ᐋᐴᓯᑕᓖᑦ ᐱᓂᐊᕐᓂᖏᑦ 10:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᑖᒃᑯᐊ ᑭᐅᕚᑦ, “ᑰᓂᓕᐅᓯᐅᑉ ᐅᓇᑕᕐᑐᒃᓮᑦ ᐊᖓᔪᖅᑳᖓᑦᑕ ᑎᓕᕚᑎᒍᑦ, ᑖᓐᓇ ᐅᒃᐱᑦᓯᐊᕐᑑᕗᖅ ᒎᑎᒥᒡᓗ ᐃᒃᐱᒋᔭᖃᑦᓯᐊᕐᓗᓂ, ᔫᑎᓕᒫᑦ ᐊᑲᐅᓂᕋᕐᑕᖓᑦ, ᒎᑎᐅᑉ ᐂᖏᓕᖓᓄᑦ ᐅᖃᐅᑦᔭᐅᓪᓗᓂ ᕾᖁᔭᐅᖁᖕᒪᑎᑦ ᐃᒡᓗᒥᓄᑦ, ᐅᖃᐅᓯᕐᓂᒃ ᑐᓴᕈᒪᓪᓗᓂ ᐃᓕᖕᓂᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 10:22 Iomraidhean Croise

ᕼᐆᓯᐊᑉ ᐊᒡᓚᖏᑦ 14:9

ᓇᓪᓕᐊᑦ ᓯᓚᑐᔪᖅ, ᑕᒪᒃᑯᓂᖓ ᑐᑭᓯᓕᕐᓕ; ᓇᓪᓕᐊᑦ ᖃᐅᔨᔪᓐᓇᕐᑐᖅ ᑖᒃᑯᓂᖓ ᖃᐅᔨᓕᕐᓕ; ᐊᑕᓂᐅᑉ ᐊᖅᑯᑎᖏᑦ ᓈᒻᒪᑦᓯᐊᕐᒪᑕ; ᐃᓱᐊᕐᑐᑦ ᑕᒪᓐᓇ ᐊᑐᕐᐹᑦ, ᐱᐅᖏᑦᑐᓕᔪᓪᓕ ᑕᒪᐅᓇ ᐹᓪᓚᒃᐳᑦ.

ᕼᐊᐸᑲᐅᑉ ᐊᒡᓚᖏᑦ 2:4

‘ᐱᐅᔪᕆᔪᖅ ᑕᑯᓯᐅᒃ, ᑖᑦᓱᒪ ᑕᕐᓂᖓ ᓱᓕᓂᕐᑕᖃᓐᖏᓚᖅ ᐃᓅᔪᓐᓇᑦᔮᓇᓂᓗ, ᐃᓱᐊᕐᑐᓕᔪᕐᓕ ᐃᓅᔪᒫᕐᐳᖅ ᐅᒃᐱᕐᓂᕐᒥᒍᑦ.’”

ᒫᑎᐅᓯᐅᑉ ᐊᒡᓚᖏᑦ 1:19

ᐅᐃᒃᓴᖓ ᔫᓯᐱ, ᐱᖁᔭᓂᒃ ᒪᓕᑦᓯᐊᕋᒥ ᑲᓐᖑᓱᒃᑎᑦᓯᔪᒪᓚᐅᓐᖏᓚᖅ ᒥᐊᕆᒥᒃ, ᐃᓱᒪᖃᓕᕐᐳᖅ ᖃᐅᔨᑎᑦᓯᖏᓪᓗᓂ ᐊᕕᑦᓱᒪᓪᓗᓂᐅᒃ.

ᒫᑎᐅᓯᐅᑉ ᐊᒡᓚᖏᑦ 2:12

ᑭᖑᓂᖓᒍᑦ ᓄᓇᒥᖕᓄᑦ ᐅᑎᕐᐳᑦ ᐊᖅᑯᑎᒋᓚᐅᕐᑕᒥ ᐊᓯᐊᒍᑦ, ᒎᑎᐅᑉ ᓯᓐᓇᒃᑑᒪᒃᑯᑦ ᐃᓂᕐᑎᓚᐅᕐᒪᒋᑦ ᐃᕉᑕᓯᒧᑦ ᐅᑎᖁᓇᒋᑦ.

ᒫᑯᓯᐅᑉ ᐊᒡᓚᖏᑦ 6:20

ᐃᕉᑕᓯᐅᑉ ᔪᐊᓇᓯ ᐃᓕᕋᒋᓚᐅᕐᒪᒍ, ᖃᐅᔨᒪᒐᒥᐅᒃ ᓇᓛᒎᕐᒪᑦ ᐃᑦᔪᕐᓁᑑᓪᓗᓂ, ᑍᒤᒻᒪᑦ ᓴᐳᑎᓯᒪᓚᐅᕐᐹ. ᑐᓵᓕᕌᖓᒥᐅᒃ ᖁᐊᕐᓵᕐᑎᑕᐅᒻᒪᕆᒃᐸᒃᑲᓗᐊᕐᓗᓂ ᐅᖃᓪᓚᓕᕌᖓᑦ; ᓈᓚᒋᐊᖓ ᖁᕕᐊᒋᓪᓗᓂᐅᒃ.

ᒫᑯᓯᐅᑉ ᐊᒡᓚᖏᑦ 8:38

ᓇᓪᓕᐊᑦ ᐅᕙᓐᓂᒃ ᑲᓐᖑᓲᑎᖃᕐᐸᑦ ᐊᔪᕆᕐᑐᐃᑦᔪᑎᒋᔭᓐᓂᒡᓗ ᐅᕙᓂ ᓯᓚᕐᔪᐊᕐᒥ ᒎᑎᖃᖏᑦᑐᓂ ᐱᐅᖏᑦᑐᓕᔪᓂᓗ, ᐃᓅᑉ ᐃᕐᓂᖓᑕ ᑲᓐᖑᒋᔪᒫᕆᕚ, ᑎᑭᓕᕈᓂ ᐊᑖᑕᖓᑕ ᓂᕐᑐᕐᓇᕐᓂᕐᔪᐊᖓᓂ ᐂᖏᓖᓂ ᐃᑦᔪᕐᓁᑦᑐᑦ ᐱᖃᑎᒋᓗᒋᑦ.”

ᓘᑲᓯᐅᑉ ᐊᒡᓚᖏᑦ 2:25

ᑍᑦᓱᒪᓂ ᐊᖑᑎᑕᖃᓚᐅᕐᐳᖅ ᔨᕉᓴᓕᒻᒥ, ᓯᒥᐅᓂᒥᒃ ᐊᑎᓕᖕᒥᒃ, ᐃᓅᓯᖃᕐᑐᒥᒃ ᒎᑎᒧᑦ ᓈᒻᒪᒋᔭᐅᔪᒥᒃ ᑐᓂᓯᒪᑦᓯᐊᕐᑑᓪᓗᓂ, ᑖᓐᓇ ᐅᑕᖅᑭᓚᐅᕐᐳᖅ ᐃᓴᕆᐊᓕᒥᐅᑦ ᐱᐅᓕᔭᐅᕕᒃᓴᖓᓐᓂᒃ, ᐊᓂᕐᓂᐅᑉ ᐃᑦᔪᕐᓁᑦᑑᑉ ᓇᔪᕐᐹ.

ᓘᑲᓯᐅᑉ ᐊᒡᓚᖏᑦ 23:50

ᐊᖑᑎᑕᖃᓚᐅᕐᐳᖅ ᔫᓯᐱᒥᒃ ᐊᑎᓕᖕᒥᒃ ᔫᑎᑦ ᓄᓇᖏᑕ ᐃᓚᖓᓐᓂᑦ ᐊᕆᒪᑎᐊᒥ ᓄᓇᖃᕐᑐᒥᒃ. ᑖᓐᓇ ᔫᑎᑦ ᑲᑎᒪᔨᕐᔪᐊᖏᓐᓄᑦ ᐃᓚᒋᔭᐅᔪᖅ, ᐃᓄᑦᓯᐊᕙᐅᕗᖅ ᓇᓛᒎᕐᑐᒥᒃ ᐃᓅᓯᖃᕐᓗᓂ,

ᓘᑲᓯᐅᑉ ᐊᒡᓚᖏᑦ 9:26

ᐃᓅᑉ ᓇᓪᓕᐊᑦᑕ ᑲᓐᖑᓲᑎᒋᒃᐸᖓ ᐃᓄᖕᓄᑦ ᐊᔪᕆᕐᑐᐃᑦᔪᑎᒋᔭᒃᑲᓗ, ᑖᓐᓇᑦᑕᐅᖅ ᐃᓅᑉ ᐃᕐᓂᖓᑕ ᑲᓐᖑᓲᑎᒋᔪᒫᕆᕚ ᓂᕐᑐᕐᓇᕐᑐᕐᔪᐊᖑᓗᓂ ᑎᑭᒃᑯᓂ ᐊᑖᑕᐅᑉ ᓂᕐᑐᕐᓇᕐᓂᕐᔪᐊᖓᓂ ᐂᖏᓖᓪᓗ ᐃᑦᔪᕐᓁᑦᑐᑦ ᐃᓚᒋᓗᒋᑦ.

ᔪᐊᓇᓯᐅᑉ ᐊᒡᓚᖏᑦ 13:20

ᓱᓕᔪᒥᒃ ᐅᖃᐅᑎᕙᑦᓯ, ᑎᓕᔭᓐᓂᒃ ᐃᓚᓕᐅᕐᓯᔪᖅ ᑖᓐᓇ ᐅᕙᓐᓂᒃ ᐃᓚᓕᐅᕐᓯᒋᕗᖅ; ᐅᕙᓐᓂᒡᓕ ᐃᓚᓕᐅᕐᓯᔪᖅ ᑎᓕᔨᓐᓂᒃ ᐃᓚᓕᐅᕐᓯᒋᕗᖅ.”

ᔪᐊᓇᓯᐅᑉ ᐊᒡᓚᖏᑦ 17:20

“ᑖᒃᑯᐊᑐᐊᕐᓕ ᑐᒃᓯᐅᑎᓐᖏᓚᒃᑲ, ᑍᒃᑯᐊᓕᑦᑕᐅᖅ ᐅᖃᐅᓯᖏᓐᓄᑦ ᐅᒃᐱᓕᕈᒫᕐᑐᑦ ᐅᕙᓐᓄᑦ ᑐᒃᓯᐅᑎᕙᒃᑲ.

ᔪᐊᓇᓯᐅᑉ ᐊᒡᓚᖏᑦ 17:8

ᐅᖃᐅᓰᑦ ᑐᓂᓚᐅᕐᑕᑎᑦ ᐅᕙᓐᓄᑦ ᑖᒃᑯᓄᖓ ᐅᖃᐅᓯᕆᓚᐅᕐᐸᒃᑲ, ᑖᒃᑯᐊᓗ ᐃᓚᓕᐅᓚᐅᕐᐰᑦ ᓱᓕᔪᒥᒃ ᖃᐅᔨᓪᓗᑎᒃ ᐃᓕᖕᓂᑦ ᐱᓯᒪᓂᓐᓂᒃ; ᐅᒃᐱᓕᕐᓗᑎᒡᓗ ᑎᓕᓚᐅᕋᕕᖓ.

ᔪᐊᓇᓯᐅᑉ ᐊᒡᓚᖏᑦ 5:24

“ᓱᓕᔪᒥᒃ ᐅᖃᐅᑎᕙᑦᓯ, ᐅᖃᐅᓯᓐᓂᒃ ᑐᓴᕐᑐᖅ ᐅᒃᐱᕆᓗᒍᓗ ᑎᓕᔨᒐ, ᑖᓐᓇ ᐃᓅᓯᖃᕐᐳᖅ ᓄᖑᓱᐃᑦᑐᒥᒃ; ᐃᖅᑲᕐᑐᕐᑕᐅᑦᔮᓇᓂᓗ, ᑐᖁᒥᓪᓕ ᓄᒃᑎᕐᓯᒪᓕᕐᐳᖅ ᐃᓅᓯᕐᒧᑦ.

ᔪᐊᓇᓯᐅᑉ ᐊᒡᓚᖏᑦ 6:63

ᐊᓂᕐᓂᖅ ᐃᓅᓯᕐᑖᕐᑎᑦᓯᕗᖅ; ᑎᒥᐅᑉ ᐱᔪᓐᓇᕐᓂᖓ ᐃᑲᔪᕈᓐᓇᓐᖏᓚᖅ ᑕᒪᑐᒧᖓ; ᐃᓕᑦᓯᓐᓄᑦ ᐅᖃᐅᓯᕆᔭᒃᑲ ᐊᓂᕐᓂᐅᕗᑦ ᐃᓅᓯᐅᓪᓗᑎᒡᓗ.

ᔪᐊᓇᓯᐅᑉ ᐊᒡᓚᖏᑦ 6:68

ᓮᒨᓂ ᐲᑦᑐᕉᓯᐅᑉ ᑭᐅᕚ, “ᐊᑕᓃᖅ, ᑭᓇᒥᒡᓕ ᒪᓕᒐᒃᓴᖃᕐᓂᐊᕋᑦᑖ? ᐅᖃᐅᓯᖃᕈᓐᓇᕐᑐᑐᑎᓪᓗᑎᑦ ᐃᓅᓯᖃᕐᓇᕐᑐᓂᒃ ᐃᓱᖃᖏᑦᑐᒧᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 10:2

ᑖᓐᓇ ᐅᒃᐱᑦᓯᐊᕐᑑᕗᖅ ᒎᑎᒥᒃ ᐃᒃᐱᒋᔭᖃᑦᓯᐊᕐᓗᓂ ᐃᒡᓗᒥᐅᖃᑎᓂ ᐃᓚᒋᓪᓗᒋᑦ, ᑐᓂᓯᖃᑦᑕᓚᐅᕐᐳᖅ ᐃᓄᖕᓄᑦ ᐊᓐᓂᕈᓱᒐᓂ, ᒎᑎᒧᑦ ᑐᒃᓯᐊᖃᑦᑍᓐᓇᕐᓗᓂ.

ᐋᐴᓯᑕᓖᑦ ᐱᓂᐊᕐᓂᖏᑦ 10:21

ᐲᑦᑐᕉᓯ ᐊᖅᑲᕐᑎᕋᒥ ᐊᖑᑏᑦ ᐅᐸᒃᑲᒥᒋᑦ ᐅᖃᕐᐳᖅ, “ᐅᕙᖓᐅᕗᖓ ᕿᓂᕐᑕᓯ; ᓱᓈ ᐱᓪᓗᒍ ᑕᒪᐅᓐᖓᕐᐱᓰ?”

ᐋᐴᓯᑕᓖᑦ ᐱᓂᐊᕐᓂᖏᑦ 10:30

ᑰᓂᓕᐅᓯ ᐅᖃᕐᐳᖅ, “ᐅᓪᓗᐃᑦ ᓯᑕᒪᐅᓕᕐᐳᑦ, ᑍᒤᓪᓗᐊᓕᕐᑎᓪᓗᒍ ᐃᒡᓗᓐᓂ ᑐᒃᓯᐊᕐᑎᓪᓗᖓ ᐅᓐᓄᓴᒃᑯᑦ 3ᒧᐊᕐᑎᓪᓗᒍ; ᑕᑯᒋ, ᐊᖑᒻᒥᒃ ᓴᖅᑭᑦᑐᖃᑲᓪᓚᓚᐅᕐᐳᖅ ᖃᐅᒪᔪᕐᔪᐊᓂᒃ ᐊᓐᓄᕌᓕᖕᒥᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 10:33

ᑍᒤᒻᒪᑦ ᑕᕝᕔᓐᓇᖅ ᕾᖁᔭᐅᖁᓕᓚᐅᕐᐸᒋᑦ, ᖁᔭᓕᕗᒍᑦ ᕾᔪᓐᓇᕋᕕᑦ, ᒫᓐᓇ ᑍᒤᒻᒪᑦ ᐅᕙᓃᑉᐳᒍᑦ ᒎᑎᐅᑉ ᓵᖓᓂ, ᑐᓴᕈᒪᓪᓗᑕ ᐊᑕᓂᐅᑉ ᐅᖃᐅᓯᕆᔭᐅᖁᔭᖏᓐᓂᒃ ᐊᖅᑯᑎᒋᔭᐅᓗᑎᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 10:6

ᑖᓐᓇ ᑐᔪᕐᒥᕗᖅ ᓮᒨᓂᒥ ᐊᒥᕐᓂᒃ ᕿᑐᒻᒪᒃᓮᔨᒥ, ᐃᒪᐅᑉ ᓯᓈᓂ ᐃᒡᓗᖃᕐᑐᒥ.”

ᐋᐴᓯᑕᓖᑦ ᐱᓂᐊᕐᓂᖏᑦ 11:14

ᑖᑦᓱᒪ ᓇᓗᓁᕐᓯᕕᒋᓂᐊᕐᐹᑎᑦ ᐱᐅᓕᔭᐅᑦᔪᑎᒋᓂᐊᕐᑕᕐᓂᒃ, ᐃᒡᓗᒥᐅᖃᑎᓕᒫᑎᓪᓗ.’

ᐋᐴᓯᑕᓖᑦ ᐱᓂᐊᕐᓂᖏᑦ 22:12

“ᐊᓇᓁᐊᓯᒥᒃ ᐊᑎᓕᐅᑉ, ᑕᕝᕙᓂ ᑕᑯᔭᕐᑐᓚᐅᕐᐹᖓ ᑖᓐᓇ ᐅᒃᐱᑦᓯᐊᕐᑑᓪᓗᓂ ᐱᖁᔭᓂᒃ ᒪᓕᑦᓯᐊᕐᐳᖅ, ᔫᑎᓂᑦ ᓄᓇᖃᑎᖏᓐᓂᑦ ᐱᓪᓗᕆᒃᑐᖁᑕᐅᔪᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 24:15

ᓂᕆᐅᖕᓂᖃᕐᐳᖓᓗ ᒎᑎᒥᑦ ᑖᒃᑯᐊ ᓂᕆᐅᖕᓂᕆᔭᖏᑕ ᐊᑦᔨᖓᓂᒃ, ᑐᖁᒥᓪᓗ ᒪᑭᓐᓂᖃᕈᒫᕐᒪᑦ ᑕᒤᓐᓄᑦ ᓇᓛᒎᕐᑐᓄᑦ ᓇᓛᒎᖏᑦᑐᓄᓪᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 6:3

ᑍᒤᒻᒪᑦ, ᐃᓅᖃᑎᒃᑲ, ᓂᕈᐊᓚᐅᕆᑦᓯ ᐊᖑᑎᓂᒃ 7ᓂᒃ ᖃᐅᔨᒪᔭᕆᑦᓯᐊᕐᑕᑦᓯᓐᓂᒃ, ᐊᓂᕐᓂᕐᒥᒡᓗ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᓯᒪᔪᓂᒃ ᓯᓚᑐᓂᖃᕐᑐᓂᒃ, ᐱᔨᑦᓯᕐᓂᕐᒧᑦ ᑕᒪᑐᒧᖓ ᑲᒪᔨᐅᓂᐊᕐᑐᓂᒃ.

ᕉᒪᒥᐅᓄᑦ 1:17

ᐅᖃᐅᓯᕐᑎᒍᑦ ᑐᓴᕈᒥᓇᕐᑐᑎᒍᑦ ᒎᑎᒧᑦ ᓈᒻᒪᒋᔭᐅᓕᕐᓂᖅ ᓴᖅᑭᑎᑕᐅᖕᒪᑦ ᐅᒃᐱᕐᓂᑯᑦ; ᐃᒫᒃ ᑎᑎᕋᕐᓯᒪᔪᖃᕐᒪᑦ, “ᐃᓗᐊᕐᑐᓕᔪᖅ ᐃᓅᔪᒫᕐᐳᖅ ᐅᒃᐱᕐᓂᕐᒥᓄᑦ.”

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:18

ᑕᒪᓐᓇᓕ ᑕᒪᕐᒥᒃ ᒎᑎᒥᑦ ᐱᕗᖅ, ᑖᑦᓱᒪ ᙭ᔅᑑᓯᒃᑯᑦ ᐊᓯᑦᔨᕐᐹᑎᒍᑦ ᐃᒻᒥᓄᑦ ᐃᓚᓐᓇᕆᔭᐅᓕᕐᑎᓪᓗᑕ, ᐱᔭᒃᓴᕐᑖᕐᑎᑉᐹᑎᒍᓪᓗ ᐃᓄᖕᓄᑦ ᑖᒃᑯᐊᑦᑕᐅᖅ ᒎᑎᒧᑦ ᐃᓚᓐᓇᕆᔭᐅᓕᖁᓪᓗᒋᑦ;

ᒨᓯᓯ ᑕᓪᓕᒪᖏᑦ 30:13

ᐃᒪᕐᕕᐅᓪᓗ ᐊᑭᐊᓃᖏᓐᓂᕗᑦ, ᐊᐱᕆᔭᕆᐊᖃᓐᖏᓚᓯᓘᓐᓃᑦ, ‘ᑭᓇᓕ ᐃᒪᕐᕕᐅᑉ ᐊᑭᐊᓄᑦ ᐃᑳᕈᓐᓇᕐᐹ ᐅᕙᑦᑎᓐᓄᐊᕈᑦᔨᖁᓪᓗᒍ, ᑐᓴᕐᓂᐊᕋᑦᑎᒍ ᒪᓕᒡᓗᒋᓪᓗ?’

ᑎᒧᑎᒧᑦ ᓯᕗᓪᓖᑦ 3:7

ᐱᓪᓚᕆᒃᑐᖁᑎᒋᔭᐅᔪᕐᓴᐅᕗᖅ ᐅᒃᐱᕐᑑᖃᑎᒌᑦ ᓯᓚᑖᓃᑦᑐᓄᑦ, ᑲᓐᖑᓲᑎᒃᓴᐅᒐᔭᕐᑐᒧᑦ ᑲᑕᖁᓇᒍ ᓵᑖᓇᓯᐅᑉ ᓂᒐᕐᑎᑦᓯᓂᖓᓄᑦ.

ᐄᑉᕈᐃᓄᑦ 10:38

ᐃᓗᐊᕐᑐᓕᔪᖁᑎᒐ ᐃᓅᔪᒫᕐᐳᖅ ᐅᒃᐱᕐᓂᕐᒥᓄᑦ, ᓴᐱᓕᕐᓂᐊᕐᑐᕐᓗ ᑖᓐᓇ, ᑕᕐᓂᕐᒪ ᖁᕕᐊᓲᑎᒋᓂᐊᓐᖏᓛ.”

ᐄᑉᕈᐃᓄᑦ 11:2

ᐅᒃᐱᕐᓂᑯᑦ ᓯᕗᓪᓕᐅᓚᐅᕐᑐᑦ ᒎᑎᒧᑦ ᓈᒻᒪᒋᔭᐅᔪᒥᒃ ᐃᓅᓯᖃᕐᓂᕋᕐᑕᐅᕗᑦ.

ᐄᑉᕈᐃᓄᑦ 12:23

ᑕᒪᓐᓇ ᐅᐸᒃᑕᓯ ᒎᑎᐅᑉ ᐊᖓᔪᒃᓕᕐᐹᖁᑎᖏᑕ ᑲᑎᒪᕕᖓ, ᑕᕝᕙᓃᑦᑐᓪᓗ ᐊᑎᖏᑦ ᑎᑎᕋᕐᓯᒪᕗᑦ ᕿᓚᖕᒥ, ᒎᑎᒧᓪᓗ ᑎᑭᑉᐳᓯ, ᑕᒤᓐᓂᒃ ᐃᖅᑲᕐᑐᐃᔪᒧᑦ, ᐃᓄᐃᓪᓗ ᓇᓛᒎᕐᑐᑦ ᐊᓂᕐᓂᖏᑕ ᓈᒻᒪᒃᓯᑎᑕᐅᕕᖏᓐᓄᑦ,

ᐲᑦᑐᕉᓯ ᐂᑉᐸᖏᑦ 3:2

ᐃᖅᑬᖁᕙᑦᓯ ᐅᖃᐅᓯᕆᔭᐅᓯᒪᔪᓂᒃ ᓇᓚᐅᑦᑍᔪᑎᒍᑦ ᐃᑦᔪᕐᓁᑦᑐᑎᒍᑦ, ᐱᖁᔭᐅᓚᐅᕐᑐᓂᒡᓗ ᐊᑕᓂᑦᑎᓐᓄᑦ ᐱᐅᓕᔨᑦᑎᓐᓄᓪᓗ ᐃᓕᑦᓯᓐᓄᑦ ᑐᓂᔭᐅᓚᐅᕐᑐᓂᒃ ᐋᐴᓯᑕᓕᖁᑎᑦᓯᒍᑦ.

ᔪᐊᓇᓯᐅᑉ ᐱᖓᔪᖏᑦ 1:12

ᑎᒥᑐᕆᐊᓯ ᑕᒤᓐᓄᑦ ᐱᑦᓯᐊᕐᓂᕋᕐᑕᐅᓪᓗᓂ ᐅᓐᓂᕐᓯᐅᑕᐅᕗᖅ, ᓱᓕᔫᓪᓗ ᓇᖕᒥᓂᖅ ᐅᓐᓂᕐᓯᐅᑎᒋᓯᒪᒋᕚ; ᐅᕙᖓᑦᑕᐅᖅ ᑖᑦᓱᒥᖓ ᐱᑦᓯᐊᕐᓂᕅᔪᓄᑦ ᐃᑲᔪᕐᑐᐃᖃᑕᐅᒋᕗᖓ, ᖃᐅᔨᒪᕗᓯᓗ ᓇᓗᓁᕐᓯᓂᕆᔭᕗᑦ ᑕᒪᓐᓇ ᓱᓕᖕᒪᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:10

ᑖᓐᓇᑦᑕᐅᖅ ᐃᒥᕐᑐᒃᓴᐅᕗᖅ ᐅᐂᓂᒥᒃ ᒎᑎᐅᑉ ᓂᓐᖓᐅᓯᖓᓂᒃ ᐃᒪᓕᖕᒥᒃ, ᑯᕕᔭᐅᓯᒪᔪᒥᒃ ᓴᓐᖐᓕᒋᐊᕐᓯᒪᖏᑦᑐᒥᒃ ᒎᑎᐅᑉ ᓂᓐᖓᐅᓯᖓᑕ ᖃᓪᓗᑎᖓᓄᑦ, ᐋᓐᓂᐊᑎᑕᐅᔪᒫᕐᐳᖅ ᐃᑯᒪᒧᑦ ᐳᔪᕐᒧᓪᓗ ᐃᑯᐊᓪᓚᕆᒃᑐᒧᑦ ᖃᒃᑭᓐᓇᕐᑐᒧᑦ ᐂᖏᓖᑦ ᐃᑦᔪᕐᓁᑦᑐᑦ ᓄᕐᕋᐅᔭᐅᓪᓗ ᓵᖓᓂ.