ᑎᒧᑎᒧᑦ ᐂᑉᐸᖏᑦ 1:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᒎᑎ ᖁᔭᒋᕙᕋ ᑖᒃᓇ ᐱᔨᑦᓯᕐᑕᕋ ᐃᓱᒫᓗᑎᖃᕐᓇᖓ, ᓲᕐᓗᑦᑕᐅᖅ ᓯᕗᓕᕕᓂᒃᑲ ᑍᒤᓚᐅᕐᒪᑕ, ᑍᒪᓐᖓᑦ ᐃᖅᑲᐅᒪᖃᑦᑕᐸᒋᑦ ᑐᒃᓯᐊᓕᕌᖓᒪ ᐅᓐᓄᒃᑯᑦ ᐅᓪᓗᒃᑯᓪᓗ.

ᑎᒧᑎᒧᑦ ᐂᑉᐸᖏᑦ 1:3 Iomraidhean Croise

ᓘᑲᓯᐅᑉ ᐊᒡᓚᖏᑦ 2:37

ᐅᐃᒡᒐᕐᓂᐅᓕᕐᑐᖅ ᐊᕐᕌᒍᖃᓕᕐᓗᓂ 84ᓂᒃ. ᑖᓐᓇ ᖃᐅᑕᒫᑦ ᑐᒃᓯᐊᕐᕕᒡᔪᐊᕐᒦᖃᑦᑕᓚᐅᕐᐳᖅ ᑐᒃᓯᐊᕐᓗᓂ ᓂᕆᑦᑍᓕᕙᒡᓗᓂᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 22:3

“ᔫᑎᐅᕗᖓ, ᑖᕐᓱᓯᒥ ᓯᓕᓯᐊᒦᑦᑐᒥ ᐃᓅᓕᕐᓯᒪᔪᖓ, ᔨᕉᓴᓕᒻᒥ ᑕᕝᕙᓂ ᐱᕈᓚᐅᕐᐳᖓ, ᒐᒤᓕᐊᓕᒧᑦ ᐃᓕᓐᓂᐊᕐᑎᒋᔭᐅᓪᓗᖓ, ᐃᓕᓐᓂᐊᕐᑎᑕᐅᑦᓯᐊᓚᐅᕐᐳᖓ ᓯᕗᓕᕕᓂᑦᑕ ᐱᖁᔭᖏᓐᓂᒃ, ᑲᔪᖏᕐᓂᖃᓚᐅᕐᐳᖓᓗ ᒎᑎᒧᑦ ᓲᕐᓗᑦᑕᐅᖅ ᐅᓄᕐᑑᓪᓗᓯ ᑍᒤᒃᑲᑦᓯ ᒫᓐᓇ.

ᐋᐴᓯᑕᓖᑦ ᐱᓂᐊᕐᓂᖏᑦ 23:1

ᐸᐅᓗᓯ ᔫᑎᑦ ᐃᖅᑲᕐᑐᐃᔨᕐᔪᐊᖏᓐᓄᑦ ᑕᑯᓴᓪᓗᐊᕐᓗᓂ ᐅᖃᐅᑎᕔᑦ, “ᔫᑎᐅᖃᑎᒃᑳ, ᐃᓅᓚᐅᕐᐳᖓ ᐃᓅᓯᕆᔭᓐᓂ ᒎᑎᐅᑉ ᓵᖓᓂ ᐃᓱᒫᓗᑎᒃᓴᖃᕐᓇᖓ ᐃᓱᒪᒃᑯᑦ ᐅᓪᓗᒥᒧᑦ ᑎᑭᓪᓗᒍ.”

ᐋᐴᓯᑕᓖᑦ ᐱᓂᐊᕐᓂᖏᑦ 24:14

ᐊᓐᖏᒍᑎᔪᒪᓐᖏᓚᒋᑦ; ᓯᕗᓕᕕᓂᑦᑕ ᒎᑎᖓ ᑐᒃᓯᐊᕐᕕᒋᕙᒃᐸᕋ, ᒫᓐᓇ ᐊᑕᓂᕐᒧᑦ ᒪᓕᒡᑎᐅᓂᕐᒥᒃ ᐃᓚᐅᕗᖓ, ᑖᒃᑯᐊ ᓱᓕᖏᑦᑐᒧᑦ ᐅᒃᐱᕈᓯᐅᓂᕋᕐᑕᖓᓐᓄᑦ, ᐅᒃᐱᕈᓱᑦᓯᐊᕐᐳᖓ ᒨᓯᓯᐅᑉ ᐱᖁᔭᖏᓐᓂᒃ, ᓇᓚᐅᑦᑍᔪᓪᓗ ᐊᒡᓚᖏᓐᓂ ᑎᑎᕋᕐᓯᒪᔪᓂᒃ,

ᐋᐴᓯᑕᓖᑦ ᐱᓂᐊᕐᓂᖏᑦ 24:16

ᑍᒪᓐᖓᑦ ᐱᓇᓱᐊᕐᐳᖓ ᐃᓱᒪᒃᑯᑦ ᐸᓯᔭᒃᓴᐅᔪᒪᓇᖓ ᒎᑎᒧᑦ, ᐃᓄᖕᓄᓪᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 26:4

“ᔫᑎᓕᒫᑦ ᖃᐅᔨᒪᖕᒪᑕ ᓱᕈᓯᐅᓂᓐᓂᑦ ᑍᑲᓐᖓᑦ ᐃᓕᖅᑯᓯᕆᔭᓐᓂᒃ, ᐃᓅᓯᓕᒫᓐᓂ ᓄᓇᒋᔭᑦᑎᓐᓂ, ᔨᕉᓴᓕᒻᒦᓐᓂᓐᓂᓗᑦᑕᐅᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 27:23

ᐅᓐᓄᐊᖅ ᒎᑎᐅᑉ ᐱᔨᑦᓯᕐᑕᒪ ᐂᖏᓕᖓ ᓴᓂᓐᓂ ᓇᖏᓚᐅᕐᐳᖅ,

ᕉᒪᒥᐅᓄᑦ 9:1

ᓱᓕᔪᒥᒃ ᐅᖃᕐᐳᖓ ᙭ᔅᑑᓯᒥ, ᓴᒡᓗᓇᖓ; ᐃᓱᒪᒪ ᐃᒃᐱᒋᔭᖓᑕ ᑐᑭᓯᑎᑉᐹᖓ ᐊᓂᕐᓂᐅᑉ ᐃᑦᔪᕐᓁᑦᑑᑉ ᓇᓗᓁᕐᓯᓂᖓᒍᑦ,

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:12

ᐅᕙᑦᑎᓐᓂᒃ ᑕᕝᕙ ᖁᕕᐊᓲᑎᒋᔭᕗᑦ, ᐃᒃᐱᒋᔭᑦᑎᒍᑦ ᓄᓇᒥ ᐃᓅᑎᓪᓗᑕ ᐃᓕᑦᓯᓐᓂᒃ ᐃᓚᖃᕐᓂᕗᑦ, ᐊᐅᓚᑕᐅᓯᒪᖕᒪᑦ ᒎᑎᐅᑉ ᐃᑦᔪᕐᓁᑎᑦᓯᓂᖓᓄᑦ ᓇᓛᒎᕐᓂᖓᒍᓪᓗ, ᓯᓚᕐᔪᐊᕐᒥᐅᑦ ᓯᓚᑐᓂᖓᓅᖏᑦᑐᖅ ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ.

ᒐᓔᑎᐊᒥᐅᓄᑦ 1:14

ᔫᑎᓂᓪᓗ ᑍᒤᓪᓗᐊᖃᑎᒋᔭᓐᓂᑦ ᐃᓕᓯᒪᓂᕐᓴᐅᓚᐅᕐᐳᖓ ᔫᑎᑦ ᐅᒃᐱᕐᓂᖓᓐᓂᒃ, ᓯᕗᓕᕕᓂᑦᑕᓗ ᐅᒃᐱᕐᓂᕐᒥ ᐱᐅᓯᕕᓂᖏᑦ ᓯᕐᓂᒋᓂᕐᓴᕆᓚᐅᕐᐸᒃᑲ.

ᐃᐱᓯᒥᐅᓄᑦ 1:16

ᒎᑎᒧᑦ ᖁᔭᓕᑦᔪᑎᒌᓐᓇᓕᕐᐸᑦᓯ, ᑐᒃᓯᐊᓕᕌᖓᒪᓗ ᐃᖅᑲᐅᒪᖃᑦᑕᕐᐸᑦᓯ,

ᑎᓴᓗᓁᑲᒥᐅᓄᑦ ᓯᕗᓪᓖᑦ 3:10

ᐅᓪᓘᑎᓪᓗᒍ ᐅᓐᓄᐊᒥᓗ ᐃᓗᖏᕐᓱᕐᓗᑕ ᑐᒃᓯᐊᕐᐳᒍᑦ ᓇᖕᒥᓂᖅ ᑕᑯᒃᑲᓐᓂᕈᒪᓪᓗᑕ ᐃᓕᑦᓯᓐᓂᒃ ᐃᑲᔪᒃᑲᓐᓂᕆᐊᖃᕈᑦᑕᓗ ᐅᒃᐱᕐᓂᑦᓯᓂᒃ ᐱᓇᓱᐊᕈᒪᓪᓗᑕ.

ᑎᒧᑎᒧᑦ ᓯᕗᓪᓖᑦ 1:19

ᐅᒃᐱᕐᓂᖃᕐᓗᑎᑦ ᐃᓱᒪᒃᑯᓪᓗ ᐸᓯᔭᐅᖏᓪᓗᑎᑦ. ᐃᓄᐃᑦ ᐃᓱᒪᒥᒃᑎᒍᑦ ᐸᓯᔭᒃᓴᐅᓂᕐᒥᒃ ᐃᒃᐱᒍᓱᖏᓗᐊᕐᓂᕐᒧᑦ, ᐅᒃᐱᕐᓂᖏᑦ ᓯᖁᒥᑕᐅᓯᒪᖕᒪᑕ;

ᑎᒧᑎᒧᑦ ᓯᕗᓪᓖᑦ 1:5

ᑕᒪᓐᓇ ᐃᓂᕐᑎᕆᑦᔪᑕᐅᖁᔭᕗᑦ ᓇᒡᓕᖕᓂᖅ ᓴᖅᑭᖁᓪᓗᒍ ᐆᒻᒪᑎᒥᑦ ᐃᑦᔪᕐᓁᑦᑐᒥᑦ ᐃᓱᒪᒥᓪᓗ ᐸᓯᔭᒃᓴᐅᓂᖃᖏᑦᑐᒥᑦ ᐱᓯᒪᔪᖅ, ᐅᒃᐱᕐᓂᒥᒡᓗ ᓱᓕᔪᒥᑦ.

ᑎᒧᑎᒧᑦ ᓯᕗᓪᓖᑦ 5:5

ᐅᐃᒡᒐᕐᓂᕐᓕ ᐃᓄᑐᐊᖑᒃᐸᑦ ᐃᑲᔪᕐᑎᒃᓴᖃᕋᓂ, ᑍᒤᑦᑐᖅ ᒎᑎᒥᑦ ᑭᓯᐊᓂ ᓂᕆᐅᒃᐳᖅ, ᑐᒃᓯᐊᖏᓐᓇᕐᐳᕐᓗ ᐃᑲᔪᕐᑕᐅᔪᒪᓪᓗᓂ ᐅᓐᓄᐊᖑᒐᓗᐊᕐᐸᑦ ᐅᓪᓘᒐᓗᐊᕐᐸᓪᓗ;

ᑎᒧᑎᒧᑦ ᐂᑉᐸᖏᑦ 1:5

ᐃᖅᑲᐅᒪᒐᒪ ᓱᓕᑦᓯᐊᕐᑐᒥᒃ ᐅᒃᐱᕐᓃᖃᕋᕕᑦ, ᐊᓈᓇᑦᓯᐊᕕᑦ ᓗᐃᓯᐅᑉ ᐅᒃᐱᕐᓂᖓᑐᑦ ᐊᓈᓇᕕᓪᓗ ᔫᓁᓯᐅᑉ, ᖁᓚᖏᑦᓯᐊᕋᒪ ᐃᓕᖕᓃᓐᓂᖓᓂᒃᑕᐅᖅ.

ᑎᒧᑎᒧᑦ ᐂᑉᐸᖏᑦ 3:15

ᓄᑕᕋᐅᓂᕐᓂᓪᓗ ᐊᒡᓔᑦ ᖃᐅᔨᒪᒐᕕᒋᑦ ᐱᐅᓕᔭᐅᓐᓇᕐᑐᒥᒃ ᖃᐅᔨᑎᑦᓯᔪᓐᓇᕐᓂᖏᓐᓂᒃ ᐅᒃᐱᕐᓂᒃᑯᑦ ᙭ᔅᑑᓯ ᔩᓱᓯᒥᒃ.

ᐄᑉᕈᐃᓄᑦ 13:8

ᔩᓱᓯ ᙭ᔅᑑᓯ ᐊᓯᑦᔨᓚᐅᕐᓯᒪᓐᖏᓚᖅ ᐃᑉᐸᒃᓴᖅ ᐅᓪᓗᒥᓗ ᐃᓱᖃᖏᑦᑐᒧᓪᓗ.

ᓴᒧᐃᓕ ᓯᕗᓪᓖᑦ 12:23

ᐅᕙᓐᓂᓪᓕ, ᐅᖓᓯᒡᓕ ᐊᔪᕐᑐᓕᔪᒃᓴᐅᓂᕋ ᐊᑕᓂᕐᒧᑦ ᑐᒃᓯᐅᑦᔨᖃᑦᑕᕈᓐᓃᕋᔭᕈᒪ ᐃᓕᑦᓯᓐᓂᒃ; ᐊᔪᕆᕐᑐᖃᑦᑕᕐᓂᐊᕐᐸᑦᓯ ᐱᐅᔪᒥᒃ ᓈᒻᒪᓈᕐᑐᒥᒡᓗ.