ᐋᐴᓯᑕᓖᑦ ᐱᓂᐊᕐᓂᖏᑦ 10:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᑖᓐᓇ ᐅᒃᐱᑦᓯᐊᕐᑑᕗᖅ ᒎᑎᒥᒃ ᐃᒃᐱᒋᔭᖃᑦᓯᐊᕐᓗᓂ ᐃᒡᓗᒥᐅᖃᑎᓂ ᐃᓚᒋᓪᓗᒋᑦ, ᑐᓂᓯᖃᑦᑕᓚᐅᕐᐳᖅ ᐃᓄᖕᓄᑦ ᐊᓐᓂᕈᓱᒐᓂ, ᒎᑎᒧᑦ ᑐᒃᓯᐊᖃᑦᑍᓐᓇᕐᓗᓂ.

ᐋᐴᓯᑕᓖᑦ ᐱᓂᐊᕐᓂᖏᑦ 10:2 Iomraidhean Croise

ᒨᓯᓯ ᓯᕗᓪᓖᑦ 18:19

ᐊᓐᖏᒍᑎᓂᐊᓐᖏᓚᕋ, ᓂᕈᐊᕐᓯᒪᒐᒃᑯ, ᐱᖁᔨᔪᒫᕐᒪᑦ ᕿᑐᕐᖓᒥᓂᒃ ᐃᓚᒥᓂᒡᓗ ᐊᑕᓂᐅᑉ ᐊᖅᑯᑎᖓᓃᖁᓪᓗᒋᑦ ᐃᓱᐊᕐᑐᓕᓂᒃᑯᑦ ᐊᑦᔨᒌᒃᑎᑦᓯᓂᒃᑯᓪᓗ; ᐊᑕᓂᖅ ᑐᓂᓯᖁᓪᓗᒍ ᐂᑉᕋᕼᐋᒧᑦ ᐊᖏᕈᑎᒋᓯᒪᔭᒥᓂᒃ ᑖᑦᓱᒧᖓ.”

ᐊᑕᓃᑦ ᓯᕗᓪᓖᑦ 8:43

ᑐᒃᓯᐊᓂᖏᑦ ᑐᓴᒃᑭᑦ, ᕿᓚᖕᒥᑦ ᐃᓂᒋᔭᕐᓂᑦ, ᐱᓇᓱᐊᕐᓗᑎᓪᓗ ᓄᓇᓕᑐᖃᐅᖏᑦᑐᑦ ᓂᓪᓕᐊᑦᔪᑎᒋᔭᓕᒫᖏᓐᓂᒃ; ᓄᓇᕐᔪᐊᕐᒥᐅᓕᒫᑦ ᐃᓄᐃᑦ ᐊᑎᕐᓂᒃ ᖃᐅᔨᓕᖁᓗᒋᑦ ᐃᓕᖕᓂᒡᓗ ᐃᓕᕋᒋᔭᖃᓕᕐᓗᑎᒃ ᐃᓴᕆᐊᓕᒥᐅᑎᑐᑦ, ᖃᐅᔨᒪᖁᓪᓗᒋᑦ ᐅᓇ ᐃᒡᓗᓕᐊᕋ ᐊᑎᕐᓂᒃ ᑐᓐᖓᕕᖃᕐᒪᑦ.

ᑯᕉᓂᑲ ᐂᑉᐸᖏᑦ 6:33

ᑐᓴᓚᐅᕆᑦ ᕿᓚᖕᒥᑦ ᐃᓂᒋᔭᕐᓂᑦ, ᐱᓂᐊᕐᕕᒋᓗᒋᓪᓗ ᐃᓅᖃᑎᑐᖃᕆᔭᐅᖏᑦᑐᑦ ᐃᓕᖕᓄᑦ ᑐᒃᓯᐊᕐᓂᖏᑦ ᒪᓕᒡᓗᒋᑦ; ᓄᓇᒦᑦᑐᑦ ᐃᓄᓕᒫᑦ ᐊᑎᕐᓂᒃ ᖃᐅᔨᖁᓪᓗᒋᑦ ᐃᓕᖕᓂᒡᓗ ᓯᕘᕋᓕᖁᓪᓗᒋᑦ, ᐃᓄᖁᑎᒃᑐᑦ ᐃᓴᕆᐊᓕᒃᑯᑎᑐᑦ, ᖃᐅᔨᖁᓪᓗᒋᑦ ᑖᓐᓇ ᐃᒡᓗ ᓴᓇᓚᐅᕐᑕᕋ ᑍᔭᐅᔪᒃᓴᐅᖕᒪᑦ ᐊᑎᕐᓂ.

ᔫᐱᐅᑉ ᐊᒡᓚᖏᑦ 1:1

ᐊᖑᑎᑕᖃᓚᐅᕐᐳᖅ ᔫᐱᒥᒃ ᐊᑎᓕᖕᒥᒃ, ᓄᓇᒥ ᐅᔾᒥ ᐊᑎᓕᖕᒥ, ᐊᖑᓪᓗ ᑖᓐᓇ ᐸᓯᔭᒃᓴᐅᓂᖃᓚᐅᓐᖏᓚᖅ ᒪᑭᑕᑦᓯᐊᕐᓗᓂᓗ, ᒎᑎᒧᓪᓗ ᑐᒃᓯᐊᕐᕕᖃᖃᑦᑕᕐᓗᓂ, ᐱᐅᖏᑦᑐᓕᓂᕐᒥᒡᓗ ᐊᑐᕐᑍᓕᒪᓪᓗᓂ.

ᔫᐱᐅᑉ ᐊᒡᓚᖏᑦ 1:5

ᐅᓪᓛᑕᒫᓪᓗ ᓂᕆᕕᒡᔪᐊᕐᓂᐅᑉ ᑭᖑᓂᖓᒍᑦ, ᔫᐱ ᐅᓪᓛᕌᕐᔪᒃᑯᑦ ᑐᐸᒃᐸᓚᐅᕐᐳᖅ ᑐᓂᕐᕈᓯᕈᒪᓪᓗᓂ ᑐᖁᑕᒃᓴᒥᒃ ᕿᑐᕐᖓᓂ ᐊᑐᓂᑦ ᐱᑦᔪᑎᒋᓪᓗᒋᑦ ᐊᔪᕐᑐᓕᓂᕐᒧᑦ ᐸᓯᔭᒃᓴᐅᔪᖃᖁᓇᒍ. ᑍᒤᓕᐅᖏᓐᓇᕐᐸᓚᐅᕐᐳᕐᓗ ᐃᓱᒪᖃᕐᓗᓂ ᕿᑐᕐᖓᖏᑕ ᓇᓪᓕᐊᓐᓂᒃ ᒎᑎᒧᑦ ᐱᔮᖅᑯᑕᐅᖏᑦᑐᒥᒃ ᐊᑭᕋᕐᑐᕐᑐᖃᑐᐃᓐᓇᕆᐊᖃᕋᓱᒋᓪᓗᓂᒋᑦ.

ᐃᓐᖏᕈᑎᑦ 102:15

ᑕᕝᕙ ᐃᓅᖃᑎᒌᒡᔪᐊᑦ ᐊᑕᓂᐅᑉ ᐊᑎᖓᓂᒃ ᓯᕘᕋᔪᒫᕐᐳᑦ, ᐊᖓᔪᖅᑳᕐᔪᐊᓪᓗ ᓄᓇᒦᑦᑐᓕᒫᑦ ᐃᓕᖕᓂᒃ ᓂᕐᑐᕐᓇᕐᑎᑦᓯᔪᒫᕐᐳᑦ;

ᐃᓐᖏᕈᑎᑦ 119:2

ᑐᓱᓐᓇᕐᐳᑦ ᑖᑦᓱᒪ ᐅᓐᓂᕐᑑᑎᒋᔭᖏᓐᓂᒃ ᒪᓕᒃᑐᑦ, ᑖᑦᓱᒥᖓ ᕿᓂᕐᑐᑦ ᐆᒻᒪᒻᒧᑦ ᐊᑕᖏᕐᑐᒧᑦ.

ᐃᓐᖏᕈᑎᑦ 25:5

ᓱᓕᑦᓯᐊᕐᓂᒃᑯᑦ ᑕᓯᐅᓚᐅᓐᖓ, ᐃᓕᓐᓂᐊᕐᑎᓪᓗᖓᓗ, ᐱᐅᓕᔨᒋᓪᓗᑎᑦ ᒎᑎᒋᒐᒃᑭᑦ; ᐃᓕᖕᓂᓪᓗ ᓂᕆᐅᒋᔭᖃᕐᐳᖓ ᐅᓪᓗᖅ ᓈᓪᓗᒍ.

ᐃᓐᖏᕈᑎᑦ 41:1

ᖁᕕᐊᓱᑦᓯᐊᕐᐳᖅ ᐊᔪᕐᓴᕐᑐᓂᒃ ᐃᓱᒪᒋᔭᖃᕐᑐᖅ; ᐊᑕᓂᐅᑉ ᓴᐳᑎᔪᒫᕐᒪᒍ ᐊᔪᕐᓇᕐᑐᖃᓕᕐᐸᑦ.

ᐃᓐᖏᕈᑎᑦ 55:17

ᐅᓐᓄᒃᑯᑦ, ᐅᓪᓛᒃᑯᓪᓗ, ᐅᓪᓗᑯᓪᓗ ᑐᒃᓯᐊᕈᒪᕗᖓ, ᓂᓪᓕᐊᓗᖓᓗ ᓂᐱᖃᕐᓗᖓ ᐅᖁᒤᒃᓴᕐᓂᕐᒧᑦ ᕿᐊᓗᖓ, ᓂᐱᒐᓗ ᑐᓴᕐᓂᐊᕐᐹ.

ᐃᓐᖏᕈᑎᑦ 86:3

ᐊᑕᓃᖅ, ᓈᒃᑭᒋᓐᖓ, ᐅᓪᓗᓕᒫᖅ ᓂᓪᓕᐊᕕᒋᒐᒃᑭᑦ.

ᐃᓐᖏᕈᑎᑦ 88:1

ᐊᑕᓃᖅ ᒎᑎᒐ ᐱᐅᓕᔨᒐ, ᐅᓪᓗᒃᑯᑦ ᐃᑲᔪᕐᑕᐅᔪᒪᓪᓗᖓ ᓂᓪᓕᐊᕕᒋᕙᒋᑦ; ᐅᓐᓄᐊᒃᑯᓪᓕ ᐃᓗᖏᕐᑐᕐᓗᖓ ᓂᓪᓕᐊᕗᖓ ᐃᓕᖕᓄᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:18

ᓈᒻᒪᒃᐳᖅ ᐊᑕᐅᓯᕐᒥᒃ ᑎᒍᒥᐊᕐᓗᑎᑦ ᐂᑉᐸᖓᓗ ᓴᒃᑯᖏᓪᓗᒍ; ᒎᑎᒥᒃ ᓯᕗᕋᔫᑉ ᑕᒪᒃᑯᐊᓕᒫᑦ ᐊᓂᒍᕈᒫᕐᒪᒋᑦ.

ᐂᓮᐊᓯᐅᑉ ᐊᒡᓚᖏᑦ 59:19

ᓯᕿᓂᐅᑉ ᓂᐱᕕᐊᑕ ᓇᓛᓂᒥᐅᑦ ᐃᓄᖏᑦᑕ ᐊᑕᓂᐅᑉ ᐊᑎᖓ ᓯᕘᕋᒋᔪᒫᕐᐹᑦ, ᓯᕿᓂᐅᓪᓗ ᓄᐃᕕᐊᑕ ᓇᓛᓂᒥᐅᑦ ᐃᓄᖏᑦᑕ ᓂᕐᑐᕐᓇᕐᓂᖓ ᐃᓕᕋᒋᔪᒫᕐᐸᑦ; ᐊᑭᕋᕐᑐᕐᑎᖓ ᑎᑭᑉᐸᑦ ᓱᑲᑦᑐᒥᒃ ᑰᒃᑐᑎᑐᑦ, ᐊᑕᓂᐅᑉ ᐊᓂᕐᓂᖓ ᒪᑭᓪᓗᓂ ᓵᑦᓯᔪᒫᕐᐳᖅ ᑖᑦᓱᒥᖓ.

ᑖᓂᐊᓕᐅᑉ ᐊᒡᓚᖏᑦ 6:10

ᑖᓂᐊᓕᓕ ᖃᐅᔨᒐᒥ ᐱᖁᔭᖅ ᐋᖅᑭᒃᑕᐅᔭᕇᕐᒪᑦ, ᐊᖏᕐᕋᕐᐳᖅ ᒪᔪᕋᕐᓗᓂᓗ ᐃᒡᓗᕈᓯᕐᒥᓄᑦ, ᐃᒐᓛᕐᒧᑦ ᔨᕉᓴᓕᒧᑦ ᓵᖓᔪᒧᑦ, ᓰᖅᑯᕐᓗᓂᓗ ᑐᒃᓯᐊᕐᐸᒃᐳᖅ ᐅᓪᓗᖅ ᐱᖓᓱᐃᕐᓱᕐᓗᒍ, ᖁᔭᓕᓪᓗᓂᓗ ᒎᑎᒥᓄᑦ ᑍᒫᒃ ᐱᐅᓯᕆᕙᒃᑕᒥᑐᑦ.

ᑖᓂᐊᓕᐅᑉ ᐊᒡᓚᖏᑦ 6:16

ᑍᒤᒻᒪᑦ ᐊᖓᔪᖅᑳᕐᔪᐊᖅ ᐱᖁᔨᕗᖅ, ᑖᓂᐊᓕ ᐂᔭᐅᖁᓪᓗᒍ ᓛᔧᓪᓗ ᓯᑎᖓᓄᑦ ᐃᒋᑕᐅᖁᓪᓗᒍ, ᐊᖓᔪᖅᑳᕐᔪᐊᕐᓗ ᑖᓂᐊᓕᒧᑦ ᐅᖃᕐᐳᖅ, “ᒎᑎᕕᑦ ᑍᒪᓐᖓᑦ ᐱᔨᑦᓯᕐᑕᕕᑦ, ᓴᐳᑎᓕᑎᑦ!”

ᑖᓂᐊᓕᐅᑉ ᐊᒡᓚᖏᑦ 6:20

ᓛᔧᑦ ᓯᑎᖓ ᖃᒡᓕᓪᓗᒍ, ᑖᓂᐊᓕᒧᑦ ᕾᒐᓛᕐᐳᖅ ᓂᐱᒧᑦ ᖁᓱᔪᒧᑦ, “ᑖᓂᐊᓖ, ᒎᑎᐅᑉ ᐆᒪᔫᑉ ᐱᔨᖓ, ᒎᑎᕕᑦ, ᑍᒪᓐᖓᑦ ᐱᔨᑦᓯᕐᑕᕕᑦ ᓛᔭᓂᑦ ᓴᐳᑎᕙᑏᑦ?”

ᑖᓂᐊᓕᐅᑉ ᐊᒡᓚᖏᑦ 6:26

ᐱᖁᔭᓕᐅᕐᐳᖓ ᐊᖓᔪᖅᑲᐅᕕᓕᒫᓐᓂ ᐃᓄᐃᑦ ᓴᔪᒃᑐᒃᓴᐅᕗᑦ ᓯᕘᕋᓗᑎᒡᓗ ᑖᓂᐊᓕᐅᑉ ᒎᑎᖓᓂᒃ: ᑖᓐᓇ ᐃᓅᖕᒪᑦ ᓱᖁᓯᕐᓂᐊᕋᓂᓗ ᐃᓱᖃᖏᑦᑐᒧᑦ, ᐊᖓᔪᖅᑲᐅᕕᖓ ᐊᓯᕈᕐᑕᐅᓂᐊᓐᖏᓚᖅ, ᐊᑕᓂᐅᓂᖓᓗ ᐃᓱᓕᓐᓂᐊᓐᖏᓚᖅ.

ᒫᑎᐅᓯᐅᑉ ᐊᒡᓚᖏᑦ 25:17

ᑍᒫᑦᓮᓐᓇᖅ ᐱᔨ ᑮᓇᐅᔭᕐᑖᓚᐅᕐᑐᖅ 2,000ᓂᒃ ᑮᓇᐅᔭᕐᑖᒃᑲᓐᓂᕆᕗᖅ ᐊᓯᖏᓐᓂ 2,000ᓂᒃ.

ᓘᑲᓯᐅᑉ ᐊᒡᓚᖏᑦ 18:1

ᔩᓱᓯᐅᑉ ᐃᓕᓐᓂᐊᕐᑎᓂ ᐊᑦᔨᐅᔪᒥᒃ ᐊᔪᕆᕐᑐᕐᐰᑦ, ᑐᒃᓯᐊᖏᓐᓇᖃᑕᖁᓪᓗᒋᑦ ᓴᐱᓕᕐᑍᓕᖁᓪᓗᒋᓪᓗ.

ᓘᑲᓯᐅᑉ ᐊᒡᓚᖏᑦ 2:25

ᑍᑦᓱᒪᓂ ᐊᖑᑎᑕᖃᓚᐅᕐᐳᖅ ᔨᕉᓴᓕᒻᒥ, ᓯᒥᐅᓂᒥᒃ ᐊᑎᓕᖕᒥᒃ, ᐃᓅᓯᖃᕐᑐᒥᒃ ᒎᑎᒧᑦ ᓈᒻᒪᒋᔭᐅᔪᒥᒃ ᑐᓂᓯᒪᑦᓯᐊᕐᑑᓪᓗᓂ, ᑖᓐᓇ ᐅᑕᖅᑭᓚᐅᕐᐳᖅ ᐃᓴᕆᐊᓕᒥᐅᑦ ᐱᐅᓕᔭᐅᕕᒃᓴᖓᓐᓂᒃ, ᐊᓂᕐᓂᐅᑉ ᐃᑦᔪᕐᓁᑦᑑᑉ ᓇᔪᕐᐹ.

ᐋᐴᓯᑕᓖᑦ ᐱᓂᐊᕐᓂᖏᑦ 10:22

ᑖᒃᑯᐊ ᑭᐅᕚᑦ, “ᑰᓂᓕᐅᓯᐅᑉ ᐅᓇᑕᕐᑐᒃᓮᑦ ᐊᖓᔪᖅᑳᖓᑦᑕ ᑎᓕᕚᑎᒍᑦ, ᑖᓐᓇ ᐅᒃᐱᑦᓯᐊᕐᑑᕗᖅ ᒎᑎᒥᒡᓗ ᐃᒃᐱᒋᔭᖃᑦᓯᐊᕐᓗᓂ, ᔫᑎᓕᒫᑦ ᐊᑲᐅᓂᕋᕐᑕᖓᑦ, ᒎᑎᐅᑉ ᐂᖏᓕᖓᓄᑦ ᐅᖃᐅᑦᔭᐅᓪᓗᓂ ᕾᖁᔭᐅᖁᖕᒪᑎᑦ ᐃᒡᓗᒥᓄᑦ, ᐅᖃᐅᓯᕐᓂᒃ ᑐᓴᕈᒪᓪᓗᓂ ᐃᓕᖕᓂᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 10:31

ᐅᖃᕐᓗᓂ, ‘ᑰᓂᓕᐅᓰ, ᑐᒃᓯᐊᕐᓂᑎᑦ ᑐᓴᕐᑕᐅᕗᑦ ᑐᓂᓯᖃᑦᑕᕐᓂᑎᑦ ᐃᖅᑲᐅᒪᔭᐅᕗᑦ ᒎᑎᒧᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 10:35

ᑖᑦᓱᒥᖓ ᓯᕘᕋᔪᑦ ᓇᓛᒍᑦ ᐱᓇᓱᐊᕐᑐᑦ ᓇᓪᓕᐊᓐᓂᑐᐃᓐᓇᖅ ᐃᓅᖃᑎᒌᒡᔪᐊᓂᑦ ᐱᓯᒪᒐᓗᐊᕐᐸᑕ, ᒎᑎᐅᑉ ᐃᓚᓕᐅᕐᐰᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 10:4

ᑰᓂᓕᐅᓯᐅᑉ ᑕᑯᓐᓇᓕᕐᐹ ᖁᐊᕐᓵᓪᓚᕐᒥᓗ ᐅᖃᕐᐳᖅ, “ᐊᑕᓃᖅ ᓱᔪᒪᕖᑦ?” ᑖᑦᓱᒪ ᐅᖃᐅᑎᕚ, “ᑐᒃᓯᐊᕐᓂᑎᑦ ᑐᓂᓯᖃᑦᑕᕐᓂᑎᓪᓗ ᒎᑎᐅᑉ ᖁᕕᐊᒋᕔᑦ ᐃᖅᑲᐅᒪᑦᔪᑎᒋᓪᓗᓂᒋᑦ ᐃᓕᖕᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 10:7

ᐂᖏᓕᓗ ᐅᖃᕆᐊᕐᑐᕐᓯᒪᔪᖅ ᕿᒪᕉᑎᖕᒪᑦ, ᑰᓂᓕᐅᓯ ᐱᔨᒥᓂᒃ ᒪᕐᕉᖕᓂᒃ ᕾᖁᔨᕗᖅ, ᐅᓇᑕᕐᑐᒃᓴᒥᒡᓗ ᐅᒃᐱᑦᓯᐊᕐᑐᒥᒃ ᐱᔨᓪᓚᕆᒋᔭᒥᓂᒃ,

ᐋᐴᓯᑕᓖᑦ ᐱᓂᐊᕐᓂᖏᑦ 11:14

ᑖᑦᓱᒪ ᓇᓗᓁᕐᓯᕕᒋᓂᐊᕐᐹᑎᑦ ᐱᐅᓕᔭᐅᑦᔪᑎᒋᓂᐊᕐᑕᕐᓂᒃ, ᐃᒡᓗᒥᐅᖃᑎᓕᒫᑎᓪᓗ.’

ᐋᐴᓯᑕᓖᑦ ᐱᓂᐊᕐᓂᖏᑦ 13:16

ᐸᐅᓗᓯ ᓂᑯᕕᑉᐳᖅ ᐃᓵᓚᐅᕐᓗᓂ ᐅᖃᕐᐳᖅ: “ᐃᓴᕆᐊᓕᒥᐅᖑᔪᓯ, ᐃᓕᑦᓯᓗ ᒎᑎᒧᑦ ᐅᒃᐱᕐᑐᓯ ᑕᒪᑦᓯ, ᓈᓚᒃᓯᖓ.

ᐋᐴᓯᑕᓖᑦ ᐱᓂᐊᕐᓂᖏᑦ 13:26

“ᐃᓴᕆᐊᓕᒥᐅᖑᖃᑎᒃᑲ, ᐂᑉᕋᕼᐋᒻ ᑭᖑᕚᖏᑦ, ᐃᓕᑦᓯᓗ ᐅᕙᓃᑦᑐᓯ ᒎᑎᒥᒃ ᓯᕘᕋᔪᓯ, ᐅᕙᑦᑎᓐᓄᑦ ᐅᖃᐅᓰᑦ ᑕᒪᒃᑯᐊ ᐱᐅᓕᔭᐅᓇᕐᑐᑦ ᑐᓂᔭᐅᓯᒪᕗᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 13:50

ᔫᑎᓪᓕ ᐅᐃᒪᔮᕐᑎᑦᓯᓕᕐᐳᑦ ᐊᕐᓇᓂᒃ ᐅᒃᐱᕐᑐᓂᒃ ᐱᓪᓚᕆᐅᑎᑕᐅᔪᓂᒃ, ᐊᖑᑎᓂᒡᓗ ᐊᐅᓚᑦᓯᔨᐅᔪᓂᒃ ᓄᓇᓕᖕᓂ, ᐊᑭᕋᕐᑐᕐᑕᐅᑎᑦᓯᓕᕐᓗᑎᒃ ᐸᐅᓗᓯᒥᒃ ᐸᕐᓇᐹᓯᒥᒡᓗ, ᐊᐅᓪᓚᕐᑎᓪᓗᒋᒡᓗ ᓄᓇᓕᖕᓂᑦ:

ᐋᐴᓯᑕᓖᑦ ᐱᓂᐊᕐᓂᖏᑦ 18:8

ᑯᕆᔅᐸᓯ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓄᑦ ᐊᖓᔪᖅᑳᖑᔪᖅ, ᐊᑕᓂᕐᒧᑦ ᐅᒃᐱᓕᕐᐳᖅ, ᐃᒡᓗᒥᐅᖃᑎᓂ ᐃᓚᒋᓪᓗᒋᑦ; ᐅᓄᕐᑐᓪᓗ ᑯᕆᓐᑎᒥᐅᑦ ᐸᐅᓗᓯᐅᑉ ᐅᖃᐅᓯᖏᓐᓂᒃ ᑐᓴᕐᑐᑦ ᐅᒃᐱᓕᕋᒥᒃ ᐹᑉᑎᑕᐅᕗᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 2:5

ᔫᑎᑕᖃᓚᐅᕐᐳᖅ ᔨᕉᓴᓕᒻᒥ ᓄᓇᖃᕐᑐᓂᒃ, ᐅᒃᐱᕋᓱᐊᑦᓯᐊᕐᑐᓂᒃ ᓄᓇᓕᖕᓂᑦ ᓇᑭᑐᐃᓐᓇᖅ ᐱᓯᒪᔪᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 22:12

“ᐊᓇᓁᐊᓯᒥᒃ ᐊᑎᓕᐅᑉ, ᑕᕝᕙᓂ ᑕᑯᔭᕐᑐᓚᐅᕐᐹᖓ ᑖᓐᓇ ᐅᒃᐱᑦᓯᐊᕐᑑᓪᓗᓂ ᐱᖁᔭᓂᒃ ᒪᓕᑦᓯᐊᕐᐳᖅ, ᔫᑎᓂᑦ ᓄᓇᖃᑎᖏᓐᓂᑦ ᐱᓪᓗᕆᒃᑐᖁᑕᐅᔪᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 8:2

ᐅᒃᐱᑦᓯᐊᕐᑐᑦ ᐊᖑᑎᑦ ᓯᑎᐹᓇᓯᐅᑉ ᑎᒥᖓ ᐃᓗᕕᕐᐹᑦ ᐊᖏᔪᒥᒡᓗ ᐅᒡᒍᐊᕈᑎᒋᓪᓗᒍ ᕿᐊᑦᔪᑎᒋᕚᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 9:11

ᐊᑕᓂᐅᑉ ᐅᖃᐅᑎᕚ, “ᐊᖅᑯᒻᒧᑦ ᐂᓕᕆᑦ ᐊᑎᖃᕐᑐᒧᑦ ᑐᑭᓕᐊᕐᑐᒥᒃ, ᔫᑕᓯᐅᑉ ᐃᒡᓗᖓᓄᑦ ᑕᑯᔭᕐᑐᕐᕆᑦ ᐃᓄᖕᒥᒃ ᑖᕐᓱᓯᒥᐅᕐᒥᒃ ᓴᐅᓗᓯᒥᒃ ᐊᑎᓕᖕᒥᒃ, ᒫᓐᓇ ᑐᒃᓯᐊᕐᒪᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 9:31

ᑍᑦᓱᒪᓂ ᐅᒃᐱᕐᑑᖃᑎᒌᑦ ᔫᑎᐊᒥ ᒐᓕᓕᐊᒥᓗ ᓴᒥᐊᕆᐊᒥᓗ ᐊᑭᕋᕐᑐᕐᑕᐅᔪᓐᓃᕐᐳᑦ ᐊᔪᕈᓐᓃᕐᐸᓪᓕᐊᓪᓗᑎᒃ; ᐊᑕᓂᕐᒥᒃ ᓯᕘᕋᒋᔭᖃᒻᒪᕆᒃᓗᑎᒃ ᐃᓅᓕᕐᐳᑦ ᐱᕙᓪᓕᕐᑎᑕᐅᓪᓗᑎᒃ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᐅᓄᕐᓯᕙᓪᓕᐊᕗᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 9:36

ᔮᐸᒥ ᐃᓕᓐᓂᐊᕐᑎᑕᖃᓚᐅᕐᐳᖅ ᑕᐱᓴᒥᒃ ᐊᑎᓕᖕᒥᒃ, ᒍᕇᑭᑎᑐᑦ ᑍᔭᐅᔪᒥᒃ ᑑᑲᓯᒥᒃ, ᑖᓐᓇ ᐱᓂᐊᕐᓂᖃᑦᓯᐊᓚᐅᕐᐳᖅ ᐃᑲᔪᑦᓯᐊᕐᐸᒡᓗᓂᓗ ᐊᔪᕐᓴᕐᑐᓄᑦ.

ᑯᓘᓯᐊᒥᐅᓄᑦ 4:2

ᑐᒃᓯᐊᕐᓂᕐᒧᑦ ᑲᔪᓯᑦᓯᐊᕆᑦᓯ, ᖃᐅᔨᓴᑦᓯᐊᖃᑦᑕᕐᓗᓯ ᖁᔭᓕᖃᑦᑕᕐᓗᓯᓗ ᒎᑎᒧᑦ;

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:17

ᑍᒪᓐᖓᑦ ᑐᒃᓯᐊᑦᓮᓐᓇᕆᑦᓯ,

ᔧᒥᓯᐅᑉ ᐊᒡᓚᖏᑦ 1:5

ᓇᓪᓕᕐᓯᓕ ᓯᓚᑐᓂᕐᒥᒃ ᐊᔪᕐᓴᕈᓂ, ᒎᑎᒧᑦ ᑐᒃᓯᐊᕐᑐᒃᓴᐅᕗᖅ, ᑖᑦᓱᒪ ᑕᑉᕙ ᑐᓂᓯᕕᒋᓂᐊᕐᐹ ᐱᔪᒪᔭᖓᓂᒃ. ᐃᓄᓕᒫᑦ ᑐᓂᓯᕕᒋᕙᖕᒪᒋᑦ ᖁᕕᐊᒋᓪᓗᒋᑦ ᐊᓐᓂᕈᓱᒐᓂᓗ.

ᔮᓱᐊᑉ ᐊᒡᓚᖏᑦ 24:15

ᐊᑕᓂᕐᓕ ᐱᔨᑦᓯᕈᒪᓂᐊᖏᒃᑯᑦᓯᐅᒃ, ᐅᓪᓗᒥ ᑐᑭᑖᓕᕆᑦᓯ ᑭᓇᒥᒃ ᐱᔨᑦᓯᕐᓂᐊᕐᒪᖔᑦᓯ, ᓯᕗᓕᓯ ᒎᑎᒋᓚᐅᕐᑕᒋᓐᓂᒃ ᑐᒃᓯᐊᕐᕕᒋᖃᑦᑕᓚᐅᕐᑕᖏᓪᓗ ᑰᑉ ᐊᑭᐊᓂ, ᐅᕝᕙᓗ ᐊᒧᕅᒥᐅᑦ ᒎᑎᖏᓐᓂᒃ, ᒫᓐᓇ ᑖᒃᑯᐊ ᓄᓇᖓᓂ ᓄᓇᖃᓕᕋᑦᓯ; ᐅᕙᖓᓕ ᐃᒡᓗᒥᐅᖃᑎᒃᑲᓗ, ᐊᑕᓂᖅ ᐱᔨᑦᓯᕐᓂᐊᕐᐸᕗᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 15:4

ᑭᓇ ᓯᕘᕋᖏᓪᓗᓂ ᐊᑎᕐᓂᒃ ᓂᕐᑐᐃᔪᓐᓇᕐᐹ ᐊᑕᓃᖅ? ᐃᕝᕕᑦ ᑭᓯᕕᑦ ᐃᑦᔪᕐᓁᑦᑐᑑᒐᕕᑦ. ᐃᓄᖃᑎᒌᒡᔪᐊᓕᒫᑦ ᕾᔪᒫᕐᐳᑦ ᑐᒃᓯᐊᕐᕕᒋᔭᕐᑐᕐᓗᑎᒃ, ᐱᓂᐊᕐᓂᕕᑦ ᓇᓛᒎᕐᓂᖏᑦ ᑕᒤᓐᓄᑦ ᑕᑯᔭᐅᓯᒪᖕᒪᑕ.”