ᑎᓴᓗᓁᑲᒥᐅᓄᑦ ᐂᑉᐸᖏᑦ 2:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᒫᓐᓇᓕ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᓇᖕᒥᓂᖅ, ᒎᑎᑦᑕᓗ ᐊᑖᑕᑦᑕ, ᐅᕙᑦᑎᓐᓂᒃ ᓇᒡᓕᒍᓱᒃᑑᑉ ᐃᓱᖃᖏᑦᑐᒥᒃ ᓮᒻᒪᕐᑎᒻᒪᑎᒍᑦ ᓂᕆᐅᒋᔭᒃᓴᒥᒡᓗ ᐱᐅᔪᒥᒃ ᑐᓂᓯᕕᒋᓪᓗᑕ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᒍᑦ,

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:16 Iomraidhean Croise

ᐃᓐᖏᕈᑎᑦ 103:17

ᐊᑕᓂᐅᓪᓕ ᓇᒡᓕᖕᓂᖓ ᓄᖑᓐᓂᐊᖏᑦᑐᖅ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ ᑐᕌᕐᐳᖅ ᓯᕘᕋᒋᔭᖃᕐᑐᓄᑦ ᑖᑦᓱᒥᖓ, ᐃᓱᐊᕐᑐᓕᓂᖓᓗ ᕿᑐᕐᖓᖏᑕ ᕿᑐᕐᖓᖏᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 35:10

ᐊᑕᓂᐅᑉ ᐊᑭᓕᕐᓗᒋᑦ ᓂᐅᕕᐊᕆᔭᖏᑦ ᑖᒃᑯᐊ ᐅᑎᕈᒫᕐᐳᑦ, ᑎᑭᑦᓱᒫᕐᐳᑦ ᓮᐅᓂᒧᑦ ᖁᕕᐊᓱᖕᓂᕐᒧᑦ ᐃᓐᖏᕐᓗᑎᒃ; ᖁᕕᐊᓱᖕᓂᕐᔪᐊᕐᒧᑦ ᐃᓱᖃᖏᑦᑐᒧᑦ ᖁᓚᖏᐊᕐᑕᐅᔪᒫᕐᐳᑦ, ᐊᓕᐊᓁᒍᓱᖕᓂᕐᒥᒃ ᖁᕕᐊᓱᖕᓂᕐᒥᒡᓗ ᐱᓯᒪᔪᒫᕐᐳᑦ, ᕿᒃᓵᖕᓂᕐᓗ ᐊᓂᕐᓴᐅᒥᓂᕐᓗ ᕿᒫᔪᒫᕐᒪᑕ.

ᐂᓮᐊᓯᐅᑉ ᐊᒡᓚᖏᑦ 51:11

ᐊᑕᓂᐅᑉ ᐊᑭᓕᕐᓗᒋᑦ ᐱᑖᕆᒃᑲᓐᓂᕐᓯᒪᔭᖏᑦ ᐅᑎᕈᒫᕐᐳᑦ, ᓮᐅᓂᒧᑦ ᐃᑎᓕᕈᒫᕐᐳᑦ ᐃᓐᖏᕐᓗᑎᒃ; ᐃᓱᖃᖏᑦᑐᒧᑦ ᖁᕕᐊᓱᖕᓂᕐᔪᐊᖃᕈᒫᕐᐳᑦ, ᐊᓕᐊᓁᒍᓱᒡᓗᑎᒃ ᖁᕕᐊᓱᖕᓂᐊᓗᖕᒧᑦ, ᕿᒃᓵᖕᓂᖅ ᐊᓂᕐᓴᐅᒥᓂᕐᓗ ᕿᒫᔪᒫᕐᐴᒃ.

ᐂᓮᐊᓯᐅᑉ ᐊᒡᓚᖏᑦ 61:7

ᑲᓐᖑᓇᕐᑐᒦᓚᐅᕐᓂᑦᓯᓐᓄᑦ ᒪᕐᕈᐃᕐᑑᑎᓪᓗᐊᖓᓂᒃ ᐅᐱᒋᔭᐅᓂᖃᓕᕈᒫᕐᐳᓯ, ᓱᓇᒃᓴᐅᓐᖏᑎᑕᐅᓂᖅ ᑭᖑᕝᕕᕐᑕᐅᔪᒫᕐᐳᖅ ᓇᔪᕐᑕᓯᓐᓂᒃ ᖁᕕᐊᓲᑎᖃᓕᕐᓂᕐᒥᒃ, ᑍᒤᒻᒪᑦ ᓄᓇᖁᑎᒋᓕᕐᑕᑦᓯᓐᓂ ᐱᖃᓕᕈᒫᕐᐳᓯ ᒪᕐᕈᐃᕐᑑᑎᓪᓗᐊᖓᓂᒃ; ᖁᕕᐊᓱᖕᓂᕐᓗ ᐃᓱᖃᖏᑦᑐᒧᑦ ᐱᒋᓕᕈᒫᕐᐸᓯ.

ᓘᑲᓯᐅᑉ ᐊᒡᓚᖏᑦ 16:25

ᐂᑉᕋᕼᐋᒻ ᐅᖃᐅᑎᕚ, ‘ᐃᕐᓃᒃ, ᐃᖅᑲᐅᒪᒋᑦ ᐃᓅᑎᓪᓗᑎᑦ ᐱᐅᔪᓂᒃ ᐱᖃᓚᐅᕋᕕᑦ, ᓛᓴᕉᓯᓕ ᐱᐅᖏᑦᑐᓂᒃ ᐱᑎᑕᐅᖃᑦᑕᓚᐅᕐᐳᖅ; ᒫᓐᓇ ᒫᓂ ᖁᕕᐊᓱᓕᕐᐳᖅ, ᐃᕝᕕᓪᓗ ᐋᓐᓂᐊᕐᑎᑕᐅᕗᑎᑦ.

ᔪᐊᓇᓯᐅᑉ ᐊᒡᓚᖏᑦ 13:1

ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᕐᕕᒃᓴᐅᑉ ᓯᕗᓂᖓᓂ, ᔩᓱᓯ ᖃᐅᔨᒪᒐᒥ ᐊᑖᑕᒥᓄᑦ ᐊᐅᓪᓚᕐᕕᒃᓴᖓ ᓯᓚᕐᔪᐊᕐᒥᑦ ᓇᓪᓕᐅᑎᓕᕐᒪᑦ, ᓇᖕᒥᓂᖅ ᐃᓄᖁᑎᓂ ᓇᒡᓕᒋᒐᒥᒋᑦ ᓯᓚᕐᔪᐊᕐᒦᑦᑐᑦ, ᐃᓱᓕᑦᑎᕕᒋᔭᓂ ᑎᑭᓪᓗᒍ ᓇᓪᓕᒌᓐᓇᓚᐅᕐᐰᑦ.

ᔪᐊᓇᓯᐅᑉ ᐊᒡᓚᖏᑦ 15:13

ᓇᒡᓕᒍᓱᖕᓂᕐᓴᐅᔪᖃᓐᖏᓚᖅ ᐃᒤᑦᑐᒥᒃ, ᐃᓅᓯᕐᒥᓂᒃ ᑐᓂᓯᔪᒥᒃ ᐃᓚᓐᓇᕆᔭᓂ ᐱᓪᓗᒋᑦ.

ᔪᐊᓇᓯᐅᑉ ᐊᒡᓚᖏᑦ 15:9

ᐊᑖᑕᐅᑉ ᐅᕙᓐᓂᒃ ᓇᒡᓕᒍᓱᖕᓂᖓᑐᑦ, ᑍᒫᒃ ᓇᒡᓕᒋᕙᑦᓯ; ᓇᒡᓕᖕᓂᓐᓃᑦᓮᓐᓇᕆᑦᓯ.

ᔪᐊᓇᓯᐅᑉ ᐊᒡᓚᖏᑦ 16:22

ᑍᒤᓐᓂᕗᓯᑦᑕᐅᖅ ᒫᓐᓇ ᕿᒃᓵᒃᐳᓯ, ᑕᑯᓛᕆᕙᑦᓯᓕ ᐆᒻᒪᑎᑦᓯᒍᑦ ᖁᕕᐊᓱᒻᒪᕆᓕᓛᕐᐳᓯ, ᖁᕕᐊᓱᖕᓂᕆᔭᓯᓗ ᑭᓇᒧᓪᓘᓐᓃᑦ ᐲᕐᑕᐅᓂᐊᓐᖏᓚᖅ ᐃᓕᑦᓯᓐᓂᑦ.

ᔪᐊᓇᓯᐅᑉ ᐊᒡᓚᖏᑦ 3:16

ᒎᑎᐅᑉ ᓯᓚᕐᔪᐊᕐᒥᐅᑦ ᓇᒡᓕᒋᓪᓚᕆᒃᑲᒥᒋᑦ ᐃᕐᓂᑐᐊᓂ ᑐᓂᓚᐅᕐᐹ, ᑕᒪᕐᒥᒃ ᑖᑦᓱᒧᖓ ᐅᒃᐱᕐᑐᑦ ᐊᓯᐅᖁᓇᒋᑦ ᓄᖑᓱᐃᑦᑐᒥᒡᓕ ᐃᓅᓯᖃᖁᓪᓗᒋᑦ.

ᔪᐊᓇᓯᐅᑉ ᐊᒡᓚᖏᑦ 4:14

ᓇᓪᓕᐊᓪᓕ ᐃᒥᕐᒥᒃ ᑐᓂᔭᓐᓂᒃ ᐃᒥᕐᓂᐊᕐᑐᖅ ᐃᒥᕈᓕᒃᑲᓐᓂᕐᓂᐊᓐᖏᓚᖅ; ᐃᒥᖅ ᑐᓂᓂᐊᕐᑕᕋ ᑖᑦᓱᒧᖓ ᐃᓗᐊᓂᑦ ᑰᓕᕐᓂᐊᕐᐳᖅ ᐃᓅᓯᖃᕐᓇᕐᑐᒥᒃ ᓄᖑᓱᐃᑦᑐᒥᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 15:11

ᐅᒃᐱᕈᓱᒃᐳᒍᓪᓕ ᐱᐅᓕᔭᐅᓂᐊᕋᑦᑕ ᐊᑕᓂᐅᑉ ᔩᓱᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ, ᑍᒃᑯᐊᑦᑕᐅᖅ ᑍᒤᓐᓂᐊᕆᕗᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 18:27

ᐊᐴᓗᓯ ᐊᑬᐊᒧᐊᕈᒪᖕᒪᑦ, ᐅᒃᐱᕐᑑᖃᑎᒌᑦ ᐃᑲᔪᕐᑐᕐᐹᑦ, ᑎᑎᕋᕐᓗᑎᒃ ᐃᓕᓐᓂᐊᕐᑎᓄᑦ ᐃᓚᓕᐅᕐᑕᐅᖁᓪᓗᒍ. ᑍᑯᖓ ᑎᑭᒻᒪᑦ, ᐊᖏᔪᒥᒃ ᐃᑲᔪᕐᐳᖅ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᐅᒃᐱᕐᑐᓐᖑᕐᑎᑕᐅᓚᐅᕐᑐᓂᒃ.

ᕉᒪᒥᐅᓄᑦ 1:7

ᕉᒪᒥᐅᑕᓕᒫᖑᔪᓯ ᑎᑎᕋᕐᕕᒋᕙᑦᓯ ᒎᑎᐅᑉ ᓇᒡᓕᒋᔭᖏᑦ, ᐃᑦᔪᕐᓁᑦᑑᓗᑎᒃ ᐃᓄᖁᑎᒋᔪᒪᓪᓗᓂᒋᑦ ᕾᖁᔭᖏᑦ: ᒎᑎᐅᑉ ᐊᑖᑕᑦᑕ ᐊᑕᓂᑦᑕᓗ ᔩᓱᓯ ᙭ᔅᑑᓯᐅᑉ ᑐᓂᓯᕕᒋᓕᓯ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᕐᒥᓂᒃ ᖃᓄᐃᖏᑦᓯᐊᕐᑎᑦᓯᓂᖓᓂᒡᓗ.

ᕉᒪᒥᐅᓄᑦ 4:16

ᑍᒤᒻᒪᑦ ᒎᑎᐅᑉ ᐊᖏᕈᑖ ᐅᒃᐱᕐᓂᕐᒥᒃ ᑐᓐᖓᕕᖃᕐᐳᖅ, ᓇᓗᓁᕐᓯᒪᑦᓯᐊᖁᓪᓗᒍ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᑭᓯᐊᓂ ᐱᔭᐅᔪᓐᓇᕐᓂᖓᓂᒃ ᐂᑉᕋᕼᐋᒻ ᑭᖑᕚᓕᒫᖏᓐᓄᑦ, ᐱᖁᔭᓂᒃ ᒪᓕᒃᑐᓄᑦ ᑖᒃᑯᓄᖓᑑᖏᑦᑐᖅ ᐊᓯᖏᓐᓄᓪᓗᑦᑕᐅᖅ ᐂᑉᕋᕼᐋᒻᑐᑦ ᐅᒃᐱᕐᓂᖃᕐᑐᓄᑦ: ᐂᑉᕋᕼᐋᒻ ᑕᒪᑦᑕ ᐊᑖᑕᒋᒐᑦᑎᒍ,

ᕉᒪᒥᐅᓄᑦ 4:4

ᐃᓄᒃ ᐱᓇᓱᐊᕐᓂᕐᒥᓄᑦ ᑮᓇᐅᔭᕐᑖᕐᐸᖕᒪᑦ, ᑮᓇᐅᔭᕐᑖᖏᓪᓗ ᑐᓂᕐᕈᓯᐊᑐᐃᓐᓇᐅᓂᕋᕐᑕᐅᓐᖏᓚᑦ ᐊᑭᓕᕐᑕᐅᓂᒃᓴᒥᓄᑦ ᐱᖕᒪᒋᑦ.

ᕉᒪᒥᐅᓄᑦ 5:8

ᒎᑎᐅᓪᓕ ᓇᒡᓕᖕᓂᓂ ᐅᕙᑦᑎᓐᓄᑦ ᓴᖅᑭᑎᓚᐅᕐᐹ ᓱᓕ ᐊᔪᕐᑐᓕᔨᐅᑎᓪᓗᑕ ᙭ᔅᑑᓯᐅᑉ ᑐᖁᑦᔪᑎᒋᓚᐅᕐᐹᑎᒍᑦ.

ᐃᐱᓯᒥᐅᓄᑦ 5:2

ᐃᓅᓕᕆᑦᓯ ᓇᒡᓕᖕᓂᒃᑯᑦ, ᙭ᔅᑑᓯᐅᑦᑕᐅᖅ ᓇᒡᓕᒋᓚᐅᕐᒪᑎᒍᑦ ᐃᓅᓯᓂᓗ ᑐᓂᓚᐅᕐᒪᒍ ᐱᑦᔪᑎᒋᓪᓗᑕ, ᑐᓂᕐᕈᑎᒃᓴᐅᔪᒪᓪᓗᓂ ᑎᐱᑦᓯᐊᕆᒃᓴᐅᑕᐅᓗᓂ ᒎᑎᒧᑦ ᖁᕕᐊᒋᔭᐅᔪᒥᒃ.

ᐃᐱᓯᒥᐅᓄᑦ 5:25

ᐃᓕᑦᓯ ᐊᖑᑎᐅᔪᓯ, ᓄᓕᐊᓯ ᓇᒡᓕᒋᓯᒋᒃ, ᙭ᔅᑑᓯᐅᑦᑕᐅᖅ ᐅᒃᐱᕐᑑᖃᑎᒌᑦ ᓇᒡᓕᒋᓚᐅᕐᒪᒋᑦ ᐃᒻᒥᓂᒡᓗ ᑐᓂᓪᓗᓂ ᑖᒃᑯᐊ ᐱᓪᓗᒋᑦ.

ᑯᓘᓯᐊᒥᐅᓄᑦ 1:23

ᑲᔪᓯᓂᐊᕈᑦᓯ ᐅᒃᐱᕐᓂᑦᓯᓐᓂ, ᑐᓐᖓᕕᖃᑦᓯᐊᕐᓗᓯ ᐊᐅᓚᖏᑦᓯᐊᕐᑐᒥᒃ, ᓴᖑᑎᑕᐅᔪᓐᓃᕐᓗᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᑦ ᑐᓴᓚᐅᕐᑕᑦᓯᓐᓂᑦ, ᑕᒪᓐᓇ ᐅᖃᐅᓯᖅ ᑐᓴᕈᒥᓇᕐᑐᖅ ᐱᑦᔪᑎᒋᓪᓗᒍ ᐅᕙᖓ ᐸᐅᓗᓯ, ᐱᔨᓐᖑᕐᑎᑕᐅᓯᒪᕗᖓ; ᑕᒪᓐᓇᓗ ᐅᖃᐅᓯᖅ ᑐᓴᕈᒥᓇᕐᑐᖅ ᐊᔪᕆᕐᑐᐃᑦᔪᑕᐅᓯᒪᓕᕐᐳᖅ ᓯᓚᕐᔪᐊᕐᒥᐅᓕᒫᓄᑦ.

ᑯᓘᓯᐊᒥᐅᓄᑦ 1:5

ᓂᕆᐅᒋᔭᒃᓴᖅ ᐱᑦᔪᑎᒋᓪᓗᒍ ᐃᓕᑦᓯᓐᓄᑦ ᖁᒥᐅᑕᐅᓯᒪᔪᒧᑦ ᕿᓚᖕᒥ. ᑕᒪᓐᓇ ᓯᕗᓂᖓᒍᑦ ᑐᓴᓚᐅᕐᑕᓯ ᐅᖃᐅᓯᒃᑯᑦ ᓱᓕᔪᒃᑯᑦ, ᐅᖃᐅᓯᕐᑎᒍᑦ ᑐᓴᕈᒥᓇᕐᑐᑎᒍᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:3

ᐃᖅᑲᐅᒪᒐᑦᑕ ᒎᑎᑦᑕ ᐊᑖᑕᑦᑕᓗ ᓵᖓᓂ ᐅᒃᐱᕐᓂᖃᕐᓗᓯ ᐱᓂᐊᕐᓂᑦᓯᒍᑦ ᓴᖅᑭᑎᑕᐅᖕᒪᑦ ᓇᒡᓕᖕᓂᕐᒧᓪᓗ ᐊᒃᓱᕈᕐᓗᓯ ᐱᓇᓱᐊᕐᓂᑦᓯᓐᓂᒃ, ᓂᕆᐅᖕᓂᓯᓗ ᓱᕐᕋᔪᐃᑦᑑᓂᖓ ᐊᑕᓂᑦᑎᓐᓂᒃ ᔩᓱᓯ ᙭ᔅᑑᓯᒥ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 3:11

ᒫᓐᓇᓕ ᒎᑎᑦᑕ ᐊᑖᑖᑦᑕ ᓇᖕᒥᓂᖅ, ᐊᑕᓂᑦᑕᓗ ᔩᓱᓯᐅᑉ, ᐋᖅᑭᒃᓲᑎᓕᑎᒍᑦ ᑕᑯᖃᑎᒌᒃᑲᓐᓂᕈᓐᓇᕐᓯᖁᓪᓗᑕ;

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:13

ᒎᑎᒧᓪᓕ ᖁᔭᓕᑦᔪᑎᒋᔭᕆᐊᕾᓐᓇᕐᐸᑦᓯ, ᙭ᔅᑑᓯᒥᐅᑕᐅᖃᑎᒃᑲ, ᐊᑕᓂᐅᑉ ᓇᒡᓕᒋᔭᖏᑦ, ᓯᕗᓪᓕᕐᐸᐅᓪᓗᓯ ᓂᕈᐊᓚᐅᕐᒪᓯ ᐱᐅᓕᔭᐅᖁᓪᓗᓯ, ᐊᓂᕐᓂᐅᑉ ᐃᑦᔪᕐᓁᑎᑦᓯᓂᖓᒍᑦ ᓱᓕᓂᕐᒥᒡᓗ ᐅᒃᐱᕐᓂᑦᓯᒍᑦ.

ᑍᑑᓯᒧᑦ 1:2

ᑕᒪᓐᓇ ᑐᓐᖓᕕᖃᕐᑐᖅ ᓂᕆᐅᒋᔭᒃᓴᖃᕐᑎᑎᓗᓂ ᐃᓅᓯᕐᒥᒃ ᓄᖑᓱᐃᑦᑐᒥᒃ; ᒎᑎᐅᑉ ᓴᒡᓗᓚᐅᕐᓯᒪᖏᑦᑑᑉ, ᐊᖏᕐᕕᒋᓯᒪᕚᑎᒍᑦ ᑕᒪᑐᒥᖓ ᓯᓚᕐᔪᐊᖅ ᐱᒋᐊᓚᐅᖅᑳᕐᑎᓐᓇᒍ,

ᑍᑑᓯᒧᑦ 2:13

ᓂᕆᐅᒋᔭᒃᓴᕗᑦ ᐅᓪᓗᖅ ᐱᕕᐊᕐᓇᕐᑐᕐᔪᐊᖅ ᐅᑕᖅᑭᓗᒍ, ᒎᑎᐅᑉ ᐊᖏᓂᕐᐹᖑᔫᑉ ᐱᐅᓕᔨᑦᑕᓗ ᔩᓱᓯ ᙭ᔅᑑᓯᐅᑉ ᓂᕐᑐᕐᓇᕐᓂᕐᔪᐊᖓ ᓴᖅᑭᑦᓯᐊᕆᓗᒍ.

ᐄᑉᕈᐃᓄᑦ 7:19

(ᐱᖁᔭᑦ ᓈᒻᒪᒃᓯᑎᑦᓯᔪᓐᓇᖏᒻᒪᑕ), ᓂᕆᐅᒃᕕᒃᓴᖃᑦᓯᐊᕐᓇᕐᓂᕐᓴᒥᒡᓕ ᐱᕕᒃᓴᕐᑖᕐᑎᑕᐅᓯᒪᕗᒍᑦ, ᑕᒪᑐᒨᓇᓗ ᒎᑎᒧᑦ ᖃᓂᒡᓕᑎᑕᐅᓪᓗᑕ.

ᔪᐊᓇᓯ ᓯᕗᓪᓖᑦ 3:16

ᑍᒫᒃ ᓇᒡᓕᖕᓂᖅ ᖃᓄᐃᑦᑑᖕᒪᖔᑦ ᖃᐅᔨᑦᔪᑎᖃᕐᐳᒍᑦ: ᑖᓐᓇ ᐃᓅᓯᕐᒥᓂᒃ ᑐᓂᓯᓚᐅᕐᒪᑦ ᐅᕙᑦᑎᓐᓄᑦ. ᐅᕙᒍᑦᑕᐅᖅ ᑍᒫᑦᓮᓐᓇᖅ ᐃᓅᓯᑦᑎᓐᓂᒃ ᑐᓂᓯᔪᒃᓴᐅᒋᕗᒍᑦ ᐅᒃᐱᕐᑑᖃᑎᕗᑦ ᐱᑦᔪᑎᒋᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:5

ᔩᓱᓯ ᙭ᔅᑑᓯᒥᓪᓗ ᓱᖁᓯᔪᐃᑦᑑᓪᓗᓂ ᖃᐅᔨᑎᑦᓯᔪᒥᑦ, ᐃᕐᓂᕐᑖᕆᔭᐅᖄᕐᓯᒪᔪᒥᑦ ᑐᖁᖓᔪᓂᑦ ᒪᑭᑎᑕᐅᓯᒪᔪᓂᑦ, ᐊᖓᔪᖅᑳᕐᔪᐊᖑᔪᒥᓪᓗ ᐊᖓᔪᖅᑳᕐᔪᐊᓕᒫᓄᑦ ᓄᓇᕐᔪᐊᕐᒥ. ᑖᑦᓱᒪ ᓇᒡᓕᒋᖕᒪᑎᒍᑦ ᕿᓚᕈᑦᔮᓚᐅᕐᐹᑎᒍᓪᓗ ᐊᔪᕐᓂᑦᑎᓐᓂᑦ ᐊᐅᖕᒥᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:5

ᑕᕝᕙᓂᓗ ᐅᓐᓄᐊᖃᕈᓐᓃᕈᒫᕐᐳᖅ; ᖃᐅᒻᒪᖅᑯᑎᖃᕆᐊᖃᕈᒫᕋᑎᒡᓗ ᓯᕿᓂᕐᒥᒡᓘᓐᓃᑦ, ᐊᑕᓂᖅ ᒎᑎ ᖃᐅᒻᒪᖅᑯᑎᒋᔪᒫᕐᒪᑦᔪᒃ, ᑕᕝᕙᓂᓗ ᐊᖓᔪᖅᑳᕐᔪᐊᖑᖃᑕᐅᔪᒫᕐᐳᑦ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:9

ᑕᑯᒋᑦ, ᑍᒃᑯᐊ ᓵᑖᓇᓯᐅᑉ ᑲᑎᒪᕕᖁᑎᖓᓃᑦᑐᑦ ᔫᑎᐅᓂᕋᕐᑐᑦ ᔫᑎᐅᓇᑎᒡᓗ, ᓴᒡᓗᔪᑦ ᑕᑯᒋᑦ, ᐃᓕᖕᓄᑦ ᐱᑎᓐᓂᐊᕐᐸᒃᑲ ᓵᖕᓄᓪᓗ ᐹᒻᒪᒃᑎᓪᓗᒋᑦ, ᖃᐅᔨᑎᓪᓗᒋᑦ ᓇᒡᓕᒋᒐᒃᑭᑦ.