ᑎᒧᑎᒧᑦ ᐂᑉᐸᖏᑦ 1:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᐊᑕᓂᐅᑉ ᓈᒃᑭᒋᓕᒋᑦ ᐅᓂᓯᐳᕋᓯᒃᑯᑦ ᐃᓚᒌᑦ, ᑖᑦᓱᒪ ᐅᓄᕐᑐᐃᕐᓱᕐᓗᖓ ᐱᕙᓪᓕᕐᑎᖃᑦᑕᕐᓯᒪᖕᒪᖓ; ᑎᒍᔭᐅᓯᒪᕕᖕᒦᓐᓂᓐᓂᒃ ᑲᓐᖑᓲᑎᖃᓚᐅᖏᒻᒪᑦ.

ᑎᒧᑎᒧᑦ ᐂᑉᐸᖏᑦ 1:16 Iomraidhean Croise

ᓴᒧᐃᓕ ᐂᑉᐸᖏᑦ 2:6

ᒫᓐᓇᓕ ᐊᑕᓂᐅᑉ ᓇᒡᓕᖕᓂᕐᒥᓂᒃ ᐱᑦᓯᐊᕐᓂᕐᒥᓂᒡᓗ ᓴᖅᑭᑎᑦᓯᕕᒋᓕᓯ! ᐅᕙᖓᓗ ᐱᑦᓯᐊᕐᕕᒋᓂᐊᕐᐸᑦᓯ ᑍᒫᒃ ᐱᓂᐊᕐᓂᕆᓚᐅᕐᑕᓯ ᐱᓪᓗᒍ.

ᓂᕼᐃᒤᐊᐅᑉ ᐊᒡᓚᖏᑦ 13:14

ᒎᑎᒐ ᐃᖅᑲᐅᒪᓐᖓ, ᑕᒪᒃᑯᐊ ᐱᑦᔪᑎᒋᓗᒋᑦ, ᐱᓇᓱᐊᑦᓯᐊᕐᓂᕆᓚᐅᕐᑕᒃᑲᓗ ᒎᑎᒪ ᐃᒡᓗᖓᓄᑦ ᐳᐃᒍᕐᑍᓕᒃᑭᑦ ᑖᑦᓱᒪᓗ ᐱᓇᓱᐊᕐᑕᐅᖁᓯᒪᔭᖏᓐᓂᒃ ᐱᓇᓱᐊᕐᓯᒪᔭᒃᑲ.

ᓂᕼᐃᒤᐊᐅᑉ ᐊᒡᓚᖏᑦ 13:22

ᑕᕝᕙ ᓕᕔᑏᑦ ᐱᖁᓚᐅᕐᐸᒃᑲ ᐃᒻᒥᖕᓂᒃ ᑐᒃᓯᐊᕐᓂᒃᑯᑦ ᓴᓗᒻᒪᕐᓴᖅᑳᕐᓗᑎᒃ, ᐃᑎᕐᑕᕐᕖᑦ ᖃᐅᔨᓴᕐᑕᐅᖃᑦᑕᖁᓪᓗᒋᑦ, ᐅᓪᓗᖅ ᓴᐸᑎ ᐃᑦᔪᕐᓁᑎᑕᐅᖁᓪᓗᒍ. ᒎᑎᒐ ᐃᖅᑲᐅᒪᓐᖓ, ᑕᒪᓐᓇ ᐱᑦᔪᑎᒋᓗᒍᑦᑕᐅᖅ, ᓴᐳᑎᓗᖓᓗ ᓇᒡᓕᒍᓱᒃᑐᕐᔪᐊᖑᓃᑦ ᐱᑦᔪᑎᒋᓗᒍ.

ᓂᕼᐃᒤᐊᐅᑉ ᐊᒡᓚᖏᑦ 13:31

ᕿᔪᖕᓂᒡᓗ ᐊᑐᐃᓐᓇᕈᐃᓚᐅᕐᐳᖓ ᑐᓂᕐᕈᓯᓕᕐᑎᓪᓗᒋᑦ ᐃᑯᐊᓚᒍᑎᒃᓴᓂᒃ, ᑐᓂᕐᕈᓯᕐᕕᒃᓴᖅ ᓇᓪᓕᐅᓐᓂᖅ ᓈᒻᒪᒃᓯᔭᕌᖓᑦ, ᐱᕈᕐᑐᓪᓗ ᓯᕗᓪᓕᕐᐹᑦ ᐱᕈᕐᑎᑕᐅᔪᑦ ᑐᓂᔭᐅᓂᒃᓴᖏᓐᓂ. ᒎᑎᒐ, ᐃᖅᑲᐅᒪᓐᖓ, ᐱᐅᔪᓂᒃ ᐱᓇᓱᐊᓚᐅᕐᑕᓐᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 5:19

ᒎᑏᒃ, ᐃᖅᑲᐅᒪᓂᐊᕐᐸᕐᒪ ᐱᑦᓯᐊᕐᓯᒪᓂᓐᓂᒃ, ᐱᓂᐊᕐᓂᕆᓯᒪᔭᓕᒫᓐᓂᒡᓗ ᐅᑯᓄᖓ ᐃᓄᖕᓄᑦ.

ᐃᓐᖏᕈᑎᑦ 18:25

ᓂᑲᒍᓱᒃᑐᓄᑦ ᓴᖅᑭᓐᓂᐊᕐᐳᑎᑦ ᓂᑲᒍᓱᕐᑑᓗᑎᑦ, ᐸᓯᔭᒃᓴᐅᖏᑦᑐᓄᓪᓗ ᐸᓯᔭᒃᓴᐅᖏᓪᓗᑎᑦ ᓴᖅᑭᓐᓂᐊᕆᕗᑎᑦ.

ᐃᓐᖏᕈᑎᑦ 37:26

ᑍᒪᓐᖓᑦ ᐊᓐᓂᕈᓱᓐᖏᓚᑦ, ᐊᑐᕐᑎᑦᓯᔪᒪᕙᒡᓗᑎᒡᓗ; ᑭᖑᕚᖏᓪᓗ ᓮᒻᒪᕐᑎᓯᒪᕗᑦ.

ᔨᕆᒤᐊᐅᑉ ᐊᒡᓚᖏᑦ 39:17

ᐅᕙᖓᓕ ᐅᓪᓗᖅ ᑍᓐᓇ ᓇᓪᓕᐅᑎᒃᐸᑦ ᓴᐳᑎᔪᒪᕙᒋᑦ, ᐊᑕᓂᖅ ᐅᖃᕐᐳᖅ, ᑲᑉᐱᐊᒋᔭᕐᓄᑦ ᑎᒍᔭᐅᔪᒫᓐᖏᓚᑎᑦ.

ᒫᑎᐅᓯᐅᑉ ᐊᒡᓚᖏᑦ 25:17

ᑍᒫᑦᓮᓐᓇᖅ ᐱᔨ ᑮᓇᐅᔭᕐᑖᓚᐅᕐᑐᖅ 2,000ᓂᒃ ᑮᓇᐅᔭᕐᑖᒃᑲᓐᓂᕆᕗᖅ ᐊᓯᖏᓐᓂ 2,000ᓂᒃ.

ᒫᑎᐅᓯᐅᑉ ᐊᒡᓚᖏᑦ 5:7

ᓮᒪᓇᕐᑐᒦᑉᐳᑦ ᐃᓅᖃᑎᒥᖕᓂᒃ ᓂᑲᒍᓱᒃᑐᑦ, ᒎᑎᒧᑦ ᓂᑲᒋᔭᐅᔪᒪᕐᒪᑕ.

ᐋᐴᓯᑕᓖᑦ ᐱᓂᐊᕐᓂᖏᑦ 21:33

ᑕᕝᕙ ᐅᓇᑕᕐᑐᒃᓮᑦ ᐊᖓᔪᖅᑳᖓᑦᑕ ᐅᐸᒃᑲᒥᐅᒃ ᐸᐅᓗᓯ ᑎᒍᕚ ᐊᕐᓵᕐᑑᔭᓄᑦ ᒪᕐᕈᐃᓄᑦ ᕿᓚᒃᓱᕐᑕᐅᖁᕚ. ᐊᐱᕐᓱᓕᕐᓗᓂ ᑭᓇᐅᖕᒪᖔᑦ ᖃᓄᐃᓕᐅᓚᐅᕐᒪᖔᓪᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 28:20

ᑕᒪᑐᒧᖓ ᑕᕝᕙ ᑕᑯᔪᒪᓚᐅᕐᐸᑦᓯ ᐅᖃᓪᓚᒡᕕᒋᔪᒪᓪᓗᓯᓗ, ᐊᒻᒪᑦᑕᐅᖅ ᒪᑯᓄᖓ ᐊᕐᓵᕐᑑᔭᓄᑦ ᐊᑦᑐᖏᕐᓱᕐᑕᐅᓯᒪᕗᖓ ᐃᓴᕆᐊᓕᒥᐅᑦ ᓂᕆᐅᖕᓂᕆᔭᖓᓐᓂᒃ ᓂᕆᐅᖕᓂᖃᕐᓂᕋ ᐱᑦᔪᑎᒋᓪᓗᒍ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 16:18

ᑖᒃᑯᓇᖓᑦ ᖁᕕᐊᓱᓕᕐᑎᑕᐅᓚᐅᕋᒪ ᐃᓕᑦᓯᓐᓂᒡᓗ ᖁᕕᐊᓱᒃᑎᑦᓯᓪᓗᑎᒃ. ᐃᓄᖕᓂᒃ ᑍᒤᑦᑐᓂᒃ ᐃᒃᐱᒍᓱᑦᓯᐊᕐᑐᒃᓴᐅᕗᓯ.

ᐃᐱᓯᒥᐅᓄᑦ 6:20

ᑕᒪᑐᒧᖓ ᐅᖃᐅᓯᕐᓄᑦ ᑐᓴᕈᒥᓇᕐᑐᓄᑦ ᑎᓕᔭᐅᓯᒪᒐᒪ ᐅᖃᕐᑎᐅᖁᓪᓗᖓ, ᒫᓐᓇ ᑎᒍᔭᐅᓯᒪᕕᖕᒦᒐᓗᐊᕐᑐᖓ; ᓯᕘᕋᓇᖓ ᐅᖃᕈᓐᓇᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᓲᕐᓗ ᐅᖃᓪᓚᒃᑐᒃᓴᐅᒐᒪ.

ᑎᒧᑎᒧᑦ ᐂᑉᐸᖏᑦ 1:12

ᑍᒤᒻᒪᑦ ᐊᒃᓱᕈᕐᑎᑕᐅᕗᖓ. ᑕᒪᓐᓇᓕ ᑲᓐᖑᓲᑎᒋᓐᖏᓚᕋ, ᐅᒃᐱᕐᕕᒋᔭᕋ ᖃᐅᔨᒪᒐᒃᑯ, ᖁᓚᖏᓐᓇᒪ ᐅᕙᓐᓄᑦ ᐱᓂᐊᕐᑕᐅᖁᓯᒪᔭᓂ ᓴᐳᑎᓯᒪᔪᓐᓇᕐᓂᐊᕐᒪᒍ ᐅᓪᓗᖅ ᑍᓐᓇ ᓇᓪᓕᐅᑎᔪᒃᓴᖅ ᑎᑭᓪᓗᒍ.

ᑎᒧᑎᒧᑦ ᐂᑉᐸᖏᑦ 1:17

ᕉᒪᒧᓪᓕ ᑎᑭᓐᓇᒥ ᐅᕙᓐᓂᒃ ᕿᓂᓚᐅᕐᐳᖅ ᐊᔪᐃᓐᓇᕐᓗᓂ ᓇᓂᓚᐅᕐᐹᖓᓗ.

ᑎᒧᑎᒧᑦ ᐂᑉᐸᖏᑦ 1:18

ᐊᑕᓂᐅᑉ ᐱᔪᓐᓇᕐᑎᓪᓕᐅᒃ ᓈᒃᑭᒋᔭᐅᓂᕐᒥᒃ ᐊᑕᓂᕐᒥᑦ ᓇᓂᓯᖁᓪᓗᒍ ᐅᓪᓗᕐᒥ ᓇᓪᓕᐅᑦᓱᒫᕐᑐᒥ; ᖃᐅᔨᒪᕗᑎᓪᓗ ᐃᑲᔪᕐᓯᒪᓪᓚᕆᖕᓂᖓᓂᒃ ᐅᕙᓐᓄᑦ ᐃᐱᓲᓯᒥ.

ᑎᒧᑎᒧᑦ ᐂᑉᐸᖏᑦ 1:8

ᑍᒤᒻᒪᑦ ᐊᑕᓂᕐᒥᒃ ᓇᓗᓁᕐᓯᔨᐅᓃᑦ ᑲᓐᖑᓲᑎᒋᓂᐊᕐᓇᒍ, ᑎᒍᔭᐅᓯᒪᕕᖕᒦᓐᓂᕋᓗ ᑖᓐᓇ ᐱᓪᓗᒍ. ᐊᒃᓱᕈᕐᓇᕐᑐᒥᒡᓕ ᐱᓇᓱᐊᖃᑕᐅᓕᕆᑦ ᐅᖃᐅᓰᑦ ᑐᓴᕈᒥᓇᕐᑐᑦ ᐱᑦᔪᑎᒋᓗᒋᑦ ᒎᑎᐅᑉ ᐱᔪᓐᓇᕐᓂᖓᓂ.

ᑎᒧᑎᒧᑦ ᐂᑉᐸᖏᑦ 4:19

ᐳᕆᓯᓚᒃᑯᒃ ᐊᑯᐃᓚᒃᑯᒃ ᑕᕝᕙᐅᕗᑏᕐᐹᒃᑲᒃ, ᐅᓂᓯᐳᕋᓯᐅᓪᓗ ᐃᒡᓗᒥᐅᖃᑎᖏᑦ.

ᐰᓕᒨᓂᒧᑦ 1:20

ᐃᓛᒃ ᐅᒃᐱᕐᑑᖃᑎᒐ, ᖁᕕᐊᒋᔭᓐᓂᒃ ᐱᓇᓱᐊᖁᕙᒋᑦ ᐊᑕᓂᕐᒥ. ᐆᒻᒪᑎᒃᑯᑦ ᖁᕕᐊᓱᒃᑎᓚᐅᓐᖓ.

ᐰᓕᒨᓂᒧᑦ 1:7

ᐅᒃᐱᕐᑑᖃᑎᒐ ᓇᒡᓕᖕᓇᕐᑐᑎᑦ, ᓇᒡᓕᖕᓂᕐᓄᑦ ᐊᖏᔪᐊᓗᖕᒥᒃ ᖁᕕᐊᓱᒃᑎᑕᐅᕗᖓ ᐱᕙᓪᓕᕐᑎᑕᐅᓪᓗᖓᓗ, ᐃᑦᔪᕐᓁᑎᑕᐅᓯᒪᔪᓕᒫᑦ ᐆᒻᒪᑎᒥᒍᑦ ᖁᕕᐊᓱᒃᑎᑕᐅᓯᒪᖕᒪᑕ ᐱᑦᔪᑎᒋᓪᓗᑎᑦ.

ᐄᑉᕈᐃᓄᑦ 10:34

ᐃᓚᑦᓱᒍᓱᓚᐅᕐᐳᓯᓗ ᑎᒍᔭᐅᓯᒪᕕᖕᒦᑦᑐᓂᒃ, ᐱᖁᑎᑦᓯᓐᓂᒡᓗ ᐊᕐᓵᕐᑕᐅᒐᓗᐊᕋᑦᓯ ᖁᕕᐊᓱᒡᓗᓯ ᐊᑐᕈᓐᓇᓚᐅᕐᐸᓯ, ᖃᐅᔨᒪᒐᑦᓯ ᓇᖕᒥᓂᖅ ᐱᖁᑎᖃᕋᑦᓯ ᐱᐅᓂᕐᓴᒥᒃ ᓄᖑᓐᓂᐊᖏᑦᑐᒥᒡᓗ.

ᐄᑉᕈᐃᓄᑦ 6:10

ᒎᑎ ᐊᑦᔨᒌᖏᑎᑦᓯᖏᒻᒪᑦ; ᐱᓇᓱᐊᕐᓯᒪᔭᑦᓯᓐᓂᒃ ᖄᖐᓐᓁᓂᐊᖏᓚᖅ ᑖᑦᓱᒥᖓᓗ ᐱᓪᓚᕆᖃᕐᓂᕐᒥᒃ ᓴᖅᑭᑎᓯᒪᔭᑦᓯᓐᓂᒃ ᐃᓄᖁᑎᖏᓐᓂᒃ ᐃᑲᔪᖃᑦᑕᕐᓯᒪᓂᑦᓯᒍᑦ ᓱᓕᓗ ᐃᑲᔪᖃᑦᑕᕋᑦᓯᒋᒃ.

ᕉᑎᐅᑉ ᐅᓂᒃᑲᐅᓯᓂᖓ 1:8

ᓁᐅᒥᐅᑉ ᐅᑯᐊᖕᓂ ᐅᖃᐅᑎᕚᒃ, “ᐊᖏᕐᕋᓕᕆᑦᓯᒃ ᐊᓈᓇᒃᑯᓯᖕᓄᑦ, ᐃᑲᔪᑦᓯᐊᖃᑦᑕᓚᐅᕋᑦᓯᒃ ᐅᕙᓐᓂᒃ ᐃᓚᒋᓚᐅᕐᑕᑦᑎᓐᓂᒡᓗ ᐃᓅᔪᓐᓃᕐᑐᓂᒃ, ᐊᑕᓂᖅ ᑐᒃᓯᐊᕐᕕᒋᕙᕋ ᐃᑲᔪᑦᓯᐊᖁᓪᓗᒍᑦᑕᐅᖅ ᐃᓕᑦᓯᖕᓂᒃ.