4 ᓱᓕᓂᕐᒥᒡᓗ ᓈᓚᒍᓐᓃᕐᓗᑎᒃ ᐅᓂᒃᑳᑐᐃᓐᓇᕐᓄᑦ ᓈᓚᖕᓂᕐᓴᐅᓕᕈᒫᕐᐳᑦ.
ᓯᓔᑦᑐᑦ ᑐᖁᒧᑦ ᑎᑭᑉᐸᒃᐳᑦ ᑲᒪᓐᖏᒧᑦ, ᓯᓔᑦᑐᑦ ᐊᓯᕈᕐᑕᐅᓕᕐᐸᒃᐳᑦ ᓈᒻᒪᒐᓱᒋᓂᕐᒧᑦ.
ᓇᓚᐅᑦᑍᔪᓄᑦ ᐅᖃᖃᑦᑕᕐᐳᑦ, “ᓱᓕᔪᓂᒃ ᓇᓚᐅᑦᑍᓂᐊᕋᓯ ᐅᕙᑦᑎᓐᓄᑦ, ᐅᖃᐅᑦᔪᐃᖃᑦᑕᓚᐅᕆᑦᓯ ᑐᓴᕈᒪᔭᑦᑎᓐᓂᒃ ᐊᑐᓪᓚᕆᒍᒫᖏᑦᑐᓂᒃ ᐅᕙᑦᑎᓐᓄᑦ.
ᐃᓄᖁᑎᒃᑲᓕ ᓈᓚᒍᒪᓚᐅᓐᖏᓚᑦ; ᐅᕙᓐᓂᒡᓗ ᑐᓄᑦᓯᕗᑦ ᓯᐅᑎᑎᒃ ᒪᑐᓪᓗᒋᑦ.
ᐃᓱᒪᖏᑦ ᑭᒡᓕᖃᑦᓯᐊᕐᑎᑦᓯᔪᓐᓃᕐᒪᑕ, ᓯᐅᑎᖏᓪᓗ ᑐᓵᑦᓯᐊᕈᓐᓃᕐᓗᑎᒃ. ᓯᑯᓐᖏᖓᓪᓗᑎᒡᓗ, ᓯᑯᓐᖏᖏᒃᑯᑎᒃ ᑕᑯᑐᐃᓐᓇᕆᐊᖃᕋᒥᒃ, ᓯᐅᑎᒥᖕᓄᓪᓗ ᑐᓵᑐᐃᓐᓇᕆᐊᖃᕋᒥᒃ, ᐆᒻᒪᑎᒥᒍᓪᓗ ᑐᑭᓯᑐᐃᓐᓇᕆᐊᖃᕋᒥᒃ, ᐅᕙᓐᓄᓪᓗ ᓵᒋᐊᑐᐃᓐᓇᕆᐊᖃᕋᒥᒃ ᐅᕙᖓᓗ ᐋᖅᑭᒃᑲᔭᕐᐸᒃᑲ.’
ᓂᐱᖅᑯᕐᑐᓪᓗᑎᒃ ᓂᓪᓕᐊᓕᕐᐳᑦ ᓯᐅᑎᑎᒃ ᒪᑐᓪᓗᒋᑦ, ᑕᒪᕐᒥᒃ ᐅᐸᒃᑐᕐᐳᑦ ᓯᑎᐹᓇᓯᒧᑦ.
ᑍᒤᒻᒪᑦ ᒎᑎᐅᑉ ᑎᓕᓯᕕᒋᔪᒫᕐᐰᑦ ᑕᒻᒪᕐᓇᕐᑐᕐᔪᐊᑦ ᐱᔪᓐᓇᕐᓂᖓᓂᒃ ᐱᓇᓱᐊᕐᕕᐅᖁᓪᓗᒋᑦ, ᓱᓕᖏᑦᑐᓂᒡᓗ ᐅᒃᐱᓕᖁᓪᓗᒋᑦ.
ᐅᓂᒃᑳᕐᑐᐊᓂᒃ ᑭᖑᕚᖑᖃᑎᒌᓪᓗ ᑭᓇᒃᑰᓂᖏᒃᓂᒃ ᐱᓇᓱᐊᑐᐃᓐᓇᖁᓇᒋᑦ ᐅᓄᕐᑐᐊᓗᖕᓂᒃ ᐅᖃᓪᓚᑐᐃᓐᓇᖃᑦᑕᖁᖏᓪᓗᒋᑦ, ᑕᒪᒃᑯᐊ ᓇᓚᐅᑦᑖᕐᑎᑦᓯᑐᐃᓐᓇᕐᒪᑕ; ᒎᑎᒥᑦ ᐱᔪᓂᒃ ᐱᓇᓱᐊᕐᑎᑦᓯᓇᑎᒃ, ᐅᒃᐱᕐᓂᑯᑦ ᐃᓕᓐᓂᐊᕐᓂᐅᒐᔭᕐᑐᓂᒃ.
ᐅᓂᒃᑳᕐᑐᐊᑦ ᒎᑎᒥᒃ ᐃᓱᒪᑎᑦᓯᖏᑦᑐᑦ ᑲᒪᒋᓂᐊᕐᓇᒋᑦ. ᐅᒃᐱᕐᓂᕐᒥᓕ ᐃᓅᓯᒃᓴᐅᔪᓐᓇᕐᑐᓂᒃ ᐃᓕᓐᓂᐊᖔᖃᑦᑕᕆᑦ.
ᑎᒧᑏ, ᐃᓕᖕᓄᑦ ᐱᓯᒪᖁᔭᐅᓯᒪᔪᖅ ᐱᓯᒪᑦᓯᐊᕈᒃ. ᐅᖄᕈᓘᔭᕐᓃᑦ ᓯᓔᑦᑐᑦ ᖃᐅᔨᒪᓂᐅᓂᕋᕐᑕᐅᔪᕐᓗ ᓱᓕᖏᑦᑐᖅ ᐃᓚᐅᕕᒋᖏᓪᓗᒍ,
ᖃᐅᔨᒪᒐᕕᑦ ᐂᓯᐊᒦᑦᑐᓕᒫᑦ ᐅᕙᓐᓂᒃ ᖁᔭᓈᕐᓯᓯᒪᓕᕐᒪᑕ, ᐅᑯᐊ ᐃᓚᒋᓪᓗᒋᑦ ᐱᒋᓕᐅᓯ ᕼᐋᕐᒧᒋᓃᓯᓗ.
ᔫᑎᑦ ᐅᓂᒃᑳᕐᑐᐊᖏᓐᓂᒃ ᑐᓐᖓᕕᖃᕈᓐᓃᕐᓗᑎᒃ, ᐃᓄᑐᐃᓐᓁᓪᓗ ᐋᖅᑭᒃᓯᒪᔭᖏᓐᓂᒃ ᓱᓕᓂᕐᒥᒃ ᖁᔭᓈᕐᓯᓯᒪᔪᓂᒃ.
ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᐃᓚᒋᔭᐅᒋᑦᓯ ᑕᒪᑦᓯ. ᐋᒥᓐ.
ᐅᓂᒃᑲᐅᓯᑐᐃᓐᓇᕐᓂᒃ ᒪᓕᓚᐅᓐᖏᓚᒍᑦ ᐃᓕᑦᓯᓐᓄᑦ ᐅᖃᐅᓯᖃᕐᑎᓪᓗᑕ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᐱᔪᓐᓇᕐᓂᖃᕐᓗᓂ ᑎᑭᑦᓱᒫᕐᓂᖓᓂᒃ, ᓇᖕᒥᓂᖅ ᑕᑯᓯᒪᒐᑦᑎᒍ ᑕᑯᒥᓇᕐᓂᕐᔪᐊᖓ.
