ᑎᒧᑎᒧᑦ ᐂᑉᐸᖏᑦ 3:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᒎᑎᐅᑉ ᐅᖃᐅᓯᕆᓯᒪᔭᖏᑦ ᐃᓘᓐᓇᑎᒃ ᒎᑎᐅᑉ ᐃᓱᒪᓕᐅᕈᑎᒋᓯᒪᖕᒪᒋᑦ ᐊᑐᕐᓇᕐᐳᑦ ᐊᔪᕆᕐᑐᐃᓂᕐᒧᑦ, ᐃᓂᕐᑎᕆᓂᕐᒧᑦ, ᐋᖅᑭᒋᐊᕐᑕᐅᓂᕐᒧᑦ, ᐃᓅᑦᓯᐊᕐᓂᕐᒧᓪᓗ ᐃᓕᓐᓂᐊᕈᑎᒃᓴᐅᓪᓗᑎᒃ,

ᑎᒧᑎᒧᑦ ᐂᑉᐸᖏᑦ 3:16 Iomraidhean Croise

ᓴᒧᐃᓕ ᐂᑉᐸᖏᑦ 23:2

“ᐊᑕᓂᐅᑉ ᐊᓂᕐᓂᖓ ᐅᕙᒃᑯᑦ ᐅᖃᓪᓚᒃᐳᖅ, ᐅᖃᐅᓯᖏᓪᓗ ᖃᓂᓐᓃᑉᐳᑦ.

ᓂᕼᐃᒤᐊᐅᑉ ᐊᒡᓚᖏᑦ 9:20

ᐊᓂᕐᓂᕐᐱᓪᓗ ᐱᐅᓂᖓᓄᑦ ᑕᓯᐅᖃᑦᑕᓚᐅᕐᐸᑎᑦ, ᐅᖃᐅᑎᓪᓗᒋᑦ ᖃᓄᐃᓕᐅᕐᑐᒃᓴᐅᓂᖏᓐᓂᒃ; ᓂᕆᑎᓚᐅᕐᐸᑎᑦ ᒫᓇᒥᒃ, ᐃᒥᕐᑎᓚᐅᕋᕕᒋᓪᓗ ᐃᒥᕈᓕᕐᑎᓪᓗᒋᑦ.

ᐃᓐᖏᕈᑎᑦ 119:11

ᐅᖃᐅᓯᕐᑎᑦ ᑐᖅᑯᕐᐸᒃᑲ ᐆᒻᒪᑎᓐᓄᑦ, ᐊᔪᕐᑐᓕᖁᓇᖓ ᐃᓕᖕᓄᑦ.

ᐃᓐᖏᕈᑎᑦ 119:130

ᐅᖃᐅᓯᕐᓂᒃ ᖃᐅᔨᑎᑕᐅᓕᕐᓗᓂ ᖃᐅᒻᒪᒃᑎᑕᐅᓇᕐᐳᖅ; ᓯᓚᑐᓂᕐᑖᕐᑎᑦᓯᓪᓗᑎᒡᓗ ᖃᐅᔨᒪᖏᑦᑐᒥᒃ.

ᐃᓐᖏᕈᑎᑦ 119:9

ᖃᓄᖅ ᐃᓅᓱᒃᑐᖅ ᐃᓅᓯᕐᒥᓂᒃ ᐸᓯᔭᒃᓴᐅᖏᑦᑑᑎᑦᓯᔪᓐᓇᕐᐹ? ᐅᖃᐅᓯᕐᓂᒃ ᒪᓕᑦᓯᐊᕐᓗᓂ ᐱᓂᐊᕈᓂ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:10

ᐊᑦᑕᕆᔭᐅᓇᓂ ᓱᒋᐊᕐᑕᐅᓂᖅ ᐊᑐᕐᑕᐅᕗᖅ ᐊᖅᑯᒻᒥᒃ ᕿᒤᔪᓄᑦ, ᐋᖅᑭᒋᐊᕐᑕᐅᓂᕐᒥᒃ ᐱᐅᒃᓴᖏᑦᑐᖅ ᑐᖁᔪᒫᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:31

ᓯᐅᑏᒃ ᐃᓅᓯᕐᒨᖓᔪᓂᒃ ᓱᐊᒃᑕᐅᓂᕐᒥᒃ ᑐᓴᖃᑦᑕᕐᑑᒃ, ᓯᓚᑐᔪᓂ ᐃᓅᖃᑕᐅᓕᕐᓂᐊᕐᐴᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:23

ᐱᖁᔧᑦ ᓇᓂᕈᐊᖑᕗᑦ, ᐊᔪᕆᕐᑑᓰᓪᓗ ᖃᐅᒻᒪᖅᑯᑎᐅᓪᓗᑎᒃ, ᐃᓂᕐᑎᕐᑕᐅᓃᓪᓗ ᐋᖅᑭᒋᐊᕐᓯᓃᑦ ᐃᓅᑦᔪᑎᒃᓴᐅᓪᓗᑎᒃ.

ᒤᑲᐅᑉ ᐊᒡᓚᖏᑦ 2:7

ᔧᑯᒧᑦ ᑭᖑᕚᖑᔪᓯ: ᐊᑕᓂᐅᑉ ᐊᓂᕐᓂᖓ ᓂᓐᖓᐅᒪᕚ? ᑕᒪᒃᑯᐊ ᐱᓂᐊᕐᓂᕆᕔᑦ? ᐅᖃᐅᓯᒃᑲ ᐱᐅᔪᒥᒃ ᐱᓇᓱᐊᕐᑎᑦᓯᓐᖏᓛᑦ ᐃᓅᑦᓯᐊᕐᑐᓅᑦ?

ᔨᐸᓁᐊᐅᑉ ᐊᒡᓚᖏᑦ 3:2

ᓈᓚᓚᐅᖏᒻᒪᑦ ᐊᑕᓂᐅᑉ ᓂᐱᖓᓂᒃ, ᐋᖅᑭᒋᐊᕐᑕᐅᔪᒪᓚᐅᖏᒻᒪᓗ, ᑕᑎᖃᓚᐅᖏᒻᒪ ᐊᑕᓂᕐᒥᒃ, ᒎᑎᒥᓄᑦ ᖃᓪᓕᒋᐊᓚᐅᖏᒻᒪᑦ.

ᒫᑎᐅᓯᐅᑉ ᐊᒡᓚᖏᑦ 13:52

ᔩᓱᓯᐅᑉ ᐅᖃᐅᑎᕔᑦ, “ᑍᒤᒻᒪᑦ ᐱᖁᔭᓂᒃ ᐃᓕᓮᔨᑦ ᒎᑎᐅᑉ ᐊᑕᓂᐅᕕᖓᓂᒃ ᐃᓕᓐᓂᐊᕐᑎᑕᐅᓯᒪᔪᑦ ᐊᑦᔨᖃᕐᐳᑦ ᐃᒡᓗᒥᒃ ᓇᖕᒥᓂᖃᕐᑐᑐᑦ ᓯᕐᓗᐊᕐᒥᖕᓂᑦ ᓴᖅᑭᑎᑦᓯᔪᑎᑐᑦ ᓄᑖᓂᒃ ᓄᑕᐅᖏᑦᑐᓂᒡᓗ.”

ᒫᑎᐅᓯᐅᑉ ᐊᒡᓚᖏᑦ 21:42

ᔩᓱᓯᐅᑉ ᐅᖃᐅᑎᕔᑦ, “ᒎᑎᐅᑉ ᐅᖃᐅᓯᖏᓐᓂᒃ ᐅᖃᓕᒫᓚᐅᕐᓯᒪᓐᖏᓚᓰ ᐃᒤᓕᔪᓂᒃ? ‘ᐅᔭᕋᒃ ᑐᓐᖓᕕᒃᓴᖅ ᐃᒡᓗᓕᐅᕐᑎᓂᑦ ᓇᕐᕈᒋᔭᐅᔪᖅ ᑖᓐᓇ ᐱᓪᓚᕆᐊᓗᓐᖑᕐᐳᖅ ᑎᕆᖅᑰᓕᕐᓗᓂ; ᑕᒪᓐᓇ ᐊᑕᓂᐅᑉ ᓇᖕᒥᓂᖅ ᐱᓇᓱᐊᓚᐅᕐᐹ; ᐅᕙᑦᑎᓐᓄᓪᓗ ᑲᒪᓇᕐᑐᐊᓘᕗᖅ!’

ᒫᑎᐅᓯᐅᑉ ᐊᒡᓚᖏᑦ 22:43

ᔩᓱᓯᐅᑉ ᐅᖃᐅᑎᕔᑦ, “ᓱᖕᒪᓪᓖ ᑍᒪ, ᐊᓂᕐᓂᐅᑉ ᑍᕕᑎ ᐅᖃᕐᑎᓪᓗᓂᐅᒃ, ᐊᑕᓂᕐᒥᓂᒃ ᑍᓚᐅᕐᐸᐅᒃ? ᐅᖃᕐᒪᑦ,

ᒫᑎᐅᓯᐅᑉ ᐊᒡᓚᖏᑦ 26:54

ᑍᒤᑎᑦᓯᒍᒪᓕ, ᖃᓄᖅ ᒎᑎᐅᑉ ᐅᖃᐅᓯᖏᑦ ᓇᓚᐅᑦᓯᒐᔭᕐᐹᑦ, ᑕᒪᓐᓇ ᐱᓂᐊᕐᓂᕆᔭᐅᔪᖅ ᑍᒤᑦᓴᕆᐊᖃᕐᓂᕋᕐᓗᒍ ᐅᖃᕐᓯᒪᔪᑦ?”

ᒫᑎᐅᓯᐅᑉ ᐊᒡᓚᖏᑦ 26:56

ᑕᒪᒃᑯᐊᓕᒫᑦ ᐱᓂᐊᕐᓂᐅᕗᑦ, ᓇᓚᐅᑦᑍᔫᑉ ᐅᖃᐅᓯᕆᓚᐅᕐᑕᖏᑦ ᓇᓚᐅᑦᓯᑎᑕᐅᖁᓪᓗᒋᑦ.” ᐃᓕᓐᓂᐊᕐᑎᓕᒫᖏᑦᑕᓕ ᔩᓱᓯ ᕿᒪᑉᐹᑦ ᕿᒫᓪᓗᑎᒃ.

ᒫᑯᓯᐅᑉ ᐊᒡᓚᖏᑦ 12:24

ᔩᓱᓯᐅᑉ ᐅᖃᐅᑎᕔᑦ, “ᐃᒫᒃ ᐱᑦᔪᑎᖃᕐᖢᓯ ᑕᒻᒪᕋᑦᓯ, ᒎᑎᐅᑉ ᐅᖃᐅᓯᖏᑦ ᖃᐅᔨᒪᖏᓐᓇᑦᓯᐅᒃ ᐊᒻᒪᓗ ᒎᑎᐅᑉ ᐱᔪᓐᓇᕐᓂᖓ ᖃᐅᔨᒪᓇᒍ.

ᒫᑯᓯᐅᑉ ᐊᒡᓚᖏᑦ 12:36

ᑍᕕᑎ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᐃᓱᒪᑖᕐᑎᑕᐅᓪᓗᓂ ᐅᖃᓚᐅᕐᐳᖅ: ‘ᐊᑕᓂᖅ ᐊᑕᓂᓐᓄᑦ ᐅᖃᕐᐳᖅ, “ᐅᕙᓂ ᑕᓕᕐᐱᓐᓂ ᐃᒃᓯᕙᒋᑦ, ᐊᑭᕋᕐᑐᕐᑎᖕᓂᒃ ᐃᓕᓯᖅᑳᕐᑎᓐᓇᖓ ᐃᑎᒐᕕᑦ ᐊᑖᓄᑦ.”’

ᔪᐊᓇᓯᐅᑉ ᐊᒡᓚᖏᑦ 10:35

ᒎᑎᐅᑉ ᐃᓄᐃᑦ ᑍᓚᐅᕐᐸᒋᑦ ᒎᑎᓂᒃ ᐃᓄᖕᓄᑦ ᐅᖃᓪᓚᒃᑎᓪᓗᒍ ᑍᑦᓱᒪᓂ, ᖃᐅᔨᒪᕗᒍᑦ ᐊᒡᓔᑦ ᐊᑭᕋᕐᑐᕐᑕᐅᔪᓐᓇᖏᒻᒪᑕ,

ᔪᐊᓇᓯᐅᑉ ᐊᒡᓚᖏᑦ 3:20

ᐱᐅᖏᑦᑐᓕᔫᑉ ᖃᐅᒪᔪᖅ ᐆᒥᒋᕚ, ᖃᐅᒪᔪᒧᐊᕈᒪᓇᓂᓗ, ᐱᐅᖏᑦᑐᓕᓂᖏᑦ ᓴᖅᑭᑎᑕᐅᖁᓇᒋᑦ ᖃᐅᒪᔪᒧᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 1:16

“ᐃᓅᖃᑎᒃᑲ, ᐊᒡᓔᑦ ᓇᓚᐅᑦᓯᔭᕆᐊᖃᓚᐅᕐᒪᑕ, ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᖃᐅᓯᕆᓯᒪᔭᖏᑦ ᑍᕕᑎᒃᑯᑦ, ᓇᓚᐅᑦᑍᑦᔪᑕᐅᓯᒪᔪᑦ ᔫᑕᓯᒥᒃ, ᑖᓐᓇ ᑕᓯᐅᕐᑎᐅᓚᐅᕐᒪᑦ ᔩᓱᓯᒥᒃ ᑎᒍᓯᓚᐅᕐᑐᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 18:25

ᑖᓐᓇᓗ ᐊᑕᓂᕐᒥᒃ ᒪᓕᖕᓂᕐᒥᒃ ᐊᔪᕆᕐᑐᕐᑕᐅᓯᒪᕗᖅ; ᑕᒪᑐᒥᖓ ᑲᑦᓱᖕᒊᕐᓯᒪᑦᓯᐊᕐᓗᓂ, ᐊᔪᕆᕐᑐᐃᕗᖅ ᓈᒻᒪᓈᕐᓯᒪᑦᓯᐊᕐᓗᓂ ᔩᓱᓯᐅᑉ ᒥᒃᓵᓄᑦ, ᔪᐊᓇᓯᐅᓪᓕ ᐹᑉᑎᑦᓯᑦᔪᑖᓂᒃ ᖃᐅᔨᒪᔭᑐᐊᖃᕐᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 20:20

ᐅᖃᕐᑍᓕᕙᓚᐅᓐᖏᓚᖓᓗ ᑲᓐᖑᓱᖕᓇᖓ ᐃᓕᑦᓯᓐᓄᑦ ᐱᕚᓕᕈᑕᐅᔪᓐᓇᕐᑐᓂᒃ ᐊᔪᕆᕐᑐᐃᖃᑦᑕᕐᓗᖓᓗ ᐃᓄᐃᑦ ᓵᖏᓐᓂ, ᐃᓪᓗᖏᓐᓂᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 20:27

ᐅᖃᕐᑍᓕᒪᓚᐅᖏᓐᓇᒪ ᐃᓕᑦᓯᓐᓄᑦ ᒎᑎᐅᑉ ᐊᑐᕐᑕᐅᖁᔭᓕᒫᖏᓐᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 28:25

ᑖᒃᑯᐊᓗ ᐃᒻᒥᖕᓄᑦ ᐊᖏᖃᑎᒌᒍᓐᓃᕋᒥᒃ, ᐊᓂᕗᑦ, ᐸᐅᓗᓯ ᐃᒫᒃ ᐅᖃᕐᒪᑦ: “ᐊᓂᕐᓂᖅ ᐃᑦᔪᕐᓁᑦᑐᖅ ᓈᒻᒪᓈᑦᓯᐊᕐᓗᓂ ᐅᖃᕐᓯᒪᕗᖅ ᑐᑭᓯᓇᕐᑐᒥᒃ ᓯᕗᓕᕕᓂᑦᓯᓐᓄᑦ ᐂᓮᐊᓯᒃᑯᑦ ᐅᖃᕋᒥ:

ᕉᒪᒥᐅᓄᑦ 15:4

ᖃᓄᓕᒫᖅ ᑎᑎᕋᕐᓯᒪᔪᑦ ᓯᕗᓂᑦᑎᓐᓂ ᑎᑎᕋᕐᓯᒪᕗᑦ ᐊᔪᕆᕐᑐᕐᑕᐅᑦᔪᑎᒃᓴᑦᑎᓐᓄᑦ, ᕿᓄᐃᓵᕐᓂᒃᑯᑦ ᑲᔪᖏᕐᓴᕐᑕᐅᓂᒃᑯᓪᓗ ᐊᒡᓚᑎᒍᑦ ᓂᕆᐅᒋᔭᒃᓴᕐᑖᕈᓐᓇᖁᓪᓗᑕ.

ᕉᒪᒥᐅᓄᑦ 2:20

ᓯᓔᑦᑐᓂᒡᓗ ᐋᖅᑭᒋᐊᕐᓯᔪᓐᓇᕋᓱᒋᓪᓗᑎᑦ, ᓄᑕᖅᑲᓂᒡᓗ ᐃᓕᓮᔪᓐᓇᕋᓱᒋᓪᓗᑎᑦ, ᐱᖁᔭᓂᒃ ᐱᑕᖃᕇᕋᕕᑦ ᐃᓕᓯᒪᓂᕐᒥᒃ ᓱᓕᑦᓯᐊᕐᓂᕐᒥᒡᓗ ᐱᑕᖃᕐᓂᕋᕐᑕᕐᓂᒃ;

ᕉᒪᒥᐅᓄᑦ 3:2

ᑕᒤᑎᒍᑦ ᐊᑐᕐᓂᖃᕐᐳᖅ. ᓯᕗᓪᓕᕐᒥᒃ ᒎᑎᐅᑉ ᐅᖃᐅᓯᓪᓚᕆᖏᓐᓂᒃ ᑐᓂᓯᕕᐅᓯᒪᕗᑦ.

ᕉᒪᒥᐅᓄᑦ 4:23

ᐅᖃᐅᓯᕐᓕ ᐃᒤᓕᔪᖅ, “ᐃᓗᐊᕐᑑᓂᕋᕐᑕᐅᓚᕐᐳᖅ.” ᑎᑎᕋᕐᑕᐅᓯᒪᕗᖅ ᑖᓐᓇᑐᐊᖅ ᐱᑦᔪᑎᒋᓇᒍ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:7

ᐃᓄᖕᓄᑦ ᐊᑐᓂᑦ ᐊᓂᕐᓂᐅᑉ ᑐᓂᕐᕈᑎᖏᑕ ᐱᓇᓱᐊᕐᑎᑦᓯᓂᖏᑦ ᓴᖅᑭᕐᐳᑦ ᐊᓯᖏᑕ ᐱᕙᓪᓕᕈᑎᒃᓴᖏᓐᓄᑦ.

ᒐᓔᑎᐊᒥᐅᓄᑦ 3:8

ᐊᒡᓔᑦ, ᓯᕗᓂᒃᓴᒥᒃ ᓇᓗᓁᕐᓯᓚᐅᕐᒪᑕ ᔫᑎᐅᖏᑦᑐᑦ ᒎᑎᐅᑉ ᐸᓯᔭᒃᓴᐅᔪᓐᓃᕐᑎᑦᓱᒫᕐᒪᒋᑦ ᐅᒃᐱᕐᓂᖏᑎᒍᑦ, ᑍᒤᒻᒪᑦ ᐂᑉᕋᕼᐋᒻ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᕐᕕᐅᔭᕇᕐᓂᕐᐳᖅ ᓯᕗᓂᖓᒍᑦ, ᐃᒫᒃ, “ᐃᕝᕕᑦ ᐊᖅᑯᑎᒋᓗᑎᑦ ᐃᓅᖃᑎᒌᒡᔪᐊᓕᒫᑦ ᓮᒻᒪᕐᑎᑕᐅᔪᒫᕐᐳᑦ.”

ᒨᓯᓯ ᑕᓪᓕᒪᖏᑦ 29:29

“ᓱᓕᓕ ᐊᑕᓂᖅ ᒎᑎᕗᑦ ᐊᓐᖏᐊᕆᔭᖃᕐᐳᖅ; ᐱᖁᔭᒥᓂᒡᓕ ᓴᖅᑭᑎᑦᓯᓯᒪᒐᓗᐊᕐᐳᖅ, ᐅᕙᒍᑦ ᑭᖑᕚᕗᓪᓗ ᓈᓚᒋᐊᖃᕐᑕᑦᑎᓐᓂᒃ ᐃᓱᖃᖏᑦᑐᒧᑦ, ᐱᖁᔭᓕᒪᑦ ᐅᑯᐊ ᒪᓕᒃᑕᐅᖁᓪᓗᒋᑦ.”

ᒨᓯᓯ ᑕᓪᓕᒪᖏᑦ 4:36

ᓂᐱᒥᓂᒡᓗ ᕿᓚᖕᒥᑦ ᑐᓴᕈᓐᓇᕐᑎᓚᐅᕐᐹᓯ ᒪᓕᒐᒃᓴᑦᓯᓐᓂᒃ ᐅᖃᐅᑎᔪᒪᓪᓗᓂᓯ; ᑕᕝᕙᓂᓗ ᓄᓇᕐᔪᐊᕐᒥ ᐃᑯᒪᖁᑎᒥᓂᒃ ᐃᑦᔪᕐᓁᑦᑐᒥᒃ ᑕᑯᑎᓚᐅᕐᐹᓯ, ᑕᕝᕙᓐᖓᓪᓗ ᐅᖃᓪᓚᒡᕕᒋᓪᓗᓂᓯ.

ᑎᒧᑎᒧᑦ ᐂᑉᐸᖏᑦ 2:25

ᐊᑭᕋᕐᑐᕐᑎᒥᓂᒃ ᐱᑦᓯᐊᕐᓂᒃᑯᑦ ᐋᖅᑭᒋᐊᕐᓯᔪᓐᓇᕐᓗᓂ. ᒎᑎᐅᑉ ᓈᒻᒪᒋᔭᖓᒍᑦ ᓵᒋᐊᕈᓐᓇᖁᓪᓗᒋᑦ ᓱᓕᓂᕐᒥᒃ ᖃᐅᔨᓗᑎᒃ,

ᑎᒧᑎᒧᑦ ᐂᑉᐸᖏᑦ 4:2

ᐊᔪᕆᕐᑐᐃᖁᓪᓗᑎᑦ ᐅᖃᐅᓯᕐᓂᒃ, ᐊᔪᐃᓐᓇᕐᓗᑎᑦ ᐱᕕᒃᓴᖃᑦᓯᐊᕈᕕᑦ ᐱᕕᒃᓴᖃᑦᓯᐊᖏᒃᑲᓗᐊᕈᕕᓪᓘᓐᓃᑦ, ᓇᓗᓁᕐᓯᓗᑎᑦ, ᐃᓂᕐᑎᕆᓗᑎᑦ, ᐃᓇᑦᓯᓗᑎᓪᓗ, ᑲᔪᓯᓗᑎᑦ ᕿᓄᐃᓵᕐᓂᒃᑯᑦ ᐊᔪᕆᕐᑐᐃᓂᒃᑯᓪᓗ.

ᐄᑉᕈᐃᓄᑦ 11:1

ᐅᒃᐱᕐᓂᖅ ᖁᓚᖏᓐᓂᐅᕗᖅ ᓂᕆᐅᒋᔭᒃᓴᓂᒃ, ᓱᓕᔪᕐᓴᕐᓂᐅᓪᓗᓂᓗ ᑕᑯᒃᓴᐅᖏᑦᑐᓂᒃ.

ᐄᑉᕈᐃᓄᑦ 3:7

ᑍᒤᒻᒪᑦ, ᐊᓂᕐᓂᖅ ᐃᑦᔪᕐᓁᑦᑐᖅ ᐅᖃᕐᓯᒪᕗᖅ, “ᐅᓪᓗᒥ ᓂᐱᖓ ᑐᓴᕈᑦᓯᐅᒃ,

ᐄᑉᕈᐃᓄᑦ 4:12

ᒎᑎᐅᑉ ᐅᖃᐅᓯᖓ ᐆᒪᖕᒪᑦ ᐱᓇᓱᐊᕐᓗᓂᓗ, ᐃᒡᓗᒃᑐᑦ ᑮᓇᓕᖕᒥᑦ ᓴᕕᒡᔪᐊᒥᑦ ᐃᐱᖕᓂᕐᓴᐅᓪᓗᓂ, ᑭᓪᓕᒍᑎᔪᓐᓇᕐᐳᖅ ᑕᕐᓂᖅ ᐊᓂᕐᓂᕐᓗ ᑎᑭᓪᓗᒋᒃ, ᓇᒡᒍᐊᓪᓗ ᐸᑎᕐᓗ ᑎᑭᓪᓗᒋᒃ, ᓴᖅᑭᑎᑦᓯᔪᓐᓇᕐᓗᓂᓗ ᐃᓅᑉ ᐃᓱᒪᖓᓂᒃ ᐱᔪᒪᔭᖏᓐᓂᒡᓗ.