ᑎᒧᑎᒧᑦ ᐂᑉᐸᖏᑦ 2:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᑕᒪᑐᒥᖓ ᐃᖅᑬᑎᒃᑭᑦ, ᐊᑕᓂᐅᓪᓗ ᓵᖓᓂ ᐅᖃᐅᑎᒃᑭᑦ ᐂᕙᑦᔪᑎᖃᖃᑦᑕᖁᓇᒋᑦ ᐅᖃᐅᓯᑐᐃᓐᓁᑦ ᐱᑦᔪᑎᒋᓗᒋᑦ, ᑕᒪᓐᓇ ᐊᑑᑎᖃᖏᒻᒪᑦ, ᓱᕋᒍᑎᑐᐃᓐᓇᐅᖕᒪᓪᓗ ᑐᓵᔪᓄᑦ.

ᑎᒧᑎᒧᑦ ᐂᑉᐸᖏᑦ 2:14 Iomraidhean Croise

ᔨᕆᒤᐊᐅᑉ ᐊᒡᓚᖏᑦ 16:19

ᐊᑕᓃᖅ ᐱᔪᓐᓇᐅᑎᒋᕙᒋᑦ ᓴᐴᓗᑕᕆᓪᓗᑎᓪᓗ, ᕿᒫᕕᒋᕙᒃᐸᒋᑦ ᐅᖁᒤᑦᑐᒦᓕᕌᖓᒪ, ᐃᓅᖃᑎᒌᒡᔪᐊᑦ ᐃᓕᖕᓄᐊᕐᑐᒃᓴᐅᖕᒪᑕ ᐅᖃᕐᓗᑎᒡᓗ: “ᓯᕗᓕᕗᑦ ᑭᖑᕐᖑᑦᔨᓚᐅᓐᖏᓚᑦ ᓱᓇᒥᒡᓘᓐᓃᑦ ᓴᒡᓗᕿᑕᐅᓂᕐᒥᒃ ᑭᓯᐊᓂ, ᒎᑎᓐᖑᐊᓂᒃ ᐊᑑᑎᖃᖏᑦᑐᓂᒃ ᐱᕚᓪᓕᕈᑎᒃᓴᐅᖏᑦᑐᓂᒃ.

ᔨᕆᒤᐊᐅᑉ ᐊᒡᓚᖏᑦ 2:11

ᐃᓅᖃᑎᒌᒡᔪᐊᑦ ᒎᑎᒥᖕᓂᒃ ᐊᓯᑦᔩᓲᖑᕚᑦ? ᒎᑎᐅᖏᒃᑲᓗᐊᕐᑎᓪᓗᒋᑦ ᒎᑎᒋᔭᖏᑦ, ᐃᓄᖁᑎᒪᓕ ᐃᓅᖃᓐᓂᕐᓯᑎᑕᐅᓯᒪᓂᕆᔭᑎᒃ ᐃᓇᖏᕐᑕᐅᑎᑉᐹᑦ ᒎᑎᓐᖑᐊᓄᑦ ᐊᑑᑎᒃᓴᖃᖏᑦᑐᓄᑦ.

ᔨᕆᒤᐊᐅᑉ ᐊᒡᓚᖏᑦ 2:8

ᑐᓂᕐᕈᓯᕐᑎᑦᓯᔩᓪᓗ ᑐᑭᓯᓇᓱᓚᐅᓐᖏᓚᑦ, ‘ᐊᑕᓂᖅ ᓇᓃᒻᒪᖔᑦ?’ ᐱᖁᔭᓂᒡᓗ ᐱᓇᓱᐊᕐᐸᒃᑑᒐᓗᐊᑦ ᐅᕙᓐᓂᒃ ᖃᐅᔨᒪᓚᐅᓐᖏᓚᑦ; ᓯᕗᓕᕐᑎᐅᔪᓪᓗ ᐅᕙᓐᓂᒃ ᐊᑭᕋᕐᑐᓚᐅᕐᐳᑦ, ᓇᓚᐅᑦᑍᔩᓪᓗ ᐰᓕᒧᑦ ᓇᓚᐅᑦᑍᔨᒋᔭᐅᓕᕐᓗᑎᒃ, ᒪᓕᒃᑲᒥᒃ ᒎᑎᓐᖑᐊᓂᒃ ᐊᑑᑎᒃᓴᖃᖏᑦᑐᓂᒃ.”

ᔨᕆᒤᐊᐅᑉ ᐊᒡᓚᖏᑦ 23:32

ᑕᑯᒋᑦ, ᐊᑭᕋᕐᑐᕐᐸᒃᑲ ᐱᔪᖃᓛᕐᑐᒥᒃ ᐅᖃᕐᑎᐅᓂᕋᕐᑐᑦ ᓱᓕᖏᑦᑐᓂᒡᓗ ᓯᓐᓇᒃᑐᕐᓂᕋᖃᑦᑕᕐᑐᑦ, ᐊᑕᓂᖅ ᐅᖃᕐᐳᖅ, ᐅᖃᐅᓯᕐᒥᖕᓄᑦ ᐃᓄᖁᑎᒃᑲ ᑕᒻᒪᕐᑎᑉᐰᑦ ᓱᓕᖏᑦᑐᓂᒃ ᐅᖃᐅᓯᖃᕐᓂᕐᒥᖕᓄᑦ ᐱᐅᔪᕆᑦᔪᑎᒋᓪᓗᒋᓪᓗ, ᑎᓕᓯᒪᓐᖏᓚᒃᑲ ᐅᖃᖁᓗᒋᑦ; ᑍᒤᒻᒪᑦ ᐅᖃᓪᓚᖃᑦᑕᕐᓂᖏᑦ ᐃᓄᖁᑎᓐᓄᑦ ᐱᕚᓪᓕᕈᑕᐅᖏᑦᓯᐊᕐᐳᑦ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 23:36

‘ᐊᑕᓂᐅᑉ ᐅᖁᒤᒋᔭᖓᓂᒃ,’ ᐅᖃᖃᑦᑕᕆᐊᖃᕈᓐᓃᕐᐳᓯ, ᐃᓄᐃᑦ ᐅᖁᒤᒋᔭᒥᖕᓂᒃ ᐅᖃᖃᑦᑕᕐᒪᑕ, ᑐᑮᕈᑎᑎᑦᓯᑐᐃᓐᓇᖃᑕᓕᕋᑦᓯ ᒎᑎᐅᑉ ᐆᒪᔫᑉ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ, ᒎᑎᑦᑕ ᐅᖃᐅᓯᖏᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 7:8

ᑕᑯᒋᑦ! ᓱᓕᖏᑦᑐᓂᒃ ᐅᖃᐅᓯᕐᓂᒃ ᐅᒃᐱᕆᔭᖃᓗᐊᓕᕋᑦᓯ ᐃᑲᔫᑎᖏᑦᑐᓂᒃ.

ᕼᐊᐸᑲᐅᑉ ᐊᒡᓚᖏᑦ 2:18

ᒎᑎᓕᐊᕆᔭᐅᓯᒪᔪᖅ ᓱᓇᒧᑦ ᐊᑑᑎᖃᕐᐹ? ᓴᓇᔨᒥᓄᑦ ᓴᓇᔭᐅᓯᒪᖕᒪᑦ ᓴᕕᕋᔭᖕᒥᑦ, ᓴᒡᓗᓂᕐᒧᑦ ᐊᔪᕆᕐᑐᐃᑦᔪᑕᐅᓪᓗᓂ. ᖃᓄᕐᓕ ᓴᓇᔪᕕᓂᐅᑉ ᐱᕙᓪᓕᐅᑎᒋᒐᔭᕐᐸᐅᒃ ᓴᓇᔭᕕᓂᓂ ᐱᔪᓐᓇᐅᑎᒋᓇᓱᐊᕈᓂᐅᒃ? ᒎᑎᒋᓇᓱᒃᑕᖓ ᐅᖃᕈᓐᓇᕐᑎᓐᓇᒍ!

ᒫᑎᐅᓯᐅᑉ ᐊᒡᓚᖏᑦ 16:26

ᐃᓄᒃ ᓱᓇᒥᒃ ᐱᕙᓪᓕᐅᑎᒃᓴᖃᕋᔭᕐᐹ ᓯᓚᕐᔪᐊᓕᒫᒥᒃ ᐱᑖᕈᓂ, ᐃᓅᓯᕐᒥᓂᒡᓗ ᐊᓯᐅᔨᓗᓂ ᐅᕝᕙᓗ ᓱᓇᒥᒃ ᑐᓂᔭᒃᓴᖃᕋᔭᕐᐹ? ᐃᓅᓯᕐᒥᓂᒃ ᐅᑎᕐᑎᑦᓯᔪᓐᓇᖁᓪᓗᒎ?

ᐋᐴᓯᑕᓖᑦ ᐱᓂᐊᕐᓂᖏᑦ 13:10

ᐅᖃᕐᓗᓂ, “ᓵᑖᓇᓯᐅᑉ ᐃᕐᓂᖓ, ᓇᓛᒎᕐᑐᓕᒫᓂᒃ ᐊᑭᕋᕐᑐᕐᑎᐅᔪᑎᑦ, ᓯᓔᕐᕆᒃᓯᓂᐊᓗᖕᓂᒃ ᓴᒡᓗᓂᕐᓂᒡᓗ ᑕᑕᑦᑐᑎᑦ, ᐊᑕᓂᐅᑉ ᐊᖅᑯᑎᖓᑕ ᓱᓕᑦᓯᐊᕐᓂᖓᓂᒃ ᓴᖑᑎᑦᓯᓇᓱᐊᖏᓐᓇᕐᓂᐊᕐᐲᑦ?

ᐋᐴᓯᑕᓖᑦ ᐱᓂᐊᕐᓂᖏᑦ 15:24

ᑐᓴᐅᒪᓕᕋᑦᑕ ᐃᓚᑦᑎᓐᓂᑦ ᐃᓱᒪᔮᕐᑎᑕᐅᓯᒪᒐᑦᓯ ᐅᖃᐅᓯᕐᒥᖕᓄᑦ, ᐃᓱᒪᓯ ᓇᓗᓕᑦᑎᓪᓗᒋᑦ, ᑖᒃᑯᐊᓕ ᑍᒤᓕᐅᖁᓗᒋᑦ ᐅᖃᐅᑎᓚᐅᖏᒃᑲᓗᐊᕐᐸᕗᑦ.

ᕉᒪᒥᐅᓄᑦ 14:1

ᐅᒃᐱᕐᓂᕐᒥ ᓴᓐᖐᑦᑐᖅ ᑐᓐᖓᓱᒃᑎᓯᐅᒃ, ᐃᖅᑲᕐᑐᖏᓪᓗᒍ ᐂᕙᖃᑎᒋᓇᓱᐊᕐᓇᒍᓗ ᐃᓱᒪᒋᔭᖏᓐᓂᒃ.

ᒐᓔᑎᐊᒥᐅᓄᑦ 1:7

ᐅᖃᐅᓰᑦ ᑐᓴᕈᒥᓇᕐᑐᑦ ᐊᓯᖃᓐᖏᒃᑲᓗᐊᕐᑎᓪᓗᒋᑦ, ᐃᓄᖃᑎᑦᓯᓕ ᐃᓚᖏᓐᓄᑦ ᐃᓱᒪᔮᕐᑎᑕᐅᕗᓯ ᙭ᔅᑑᓯᒥ ᑐᓴᕈᒥᓇᕐᑐᑦ ᓇᕐᕈᓇᕐᓯᑎᓐᓇᓱᐊᕐᓗᒋᑦ.

ᐃᐱᓯᒥᐅᓄᑦ 4:17

ᐊᑕᓂᐅᑉ ᐱᖁᔨᓂᖓᒍᑦ ᐃᓂᕐᑎᕐᐸᑦᓯ, ᐅᒃᐱᖏᑦᑐᑎᑐᑦ ᐃᓅᔭᕆᐊᖃᕈᓐᓃᕋᑦᓯ, ᐊᑐᖏᑦᑐᓂᒃ ᐃᓱᒪᖃᕐᓗᑎᒃ ᐃᓅᓇᓱᐊᕐᑐᑎᑐᑦ;

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:1

ᑭᖑᓪᓕᕐᐹᒥᒡᓕ, ᙭ᔅᑑᓯᒥᐅᑕᐅᖃᑎᒃᑲ, ᕿᓄᕕᒋᓪᓗᓯ ᐃᓇᑉᐸᑦᓯ ᐊᑕᓂᑦᑎᓐᓂ ᔩᓱᓯᒥ, ᐅᕙᑦᑎᓐᓂᑦ ᐃᓕᓐᓂᐊᓚᐅᕋᑦᓯ ᖃᓄᖅ ᐃᓅᔪᒃᓴᐅᖕᒪᖔᑦᓯ ᒎᑎᒧᑦ ᖁᕕᐊᒋᔭᐅᔪᒥᒃ. ᑍᒫᒃᓗ ᐃᓅᓯᖃᓚᐅᕋᑦᓯ, ᑭᓯᐊᓂᓕ ᐃᓅᓯᖃᑦᓯᐊᓕᖁᕙᑦᓯ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 3:6

᙭ᔅᑑᓯᒥᐅᑕᐅᖃᑎᒃᑲ ᓇᓪᓕᒋᔭᒃᑲ, ᒫᓐᓇ ᐱᖁᓪᓚᕆᒃᐸᑦᓯ, ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᐊᑎᖓᓂ, ᐃᓚᖃᖁᓇᓯ ᐅᒃᐱᕐᑑᖃᑎᓂᒃ ᐃᓅᓯᖃᕐᑐᓂᒃ ᓱᓇᓕᕆᔪᒪᖏᑦᑐᒥᒃ ᐱᐅᓯᐅᓲᒥᒃ ᒪᓕᒐᓱᐊᖏᑦᑐᒥᒃ ᐊᔪᕆᕐᑑᑎᒋᓚᐅᕐᑕᑦᑎᓐᓂᒃ.

ᑎᒧᑎᒧᑦ ᓯᕗᓪᓖᑦ 1:4

ᐅᓂᒃᑳᕐᑐᐊᓂᒃ ᑭᖑᕚᖑᖃᑎᒌᓪᓗ ᑭᓇᒃᑰᓂᖏᒃᓂᒃ ᐱᓇᓱᐊᑐᐃᓐᓇᖁᓇᒋᑦ ᐅᓄᕐᑐᐊᓗᖕᓂᒃ ᐅᖃᓪᓚᑐᐃᓐᓇᖃᑦᑕᖁᖏᓪᓗᒋᑦ, ᑕᒪᒃᑯᐊ ᓇᓚᐅᑦᑖᕐᑎᑦᓯᑐᐃᓐᓇᕐᒪᑕ; ᒎᑎᒥᑦ ᐱᔪᓂᒃ ᐱᓇᓱᐊᕐᑎᑦᓯᓇᑎᒃ, ᐅᒃᐱᕐᓂᑯᑦ ᐃᓕᓐᓂᐊᕐᓂᐅᒐᔭᕐᑐᓂᒃ.

ᑎᒧᑎᒧᑦ ᓯᕗᓪᓖᑦ 1:6

ᐃᓄᐃᑦ ᐃᓚᖏᑦ ᑖᒃᑯᓇᓐᖓᑦ ᕿᒪᕉᑎᓚᐅᕋᒥᒃ ᐅᖃᓪᓚᖕᓂᑐᐃᓐᓇᕐᓂᒃ ᐊᑑᑎᖃᖏᑦᑐᓂᒃ ᐊᑐᓕᕐᒪᑕ.

ᑎᒧᑎᒧᑦ ᓯᕗᓪᓖᑦ 4:8

ᑎᒥᒃᑯᑦ ᐱᔭᕆᐅᕐᓴᕐᓂᖅ ᐊᑐᕐᓇᕐᓂᖃᕋᓗᐊᕐᐳᖅ, ᐅᒃᐱᕐᓂᒃᑯᓪᓕ ᐱᔭᕆᐅᕐᓴᕐᓂᖅ ᖃᓄᓕᒫᖅ ᐊᑐᕐᓇᕐᓂᖃᕐᐳᖅ, ᐊᖏᕈᑕᐅᓯᒪᖕᒪᑦ ᒫᓐᓇᒧᑦ ᐊᑐᕐᑐᒥᒃ ᓯᕗᓂᕐᒥᓗ ᐊᑐᕈᒫᕐᑐᒥᒃ.

ᑎᒧᑎᒧᑦ ᓯᕗᓪᓖᑦ 5:21

ᒎᑎᐅᑉ ᓇᔪᒐᓐᖓᓂ ᙭ᔅᑑᓯ ᔩᓱᓯᐅᓪᓗ ᐂᖏᓖᓪᓗ ᓂᕈᐊᕐᑕᐅᓯᒪᔪᑦ ᓇᔪᕐᑕᖏᓐᓂ ᑕᒪᒃᑯᐊ ᐅᖃᐅᓯᕆᔭᒃᑲ ᐃᓕᖕᓄᑦ ᒪᓕᒃᑕᐅᖁᓪᓚᕆᒃᐸᒃᑲ; ᐃᓅᖃᑎᑐᖃᕆᓐᖏᑕᕐᓂᒃ ᓇᕐᕈᖏᓪᓗᑎᑦ, ᓇᓪᓕᐊᑐᐃᓐᓇᖅ ᓇᕐᕈᓇᕐᓯᑎᑦᑍᓕᓗᒍ ᐊᑦᔨᒌᒃᑎᑦᓯᐊᕐᓗᒋᓕ ᐱᓇᓱᐊᕐᕕᒋᒃᑭᑦ.

ᑎᒧᑎᒧᑦ ᓯᕗᓪᓖᑦ 6:13

ᒎᑎᐅᑉ ᓵᖓᓂ ᐃᓅᓯᖃᕐᑎᑦᓯᔫᑉ ᑕᒤᓐᓂᒃ, ᙭ᔅᑑᓯ ᔩᓱᓯᐅᓪᓗ ᓵᖓᓂ ᑖᑦᓱᒪ ᓇᓗᓁᕐᓯᓚᐅᕐᑑᑉ ᐴᓐᑎᐅᓯ ᐰᓛᑑᓯᐅᑉ ᓵᖓᓂ, ᒪᓕᖁᓪᓗᑎᑦ ᐅᖃᐅᑎᕙᒋᑦ,

ᑎᒧᑎᒧᑦ ᐂᑉᐸᖏᑦ 1:6

ᑍᒤᒻᒪᑦ ᐃᖅᑬᑎᑉᐸᒋᑦ ᐆᒻᒪᕐᑎᑦᓯᖁᓪᓗᑎᑦ ᒎᑎᒥᑦ ᑐᓂᕐᕈᓯᐊᕆᓯᒪᔭᕐᓂᒃ ᐃᓕᖕᓄᐊᓚᐅᕐᑐᒥᒃ ᐸᑎᒻᒥᓯᑎᓪᓗᖓ ᐃᓕᖕᓂᒃ.

ᑎᒧᑎᒧᑦ ᐂᑉᐸᖏᑦ 2:16

ᐅᒃᐱᕐᓂᕐᒧᑦ ᐃᑲᔪᖏᑦᑐᓂᒃ ᐅᖃᐅᓯᓖᑦ ᐃᓚᒋᓂᐊᕐᓇᒋᑦ, ᑍᒤᓕᐅᕐᑐᑦ ᐃᓄᖕᓂᒃ ᐅᖓᓯᒃᓯᕙᓪᓕᐊᑎᑦᓯᖕᒪᑕ ᒎᑎᒥᑦ.

ᑎᒧᑎᒧᑦ ᐂᑉᐸᖏᑦ 2:23

ᓯᓔᑦᑐᑦ ᐃᓚᒋᓂᐊᕐᓇᒋᑦ, ᓇᓗᓂᕐᒧᑦ ᐊᑭᕋᕐᑑᑎᓃᑦ; ᑕᒪᒃᑯᐊ ᖃᐅᔨᒪᒐᕕᒋᑦ ᐂᕙᐅᑎᓂᕐᒥᒃ ᓴᖅᑭᑎᑦᓯᑐᐃᓐᓇᕐᒪᑕ.

ᑎᒧᑎᒧᑦ ᐂᑉᐸᖏᑦ 4:1

ᐱᖁᓪᓚᕆᒃᐸᒋᑦ ᒎᑎᐅᑉ ᓵᖓᓂ ᙭ᔅᑑᓯ ᔩᓱᓯᐅᓪᓗ ᑖᓐᓇ ᐃᖅᑲᕐᑐᐃᔪᒫᕐᒪᑦ ᐃᓅᔪᓂᒃ ᑐᖁᖓᔪᓂᒡᓗ, ᑎᑭᑦᓱᒫᕐᒪᓪᓗ ᐊᐅᓚᑦᓯᔭᕐᑐᕐᓗᓂ.

ᑍᑑᓯᒧᑦ 3:1

ᐃᖅᑬᑎᒃᑭᑦ ᐊᐅᓚᑦᓯᔨᓂᒃ ᐊᖓᔪᖅᑳᓂᒡᓗ ᓈᓚᑦᓯᐊᖁᓗᒋᑦ, ᐃᒻᒥᖕᓂᒃ ᑐᓂᓯᒪᑦᓯᐊᕐᓗᑎᒃ ᑖᒃᑯᓄᖓ, ᐱᓇᓱᐊᑦᓯᐊᕈᒪᓂᕐᒥᒡᓗ ᖃᖓᓕᒫᒃᑯᑦ ᐊᑐᐃᓐᓇᐅᑦᓯᐊᖁᓪᓗᒋᑦ.

ᐄᑉᕈᐃᓄᑦ 13:9

ᑕᒻᒪᕐᑎᑕᐅᑦᑍᓕᒋᑦᓯ ᐊᔪᕆᕐᑑᓯᕐᓄᑦ ᖃᓄᐃᑦᑐᑐᐃᓐᓇᕐᓄᑦ ᐊᑦᔨᐅᖏᑦᑐᓄᓪᓗ; ᐱᐅᔪᒻᒪᕆᐅᕗᖅ ᐃᓗᒃᑯᑦ ᓲᖑᑎᑕᐅᓂᕐᒥᒃ ᐱᓯᒪᓗᓂ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ, ᓂᕿᓄᑦ ᐱᓇᓂ, ᓂᕿᓄᑦ ᒪᓕᒐᒃᓴᓂᒃ ᒪᓕᒃᑑᒐᓗᐊᑦ ᐃᑲᔪᕐᑕᐅᓯᒪᖏᒻᒪᑕ.

ᐲᑦᑐᕉᓯ ᐂᑉᐸᖏᑦ 1:13

ᐃᓱᒪᒐᒪ ᓈᒻᒪᒐᓱᒋᓪᓗᒍ ᐃᖅᑬᑎᖃᑦᑕᕐᓗᓯ, ᑕᒫᓂ ᓄᓇᒥ ᐃᓅᓂᓐᓂ,

ᓴᒧᐃᓕ ᓯᕗᓪᓖᑦ 12:21

ᓴᖑᑦᑍᓕᒋᑦᓯ ᓱᓇᐅᖏᑦᑐᓄᓪᓗ ᐱᓇᓱᐊᓕᕐᑍᓕᓗᓯ ᐃᓕᑦᓯᓐᓂᒃ ᐃᑲᔪᕈᓐᓇᖏᒻᒪᑕ ᐱᐅᓕᒃᓯᔪᓐᓇᕋᑎᒡᓗ, ᑕᒪᓐᓇ ᑍᒤᓕᐅᕐᓂᖅ ᐊᑑᑎᖃᖏᒻᒪᑦ.