ᑎᓴᓗᓁᑲᒥᐅᓄᑦ ᐂᑉᐸᖏᑦ 3:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᑍᒤᑦᑐᑦ ᐱᖁᓪᓚᕆᒃᓗᒋᑦ ᐃᓇᑉᐸᕗᑦ ᐊᑕᓂᑦᑎᒍᑦ ᔩᓱᓯ ᙭ᔅᑑᓯᒃᑯᑦ ᐋᖅᑮᒋᐊᖁᓪᓗᒋᑦ ᐃᓅᓯᕐᒥᖕᓂᒃ ᐱᓇᓱᐊᓕᖁᓪᓗᒋᓪᓗ ᓇᖕᒥᓂᖅ ᑮᓇᐅᔭᓕᐊᒥᖕᓄᑦ ᐆᒪᑦᔪᑎᒃᓴᕐᓯᐅᖁᓪᓗᒋᑦ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 3:12 Iomraidhean Croise

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:1

ᐱᐅᓂᕐᓴᐅᕗᖅ ᓂᐰᑦᑐᒥ ᐸᓂᕐᓂᑯᒥᒃ ᓂᐊᖂᔭᕕᓂᕐᑐᕐᓂᖅ, ᓂᕆᕕᒡᔪᐊᖃᑕᐅᓂᕐᒥᑦ ᐃᒡᓗᒥ ᐃᓄᒋᐊᒃᑐᓂ ᐂᕙᔪᓂ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 4:6

ᐊᑕᐅᓯᕐᒥᒃ ᑎᒍᒥᐊᕐᑐᕐᓂᖅ ᓂᐰᑦᑑᓗᓂ ᐱᐅᓂᕐᓴᐅᕗᖅ ᐃᒡᓗᒃᑐᑦ ᑎᒍᒥᐊᕐᑐᕐᓂᕐᒥᑦ ᓴᓇᔭᒃᓴᓂᒃ ᐊᓄᕆᒥᒡᓗ ᐊᖑᓯᓇᓱᐊᕐᓂᕐᒥᑦ.

ᓘᑲᓯᐅᑉ ᐊᒡᓚᖏᑦ 11:3

ᖃᐅᑕᒫᑦ ᓂᕿᒃᓴᑦᑎᓐᓂᒃ ᑐᓂᓯᕕᒋᑎᒍᑦ;

ᐃᐱᓯᒥᐅᓄᑦ 4:28

ᑎᒡᓕᒃᐸᓚᐅᕐᑐᖅ ᑎᒡᓕᖃᑦᑕᕈᓐᓁᕐᓕ, ᓇᖕᒥᓂᕐᓕ ᐃᖅᑲᓁᔭᓕᕐᓕ, ᐱᐅᔪᒥᒃ ᐱᓇᓱᐊᕐᓗᓂ ᓇᖕᒥᓂᖅ ᐃᓅᑦᔪᑎᒃᓴᓕᐊᒥᓄᑦ ᒪᑭᑕᑎᒍᓐᓇᕐᓯᓂᐊᕐᒪᑦ, ᐊᓯᒥᓂᒡᓗ ᐊᔪᕐᓴᕐᑐᓂᒃ ᐃᑲᔪᕈᓐᓇᕐᓯᓗᓂ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:1

ᑭᖑᓪᓕᕐᐹᒥᒡᓕ, ᙭ᔅᑑᓯᒥᐅᑕᐅᖃᑎᒃᑲ, ᕿᓄᕕᒋᓪᓗᓯ ᐃᓇᑉᐸᑦᓯ ᐊᑕᓂᑦᑎᓐᓂ ᔩᓱᓯᒥ, ᐅᕙᑦᑎᓐᓂᑦ ᐃᓕᓐᓂᐊᓚᐅᕋᑦᓯ ᖃᓄᖅ ᐃᓅᔪᒃᓴᐅᖕᒪᖔᑦᓯ ᒎᑎᒧᑦ ᖁᕕᐊᒋᔭᐅᔪᒥᒃ. ᑍᒫᒃᓗ ᐃᓅᓯᖃᓚᐅᕋᑦᓯ, ᑭᓯᐊᓂᓕ ᐃᓅᓯᖃᑦᓯᐊᓕᖁᕙᑦᓯ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:11

ᐃᓅᓯᑦᓯᓐᓂ ᑐᕌᒐᖃᕋᓱᐊᕆᑦᓯ ᐅᐃᒪᔮᖏᓪᓗᓯ, ᐱᓂᐊᕋᒃᓴᓯ ᓇᖕᒥᓂᖅ ᐱᓇᓱᐊᕐᓗᒋᑦ, ᓇᖕᒥᓂᕐᓗ ᐱᓇᓱᐊᕐᓂᑦᓯᓐᓄᑦ ᐃᓅᑦᔪᑎᒃᓴᕐᓯᓗᓯ, ᓲᕐᓗ ᑍᒫᒃ ᐱᖁᓚᐅᕋᑦᓯ;

ᑎᓴᓗᓁᑲᒥᐅᓄᑦ ᐂᑉᐸᖏᑦ 3:8

ᐊᑭᖃᖏᑦᑐᒥᒡᓗ ᓂᕿᒃᓴᑦᑎᓐᓂᒃ ᑎᒍᓯᓚᐅᓐᖏᓚᒍᑦ ᑭᓇᒥᓪᓘᓐᓃᑦ, ᐊᒃᓱᕈᕐᓗᑕᓕ ᐱᓇᓱᐊᓚᐅᕐᐳᒍᑦ ᐅᓪᓘᑎᓪᓗᒍ ᐅᓐᓄᐊᒥᓗ, ᐃᓕᑦᓯᓐᓂᒃ ᓇᓕᑦᓯᓐᓂᒃ ᐅᖁᒤᑦᑐᒦᖁᔨᓇᑕ.

ᑎᒧᑎᒧᑦ ᓯᕗᓪᓖᑦ 2:2

ᐊᖓᔪᖅᑳᕐᔪᐊᑦ ᐊᐅᓚᑦᓯᔨᐅᑎᑕᐅᔪᓪᓗ ᐱᑦᔪᑎᒋᖕᒥᓗᒋᑦ, ᐃᓅᑦᓯᐊᕐᓇᕐᑐᒥᒃ ᐃᓅᓯᖃᖁᓪᓗᑕ ᖃᓄᐃᓐᓇᖏᑦᓯᐊᕐᑐᒥᒡᓗ ᒎᑎ ᐅᐱᒋᑦᓯᐊᕐᓗᒍ ᓈᒻᒪᑦᓯᐊᕐᑐᒥᒡᓗ ᐃᓅᓯᖃᑦᓯᐊᕐᓗᑕ.