ᐋᐴᓯᑕᓖᑦ ᐱᓂᐊᕐᓂᖏᑦ 10:43 - ᐊᒡᓔᑦ ᐃᑦᔪᕐᖕᓁᑦᑐᑦ

⁴³ ᓇᓚᐅᑦᑍᔪᑦ ᑕᒪᕐᒥᒃ ᑖᑦᓱᒥᖓ ᓇᓗᓁᕐᓯᕗᑦ, ᐅᖃᕐᓗᑎᒃ ᑖᑦᓱᒧᖓ ᐅᒃᐱᕐᑐᑦ ᐊᔪᕐᓂᖏᓐᓂᑦ ᐃᓱᒪᒋᔪᓐᓁᕐᕕᐅᓂᕐᒥᒃ ᐱᑎᑕᐅᕗᑦ, ᑖᑦᓱᒪ ᐊᑎᖓᒍᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 10:43 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 53:11

ᑕᕐᓂᕐᒥᒍᑦ ᐊᒃᓱᕈᕐᓇᕐᑐᒦᑎᑕᐅᓂᖓᑕ ᐸᐅᕐᖓᖏᓐᓂᒃ ᑕᑯᔪᒫᕐᐳᖅ ᓈᒻᒪᒋᓗᒋᓪᓗ; ᖃᐅᔨᒪᓂᕐᒥᒍᑦ ᓇᓛᒎᕐᑐᖅ ᐱᔨᒐ ᐅᓄᕐᑐᓂᒃ ᐃᓱᐊᕐᓯᑎᑦᓯᔪᒫᕐᐳᖅ, ᐊᔪᕐᑐᓕᓂᖏᓐᓂᒃ ᐊᒡᔭᕐᓯᔪᒫᕐᒪᑦ.

ᔨᕆᒤᐊᐅᑉ ᐊᒡᓚᖏᑦ 31:34

ᐃᓅᖃᑎᒥᖕᓂᒃ ᐊᔪᕆᕐᑐᐃᔭᕆᐊᖃᕈᓐᓃᕈᒫᕐᐳᑦ ᖃᑕᓐᖑᑎᒥᖕᓂᒡᓘᓐᓃᑦ ᐅᖃᐅᑦᔨᔪᖃᕐᐸᒍᓐᓃᕐᓗᓂ, ᐊᑕᓂᖅ ᖃᐅᔨᓕᕈᒃ, ᐅᕙᓐᓂᒃ ᖃᐅᔨᒪᔪᐃᓐᓇᐅᓕᕈᒫᕐᐳᑦ ᓱᓇᐅᖏᓐᓂᕐᐹᒥᑦ ᐱᓪᓚᕆᐅᓂᕐᐹᒧᑦ, ᐊᑕᓂᖅ ᐅᖃᕐᐳᖅ; ᐱᐅᖏᑦᑐᓕᓂᖏᑦ ᐃᓱᒪᒋᔪᓐᓃᕈᒫᕋᒃᑭᑦ ᐃᖅᑲᐅᒪᔪᓐᓃᕐᓗᒋᓪᓗ.”

ᑖᓂᐊᓕᐅᑉ ᐊᒡᓚᖏᑦ 9:24

“ᓇᓪᓕᐅᓐᓃᑦ 70 7ᐃᕐᑐᕐᓗᒋᑦ ᐅᖃᐅᓯᐅᕗᑦ ᐃᓄᖁᑎᖕᓄᑦ ᐃᒡᓗᒐᓴᖁᑎᖕᓄᓪᓗ ᐃᑦᔪᕐᓁᑦᑐᓄᑦ ᐱᐅᖏᑦᑐᓕᓂᖏᑕ ᓱᒋᐊᕐᑕᐅᓂᖏᑕ ᐃᓱᓕᕝᕕᒃᓴᖏᑦ, ᐊᔪᕐᑐᓕᓂᖅ ᐃᓱᓕᖁᓪᓗᒍ, ᐱᐅᖏᑦᑐᓕᓂᐅᑉ ᓴᓗᒻᒪᕐᑎᑕᐅᕕᒃᓴᖓᓄᑦ, ᐃᓱᐊᕐᑐᓕᓂᖅ ᐃᓱᖃᖏᑦᑐᒧᑦ ᐃᖏᕐᕋᓕᖁᓪᓗᒍ, ᑕᑯᑎᑕᐅᓂᖅ ᓇᓚᐅᑦᑍᓂᕐᓗ ᓇᕿᑦᔪᓯᕐᓗᒍ ᐃᑦᔪᕐᓁᓐᓂᕐᐹᕐᓗ ᐅᕐᓱᒧᑦ ᒥᖑᐊᕐᓗᒍ.

ᒤᑲᐅᑉ ᐊᒡᓚᖏᑦ 7:18

ᑭᓇ ᐃᓕᒃᑐᑦ ᒎᑎᐅᕙ, ᐃᓱᒪᒋᔪᓐᓁᕐᓯᔪᓐᓇᕐᑐᖅ ᐱᐅᖏᑦᑐᓕᓂᕐᓂᒃ ᐊᔪᕐᑐᓕᓂᕐᓂᒡᓗ ᐊᒥᐊᒃᑰᔪᓄᑦ ᐃᓄᖁᑎᒥᓄᑦ ᑭᖑᕚᕆᔭᐅᔪᓄᑦ, ᓂᓐᖓᐅᒤᓐᓇᕈᓐᓇᖏᑦᑐᖅ ᖁᕕᐊᒋᔭᖃᕋᒥ ᓇᒡᓕᖕᓂᕐᒥᒃ ᓱᖁᓯᔪᐃᑦᑐᒥᒃ.

ᓴᑲᕅᐊᐅᑉ ᐊᒡᓚᖏᑦ 13:1

“ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᒪᑐᐃᕐᓯᔪᖃᕈᒫᕐᐳᖅ ᐃᒥᕐᒥᒃ ᐳᐊᓚᔪᒥᒃ ᑍᕕᑎᐅᑉ ᑭᖑᕚᖏᓐᓄᑦ, ᔨᕉᓴᓕᒥᓗ ᓄᓇᖃᕐᑐᓕᒫᓄᑦ, ᑖᒃᑯᐊ ᐊᔪᕐᓂᖏᑕ ᓴᓗᒤᑦᑐᓪᓗ ᓴᓗᒻᒪᕐᓴᕐᑕᐅᕕᒃᓴᖓᓂᒃ.

ᒪᓚᑬᑉ ᐊᒡᓚᖏᑦ 4:2

ᐊᑎᓐᓂᒡᓕ ᓯᕘᕋᔪᓯ ᐃᓱᐊᕐᑐᓕᓂᐅᑉ ᓯᕿᓂᖓᓄᑦ ᓄᐃᕕᐅᔪᒫᕐᐳᓯ, ᐃᓴᕈᕐᒥᒍᑦ ᐋᖅᑭᒃᑕᐅᓂᕐᒥᒃ ᐱᑕᓕᖕᒧᑦ. ᐊᓂᔪᒫᕐᐳᓯ ᒥᓯᒃᑕᕐᓗᓯ ᓄᕐᕋᕐᑎᑐᑦ ᐆᒪᔪᒃᑯᕕᖕᒥᑦ ᐊᓂᔪᑎᑐᑦ.

ᒫᑯᓯᐅᑉ ᐊᒡᓚᖏᑦ 16:16

ᓇᓪᓕᐊᑦ ᐅᒃᐱᕐᑐᖅ ᐹᑉᑎᑕᐅᓗᓂ ᑖᓐᓇ ᐱᐅᓕᔭᐅᔪᒫᕐᐳᖅ; ᓇᓪᓕᐊᓪᓕ ᐅᒃᐱᖏᑉᐸᑦ ᑖᓐᓇ ᐃᖅᑲᕐᑐᕐᑕᐅᔪᒫᕐᐳᖅ.

ᓘᑲᓯᐅᑉ ᐊᒡᓚᖏᑦ 24:47

᙭ᔅᑑᓯᐅᑉ ᐊᑎᖓᓂ ᓵᒋᐊᕆᐊᖃᕐᓂᕐᒥᒃ ᐊᔪᕐᓃᓪᓗ ᐃᓱᒪᒋᔪᓐᓁᕐᑕᐅᔪᓐᓇᕐᓂᖏᑦ ᐊᔪᕆᕐᑐᐃᔪᑕᐅᔭᕆᐊᖃᓕᕐᐳᑦ ᐃᓅᖃᑎᒌᒐᓴᒡᔪᐊᓄᑦ, ᔨᕉᓴᓕᒻᒥᑦ ᐱᒋᐊᕐᓗᓂ.

ᔪᐊᓇᓯᐅᑉ ᐊᒡᓚᖏᑦ 1:45

ᐱᓕᑉᐴᓯᐅᑉ ᓈᑕᓁ ᑲᑎᒐᒥᐅᒃ ᐅᖃᐅᑎᕚ, “ᑲᑎᓯᕗᒍᑦ ᒨᓯᓯᐅᑉ ᐱᖁᔭᖏᓐᓂ ᓇᓚᐅᑦᑍᔪᓪᓗ ᑎᑎᕋᐅᓯᕆᓚᐅᕐᑕᖓᓂᒃ, ᔩᓱᓯ ᓈᓴᕇᑎᒥᐅᒥᒃ, ᔫᓯᐱᐅᑉ ᐃᕐᓂᖓᓂᒃ.”

ᔪᐊᓇᓯᐅᑉ ᐊᒡᓚᖏᑦ 20:31

ᑖᒃᑯᐊ ᑎᑎᕋᕐᓯᒪᕗᑦ ᐅᒃᐱᓕᖁᓪᓗᓯ ᔩᓱᓯ ᙭ᔅᑑᓯᐅᖕᒪᑦ, ᒎᑎᐅᑉ ᐃᕐᓂᖓ. ᐅᒃᐱᕐᓂᑦᓯᒍᑦ ᐃᓅᓯᖃᖁᓪᓗᓯ ᑖᑦᓱᒨᓇ.

ᔪᐊᓇᓯᐅᑉ ᐊᒡᓚᖏᑦ 5:24

“ᓱᓕᔪᒥᒃ ᐅᖃᐅᑎᕙᑦᓯ, ᐅᖃᐅᓯᓐᓂᒃ ᑐᓴᕐᑐᖅ ᐅᒃᐱᕆᓗᒍᓗ ᑎᓕᔨᒐ, ᑖᓐᓇ ᐃᓅᓯᖃᕐᐳᖅ ᓄᖑᓱᐃᑦᑐᒥᒃ; ᐃᖅᑲᕐᑐᕐᑕᐅᑦᔮᓇᓂᓗ, ᑐᖁᒥᓪᓕ ᓄᒃᑎᕐᓯᒪᓕᕐᐳᖅ ᐃᓅᓯᕐᒧᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 15:9

ᐊᑦᔨᒌᖏᑦᑑᑎᓚᐅᓐᖏᓛᑎᒍᑦ ᐅᕙᒍᓪᓗ ᔫᑎᐅᖏᑦᑐᓪᓗ, ᐊᔪᕐᓂᖏᓐᓂᒃ ᐃᓱᒪᒋᔪᓐᓁᕐᕕᒋᓚᐅᕐᐰᑦ ᐅᒃᐱᓕᕐᒪᑕ.

ᐋᐴᓯᑕᓖᑦ ᐱᓂᐊᕐᓂᖏᑦ 2:38

ᐲᑦᑐᕉᓯᐅᑉ ᐅᖃᐅᑎᕔᑦ, “ᖃᕿᐊᓕᕆᑦᓯ, ᐹᑉᑎᑕᐅᓗᓯᓗ ᑕᒪᑦᓯ ᔩᓱᓯ ᙭ᔅᑑᓯᐅᑉ ᐊᑎᖓᓂ, ᐊᔪᕐᓂᑦᓯᓐᓂᑦ ᐃᓱᒪᒋᔪᓐᓁᕐᕕᐅᖁᓪᓗᓯ; ᐊᓂᕐᓂᐅᑉ ᐃᑦᔪᕐᓁᑦᑑᑉ ᑐᓂᕐᕈᑖᓂᒃ ᐱᓂᐊᕐᐳᓯ ᑕᕝᕙ.

ᐋᐴᓯᑕᓖᑦ ᐱᓂᐊᕐᓂᖏᑦ 26:18

ᐃᔨᖏᑦ ᐅᐃᑎᑕᐅᖁᓪᓗᒋᑦ, ᑖᕐᑐᒥᑦ ᓵᒋᐊᖁᓪᓗᒋᑦ ᖃᐅᒪᔪᒧᑦ, ᓵᑖᓇᓯᐅᓪᓗ ᐱᔪᓐᓇᕐᓂᖓᓂᑦ ᒎᑎᒧᑦ, ᐅᒃᐱᕐᓂᕐᒥᒍᓪᓗ ᐅᕙᓐᓄᑦ ᐊᔪᕐᓂᕐᒥᖕᓂᑦ ᐃᓱᒪᒋᔪᓐᓁᕐᕕᐅᖁᓪᓗᒋᑦ, ᐃᓂᖃᓕᖁᓪᓗᒋᓪᓗ ᒎᑎᐅᑉ ᐃᑦᔪᕐᓁᑎᓯᒪᔭᖏᓐᓂ ᐅᒃᐱᕐᓂᒃᑯᑦ.’”

ᐋᐴᓯᑕᓖᑦ ᐱᓂᐊᕐᓂᖏᑦ 26:22

ᒎᑎᐅᓪᓕ ᐃᑲᔪᐃᓐᓇᕐᐹᖓ ᐅᓪᓗᒥᒧᑦ ᑎᑭᓪᓗᒍ, ᒫᓐᓇᓗ ᓇᖏᕐᐳᖓ ᓇᓗᓁᕐᓯᔪᓐᓇᕐᓗᖓ ᐊᑦᔨᒌᒃᑐᒥᒃ ᐃᓄᖕᓄᑦ ᐊᑦᔨᒌᖏᑦᑐᓄᑦ, ᐅᖃᐅᓯᖃᕐᐳᖓ ᓇᓚᐅᑦᑍᔪᑦ ᒨᓯᓯᐅᓪᓗ ᓇᓪᓕᐅᑎᓂᐊᕐᓂᕋᕐᓯᒪᔭᖏᑕ ᐊᓯᐊᒎᖏᑦᑐᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 3:16

ᑖᑦᓱᒪ ᐱᔪᓐᓇᕐᓂᖓᓄᑦ ᐅᒃᐱᕐᓂᒃᑯᑦ ᑖᑦᓱᒪ ᐊᑎᖓᓄᑦ, ᐅᓇ ᐱᓱᒍᓐᓇᓚᐅᖏᑦᑐᖅ ᓄᑭᒃᑖᕐᑎᑕᐅᕗᖅ ᑕᑯᔭᓯ ᖃᐅᔨᒪᔭᓯᓗ; ᐅᒃᐱᕐᓂᒃᒧᑦ ᔩᓱᓯᒃᑯᑦ ᖃᓄᐃᖏᑦᓯᐊᓕᕐᐳᖅ ᐃᓘᓐᓇᓯ ᒫᓐᓇ ᑕᑯᔭᓯ.

ᐋᐴᓯᑕᓖᑦ ᐱᓂᐊᕐᓂᖏᑦ 3:18

ᒎᑎᐅᑉ ᓯᕗᓂᖓᓂ ᐅᖃᐅᓯᕆᓯᒪᖕᒪᒍ ᓇᓚᐅᑦᑍᔪᑎᒍᑦ, ᙭ᔅᑑᓯᖁᑎᓂ ᐋᓐᓂᐊᑎᑕᐅᓂᐊᕐᓂᕋᕐᓗᒍ, ᑍᒤᑎᓚᐅᕐᐹᓗ.

ᕉᒪᒥᐅᓄᑦ 10:11

ᐊᒡᓔᑦ ᐅᖃᕐᒪᑕ, “ᑖᑦᓱᒧᖓ ᐅᒃᐱᕐᑐᖅ ᑲᓐᖑᓱᒃᑎᑕᐅᓂᐊᓐᖏᓚᖅ.”

ᕉᒪᒥᐅᓄᑦ 3:21

ᒎᑎᒧᓪᓕ ᐸᓯᔭᒃᓴᐅᔪᓐᓃᕐᓂᖅ ᓇᓗᓇᕈᓐᓃᕐᑎᑕᐅᕗᖅ ᐱᖁᔭᑦ ᐊᓯᐊᒍᑦ, ᐱᖁᔧᑦ ᓇᓚᐅᑦᑍᔪᓪᓗ ᑎᑎᕋᕐᓯᒪᔭᖏᑦ ᑕᒪᑐᒥᖓ ᓇᓗᓁᕐᓯᓯᒪᕗᑦ.

ᕉᒪᒥᐅᓄᑦ 5:1

ᑍᒤᒻᒪᓪᓕ ᒫᓐᓇ ᒎᑎᒧᑦ ᐸᓯᔭᒃᓴᐅᖏᓐᓂᕋᕐᑕᐅᔪᒍᑦ ᐅᒃᐱᕐᓂᒃᑯᑦ, ᒎᑎᒧᑦ ᐃᓱᒫᓘᑎᖃᕈᓐᓃᕐᐳᒍ ᐊᑕᓂᑦᑎᒍᑦ ᔩᓱᓯ ᙭ᔅᑑᓯᒃᑯᑦ.

ᕉᒪᒥᐅᓄᑦ 6:23

ᐊᔪᕐᓂᐅᑉ ᐊᑭᓕᐅᑖ ᑕᕝᕙ ᑐᖁ, ᒎᑎᐅᓪᓕ ᑐᓂᕐᕈᑖ ᐊᑭᖃᖏᑦᑐᖅ ᑕᕝᕙ ᐃᓅᓯᖅ ᓄᖑᓱᐃᑦᑐᖅ ᙭ᔅᑑᓯ ᔩᓱᓯᒥ ᐊᑕᓂᑦᑎᓐᓂ.

ᕉᒪᒥᐅᓄᑦ 8:1

ᑍᒤᒻᒪᑦ ᑕᕝᕙ ᒫᓐᓇ ᐃᒋᑕᒃᓴᐅᔪᖃᕐᓂᐊᕈᓐᓃᕐᐳᖅ ᙭ᔅᑑᓯ ᔩᓱᓯᒦᑦᑐᓂᒃ.

ᕉᒪᒥᐅᓄᑦ 8:34

ᑭᓇ ᐃᒋᑕᒃᓴᓐᖑᕐᑎᑦᓯᔪᓐᓇᕐᐹ ᑕᑯᒋᑦ ᙭ᔅᑑᓯ ᔩᓱᓯᐅᑉ, ᑐᖁᓚᐅᕐᑑᑉ, ᑐᖁᒥᓪᓗ ᒪᑭᓚᐅᕐᑑᑉ, ᒎᑎᐅᓪᓗ ᑕᓕᕐᐱᐊᓃᑦᑑᑉ, ᑖᑦᓱᒪ ᑕᕝᕙ ᑐᒃᓯᐅᑎᖃᑦᑕᕐᐹᑎᒍᑦ.

ᒐᓔᑎᐊᒥᐅᓄᑦ 3:22

ᐊᒡᓔᑦ ᓇᓗᓁᕐᓯᕗᑦ, ᐃᓘᓐᓇᑎᒃ ᐊᔪᕐᓂᕐᒧᑦ ᐱᑎᑕᐅᓯᒪᓂᖏᓐᓂᒃ, ᑍᒤᒻᒪᑦ ᐊᖏᕈᑕᐅᓯᒪᔪᖅ ᑐᓐᖓᕕᖃᕐᑐᖅ ᐅᒃᐱᕐᓂᒃᑯᑦ ᔩᓱᓯ ᙭ᔅᑑᓯᒧᑦ ᑐᓂᔭᐅᔪᓐᓇᖁᓪᓗᒍ ᐅᒃᐱᕐᑐᓄᑦ.

ᐃᐱᓯᒥᐅᓄᑦ 1:7

ᑖᑦᓱᒪ ᐊᐅᖓᒍᑦ ᐱᐅᓕᓚᐅᕐᒪᑎᒍᑦ, ᐊᔪᕐᓂᑦᑎᓐᓂᑦ ᐃᓱᒪᒋᔪᓐᓁᕐᕕᒋᓪᓗᑕ, ᐱᑦᓯᐊᕐᓂᒥᒍᑦ ᐱᔪᓐᓇᕐᑎᑦᓯᓂᖓᑕ ᐊᒥᒐᖏᑦᑐᐊᓘᓂᖓᒍᑦ,

ᑯᓘᓯᐊᒥᐅᓄᑦ 1:14

ᑖᑦᓱᒨᓇ ᐱᐅᓕᔭᐅᒐᑦᑕ, ᑕᕝᕙ ᐊᔪᕐᓂᕐᓂᑦ ᐃᓱᒪᒋᔪᓐᓁᕐᑕᐅᓂᕐᒥᑦ.

ᐄᑉᕈᐃᓄᑦ 13:20

ᒎᑎᐅᑉ ᓮᒻᒪᕐᑎᑦᓯᔨᐅᑉ ᑐᖁᖓᔪᓂᑦ ᒪᑭᑎᑦᓯᔫᑉ ᐊᑕᓂᑦᑎᓐᓂᒃ ᔩᓱᓯᒥᒃ, ᓰᐲᑦ ᐰᕐᓯᔨᕐᔪᐊᖓᓂᒃ, ᐊᖏᖃᑎᒌᖕᓂᐅᑉ ᐃᓱᖃᖏᑦᑑᑉ ᐊᐅᖓᓄᑦ,

ᐲᑦᑐᕉᓯ ᓯᕗᓪᓖᑦ 1:11

ᖃᐅᔨᓇᓱᐊᓚᐅᕐᐳᑦ ᖃᖓᐅᓂᐊᕐᒪᖔᑦ ᖃᓄᕐᓗ ᓴᖅᑭᓐᓂᐊᕐᒪᖔᑦ ᙭ᔅᑑᓯᐅᑉ ᐊᓂᕐᓂᖓ ᑖᒃᑯᓇᓃᑦᑐᖅ ᑕᒪᑐᒥᖓ ᓇᓗᓁᕐᓯᓚᐅᕐᐳᖅ; ᙭ᔅᑑᓯᐅᑉ ᐋᓐᓂᐊᑎᑕᐅᓂᕐᒥᒃ ᐊᑐᕈᒫᕐᓂᖓᓂᒃ ᖁᕕᐊᓇᕐᑐᕐᔪᐊᒥᒡᓗ ᑭᖑᓂᖃᕈᒫᕐᓂᖓᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:10

ᑕᕝᕙ ᐃᑎᒐᖏᓐᓄᑦ ᐹᒻᒪᒃᐳᖓ ᒥᑭᒡᓕᑎᕐᓗᖓ ᐅᐱᒋᕕᒃᔪᐊᕈᒪᓪᓗᒍ, ᑖᑦᓱᒪᓕ ᐅᖃᐅᑎᕚᖓ, “ᑍᒤᓕᐅᕆᐊᖃᓐᖏᓚᑎᑦ! ᐱᔨᑐᐃᓐᓇᐅᖃᑕᐅᕗᖓ ᐃᓕᒃᑐᑦ ᐅᒃᐱᖃᑎᒃᑐᓪᓗ ᐅᖅᑲᕆᒃᓴᐅᑦᔨᔪᓄᑦ ᔩᓱᓯᒥᒃ. ᒎᑎᓕ ᐅᐱᒋᕕᒃᔪᐊᕆᐊᖃᕐᐸᑦ.” ᔩᓱᓯᐅᑉ ᓇᓗᓁᔭᓚᐅᕐᑕᖓ ᐊᓂᕐᓂᐅᕗᖅ ᓇᓚᐅᑦᑍᔪᑦ ᐱᔪᓐᓇᐅᑎᒋᓚᐅᕐᑕᖓᑦ.