᑦ ᐱᓂᐊᕐᓂᖏᑦ 14:23

ᐃᓚᒌᒃᑐᓂᑦ ᐊᑐᓂᑦ ᓂᕈᐊᕐᓯᔭᕇᕋᒥᒃ ᓯᕗᓕᕐᑎᐅᓂᐊᕐᑐᓂᒃ, ᑐᒃᓯᐊᕐᓂᒃᑯᑦ ᓂᕆᑦᑍᓕᓂᒃᑯᓪᓗ ᑐᓂᕔᑦ ᐊᑕᓂᕐᒧᑦ ᐅᒃᐱᕐᕕᒋᔭᒥᖕᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 14:27

ᐊᓐᑎᐅᑭᐊᒧᑦ ᑎᑭᓐᓇᒥᒃ, ᐃᓚᒌᒃᑐᑦ ᑲᑎᖁᕔᑦ ᐅᓂᒃᑳᕐᕕᒋᓪᓗᒋᑦ ᑕᒤᓐᓂᒃ ᒎᑎᒧᑦ ᐱᓂᐊᕐᕕᐅᓂᕐᒥᖕᓂᒃ, ᐅᒃᑯᐃᕈᑦᔭᐅᓂᕐᒥᖕᓂᒃ ᔫᑎᐅᖏᑦᑐᑦ ᐅᒃᐱᕐᑎᑕᐅᖁᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 14:28

ᐊᑯᓂ ᑕᕝᕙᓃᓕᕐᐴᒃ ᐃᓕᓐᓂᐊᕐᑎᑦ ᐃᓚᒋᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 18:27

ᐊᐴᓗᓯ ᐊᑬᐊᒧᐊᕈᒪᖕᒪᑦ, ᐅᒃᐱᕐᑑᖃᑎᒌᑦ ᐃᑲᔪᕐᑐᕐᐹᑦ, ᑎᑎᕋᕐᓗᑎᒃ ᐃᓕᓐᓂᐊᕐᑎᓄᑦ ᐃᓚᓕᐅᕐᑕᐅᖁᓪᓗᒍ. ᑍᑯᖓ ᑎᑭᒻᒪᑦ, ᐊᖏᔪᒥᒃ ᐃᑲᔪᕐᐳᖅ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᐅᒃᐱᕐᑐᓐᖑᕐᑎᑕᐅᓚᐅᕐᑐᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 19:9

ᐃᓚᖏᓪᓕ ᓯᑎᔪᐊᓘᖕᒪᑕ ᐅᒃᐱᕈᒪᖏᒻᒪᑕᓗ, ᐊᑕᓂᕐᒧᑦ ᒪᓕᒃᑎᐅᓂᖅ ᐱᐅᖏᑦᑐᐊᓘᓂᕋᕐᓗᒍ ᐅᖃᐅᓯᕆᖃᑦᑕᒪᑦᔪᒃ ᐃᓄᖕᓄᑦ, ᐸᐅᓗᓯᐅᑉ ᕿᒪᒃᐰᑦ, ᐃᓕᓐᓂᐊᕐᑐᑦ ᐃᓚᒋᓪᓗᒋᑦ, ᖃᐅᑕᒫᑦ ᐅᖃᖃᑎᒋᓕᕐᐰᑦ ᐃᓕᓐᓂᐊᕐᕕᖕᒥ ᑍᕋᓅᓯᒥᒃ ᐊᑎᓕᖕᒥ.

ᐋᐴᓯᑕᓖᑦ ᐱᓂᐊᕐᓂᖏᑦ 20:1

ᐃᓄᐃᑦ ᐅᐃᒪᔮᕐᓂᐊᓗᐊᑦ ᓄᖅᑲᕐᒪᑦ, ᐸᐅᓗᓯᐅᑉ ᐃᓕᓐᓂᐊᕐᑎᑦ ᑲᑎᖁᕔᑦ, ᐱᕙᓪᓕᕈᑎᒃᓴᖏᓐᓂᒃ ᐅᖃᐅᑎᔭᕇᕋᒥᒋᑦ ᒫᓯᑑᓂᐊᒧᑦ ᐊᐅᓪᓚᕐᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 20:30

ᐃᓄᒃᑕᖃᓕᕈᒫᕐᒪᑦ ᐊᑯᓐᓇᑦᓯᓐᓂᑦ ᐱᔪᓂᒃ ᓱᓕᖏᑦᑐᒥᒃ ᐊᔪᕆᕐᑐᐃᖃᑦᑕᕐᑐᓂᒃ, ᒪᓕᒃᑎᑖᕋᓱᐊᕐᓗᑎᒃ ᐃᓕᓐᓂᐊᕐᑎᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 21:4

ᐃᓕᓐᓂᐊᕐᑎᓂᒃ ᑕᕝᕙᓂ ᑲᑎᓯᒐᑦᑕ, ᓇᔪᓕᕐᐸᕗᑦ ᐅᓪᓗᓂᒃ 7ᓂᒃ. ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᑖᒃᑯᐊ ᐅᖃᕐᑎᑕᐅᓪᓗᑎᒃ ᐸᐅᓗᓯ ᔨᕉᓴᓕᒻᒧᐊᖁᓐᖏᓛᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 26:28

ᐊᒍᕆᐸ ᐸᐅᓗᓯᒧᑦ ᐅᖃᕐᐳᖅ, “ᑍᒫᒃ ᕿᓚᒻᒥᐅᑎᒋᔪᒦᒃ ᙭ᔅᑑᓯᒥᐅᑕᓐᖑᕐᑎᓐᓂᐊᕋᓱᒋᕕᖓ?”

ᐋᐴᓯᑕᓖᑦ ᐱᓂᐊᕐᓂᖏᑦ 6:1

ᑍᑦᓱᒪᓂ ᐃᓕᓐᓂᐊᕐᑎᑦ ᐅᓄᕐᓯᕙᓪᓕᐊᑎᓪᓗᒋᑦ, ᔫᑎᑦ ᒍᕇᑭᑎᑐᑦ ᐅᖃᐅᓯᓖᑦ, ᐂᕙᖃᑎᖃᓕᓚᐅᕐᐳᑦ ᐄᑉᕉᐃᓂᒃ ᐅᐃᒡᒐᕐᓂᖁᑎᒥᖕᓂᒃ ᑲᒪᒋᔭᐅᑦᓯᐊᖏᓐᓂᕅᓪᓗᑎᒃ ᖃᐅᑕᒫᑦ ᑐᓂᐅᕋᑕᐅᖃᑦᑕᕐᑐᑦ ᐱᑦᔪᑎᒋᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 6:5

ᐅᒃᐱᕐᑑᖃᑎᒌᓕᒫᑦ ᐋᐴᓯᑕᓖᑦ ᐅᖃᐅᓯᖏᓐᓂᒃ ᐊᑲᐅᒃᓴᓚᐅᕐᐳᑦ, ᓂᕈᐊᓚᐅᕐᐳᑦ ᓯᑎᐹᓇᓯᒥᒃ, ᐅᒃᐱᕐᓂᖃᑦᓯᐊᕐᑐᒥᒃ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᓯᒪᔪᒥᒃ, ᐱᓕᑉᐴᓯᒥᒡᓗ, ᐳᕈᑯᕉᓯᒥᒡᓗ, ᓁᑲᓄᐊᕆᒥᒡᓗ, ᑍᒨᓂᒥᒡᓗ, ᐸᕐᒥᓈᓯᒥᒡᓗ, ᓂᑯᓚᓯᒥᒡᓗ, ᑖᓐᓇ ᔫᑎᓐᖑᕐᑎᑕᐅᓯᒪᔪᖅ ᐊᓐᑎᐅᑭᐊᒥᐅᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 9:38

ᓔᑕ ᔮᐸᒥᑦ ᖃᓂᑦᑑᖕᒪᑦ, ᐃᓕᓐᓂᐊᕐᑏᑦ ᑐᓴᕋᒥᒃ ᐲᑦᑐᕉᓯ ᔮᐸᒦᒻᒪᑦ, ᑎᓕᓯᕗᑦ ᐊᖑᑏᖕᓂᒃ ᒪᕐᕉᖕᓂᒃ ᕿᓄᕕᒋᓪᓗᒍ ᐃᒫᒃ, “ᑐᐊᕕᕐᓗᑎᑦ ᕾᒋᑦ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 11:18

ᓯᕗᓪᓕᕐᒥᒃ, ᑐᓴᕐᑎᑕᐅᒐᒪ ᐃᓚᒌᒃᑐᑎᑐᑦ ᑲᑎᒪᓕᕌᖓᑦᓯ ᐊᕕᒃᓯᒪᐅᑎᖃᑦᑕᕋᑦᓯᒎᖅ; ᐃᓚᖓᒍᓪᓗ ᑕᒪᓐᓇ ᐅᒃᐱᕆᕙᕋ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:12

ᓲᕐᓗ ᑎᒥ ᐊᑕᐅᓯᖅ ᐊᒥᓱᓂᒃ ᑭᓱᑐᐃᓐᓇᖃᕐᒪᑦ, ᑕᒪᒃᑯᐊᓗ ᑎᒥᐅᑉ ᐃᓚᒋᖕᒫᖏᑦ ᑎᒥᒧᑦ ᐊᑕᓪᓗᑎᒃ, ᐅᓄᕋᓗᐊᕐᑎᓪᓗᒋᑦ, ᑎᒥ ᐊᑕᐅᓯᐅᖕᒪᑦ, ᙭ᔅᑑᓯᐅᑦᑕᐅᖅ ᑎᒥᖓ ᑍᒤᒃᑭᕗᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:23

ᑕᕝᕙᓕ ᐅᒃᐱᕐᑑᖃᑎᒌᑦ ᑲᑎᒪᓗᑎᒃ ᑕᒪᕐᒥᒃ ᐅᖃᐅᓯᕐᓄᑦ ᑐᓴᕐᖓᕐᑕᓄᑦ ᐅᖃᓪᓚᓕᕐᐸᑕ, ᐃᓚᒋᔭᐅᕙᖏᑦᑐᑦ ᐅᕝᕙᓗ ᐅᒃᐱᖏᑦᑐᑦ ᐃᑎᕈᑎᒃ, ᑖᒃᑯᓄᖓ ᐃᓱᒤᕈᑎᓯᒪᓂᕋᕐᑕᐅᒐᔭᓐᖏᓚᓰ?

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:17

ᑍᒤᒻᒪᑦ ᑎᒧᑎ ᐃᓕᑦᓯᓐᓄᑦ ᑎᓕᕙᕋ, ᐃᕐᓂᕋ ᓇᒡᓕᒋᔭᕋ ᐊᑕᓂᕐᒥ ᓱᕐᕋᔪᐃᑦᑑᖕᒪᑦ, ᑖᑦᓱᒪ ᐃᖅᑬᑎᓐᓂᐊᕐᒪᓯ ᐃᓅᓯᕆᔭᓐᓂᒃ ᙭ᔅᑑᓯᒥ, ᑍᒫᒡᓗ ᐊᔪᕆᕐᑐᐃᕙᒃᑲᒪ ᓇᓂᑐᐃᓐᓇᖅ ᐅᒃᐱᕐᑑᖃᑎᒌᓕᒫᓂ.

ᐃᐱᓯᒥᐅᓄᑦ 3:15

ᐃᒡᓗᒥᐅᖃᑎᒌᓂ ᐃᓚᒌᒃᑐᓂᒃ ᑍᔭᐅᔪᓕᒫᑦ ᕿᓚᖕᒦᑦᑐᑦ ᓄᓇᒦᑦᑐᓪᓗ ᐊᑎᖃᕐᕕᒋᔭᖓᓐᓄᑦ.

ᔧᒥᓯᐅᑉ ᐊᒡᓚᖏᑦ 2:7

ᑖᒃᑯᐊ ᐅᖃᕐᓂᕐᓘᑎᖃᕐᐸᐳᑦ ᐱᐅᔪᒥᒃ ᑍᔭᐅᑦᔪᑎᑦᓯᓐᓂᒃ ᓇᕐᕈᓇᕐᓯᑎᑦᓯᓇᓱᐊᕐᓗᑎᒃ.

ᐲᑦᑐᕉᓯ ᓯᕗᓪᓖᑦ 4:14

ᐅᖃᕐᓂᕐᓗᒃᕕᐅᒍᑦᓯ ᙭ᔅᑑᓯᐅᑉ ᐊᑎᖓ ᐱᓪᓗᒍ, ᑕᑉᕙ ᓮᒻᒪᕐᑎᑕᐅᑦᔪᑎᒃᓴᖃᕐᐳᓯ ᒎᑎᐅᑉ ᐊᓂᕐᓂᖓ ᐱᓐᓇᕐᓇᕐᑐᕐᔪᐊᖅ ᐃᓂᖃᕐᒪᑦ ᐃᓕᑦᓯᓐᓂ.

ᐲᑦᑐᕉᓯ ᓯᕗᓪᓖᑦ 4:16

ᐅᖁᒤᑐᕐᔪᐊᕐᒥᑎᑕᐅᓕᕈᑦᓯᓕ ᙭ᔅᑑᓯᒥᐅᑕᐅᓂᓯ ᐱᑦᔪᑎᒋᓗᒍ, ᑕᒪᓐᓇ ᑲᓐᖑᓲᑎᒋᑦᑍᓕᓯᐅᒃ, ᒎᑎᓕ ᓂᕐᑐᕐᓯᐅᒃ ᑖᑦᓱᑐᓇᖅ ᐱᔭᐅᓂᓯ ᐱᑦᔪᑎᒋᓗᒍ.

ᔪᐊᓇᓯ ᓯᕗᓪᓖᑦ 2:27

ᐃᓕᑦᓯᓕ, ᑖᑦᓱᒪᓐᖓᑦ ᐅᕐᓱᕐᑎᕐᑕᐅᓯᒪᓂᓯ ᐱᓯᒤᓐᓇᕈᑦᓯᐅᒃ, ᑭᓇᒧᓪᓘᓃᑦ ᐊᔪᕆᕐᑐᕐᑕᐅᔭᕆᐊᖃᕋᔭᓐᖏᓚᓯ. ᑖᑦᓱᒪᓕ ᐅᕐᓱᕐᑎᑕᐅᓯᒪᓂᑦᓯ ᐊᔪᕆᕐᓱᒐᕆᓕᕐᒪᓯ ᓱᓇᑐᐃᓐᓇᕐᓂᒃ, ᑕᒪᓐᓇᓗ ᓱᓕᓪᓗᓂ, ᓴᒡᓗᓂᕐᑕᖃᕋᓂᓗ; ᐊᔪᕆᕐᓲᕐᑎᒋᓯᒪᒐᑦᓯᐅᒃ ᑖᑦᓱᒪᓃᖏᓐᓇᓕᕆᑦᓯ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:18

ᑍᒤᒻᒪᑦ ᐅᖃᐅᑎᕙᒋᑦ, ᓂᐅᕕᖁᓪᓗᑎᑦ ᒎᓗᒥᒃ ᐅᕙᓐᓂᑦ ᒎᓗᓪᓚᕆᖕᒥᒃ ᐃᑯᒪᒧᑦ ᐱᐅᖏᓐᓃᔭᕐᑕᐅᓯᒪᔪᒥᒃ, ᐊᔪᕐᓴᕈᓐᓃᖁᓪᓗᑎᑦ, ᐊᓐᓄᕌᕐᓗᑎᓪᓗ ᖃᑯᕐᑕᒥᒃ ᐊᓐᓄᕌᖃᖏᓐᓂᕐᒧᑦ ᑲᓐᖑᓇᕐᓃᑦ ᓴᖅᑭᔮᕈᓐᓃᖁᓪᓗᒍ, ᐃᔨᓯᐅᒻᒧᓪᓗ ᐃᔩᒃᑭᒃ ᒥᖑᐊᕐᓗᒋᒃ, ᑕᐅᑐᓕᕐᓂᐊᕋᕕᑦ.