3 ᐊᒃᓱᕈᕐᓇᕐᑐᒦᖃᑕᐅᒋᑦ ᐅᓇᕐᑕᕐᑐᒃᓴᑦᓯᐊᕙᒃᑎᑐᑦ ᙭ᔅᑑᓯ ᔩᓱᓯᒧᑦ.
ᑕᕝᕙ ᐅᓇᑕᕐᑐᒃᓮᑦ ᐱᖁᔭᐅᓂᑎᒃ ᒪᓕᒡᓗᒍ, ᐸᐅᓗᓯ ᐅᓐᓄᐊᒃᑯᑦ ᐊᐅᓪᓚᕈᑎᕚᑦ, ᐋᓐᑎᐹᑐᕇᓯᒧᐊᕈᑎᓪᓗᒍ.
ᓇᒡᓕᖕᓂᖅ ᓱᓇᓕᒫᓄᑦ ᐃᑲᔪᕐᐳᖅ; ᑕᒤᓐᓂᒃ ᐅᒃᐱᕐᐳᖅ, ᑕᒤᓐᓂᒃ ᓂᕆᐅᒃᐳᖅ, ᑕᒤᓐᓂᒃ ᕿᓄᐃᓵᕐᐳᖅ.
ᐅᓇᑕᕐᑐᒃᓴᓪᓘᓐᓃ ᐊᑐᕐᓂᐊᕐᑕᒥᓂᒃ ᓇᖕᒥᓂᖅ ᐊᑭᓖᓲᖑᕚ? ᓇᓪᓕᐊᑦ ᐱᕈᓰᕕᖁᑎᓕᒃ ᐅᐂᓂᒃᓴᓂᒃ ᑲᓐᖓᕐᓱᓚᐅᕐᑕᒥ ᐱᕈᕐᑐᖏᓐᓂᒃ ᓂᕆᕙᓐᖏᓛᖅ? ᓇᓪᓕᐊᓪᓗ ᐆᒪᔪᓂᒃ ᑲᒪᔨᐅᔪᖅ ᐆᒪᔪᖁᑎᒥ ᐃᒻᒧᖏᓐᓂᒃ ᐃᒻᒧᒃᑖᕐᕕᖃᕐᐸᓐᖏᓛᖅ?
ᐋᓐᓂᐊᑎᑕᐅᒍᑦᑕ, ᑍᒤᑕᐅᕗᒍᑦ ᐃᑲᔪᕐᑕᐅᖁᓪᓗᓯ ᐱᐅᓕᔭᐅᕕᒃᓴᖃᖁᓪᓗᓯᓗ; ᐃᑲᔪᕐᑕᐅᒍᑦᑕᓕ, ᐃᑲᔪᕐᑕᐅᒋᕗᓯ ᐱᔪᓐᓇᐅᑎᑖᖁᓪᓗᓯᓗ ᕿᓄᐃᓵᕐᓂᕐᒥᒃ ᐊᑐᕈᓐᓇᕐᓯᖁᓪᓗᓯ, ᐋᓐᓂᐊᑎᑕᐅᑎᓪᓗᑕ ᐊᓂᒍᐃᑦᔪᑎᒋᖃᑦᑕᕐᑕᑦᑎᓐᓄᑦ.
ᐃᕝᕕᓪᓕ ᑎᒧᑏ ᕿᑐᕐᖓᕋ, ᐱᓇᓱᐊᕐᑕᐅᖁᔭᓐᓂᒃ ᐅᖃᐅᑎᕙᒋᑦ, ᓇᓚᐅᑦᑍᑦᔪᑕᐅᓯᒪᔪᑦ ᐃᓕᖕᓂᒃ ᒪᓕᒡᓗᒋᑦ, ᑖᒃᑯᐊ ᐅᖃᐅᓰᑦ ᒪᓕᒃᑯᕕᒋᑦ ᐱᐅᔪᒥᒃ ᐱᑦᔪᑎᖃᕐᓗᑎᑦ ᐅᓇᑕᕐᑎᐅᓂᐊᕐᐳᑎᑦ.
ᐸᐅᓗᓯᒥᑦ, ᙭ᔅᑑᓯ ᔩᓱᓯᒧᑦ ᐋᐴᓯᑕᓕᒋᔭᐅᔪᒥᑦ ᒎᑎᐅᑉ ᐱᔪᒪᔭᖓ ᒪᓕᒡᓗᒍ ᑎᓕᔭᐅᓯᒪᔪᒥᑦ ᐅᖃᐅᓯᖃᖁᓪᓗᒍ ᐃᓅᓯᖃᕐᓇᕐᑐᒥᒃ ᙭ᔅᑑᓯ ᔩᓱᓯᒦᑦᑐᒥᒃ.
ᑍᒤᒻᒪᑦ ᐊᑕᓂᕐᒥᒃ ᓇᓗᓁᕐᓯᔨᐅᓃᑦ ᑲᓐᖑᓲᑎᒋᓂᐊᕐᓇᒍ, ᑎᒍᔭᐅᓯᒪᕕᖕᒦᓐᓂᕋᓗ ᑖᓐᓇ ᐱᓪᓗᒍ. ᐊᒃᓱᕈᕐᓇᕐᑐᒥᒡᓕ ᐱᓇᓱᐊᖃᑕᐅᓕᕆᑦ ᐅᖃᐅᓰᑦ ᑐᓴᕈᒥᓇᕐᑐᑦ ᐱᑦᔪᑎᒋᓗᒋᑦ ᒎᑎᐅᑉ ᐱᔪᓐᓇᕐᓂᖓᓂ.
ᑍᒤᒻᒪᑦ ᑕᒪᕐᒥᒃ ᕿᓄᐃᓵᕈᑎᒋᕙᒃᑲ ᒎᑎᐅᑉ ᓂᕈᐊᕐᓯᒪᔭᖏᑦ ᐱᑦᔪᑎᒋᓪᓗᒋᑦ, ᑖᒃᑯᐊᑦᑕᐅᖅ ᐱᐅᓕᔭᐅᔪᓐᓇᖁᓪᓗᒋᑦ ᙭ᔅᑑᓯ ᔩᓱᓯᒃᑯᑦ ᐃᓱᖃᖏᑦᑐᒧᑦ ᐱᓐᓇᕐᓇᕐᑐᕐᔪᐊᖅ ᐃᓚᒋᓗᒍ.
ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐊᔪᕆᕐᑐᐃᕙᖕᓂᓐᓄᑦ ᐊᒃᓱᕈᕐᓇᕐᑐᒦᑉᐳᖓ ᐊᕐᓵᕐᑑᔭᓄᓪᓗ ᕿᓚᒃᓱᕐᑕᐅᓯᒪᓪᓗᖓ ᐱᕋᔭᒃᑎᑐᑦ. ᒎᑎᐅᓪᓕ ᐅᖃᐅᓯᖓ ᕿᓚᒃᓱᕐᑕᐅᓯᒪᓐᖏᓚᖅ.
ᐊᑭᕋᕐᑐᕐᑕᐅᓂᒃᑲ, ᐋᓐᓂᐊᑎᑕᐅᓂᒃᑲ, ᐊᓐᑎᐅᑭᐊᒥ ᐱᓂᐊᕐᕕᐅᓯᒪᓂᕋ, ᐂᑯᓂᐊᒥ, ᓕᔅᑐᕋᒥᓗ, ᐊᑭᕋᕐᑐᕐᑕᐅᓂᕐᒥᒡᓗ ᐊᖏᔪᒥᒃ ᐊᓂᒍᐃᔪᓐᓇᓚᐅᕋᒪ; ᐊᑕᓂᐅᓪᓕ ᓴᐳᑎᓚᐅᕐᐹᖓ ᑕᒪᒃᑯᓇᖓᑦ ᑕᒤᓐᓂᑦ.
ᐃᕝᕕᓪᓕ ᐃᓕᖕᓂᒃ ᐱᓯᒪᑦᓯᐊᕆᐊᖃᕐᐳᑎᑦ, ᐅᖁᒤᑦᑐᓂᒃ ᕿᓄᐃᓵᕈᑎᖃᕐᓗᑎᑦ, ᓵᒋᐊᕐᑎᑦᓯᓂᕐᒥᒃ ᐱᓇᓱᐊᕆᑦ, ᐱᔭᒃᓴᕆᔭᑎᑦ ᐱᓇᓱᐊᑦᓯᐊᕐᓗᒋᑦ.
ᐃᓚᒌᒃᑐᓄᓪᓗ ᐃᒡᓗᑦᓯᓐᓂ ᑲᑎᒪᖃᑦᑕᕐᑐᓄᑦ, ᓇᔭᑦᑎᓐᓄᓪᓗ ᐊᐱᐊᒧᑦ, ᐅᓇᑕᕐᑎᐅᖃᑎᑦᑎᓐᓄᓪᓗ ᐋᑭᐸᓯᒧᑦ.
ᐃᖅᑬᓚᐅᕆᑦᓯ ᐊᑐᓚᐅᕐᑕᑦᓯᓐᓂᒃ, ᑍᑦᓱᒪᓂ ᒎᑎᐅᑉ ᖃᐅᒪᓂᖓᓄᑦ ᑐᑭᓯᑎᑕᐅᓯᒪᓕᕐᑎᓪᓗᓯ, ᖃᓄᑐᐃᓐᓈᓗᒃ ᐅᖁᒤᒃᓴᕐᑎᑕᐅᓚᐅᕋᑦᓯ ᐋᓐᓂᐊᑎᑕᐅᓪᓗᓯᓗ,
ᐅᒃᐱᕐᓂᑯᑦ ᐄᑦᔨᑉᑎ ᕿᒪᓚᐅᕐᐹ, ᐊᖓᔪᖅᑳᕐᔪᐊᑉ ᓂᓐᖓᐅᒪᓂᖓ ᓯᕘᕋᒋᓇᓂᐅᒃ; ᑕᑯᒃᓴᐅᖏᑦᑐᖅ ᒎᑎ ᑕᑯᓐᓇᕐᑕᒥᑐᑦ ᑍᒤᓪᓗᓂᐅᒃ ᐅᑎᕈᒪᔪᓐᓃᓚᐅᕐᐳᖅ.
ᐂᑉᕋᕼᐊᒻᓗ ᕿᓄᐃᓵᓚᐅᕐᓗᓂ, ᐊᖏᕈᑕᐅᓯᒪᔪᒥᒃ ᐱᑎᑕᐅᓚᐅᕐᐳᖅ.
ᐃᓄᒃ ᓮᒻᒪᕐᑎᑕᐅᑦᔪᑎᒃᓴᖃᕐᐳᖅ ᐱᐅᓐᖏᑦᑐᒧᑦ ᐱᔪᒥᓵᕐᑕᐅᓂᕐᒥᒃ ᕿᓄᐃᓵᕐᓗᓂ ᐊᓂᒍᐃᔪᖅ, ᐱᐅᖏᑦᑐᒥᒃ ᐱᔪᒥᓵᕐᑕᐅᓂᕐᒥᒃ ᐊᓂᒍᐃᒍᓂ ᑕᕝᕙ ᓂᐊᖂᓯᕐᑕᐅᔪᒫᕐᐳᖅ ᐃᓅᓯᕐᒥᒃ ᒎᑎᐅᑉ ᐊᖏᕈᑎᒋᓯᒪᔭᖓᓂᒃ ᓇᒡᓕᒋᔨᒥᓄᑦ.
ᑍᒤᓚᐅᕐᐳᖅ ᐃᓴᕆᐊᓕᐅᑉ ᑭᖑᕚᖏᑦ ᐃᓕᓐᓂᐊᕐᑎᑦᓱᒪᓪᓗᒋᑦ ᐅᓇᑕᕐᓂᕐᒥᒃ, ᐱᓗᐊᕐᑐᒥᒃ ᑖᒃᑯᐊ ᐅᓇᑕᖃᑕᐅᓚᐅᕐᓯᒪᖏᑦᑐᑦ.
