ᐋᐴᓯᑕᓖᑦ ᐱᓂᐊᕐᓂᖏᑦ 10:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᒫᓐᓇ ᐊᖑᑎᓂᒃ ᑎᓕᓯᓕᕆᑦ ᔮᐸᒧᑦ, ᓮᒨᓂ ᕾᖁᔭᐅᖁᓗᒍ ᐲᑦᑐᕉᓯᒥᒃ ᑍᔭᐅᔪᖅ;

ᐋᐴᓯᑕᓖᑦ ᐱᓂᐊᕐᓂᖏᑦ 10:5 Iomraidhean Croise

ᒫᑯᓯᐅᑉ ᐊᒡᓚᖏᑦ 3:16

ᓮᒨᓂ ᔩᓱᓯᐅᑉ ᐊᑦᑎᕐᐹ ᐲᑦᑐᕉᓯᒥᒃ;

ᔪᐊᓇᓯᐅᑉ ᐊᒡᓚᖏᑦ 1:42

ᐋᓐᑐᕉᑉ ᓮᒨᓂ ᔩᓱᓯᒧᐊᕈᑎᕚ. ᔩᓱᓯᐅᑉ ᑕᑯᒐᒥᐅᒃ, ᐅᖃᐅᑎᕚ, “ᓮᒨᓂᐅᕖᑦ ᔪᐊᓇᓯᐅᑉ ᐃᕐᓂᖓ? ᓰᐸᓯᒥᒃ ᐊᑎᖃᕐᓂᐊᓕᕐᐳᑎᑦ.” (ᓰᐸᓯ ᑐᑭᖃᕐᐳᖅ ᐲᑦᑐᕉᓯ ᐅᕝᕙᓗ “ᕾᕐᑐᖅ.”)

ᐋᐴᓯᑕᓖᑦ ᐱᓂᐊᕐᓂᖏᑦ 10:18

ᐊᐱᕆᓪᓗᑎᒃ ᓮᒨᓂ ᐲᑦᑐᕉᓯᒥᒃ ᐊᑎᓕᒃ ᑕᕝᕙᓂ ᑐᔪᕐᒥᖕᒪᖔᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 10:32

ᑍᒤᒻᒪᑦ ᑎᓕᓯᓕᕆᑦ ᔮᐸᒧᑦ ᓮᒨᓂ ᐲᑦᑐᕉᓯᒥᒃ ᐊᑎᓕᒃ ᕾᖁᔭᐅᖁᓗᒍ; ᑖᓐᓇ ᑐᔪᕐᒥᕗᖅ ᓮᒨᓂᐅᑉ ᐊᒥᕐᓂᒃ ᕿᑐᒻᒪᒃᓮᔨᐅᑉ ᐃᒡᓗᖓᓂ ᐃᒪᐅᑉ ᓯᓈᓂ.’

ᐋᐴᓯᑕᓖᑦ ᐱᓂᐊᕐᓂᖏᑦ 15:7

ᐲᑦᑐᕉᓯ ᐅᖃᖃᑎᒌᕕᒡᔪᐊᒻᒪᕆᓚᐅᕐᑎᓪᓗᒋᑦ ᓂᑯᕕᓪᓗᓂ ᐅᖃᕐᐳᖅ, “ᐃᓅᖃᑎᒃᑲ, ᐅᓪᓗᓂ ᐱᒋᐊᓕᕋᑖᕐᑎᓪᓗᑕ, ᒎᑎ ᐅᕙᓐᓂᒃ ᓂᕈᐊᓚᐅᕐᒪᑦ ᐊᔪᕆᕐᑐᐃᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᔫᑎᐅᖏᑦᑐᓄᑦ, ᑐᓴᖁᓪᓗᒋᑦ ᐅᒃᐱᓕᖁᓪᓗᒋᓪᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 16:9

ᐅᓐᓄᐊᖑᓕᕐᑎᓪᓗᒍ ᐸᐅᓗᓯ ᑕᑯᑎᑕᐅᕗᖅ; ᐊᖑᒻᒥᒃ ᒫᓯᑑᓂᐊᒥᐅᑕᕐᒥᒃ ᓴᓂᒥᓂ ᓇᖏᕐᑐᒥᒃ ᕿᓄᕕᒋᓪᓗᒍ ᐅᖃᕐᑐᒥᒃ, “ᒫᓯᑑᓂᐊᒧᑦ ᕾᒋᑦᓯ ᐃᑲᔪᕆᐊᕐᓗᑕ.”

ᐋᐴᓯᑕᓖᑦ ᐱᓂᐊᕐᓂᖏᑦ 9:36

ᔮᐸᒥ ᐃᓕᓐᓂᐊᕐᑎᑕᖃᓚᐅᕐᐳᖅ ᑕᐱᓴᒥᒃ ᐊᑎᓕᖕᒥᒃ, ᒍᕇᑭᑎᑐᑦ ᑍᔭᐅᔪᒥᒃ ᑑᑲᓯᒥᒃ, ᑖᓐᓇ ᐱᓂᐊᕐᓂᖃᑦᓯᐊᓚᐅᕐᐳᖅ ᐃᑲᔪᑦᓯᐊᕐᐸᒡᓗᓂᓗ ᐊᔪᕐᓴᕐᑐᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 9:38

ᓔᑕ ᔮᐸᒥᑦ ᖃᓂᑦᑑᖕᒪᑦ, ᐃᓕᓐᓂᐊᕐᑏᑦ ᑐᓴᕋᒥᒃ ᐲᑦᑐᕉᓯ ᔮᐸᒦᒻᒪᑦ, ᑎᓕᓯᕗᑦ ᐊᖑᑏᖕᓂᒃ ᒪᕐᕉᖕᓂᒃ ᕿᓄᕕᒋᓪᓗᒍ ᐃᒫᒃ, “ᑐᐊᕕᕐᓗᑎᑦ ᕾᒋᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 9:42

ᑕᒪᓐᓇ ᖃᐅᔨᔭᐅᓕᕐᐳᖅ ᔮᐸᒥ ᓄᓇᖃᕐᑐᓕᒫᓄᑦ, ᐊᒥᓱᑦ ᐅᒃᐱᓕᕐᐳᑦ ᐊᑕᓂᕐᒧᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 9:43

ᐲᑦᑐᕉᓯ ᔮᐸᒦᓚᐅᕐᐳᖅ ᐅᓪᓗᓂᒃ ᐊᒥᓱᓂᒃ ᑐᔪᕐᒥᓪᓗᓂ ᓮᒨᓂᒥ ᐊᒥᕐᓂᒃ ᕿᑐᒻᒪᒃᓮᔨᒥ.