ᑎᒧᑎᒧᑦ ᐂᑉᐸᖏᑦ 1:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᖁᕝᕕᐅᕐᓂᑎᑦ ᐃᖅᑲᐅᒪᕙᒃᑲ, ᐊᖏᔪᒥᒃ ᑕᑯᔪᒪᓕᕋᓗᐊᕐᐸᒋᑦ, ᖁᕕᐊᓱᖕᓂᕐᒥᒃ ᐃᓗᒻᒥᕐᑕᐅᔪᒪᓪᓗᖓ.

ᑎᒧᑎᒧᑦ ᐂᑉᐸᖏᑦ 1:4 Iomraidhean Croise

ᐃᓐᖏᕈᑎᑦ 126:5

ᖁᕝᕕᐅᕐᓗᑎᒃ ᑲᓐᖓᕐᓱᐃᓚᐅᕐᑐᑦ ᑲᑎᕐᓱᐃᔪᒫᕐᐳᑦ ᖁᕕᐊᓱᖕᓂᕐᒧᑦ ᕾᒐᓛᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 61:3

ᓮᐅᓂᒥ ᕿᒃᓵᒃᑐᑦ ᐃᑲᔪᕆᐊᕐᓗᒋᑦ, ᑕᑯᒥᓇᕐᑐᕐᔪᐊᕐᒥᒃ ᐱᑖᖁᓪᓗᒋᑦ ᐊᕐᔭᓕᓃᑦ ᐃᓇᖏᕐᓗᒋᑦ, ᐃᓔᓕᕿᓂᕐᒧᑦ ᕿᒃᓵᒃᑐᑦ ᖁᕕᐊᓱᖕᓂᐅᑉ ᐅᕐᓱᖓᓂᒃ ᑐᓂᓯᕕᐅᖁᓪᓗᒋᑦ, ᓂᕐᑐᐃᓂᕐᒥᒃ ᐊᓐᓄᕌᕐᑎᓪᓗᒋᑦ ᑕᖃᓯᒪᔪᒥᒃ ᐊᓂᕐᓂᖃᕐᑐᑦ; ᓇᓛᒎᕐᑐᒥᒃ ᐆᒃᒥᒃ ᓇᐹᕐᑐᒥᒃ ᑍᔭᐅᓕᖁᓪᓗᒋᑦ, ᐊᑕᓂᐅᑉ ᑲᓐᖓᕐᓱᕐᑕᖓᓂᒃ ᐱᕈᕐᓯᐊᒃᓴᒥᒃ, ᓂᕐᑐᕐᑕᐅᑦᔪᑎᒃᓴᒥᓄᑦ.

ᔨᕆᒤᐊᐅᑉ ᐊᒡᓚᖏᑦ 31:13

ᐊᕐᓁᑦ ᐃᓅᓱᒃᑐᑦ ᑖᓂᓯᕈᒫᕐᐳᑦ ᖁᕕᐊᓱᖕᓂᕐᒧᑦ, ᐊᖑᑎᓪᓗ ᐃᓅᓱᒃᑐᑦ ᐃᑦᑐᐃᓪᓗ ᖁᕕᐊᓱᖃᑕᐅᔪᒫᕆᕗᑦ, ᕿᒃᓵᖕᓂᖏᑦ ᒧᒥᒃᑎᑦᓱᒫᕐᐸᒃᑲ ᖁᕕᐊᓱᖕᓂᕐᒧᑦ, ᓮᒻᒪᕐᑎᑦᓱᒫᕐᐸᒃᑲ, ᕿᒃᓵᖕᓂᕆᓚᐅᕐᑕᖏᑦ ᖁᕕᐊᓱᖕᓂᓐᖑᕐᑎᓪᓗᒋᑦ.

ᔪᐊᓇᓯᐅᑉ ᐊᒡᓚᖏᑦ 16:22

ᑍᒤᓐᓂᕗᓯᑦᑕᐅᖅ ᒫᓐᓇ ᕿᒃᓵᒃᐳᓯ, ᑕᑯᓛᕆᕙᑦᓯᓕ ᐆᒻᒪᑎᑦᓯᒍᑦ ᖁᕕᐊᓱᒻᒪᕆᓕᓛᕐᐳᓯ, ᖁᕕᐊᓱᖕᓂᕆᔭᓯᓗ ᑭᓇᒧᓪᓘᓐᓃᑦ ᐲᕐᑕᐅᓂᐊᓐᖏᓚᖅ ᐃᓕᑦᓯᓐᓂᑦ.

ᔪᐊᓇᓯᐅᑉ ᐊᒡᓚᖏᑦ 16:24

ᒫᓐᓇᒧᑦ ᑎᑭᓪᓗᒍ ᑐᒃᓯᐊᓚᐅᓐᖏᓚᓯ ᓱᓇᑐᐃᓐᓇᕐᒥᒃ ᐊᑎᓐᓂ; ᑐᒃᓯᐊᕆᑦᓯ, ᑐᓂᓯᕕᐅᓂᐊᕐᐳᓯ ᑕᕝᕙ, ᖁᕕᐊᓱᖕᓂᓯ ᓈᒻᒪᒃᓯᑦᓯᐊᖁᓪᓗᒍ.”

ᐋᐴᓯᑕᓖᑦ ᐱᓂᐊᕐᓂᖏᑦ 20:19

ᐊᑕᓂᕐᒥᒃ ᐱᔨᑦᓯᓚᐅᕐᐳᖓ ᓇᓗᖅᑯᑎᒻᒪᕆᒃᓗᖓ ᖁᕝᕕᐅᖃᑕᕐᓗᖓ, ᐅᖁᒤᑦᑐᑰᖃᑦᑕᕐᓂᓐᓄᑦ ᔫᑎᓄᑦ ᑐᖁᑕᐅᔪᒪᖃᑦᑕᕐᓂᓐᓄᑦ;

ᐋᐴᓯᑕᓖᑦ ᐱᓂᐊᕐᓂᖏᑦ 20:31

ᑍᒤᒻᒪᑦ ᖃᐅᔨᓴᑦᓯᐊᓕᕆᑦᓯ, ᐃᖅᑲᐅᒪᓗᓯᓗ ᖁᕝᕕᐅᖃᑦᑕᕐᓗᖓ ᐅᓪᓗᒃᑯᑦ ᐅᓐᓄᐊᒃᑯᓪᓗ ᓄᖅᑲᓚᐅᕐᓯᒪᓇᖓ ᐊᔪᕆᕐᑐᖃᑦᑕᓚᐅᕋᑦᓯ ᐊᕐᕌᒍᓂᒃ ᐱᖓᓱᓂᒃ.

ᕉᒪᒥᐅᓄᑦ 1:11

ᑭᐱᓂᐊᕐᐳᖓ ᑕᑯᔪᒪᓪᓗᓯ, ᐃᓕᑦᓯᓐᓄᑦ ᐱᑎᑦᓯᔪᒪᓪᓗᖓ ᐊᓂᕐᓂᒃᑯᑦ ᑐᓂᕐᕈᓯᐊᓂᒃ ᓴᓐᖏᔪᓐᖑᕐᑎᑕᐅᒃᑲᓐᓂᖁᓪᓗᓯ,

ᐱᓕᐱᒥᐅᓄᑦ 1:8

ᒎᑎᐅᑉ ᖃᐅᔨᒪᕚᖓ ᐅᖃᕐᑎᓪᓗᖓ ᓱᓕᑦᓯᐊᕐᓂᓐᓂᒃ, ᐃᓕᑦᓯᓐᓂᒃ ᓇᒡᓕᒍᓱᓪᓚᕆᖕᓂᕋ ᔩᓱᓯ ᙭ᔅᑑᓯᒥᑦ ᐱᖕᒪᑦ.

ᐱᓕᐱᒥᐅᓄᑦ 2:26

ᐃᓘᓐᓇᑦᓯᓐᓂᒃ ᑕᑯᔪᒪᓕᕐᓯᒪᖕᒪᑦ, ᖁᕕᐊᓱᖏᑦᔪᑎᖃᓚᐅᕐᐳᕐᓗ ᐃᓕᑦᓯᓐᓂᒃ ᑐᓴᐅᒪᓕᕐᓂᑦᓯᓐᓂᒃ ᑐᓴᕋᒥ ᖃᓂᒪᓚᐅᕐᓂᖓᓂᒃ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:17

ᐅᕙᒍᓪᓕ ᐅᒃᐱᕐᑑᖃᑎᕗᑦ, ᐊᑯᓂᐅᖏᑦᑐᖅ ᐃᓕᑦᓯᓐᓂᑦ ᐊᕕᓚᐅᕐᐳᒍᑦ ᑎᒥᑦᑎᒍᑐᐃᓐᓇᖅ ᐆᒻᒪᑎᑦᑎᒎᖏᑦᑐᕐᓕ, ᐊᖏᔪᒥᒃ ᐃᓕᑦᓯᓐᓂᒃ ᑕᑯᔪᒪᓕᕋᑦᑕ, ᑲᑦᓱᖎᓪᓗᑕ ᐃᓕᑦᓯᓐᓂᒃ ᑕᑯᒃᑲᓐᓂᕈᒪᓚᐅᕐᐳᒍᑦ;

ᑎᒧᑎᒧᑦ ᐂᑉᐸᖏᑦ 4:21

ᑎᑭᓐᓇᓱᐊᓛᕐᐳᑎᑦ ᐅᑭᐅᓐᖑᓚᐅᖏᓐᓂᖓᓂ. ᐃᐅᐳᓚᓯᐅᑉ, ᐴᑎᓐᓯᐅᓪᓗ, ᓔᓄᓯᐅᓪᓗ, ᑲᓚᐅᑎᐊᓪᓗ ᑕᕝᕙᐅᕗᑏᕆᕚᓯ ᑕᒤᓐᓂᓪᓗ ᐅᒃᐱᕐᑑᖃᑎᓕᒫᑦᑎᓐᓂᑦ.

ᑎᒧᑎᒧᑦ ᐂᑉᐸᖏᑦ 4:9

ᐱᕕᓕᒫᒃᑯᑦ ᐅᕙᓐᓄᑦ ᑎᑭᓵᓕᓇᓱᐊᕐᓂᐊᕐᐳᑎᑦ.

ᔪᐊᓇᓯ ᓯᕗᓪᓖᑦ 1:4

ᑕᒪᑐᒥᖓᓗ ᑎᑎᕋᕈᑎᖃᕐᐳᒍᑦ ᖁᕕᐊᓱᖕᓂᖅ ᐃᓗᑦᑎᓐᓃᑦᑐᖅ ᓈᒻᒪᒃᓯᑦᓯᐊᖁᓪᓗᒍ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:4

ᖁᕝᕕᐅᕐᓂᓕᒫᖏᑦ ᐊᓪᓚᕐᑎᕐᓂᐊᕐᐰᑦ ᐃᔨᖏᓐᓂᑦ, ᑐᖁᖃᑦᑕᕐᓂᐊᕈᓐᓃᕐᐳᑦ, ᕿᒃᓵᖃᑦᑕᕈᓐᓃᕐᓗᑎᒃᓗ ᕿᐊᔪᖃᕐᓂᐊᕈᓐᓃᕐᐳᖅ, ᐋᓐᓂᐊᔪᖃᕐᓂᐊᕈᓐᓃᕐᓗᓂᓗ, ᐱᑐᕾᑦ ᓄᖑᒻᒪᑕ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:17

ᓄᕐᕋᐅᔭᐅᑉ ᐃᒃᓯᕙᐅᑕᕐᔪᐊᑉ ᕿᑎᖓᓃᑦᑑᑉ ᐰᕆᓂᐊᕐᒪᒋᑦ, ᑕᓯᐅᕐᓂᐊᕐᐰᓪᓗ ᐃᒥᕐᒧᑦ ᐃᓅᓯᖃᕐᓇᕐᑐᒥᒃ ᑯᕕᔪᒧᑦ; ᒎᑎᐅᓪᓗ ᖁᕝᕕᐅᕐᓂᓕᒫᖏᑦ ᐊᓪᓚᕐᑎᕐᓂᐊᕐᐰᑦ ᐃᔨᖏᓐᓂᑦ.”