ᑎᒧᑎᒧᑦ ᐂᑉᐸᖏᑦ 3:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐊᔪᕆᕐᑐᐃᓂᕋ ᑕᑯᓐᓈᕐᓯᒪᒐᕕᐅᒃ, ᐱᐅᓯᕋᓗ, ᐃᓅᓯᕐᒥᓗ ᑐᕌᕋᓱᐊᕐᑕᕋ, ᐅᒃᐱᕐᓂᕋ, ᕿᓄᐃᓵᕐᓂᕋ, ᓇᒡᓕᖕᓂᕋ, ᐊᒃᓱᕈᕐᓇᕐᑐᓃᖃᑦᑕᕐᓂᕋ,

ᑎᒧᑎᒧᑦ ᐂᑉᐸᖏᑦ 3:10 Iomraidhean Croise

ᑖᓂᐊᓕᐅᑉ ᐊᒡᓚᖏᑦ 1:8

ᑖᓂᐊᓕᓕ ᐃᓱᒪᑖᕐᐳᖅ ᐆᒻᒪᑎᒥᓂ ᓴᓗᒤᓕᑎᑕᐅᔪᒪᓇᓂ ᐊᖓᔪᖅᑳᕐᔪᐊᑉ ᓂᕿᖏᓐᓄᑦ, ᐊᖓᔪᖅᑳᕐᔪᐊᓪᓗ ᕔᓂᖓᓄᑦ, ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖓ ᐅᖃᐅᑎᕚ ᑍᒤᑦᑐᓂᒃ ᓂᕆᖃᑦᑕᕈᒪᓇᓂ.

ᓘᑲᓯᐅᑉ ᐊᒡᓚᖏᑦ 1:3

ᑕᕝᕙᓕ ᑎᐅᐱᓘᓰ, ᑕᒪᒃᑯᐊ ᖃᐅᔨᓇᓱᐊᑦᓯᐊᓚᐅᕐᓗᒋᑦ ᐱᒋᐊᕐᓂᕕᓂᖏᓐᓂᑦ, ᐱᐅᓂᕐᓴᐅᓇᓱᒋᓕᕋᒃᑯ ᑎᑎᕋᐅᓯᕆᒍᒃᑭᑦ, ᐱᕙᓪᓕᐊᓯᒪᓂᖏᓪᓗ ᐅᓂᒃᑲᐅᓯᕆᓗᒋᑦ ᐃᓕᖕᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 11:23

ᑍᑯᖓ ᑎᑭᓐᓇᒥ ᑕᑯᕗᖅ ᒎᑎᐅᑉ ᓮᒻᒪᕐᑎᑦᓯᓂᖓᓂᒃ ᐃᓄᖕᓂᒃ, ᖁᕕᐊᓱᒃᐳᑦ; ᑲᔪᖏᕐᓴᕐᐰᑦ ᑕᒪᕐᒥᒃ ᑲᔪᓯᑦᓯᐊᖁᓪᓗᒋᑦ ᐊᑕᓂᕐᒥᒃ ᐊᑕᕕᖃᑦᓮᓐᓇᖁᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 2:42

ᑖᒃᑯᐊ ᐃᓕᓐᓂᐊᖃᑦᑕᓕᓚᐅᕐᐳᑦ ᐋᐴᓯᑕᓕᖕᓂᑦ ᐃᓚᒌᑦᓯᐊᕐᓗᑎᒃ, ᓂᕆᖃᑎᒌᓗᑎᒃ ᑐᒃᓯᐊᖃᑎᒌᖃᑦᑕᕐᓗᑎᒡᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 20:18

ᑎᑭᒻᒪᑕ ᐅᖃᕐᕕᒋᓕᕐᐰᑦ: “ᖃᐅᔨᒪᕗᓯ ᐃᓕᑦᓯᓐᓃᑎᓪᓗᖓ ᐱᓂᐊᕐᓂᕆᓚᐅᕐᑕᓐᓂᒃ ᐂᓯᐊᒧᐊᕐᕕᒋᓚᐅᕐᑕᕋ ᐱᒋᐊᕐᓗᒍ,

ᐋᐴᓯᑕᓖᑦ ᐱᓂᐊᕐᓂᖏᑦ 26:4

“ᔫᑎᓕᒫᑦ ᖃᐅᔨᒪᖕᒪᑕ ᓱᕈᓯᐅᓂᓐᓂᑦ ᑍᑲᓐᖓᑦ ᐃᓕᖅᑯᓯᕆᔭᓐᓂᒃ, ᐃᓅᓯᓕᒫᓐᓂ ᓄᓇᒋᔭᑦᑎᓐᓂ, ᔨᕉᓴᓕᒻᒦᓐᓂᓐᓂᓗᑦᑕᐅᖅ.

ᕉᒪᒥᐅᓄᑦ 16:17

ᐃᓅᖃᑎᒃᑲ ᐃᓇᑉᐸᑦᓯ, ᐅᑦᔨᕐᑐᑦᓯᐊᕐᓯᐅᒃ ᐃᓅᖃᑎᒌᖕᓂᕐᒥᒃ ᐊᕕᑎᑦᓯᕙᒃᑐᑦ, ᐅᒃᐱᕐᓂᑦᓯ ᑐᓐᖓᕕᒋᔭᖏᓐᓂᒃ ᓯᖁᑎᕆᓇᓱᒃᑏᑦ, ᐱᓇᓱᐊᕐᑐᓪᓗ ᐊᔪᕆᕐᑐᕐᑕᐅᑦᔪᑎᒋᓚᐅᕐᑕᑦᓯ ᐊᓯᐊᒎᕐᑐᓂᒃ; ᑖᒃᑯᐊ ᐃᓚᒋᓂᐊᕋᓯᒋᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:17

ᑍᒫᒃ ᐃᓱᒪᑎᓪᓗᖓ ᓴᖑᓴᕅᑦᑐᑎᑐᑦ ᐱᐅᓯᖃᓚᐅᕐᐳᖔ? ᐅᕝᕙᓘᓐᓃᑦ ᓯᓚᕐᔪᐊᕐᒥᐅᑦ ᐱᐅᓯᖏᓐᓂᒃ ᒪᓕᓚᐅᕐᐳᖔ? ᐅᖃᕐᐸᒃᑐᑎᑐᑦ ᐊᑕᐅᑦᓯᒃᑯᑦ ᐊᖏᕐᓗᑎᒡᓗ ᐊᖏᖏᓪᓗᑎᒡᓘ?

ᐃᐱᓯᒥᐅᓄᑦ 4:14

ᓱᕈᓯᐅᔪᓐᓁᖁᓪᓗᑕ, ᒪᓕᖕᒧᑦ ᐊᐅᓚᑕᐅᔪᑎᑐᑦ ᐊᓄᕆᐅᓪᓗ ᓴᕿᖃᑦᑕᕐᓂᖓᓂᒃ ᒪᓕᑐᐃᓐᓇᕐᑐᑎᑐᑦ, ᑕᕝᕙ ᐊᔪᕆᕐᑑᓯᕐᓄᑦ ᓯᓔᕐᕆᒃᓯᔪᓄᑦ, ᑕᒻᒪᕐᑎᑦᓯᔪᓄᑦ ᑕᑯᒃᓴᐅᔪᒃᑯᑦ ᓱᓕᔫᔮᕐᓗᑎᒃ ᐱᓇᓱᐊᖃᑦᑕᕐᑐᓄᑦ.

ᐱᓕᐱᒥᐅᓄᑦ 2:20

ᑖᓐᓇ ᐃᓱᒪᖃᑎᑐᐊᕆᒐᒃᑯ, ᐃᑲᔪᕐᑕᐅᔭᕆᐊᖃᕐᓂᑦᓯᓐᓂᒃ ᐃᒃᐱᒍᓱᓪᓚᕆᖕᒪᑦ ᐅᕙᑦᑐᑦ.

ᐱᓕᐱᒥᐅᓄᑦ 2:22

ᐃᓕᑦᓯᑦᑕᐅᖅ ᓇᖕᒥᓂᖅ ᖃᐅᔨᒪᒐᑦᓯᐅᒃ ᑎᒧᑎ ᓇᖕᒥᓂᖅ ᓴᖅᑭᑎᑦᓯᓯᒪᖕᒪᑦ ᐊᑐᕐᑕᐅᔪᓐᓇᕐᓂᕐᒥᓂᒃ, ᑎᒧᑎᓗ ᐅᕙᒍᒃ, ᓲᕐᓗ ᐃᕐᓂᕆᓪᓗᒍ ᐊᑖᑕᒋᔭᐅᔮᕐᓗᖓᓗ ᑖᑦᓱᒧᖓ ᐱᓇᓱᐊᖃᑎᒌᒃᓯᒪᒐᓐᓄᒃ ᐅᖃᐅᓰᑦ ᑐᓴᕈᒥᓇᕐᑐᑦ ᐱᓪᓗᒋᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:5

ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐃᓕᑦᓯᓐᓄᑦ ᐅᖃᐅᓯᖃᓚᐅᕋᑦᑕ ᐅᖃᐅᓯᑐᐃᓐᓇᕐᑎᒎᖏᑦᑐᖅ, ᐊᓂᕐᓂᐅᓪᓕ ᐃᑦᔪᕐᓁᑦᑑᑉ ᐱᔪᓐᓇᕐᓂᖓᒍᑦ, ᓱᓕᓂᖓᓗ ᓴᖅᑭᑎᑕᐅᑦᓯᐊᕐᓗᓂ. ᖃᐅᔨᒪᕗᓯ ᖃᓄᖅ ᐃᓅᓯᖃᓚᐅᕐᒪᖔᑦᑕ ᐃᓕᑦᓯᓐᓃᑦᑎᓪᓗᑕ ᐱᕙᓪᓕᕐᑎᑕᐅᖁᓪᓗᓯ.

ᑎᒧᑎᒧᑦ ᓯᕗᓪᓖᑦ 1:3

ᐃᒫᒃ ᐱᖁᓚᐅᕋᒃᑭᑦ ᒫᓯᑑᓂᐊᒧᐊᓕᕐᑎᓪᓗᖓ ᐃᐱᓲᓯᒦᖏᓐᓇᖁᓪᓗᑎᑦ ᐃᓂᕐᑎᕆᖁᓪᓗᑎᑦ ᐃᓄᐃᑦ ᐃᓚᖏᓐᓂᒃ ᐊᔪᕆᕐᓱᐃᑦᔪᑎᒋᕙᑕᑦᑕ ᐊᓯᖏᓐᓂᒃ ᐊᔪᕆᕐᓱᐃᖁᓇᒋᑦ.

ᑎᒧᑎᒧᑦ ᓯᕗᓪᓖᑦ 4:6

ᑕᒪᒃᑯᐊ ᐅᖃᐅᑦᔪᐃᑦᔪᑎᒋᒍᕕᒋᑦ ᐅᒃᐱᕐᑑᖃᑎᒌᓄᑦ, ᐱᔨᑦᓯᕐᑎᐅᑦᓯᐊᕐᓂᐊᕐᐳᑎᑦ ᙭ᔅᑑᓯ ᔩᓱᓯᒥᒃ, ᓇᖕᒥᓂᖅ ᐱᒋᐅᕐᓴᓗᑎᑦ ᐅᖃᐅᓯᕐᓄᑦ ᐅᒃᐱᕐᓂᒃᑯᑦ ᐊᔪᕆᕐᑑᓯᕐᓄᓪᓗ ᓱᓕᔪᓄᑦ ᒪᓕᒃᓯᒪᔭᕐᓄᑦ.

ᑎᒧᑎᒧᑦ ᓯᕗᓪᓖᑦ 6:11

ᐃᕝᕕᓪᓕ ᒎᑎᐅᑉ ᐃᓄᖁᑎᖓ, ᑕᒪᒃᑯᐊ ᐱᓇᓱᐊᕐᓂᐊᕐᓇᒋᑦ; ᐱᓇᓱᐊᓕᕆᓪᓕ ᐃᓗᐊᕐᑐᓕᓂᕐᒥᒃ, ᒎᑎᒧᑦ ᐅᒃᐱᕐᓂᕐᒥᒃ, ᐅᒃᐱᕐᓂᕐᒥᒃ, ᓇᒡᓕᖕᓂᕐᒥᒃ, ᕿᓄᐃᓵᕐᓂᕐᒥᒃ, ᐃᓕᕋᑦᑖᖏᓐᓂᕐᒥᒃ.

ᑎᒧᑎᒧᑦ ᐂᑉᐸᖏᑦ 2:22

ᐃᓅᓱᒃᑐᑦ ᐃᒃᓯᒎᕐᓂᖏᑦ ᐃᓚᒋᓂᐊᕐᓇᒋᑦ ᐃᓗᐊᕐᑐᓕᓂᕐᒥᒡᓕ ᓯᕗᓂᖃᕆᑦ, ᐅᒃᐱᕐᓂᕐᒥᒃ, ᓇᒡᓕᖕᓂᕐᒥᒃ, ᓮᒻᒪᓂᕐᒥᒡᓗ, ᐊᑕᓂᕐᒧᑦ ᑐᒃᓯᐊᕐᑐᑦ ᐃᓚᒋᓗᒋᑦ ᐆᒻᒪᑎᒥᒍᑦ ᐃᑦᔪᕐᓁᑦᑐᒃᑯᑦ.

ᑎᒧᑎᒧᑦ ᐂᑉᐸᖏᑦ 4:2

ᐊᔪᕆᕐᑐᐃᖁᓪᓗᑎᑦ ᐅᖃᐅᓯᕐᓂᒃ, ᐊᔪᐃᓐᓇᕐᓗᑎᑦ ᐱᕕᒃᓴᖃᑦᓯᐊᕈᕕᑦ ᐱᕕᒃᓴᖃᑦᓯᐊᖏᒃᑲᓗᐊᕈᕕᓪᓘᓐᓃᑦ, ᓇᓗᓁᕐᓯᓗᑎᑦ, ᐃᓂᕐᑎᕆᓗᑎᑦ, ᐃᓇᑦᓯᓗᑎᓪᓗ, ᑲᔪᓯᓗᑎᑦ ᕿᓄᐃᓵᕐᓂᒃᑯᑦ ᐊᔪᕆᕐᑐᐃᓂᒃᑯᓪᓗ.

ᑎᒧᑎᒧᑦ ᐂᑉᐸᖏᑦ 4:3

ᓇᓪᓕᐅᑎᔪᒫᕐᒪᑦ ᓇᓛᒎᕐᑑᑉ ᐊᔪᕆᕐᑑᑕᐅᓂᖏᓐᓂᒃ ᓈᓚᒍᒪᖏᑦᑐᓂᒃ, ᑖᒃᑯᐊᓗ ᐊᔪᕆᕐᑐᐃᔪᒃᓴᕐᓯᐅᓕᕈᒫᕐᐳᑦ ᑐᓴᕐᓂᕆᔭᒥᖕᓂᒃ ᐊᔪᕆᕐᑐᐃᔪᓐᓇᕐᑐᓂᒃ ᖁᕕᐊᒋᔭᖏᓐᓂᒡᓗ ᐊᔪᕆᕐᑐᐃᔪᓐᓇᕐᑐᓂᒃ,

ᑎᒧᑎᒧᑦ ᐂᑉᐸᖏᑦ 4:7

ᐅᓇᑕᓚᐅᕐᐳᖓ ᐱᐅᔪᒥᒃ ᐅᓇᑕᐅᑎᖃᕐᓗᖓ, ᐱᔭᕇᕐᐸᕋ ᐅᓪᓚᐅᑎᔭᕆᐊᖃᓚᐅᕐᓂᕋ, ᐅᒃᐱᕐᓂᖅ ᐱᓯᒤᓐᓇᕐᓗᒍ.

ᑍᑑᓯᒧᑦ 2:7

ᐃᕝᕕᓪᓕ ᓇᖕᒥᓂᖅ ᑖᒃᑯᓄᖓᓕᒫᖅ ᒪᓕᒐᒃᓴᑦᓯᐊᖑᔪᒃᓴᐅᕗᑎᑦ ᐃᓅᑦᓯᐊᕐᓂᒃᑯᑦ, ᐊᔪᕆᕐᑐᐃᓕᕌᖓᕕᑦ ᓱᓕᑦᓯᐊᕐᓗᑎᑦ ᐱᓪᓚᕆᒃᑐᒥᒃ ᐊᔪᕆᕐᑐᐃᖃᑦᑕᕐᓗᑎᑦ,

ᐄᑉᕈᐃᓄᑦ 13:9

ᑕᒻᒪᕐᑎᑕᐅᑦᑍᓕᒋᑦᓯ ᐊᔪᕆᕐᑑᓯᕐᓄᑦ ᖃᓄᐃᑦᑐᑐᐃᓐᓇᕐᓄᑦ ᐊᑦᔨᐅᖏᑦᑐᓄᓪᓗ; ᐱᐅᔪᒻᒪᕆᐅᕗᖅ ᐃᓗᒃᑯᑦ ᓲᖑᑎᑕᐅᓂᕐᒥᒃ ᐱᓯᒪᓗᓂ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ, ᓂᕿᓄᑦ ᐱᓇᓂ, ᓂᕿᓄᑦ ᒪᓕᒐᒃᓴᓂᒃ ᒪᓕᒃᑑᒐᓗᐊᑦ ᐃᑲᔪᕐᑕᐅᓯᒪᖏᒻᒪᑕ.

ᐲᑦᑐᕉᓯ ᐂᑉᐸᖏᑦ 3:11

ᑕᒪᒃᑯᐊᓕᒫᑦ ᑍᒫᒃ ᓄᖑᔪᒫᕐᐸᑕ, ᐃᓕᑦᓯᓕ ᑍᒪ ᖃᓄᖅ ᐃᓅᔭᕆᐊᖃᓕᕐᐱᓰ ᐃᑦᔪᕐᓁᓂᕐᒦᓗᓯ, ᒎᑎᒧᓪᓗ ᑐᓂᓯᒪᑦᓯᐊᕐᓗᓯ,