ᑎᒧᑎᒧᑦ ᐂᑉᐸᖏᑦ 3:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐅᓇ ᖃᐅᔨᒪᓕᕈᒃ, ᐅᓪᓗᐃᑦ ᑭᖑᓪᓕᖏᓐᓂ ᐃᓅᓯᕐᒧᑦ ᐊᒃᓱᕈᕐᓇᕐᑐᖃᕈᒫᕐᒪᑦ.

ᑎᒧᑎᒧᑦ ᐂᑉᐸᖏᑦ 3:1 Iomraidhean Croise

ᒨᓯᓯ ᓯᕗᓪᓖᑦ 49:1

ᑕᕝᕙ ᔧᑰᑉ ᐃᕐᓂᓂ ᐃᒻᒥᓄᑦ ᕾᖁᕔᑦ, ᐅᖃᐅᑎᓪᓗᒋᓪᓗ, “ᐃᓕᑦᓯᓐᓄᑦ ᑲᑎᓚᐅᕆᑦᓯ, ᓯᕗᓂᒃᓴᑦᓯᓐᓂ ᐃᓕᑦᓯᓐᓄᑦ ᐊᑑᑎᔪᒫᕐᑐᓂᒃ ᐅᖃᐅᑎᓂᐊᕋᑦᓯ.

ᐂᓮᐊᓯᐅᑉ ᐊᒡᓚᖏᑦ 2:2

ᐅᓪᓗᐃᑦ ᑭᖑᓪᓕᖏᓐᓂ ᐱᔪᖃᕈᒫᕐᐳᖅ ᖃᖅᑲᖅ ᐊᑕᓂᐅᑉ ᑐᒃᓯᐊᕐᕕᒡᔪᐊᖓᑕ ᐃᓂᖓ ᐳᕐᑐᓂᕐᐸᐅᓕᕈᒫᕐᐳᖅ ᖃᖅᑲᓂᑦ, ᐱᖑᓕᒫᓂᓪᓗ ᐃᓅᖃᑎᒌᒡᔪᐊᓪᓗ ᓇᑭᑐᐃᓐᓈᕐᓯᒪᔪᑦ ᑕᕝᕗᖓ ᐂᔪᒫᕐᐳᑦ ᑰᒃᑐᑎᑐᑦ,

ᔨᕆᒤᐊᐅᑉ ᐊᒡᓚᖏᑦ 48:47

“ᑭᓯᐊᓂᓕ ᑍᒤᒐᓗᐊᕐᑎᓪᓗᒍ ᒧᐊᐱᒥᐅᑦ ᐱᔪᓐᓇᕐᓯᑎᑦᓯᐊᕈᒫᕆᕙᒃᑲ ᐅᓪᓗᓂ ᕾᔪᒫᕐᑐᓂ, ᐊᑕᓂᖅ ᐅᖃᕐᐳᖅ, ᑕᒪᓐᓇ ᒧᐊᐱᒥᐅᑦ ᐃᖅᑲᕐᑐᕐᑕᐅᓂᖓᑕ ᐃᓱᒋᕚ.”

ᔨᕆᒤᐊᐅᑉ ᐊᒡᓚᖏᑦ 49:39

ᑍᒤᓕᐅᕋᓗᐊᕐᑎᓪᓗᒋᑦ ᐃᓛᒥᐅᑦ ᐱᔪᓐᓇᕐᓯᑎᑦᓯᐊᕈᒫᕆᕙᒃᑲ, ᐅᓪᓗᓂ ᑎᑭᑦᓱᒫᕐᑐᓂ, ᐊᑕᓂᖅ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 38:16

ᐃᓄᖁᑎᒃᑲ ᐃᓴᕆᐊᓕᒥᐅᑦ ᐅᓇᑕᕆᐊᕈᒫᕐᐸᓯ, ᓄᕗᔭᒧᑦ ᓄᓇ ᐅᓕᒃᑕᐅᔪᑎᑐᑦ ᑍᒤᑦᓱᒫᕐᐸᓯ. ᑖᒃᑯᓇᓂ ᐅᓪᓗᐃᑦ ᑭᖑᓪᓕᖏᓐᓂ ᑎᓕᔪᒫᕐᐸᒋᑦ ᑎᒍᓯᔭᕐᑐᕐᑎᓪᓗᓯ ᓄᓇᖁᑎᓐᓂᒃ, ᐃᓅᖃᑎᒌᒡᔪᐊᑦ ᖃᐅᔨᓕᖁᓪᓗᒋᑦ ᐅᕙᓐᓂᒃ, ᐃᓕᖕᓂᒃ ᐊᑐᕐᓗᖓ ᒑᒡ, ᐃᑦᔪᕐᓁᑦᑑᓂᕋ ᖃᐅᔨᔭᐅᑎᑦᓱᒫᕐᐸᕋ ᑖᒃᑯᐊ ᑕᒃᑯᐊᓂ.

ᑖᓂᐊᓕᐅᑉ ᐊᒡᓚᖏᑦ 10:14

ᒫᓐᓇᓕ ᕾᕗᖓ ᓇᓗᓁᕐᓯᕕᒋᔭᕐᑐᕐᓗᑎᑦ ᐃᓅᖃᑎᑎᑦ ᐅᓪᓗᐃᑦ ᑭᖑᓪᓕᖏᓐᓂ ᖃᓄᐃᓕᖓᔪᒫᕐᒪᖔᑕ, ᑕᑯᑎᑦᔪᑦ ᑕᒪᓐᓇ ᓇᓪᓕᐅᑎᔪᒫᕐᒪᑦ ᓯᕗᓂᒃᓴᒥ.”

ᑖᓂᐊᓕᐅᑉ ᐊᒡᓚᖏᑦ 11:36

“ᐊᖓᔪᖅᑳᕐᔪᐊᖅ ᐱᓂᐊᕐᓂᖃᕈᒫᕐᐳᖅ ᖃᓄᑐᐃᓐᓇ ᐱᔪᒪᔭᒥᓂᒃ, ᐃᒻᒥᓂᒃ ᐊᖏᔪᕈᕐᑎᑦᓱᒫᕐᒪᑦ ᓂᕐᑐᕐᑕᐅᔪᒪᓗᓂᓗ ᒎᑎᓐᖑᐊᓕᒫᓂᑦ ᐊᖏᓂᕐᓴᐅᔪᒪᓗᓂ; ᑐᓴᕐᑕᐅᓚᐅᕐᓯᒪᖏᑦᑐᓂᒃ ᓂᓪᓕᐊᔪᒫᕐᐳᖅ ᒎᑎᒋᔭᐅᔪᓕᒫᓂᑦ ᒎᑎᐅᓂᕐᐹᖑᔪᒧᑦ, ᐱᓇᓱᐊᕈᒪᔭᓕᒫᒥᓂᒃ ᐊᒡᕕᐊᕐᑕᐅᖏᓪᓗᓂ ᐃᓱᒪᕐᓱᕈᒫᕐᐳᖅ ᓇᓪᓕᐅᓐᓂᖅ ᒎᑎᐅᑉ ᓂᓐᖓᐅᒪᓂᖓ ᐃᓱᓕᖅᑳᕐᑎᓐᓇᒍ, ᐋᖅᑭᒃᑕᐅᓯᒪᔪᑦ ᑲᔪᓯᔭᕆᐊᖃᕐᒪᑕ.

ᑖᓂᐊᓕᐅᑉ ᐊᒡᓚᖏᑦ 12:11

ᑍᑦᓱᒪᓂ ᖃᐅᑕᒫᑦ ᐆᒪᔪᓂᒃ ᑐᓂᕐᕈᓯᖃᑦᑕᕐᓂᐅᑉ ᓄᖅᑲᕐᑎᑕᐅᓂᖓᓂᑦ, ᐃᑦᔪᕐᓇᕐᑐᐊᓘᓪᓗ ᐃᓕᔭᐅᓂᖓ ᓱᕈᕐᑎᑕᐅᓐᓇᕐᑑᑉ ᐊᑯᓐᓂᖓᓂ, ᐅᓪᓗᐃᑦ 1,290ᐅᕗᑦ.

ᑖᓂᐊᓕᐅᑉ ᐊᒡᓚᖏᑦ 12:7

ᐊᖑᑎᐅᑉ ᖃᓪᓗᓈᕐᑕᓂᒃ ᐊᓐᓄᕌᓕᐅᑉ, ᑰᑉ ᖁᓛᓂ ᓇᖏᕐᑑᑉ, ᑕᓕᕐᐱᓂ ᐃᓴᒃᐹ ᓴᐅᒥᓂᓗ ᕿᓚᖕᒧᑦ ᐃᓴᓪᓗᒍ, ᑐᓴᕐᐸᕋᓗ ᐊᖏᕈᑎᒥᒃ ᐅᖃᕐᑐᖅ ᑖᓐᓇ ᐃᓅᑦᓮᓐᓇᕐᑐᖅ ᐃᓱᖃᖏᑦᑐᒧᑦ ᐊᖏᕈᑎᒋᓪᓗᒍ, ᐅᖃᕐᓗᓂ, “ᓇᓪᓕᐅᓐᓂᖅ ᓇᓪᓕᐅᓐᓂᒃᑲᓐᓂᕐᓗ ᓇᑉᐸᕐᓗ ᐊᓂᒍᕐᐸᑕ, ᐃᓄᐃᑦ ᐃᑦᔪᕐᓁᑦᑐᑦ ᐱᔪᓐᓇᕐᓂᖃᕐᕕᐅᓂᖏᑦ ᐃᓱᓕᑉᐸᑕ, ᑕᒪᒃᑯᐊ ᑕᕝᕙ ᓇᓪᓕᐅᑎᔭᕇᕈᒫᕐᐳᑦ.”

ᑖᓂᐊᓕᐅᑉ ᐊᒡᓚᖏᑦ 7:8

ᓇᒡᔪᖏᓐᓂᒃ ᐃᓱᒪᒃᓴᕐᓯᐅᕈᑎᖃᕐᑎᓪᓗᖓ, ᓇᒡᔪᒃ ᒥᑭᔪᖅ ᓄᐃᕗᖅ ᓇᒡᔪᐃᑦ ᐊᑯᓐᓂᖓᑦᑎᒍᑦ, ᓇᒡᔪᐃᑦ ᓯᕗᓪᓖᑦ ᐱᖓᓱᑦ ᒪᓐᖑᖏᑎᒍᑦ ᑖᑦᓱᒪ ᐲᕐᑎᑉᐰᑦ, ᓇᒡᔪᒃ ᑖᓐᓇ ᐃᔨᖃᕐᐳᖅ ᐃᓅᑉ ᐃᔨᖏᒃᑎᑐᑦ ᖃᓂᖃᕐᓗᓂᓗ ᓂᓪᓕᐊᔪᒥᒃ ᐱᐅᔪᕆᓂᕐᒥᓂᒃ.”

ᕼᐆᓯᐊᑉ ᐊᒡᓚᖏᑦ 3:5

ᑕᒪᑐᒪ ᑭᖑᓂᖓᒍᑦ ᐃᓴᕆᐊᓕᒥᐅᑦ ᐃᓄᖏᑦ ᐅᑎᕈᒫᕆᕗᑦ ᕿᓂᓕᕐᓗᑎᒡᓗ ᐊᑕᓂᕐᒥᒃ ᒎᑎᒥᖕᓂᒃ, ᑍᕕᑎᒥᒡᓗ ᐊᖓᔪᖅᑳᕐᔪᐊᒥᖕᓂᒃ; ᓯᕘᕋᓕᕈᒫᕐᐳᓪᓗ ᐊᑕᓂᕐᒥᒃ ᐱᐅᔪᓂᒡᓗ ᑐᓂᕐᕈᑎᖏᓐᓂᒃ ᐱᓕᕈᒫᕐᐳᑦ ᐅᓪᓗᐃᑦ ᑭᖑᓪᓕᖏᓐᓂ.

ᒤᑲᐅᑉ ᐊᒡᓚᖏᑦ 4:1

ᐅᓪᓗᐃᑦ ᑭᖑᓪᓕᖏᓐᓂ ᓇᓪᓕᐅᑎᔪᒫᕐᐳᖅ, ᖃᖅᑲᒥ ᐊᑕᓂᐅᑉ ᐃᒡᓗᖓ ᐋᖅᑭᒃᓯᒪᓕᕈᒫᕐᐳᖅ, ᐊᖏᓂᕐᐹᖑᓕᕈᒫᕐᐳᖅ ᐳᕐᑐᓂᕐᓴᐅᓗᓂ ᖃᖅᑲᓕᒫᓂᑦ; ᐃᓅᖃᑎᒋᒡᔪᐊᓪᓗ ᑕᕝᕗᓐᖓᐅᓕᕈᒫᕐᐳᑦ ᑰᒃᑐᑎᑐᑦ.

ᑎᒧᑎᒧᑦ ᐂᑉᐸᖏᑦ 4:3

ᓇᓪᓕᐅᑎᔪᒫᕐᒪᑦ ᓇᓛᒎᕐᑑᑉ ᐊᔪᕆᕐᑑᑕᐅᓂᖏᓐᓂᒃ ᓈᓚᒍᒪᖏᑦᑐᓂᒃ, ᑖᒃᑯᐊᓗ ᐊᔪᕆᕐᑐᐃᔪᒃᓴᕐᓯᐅᓕᕈᒫᕐᐳᑦ ᑐᓴᕐᓂᕆᔭᒥᖕᓂᒃ ᐊᔪᕆᕐᑐᐃᔪᓐᓇᕐᑐᓂᒃ ᖁᕕᐊᒋᔭᖏᓐᓂᒡᓗ ᐊᔪᕆᕐᑐᐃᔪᓐᓇᕐᑐᓂᒃ,

ᐲᑦᑐᕉᓯ ᐂᑉᐸᖏᑦ 3:3

ᓯᕗᓪᓕᕐᒥᒃ ᐅᓇ ᑐᑭᓯᔭᕆᐊᖃᕐᐸᓯ, ᐅᓪᓗᐃᑦ ᑭᖑᓪᓕᖏᓐᓂ ᓴᖅᑭᑦᑐᖃᕈᒫᕐᒪᑦ ᒥᑕᐅᑎᒃᓴᕐᑎᓂᒃ, ᐃᒃᖠᒎᖕᓂᕐᒥᒍᑦ ᐊᐅᓚᑕᐅᔪᓂᒃ.

ᔪᐊᓇᓯ ᓯᕗᓪᓖᑦ 2:18

ᕿᑐᕐᖓᒃᑲ, ᓯᓚᕐᔫᑉ ᓇᒡᒐᑎᒃᓴᖓ ᓇᓪᓕᐅᑎᓕᕐᐳᖅ; ᑐᓴᐅᒪᒐᑦᓯᓗ ᙭ᔅᑑᓯᒥᒃ ᐊᑭᕋᕐᑐᕐᑐᖅ ᑎᑭᓐᓂᐊᕐᓂᕋᕐᑕᐅᑎᓪᓗᒍ, ᒫᓐᓇᓕ ᙭ᔅᑑᓯᒥᒃ ᐊᑭᕋᕐᑐᕐᑐᑦ ᑎᑭᓯᒪᓕᕐᐳᑦ; ᑍᒤᒻᒪᑦ ᖃᐅᔨᒪᓕᕐᐳᒍᑦ ᓯᓚᕐᔫᑉ ᓇᒡᒐᑎᒃᓴᖓ ᓇᓪᓕᐅᑎᓕᕐᒪᑦ.

ᔫᑎᐅᑉ ᐊᒡᓚᖏᑦ 1:17

ᐃᖅᑲᐅᒪᔪᒃᓴᐅᕗᓯ ᓇᒡᓕᖕᓇᕐᑐᓯ, ᐅᖃᐅᓯᐅᓯᒪᔪᓂᒃ ᐱᓛᕐᑐᓂᒃ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᐋᐴᓯᑕᓕᑯᑎᖏᑎᒍᑦ.

ᔫᑎᐅᑉ ᐊᒡᓚᖏᑦ 1:18

ᐅᖃᐅᑎᓚᐅᕐᒪᓯ, “ᐅᓪᓗᐃᑦ ᑭᖑᓪᓕᖏᓐᓂ ᒥᑕᐅᑎᒃᓴᕐᑎᑕᖃᕈᒫᕐᐳᖅ, ᒎᑎ ᑲᒪᒋᓇᒍ ᐃᒃᖠᒎᕐᓂᕐᒥᖕᓂᒃ ᒪᓕᑐᐃᓐᓇᕐᑐᓂᒃ.”