ᐋᐴᓯᑕᓖᑦ ᐱᓂᐊᕐᓂᖏᑦ 10:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᑰᓂᓕᐅᓯᐅᑉ ᑕᑯᓐᓇᓕᕐᐹ ᖁᐊᕐᓵᓪᓚᕐᒥᓗ ᐅᖃᕐᐳᖅ, “ᐊᑕᓃᖅ ᓱᔪᒪᕖᑦ?” ᑖᑦᓱᒪ ᐅᖃᐅᑎᕚ, “ᑐᒃᓯᐊᕐᓂᑎᑦ ᑐᓂᓯᖃᑦᑕᕐᓂᑎᓪᓗ ᒎᑎᐅᑉ ᖁᕕᐊᒋᕔᑦ ᐃᖅᑲᐅᒪᑦᔪᑎᒋᓪᓗᓂᒋᑦ ᐃᓕᖕᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 10:4 Iomraidhean Croise

ᑯᕉᓂᑲ ᐂᑉᐸᖏᑦ 32:24

ᑍᑦᓱᒪᓂᐅᑎᓪᓗᒍ ᐅᓪᓗᓂ ᕼᐃᓯᑬᐊ ᖃᓂᒻᒪᒃᐳᖅ ᑐᖁᓕᒑᓕᕐᓗᓂᓗ, ᐊᑕᓂᕐᒧᓪᓗ ᑐᒃᓯᐊᕐᐳᖅ; ᑖᑦᓱᒪᓗ ᑭᐅᕚ ᑕᑯᑎᓪᓗᒍᓗ ᓇᓗᓁᒃᑯᑕᒃᓴᒥᒃ.

ᑯᕉᓂᑲ ᐂᑉᐸᖏᑦ 6:33

ᑐᓴᓚᐅᕆᑦ ᕿᓚᖕᒥᑦ ᐃᓂᒋᔭᕐᓂᑦ, ᐱᓂᐊᕐᕕᒋᓗᒋᓪᓗ ᐃᓅᖃᑎᑐᖃᕆᔭᐅᖏᑦᑐᑦ ᐃᓕᖕᓄᑦ ᑐᒃᓯᐊᕐᓂᖏᑦ ᒪᓕᒡᓗᒋᑦ; ᓄᓇᒦᑦᑐᑦ ᐃᓄᓕᒫᑦ ᐊᑎᕐᓂᒃ ᖃᐅᔨᖁᓪᓗᒋᑦ ᐃᓕᖕᓂᒡᓗ ᓯᕘᕋᓕᖁᓪᓗᒋᑦ, ᐃᓄᖁᑎᒃᑐᑦ ᐃᓴᕆᐊᓕᒃᑯᑎᑐᑦ, ᖃᐅᔨᖁᓪᓗᒋᑦ ᑖᓐᓇ ᐃᒡᓗ ᓴᓇᓚᐅᕐᑕᕋ ᑍᔭᐅᔪᒃᓴᐅᖕᒪᑦ ᐊᑎᕐᓂ.

ᐃᓐᖏᕈᑎᑦ 141:2

ᑐᒃᓯᐊᕐᓂᕋ ᐃᓕᖕᓄᑦ ᑐᓂᕐᕈᑎᑐᑦ ᑎᐱᑦᓯᐊᕆᒃᑐᑎᑐᑦ ᑍᒤᓚᐅᕐᓕ, ᐊᒡᒐᖕᒪᓗ ᖁᒻᒧᑦ ᐃᓵᖓᓂᖏᑦ ᐅᓐᓄᒃᑯᑦ ᑐᓂᕐᕈᓯᕈᑕᐅᔪᑎᑐᑦ ᑍᒤᓪᓗᑎᒃ.

ᐃᓐᖏᕈᑎᑦ 20:3

ᑐᓂᕐᕈᑎᑎᑦᑐᖅ ᑕᒪᕐᒥᒃ ᐃᖅᑲᐅᒪᓕᒋᑦ ᑐᓂᕐᕈᑎᑎᓪᓗ ᐆᑕᒃᓮᑦ ᐃᓚᓕᐅᕐᓕᒋᑦ. ᓰᓚ

ᐂᓮᐊᓯᐅᑉ ᐊᒡᓚᖏᑦ 43:26

ᐊᑏ ᐃᖅᑲᐅᒪᓚᐅᕐᓯᓐᖓ, ᐃᖅᑲᕐᑐᐃᕕᖕᒧᐊᕐᓗᑕ ᐃᖅᑲᕐᑐᕐᑎᒌᓚᐅᕐᑕ; ᓈᒻᒪᒃᓴᖏᑦᔪᑎᓯ ᐅᖃᐅᓯᕆᓚᐅᕐᓯᐅᒃ, ᓱᓕᓂᓯ ᓴᖅᑭᖁᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 45:19

ᐃᔨᕋᕐᑐᕐᓗᖓ ᐅᖃᓚᐅᓐᖏᓚᖓ, ᓄᓇᐅᑉ ᑖᕐᓂᖓᓃᑦᑐᒥ; ᔧᑰᑉ ᑭᖑᕚᖏᑦ ᐅᖃᐅᑎᓚᐅᓐᖏᓚᒃᑲ, ‘ᕿᓂᕐᓯᓐᖓ ᑕᒪᐅᖎᓐᓇᖅ,’ ᐅᕙᖓ ᐊᑕᓂᖅ ᓇᓛᒎᕐᑐᒥᒃ ᐅᖃᐅᓯᖃᕐᐳᖓ, ᓈᒻᒪᓈᑦᓯᐊᕐᑐᓂᒡᓗ ᓇᓗᓁᕐᓯᓲᖑᓪᓗᖓ.”

ᑖᓂᐊᓕᐅᑉ ᐊᒡᓚᖏᑦ 10:11

ᐅᖃᐅᑎᕚᖓ, “ᑖᓂᐊᓖ, ᐊᖏᔪᒥᒃ ᐅᐱᒋᔭᐅᕗᑎᑦ, ᐃᓱᒪᒋᑦᓯᐊᒃᑭᑦ ᐅᖃᐅᓰᑦ ᐃᓕᖕᓄᑦ ᐅᖃᐅᓯᒃᓴᒃᑲ, ᓂᑯᕕᓕᕆᑦ ᐃᓕᖕᓄᑦ ᒫᓐᓇ ᑎᓕᔭᐅᒐᒪ.” ᑍᒫᒃ ᐅᖃᕇᕐᒪᑦ ᓴᔪᒡᓗᖓ ᓂᑯᕕᑉᐳᖓ.

ᒨᓯᓯ ᐱᖓᔪᖏᑦ 2:2

ᐂᕉᓂᐅᑉ ᐃᕐᓂᖏᓐᓄᑦ ᑐᓂᕐᕈᓯᕐᑎᑦᓯᔨᓄᑦ ᑐᓂᔭᒃᓴᕆᕚ. ᑐᓂᕐᕈᓯᕐᑎᑦᓯᔨᐅᑉ ᓂᐊᖂᔭᒃᓴᒥᒃ ᐅᕐᓱᓕᕐᓯᒪᔪᒥᒃ ᐃᓯᕐᓗᐊᕐᓂᑎᑕᒃᓴᒥᒡᓗ ᐃᓚᓕᖕᒥᒃ ᐊᒡᒐᒥᓄᑦ ᑎᒍᓯᔪᒃᓴᐅᕗᖅ ᐃᑯᒪᔪᒧᓪᓗ ᐃᓕᓗᒍ ᐃᖅᑲᐅᒪᑦᔪᑎᒃᓴᐅᖁᓪᓗᒍ ᑐᓂᕐᕈᓯᕐᕕᖕᒥ ᐃᑯᐊᓚᑦᓯᓂᒃᑯᑦ ᑐᓂᔭᐅᖕᒪᑦ, ᑎᐱᖓᓗ ᐊᑕᓂᐅᑉ ᒪᒪᕆᕚ.

ᒪᓚᑬᑉ ᐊᒡᓚᖏᑦ 3:16

ᒎᑎᒥᒡᓕ ᓯᕘᕋᔪᑦ ᐃᒻᒥᖕᓄᑦ ᐅᖃᖃᑎᒌᓚᐅᕐᐳᑦ, ᐊᑕᓂᐅᓪᓗ ᓈᓚᒡᓗᒋᑦ ᑐᓴᓚᐅᕐᐰᑦ; ᑍᒤᒻᒪᑦ ᐅᖃᓕᒫᒐᓕᐅᕐᑐᖃᓚᐅᕐᐳᖅ ᐃᖅᑲᐅᒪᔭᐅᑦᔪᑎᒃᓴᖏᓐᓄᑦ ᑖᑦᓱᒪ ᓵᖓᓂ, ᐊᑕᓂᕐᒥᒃ ᓯᕘᕋᔪᑦ ᐃᓱᒪᒃᓴᕐᓯᐅᕐᑐᓪᓗ ᑖᑦᓱᒪ ᐊᑎᖓᓂᒃ.

ᒫᑎᐅᓯᐅᑉ ᐊᒡᓚᖏᑦ 26:13

ᓱᓕᔪᒥᒃ ᐅᖃᐅᑎᕙᑦᓯ, ᓇᓂᑐᐃᓐᓇᓕᒫᖅ ᓄᓇᕐᔪᐊᕐᒥ ᐅᖃᐅᓰᑦ ᑐᓴᕈᒥᓇᕐᑐᑦ ᐅᖃᐅᓯᐅᓕᕌᖓᑕ, ᑖᑦᓱᒪ ᐊᕐᓇᐅᑉ ᐱᓂᐊᕐᓂᕆᔭᖓ ᐅᖃᐅᓯᐅᖃᑦᑕᕈᒫᕐᐳᖅ ᐃᖅᑲᐅᒪᔭᐅᑦᔪᑎᒋᓗᒍ.”

ᓘᑲᓯᐅᑉ ᐊᒡᓚᖏᑦ 1:29

ᒥᐊᕆᓕ ᖁᐊᕐᓵᕐᐳᖅ ᐅᖃᐅᓯᕆᔭᖏᓐᓄᑦ, ᐃᓱᒪᓪᓗᓂ ᖃᓄᖅ ᓂᓪᓕᐅᑦᔭᐅᓂᖓ ᑐᑭᖃᕐᒪᖔᑦ.

ᓘᑲᓯᐅᑉ ᐊᒡᓚᖏᑦ 24:5

ᑲᑉᐱᐊᓱᖕᓂᕐᒧᑦ ᓄᓇᒧᑦ ᐹᒻᒪᒃᐳᑦ, ᑖᒃᑯᓇᖓ ᐅᖃᐅᑦᔭᐅᕗᑦ, “ᓱᖕᒪᑦ ᒪᑭᓯᒪᔪᖅ ᑐᖁᖓᔪᓂ ᕿᓂᕐᐱᓯᐅᒃ?

ᐋᐴᓯᑕᓖᑦ ᐱᓂᐊᕐᓂᖏᑦ 10:31

ᐅᖃᕐᓗᓂ, ‘ᑰᓂᓕᐅᓰ, ᑐᒃᓯᐊᕐᓂᑎᑦ ᑐᓴᕐᑕᐅᕗᑦ ᑐᓂᓯᖃᑦᑕᕐᓂᑎᑦ ᐃᖅᑲᐅᒪᔭᐅᕗᑦ ᒎᑎᒧᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 14:9

ᑖᓐᓇ ᑐᓵᓚᐅᕐᐳᖅ ᐸᐅᓗᓯ ᐊᔪᕆᕐᑐᐃᑎᓪᓗᒍ; ᐸᐅᓗᓯᐅᑉ ᑕᑯᓐᓇᓕᕐᐹ ᐅᒃᐱᕐᓂᖃᕐᓂᖓ ᐋᖅᑭᒃᑕᐅᔪᓐᓇᕐᓂᕐᒥᓂᒃ ᖃᐅᔨᒐᒥᐅᒃ,

ᐋᐴᓯᑕᓖᑦ ᐱᓂᐊᕐᓂᖏᑦ 22:10

ᐊᐱᕆᕙᕋᓗ, ‘ᐊᑕᓃᖅ ᖃᓄᐃᓕᐅᖁᕕᖓ?’ ᐊᑕᓂᐅᑉ ᐅᖃᐅᑎᕚᖓ, ‘ᒪᑭᓪᓗᑎᑦ, ᑕᒫᓯᑰᓯᒧᐊᓕᕆᑦ, ᐱᓂᐊᒐᒃᓴᓕᒫᑎᑦ ᑍᑲᓂ ᓇᓗᓁᕐᑕᐅᑦᓯᐊᕐᓂᐊᕐᐳᑦ.’

ᐋᐴᓯᑕᓖᑦ ᐱᓂᐊᕐᓂᖏᑦ 3:4

ᐲᑦᑐᕉᓯᐅᑉ ᔪᐊᓇᓯᐅᓪᓗ ᕿᕕᐊᕐᓗᒍ ᑕᑯᓐᓈᓕᕐᐹᒃ, ᐅᖃᐅᑎᓪᓗᒍ, “ᑕᑯᓴᕐᑎᒍᒃ.”

ᐱᓕᐱᒥᐅᓄᑦ 4:18

ᒫᓐᓇ ᑕᒤᓐᓂᒃ ᑭᓐᖒᒪᔭᖃᕈᓐᓃᕐᐳᖓ, ᐱᖃᓗᐊᕐᓗᖓ ᐊᒡᓛᑦ; ᐃᐸᐳᕈᑍᑕᓯᐅᑉ ᓇᒃᓴᕐᕕᒋᖕᒪᖓ ᑐᔫᑎᑦᓯᓐᓂᒃ, ᑕᒪᒃᑯᐊ ᑎᐱᑦᓯᐊᕆᒃᓴᐅᑎᑎᑐᑦ ᑐᓂᕐᕈᑕᐅᔪᑎᑐᑦ ᑍᒤᑉᐳᑦ ᒎᑎᒧᑦ, ᑐᓂᕐᕈᑎᒃᓴᖅ ᓈᒻᒪᒋᔭᐅᔪᖅ ᒎᑎᒧᓪᓗ ᖁᕕᐊᒋᔭᐅᔪᖅ.

ᐱᓕᐱᒥᐅᓄᑦ 4:6

ᓱᓇᒥᒡᓘᓐᓃᑦ ᐃᓱᒪᔮᕈᑎᖃᕐᓂᐊᕋᓯ, ᑐᒃᓯᐊᕐᓗᓯᓕ ᒎᑎᒧᑦ ᓴᖅᑭᑎᑦᓯᓕᕆᑦᓯ ᐱᔭᕆᐊᖃᕐᑕᑦᓯᓐᓂᒃ, ᕿᓄᕕᒋᓕᕌᖓᑦᓯᐅᒃ ᖁᔭᓕᓂᖃᖃᑦᑕᕆᑦᓯ ᐆᒻᒪᑎᑦᓯᒍᑦ.

ᐄᑉᕈᐃᓄᑦ 13:16

ᓄᖅᑲᐅᑦᔨᓂᐊᕋᓯ ᐱᑦᓯᐊᕐᓂᕐᒥᒃ ᐱᖁᑎᑦᓯᓐᓂᒡᓗ ᑲᑐᑦᔨᖃᑎᖃᕐᓂᕐᒥᒃ, ᑕᒪᒃᑯᐊ ᑐᓂᕐᕈᑏᑦ ᒎᑎᐅᑉ ᖁᕕᐊᒋᖕᒪᒋᑦ.

ᐄᑉᕈᐃᓄᑦ 6:10

ᒎᑎ ᐊᑦᔨᒌᖏᑎᑦᓯᖏᒻᒪᑦ; ᐱᓇᓱᐊᕐᓯᒪᔭᑦᓯᓐᓂᒃ ᖄᖐᓐᓁᓂᐊᖏᓚᖅ ᑖᑦᓱᒥᖓᓗ ᐱᓪᓚᕆᖃᕐᓂᕐᒥᒃ ᓴᖅᑭᑎᓯᒪᔭᑦᓯᓐᓂᒃ ᐃᓄᖁᑎᖏᓐᓂᒃ ᐃᑲᔪᖃᑦᑕᕐᓯᒪᓂᑦᓯᒍᑦ ᓱᓕᓗ ᐃᑲᔪᖃᑦᑕᕋᑦᓯᒋᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 8:4

ᐳᔫᕐᑎᑕᐅᔪᑦ ᐳᔪᖓ ᐃᑦᔪᕐᓁᑎᑕᐅᓯᒪᔪᑦ ᑐᒃᓯᐊᕐᓂᖏᓐᓄᑦ ᖁᒻᒧᐊᖃᑕᐅᕗᖅ ᐂᖏᓕᐅᑉ ᐊᒡᒐᖏᓐᓂᑦ ᒎᑎᐅᑉ ᓵᖓᓂ.

ᓴᒧᐃᓕ ᓯᕗᓪᓖᑦ 3:10

ᐊᑕᓂᕐᓗ ᐅᑎᕐᐳᖅ ᓇᖏᓕᕐᓗᓂᓗ, ᓂᓪᓕᕆᕗᓪᓗ ᓲᕐᓗ ᑍᒤᓚᐅᕋᒥ, “ᓴᒧᐃᓖ! ᓴᒧᐃᓖ!” ᓴᒧᐃᓕ ᐅᖃᕐᐳᖅ, “ᐅᖃᓕᕆᑦ; ᐱᔩᑦ ᓈᓚᖕᒪᑦ.”