ᐋᐴᓯᑕᓖᑦ ᐱᓂᐊᕐᓂᖏᑦ 1:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐋᐴᓯᑕᓖᑦ ᑲᑎᒪᒐᒥᒃ ᔩᓱᓯᒥᒃ ᐃᓚᖃᕐᓗᑎᒃ ᐊᐱᕆᕚᑦ, “ᐊᑕᓃᖅ ᒫᓐᓇᐅᔪᖅ ᐃᓴᕆᐊᓕᒥᐅᑦ ᐊᖓᔪᖅᑲᐅᕕᖓ ᐱᒋᐊᕐᑎᒃᑲᓐᓂᕐᓂᐊᕐᐱᐅᒃ?”

ᐋᐴᓯᑕᓖᑦ ᐱᓂᐊᕐᓂᖏᑦ 1:6 Iomraidhean Croise

ᒨᓯᓯ ᓯᕗᓪᓖᑦ 49:10

ᐊᖓᔪᖅᑳᕐᔪᐊᑉ ᐱᔪᓐᓇᐅᑎᖓᑕ ᓇᓗᓁᒃᑯᑕᖓ ᔫᑕᒥᑦ ᕿᒪᕉᑎᓂᐊᓐᖏᓚᖅ, ᐊᐅᓚᑦᓯᔨᐅᓪᓗ ᐊᔭᐅᑉᐱᐊᖓ ᐃᑎᒐᖏᑕ ᐊᑯᕐᖓᓐᓂᑦ ᐲᕐᑕᐅᓂᐊᖏᓐᓂᕗᖅ, ᐊᖓᔪᖅᑳᕐᔪᐊᖅ ᐱᖁᑎᓕᒃ ᑎᑭᓚᐅᖅᑳᕐᑎᓐᓇᒍ; ᑖᓐᓇ ᐃᓄᖕᓄᑦ ᐅᐱᒋᔭᐅᔪᒫᕐᐳᖅ ᓈᓚᒃᑕᐅᔪᒫᕐᓗᓂᓗ.

ᐂᓮᐊᓯᐅᑉ ᐊᒡᓚᖏᑦ 1:26

ᐃᖅᑲᕐᑐᐃᑦᓯᐊᕐᑐᓂᒡᓗ ᓯᕗᓪᓕᕐᑎᓂᒃ ᐅᑎᕐᑎᑦᓯᓂᐊᕐᐳᖓ, ᐅᖃᐅᑦᔪᐃᔨᓂᒡᓗ ᓯᕗᓪᓕᕐᑎᑐᑦ ᑍᒤᑦᑐᓂᒃ. ᑕᒪᑐᒪ ᑭᖑᓂᖓᒍᑦ ᐅᖃᐅᓯᐅᓕᕈᒫᕐᐳᓯ ᐃᒡᓗᒐᓴᒡᔪᐊᓂᒃ ᓇᓛᒎᑦᓯᐊᕐᑐᓂᒃ, ᐃᒡᓗᒐᓴᒡᔪᐊᓂᒃ ᐱᓂᐊᕐᓂᕐᒥᖕᓂᒃ ᓴᖑᓂᐊᖏᑦᑐᓂᒃ.

ᔨᕆᒤᐊᐅᑉ ᐊᒡᓚᖏᑦ 33:26

ᑍᒫᒃᑕᐅᖅ ᔧᑰᑉ ᑭᖑᕚᖏᑦ ᖁᔭᓈᕋᔭᓚᐅᕐᐸᒃᑲ, ᑍᕕᑎᐅᓪᓗ ᐱᔨᒋᔭᒪ ᐃᕐᓂᖏᓐᓂᑦ ᐱᓯᒪᔪᒥᒃ ᐂᑉᕋᕼᐋᒻᑯᑦ, ᐂᓴᑭᒃᑯᑦ, ᔧᑯᒃᑯᓪᓗ ᐊᐅᓚᑦᓯᔨᒃᓴᖃᕋᔭᓚᐅᓐᖏᓚᑦ, ᑖᒃᑯᐊ ᒪᑭᑎᑦᓱᒫᕋᒃᑭᑦ ᓂᑲᒋᓪᓗᒋᓪᓗ.”

ᑖᓂᐊᓕᐅᑉ ᐊᒡᓚᖏᑦ 7:27

ᐊᖓᔪᖅᑲᐅᓂᖅ, ᐱᔪᓐᓇᕐᓂᕐᓗ, ᐊᖏᔫᓂᕐᓗ ᐊᑕᓂᐅᕕᖕᒥᑦ ᐱᔪᑦ ᕿᓚᐅᑉ ᐊᑖᓃᑦᑐᓕᒫᑦ ᑐᓂᔭᐅᔪᒫᕐᐳᑦ ᖁᑦᓯᖕᓂᕐᐹᑉ ᐃᑦᔪᕐᓁᑦᑐᖁᑎᖏᓐᓄᑦ, ᑖᑦᓱᒪ ᐊᑕᓂᐅᕕᖓ, ᐃᓱᖃᖏᑦᑐᒧᑦ ᐊᖓᔪᖅᑲᐅᓂᐅᔪᒫᕐᐳᖅ, ᐊᖓᔪᖅᑳᕐᔪᐊᓕᒫᓪᓗ ᐱᔨᑦᓯᕈᒫᕐᐹᑦ ᓈᓚᒡᓗᒍᓗ.’

ᕼᐆᓯᐊᑉ ᐊᒡᓚᖏᑦ 3:4

ᑍᒫᒃᑕᐅᖅ ᐃᓴᕆᐊᓕᐅᑉ ᐃᓄᖏᑦ ᐃᓅᔭᕆᐊᖃᕈᒫᕐᐳᑦ ᐊᑯᓂ ᐊᖓᔪᖅᑳᕐᔪᐊᖃᖏᓪᓗᑎᒃ ᓯᕗᓕᕐᑎᖃᖏᓪᓗᑎᒡᓗ, ᑐᓂᕐᕈᓯᖃᑦᑕᖏᓪᓗᑎᒃ ᐅᔭᕋᖕᓂᒡᓗ ᓇᐸᔪᓂᒃ ᐊᑐᖏᓪᓗᑎᒃ, ᒎᑎᓐᖑᐊᓂᒡᓘᓐᓃᑦ ᖃᐅᔨᓇᓱᐊᕈᑕᐅᕙᒃᑐᓂᒃ ᐊᑐᖏᓪᓗᑎᒃ.

ᐂᒨᓯᐅᑉ ᐊᒡᓚᖏᑦ 9:11

ᐊᑕᓂᖅ ᐅᖃᕐᐳᖅ, “ᐅᓪᓗᒥ ᑍᑲᓂ ᑍᕕᑎᐅᑉ ᐊᖓᔪᖅᑲᐅᕕᖓ ᑲᑕᒃᓯᒪᔪᖅ ᖃᕝᕕᕐᑎᑦᓱᒫᕐᐸᕋ, ᓱᕋᒃᓯᒪᔪᓪᓗ ᐊᖅᑭᒃᓲᕐᓗᒋᑦ, ᐅᕐᕈᓯᒪᔪᓪᓗ ᒪᑭᑎᓪᓗᒋᑦ, ᐱᐅᓯᕆᓚᐅᕐᓯᒪᔭᖏᑎᑐᓪᓗ ᐅᑎᕐᑎᓪᓗᒋᑦ.

ᒤᑲᐅᑉ ᐊᒡᓚᖏᑦ 5:2

“ᐃᕝᕕᓪᓕ ᐱᑦᓕᐊᒻ ᐃᐸᕋᑕ, ᔫᑕᒥᐅᓂᑦ ᒥᑭᓐᓂᕐᐹᖑᒐᓗᐊᕐᑐᑎᑦ, ᐃᓕᖕᓂᑦ ᐱᔪᒫᕐᐳᖅ ᐊᐅᓚᑦᓯᔨᒃᓴᖅ, ᐃᓴᕆᐊᓕᒥᐅᓂᒃ ᐊᐅᓚᑦᓯᔨᐅᔪᒫᕐᑐᖅ, ᐃᓚᒌᓂᑦ ᑍᑦᓱᒪᓂᐊᓗᖕᓂᑦ ᐱᔪᒥᒃ ᐃᓱᖃᖏᑦᑐᒥᑦ.”

ᓴᑲᕅᐊᐅᑉ ᐊᒡᓚᖏᑦ 9:9

ᖁᕕᐊᓱᕕᒡᔪᐊᕆᑦᓯ, ᓮᐅᓂᐅᑉ ᐸᓂᐊ! ᕾᒐᓛᕆᑦ ᔨᕉᓴᓕᐅᑉ ᐸᓂᐊ! ᑕᑯᒋᑦ, ᐊᖓᔪᖅᑳᕐᔪᐊᓯ ᑎᑭᓕᕐᒪᑦ ᐃᓕᑦᓯᓐᓄᑦ! ᑖᓐᓇ ᐱᓂᐊᕐᓂᒥᒍᑦ ᐊᑦᔨᒌᒃᑎᑦᓯᔪᖅ, ᐱᐅᓕᔭᐅᓂᕐᒥᒡᓗ ᐱᖃᕐᓗᓂ; ᒥᑭᒡᓕᑎᕐᓯᒪᕗᖅ, ᓯᐅᑎᖅᑯᕐᑐᔪᒥ ᐃᑭᒪᓪᓗᓂ, ᓯᐅᑎᖅᑯᕐᑐᔫᑉ ᓄᕐᕋᖓᓂ.

ᒫᑎᐅᓯᐅᑉ ᐊᒡᓚᖏᑦ 17:11

ᔩᓱᓯᐅᑉ ᑭᐅᕔᑦ, “ᐃᓛᒃ ᐃᓔᑦᔭ ᓯᕗᓪᓕᐅᓪᓗᓂ ᑎᑭᓯᒪᕗᖅ, ᑖᑦᓱᒪ ᑕᒪᕐᒥᒃ ᐅᐸᓗᖕᒊᔭᕐᓂᐊᕐᐰᑦ,

ᒫᑎᐅᓯᐅᑉ ᐊᒡᓚᖏᑦ 20:21

ᔩᓱᓯᐅᑉ ᐅᖃᐅᑎᕚ, “ᓱᓇᒥᒃ ᐱᔪᒪᕖᑦ?” ᐊᕐᓇᖅ ᐅᖃᕐᐳᖅ, “ᐱᖁᔨᓚᐅᕆᑦ ᐊᖓᔪᖅᑳᕐᔪᐊᓐᖑᕈᕕᑦ ᐅᑯᐊᒃ ᐃᕐᓃᒃᑲᒃ ᐃᒃᓯᕙᖁᓗᒋᒃ ᐊᑕᓂᐅᕕᖕᓂ ᐂᑉᐸᖓ ᑕᓕᕐᐱᖕᓂ ᐂᑉᐸᖓᓗ ᓴᐅᒥᖕᓂ.”

ᒫᑎᐅᓯᐅᑉ ᐊᒡᓚᖏᑦ 24:3

ᔩᓱᓯ ᐃᖏᒻᒪᑦ ᖃᖅᑲᒧᑦ ᐅᕐᓱᒃᓴᐅᔪᓐᓇᕐᑐᓂᒃ ᐸᐅᕐᖓᖅᑲᓲᓂᒃ ᓇᐹᕐᑐᓕᖕᒧᑦ, ᐃᓕᓐᓂᐊᕐᑎᖏᑕ ᐅᐸᒃᐹᑦ ᑖᒃᑯᑐᐊᖑᓪᓗᑎᒃ, ᐊᐱᕆᓪᓗᒍ, “ᐅᖃᐅᑎᓚᐅᕐᑎᒍᑦ, ᑕᒪᒃᑯᐊ ᖃᖓ ᓇᓪᓕᐅᑎᔪᒫᕐᐸᑦ ᖃᓄᖅ ᑎᑭᕝᕕᒃᓮᑦ ᓇᓗᓁᒃᑯᑕᖃᕈᒫᕐᐸ? ᓄᓇᕐᔪᐊᓪᓗ ᐃᓱᓕᕝᕕᒃᓴᖓ?”

ᒫᑯᓯᐅᑉ ᐊᒡᓚᖏᑦ 9:12

ᔩᓱᓯᐅᑉ ᐅᖃᐅᑎᕔᑦ, “ᐄᓛᒃ ᐃᓔᑦᔭ ᓯᕗᓪᓕᐅᓪᓗᓂ ᑎᑭᑦᓴᕇᓚᐅᕐᐳᖅ ᐃᓘᓐᓇᖏᓐᓂᒃ ᐊᑐᐃᓐᓇᕈᐃᓪᓗᓂ; ᖃᓄᕐᓕ ᐊᒡᓔᑦ ᐅᖃᕐᐸᑦ ᐃᓅᑉ ᐃᕐᓂᖓᓂᒃ, ᐅᓄᕐᑐᓄᑦ ᐋᓐᓂᐊᑎᑕᐅᔪᒫᕐᓂᖓᓂᒃ ᓇᕐᕈᒋᔭᐅᔪᒫᕐᓂᖓᓂᒡᓗ?

ᓘᑲᓯᐅᑉ ᐊᒡᓚᖏᑦ 17:20

ᐹᕆᓯᑦ ᐃᓚᖏᑕ ᔩᓱᓯ ᐊᐱᕆᕚᑦ ᖃᖓ ᒎᑎᐅᑉ ᐊᑕᓂᐅᕕᖓ ᑎᑭᓐᓂᐊᕐᒪᖔᑦ, ᔩᓱᓯᐅᑉ ᑭᐅᕔᑦ, “ᒎᑎᐅᑉ ᐊᑕᓂᐅᕕᖓ ᓇᓗᓁᒃᑯᑕᒃᑯᑦ ᑕᑯᒃᓴᐅᔭᕐᑐᕐᓗᓂ ᑎᑭᓐᓂᐊᓐᖏᓚᖅ.

ᓘᑲᓯᐅᑉ ᐊᒡᓚᖏᑦ 19:11

ᐃᓄᐃᑦ ᑕᒪᑐᒥᖓ ᓈᓚᒃᑎᓪᓗᒋᑦ, ᔩᓱᓯᐅᑉ ᐅᓂᒃᑲᐅᑎᕔᑦ ᐊᑦᔨᐅᔪᒥᒃ, ᔨᕉᓴᓕᒻᒧᑦ ᖃᒡᓕᒐᒥᒃ, ᐃᓄᐃᑦ ᐃᓱᒪᖕᒪᑕ ᒎᑎᐅᑉ ᐊᑕᓂᐅᕕᖓ ᒫᓐᓇᒃᑯᑦ ᓴᖅᑭᑦᓴᐅᑎᒋᓂᐊᕋᓱᒋᓕᕐᓗᒍ.

ᓘᑲᓯᐅᑉ ᐊᒡᓚᖏᑦ 22:29

ᐊᑖᑕᒪ ᑐᓂᓯᕕᒋᓚᐅᕐᒪᖓ ᐊᐅᓚᑦᓯᔪᓐᓇᕐᓂᕐᒥᒃ, ᑍᒫᒃᑕᐅᖅ ᑐᓂᓯᕕᒋᔪᒪᕙᑦᓯ ᐊᐅᓪᓚᑦᓯᔪᓐᓇᕐᓂᕐᒥᒃ ᐊᑕᓂᐅᕕᖕᒥ,

ᔪᐊᓇᓯᐅᑉ ᐊᒡᓚᖏᑦ 21:21

ᐲᑦᑐᕉᓯᐅᑉ ᑕᑯᒐᒥᐅᒃ, ᔩᓱᓯ ᐅᖃᐅᑎᕚ, “ᐊᑕᓃᖅ ᐅᓇᓕ ᐊᖑᑦ ᖃᓄᐃᓕᖓᓂᐊᕐᐹ?”