ᐋᐴᓯᑕᓖᑦ ᐱᓂᐊᕐᓂᖏᑦ 1:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐱᔪᓐᓇᕐᓂᕐᒥᒡᓕ ᐱᑎᑕᐅᓛᕐᐳᓯ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᑎᑭᑕᐅᒍᑦᓯ; ᐅᕙᓐᓂᒃ ᓇᓗᓁᕐᓯᔨᒋᓛᕐᐸᑦᓯ ᔨᕉᓴᓕᒻᒥ ᔫᑎᐊᓕᒫᒥᓗ ᓴᒥᐊᕆᐊᒥᓗ ᓄᓇᕐᔪᐊᓪᓗ ᐃᓱᐊ ᑎᑭᓪᓗᒍ.”

ᐋᐴᓯᑕᓖᑦ ᐱᓂᐊᕐᓂᖏᑦ 1:8 Iomraidhean Croise

ᐃᓐᖏᕈᑎᑦ 22:27

ᓄᓇᕐᔪᐊᕐᒦᑦᑐᑦ ᑕᒪᕐᒥᒃ ᐃᖅᑬᔪᒫᕐᐳᑦ, ᐊᑕᓂᕐᒧᓪᓗ ᓵᓪᓗᑎᒃ, ᐃᓚᒌᓕᒫᓪᓗ ᐃᓅᖃᑎᒌᒡᔪᐊᓂ, ᑐᒃᓯᐊᕈᒫᕐᐳᑦ ᓵᖕᓂ.

ᐃᓐᖏᕈᑎᑦ 98:3

ᓇᒡᓕᒍᓱᖕᓂᓂ ᓱᖁᓯᔪᐃᑦᑑᓂᓂᓗ ᐃᖅᑲᐅᒪᒐᒥᐅᒃ ᐃᓴᕆᐊᓕᐅᑉ ᐃᓄᖏᑦ ᐱᑦᔪᑎᒋᓪᓗᒋᑦ; ᓄᓇᕐᔪᐊᕐᒥᐅᓕᒫᑦ ᒎᑎᑦᑕ ᓵᓚᖃᕐᓂᖓ ᑕᑯᓯᒪᕚᑦ.

ᐂᓮᐊᓯᐅᑉ ᐊᒡᓚᖏᑦ 42:10

“ᐊᑕᓂᕐᒧᑦ ᐃᓐᖏᕆᑦᓯ ᐃᓐᖏᕈᒻᒥᒃ ᓄᑖᒥᒃ, ᓂᕐᑐᕐᓯᐅᒃ ᓄᓇᕐᔪᐊᑉ ᑭᒡᓕᖏᓐᓂᑦ! ᐃᒪᕕᒃ ᐃᒃᑑᓕᔮᕐᓕ ᑕᕝᕙᓂᒥᐅᑕᓕᒫᓪᓗ, ᐃᒪᐅᑉ ᑭᒡᓕᖓᓂᒥᐅᑦ ᑕᒫᓂᓗ ᓄᓇᖃᕐᑐᓯ ᓂᕐᑐᐃᖃᑕᐅᒋᑦᓯ.

ᐂᓮᐊᓯᐅᑉ ᐊᒡᓚᖏᑦ 49:6

ᑖᓐᓇ ᐅᖃᕐᐳᖅ, ‘ᐱᔨᒋᑐᐃᓐᓇᕈᒃᑭᑦ ᓱᓇᐅᓐᖏᓗᐊᕐᐳᖅ, ᒪᑭᑎᑦᓯᓗᑎᑦ ᔧᑰᑉ ᑭᖑᕚᖏᓐᓂᒃ, ᐅᑎᕐᑎᑦᓯᖁᓪᓗᑎᓪᓗ ᐃᓴᕆᐊᓕᒥᐅᑦ ᐊᒥᐊᒃᑯᖏᓐᓂᒃ; ᑐᓂᔪᒪᕙᒋᓪᓗ ᖃᐅᒻᒪᒃᓮᔨᐅᖁᓪᓗᑎᑦ ᐃᓅᖃᑎᒌᒡᔪᐊᓄᑦ, ᐱᐅᓕᒃᓯᔨᐅᓃᓪᓗ ᓄᓇᕐᔪᐊᑉ ᑭᒡᓕᖏᓐᓄᑦ ᑎᑭᐅᑎᖁᓪᓗᒍ.’”

ᐂᓮᐊᓯᐅᑉ ᐊᒡᓚᖏᑦ 52:10

ᐊᑕᓂᐅᑉ ᑕᓕᕐᒥ ᐂᖓ ᐃᑦᔪᕐᓁᑦᑐᖅ ᓯᖀᕐᑎᕐᒪᒍ ᐃᓅᖃᑎᒌᒡᔪᐊᑦ ᑕᒤᑕ ᑕᑯᓐᓈᕐᑎᓪᓗᒋᑦ; ᓄᓇᕐᔪᐊᕐᒥᐅᓕᒫᑦ ᒎᑎᑦᑕ ᐱᐅᓕᒃᓯᓂᖓ ᑕᑯᔪᒫᕐᐹᑦ.

ᐂᓮᐊᓯᐅᑉ ᐊᒡᓚᖏᑦ 66:19

ᓇᓗᓁᒃᑯᑕᖃᕐᑎᑦᓯᔪᒫᕐᐳᖓᓗ ᑖᒃᑯᓇᓂ. “ᑖᒃᑯᓇᓐᖓᓪᓗ ᐊᒥᐊᒃᑰᔪᓂᒃ ᐊᐅᓪᓚᕈᑦᔭᐅᑎᑦᓯᔪᒫᕐᐳᖓ, ᓄᓇᓕᖕᓄᑦ ᑖᕐᓯᓯᒧᑦ, ᓄᓇᓕᖕᓄᓪᓗ ᐴᓕᒧᑦ, ᓗᑦᒧᓪᓗ, ᐱᑎᒃᓯᒥᖕᓂᒃ ᐅᕐᓕᕐᑐᕐᑐᓄᑦ ᑐᐸᐅᓪᒥᐅᓄᑦ, ᔭᕚᓇᒥᐅᓄᓪᓗ, ᐃᒪᐅᓪᓗ ᓯᓈᓂᒥᐅᓄᑦ ᐅᖓᓯᒃᑐᒦᑦᑐᓄᑦ, ᐅᖃᐅᑎᒋᔭᐅᓂᓐᓂᒃ ᑐᓴᓚᐅᕐᓯᒪᖏᑦᑐᓄᑦ ᓂᕐᑐᕐᓇᕐᓂᕐᔪᐊᓐᓂᒡᓗ ᑕᑯᓚᐅᕐᓯᒪᖏᑦᑐᓄᑦ; ᑖᒃᑯᐊᓗ ᓂᕐᑐᕐᓇᕐᓂᕐᔪᐊᕋ ᐅᖃᐅᑎᒋᔪᒫᕐᐹᑦ ᐃᓅᖃᑎᒌᒡᔪᐊᓄᑦ.

ᔨᕆᒤᐊᐅᑉ ᐊᒡᓚᖏᑦ 16:19

ᐊᑕᓃᖅ ᐱᔪᓐᓇᐅᑎᒋᕙᒋᑦ ᓴᐴᓗᑕᕆᓪᓗᑎᓪᓗ, ᕿᒫᕕᒋᕙᒃᐸᒋᑦ ᐅᖁᒤᑦᑐᒦᓕᕌᖓᒪ, ᐃᓅᖃᑎᒌᒡᔪᐊᑦ ᐃᓕᖕᓄᐊᕐᑐᒃᓴᐅᖕᒪᑕ ᐅᖃᕐᓗᑎᒡᓗ: “ᓯᕗᓕᕗᑦ ᑭᖑᕐᖑᑦᔨᓚᐅᓐᖏᓚᑦ ᓱᓇᒥᒡᓘᓐᓃᑦ ᓴᒡᓗᕿᑕᐅᓂᕐᒥᒃ ᑭᓯᐊᓂ, ᒎᑎᓐᖑᐊᓂᒃ ᐊᑑᑎᖃᖏᑦᑐᓂᒃ ᐱᕚᓪᓕᕈᑎᒃᓴᐅᖏᑦᑐᓂᒃ.

ᒤᑲᐅᑉ ᐊᒡᓚᖏᑦ 3:8

“ᐅᕙᖓᓕ ᑕᑕᑉᐳᖓ ᐱᔪᓐᓇᕐᓂᕐᒥᒃ ᐊᑕᓂᐅᑉ ᐊᓂᕐᓂᖓᒍᑦ, ᐃᖅᑲᕐᑐᐃᑦᓯᐊᕐᓂᕐᒥᒃ ᐊᔪᖏᓐᓂᕐᒥᒡᓗ, ᐅᖃᐅᓯᕆᓂᐊᕐᐸᒃᑲᓗ ᔧᑰᑉ ᑭᖑᕚᖏᑕ ᐱᐅᖏᑦᑐᓕᓂᖏᑦ ᐃᓴᕆᐊᓕᒥᐅᓪᓗ ᐊᔪᕐᑐᓕᓂᖏᑦ.

ᓴᑲᕅᐊᐅᑉ ᐊᒡᓚᖏᑦ 4:6

ᐂᖏᓕᐅᓪᓗ ᐅᖃᐅᑎᕚᖓ ᔨᕈᐸᐱᐅᓪ ᑐᓴᕐᑎᑕᐅᖁᓪᓗᒍ ᑐᓴᕆᐊᖃᕐᑕᖓᓂᒃ ᐊᑕᓂᕐᒥᑦ ᐱᔪᒥᒃ ᐃᒫᒃ, “ᐱᔪᓐᓇᕐᓂᕐᓅᖏᑦᑐᖅ, ᑎᒥᕕᓪᓗ ᓄᑭᖓᓅᖏᑐᖅ, ᐅᕙᖓᓕ ᐊᓂᕐᓂᓐᓄᑦ, ᑍᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 24:14

ᐅᖃᐅᓰᑦ ᑐᓴᕈᒥᓇᕐᑐᑦ ᒎᑎᐅᑉ ᐊᑕᓂᐅᕕᖓᓂᒃ ᐅᖃᐅᓯᓖᑦ ᐊᔪᕆᕐᑐᐃᑦᔪᑕᐅᔪᒫᕐᐳᑦ ᓄᓇᕐᔪᐊᓕᒫᒥ ᓇᓂᑐᐃᓐᓇᖅ, ᓱᓕᓂᖓᓗ ᓴᖅᑭᑎᑕᐅᓗᓂ ᐃᓅᖃᑎᒌᒡᔪᐊᓄᑦ; ᑕᕝᕙ ᓯᓚᕐᔫᑉ ᓇᒡᒐᑖ ᓇᓪᓕᐅᑎᔪᒫᕐᐳᖅ.”

ᒫᑎᐅᓯᐅᑉ ᐊᒡᓚᖏᑦ 28:19

ᑍᒤᒻᒪᑦ ᐃᓅᖃᑎᒌᒡᔪᐊᓄᑦ ᐂᓕᕆᑦᓯ, ᐃᓕᓐᓂᐊᕐᑎᓐᖑᕐᑎᑦᓯᒋᐊᕐᑐᕐᓗᓯ: ᐹᑉᑎᓪᓗᒋᓪᓗ ᐊᑖᑕᐅᑉ ᐃᕐᓂᐅᓪᓗ ᐊᓂᕐᓂᐅᓪᓗ ᐃᑦᔪᕐᓁᑦᑑᑉ ᐊᑎᖓᓂ,

ᒫᑯᓯᐅᑉ ᐊᒡᓚᖏᑦ 16:15

ᔩᓱᓯᐅᑉ ᐅᖃᐅᑎᕔᑦ, “ᐂᓕᕆᑦᓯ ᐱᓐᖑᕐᑎᑕᐅᓯᒪᔪᓄᑦ ᑕᒤᓐᓄᑦ ᐊᔪᕆᕐᑐᐃᓗᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ.

ᓘᑲᓯᐅᑉ ᐊᒡᓚᖏᑦ 1:35

ᐂᖏᓕᐅᑉ ᐅᖃᐅᑎᕚ, “ᐊᓂᕐᓂᐅᑉ ᐃᑦᔪᕐᓁᑦᑑᑉ ᑎᑭᕝᕕᒋᓂᐊᕐᐹᑎᑦ, ᖁᑦᓯᖕᓂᕐᐸᐅᔫᓪᓗ ᐱᔪᓐᓇᕐᓂᖓᑕ ᐅᓕᖕᓂᐊᕐᐹᑎᑦ; ᑍᒤᒻᒪᑦ ᕿᑐᕐᖓᕐᑖᕆᓛᕐᑍᑦ ᐃᑦᔪᕐᓁᓐᓂᕋᕐᑕᐅᔪᒫᕐᐳᖅ, ᒎᑎᐅᑉ ᐃᕐᓂᖓᓂᒃ ᑍᔭᐅᓗᓂ.

ᓘᑲᓯᐅᑉ ᐊᒡᓚᖏᑦ 10:19

ᑕᑯᒋᑦ, ᐱᔪᓐᓇᕐᑎᑕᐅᓂᕐᒥᒃ ᑐᓂᓯᕕᒋᓚᐅᕐᐸᑦᓯ, ᖁᒡᓗᒋᐊᑦ ᓯᑯᐊᕐᐱᐅᓃᓪᓗ ᑐᓪᓕᕋᕈᓐᓇᕐᓗᒋᑦ, ᐊᑭᕋᕐᑐᕐᑎᐅᓪᓗ ᐱᔪᓐᓇᕐᓂᓕᒫᖏᓐᓂᒃ ᓵᓚᖃᕈᓐᓇᖁᓪᓗᓯ; ᓱᓇᒧᓪᓘᓐᓃᑦ ᐋᓐᓂᕐᑕᐅᓂᐊᓐᖏᓚᓯ.

ᓘᑲᓯᐅᑉ ᐊᒡᓚᖏᑦ 24:29

ᑖᒃᑯᐊᒃ ᓄᖅᑲᖁᔨᓕᕐᐴᒃ, ᐅᖃᐅᑎᓪᓗᒍ, “ᐅᕙᑦᑎᓐᓃᓚᐅᕆᑦ, ᐅᓐᓄᓕᓕᕐᒪᑦ ᑖᕐᓯᕙᓪᓕᐊᓕᕐᓗᓂ.” ᔩᓱᓯᐅᑉ ᐃᒡᓗᒧᐊᖃᑎᒋᕚᒃ ᑖᒃᑯᓇᓃᓕᕐᓗᓂ.

ᔪᐊᓇᓯᐅᑉ ᐊᒡᓚᖏᑦ 15:27

ᐃᓕᑦᓯᓗ ᓇᓗᓁᕐᓯᔪᒫᕆᕗᓯ, ᐱᒋᐊᕐᓂᕐᒥᑦ ᓇᔪᕐᓯᒪᒐᑦᓯᓐᖓ.”

ᐋᐴᓯᑕᓖᑦ ᐱᓂᐊᕐᓂᖏᑦ 1:22

ᐱᒋᐊᖃᑕᐅᓯᒪᔪᒥᒃ ᔪᐊᓇᓯᐅᑉ ᐹᑦᑎᑦᓯᖃᑦᑕᓕᕐᓂᖓᓂᑦ ᔩᓱᓯᐅᑉ ᕿᓚᓕᐊᕐᑎᑕᐅᓂᖓ ᑎᑭᓪᓗᒍ, ᑍᒤᑦᑐᒥᒃ ᐃᓚᑖᕆᐊᖃᕐᐳᒍᑦ ᖃᐅᔨᓯᒪᔭᑦᑎᓐᓂᒃ ᓇᓗᓁᕐᓯᔨᐅᖃᑕᐅᖁᓪᓗᒍ ᔩᓱᓯᐅᑉ ᒪᑭᓯᒪᓂᖓᓂᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 1:5

ᔪᐊᓇᓯ ᐹᑉᑎᑦᓯᓚᐅᕐᐳᖅ ᐃᒥᕐᒧᑦ, ᐅᓪᓗᐃᑦ ᒪᒃᑯᐊ ᐅᓄᖏᑦᑐᑦ ᑭᖑᓂᖓᑦᑎᒍᑦ ᐹᑉᑎᑕᐅᓛᕐᐳᓯ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 13:31

ᐅᓪᓗᓂᒡᓗ ᐊᒥᓱᓂᒃ ᓴᖅᑭᖃᑦᑕᓚᐅᕐᐳᖅ ᐃᖏᕐᕋᖃᑎᒋᖃᑦᑕᓚᐅᕐᑕᒥᓄᑦ ᒐᓕᓕᐊᒥᑦ ᔨᕉᓴᓕᒻᒧᑦ, ᑕᑯᓚᐅᕐᑐᑦ ᑕᕝᕙ ᒫᓐᓇ ᓇᓗᓁᕐᓯᔨᐅᓕᕐᐳᑦ ᐃᓄᖕᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 2:32

“ᑖᓐᓇ ᔩᓱᓯ ᒎᑎᐅᑉ ᒪᑭᑎᓚᐅᕐᐹ ᑐᖁᒥᑦ, ᐅᕙᒍᓪᓗ ᑕᒪᑦᑕ ᑕᒪᑐᒥᖓ ᖃᐅᔨᓯᒪᕗᒍᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 22:15

ᑖᑦᓱᒪ ᓇᓗᓁᕐᓯᔨᒋᓂᐊᕐᐹᑎᑦ ᐃᓄᓕᒫᓄᑦ, ᑕᑯᓯᒪᔭᕐᓂᒃ ᑐᓴᕐᓯᒪᔭᕐᓂᒡᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 3:15

ᑐᖁᑕᐅᑎᑦᓯᓚᐅᕐᐳᓯ ᐃᓅᓯᕐᑖᕐᑎᑦᓯᔨᒥᒃ, ᑖᓐᓇ ᒎᑎᐅᑉ ᒪᑭᑎᓚᐅᕐᐹ ᑐᖁᒥᑦ. ᑕᒪᑐᒥᖓ ᖃᐅᔨᓯᒪᓪᓗᑕ ᓇᓗᓁᕐᓯᔨᐅᕗᒍᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 4:33

ᐱᔪᓐᓇᕐᓂᕐᔪᐊᖃᕐᓗᑎᒃ ᐋᐴᓯᑕᓖᑦ ᐅᖃᐅᓯᖃᕐᐳᑦ ᓇᓗᓁᕐᓯᓪᓗᑎᒃ ᐊᑕᓂᐅᑉ ᔩᓱᓯᐅᑉ ᒪᑭᓯᒪᓂᖓᓂᒃ, ᒎᑎᐅᓪᓗ ᓮᒻᒪᕐᑎᑦᓯᓂᕐᔪᐊᖓᑕ ᑕᒪᕐᒥᒃ ᓇᔪᓚᐅᕐᐰᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 5:32

ᐅᕙᒍᓪᓗ ᑕᑯᓚᐅᕐᑐᒍ ᐅᖃᐅᓯᖃᕐᐳᒍᑦ ᑕᒪᒃᑯᓂᖓ, ᐃᓚᖃᕐᓗᑕ ᐊᓂᕐᓂᖕᒥᒃ ᐃᑦᔪᕐᓁᑦᑐᒥᒃ ᒎᑎᐅᑉ ᑐᓂᕐᕈᑎᒋᓯᒪᔭᖓᓂᒃ ᒪᓕᒃᑎᒥᓄᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 6:8

ᓯᑎᐹᓇᓯ, ᒎᑎᐅᑉ ᓮᒻᒪᕐᑎᑦᓯᓂᖓᓂᒃ ᐱᔪᓐᓇᕐᓂᖓᓂᒡᓗ ᐃᓗᒻᒥᕐᑕᐅᓯᒪᔪᖅ, ᑲᒪᓇᕐᑐᓕᓚᐅᕐᐳᖅ ᓇᓗᓁᒃᑯᑕᕐᔪᐊᓂᒃ ᐱᓇᓱᐊᕐᓗᓂ ᐃᓄᐃᑦ ᑕᒃᑯᐊᓐᓂ.

ᕉᒪᒥᐅᓄᑦ 10:18

ᐊᐱᕆᕗᖓᓕ, ᑐᓴᓚᐅᓐᖏᓛᑦ? ᐃᓛᒃ ᑐᓴᓪᓚᕆᒃᓯᒪᕗᑦ; ᐊᒡᓔᑦ ᐅᖃᕐᒪᑕ: “ᓂᐱᖏᑦ ᓄᓇᕐᔪᐊᓕᒫᒧᑦ ᑎᑭᐅᑎᕗᑦ, ᐅᖃᐅᓯᖏᓪᓗ ᓯᓚᕐᔪᐊᑉ ᐃᓱᐊᓄᑦ ᑎᑭᑉᐳᑦ.”

ᕉᒪᒥᐅᓄᑦ 15:19

ᓇᓗᓁᒃᑯᑍᑦ ᑲᒪᓇᕐᑐᓕᓃᓪᓗ ᐱᔪᓐᓇᕐᓂᖏᑎᒍᑦ, ᐊᓂᕐᓂᐅᓪᓗ ᐃᑦᔪᕐᓁᑦᑑᑉ ᐱᔪᓐᓇᕐᓂᖓᒍᑦ, ᔨᕉᓴᓕᒻᒥᑦ ᐱᒋᐊᕐᓗᖓ ᐃᓔᕆᑲᒻ ᑎᑭᓪᓗᒍ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᙭ᔅᑑᓯᒥᒃ ᐅᖃᐅᓯᖃᕐᓯᒪᕗᖓ ᑕᒤᓐᓄᑦ.

ᑯᓘᓯᐊᒥᐅᓄᑦ 1:23

ᑲᔪᓯᓂᐊᕈᑦᓯ ᐅᒃᐱᕐᓂᑦᓯᓐᓂ, ᑐᓐᖓᕕᖃᑦᓯᐊᕐᓗᓯ ᐊᐅᓚᖏᑦᓯᐊᕐᑐᒥᒃ, ᓴᖑᑎᑕᐅᔪᓐᓃᕐᓗᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᑦ ᑐᓴᓚᐅᕐᑕᑦᓯᓐᓂᑦ, ᑕᒪᓐᓇ ᐅᖃᐅᓯᖅ ᑐᓴᕈᒥᓇᕐᑐᖅ ᐱᑦᔪᑎᒋᓪᓗᒍ ᐅᕙᖓ ᐸᐅᓗᓯ, ᐱᔨᓐᖑᕐᑎᑕᐅᓯᒪᕗᖓ; ᑕᒪᓐᓇᓗ ᐅᖃᐅᓯᖅ ᑐᓴᕈᒥᓇᕐᑐᖅ ᐊᔪᕆᕐᑐᐃᑦᔪᑕᐅᓯᒪᓕᕐᐳᖅ ᓯᓚᕐᔪᐊᕐᒥᐅᓕᒫᓄᑦ.