ᑎᒧᑎᒧᑦ ᐂᑉᐸᖏᑦ 2:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᐅᖃᐅᓯᕆᔭᒃᑲ ᐃᓱᒪᒃᓴᕐᓯᐅᕈᑎᒋᒃᑭᑦ, ᐊᑕᓂᐅᑉ ᑕᒤᓐᓂᒃ ᑐᑭᓯᑎᓐᓂᐊᕐᐹᑎᑦ.

ᑎᒧᑎᒧᑦ ᐂᑉᐸᖏᑦ 2:7 Iomraidhean Croise

ᑯᕉᓂᑲ ᓯᕗᓪᓖᑦ 22:12

ᐊᑕᓂᐅᓪᓕ ᑭᓯᒥ ᑐᓂᓯᕕᒋᓕᑎᑦ ᓯᓚᑐᓂᕐᒥᒃ ᑐᑭᓯᓂᕐᒥᒡᓗ, ᐊᖓᔪᖅᑳᓐᖑᕐᑎᑉᐸᑎᑦ ᐃᓴᕆᐊᓕᒥᐅᓄᑦ ᐊᑕᓂᐅᑉ ᒎᑎᕕᑦ ᐱᖁᔭᖏᓐᓂᒃ ᒪᓕᒍᓐᓇᖁᓪᓗᑎᑦ.

ᑯᕉᓂᑲ ᓯᕗᓪᓖᑦ 29:19

ᐃᕐᓂᕋᓗ ᓲᓗᒨᓂ ᑐᓂᓚᐅᕈᒃ ᐆᒻᒪᑎᒥᒃ ᑲᑦᓱᖎᕐᓯᒪᑦᓯᐊᕐᑐᒥᒃ ᐱᖁᔭᕐᓂᒃ ᒪᓕᒍᓐᓇᖁᓪᓗᒍ, ᐅᖃᐅᓯᕐᓂᒡᓗ, ᐊᑐᕐᑕᐅᖁᔭᓕᒫᓐᓂᒡᓗ ᐊᑐᑦᓯᐊᕈᓐᓇᖁᓪᓗᒍ ᑕᒤᓐᓂᒃ, ᑐᒃᓯᐊᕐᕕᒡᔪᐊᒥᒡᓗ ᓴᓇᔪᓐᓇᖁᓪᓗᒍ ᐊᑐᐃᓐᓇᕈᕐᓯᒪᔭᒃᑲ ᐱᓇᓱᐊᕈᑎᒋᓗᒋᑦ.”

ᐃᓐᖏᕈᑎᑦ 119:125

ᐱᔨᒋᒐᕕᖓ; ᑐᑭᓯᑎᓚᐅᓐᖓ, ᐃᓕᓮᑦᔪᑎᒋᔭᕐᓂᒃ ᖃᐅᔨᒪᔪᓐᓇᖁᓪᓗᖓ.

ᐃᓐᖏᕈᑎᑦ 119:144

ᐃᓕᓮᑦᔪᑎᑎᑦ ᐃᓱᐊᕐᓂᐅᕗᑦ ᐃᓱᖃᖏᑦᑐᒧᑦ; ᑖᒃᑯᓂᖓ ᑐᑭᓯᑎᓚᐅᓐᖓ, ᑕᕝᕙ ᐃᓅᓂᐊᕐᐳᖓ.

ᐃᓐᖏᕈᑎᑦ 119:73

ᐊᒡᒐᒃᐱᑦ ᓴᓇᓚᐅᕐᐹᖓ ᐋᖅᑭᒃᓱᕐᓗᖓᓗ; ᑐᑭᓯᑎᓚᐅᓐᖓ ᐱᖁᔭᕐᓂᒃ ᐃᓕᑦᓯᔪᓐᓇᖁᓪᓗᖓ.

ᐃᓐᖏᕈᑎᑦ 64:9

ᐃᓄᓕᒫᑦ ᑕᕝᕙ ᓯᕘᕋᓕᕈᒫᕐᐳᑦ, ᒎᑎᐅᓪᓗ ᐱᓂᐊᕐᓂᖏᓐᓂᒃ ᐅᖃᐅᓯᖃᓕᕐᓗᑎᒃ; ᐃᓱᒪᒃᓴᕐᓯᐅᕈᑎᒋᓕᕐᓗᒋᓪᓗ ᐱᓂᐊᕐᓂᖏᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 24:32

ᑕᑯᒐᒃᑯ ᐃᓱᒪᒋᑦᓯᐊᓕᓚᐅᕐᐸᕋ; ᕿᒥᕐᕈᒐᒃᑯᓗ ᐃᓕᓐᓂᐊᕐᑎᑕᐅᓚᐅᕐᐳᖓ:

ᐂᓮᐊᓯᐅᑉ ᐊᒡᓚᖏᑦ 1:3

ᐃᒻᒧᒃᓯᐅᒊᑦ ᖃᐅᔨᒪᕗᑦ ᐃᓄᖕᒥᖕᓂᒃ, ᓯᐅᑎᖅᑯᕐᑐᔪᓪᓗ ᖃᐅᔨᒪᒋᕗᑦ ᑲᒪᔨᒥᖕᓄᑦ ᓂᕆᑎᑕᐅᕕᒋᕙᒃᑕᒥᖕᓂᒃ; ᐃᓴᕆᐊᓕᒥᐅᓪᓕ ᖃᐅᔨᒪᓐᖏᓚᑦ, ᐃᓄᖁᑎᒃᑲᓗ ᑐᑭᓯᐅᒪᓐᖏᓚᑦ.

ᐂᓮᐊᓯᐅᑉ ᐊᒡᓚᖏᑦ 28:26

ᑕᕝᕙ ᑖᑦᓱᒪ ᐊᔪᕆᕐᑐᕐᓯᒪᕚ ᓱᓕᔪᒥᒃ ᐱᓇᓱᐊᖁᓪᓗᒍ; ᒎᑎᐅᑉ ᐊᔪᕆᕐᑐᕐᓯᒪᖕᒪᒍ.

ᐂᓮᐊᓯᐅᑉ ᐊᒡᓚᖏᑦ 5:12

ᑯᑭᑦᑕᐸᐅᑎᐅᔭᓂᒃ ᓄᖃᕐᑎᓕᖕᓂᒃ ᕼᐊᕐᐱᓂᒡᓗ ᑯᑭᑦᑕᐸᐅᑎᐅᔭᓂᒃ, ᕿᓚᐅᑎᐅᔭᓂᒡᓗ ᓱᐴᒐᓂᒡᓗ ᕔᓂᓂᒡᓗ ᖁᕕᐊᓲᑎᖃᖃᑦᑕᕐᐳᑦ ᓂᕆᕕᒡᔪᐊᓕᕌᖓᒥᒃ; ᖃᐅᔨᓇᓱᐊᓐᖏᓚᓪᓕ ᐊᑕᓂᐅᑉ ᐱᓇᓱᐊᕐᓯᒪᓂᖓᓂᒃ, ᐃᓱᒪᖃᕋᑎᒡᓗ ᑖᑦᓱᒪ ᐊᒡᒐᖏᑕ ᓴᓇᓯᒪᔭᖏᓐᓂᒃ.

ᑖᓂᐊᓕᐅᑉ ᐊᒡᓚᖏᑦ 1:17

ᒎᑎᐅᑉ ᑖᒃᑯᐊ ᐃᓅᓱᒃᑐᑦ ᓯᑕᒪᑦ ᑐᓂᓯᕕᒋᕔᑦ, ᖃᐅᔨᒪᓂᕐᒥᒃ ᑐᑭᓯᔪᓐᓇᕐᓂᕐᒥᒡᓗ ᐃᓕᓯᒪᓂᕐᒥᒡᓗ. ᑖᓂᐊᓕᓗ ᑐᑭᓯᔪᓐᓇᕐᑎᑉᐹ ᑕᑯᑎᑕᐅᓂᕐᓂᒃ ᓯᓐᓇᒃᑑᒪᓂᕐᓂᒡᓗ.

ᓘᑲᓯᐅᑉ ᐊᒡᓚᖏᑦ 21:15

ᐅᕙᖓ ᐅᖃᐅᓯᒃᓴᖃᕐᑎᑦᓱᒫᕐᐸᑦᓯ ᓯᓚᑐᓂᖃᕐᑎᓪᓗᓯᓗ, ᐊᑭᕋᕐᑐᕐᑎᑦᓯᓐᓂᓪᓘᓐᓃᑦ ᐊᑭᕋᕐᑐᕐᑕᐅᔪᓐᓇᕈᒫᓐᖏᓚᓯ ᑭᒡᒍᓯᒃᓮᕈᑦᔨᔪᒫᕐᐳᓯᓕ ᑖᒃᑯᓂᖓ.

ᓘᑲᓯᐅᑉ ᐊᒡᓚᖏᑦ 24:45

ᑕᕝᕙ ᖃᐅᔨᑎᑉᐰᑦ ᐊᒡᓚᖕᓂᒃ ᑐᑭᓯᖁᓪᓗᒋᑦ,

ᓘᑲᓯᐅᑉ ᐊᒡᓚᖏᑦ 9:44

“ᐅᑯᐊ ᐅᖃᐅᓯᕆᓂᐊᕐᑕᒃᑲ ᐳᐃᒍᕐᑍᓕᓯᐅᒃ; ᐃᓅᑉ ᐃᕐᓂᖓ ᐱᑎᑕᐅᒋᐊᕕᓕᕐᐳᖅ ᐃᓄᐃᑦ ᐱᔪᓐᓇᕐᓂᖏᓐᓄᑦ.”

ᔪᐊᓇᓯᐅᑉ ᐊᒡᓚᖏᑦ 14:26

ᐃᑲᔪᕐᑎᒃᓴᕐᓕ, ᐊᓂᕐᓂᖅ ᐃᑦᔪᕐᓁᑦᑐᖅ, ᐊᑖᑕᐅᑉ ᑎᓕᓛᕐᑕᖓᑕ ᐊᑎᓐᓂ, ᑖᑦᓱᒪ ᐊᔪᕆᕐᑐᕈᒫᕐᐹᓯ ᓱᓇᓕᒫᓂᒃ, ᐃᖅᑬᑎᓪᓗᓯᓗ ᐅᖃᐅᓯᕆᓚᐅᕐᑕᓕᒫᓐᓂᒃ ᐃᓕᑦᓯᓐᓄᑦ.

ᔪᐊᓇᓯᐅᑉ ᐊᒡᓚᖏᑦ 16:13

ᓱᓕᔫᓪᓕ ᐊᓂᕐᓂᖓ ᑎᑭᒃᑯᓂ, ᓱᓕᓂᕐᓄᑦ ᑕᒤᓐᓄᑦ ᑕᓯᐅᓛᕐᐹᓯ; ᓇᖕᒥᓂᖅ ᐱᔪᓐᓇᕐᓂᓂ ᒪᓕᒡᓗᒍ ᐅᖃᓪᓚᓛᖏᒻᒪᑦ, ᑐᓴᕐᑕᒥᓂᒡᓕ ᐅᖃᐅᑦᔨᔪᒫᕐᐳᖅ, ᓇᓪᓕᐅᑎᔪᒫᕐᑐᓂᒡᓗ ᐅᖃᐅᑎᔪᒫᕐᐹᓯ.

ᐋᐴᓯᑕᓖᑦ ᐱᓂᐊᕐᓂᖏᑦ 7:10

ᓴᐳᑎᓪᓗᒍ ᖃᓄᐃᓐᓇᕐᑐᓕᒫᓂᑦ, ᐱᑦᓯᐊᕐᓂᖃᕐᑎᐹ ᓯᓚᑐᓂᖃᕐᑎᓪᓗᒍᓗ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᑕ ᐰᕉᑉ ᓵᖓᓂ, ᔫᓯᐱ ᐊᖓᔪᖅᑳᕐᔪᐊᑉ ᐊᐅᓚᑦᓯᔨᓐᖑᕐᑎᓚᐅᕐᐹ ᐄᑦᔨᑉᑎᒥᐅᓄᑦ ᐊᖓᔪᖅᑳᕐᔪᐊᓪᓗ ᐃᒡᓗᖓᓃᑦᑐᓕᒫᓄᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:8

ᐃᓚᖓᓐᓄᑦ ᐊᓂᕐᓂᖅ ᑐᓂᓯᕗᖅ ᓯᓚᑐᔪᓂᒃ ᐅᖃᐅᓯᖃᕐᑎᑦᓯᓂᕐᒥᒃ; ᐊᓯᐊᓄᓪᓗ ᐊᓂᕐᓂᖅ ᑖᓐᓇᑦᓮᓐᓇᖅ ᑐᓂᓯᕗᖅ ᖃᐅᔨᒪᓂᕐᑖᕐᑎᑎᓪᓗᓂ ᐅᖃᓪᓚᒃᑎᑦᓯᕗᖅ.

ᒨᓯᓯ ᑕᓪᓕᒪᖏᑦ 32:29

ᓯᓚᑐᒍᑎᒃ ᑕᒪᑐᒥᖓ ᖃᐅᔨᒐᔭᕐᐳᑦ, ᓱᖕᒪᑦ ᑍᒤᑦᑐᒦᓕᕐᒪᖔᕐᒥᒃ ᑐᑭᓯᒐᔭᕐᐳᑦ.

ᒨᓯᓯ ᑕᓪᓕᒪᖏᑦ 4:39

ᑍᒤᒻᒪᑦ ᐅᓪᓗᒥ ᐃᖅᑲᐅᒪᓕᕐᓯᐅᒃ ᐳᐃᒍᕐᓂᐊᕐᓇᒍᓗ: ᐊᑕᓂᖅ ᒎᑎᐅᖕᒪᑦ ᕿᓚᖕᒥᓗ ᓄᓇᒥᓗ. ᐊᓯᐊᓂᒡᓗ ᒎᑎᑕᖃᓐᖏᓚᖅ.

ᐱᓕᐱᒥᐅᓄᑦ 4:8

ᑭᖑᓪᓕᕐᐹᒥᓪᓕ ᐅᒃᐱᕐᑑᖃᑎᒃᑲ, ᓱᓇᑐᐃᓐᓇᖅ ᓱᓕᔫᒃᐸᑦ, ᐅᐱᓐᓇᕐᐸᑦ, ᓈᒻᒪᓈᑦᓯᐊᕐᓂᐅᒃᐸᑦ, ᐃᑦᔪᕐᓁᑉᐸᑦ, ᓇᒡᓕᖕᓇᕐᐸᑦ, ᐱᑦᓯᐊᕐᓂᐅᒃᐸᑦ, ᓈᒻᒪᓈᕐᓯᒪᑦᓯᐊᕐᓂᖃᕐᐸᓪᓗ, ᓂᕐᑐᕐᓇᕐᑐᖃᕐᐸᓪᓗ, ᑕᒪᒃᑯᐊ ᐃᓱᒪᒃᓴᕐᓯᐅᕈᑎᒋᓯᒋᒃ.

ᑯᓘᓯᐊᒥᐅᓄᑦ 1:9

ᑍᒤᒻᒪᑦ ᐅᓪᓗᒥᑦ ᑍᑦᓱᒪᓂ ᑐᓴᓚᐅᕐᓂᑦᑎᓂᑦ, ᑐᒃᓯᐅᑦᔩᓐᓇᕐᐳᒍᑦ ᐃᓕᑦᓯᓐᓂᒃ, ᖃᐅᔨᑎᑕᐅᖁᓪᓗᓯ ᑖᑦᓱᒪ ᐱᔪᒪᔭᖓᓂᒃ ᑕᒤᓐᓂᒡᓗ ᐊᓂᕐᓂᒃᑯᑦ ᓯᓚᑐᓂᕐᒥᒃ ᑐᑭᓯᓂᕐᒥᒡᓗ,

ᑎᒧᑎᒧᑦ ᓯᕗᓪᓖᑦ 4:15

ᑕᒪᒃᑯᐊ ᐃᓱᒪᒃᓴᕐᓯᐅᕈᑎᒋᑦᓯᐊᑭᑦ, ᐃᓕᖕᓂᒃ ᑕᒪᑐᒧᖓ ᑐᓂᓯᒪᑦᓯᐊᕐᓗᑎᑦ, ᐱᕙᓪᓕᐊᓃᑦ ᑕᑯᔭᐅᖁᓪᓗᒍ ᑕᒤᓐᓄᑦ.

ᑎᒧᑎᒧᑦ ᐂᑉᐸᖏᑦ 2:6

ᐱᕈᕐᓰᕕᓕᕆᔨ ᐊᒃᓱᕈᕐᓗᓂ ᐱᓇᓱᐊᕐᓯᒪᔪᖅ ᐱᕈᕐᑐᓂᒃ ᓯᕗᓪᓕᕐᐹᖑᓗᓂ ᐱᑖᕐᑐᒃᓴᐅᕗᖅ.

ᑎᒧᑎᒧᑦ ᐂᑉᐸᖏᑦ 2:8

ᐃᖅᑲᐅᒪᒍᒃ ᔩᓱᓯ ᙭ᔅᑑᓯ, ᑐᖁᖓᔪᓂᑦ ᒪᑭᓯᒪᔪᖅ, ᑍᕕᑎᐅᑉ ᑭᖑᕚᖓ, ᐅᖃᐅᓯᕐᓂ ᑐᓴᕈᒥᓇᕐᑐᓂ ᐅᖃᐅᑎᒋᕙᒃᑕᕋ,

ᐄᑉᕈᐃᓄᑦ 12:3

ᐃᓱᒪᒋᓚᐅᕐᓯᐅᒃ ᑖᑦᓱᒪ ᐊᑐᓚᐅᕐᑕᖓ ᐊᖏᔪᒥᒃ ᕿᓄᐃᓵᓚᐅᕐᐳᖅ ᐊᔪᕐᑐᓕᔪᓄᑦ ᐊᑭᕋᕐᑐᕐᑕᐅᒐᓗᐊᕋᒥ, ᓴᓐᖐᓕᖁᓇᓯ ᓴᐱᓕᖁᓇᓯᓗ.

ᐄᑉᕈᐃᓄᑦ 13:7

ᐃᖅᑲᐅᒪᓯᐅᒃ ᓯᕗᓕᕐᑎᓯ, ᒎᑎᐅᑉ ᐅᖃᐅᓯᖏᓐᓂᒃ ᐃᓕᑦᓯᓐᓄᑦ ᐅᖃᕐᐸᒃᑐᑦ; ᐃᓱᒪᒋᓯᐅᒃ ᖃᓄᖅ ᐃᓅᓯᖃᕐᒪᖔᑕ, ᐅᒃᐱᕐᓂᖏᓪᓗ ᒪᓕᒡᓗᒋᑦ.

ᐄᑉᕈᐃᓄᑦ 3:1

ᑍᒤᒻᒪᑦ, ᐅᒃᐱᖃᑎᕗᑦ ᐃᑦᔪᕐᓁᑦᑐᓯ, ᒎᑎᒧᑦ ᕾᖁᔭᐅᖃᑕᐅᓯᒪᔪᓯ, ᔩᓱᓯ ᐃᓱᒪᒋᓚᐅᕐᓯᐅᒃ, ᐋᐴᓯᑕᓕᐅᔪᖅ ᑐᓂᕐᕈᓯᕐᑎᑦᓯᔨᓄᓪᓗ ᐊᖓᔪᖅᑳᖑᓪᓗᓂ ᐅᒃᐱᕐᓂᑦᑎᓐᓄᑦ.

ᐄᑉᕈᐃᓄᑦ 7:4

ᐃᓱᒪᒃᓴᕐᓯᐅᕈᑎᒋᓯᐅᒃ ᐱᓪᓚᕆᐊᓘᓂᖓ: ᐂᑉᕋᕼᐋᒻᓗ ᓯᕗᓕᑦᑕ ᐃᓕᑕᕆᔭᐅᑦᓯᐊᕐᑑᑉ ᑐᓂᓯᕕᒋᓚᐅᕐᐹ ᐅᓇᑕᕐᓂᒃᑯᑦ ᐱᑖᕆᔭᕕᓂᕐᒥ ᑕᓪᓕᒪᐅᔪᕐᑐᖏᓐᓂᒃ.

ᔧᒥᓯᐅᑉ ᐊᒡᓚᖏᑦ 1:5

ᓇᓪᓕᕐᓯᓕ ᓯᓚᑐᓂᕐᒥᒃ ᐊᔪᕐᓴᕈᓂ, ᒎᑎᒧᑦ ᑐᒃᓯᐊᕐᑐᒃᓴᐅᕗᖅ, ᑖᑦᓱᒪ ᑕᑉᕙ ᑐᓂᓯᕕᒋᓂᐊᕐᐹ ᐱᔪᒪᔭᖓᓂᒃ. ᐃᓄᓕᒫᑦ ᑐᓂᓯᕕᒋᕙᖕᒪᒋᑦ ᖁᕕᐊᒋᓪᓗᒋᑦ ᐊᓐᓂᕈᓱᒐᓂᓗ.

ᔧᒥᓯᐅᑉ ᐊᒡᓚᖏᑦ 3:15

ᓯᓚᑐᓂᖅ ᑍᒤᑦᑐᖅ ᐹᓐᖓᑦ ᐱᓐᖏᓚᖅ, ᓯᓚᕐᔪᐊᕐᒥᓪᓕ ᐱᕗᖅ, ᐅᒃᐱᕐᓂᒥᐅᓐᖏᑦᑐᖅ, ᐊᓂᕐᓂᕐᓗᖕᓂᓪᓕ ᐱᕗᖅ.

ᔧᒥᓯᐅᑉ ᐊᒡᓚᖏᑦ 3:17

ᓯᓚᑐᓂᕐᓕ ᕿᓚᖕᒥᑦ ᐱᔪᖅ ᓯᕗᓪᓕᐅᑦᔨᕗᖅ ᓴᓗᒪᑦᓯᐊᕐᓂᕐᒥᒃ, ᐊᒻᒪ ᓮᓕᓂᕐᒥᒃ, ᐅᐃᒪᔮᖏᓐᓂᕐᒥᒃ, ᐱᖃᓐᓂᕐᓗᓂᓗ; ᐱᑦᔪᑎᒃᓴᑦᓯᐅᑦᓯᐊᕐᐳᖅ, ᓂᑲᒍᓱᒃᐳᖅ ᐱᐅᔪᓂᒡᓗ ᐱᕈᕐᑎᑦᓯᓪᓗᓂ, ᐊᑦᔨᒌᒃᑎᑦᓯᕗᖅ ᓱᓕᑦᓯᐊᕐᓗᓂᓗ.

ᔪᐊᓇᓯ ᓯᕗᓪᓖᑦ 5:20

ᖃᐅᔨᒪᕗᒍᓪᓗ ᒎᑎᐅᑉ ᐃᕐᓂᖓ ᑎᑭᓯᒪᖕᒪᑦ ᑖᑦᓱᒪᓗ ᑐᑭᓯᐊᓕᕐᑎᑉᐹᑎᒍᑦ, ᖃᐅᔨᖁᓪᓗᑕ ᑭᓇ ᓱᓕᖕᒪᖔᑦ; ᑖᑦᓱᒪᓃᑉᐳᒍᓪᓗ ᓱᓕᔪᒥ, ᐃᕐᓂᖓᓂ ᔩᓱᓯ ᙭ᔅᑑᓯᒥ. ᑖᓐᓇ ᒎᑎ ᓱᓕᔫᕗᖅ ᐃᓅᓯᐅᓪᓗᓂᓗ ᓄᖑᓱᐃᑦᑐᖅ.