ᐋᐴᓯᑕᓖᑦ ᐱᓂᐊᕐᓂᖏᑦ 11:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᑖᒃᑯᐊ ᑕᒪᑐᒥᖓ ᑐᓴᕋᒥᒃ ᓂᐱᖃᕈᓐᓃᕐᐳᑦ, ᒎᑎ ᓂᕐᑐᓕᕐᓗᒍ ᐅᖃᕐᐳᑦ, “ᔫᑎᐅᖏᑦᑐᓄᑦᑕᐅᖅ ᒎᑎ ᑐᓂᓯᕗᖅ ᓵᒋᐊᕐᓂᕐᒥᒃ ᐃᓅᓯᖃᕐᓇᕐᑐᒧᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 11:18 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 11:10

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᔨᓯᐅᑉ ᑭᖑᕚᖓ, ᓂᑯᕕᑦᓱᒫᕐᐳᖅ ᐃᓄᖕᓄᑦ ᓇᓗᓁᒃᑯᑕᐅᓗᓂ; ᔫᑎᐅᖏᑦᑐᑦ ᐃᓅᖃᑎᒌᒡᔪᐊᑦ ᑖᑦᓱᒥᖓ ᕿᓂᕈᒫᕐᐳᑦ, ᓇᔪᒐᖓᓗ ᐱᓐᓇᕐᓇᕐᑐᕐᔪᐊᖑᔪᒫᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 60:21

ᐃᓄᖁᑎᓕᒫᓯ ᓇᓛᒎᑦᓯᐊᓕᕈᒫᕐᒪᑕ; ᓄᓇᓗ ᐱᒋᓕᕐᓗᒍ ᐃᓱᖃᖏᑦᑐᒧᑦ, ᐱᕈᕐᓯᐊᒃᓴᓐᖑᕐᑎᓚᐅᕋᒃᑭᑦ ᐱᕈᕐᓰᕕᓐᓂ ᐊᒡᒐᓐᓄᑦ ᐋᖅᑭᒃᓱᕐᓗᒋᑦ, ᐱᓐᓇᕐᓇᕐᑎᑕᐅᖁᓪᓗᖓ ᑖᒃᑯᑎᒎᓇᖅ.

ᐂᓮᐊᓯᐅᑉ ᐊᒡᓚᖏᑦ 61:3

ᓮᐅᓂᒥ ᕿᒃᓵᒃᑐᑦ ᐃᑲᔪᕆᐊᕐᓗᒋᑦ, ᑕᑯᒥᓇᕐᑐᕐᔪᐊᕐᒥᒃ ᐱᑖᖁᓪᓗᒋᑦ ᐊᕐᔭᓕᓃᑦ ᐃᓇᖏᕐᓗᒋᑦ, ᐃᓔᓕᕿᓂᕐᒧᑦ ᕿᒃᓵᒃᑐᑦ ᖁᕕᐊᓱᖕᓂᐅᑉ ᐅᕐᓱᖓᓂᒃ ᑐᓂᓯᕕᐅᖁᓪᓗᒋᑦ, ᓂᕐᑐᐃᓂᕐᒥᒃ ᐊᓐᓄᕌᕐᑎᓪᓗᒋᑦ ᑕᖃᓯᒪᔪᒥᒃ ᐊᓂᕐᓂᖃᕐᑐᑦ; ᓇᓛᒎᕐᑐᒥᒃ ᐆᒃᒥᒃ ᓇᐹᕐᑐᒥᒃ ᑍᔭᐅᓕᖁᓪᓗᒋᑦ, ᐊᑕᓂᐅᑉ ᑲᓐᖓᕐᓱᕐᑕᖓᓂᒃ ᐱᕈᕐᓯᐊᒃᓴᒥᒃ, ᓂᕐᑐᕐᑕᐅᑦᔪᑎᒃᓴᒥᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 36:26

ᐆᒻᒪᒻᒥᒃ ᓄᑖᒥᒃ ᑐᓂᓯᕕᒋᔪᒫᕐᐸᑦᓯ, ᐊᓂᕐᓂᕐᒥᒡᓗ ᓄᑖᒥᒃ ᐃᓗᒻᒥᕐᑎᑦᓱᒫᕐᐸᑦᓯ; ᑎᒥᑦᓯᓐᓂᑦ ᐆᒻᒪᑎᓯ ᐅᔭᕋᒃ ᐲᕈᒫᕐᐸᕋ ᐆᒻᒪᑎᑖᕐᑎᓪᓗᓯᓗ ᓈᓚᒍᓐᓇᕐᑐᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 47:22

ᑕᒪᓐᓇ ᓇᖕᒥᓂᕐᑖᕆᓗᒍ ᓄᓇᖁᑎᑖᕆᔭᒃᓴᕆᕙᓯ ᑭᖑᕐᖑᑎᓕᕐᓗᒍ ᓄᓇᖃᑎᑐᖃᕆᓐᖏᑕᓯᓗ ᓄᓇᑦᓯᓐᓂ ᕿᑐᕐᖏᐅᕐᓯᒪᔪᑦ ᓄᓇᒥᒃ ᐊᕕᒃᑐᐃᓕᕈᑦᓯ ᐱᖃᑕᐅᑎᑕᐅᔪᒃᓴᐅᕗᑦ. ᐃᓴᕆᐊᓕᒥᐅᑕᓪᓚᕆᒃᑎᑐᑦ ᐃᓱᒪᒋᔭᐅᔪᒃᓴᐅᕗᑦ; ᓄᓇᑖᕈᓐᓇᕐᑎᑕᐅᔪᒃᓴᐅᕗᓪᓗ ᐃᓴᕆᐊᓕᒥᐅᑦ ᑭᖑᕚᖑᖃᑎᒌᑦ ᓄᓇᖁᑎᒃᓴᒥᖕᓂᒃ ᐱᓇᓱᐊᓕᕐᐸᑕ ᐃᓚᒋᔭᐅᑦᓯᐊᕐᓗᑎᒃ.

ᓴᑲᕅᐊᐅᑉ ᐊᒡᓚᖏᑦ 12:10

“ᑕᒪᓐᓇ ᓇᓪᓕᐅᑎᒃᐸᑦ ᑍᕕᑎᐅᑉ ᑭᖑᕚᖏᑦ ᔨᕉᓴᓕᒥᓗ ᓄᓇᖃᕐᑐᑦ ᑯᕝᕕᕆᔪᒫᕐᐸᒃᑲ ᐊᓂᕐᓂᕐᒥᒃ ᓂᑲᒍᓱᖕᓂᕐᒥᒃ ᑐᒃᓯᐊᕈᒪᓂᕐᒥᒡᓗ, ᐅᕙᓐᓄᓪᓗ ᑕᑯᓴᕈᒫᕐᐳᑦ ᑲᐱᓚᐅᕐᑕᒥᖕᓂᒃ ᑕᑯᓗᑎᒃ, ᕿᒃᓵᒡᓗᑎᒃ ᐃᓔᓕᕿᑦᔪᑎᒋᔪᒫᕐᐹᑦ ᑖᓐᓇ, ᐃᕐᓂᑐᐊᒥᓂᒃ ᑐᖁᔨᐊᖃᕐᑐᑎᑐᑦ, ᐊᖏᔪᒥᒃ ᕿᐊᑦᔪᑎᒋᔪᒫᕐᐹᑦ ᐊᖓᔪᒃᓯᕐᐹᖁᑎᒥᖕᓂᒃ ᐃᕐᓃᕐᑐᑎᑐᑦ.

ᒫᑎᐅᓯᐅᑉ ᐊᒡᓚᖏᑦ 9:8

ᐃᓄᐃᓪᓕ ᑕᒪᑐᒥᖓ ᑕᑯᓐᓇᕐᑐᑦ, ᑲᒪᓂᐊᒻᒪᕆᒃᐳᑦ, ᒎᑎᒥᒃ ᓂᕐᑐᐃᓕᕐᓗᑎᒃ, ᐃᓄᖕᓄᑦ ᐱᔪᓐᓇᕐᓂᕐᒥᒃ ᑐᓂᓯᓯᒪᓂᖓᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 11:1

ᐋᐴᓯᑕᓖᑦ ᐊᓯᖏᓪᓗ ᐅᒃᐱᕐᑐᑦ ᔫᑎᐊᒥ ᑐᓴᐅᒪᓕᕐᐳᑦ ᔫᑎᐅᖏᑦᑐᑦᑕᐅᖅ ᐃᓚᓕᐅᕐᓯᓕᕐᒪᑕ ᒎᑎᐅᑉ ᐅᖃᐅᓯᖏᓐᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 14:27

ᐊᓐᑎᐅᑭᐊᒧᑦ ᑎᑭᓐᓇᒥᒃ, ᐃᓚᒌᒃᑐᑦ ᑲᑎᖁᕔᑦ ᐅᓂᒃᑳᕐᕕᒋᓪᓗᒋᑦ ᑕᒤᓐᓂᒃ ᒎᑎᒧᑦ ᐱᓂᐊᕐᕕᐅᓂᕐᒥᖕᓂᒃ, ᐅᒃᑯᐃᕈᑦᔭᐅᓂᕐᒥᖕᓂᒃ ᔫᑎᐅᖏᑦᑐᑦ ᐅᒃᐱᕐᑎᑕᐅᖁᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 15:3

ᑖᒃᑯᐊᒃ ᐅᒃᐱᕐᑑᖃᑎᒌᓂᑦ ᑎᓕᔭᐅᒐᒥᒃ ᐱᓃᓯᐊ ᓴᒥᐊᕆᐊᓗ ᐊᖅᑯᓵᕐᐹᒃ, ᐅᓂᒃᑳᕐᓗᑎᒃ ᔫᑎᐅᖏᑦᑐᑦ ᓵᒋᐊᕐᑎᑕᐅᓂᖏᓐᓂᒃ ᒎᑎᒧᑦ ᐊᖏᔪᒥᒃ ᖁᕕᐊᓲᑕᐅᕘᒃ ᐅᒃᐱᕐᑑᖃᑎᒌᓕᒫᓂᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 20:21

ᔫᑎᓄᑦ ᒍᕇᑭᓄᓪᓗ ᐊᑦᔨᒌᓂᒃ ᐅᖃᐅᑦᔪᐃᕙᓚᐅᕐᐳᖓ ᒎᑎᒧᑦ ᖃᕿᐊᓕᕐᓗᑎᒃ ᓵᒋᐊᖁᓪᓗᒋᑦ ᐊᔪᕐᓂᕐᒥᖕᓂᑦ; ᐅᒃᐱᖁᓪᓗᒋᓪᓗ ᐊᑕᓂᕐᒧᑦ ᔩᓱᓯᒧᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 21:20

ᑖᒃᑯᐊ ᑕᒪᑐᒥᖓ ᑐᓴᕋᒥᒃ, ᒎᑎ ᓂᕐᑐᕐᐹᑦ. ᐅᖃᕐᓗᑎᒃ, “ᐸᐅᓗᓰ, ᖃᐅᔨᒪᕗᑎᑦ ᔫᑎᑦ 1000ᓂᑦ ᐅᓄᕐᓂᕐᓴᒻᒪᕇᑦ ᐅᒃᐱᓕᕐᒪᑕ, ᑕᒪᕐᒥᒡᓗ ᒨᓯᓯᐅᑉ ᐱᖁᔭᖏᓐᓂᒃ ᐊᑐᕈᒪᒻᒪᕆᓕᕐᓗᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 3:19

ᑍᒤᒻᒪᑦ ᖃᕿᐊᓕᕆᑦᓯ, ᒎᑎᒧᓪᓗ ᓵᒋᐊᕐᓗᓯ, ᐱᐅᖏᑐᓕᓂᓯ ᑕᕝᕙ ᐲᔭᕐᓂᐊᕐᐰᑦ, ᓄᑖᒥᒡᓗ ᐱᔪᓐᓇᕐᓂᕐᑖᕐᑎᑕᐅᖃᑦᑕᕐᓂᐊᕐᐳᓯ ᐊᑕᓂᐅᑉ ᓇᔫᑎᓂᖓᓄᑦ,

ᐋᐴᓯᑕᓖᑦ ᐱᓂᐊᕐᓂᖏᑦ 3:26

ᒎᑎᐅᑉ ᐱᔨᓂ ᓂᕈᐊᕋᒥᐅᒃ ᑎᓕᓚᐅᕐᐹ ᐃᓕᑦᓯᓐᓄᑦ ᓯᕗᓪᓕᕐᐹᒥᒃ, ᓮᒻᒪᕐᑎᑦᓯᓂᖓᒍᑦ ᑕᒪᑦᓯ ᐊᑐᓂᑦ ᐊᔪᕐᑐᓕᓂᕐᒥᒃ ᕿᒤᖁᓪᓗᓯ.”

ᐋᐴᓯᑕᓖᑦ ᐱᓂᐊᕐᓂᖏᑦ 5:31

ᒎᑎᐅᑉ ᐊᑕᓂᖑᕐᑎᓚᐅᕐᐹ ᑕᓕᕐᐱᖕᒥᓂ ᓯᕗᓕᕐᑎᖑᕐᑎᓪᓗᓂᐅᒃ ᐱᐅᓕᔨᖑᕐᑎᓪᓗᓂᐅᒡᓗ, ᐃᓴᕆᐊᓕᒥᐅᑦ ᖃᕿᐊᓕᕐᕕᒃᓴᖃᖁᓪᓗᒋᑦ ᐱᐅᖏᑦᑐᓕᓂᖏᓐᓂᑦ ᐃᓱᒪᒋᔪᓐᓁᕐᕕᐅᖁᓪᓗᒋᓪᓗ.

ᕉᒪᒥᐅᓄᑦ 9:30

ᖃᓄᕐᓕ ᑕᕝᕙ ᐅᖃᕐᑐᒃᓴᐅᓕᕐᐱᑖ? ᔫᑎᐅᖏᑦᑐᑦ ᐃᓗᐊᕐᓯᑎᑕᐅᓂᕐᒥᒃ ᕿᓂᓚᐅᖏᑦᑐᑦ ᐃᓗᐊᕐᓯᑎᑕᐅᓯᒪᓕᕐᐸᑕ, ᑕᕝᕙ ᐃᓗᐊᕐᑑᓂᕋᕐᑕᐅᓂᕐᒥᑦ ᐅᒃᐱᕐᓂᑯᑦ ᐱᔪᒥᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:18

ᐅᕙᒍᓪᓗ ᑕᒪᑦᑕ ᑭᓇᑦᑎᓐᓂᒃ ᒪᑐᐊᕐᓯᓯᒪᖏᑦᑐᒍᑦ, ᐊᑕᓂᐅᑉ ᓂᕐᑐᕐᓇᕐᓂᖓ ᑕᑯᒃᓴᐅᑎᑉᐸᕗᑦ, ᐊᓯᑦᔨᕐᑕᐅᓪᓗᑕᓗ ᑖᑦᓱᒪ ᑕᐅᑦᑐᖓᓄᑦ ᓂᕐᑐᕐᓇᕐᓯᕙᓪᓕᐊᑎᑦᓯᔪᒧᑦ ᐱᓐᓇᕐᓇᕐᑐᒥᑦ ᐱᓐᓇᕐᓇᕐᑐᒧᑦ; ᑕᒪᓐᓇᓗ ᐊᑕᓂᕐᒥᑦ ᐱᕗᖅ ᐊᓂᕐᓂᐅᔪᒥᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:10

ᕿᒃᓵᒃᑎᑕᐅᓂᖅ ᒎᑎᒥᑦ ᐱᔪᖅ ᖃᕿᐊᓕᕐᓂᖃᕐᑎᑦᓯᖕᒪᑦ ᐱᐅᓕᔭᐅᓂᕐᒧᑦ ᑭᖑᓂᖓᒍᓪᓗ ᐅᒡᒍᐊᕐᓇᕐᓂᖃᕋᓂ, ᕿᒃᓵᒃᑎᑕᐅᓂᕐᓕ ᓯᓚᕐᔪᐊᕐᒥᑦ ᐱᔪᖅ ᑐᖁᑎᑦᓯᕗᖅ.

ᒐᓔᑎᐊᒥᐅᓄᑦ 1:24

ᑍᒤᒻᒪᑦ ᐅᕙᓐᓂᒃ ᐱᑦᔪᑎᖃᕐᓗᑎᒃ ᒎᑎᒥᒃ ᓂᕐᑐᐃᖃᑦᑕᕐᐳᑦ.

ᔮᓱᐊᑉ ᐊᒡᓚᖏᑦ 22:30

ᑐᓂᕐᕈᓯᕐᑎᑦᓯᔨ ᐱᓂᕼᐋᔅ ᐊᖑᑏᓪᓗ ᓯᕗᓕᕐᑏᑦ ᓄᓇᖃᑎᒌᓄᑦ, ᑭᖑᕚᕇᓪᓗ ᐊᖓᔪᖅᑳᖏᑦ ᒪᓕᓚᐅᕐᑐᑦ ᑐᓴᕋᒥᒃ ᐃᓄᖕᓂᑦ ᕉᐱᓂᐅᑉ, ᒑᓪᓗ ᒫᓇᓯᐅᓪᓗ ᑭᖑᕚᖏᑕ ᐅᖃᐅᓯᖏᓐᓂᒃ, ᓈᒻᒪᒃᓴᓕᓚᐅᕐᐳᑦ.