ᑎᒧᑎᒧᑦ ᐂᑉᐸᖏᑦ 2:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐊᔪᕆᕐᑐᐃᕙᖕᓂᓐᓄᑦ ᐊᒃᓱᕈᕐᓇᕐᑐᒦᑉᐳᖓ ᐊᕐᓵᕐᑑᔭᓄᓪᓗ ᕿᓚᒃᓱᕐᑕᐅᓯᒪᓪᓗᖓ ᐱᕋᔭᒃᑎᑐᑦ. ᒎᑎᐅᓪᓕ ᐅᖃᐅᓯᖓ ᕿᓚᒃᓱᕐᑕᐅᓯᒪᓐᖏᓚᖅ.

ᑎᒧᑎᒧᑦ ᐂᑉᐸᖏᑦ 2:9 Iomraidhean Croise

ᓘᑲᓯᐅᑉ ᐊᒡᓚᖏᑦ 23:32

ᐊᖑᑏᒃᑕᐅᖅ ᒪᕐᕉᒃ ᐊᓯᖏᒃ, ᐱᐅᖏᑦᑐᓕᓯᒪᔫᒃ, ᐊᒻᒪ ᑐᖁᑕᐅᔭᕐᑐᕐᓗᑎᒃ ᑭᑭᐊᒃᑐᕐᑕᐅᕕᒃᓴᒧᐊᕐᑎᑕᐅᒋᕘᒃ ᔩᓱᓯ ᐃᓚᒋᓪᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 21:33

ᑕᕝᕙ ᐅᓇᑕᕐᑐᒃᓮᑦ ᐊᖓᔪᖅᑳᖓᑦᑕ ᐅᐸᒃᑲᒥᐅᒃ ᐸᐅᓗᓯ ᑎᒍᕚ ᐊᕐᓵᕐᑑᔭᓄᑦ ᒪᕐᕈᐃᓄᑦ ᕿᓚᒃᓱᕐᑕᐅᖁᕚ. ᐊᐱᕐᓱᓕᕐᓗᓂ ᑭᓇᐅᖕᒪᖔᑦ ᖃᓄᐃᓕᐅᓚᐅᕐᒪᖔᓪᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 28:31

ᒎᑎᐅᑉ ᐊᑕᓂᐅᕕᖓᓂᒃ ᐊᔪᕆᕐᑐᐃᑦᔪᑎᖃᕐᓗᓂ ᐃᓕᓐᓂᐊᕐᑎᑦᓯᑦᔪᑎᖃᕐᓗᓂᓗ ᐊᑕᓂᕐᒥᒃ ᔩᓱᓯ ᙭ᔅᑑᓯᒥᒃ ᓯᕘᕋᓇᓂ ᐊᒡᕕᐊᕐᑕᐅᓇᓂᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 9:16

ᖃᐅᔨᑎᓐᓂᐊᕋᒃᑯ ᖃᓄᖅ ᐊᖏᑎᒋᔪᒥᒃ ᐊᒃᓱᕈᕐᑎᑕᐅᔭᕆᐊᖃᕐᒪᑦ ᐱᑦᔪᑎᒋᓗᖓ.”

ᐃᐱᓯᒥᐅᓄᑦ 3:1

ᑕᒪᓐᓇ ᐱᓪᓗᒍ, ᐅᕙᖓ ᐸᐅᓗᓯ, ᙭ᔅᑑᓯ ᔩᓱᓯᐅᑉ ᑎᒍᔭᐅᓯᒪᕕᖕᒦᑎᑕᖓ ᐃᓕᑦᓯ ᔫᑎᐅᖏᑦᑐᓯ ᐱᑦᔪᑎᒋᓪᓗᓯ,

ᐱᓕᐱᒥᐅᓄᑦ 1:17

ᐃᓚᖏᑕᓕ ᙭ᔅᑑᓯ ᐊᔪᕆᕐᑐᐃᑦᔪᑎᒋᕚᑦ ᓱᓕᓪᓚᕆᒐᑎᒃ, ᓇᖕᒥᓂᕐᓯᐅᕐᓂᕐᒧᑦ ᐱᑦᔪᑎᖃᕐᓗᑎᒃ, ᐅᕙᓐᓂᒃ ᐅᖁᒤᒃᓴᕐᑎᑦᓯᒃᑲᓐᓂᕈᒪᓪᓗᑎᒃ ᑎᒍᔭᐅᓯᒪᕕᖕᒦᑎᓪᓗᖓ.

ᐱᓕᐱᒥᐅᓄᑦ 1:7

ᑍᒪᓐᖓᑦ ᐃᓱᒪᒥᐅᑕᕇᓐᓇᕋᑦᓯ ᑍᒤᒻᒪᑦ ᐃᓕᑦᓯᓐᓂᒃ ᑍᒫᒃ ᐃᓱᒪᒋᔭᖃᕐᑐᒃᓴᐅᒐᒪ, ᑍᒪᓐᖓᑦ ᑲᑐᑦᔨᖃᑎᒌᓐᓇᓚᐅᕋᑦᓯᓐᖓ ᐱᕕᒃᓴᖃᕐᑎᑕᐅᓂᕆᔭᓐᓂᒃ ᒎᑎᒧᑦ, ᐅᕙᓂ ᑎᒍᔭᐅᓯᒪᕕᖕᒦᒃᑲᓗᐊᕐᑎᓪᓗᖓ ᑎᒍᔭᐅᓯᒪᑎᓐᓇᖓᓘᓐᓃᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᐅᓯᖃᕐᑎᓪᓗᖓ. ᐋᖅᑭᒃᓯᓇᓱᐊᕐᑎᓪᓗᖓᓗ ᐊᐅᓚᖏᑦᓯᐊᕐᑐᒥᒃ.

ᑯᓘᓯᐊᒥᐅᓄᑦ 4:18

ᐅᕙᖓ, ᐸᐅᓗᓯ ᓇᖕᒥᓂᖅ ᐅᓇ ᐊᒡᒐᓐᓄᑦ ᑎᑎᕋᕐᑕᕋ. ᑕᕝᕙᐅᕗᓯ ᐸᐅᓗᓯᒥᑦ. ᐊᑦᓱᖏᕐᑕᐅᓯᒪᓂᕋ ᐳᐃᒍᕐᑍᓕᓯᐅᒃ. ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᐃᓚᒋᓕᓯ.

ᑯᓘᓯᐊᒥᐅᓄᑦ 4:3

ᐅᕙᒍᓪᓗ ᑐᒃᓯᐅᔭᐅᖃᑦᑕᕐᑕ, ᒎᑎ ᐱᕕᒃᓴᒥᒃ ᐅᒃᑯᐃᕐᓯᖁᓪᓗᒍ, ᐅᖃᐅᓯᖃᕈᓐᓇᖁᓪᓗᑕ ᙭ᔅᑑᓯᐅᑉ ᓇᓗᓇᕐᓂᖓᓂᒃ, ᑕᒪᓐᓇ ᐱᑦᔪᑎᒋᓪᓗᒍ ᑎᒍᔭᐅᓯᒪᕕᖕᒦᓐᓇᒪ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:8

ᐊᑕᓂᕐᒥᒡᓕ ᐅᖃᐅᓯᖃᕐᓂᓯ ᑐᓴᐅᒪᔭᐅᓕᕐᐳᖅ ᒫᓯᑑᓂᐊᓕᒫᒥ ᐊᑬᐊᓕᒫᒥᓗ, ᑖᒃᑯᑑᓐᖏᓚᓪᓕ, ᒎᑎᒧᓪᓕᑦᑕᐅᖅ ᐅᒃᐱᕐᓂᑦᓯ ᑕᒤᓐᓄᑦ ᑐᓴᐅᒪᔭᐅᓕᕐᐳᖅ, ᑕᒪᑐᒥᖓᓗ ᐅᖃᒃᑲᓐᓂᕆᐊᖃᓐᖏᓚᒍᑦ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 3:1

ᑭᖑᓪᓕᕐᐹᒥᒡᓕ ᙭ᔅᑑᓯᒥᐅᑕᐅᖃᑎᒃᑲ, ᑐᒃᓯᐅᑎᑎᒍᑦ, ᐊᑕᓂᐅᑉ ᐅᖃᐅᓯᖏᑦ ᓱᒃᑲᔪᒥᒃ ᓯᐊᒻᒪᕐᑎᑕᐅᕙᓪᓕᐊᖁᓪᓗᒋᑦ ᓂᑐᕐᓇᕐᑎᑕᐅᓗᑎᒃᓗ ᓇᓂᑐᐃᓐᓇᖅ ᐅᐱᒋᔭᐅᑦᓯᐊᕐᓗᑎᒃ, ᐃᓕᑦᓯᑐᑦ,

ᑎᒧᑎᒧᑦ ᐂᑉᐸᖏᑦ 1:12

ᑍᒤᒻᒪᑦ ᐊᒃᓱᕈᕐᑎᑕᐅᕗᖓ. ᑕᒪᓐᓇᓕ ᑲᓐᖑᓲᑎᒋᓐᖏᓚᕋ, ᐅᒃᐱᕐᕕᒋᔭᕋ ᖃᐅᔨᒪᒐᒃᑯ, ᖁᓚᖏᓐᓇᒪ ᐅᕙᓐᓄᑦ ᐱᓂᐊᕐᑕᐅᖁᓯᒪᔭᓂ ᓴᐳᑎᓯᒪᔪᓐᓇᕐᓂᐊᕐᒪᒍ ᐅᓪᓗᖅ ᑍᓐᓇ ᓇᓪᓕᐅᑎᔪᒃᓴᖅ ᑎᑭᓪᓗᒍ.

ᑎᒧᑎᒧᑦ ᐂᑉᐸᖏᑦ 1:16

ᐊᑕᓂᐅᑉ ᓈᒃᑭᒋᓕᒋᑦ ᐅᓂᓯᐳᕋᓯᒃᑯᑦ ᐃᓚᒌᑦ, ᑖᑦᓱᒪ ᐅᓄᕐᑐᐃᕐᓱᕐᓗᖓ ᐱᕙᓪᓕᕐᑎᖃᑦᑕᕐᓯᒪᖕᒪᖓ; ᑎᒍᔭᐅᓯᒪᕕᖕᒦᓐᓂᓐᓂᒃ ᑲᓐᖑᓲᑎᖃᓚᐅᖏᒻᒪᑦ.

ᑎᒧᑎᒧᑦ ᐂᑉᐸᖏᑦ 1:8

ᑍᒤᒻᒪᑦ ᐊᑕᓂᕐᒥᒃ ᓇᓗᓁᕐᓯᔨᐅᓃᑦ ᑲᓐᖑᓲᑎᒋᓂᐊᕐᓇᒍ, ᑎᒍᔭᐅᓯᒪᕕᖕᒦᓐᓂᕋᓗ ᑖᓐᓇ ᐱᓪᓗᒍ. ᐊᒃᓱᕈᕐᓇᕐᑐᒥᒡᓕ ᐱᓇᓱᐊᖃᑕᐅᓕᕆᑦ ᐅᖃᐅᓰᑦ ᑐᓴᕈᒥᓇᕐᑐᑦ ᐱᑦᔪᑎᒋᓗᒋᑦ ᒎᑎᐅᑉ ᐱᔪᓐᓇᕐᓂᖓᓂ.

ᑎᒧᑎᒧᑦ ᐂᑉᐸᖏᑦ 2:3

ᐊᒃᓱᕈᕐᓇᕐᑐᒦᖃᑕᐅᒋᑦ ᐅᓇᕐᑕᕐᑐᒃᓴᑦᓯᐊᕙᒃᑎᑐᑦ ᙭ᔅᑑᓯ ᔩᓱᓯᒧᑦ.

ᑎᒧᑎᒧᑦ ᐂᑉᐸᖏᑦ 4:17

ᐊᑕᓂᐅᓪᓕ ᓇᔪᕐᒪᖓ ᑖᑦᓱᒪ ᐱᔪᓐᓇᕐᓂᖃᕐᑎᓚᐅᕐᐹᖓ ᐅᖃᓪᓚᒍᓐᓇᓚᐅᕐᐳᖓ ᑕᒤᓐᓂᒃ ᐅᖃᕆᐊᖃᕐᑕᓐᓂᒃ, ᔫᑎᐅᖏᑦᑐᓕᒫᑦ ᑐᓴᕈᓐᓇᖁᓪᓗᒋᑦ. ᑕᕝᕙ ᓔᔭᓐᐅᑉ ᖃᓂᖏᓐᓂᑦ ᓴᐳᑎᔭᐅᓚᐅᕐᐳᖓ.

ᐲᑦᑐᕉᓯ ᓯᕗᓪᓖᑦ 2:12

ᐅᒃᐱᖏᑦᑐᓂᒃ ᐃᓚᖃᕐᑎᓪᓗᓯ ᐱᐅᔪᒥᒃ ᐱᓂᐊᕐᓂᖃᕆᐊᖃᕐᐳᓯ, ᐃᓕᑦᓯᓐᓂᒃ ᐱᐅᖏᑦᑐᓕᓂᕅᓇᓱᓕᕈᑎᒃ, ᖃᐅᔨᖁᓪᓗᒋᑦ ᐱᓂᐊᑦᓯᐊᕐᓂᑦᓯᓐᓂᒃ ᒎᑎᒥᒡᓗ ᓂᕐᑐᐃᔪᒫᖁᓪᓗᒋᑦ ᐅᓪᓗᕐᔪᐊᒥ ᑎᑭᑦᓱᒫᕐᑐᒥ.

ᐲᑦᑐᕉᓯ ᓯᕗᓪᓖᑦ 2:14

ᐊᐅᓚᑦᓯᔨᐅᔪᓄᑦ ᐊᖓᔪᖅᑳᕐᔪᐊᕐᒧᑦ ᓂᕈᐊᕐᑕᐅᓯᒪᖕᒪᑕ ᓱᒋᐊᕐᓯᔨᐅᖁᓪᓗᒋᑦ ᐱᐅᖏᑦᑐᓕᔪᓂᒃ ᐅᐱᒍᓱᒍᓐᓇᖁᓪᓗᒋᑦ ᐱᑦᓯᐊᕐᑐᓂᑦ.

ᐲᑦᑐᕉᓯ ᓯᕗᓪᓖᑦ 3:16

ᐃᓱᒪᑦᓯᒍᑦ ᐸᓯᔭᐅᑦᔪᑎᖃᕐᑍᓕᓗᓯ, ᐅᖃᕐᓂᕐᓘᑎᒋᔭᐅᓕᕈᑦᓯ, ᐊᑭᕋᕐᑐᕋᓱᒃᑐᑦ ᙭ᔅᑑᓯᒥ ᐱᑦᓯᐊᕐᓂᑦᓯᓐᓂᒃ ᑕᑯᓕᕈᑎᒃ ᑲᓐᖑᓱᖁᓪᓗᒋᑦ.

ᐲᑦᑐᕉᓯ ᓯᕗᓪᓖᑦ 4:15

ᓇᓪᓕᓯ ᐊᒡᕕᐊᕈᕐᑎᑕᐅᑦᑍᓕᓕ ᐃᓄᐊᕐᓂᕐᒧᑦ, ᑎᒡᓕᖕᓂᕐᒧᑦ, ᐊᔪᕐᑐᓕᓂᕐᒧᑦ, ᐅᕝᕙᓘᓐᓃᑦ ᐃᓅᖃᑎᒥᓄᑦ ᐸᒃᕕᓵᕆᔨᐅᓂᕐᒧᑦ;