12 ᑍᑭᑰᓯᓗ ᐃᐱᓲᓯᒧᑦ ᑎᓕᓚᐅᕐᐸᕋ.
ᐃᐱᓲᓯᒧᑦ ᑎᑭᓐᓇᒥᒃ ᐃᓚᓂ ᐳᕆᓯᓚ ᐊᑯᐃᓚᓗ ᕿᒪᒃᐹᒃ; ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓄᐊᕐᓗᓂ, ᔫᑎᑦ ᐅᖃᖃᑎᒋᕔᑦ.
ᕿᒪᓕᕋᒥᒋᑦ ᐅᖃᐅᑎᕔᑦ, “ᒎᑎ ᐱᖁᔨᒃᐸᑦ ᐃᓕᑦᓯᓐᓄᑦ ᐅᑎᓛᕆᕗᖓ.” ᐅᒥᐊᒃᑯᑦ ᐃᐱᓲᓯᒥᑦ ᐊᐅᓪᓚᕐᐳᖅ.
ᐊᐴᓗᓯ ᑯᕆᓐᑎᒦᑎᓪᓗᒍ, ᐸᐅᓗᓯ ᐃᐱᓲᓯᒧᐊᕐᐳᖅ ᓄᓇᒃᑯᑦ ᑐᕅᓐᓇᕐᓗᓂ. ᑕᕝᕙᓂᓗ ᐃᓕᓐᓂᐊᕐᑎᓂᒃ ᑲᑎᓯᕗᖅ.
“ᒫᓐᓇ ᑕᑯᒋᑦ, ᐃᓕᑦᓯᓐᓄᑦ ᐊᔪᕆᕐᑐᐃᖃᑦᑕᓚᐅᕐᑐᖓ ᒎᑎᐅᑉ ᐊᑕᓂᐅᕕᖓᓂᒃ ᖃᐅᔨᒪᕗᖓ ᑕᑯᒃᑲᓐᓂᕐᓂᐊᕈᓐᓃᕋᑦᓯᓐᖓ.
ᓱᐹᑎᕆ ᐰᕋᓯᐅᑉ ᐃᕐᓂᖓ ᐱᕆᐊᒥᐅᖅ ᐃᓚᒋᕚ, ᐊᕆᔅᑕᑰᓯᓗ ᓯᑲᓐᑐᓯᓗ ᑎᓴᓗᓁᑲᒥᐅᒃ, ᒊᐊᓯᓗ ᑑᕆᐱᒥᐅᖅ, ᑍᑭᑰᓯᓗ ᑐᕉᐱᒨᓯᓗ ᐂᓯᐊᒥᐅᑖᒃ, ᑎᒧᑎᓗ.
ᐊᒻᒪᑦᑕᐅᖅ ᓱᓕ ᖃᐅᔨᒪᖁᓪᓗᓯ ᖃᓄᐃᒻᒪᖔᕐᒪ ᓱᓕᕆᖕᒪᖔᕐᒪᓗ, ᑍᑭᑰᓯᐅᑉ ᑕᒤᓐᓂᒃ ᐅᖃᐅᑎᔪᒫᕐᐹᓯ. ᖃᑕᓐᖑᑎᒋᒐᑦᑎᒍ ᓇᓪᓕᖕᓇᕐᑐᖅ ᓱᖁᓯᔪᐃᑦᑑᓪᓗᓂ ᐊᑕᓂᕐᒥᒃ ᐱᔨᑦᓯᕐᑐᖅ.
ᐃᓕᑦᓯᓐᓄᑦ ᑎᓕᕙᕋ ᑍᒫᒃ ᐱᓇᓱᐊᖁᓪᓗᒍ, ᖃᓄᐃᒻᒪᖔᑦᑕ ᖃᐅᔨᒪᖁᓪᓗᓯ, ᐃᓕᑦᓯᓐᓂᒃ ᑲᔪᖏᕐᓮᒃᑲᓂᕈᒪᓪᓗᑕ.
ᑍᑭᑰᓯᐅᑉ ᐅᓂᒃᑲᐅᓯᕆᑦᓯᐊᕐᓂᐊᕐᐹᖓ ᐃᓕᑦᓯᓐᓄᑦ; ᑖᓐᓇ ᐅᒃᐱᕐᑑᖃᑎᒋᒐᑦᑎᒍ ᓇᒡᓕᖕᓇᕐᑐᖅ ᓱᖁᓯᔪᐃᑦᑑᓪᓗᓂᓗ ᐱᔨᑦᓯᕐᑎᐅᔪᖅ ᐱᔨᐅᖃᑎᒋᓪᓗᒍᓗ ᐊᑕᓂᕐᒥ.
ᐃᒫᒃ ᐱᖁᓚᐅᕋᒃᑭᑦ ᒫᓯᑑᓂᐊᒧᐊᓕᕐᑎᓪᓗᖓ ᐃᐱᓲᓯᒦᖏᓐᓇᖁᓪᓗᑎᑦ ᐃᓂᕐᑎᕆᖁᓪᓗᑎᑦ ᐃᓄᐃᑦ ᐃᓚᖏᓐᓂᒃ ᐊᔪᕆᕐᓱᐃᑦᔪᑎᒋᕙᑕᑦᑕ ᐊᓯᖏᓐᓂᒃ ᐊᔪᕆᕐᓱᐃᖁᓇᒋᑦ.
ᐋᕐᑎᒪᓯ ᐃᓕᖕᓄᑦ ᑎᓕᒍᒃᑯ ᐅᕝᕙᓗ ᑍᑭᑰᓯ, ᐱᕕᖃᕐᓂᓕᒫᒃᑯᑦ ᐅᕙᓐᓄᑦ ᑎᑭᓐᓇᓱᐊᖁᒐᓗᐊᕐᐸᒋᑦ ᑕᕝᕗᖓ ᓂᑯᐴᓕᓯᒧᑦ, ᑕᕝᕙᓂ ᐅᑮᔪᒪᓪᓗᖓ ᐃᓱᒪᑖᕐᓯᒪᓕᕋᒪ.
