ᑎᒧᑎᒧᑦ ᐂᑉᐸᖏᑦ 1:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᒎᑎᐅᑉ ᑐᓂᓯᕕᒋᓯᒪᖏᒻᒪᑎᒍᑦ ᐊᓂᕐᓂᕐᒥᒃ ᓯᕘᕋᔪᒥᒃ ᐊᓂᕐᓂᕐᒥᒡᓕ ᐃᓗᒻᒥᕐᑎᑉᐹᑎᒍᑦ ᐱᔪᓐᓇᕐᓂᕐᒥᒃ ᓇᒡᓕᖕᓂᕐᒥᒡᓗ ᓇᖕᒥᓂᕐᓗ ᐱᓯᒪᑦᓯᐊᕈᒃᓇᕐᑎᑦᓯᔪᒥᒃ.

ᑎᒧᑎᒧᑦ ᐂᑉᐸᖏᑦ 1:7 Iomraidhean Croise

ᐃᓐᖏᕈᑎᑦ 119:80

ᐆᒻᒪᑎᒐ ᐸᓯᔭᒃᓴᐅᓂᖃᕐᑍᓕᓕ ᐊᑐᕐᑕᐅᖁᔭᕐᓄᑦ, ᑲᓐᖑᓱᒃᑎᑕᐅᖁᓇᖓ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 2:7

ᓯᓚᑐᑎᑦᓯᓂᖅ ᑲᑎᕐᓱᐊᕆᓪᓗᒍ ᐃᓂᑖᕐᑎᑉᐹ ᐱᓇᓱᐊᑦᓯᐊᕐᑐᓂ, ᓴᐴᓗᑕᐅᕗᖅ ᐃᓅᓯᖃᕐᑐᓄᑦ ᐱᐅᔪᒥᒃ ᑲᔪᓯᑦᓯᐊᕐᑐᓄᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:14

ᐊᔪᕆᕐᑐᐃᓂᖅ ᓯᓚᑐᑦᓯᐊᕐᓂᕐᓗ, ᑐᑭᓯᓯᒪᓂᕐᓗ ᐱᔪᓐᓇᕐᓂᕐᓗ ᐱᓯᒪᕙᒃᑲ.

ᐂᓮᐊᓯᐅᑉ ᐊᒡᓚᖏᑦ 11:2

ᐊᑕᓂᐅᑉ ᐊᓂᕐᓂᖓᑕ ᐃᓂᒋᔪᒫᕐᐹ ᐊᓂᕐᓂᐅᑉ ᓯᓚᑐᓂᖃᕐᑎᑦᓯᔫᑉ ᑐᑭᓯᓂᖃᕐᑎᑦᓯᔫᓪᓗ, ᐊᓂᕐᓂᐅᑉ ᑕᓯᐅᕐᓯᓂᖃᕐᑎᑦᓯᔫᑉ ᐱᔪᓐᓇᕐᓂᕐᔪᐊᖃᕐᑎᑦᓯᔫᓪᓗ ᐊᓂᕐᓂᐅᑉ ᖃᐅᔨᒪᓂᖃᕐᑎᑦᓯᔫᑉ ᐊᑕᓂᕐᒥᒡᓗ ᓯᕘᕋᓂᖃᕐᑎᑦᓯᔫᑉ.

ᒤᑲᐅᑉ ᐊᒡᓚᖏᑦ 3:8

“ᐅᕙᖓᓕ ᑕᑕᑉᐳᖓ ᐱᔪᓐᓇᕐᓂᕐᒥᒃ ᐊᑕᓂᐅᑉ ᐊᓂᕐᓂᖓᒍᑦ, ᐃᖅᑲᕐᑐᐃᑦᓯᐊᕐᓂᕐᒥᒃ ᐊᔪᖏᓐᓂᕐᒥᒡᓗ, ᐅᖃᐅᓯᕆᓂᐊᕐᐸᒃᑲᓗ ᔧᑰᑉ ᑭᖑᕚᖏᑕ ᐱᐅᖏᑦᑐᓕᓂᖏᑦ ᐃᓴᕆᐊᓕᒥᐅᓪᓗ ᐊᔪᕐᑐᓕᓂᖏᑦ.

ᓴᑲᕅᐊᐅᑉ ᐊᒡᓚᖏᑦ 4:6

ᐂᖏᓕᐅᓪᓗ ᐅᖃᐅᑎᕚᖓ ᔨᕈᐸᐱᐅᓪ ᑐᓴᕐᑎᑕᐅᖁᓪᓗᒍ ᑐᓴᕆᐊᖃᕐᑕᖓᓂᒃ ᐊᑕᓂᕐᒥᑦ ᐱᔪᒥᒃ ᐃᒫᒃ, “ᐱᔪᓐᓇᕐᓂᕐᓅᖏᑦᑐᖅ, ᑎᒥᕕᓪᓗ ᓄᑭᖓᓅᖏᑐᖅ, ᐅᕙᖓᓕ ᐊᓂᕐᓂᓐᓄᑦ, ᑍᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ.

ᓘᑲᓯᐅᑉ ᐊᒡᓚᖏᑦ 10:19

ᑕᑯᒋᑦ, ᐱᔪᓐᓇᕐᑎᑕᐅᓂᕐᒥᒃ ᑐᓂᓯᕕᒋᓚᐅᕐᐸᑦᓯ, ᖁᒡᓗᒋᐊᑦ ᓯᑯᐊᕐᐱᐅᓃᓪᓗ ᑐᓪᓕᕋᕈᓐᓇᕐᓗᒋᑦ, ᐊᑭᕋᕐᑐᕐᑎᐅᓪᓗ ᐱᔪᓐᓇᕐᓂᓕᒫᖏᓐᓂᒃ ᓵᓚᖃᕈᓐᓇᖁᓪᓗᓯ; ᓱᓇᒧᓪᓘᓐᓃᑦ ᐋᓐᓂᕐᑕᐅᓂᐊᓐᖏᓚᓯ.

ᓘᑲᓯᐅᑉ ᐊᒡᓚᖏᑦ 15:17

ᑍᒪᓕ ᐃᖅᑬᓕᕋᒥ ᐃᓱᒪᓕᕐᐳᖅ, ᐊᑖᑕᒪ ᐃᖅᑲᓁᔭᕐᑎᖁᑎᖏᑦ ᓂᕿᒃᓴᒥᒃ ᐊᒥᒐᕐᓯᖏᑦᓯᐊᕐᐳᑦ, ᐅᕙᖓᓕ ᒫᓂ ᐱᕐᓕᓕᕐᐳᖓ!

ᓘᑲᓯᐅᑉ ᐊᒡᓚᖏᑦ 24:49

ᑕᑯᒋᑦ, ᓇᖕᒥᓂᖅ ᑎᓕᓯᕕᒋᓂᐊᕐᐸᑦᓯ ᐊᑖᑕᒪ ᐊᖏᕈᑎᒋᓯᒪᔭᖓᓂᒃ; ᐃᓕᑦᓯᓕ ᔨᕉᓴᓕᒻᒥ ᐅᑕᖅᑭᔭᕆᐊᖃᕐᐳᓯ, ᐱᔪᓐᓇᕐᓂᕐᒥᒃ ᕿᓚᖕᒥᑦ ᑐᓂᓯᕕᐅᖏᓐᓂᑦᓯᓐᓂ.”

ᓘᑲᓯᐅᑉ ᐊᒡᓚᖏᑦ 8:35

ᑕᕝᕙ ᐃᓄᐃᑦ ᑕᑯᔭᕐᑐᕐᐳᑦ ᖃᓄᐃᑦᑐᖃᓕᕐᒪᖔᑦ, ᔩᓱᓯ ᐅᐸᒃᑲᒥᑦᔪᒃ, ᐊᖑᑦ ᑕᑯᕚᑦ ᐊᓂᕐᓂᕐᓗᖕᓂᒃ ᐊᓂᑎᑦᓯᕕᐅᓯᒪᓕᕐᑐᖅ, ᐃᒃᓯᕚᕐᑐᖅ ᔩᓱᓯᐅᑉ ᓵᖓᓂ, ᐊᓐᓄᕌᓯᒪᓕᕐᑐᖅ ᐃᓱᒪᖓ ᖃᓄᐃᖏᑦᓯᐊᓕᕐᑐᖅ; ᑖᒃᑯᐊ ᑲᑉᐱᐊᓱᒻᒪᕆᓕᕐᐳᑦ.

ᔪᐊᓇᓯᐅᑉ ᐊᒡᓚᖏᑦ 14:27

“ᐃᓱᒪᔮᕐᓇᖏᑦᑐᒥᒃ ᕿᒤᕕᒋᕙᑦᓯ; ᐅᕙᖓ ᓇᖕᒥᓂᖅ ᐃᓱᒪᔮᖏᓐᓂᕆᔭᓐᓂᒃ ᑐᓂᓯᕕᒋᕙᑦᓯ; ᑐᓂᓯᓐᖏᓚᖓ ᓯᓚᕐᔪᐊᕐᒥᐅᑦ ᑐᓂᓯᑦᔪᓯᖏᑎᑐᑦ. ᐆᒻᒪᑎᒃᑯᑦ ᕿᒃᓵᖕᓂᐊᕋᓯ, ᓯᕘᕋᓂᐊᕋᓯᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 1:8

ᐱᔪᓐᓇᕐᓂᕐᒥᒡᓕ ᐱᑎᑕᐅᓛᕐᐳᓯ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᑎᑭᑕᐅᒍᑦᓯ; ᐅᕙᓐᓂᒃ ᓇᓗᓁᕐᓯᔨᒋᓛᕐᐸᑦᓯ ᔨᕉᓴᓕᒻᒥ ᔫᑎᐊᓕᒫᒥᓗ ᓴᒥᐊᕆᐊᒥᓗ ᓄᓇᕐᔪᐊᓪᓗ ᐃᓱᐊ ᑎᑭᓪᓗᒍ.”

ᐋᐴᓯᑕᓖᑦ ᐱᓂᐊᕐᓂᖏᑦ 10:38

ᔩᓱᓯ ᓈᓴᕇᑎᒥᐅᖅ ᒎᑎᐅᑉ ᑯᕝᕕᕆᓚᐅᕐᑕᖓ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐱᔪᓐᓇᕐᓂᕐᒥᒡᓗ; ᑖᓐᓇ ᓇᒧᑐᐃᓐᓇᖅ ᐂᖃᑦᑕᓚᐅᕐᐳᖅ ᐱᐅᔪᓂᒃ ᐱᓇᓱᐊᕐᓗᓂ, ᐃᓅᓕᒃᓯᓪᓗᓂᓗ ᓵᑖᓇᓯᒧᑦ ᓵᓚᐅᓯᒪᔪᓂᒃ, ᒎᑎᐅᑉ ᐃᓚᒋᓚᐅᕐᒪᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 20:24

ᐃᓅᓯᕐᒪ ᐅᕙᓐᓄᑦ ᐊᑐᕐᓇᓗᐊᖏᓐᓂᖓ ᖃᐅᔨᒪᕙᕋ, ᐱᔭᕇᕋᓱᐊᕈᒪᓂᕋ ᐃᓱᒪᓇᕐᓂᕐᓴᐅᕗᖅ ᐊᑕᓂᐅᑉ ᔩᓱᓯᐅᑉ ᐅᕙᓐᓄᑦ ᑎᓕᓯᑦᔪᑎᒋᓯᒪᔭᖓᓂᒃ, ᓇᓗᓁᕐᓯᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 21:13

ᐸᐅᓗᓯᓕ ᑭᐅᕗᖅ, “ᓱᖕᒪᑦ ᕿᐊᕕᓰ? ᐆᒻᒪᑎᒃᑯᑦ ᓰᖁᒥᑎᓐᓇᑦᓯᓐᖓ, ᐅᐸᓗᖕᒊᕐᓯᒪᕗᖓᓕ ᕿᓚᒃᓱᕐᑕᐅᓂᕐᒧᑐᐃᓐᓇᐅᖏᑦᑐᖅ, ᑐᖁᑕᐅᓂᕐᒧᓪᓕ ᐊᒡᓛᑦ ᔨᕉᓴᓕᒻᒥ ᐊᑕᓂᖅ ᔩᓱᓯ ᐱᑦᔪᑎᒋᓗᒍ.”

ᐋᐴᓯᑕᓖᑦ ᐱᓂᐊᕐᓂᖏᑦ 26:11

ᐅᓄᕐᑐᐃᕐᓱᕐᖢᖓ ᓱᒋᐊᕐᑕᐅᑎᖃᑦᑕᓚᐅᕐᐸᒃᑲ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ, ᔩᓱᓯᒥᒃ ᐅᒃᐱᕆᔭᖃᕈᓐᓃᖁᓪᓗᒋᑦ ᐅᖃᕐᑎᓐᓇᓱᖃᑦᑕᓚᐅᕐᐸᒃᑲ; ᐊᖏᔪᒥᒃ ᓂᓐᖓᐅᑎᓯᒪᒐᒃᑭᑦ ᐊᑭᕋᕐᑐᕐᓂᕐᒧᑦ ᐊᒡᓛᑦ ᓄᓇᓖᑦ ᐊᓯᖏᓐᓄᑦ ᐅᖓᓯᒃᑐᓄᑦ ᕿᓂᖃᑦᑕᓚᐅᕐᐸᒃᑲ.”

ᐋᐴᓯᑕᓖᑦ ᐱᓂᐊᕐᓂᖏᑦ 26:25

ᐸᐅᓗᓯ ᑭᐅᕗᖅ, “ᐃᓱᒤᕈᑎᓐᖏᓚᖓ, ᐊᖓᔪᖅᑳᖅ ᕕᓯᑕᓰ, ᐅᖃᐅᓯᕆᔭᒃᑲᓕ ᓱᓕᑦᓯᐊᕐᐳᑦ ᑐᑭᖃᑦᓯᐊᕐᓗᑎᒡᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 6:8

ᓯᑎᐹᓇᓯ, ᒎᑎᐅᑉ ᓮᒻᒪᕐᑎᑦᓯᓂᖓᓂᒃ ᐱᔪᓐᓇᕐᓂᖓᓂᒡᓗ ᐃᓗᒻᒥᕐᑕᐅᓯᒪᔪᖅ, ᑲᒪᓇᕐᑐᓕᓚᐅᕐᐳᖅ ᓇᓗᓁᒃᑯᑕᕐᔪᐊᓂᒃ ᐱᓇᓱᐊᕐᓗᓂ ᐃᓄᐃᑦ ᑕᒃᑯᐊᓐᓂ.

ᐋᐴᓯᑕᓖᑦ ᐱᓂᐊᕐᓂᖏᑦ 9:22

ᓴᐅᓗᓯᐅᑉ ᐊᔪᕆᕐᑐᐃᓂᖓ ᐱᔪᓐᓇᕐᓯᕙᓪᓕᐊᓚᐅᕐᐳᖅ, ᔫᑎᑦ ᑕᒫᓯᑰᓯᒦᑦᑐᑦ ᑭᒡᒍᓯᒃᓮᕈᑎᓚᐅᕐᐰᑦ, ᔩᓱᓯ ᙭ᔅᑑᓯᐅᓂᖓᓂᒃ ᓇᓗᓁᕐᓯᕕᒋᓪᓗᒋᑦ.

ᕉᒪᒥᐅᓄᑦ 5:5

ᓂᕆᐅᖕᓂᐅᓪᓗ ᑕᒪᑐᒪ ᐅᒡᒍᐊᕐᑎᓐᖏᓛᑎᒍᑦ, ᒎᑎᐅᑉ ᓇᒡᓕᖕᓂᓂ ᐃᓗᑦᑎᓐᓄᑦ ᑯᕕᖕᒪᒍ ᐊᓂᕐᓂᒃᑯᑦ ᐃᑦᔪᕐᓁᑦᑐᒃᑯᑦ ᑖᑦᓱᒨᓇ ᑐᓂᕐᕈᓯᐊᕆᔭᑦᑎᒍᑦ.

ᕉᒪᒥᐅᓄᑦ 8:15

ᐊᓂᕐᓂᕐᒥᒃ ᐱᑎᑕᐅᓯᒪᖏᓐᓇᑦᓯ ᑭᒡᒐᐅᑎᑦᓯᔪᒥᒃ ᓯᕘᕋᓂᕐᒧᑦ, ᐊᓂᕐᓂᕐᒥᒡᓕ ᑐᓂᓯᕕᐅᕗᓯ ᒎᑎᒧᑦ ᕿᑐᕐᖓᕆᔭᐅᑎᑦᓯᔪᒥᒃ. ᑖᑦᓱᒨᓇ ᓂᓪᓕᐊᕗᒍᑦ, “ᐋᐸ ᐊᑖᑖᒃ!”

ᑯᕆᓐᑎᐊᒥᐅᓄᑦ ᓯᕗᓪᓖᑦ 2:4

ᐅᖃᐅᓯᒃᑲ ᐊᔪᕆᕐᑐᐃᓂᒃᑲᓗ ᐃᓄᐃᑦ ᓯᓚᑐᓂᖏᑦ ᐊᑐᕐᓗᒋᑦ ᐅᖃᓪᓚᓚᐅᓐᖏᓚᖓ, ᓴᖅᑭᑎᑦᓯᓚᐅᕐᐳᖓᓕ ᒎᑎᐅᑉ ᐊᓂᕐᓂᖓᑕ ᐱᔪᓐᓇᕐᓂᖓᓂᒃ.

ᒐᓔᑎᐊᒥᐅᓄᑦ 5:22

ᐊᓂᕐᓂᐅᓪᓕ ᐱᕈᕐᑎᑕᖏᑦ ᑕᕝᕙ ᓇᒡᓕᖕᓂᖅ, ᖁᕕᐊᓱᖕᓂᖅ, ᖃᓄᐃᖏᑦᓯᐊᕐᓂᖅ, ᕿᓄᐃᓵᕐᓂᖅ, ᐱᑦᓯᐊᕐᓂᖅ, ᐃᓄᑦᓯᐊᕙᐅᓂᖅ, ᓱᖁᓯᕈᓐᓇᖏᓐᓂᖅ,

ᑯᓘᓯᐊᒥᐅᓄᑦ 1:8

ᐅᕙᑦᑎᓐᓄᑦ ᐅᓂᒃᑳᓚᐅᕐᒪᑦ ᓇᒡᓕᖕᓂᖃᕐᓂᕋᕐᓗᓯ ᐊᓂᕐᓂᒃᑯᑦ ᑐᓂᔭᐅᓯᒪᔪᒥᒃ.

ᐄᑉᕈᐃᓄᑦ 2:15

ᑕᒪᑐᒨᓇᓗ ᑕᒪᕐᒥᒃ ᐊᓂᑎᓚᐅᕐᐰᑦ ᐃᓅᓯᓕᒫᒥᓂ ᑎᒍᔭᐅᓯᒪᓚᐅᕐᑐᑦ ᑐᖁᒥᒃ ᐃᕐᓯᒋᔭᖃᕐᓂᕐᒧᑦ.

ᐲᑦᑐᕉᓯ ᓯᕗᓪᓖᑦ 1:22

ᒫᓐᓇᓕ ᓈᓚᖕᓂᑦᓯᒍᑦ ᓱᓕᔪᒧᑦ ᐆᒻᒪᑎᓯ ᓴᓗᒻᒪᕐᓯᒪᕙᓯ ᓇᒡᓕᖕᓂᕐᑖᕐᓗᓯᓗ ᓱᓕᔪᒥᒃ ᐅᒃᐱᖃᑎᑦᓯᓐᓄᑦ, ᓇᒡᓕᒃᑎᒌᒃᑐᒃᓴᐅᒐᑦᓯ ᐃᑎᔪᒥᒃ, ᐆᒻᒪᑎᒥᑦ ᐱᔪᒥᒃ.

ᔪᐊᓇᓯ ᓯᕗᓪᓖᑦ 4:18

ᓇᒡᓕᖕᓂᖅ ᓯᕘᕋᓂᕐᑕᖃᓐᖏᓚᖅ, ᓇᒡᓕᖕᓂᐅᑉ ᓈᒻᒪᒃᓯᑦᓯᐊᕐᑑᑉ ᓯᕘᕋᓂᖅ ᐊᓂᑎᑉᐹ. ᓯᕘᕋᓂᖅ ᓱᒋᐊᕐᑕᐅᓂᕐᒥᒃ ᐱᑦᔪᑎᖃᕐᒪᑦ, ᓯᕘᕋᔫᓪᓗ ᓇᒡᓕᖕᓂᖅ ᓈᒻᒪᒃᓯᑎᓯᒪᓐᖏᓛ.