ᑎᒧᑎᒧᑦ ᐂᑉᐸᖏᑦ 2:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᐅᒃᐱᕐᓂᕐᒧᑦ ᐃᑲᔪᖏᑦᑐᓂᒃ ᐅᖃᐅᓯᓖᑦ ᐃᓚᒋᓂᐊᕐᓇᒋᑦ, ᑍᒤᓕᐅᕐᑐᑦ ᐃᓄᖕᓂᒃ ᐅᖓᓯᒃᓯᕙᓪᓕᐊᑎᑦᓯᖕᒪᑕ ᒎᑎᒥᑦ.

ᑎᒧᑎᒧᑦ ᐂᑉᐸᖏᑦ 2:16 Iomraidhean Croise

ᐄᓱᕋᐅᑉ ᐊᒡᓚᖏᑦ 10:10

ᑕᕝᕙ ᐄᓱᕋ ᑐᓂᕐᕈᓯᕐᑎᑦᓯᔨ ᓂᑯᕕᓪᓗᓂ ᐅᖃᓕᕐᐳᖅ, “ᐱᐅᖏᑦᑐᓕᓚᐅᕐᐳᓯ ᓄᓕᐊᓂᖕᓂᑦᓯᓐᓄᑦ ᐊᕐᓇᓂᒃ ᐃᓅᖃᑎᒃᓴᔭᕆᓐᖏᑕᑦᓯᓂᒃ, ᐃᓴᕆᐊᓕᒥᐅᓪᓗ ᐸᓯᔭᒃᓴᐅᓂᖏᑦ ᐃᓚᒃᑲᓐᓂᕐᓗᒋᑦ.

ᕼᐆᓯᐊᑉ ᐊᒡᓚᖏᑦ 12:1

“ᐃᕗᕅᒥ ᐊᓄᕆᒥᑦ ᓂᕆᕗᖅ, ᒪᓕᒃᐳᕐᓗ ᐊᓄᕆᒥᒃ ᐅᓪᓗᓕᒫᖅ ᓯᕿᓂᐅᑉ ᓄᐃᕕᐊᓂᓐᖔᕐᑐᒥᒃ; ᓴᒡᓗᖃᑦᑕᓕᕐᐸᓪᓕᐊᑐᐃᓐᓇᕐᐳᑦ ᐱᕋᔭᖃᑦᑕᓕᕐᐸᓪᓕᐊᓪᓗᑎᒡᓗ; ᐊᖏᖃᑎᖃᕐᓯᒪᕗᓪᓗ ᐊᓯᕆᐊᒥᐅᓂᒃ, ᐅᕐᓱᐃᓪᓗ ᐂᑦᑑᑕᐅᕗᑦ ᐄᑦᔨᑉᑎᒧᑦ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:33

ᑕᒻᒪᕐᑎᑕᐅᓂᐊᕋᓯ: “ᐱᐅᖏᑦᑐᓕᔪᓂᒃ ᐃᓚᖃᖃᑦᑕᕐᓂᖅ ᐃᓕᖅᑯᓯᑦᓯᐊᕙᖕᒥᒃ ᐊᓯᕈᐃᕗᖅ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:6

ᐱᐅᓱᒋᓂᓯ ᓈᒻᒪᖏᒻᒪᑦ. ᖃᐅᔨᒪᓐᖏᓚᓰ ᐳᕙᓪᓚᕐᓯᐊᒃᓴᐅᑉ ᒥᑭᑦᔫᑉ ᓂᐊᖂᔭᒃᓴᓕᒫᖅ ᐳᕙᓪᓚᕐᑎᑉᐸᓐᖕᒪᒍ?

ᑎᒧᑎᒧᑦ ᓯᕗᓪᓖᑦ 1:9

ᖃᐅᔨᒪᒋᕗᒍᑦ, ᐱᖁᔭᑦ ᐋᖅᑭᒃᑕᐅᓯᒪᖏᒻᒪᑕ ᓈᒪᑦᓯᐊᕐᑐᒥᒃ ᐃᓅᔪᓄᑦ ᐱᖁᔭᖃᖏᑦᑐᓄᓪᓕ ᓈᓚᖏᑦᑐᓄᓪᓗ, ᒎᑎᖃᖏᑦᑐᓄᑦ ᐊᔪᕐᑐᓕᔪᓄᓪᓗ, ᐅᒃᐱᕋᓱᐊᓐᖏᑦᑐᓄᑦ ᒎᑎᒥᒡᓗ ᓇᕐᕈᓇᕐᑎᑦᓯᔪᓄᑦ, ᐊᑖᑕᒥᖕᓂᒃ ᐊᓈᓇᒥᖕᓂᒡᓗ ᑐᖁᑦᓯᔪᓄᑦ, ᐃᓄᐊᕐᑎᐅᔪᓄᓪᓗ,

ᑎᒧᑎᒧᑦ ᓯᕗᓪᓖᑦ 4:7

ᐅᓂᒃᑳᕐᑐᐊᑦ ᒎᑎᒥᒃ ᐃᓱᒪᑎᑦᓯᖏᑦᑐᑦ ᑲᒪᒋᓂᐊᕐᓇᒋᑦ. ᐅᒃᐱᕐᓂᕐᒥᓕ ᐃᓅᓯᒃᓴᐅᔪᓐᓇᕐᑐᓂᒃ ᐃᓕᓐᓂᐊᖔᖃᑦᑕᕆᑦ.

ᑎᒧᑎᒧᑦ ᓯᕗᓪᓖᑦ 6:20

ᑎᒧᑏ, ᐃᓕᖕᓄᑦ ᐱᓯᒪᖁᔭᐅᓯᒪᔪᖅ ᐱᓯᒪᑦᓯᐊᕈᒃ. ᐅᖄᕈᓘᔭᕐᓃᑦ ᓯᓔᑦᑐᑦ ᖃᐅᔨᒪᓂᐅᓂᕋᕐᑕᐅᔪᕐᓗ ᓱᓕᖏᑦᑐᖅ ᐃᓚᐅᕕᒋᖏᓪᓗᒍ,

ᑎᒧᑎᒧᑦ ᐂᑉᐸᖏᑦ 2:14

ᑕᒪᑐᒥᖓ ᐃᖅᑬᑎᒃᑭᑦ, ᐊᑕᓂᐅᓪᓗ ᓵᖓᓂ ᐅᖃᐅᑎᒃᑭᑦ ᐂᕙᑦᔪᑎᖃᖃᑦᑕᖁᓇᒋᑦ ᐅᖃᐅᓯᑐᐃᓐᓁᑦ ᐱᑦᔪᑎᒋᓗᒋᑦ, ᑕᒪᓐᓇ ᐊᑑᑎᖃᖏᒻᒪᑦ, ᓱᕋᒍᑎᑐᐃᓐᓇᐅᖕᒪᓪᓗ ᑐᓵᔪᓄᑦ.

ᑎᒧᑎᒧᑦ ᐂᑉᐸᖏᑦ 2:21

ᐱᐅᖏᓐᓇᕐᑐᓂᒃ ᐊᑐᕐᑍᓕᔪᖃᕈᓐᓇᕐᐸᑦ ᑖᓐᓇ ᐊᑐᒐᒃᓴᓐᖑᕐᑎᑕᐅᓂᐊᕐᐳᖅ ᓇᓪᓕᐅᓐᓂᕐᓯᐅᕐᑐᓂ, ᓴᓂᕐᕙᒃᑕᐅᓯᒪᓂᐊᕐᐳᕐᓗ ᐊᖓᔪᖅᑳᒥᓄᑦ ᐱᓪᓚᕆᖕᒧᑦ ᐊᑐᒐᒃᓴᐅᖁᓪᓗᒍ, ᐊᑐᐃᓐᓇᐅᓗᓂ ᓱᓇᑐᐃᓐᓇᕐᓄᑦ ᐱᐅᔪᓄᑦ ᐊᑐᕐᑐᒃᓴᐅᓗᓂ.

ᑎᒧᑎᒧᑦ ᐂᑉᐸᖏᑦ 3:13

ᐱᐅᖏᑦᑐᓕᔪᓪᓕ ᐱᐅᔫᓐᖑᐊᕐᑐᓪᓗ ᐱᐅᓐᖏᓕᕙᓪᓕᐊᓂᐊᕐᐳᑦ, ᑕᒻᒪᕐᑎᑦᓯᓗᑎᒃ ᑕᒻᒪᕐᑎᑕᐅᓗᑎᒡᓗ.

ᑍᑑᓯᒧᑦ 1:11

ᐅᖃᓪᓚᖃᑦᑕᕐᓂᖏᑦ ᓄᖅᑲᕐᑎᑕᐅᔭᕆᐊᖃᕐᐳᑦ, ᐃᒡᓗᒥᐅᖃᑎᒌᓂᒃ ᐃᓚᒌᑦᓯᐊᕈᓐᓃᕐᑎᑦᓯᖕᒪᑕ ᐊᔪᕆᕐᑐᐃᓂᕐᒥᖕᓄᑦ ᑮᓇᐅᔭᓕᐅᕈᑎᖃᕋᓱᐊᕐᑐᑦ ᐊᔪᕆᕐᑐᐃᑦᔪᑎᒃᓴᐅᖏᑦᑐᓂᒃ ᐱᓇᓱᐊᕐᓗᑎᒃ.

ᑍᑑᓯᒧᑦ 1:14

ᔫᑎᑦ ᐅᓂᒃᑳᕐᑐᐊᖏᓐᓂᒃ ᑐᓐᖓᕕᖃᕈᓐᓃᕐᓗᑎᒃ, ᐃᓄᑐᐃᓐᓁᓪᓗ ᐋᖅᑭᒃᓯᒪᔭᖏᓐᓂᒃ ᓱᓕᓂᕐᒥᒃ ᖁᔭᓈᕐᓯᓯᒪᔪᓂᒃ.

ᑍᑑᓯᒧᑦ 3:9

ᓱᓕᓂᕐᓴᐅᖃᑦᑕᐅᑎᓇᓱᖕᓃᓪᓕ ᓈᒻᒪᖏᑦᑐᑦ ᐊᑐᕐᓂᐊᕐᓇᒋᑦ, ᓯᕗᓕᕕᓂᑦᑕ ᑭᖑᕚᕆᒃᐸᓪᓕᐊᓂᖏᓐᓂᒃ ᖃᐅᔨᓇᓱᐊᕐᓂᑦ, ᐂᕙᓃᑦ, ᐊᑭᕋᕐᑑᑎᓃᓪᓗ ᐱᖁᔧᑦ ᐱᓪᓗᒋᑦ, ᑕᒪᒃᑯᐊ ᐊᑑᑎᖃᖏᒻᒪᑕ ᐱᕙᓪᓕᕐᓇᕐᑐᖃᕋᑎᒡᓗ.

ᐄᑉᕈᐃᓄᑦ 12:15

ᖃᐅᔨᓴᕆᑦᓯ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᐊᓐᓁᔪᖃᖁᓇᒍ; ᐱᕈᕐᑐᑎᑐᑦ ᒪᒤᓕᔪᑎᑐᑦ ᑍᒤᓕᔪᖃᕐᑍᓕᓕ ᐊᑭᕋᕐᑐᕐᑎᒌᖕᓂᕐᒥᒃ ᓴᖅᑭᑎᑦᓯᔪᒥᒃ, ᐅᓄᕐᑐᓪᓗ ᑕᒪᑐᒧᖓ ᓱᒃᑯᑎᕐᑕᐅᖁᓇᒋᑦ.

ᐲᑦᑐᕉᓯ ᐂᑉᐸᖏᑦ 2:18

ᐅᖃᐅᓯᕐᒥᒃᑎᒍᑦ ᐊᔪᖏᑦᑐᕐᔪᐊᖑᔮᕐᐳᑦ ᐅᖃᐅᓯᖃᕐᐳᓪᓕ ᓱᓕᓂᖃᖏᑦᑐᓂᒃ, ᑎᒥᐅᓪᓗ ᐱᔪᒪᓂᕐᔪᐊᖓᓂᒃ ᐊᑐᕐᓗᑎᒃ ᑕᒪᑐᒧᖓ ᑕᒻᒪᕐᑎᑦᓯᕙᒃᐳᑦ ᐃᓄᖕᓂᒃ ᑕᒻᒪᕐᓯᒪᓂᕐᒥᒃ ᕿᒤᓕᕋᑖᕐᑐᓂᒃ.

ᐲᑦᑐᕉᓯ ᐂᑉᐸᖏᑦ 2:2

ᐅᓄᕐᑐᓄᑦ ᒪᓕᒃᑕᐅᓕᕈᒫᕐᐳᑦ ᐱᔪᒥᓇᖏᑦᑐᓂᒃ ᐱᓂᐊᕐᓂᕆᔭᖏᑦ ᑕᒪᓐᓇ ᒥᒃᓯᖃᕐᓂᑰᕐᓂᖅ ᐃᓄᖕᓄᑦ ᐱᐅᖏᓐᓂᕋᕐᑕᐅᓗᓂ ᐅᖃᐅᓯᐅᖃᑦᑕᓕᕈᒫᕐᐳᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:14

ᑲᒪᓇᕐᑐᓕᔪᓐᓇᕐᓂᕐᒥᓄᑦ ᓄᓇᕐᔪᐊᕐᒦᑦᑐᑦ ᐅᐃᕕᕐᕆᕔᑦ ᑲᒪᓇᕐᑐᓕᓂᕐᓂᒃ ᐱᓂᐊᕈᓐᓇᕐᑎᑕᐅᒐᒥ ᐆᒪᔪᐊᓘᑉ ᓯᕗᓪᓕᐅᑉ ᐱᔪᓐᓇᕐᓂᖓᒍᑦ, ᐆᒪᔪᐊᓗᒡᓗ ᓴᓇᖁᔨᕗᖅ ᐆᒪᔪᐊᓘᑉ ᐊᑦᔨᖓᓂᒃ ᐅᐱᒍᓲᑎᒋᔭᐅᔪᒃᓴᒥᒃ ᑖᑦᓱᒥᖓ ᐃᑭᓕᕐᑕᐅᓚᐅᕋᓗᐊᕐᓗᓂ ᑐᖁᓚᐅᖏᒻᒪᑦ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:3

ᐆᒪᔪᐊᓘᓪᓗ ᓂᐊᖁᖓᑦᑕ ᐃᓚᖓᑦ ᑐᖁᑦᔪᑎᒃᓴᐅᔭᕐᑐᒥᒃ ᐃᑭᓕᕐᑕᐅᓯᒪᕗᖅ, ᐃᑭᓕᕐᑕᐅᓯᒪᓂᖓᓕ ᒪᒥᑉᐳᖅ, ᓄᓇᕐᔪᐊᕐᒥᐅᓕᒫᓪᓗ ᑲᒪᓂᕐᒧᑦ ᒪᓕᓕᕐᐳᑦ ᐆᒪᔪᐊᓗᖕᒥᒃ.