ᐋᐴᓯᑕᓖᑦ ᐱᓂᐊᕐᓂᖏᑦ 1:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐃᒡᓗᒐᓴᒡᔪᐊᓄᑦ ᐃᑎᕋᒥᒃ, ᐃᒡᓘᑉ ᖁᓛᓃᑦᑐᒧᑦ ᓇᔪᒐᕐᒥᖕᓄᑦ ᐃᑎᕐᐳᑦ, ᐲᑦᑐᕉᓯ ᔪᐊᓇᓯ ᔧᒥᓯ ᐋᓐᑐᕉᓗ, ᐱᓕᑉᐴᓯ ᑑᒪᓯᓗ, ᐸᑎᐅᓗᒥᐅ ᒫᑎᐅᓯᓗ, ᔧᒥᓯᓗ ᐊᐅᓪᐱᐊᓯᐅᑉ ᐃᕐᓂᖓ ᓮᒨᓂᓗ ᕉᒪᒥᐅᓂᒃ ᐊᑭᓂᐊᕐᑎᒥᒃ ᑍᔭᐅᔪᖅ, ᔫᑕᓯᓗ ᔧᒥᓯᐅᑉ ᐃᕐᓂᖓ.

ᐋᐴᓯᑕᓖᑦ ᐱᓂᐊᕐᓂᖏᑦ 1:13 Iomraidhean Croise

ᒫᑎᐅᓯᐅᑉ ᐊᒡᓚᖏᑦ 9:9

ᔩᓱᓯ ᑕᕝᕙᓐᖓ ᕿᒪᕉᑎᓕᕐᓗᓂ, ᑕᑯᕗᖅ ᕉᒪᒥᐅᑦ ᑮᓇᐅᔧᕐᑎᑦᓯᔨᖁᑎᖓᓐᓂᒃ, ᒫᑎᐅᓯᒥᒃ ᐊᑎᓕᖕᒥᒃ, ᐱᓇᓱᐊᕐᕕᖕᒥᓂ ᐃᒃᓯᕙᔪᒥᒃ; ᐅᖃᐅᑎᕚ, “ᒪᓕᓐᖓ.” ᓂᑯᕕᓐᓇᒥ, ᔩᓱᓯ ᒪᓕᓕᕐᐹ.

ᒫᑯᓯᐅᑉ ᐊᒡᓚᖏᑦ 14:15

ᑕᕝᕙ ᑖᑦᓱᒪ ᐃᒡᓗᖃᕐᑑᑉ ᑕᑯᑎᓐᓂᐊᕐᐹᓯᒃ ᐃᒡᓘᑉ ᖁᓛᓂ ᓂᕈᑐᔪᒥᒃ ᐋᖅᑭᒃᓱᕐᓯᒪᔪᒥᒃ ᓱᓇᑐᐃᓐᓇᖃᑦᓯᐊᕐᑐᒥᒃ; ᑕᕝᕙᓂ ᐊᑐᐃᓐᓇᕈᐃᓂᐊᕐᐳᓯᒃ ᓂᕆᔭᒃᓴᑦᑎᓐᓂᒃ.”

ᒫᑯᓯᐅᑉ ᐊᒡᓚᖏᑦ 14:33

ᐲᑦᑐᕉᓯ ᔧᒥᓯᓗ, ᔪᐊᓇᓯᓗ, ᑖᒃᑯᐊᑐᐊᖅ ᒪᓕᒃᑎᑉᐰᑦ, ᔩᓱᓯ ᐅᖃᒤᒃᓴᕐᓂᕐᒧᑦ ᐊᒃᓱᕈᕐᓇᕐᑐᒦᓕᕐᐳᖅ.

ᒫᑯᓯᐅᑉ ᐊᒡᓚᖏᑦ 2:14

ᐱᓱᒃᓗᓂ, ᑕᑯᓕᕆᕗᖅ ᓕᕔᒥᒃ ᐊᐅᓪᐱᐊᓯᐅᑉ ᐃᕐᓂᖓᓂᒃ ᑖᒃᓰᔧᕕᖕᒥ ᐱᓇᓱᐊᕐᕕᖕᒥᓂ ᐃᒃᓯᕙᔪᒥᒃ, ᔩᓱᓯᐅᑉ ᐅᖃᐅᑎᕚ, “ᒪᓕᓐᖓ.” ᑖᓐᓇ ᒪᑭᓐᓇᒥ ᔩᓱᓯ ᒪᓕᓕᕐᐹ.

ᒫᑯᓯᐅᑉ ᐊᒡᓚᖏᑦ 5:37

ᑕᕝᕙ ᑭᓇᒃᑯᑐᐃᓐᓇᕐᓂᒃ ᒪᓕᖁᔨᔪᓐᓃᕐᐳᖅ ᐲᑦᑐᕉᓯ ᔧᒥᓯᑯᒡᓗ ᔪᐊᓇᓯᑯᒃ ᓄᑲᕇᒃ ᒪᓕᖁᔭᑐᐊᕆᕔᑦ.

ᒫᑯᓯᐅᑉ ᐊᒡᓚᖏᑦ 9:2

ᐅᓪᓗᐃᑦ ᐱᖓᓲᔪᕐᑐᑦ ᑭᖑᓂᖓᒍᑦ ᔩᓱᓯᐅᑉ ᐲᑦᑐᕉᓯ ᔧᒥᓯᓗ ᔪᐊᓇᓯᓗ, ᐃᓚᒋᓪᓗᒋᑦ ᖃᖅᑲᒧᑦ ᐳᕐᑐᔪᒧᑦ ᒪᔪᕋᕐᐳᑦ ᑖᒃᑯᑑᓪᓗᑎᒃ; ᑕᑯᓐᓈᕐᑎᓪᓗᒋᑦ ᔩᓱᓯᐅᑉ ᑕᐅᑦᑐᐊ ᐊᓯᑦᔨᕐᑕᐅᕗᖅ,

ᓘᑲᓯᐅᑉ ᐊᒡᓚᖏᑦ 22:12

ᑖᑦᓱᒪ ᑕᑯᑎᓐᓂᐊᕐᐹᓯᒃ ᐃᒡᓗᕈᓯᕐᒥᒃ ᐊᖏᔪᒥᒃ ᐊᑐᐃᓐᓇᕐᒥᒃ ᐃᒡᓘᑉ ᖁᓛᓃᑦᑐᒥᒃ; ᑕᕝᕙᓂ ᐋᖅᑭᒃᓱᐃᓂᐊᕐᐳᓯᒃ ᓂᕆᕕᒋᓂᐊᕐᑕᑦᑎᓐᓂᒃ.”

ᔪᐊᓇᓯᐅᑉ ᐊᒡᓚᖏᑦ 11:16

ᑑᒪᓯ, ᒪᕐᕈᓕᐊᕕᓂᕐᒥᒃ ᑍᔭᐅᕙᒃᑐᖅ, ᐃᓕᓐᓂᐊᕐᑎᐅᖃᑎᒥᓄᑦ ᐅᖃᕐᐳᖅ, “ᑕᒪᑦᑕ ᒪᓕᓕᕐᓚᕗᑦ, ᑐᖁᖃᑎᒋᓂᐊᕋᑦᑎᒍ.”

ᔪᐊᓇᓯᐅᑉ ᐊᒡᓚᖏᑦ 14:22

ᔫᑕᓯᐅᑉ ᐅᖃᐅᑎᕚ (ᐃᔅᑲᕆᐊᑎᐅᖏᑦᑑᑉ), “ᐊᑕᓃᖅ, ᓱᖕᒪᑦ ᐃᓕᖕᓂᒃ ᖃᐅᔨᔭᐅᑎᑦᓱᒪᕕᑦ ᐅᕙᑦᑎᓐᓄᑦ, ᓯᓚᕐᔪᐊᕐᒥᐅᓄᓪᓗ ᖃᐅᔨᔭᐅᑎᑦᓱᒪᓇᒃ?”

ᔪᐊᓇᓯᐅᑉ ᐊᒡᓚᖏᑦ 18:17

ᑕᕝᕙ ᐊᕐᓇᖅ ᐃᑎᕐᑕᕐᕕᐅᑉ ᐅᒃᑯᐊᖓᓂ ᑲᒪᔨ ᐲᑦᑐᕉᓯᒧᑦ ᐅᖃᕐᐳᖅ, “ᑖᑦᓱᒪ ᐃᓕᓐᓂᐊᕐᑎᖏᓐᓄᑦ ᐃᓚᒋᔭᐅᓐᖏᓚᑏᑦ?” ᐲᑦᑐᕉᓯᐅᑉ ᑭᐅᕚ, “ᐃᓚᒋᔭᐅᓐᖏᓚᖓ.”

ᔪᐊᓇᓯᐅᑉ ᐊᒡᓚᖏᑦ 21:2

ᑲᑎᓐᖓᓚᐅᕐᐳᑦ ᐅᑯᐊ ᓮᒨᓂ ᐲᑦᑐᕉᓯ, ᑑᒪᓯᓗ ᒪᕐᕈᓕᐊᕕᓂᕐᒥᒃ ᑍᔭᖅ, ᓈᑕᓁᓗ ᑬᓇᒥᑦ ᒐᓕᓕᐊᒦᑦᑐᒥᑦ ᐱᓯᒪᔪᖅ, ᓯᐱᑎᐅᓪᓗ ᐃᕐᓂᖏᒃ ᒪᕐᕉᒃ, ᐊᓯᖏᒡᓗ ᒪᕐᕉᒃ ᔩᓱᓯᐅᑉ ᐃᓕᓐᓂᐊᕐᑎᖏᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 12:17

ᐲᑦᑐᕉᓯ ᐃᓵᒡᓗᓂ ᓂᐸᖏᖁᕔᑦ, ᐅᓂᒃᑳᕐᕕᒋᕔᓪᓗ ᖃᓄᖅ ᐊᑕᓂᕐᒧᑦ ᐊᓂᑎᑕᐅᓂᕐᒥᓂᒃ ᑎᒍᔭᐅᓯᒪᕕᖕᒥᑦ. ᐅᖃᐅᑎᓪᓗᒋᑦ, “ᔧᒥᓯ ᑕᒪᑐᒥᖓ ᐅᖃᐅᑎᓂᐊᕐᐸᓯ ᐅᒃᐱᕐᑑᖃᑎᒌᓪᓗ,” ᐊᓂᒐᒥ ᐊᓯᐊᓄᐊᓕᕐᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 15:13

ᐅᓂᒃᑳᕆᕐᒪᑎᒡᓕ, ᔧᒥᓯ ᐅᖃᓕᕐᐳᖅ, “ᐃᓅᖃᑎᒃᑲ, ᓈᓚᓚᐅᕐᓯᓐᖓ.

ᐋᐴᓯᑕᓖᑦ ᐱᓂᐊᕐᓂᖏᑦ 2:14

ᐲᑦᑐᕉᓯ ᓂᑯᕕᓪᓗᓂ 11 ᐋᐴᓯᑕᓖᑦ ᐃᓚᒋᓪᓗᒋᑦ, ᓂᐱᖅᑯᕐᑐᓪᓗᓂ ᐅᖃᕐᐳᖅ, “ᔫᑎᐊᒥᐅᑕᐅᔪᓯ ᔨᕉᓴᓕᒻᒥᐅᑕᐅᔪᓯᓗ, ᑐᓵᓚᐅᕆᑦᓯ ᐅᕙᓐᓂᒃ, ᖃᓄᖅ ᑕᒪᓐᓇ ᑐᑭᖃᕐᒪᖔᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 2:38

ᐲᑦᑐᕉᓯᐅᑉ ᐅᖃᐅᑎᕔᑦ, “ᖃᕿᐊᓕᕆᑦᓯ, ᐹᑉᑎᑕᐅᓗᓯᓗ ᑕᒪᑦᓯ ᔩᓱᓯ ᙭ᔅᑑᓯᐅᑉ ᐊᑎᖓᓂ, ᐊᔪᕐᓂᑦᓯᓐᓂᑦ ᐃᓱᒪᒋᔪᓐᓁᕐᕕᐅᖁᓪᓗᓯ; ᐊᓂᕐᓂᐅᑉ ᐃᑦᔪᕐᓁᑦᑑᑉ ᑐᓂᕐᕈᑖᓂᒃ ᐱᓂᐊᕐᐳᓯ ᑕᕝᕙ.

ᐋᐴᓯᑕᓖᑦ ᐱᓂᐊᕐᓂᖏᑦ 20:8

ᐃᒡᓗᒥ ᖁᓕᕇᖕᒦᒃᑲᑦᑕ ᑲᑎᒪᕕᒋᔭᕗᑦ ᖃᐅᒪᑎᑕᐅᕗᖅ ᓇᓂᕈᐊᓄᑦ ᐅᓄᕐᑐᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 4:13

ᑲᑎᒪᔨᕐᔪᐊᑦ ᑲᒪᓂᐊᓕᕐᐳᑦ ᐲᑦᑐᕉᓯᐅᑉ ᔪᐊᓇᓯᐅᓪᓗ ᓯᕘᕋᖏᓐᓂᖏᖕᓂᒃ, ᖃᐅᔨᒪᓪᓗᑎᒡᓗ ᐃᓕᓐᓂᐊᕐᓯᒪᖏᒻᒪᑎᒃ, ᐃᓄᑐᐃᓐᓇᐅᓪᓗᑎᒃ, ᖃᐅᔨᒪᓚᐅᕐᐳᑦ ᔩᓱᓯᒥᒃ ᐃᓚᖃᖃᑦᑕᓚᐅᕐᒪᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 4:19

ᐲᑦᑐᕉᓯᐅᑉ ᔪᐊᓇᓯᐅᓪᓗ ᑭᐅᕔᑦ, “ᐃᓱᒪᒃᓴᕐᓯᐅᓕᕆᑦᓯ, ᓈᒻᒪᖕᒪᖔᑦ ᒎᑎᐅᑉ ᓵᖓᓂ ᐃᓕᑦᓯᓐᓂᒃ ᓈᓚᒃᑯᑦᑕ, ᐅᕝᕙᓘᓐᓃᑦ ᒎᑎᒥᒃ;

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:7

ᐊᒻᒪ ᔧᒥᓯᒧᑦ ᓴᖅᑭᓚᐅᕆᕗᖅ, ᑭᖑᓂᖓᒍᓪᓗ ᐋᐴᓯᑕᓕᖕᓄᑦ ᑕᒤᓐᓄᑦ.

ᒐᓔᑎᐊᒥᐅᓄᑦ 1:19

ᐋᐴᓯᑕᓕᐅᖃᑎᖏᓐᓂᒃ ᑕᑯᓚᐅᓐᖏᓚᖓ ᔧᒥᓯᐅᑉ ᐊᑕᓂᐅᑉ ᓄᑲᖓᑕ ᐊᓯᐊᓂᒃ.

ᒐᓔᑎᐊᒥᐅᓄᑦ 2:9

ᔧᒥᓯ, ᓰᐸᓯᓗ, ᔪᐊᓇᓯᓗ, ᑖᒃᑯᐊ ᐅᒃᐱᕐᑑᖃᑎᒌᓄᑦ ᐊᖓᔪᖅᑳᕆᔭᐅᔪᑦ, ᖃᐅᔨᑦᓯᐊᓚᐅᕐᐳᑦ ᒎᑎᒧᑦ ᐱᔭᒃᓴᖃᕐᑎᑕᐅᓂᓐᓂᒃ ᑕᒪᑐᒥᖓ; ᑍᒤᒻᒪᑦ ᐅᕙᓐᓂᒃ ᐸᕐᓇᐹᓯᒥᒡᓗ ᑎᓕᓯᓚᐅᕐᐳᑦ, ᓇᓗᓁᕐᓯᓪᓗᑎᒃ ᐱᓇᓱᐊᖃᑎᒌᖕᓂᑦᑎᓐᓂᒃ. ᐊᖏᖃᑎᒌᓚᐅᕐᐳᒍᓪᓗ ᐸᓇᐹᓯᓗ ᐅᕙᒍᒃ ᔫᑎᐅᖏᑦᑐᓄᑦ ᐱᓇᓱᐊᕐᓂᐊᕐᓗᓄᒃ ᑍᒃᑯᐊ ᔫᑎᓄᑦ ᐱᓇᓱᐊᕐᓂᐊᕐᓗᑎᒃ.

ᔧᒥᓯᐅᑉ ᐊᒡᓚᖏᑦ 1:1

ᔧᒥᓯ, ᒎᑎᐅᑉ ᐊᑕᓂᑦᑕᓗ ᔩᓱᓯᐅᑉ ᙭ᔅᑑᓯᐅᑉ ᐱᔨᖓ, ᑭᖑᕚᕇᓄᑦ 12ᓄᑦ ᓯᓚᕐᔪᐊᕐᒥ ᓇᓂᑐᐃᓐᓈᕐᑐᓄᑦ; ᑐᓐᖓᓱᒋᑦᓯ.

ᔪᐊᓇᓯᐅᑉ ᐂᑉᐸᖏᑦ 1:1

ᐃᓐᓇᕐᑕᕆᔭᐅᔪᒥᑦ ᐊᕐᓇᒧᑦ ᓂᕈᐊᕐᑕᐅᓯᒪᔪᒧᑦ ᕿᑐᕐᖓᖏᓐᓄᓪᓗ, ᓱᓕᓂᕐᒥ ᓇᒡᓕᒋᔭᓐᓄᑦ, ᐅᕙᖓᑐᐊᖑᖏᑦᑐᕐᓗ ᑕᒤᓐᓂᓪᓕ ᓱᓕᔪᒥᒃ ᖃᐅᔨᓯᒪᔪᓂᑦ ᓇᒡᓕᒋᔭᐅᕗᑎᑦ,

ᔫᑎᐅᑉ ᐊᒡᓚᖏᑦ 1:1

ᔫᑎᒥᑦ, ᔩᓱᓯ ᙭ᔅᑑᓯᐅᑉ ᐱᔨᖓᓂᑦ ᔧᒥᓯᐅᑉ ᓄᑲᖓᓂᑦ, ᑎᑎᕋᕐᐳᖓ ᕾᖁᔭᐅᓯᒪᔪᓄᑦ, ᒎᑎᒥ ᐊᑖᑕᒥ ᓇᒡᓕᖕᓇᕐᑐᓄᑦ ᓴᐳᑎᔭᐅᓯᒪᔪᓄᓪᓗ ᔩᓱᓯ ᙭ᔅᑑᓯᒧᑦ: