ᑎᓴᓗᓁᑲᒥᐅᓄᑦ ᐂᑉᐸᖏᑦ 1:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᒎᑎ ᓈᒪᑦᓯᐊᕐᑐᒥᒃ ᐱᓇᓱᐊᕐᓂᐊᕐᐳᖅ ᐊᒃᓱᕈᕐᑎᒋᔭᑦᓯᓐᓄᑦ ᐊᒃᓱᕈᕐᓇᕐᑐᒧᑦᑕᐅᖅ ᐊᑭᓂᐊᕐᕕᒋᓂᐊᕐᐰᑦ,

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:6 Iomraidhean Croise

ᒨᓯᓯ ᐂᑉᐸᖏᑦ 23:22

ᓈᓚᖕᓂᐊᕈᑦᓯᐅᒡᓕ ᐅᖃᓯᕆᔭᒃᑲᓗ ᑖᑦᓱᒨᓇ ᐱᓇᓱᐊᕈᑎᒋᓂᐊᕈᑦᓯᐅᒃ, ᑕᕝᕙ ᐊᑭᕋᕐᑐᑎᓯ ᐊᑭᕋᕐᑐᕐᑎᒋᓂᐊᕆᕙᒃᑲ ᐅᓇᖕᒥᔨᓯᓗ ᐅᓇᖕᒥᔨᒋᓗᒋᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 3:17

ᐆᒻᒪᑎᑯᑦ ᐃᓱᒪᓚᐅᕐᐳᖓ, “ᒎᑎᐅᑉ ᐃᖅᑲᕐᑐᐃᕕᖕᒧᑦ ᕾᑎᑦᓱᒫᕐᐰᑦ ᐱᐅᔪᑦ ᐱᐅᖏᑦᑐᓕᔪᓪᓗ, ᓇᓪᓕᐅᓐᓂᖃᕐᒪᑦ ᐱᑦᔪᑎᒃᓴᖃᕐᑐᓄᑦ ᓱᓇᑐᐃᓐᓇᕐᓄᑦ ᓴᓇᓯᒪᔪᓄᓪᓗ.”

ᐂᓮᐊᓯᐅᑉ ᐊᒡᓚᖏᑦ 49:26

ᐃᓕᑦᓯᓐᓂᒃ ᐅᖁᒤᒃᓴᕐᑎᑦᓯᔪᑦ ᓇᖕᒥᓂᖅ ᐅᕕᓂᖕᒥᖕᓂᒃ ᓂᕆᔪᒫᕐᐳᑦ, ᐊᐅᖕᒥᖕᓂᒡᓗ ᐃᒥᕐᓗᑎᒃ ᐋᖓᔮᕈᒫᕐᐳᑦ ᕔᓂᑐᕐᑐᑎᑐᑦ, ᐃᓅᓕᒫᑦ ᖃᐅᔨᓕᖁᓪᓗᒋᑦ ᐅᕙᖓ ᐊᑕᓂᐅᒐᒪ ᐱᐅᓕᔨᓯ, ᓂᐅᕕᐊᕆᓪᓗᓯ ᐅᑎᕐᑎᑦᓯᔨᓯ, ᔧᑯᒃᑯᑦ ᐊᔪᒐᖃᖏᑦᑐᖁᑎᖓᑦ.”

ᔨᕆᒤᐊᐅᑉ ᐊᒡᓚᖏᑦ 50:29

“ᐱᑎᒃᓵᕐᑏᑦ ᐹᐱᓘᓂᒧᑦ ᐱᑎᒃᓵᕆᐊᕐᑐᖁᔭᐅᓕᑦ, ᐊᕙᑕᖏᕐᑕᐅᓯᒪᓗᑎᒃ ᓯᓂᒃᑕᕆᐊᕐᕕᐅᓕᑦ, ᐊᑕᐅᓯᕐᒥᒡᓘᓐᓃᑦ ᐊᓐᓇᒃᑐᖃᕐᑍᓕᓕ, ᐊᑭᓂᐊᕐᕕᐅᓕᑦ ᐱᓂᐊᕐᓂᕆᖃᑦᑕᓚᐅᕐᑕᖏᑦ ᒪᓕᒡᓗᒋᑦ, ᐊᑕᓂᖅ ᐊᑭᕋᕐᑐᓚᐅᕐᒪᑦᔪᒃ ᐃᓴᕆᐊᓕᒥᐅᑦ ᐃᑦᔪᕐᓁᓐᓂᕐᐹᖁᑎᖓᑦ.

ᓴᑲᕅᐊᐅᑉ ᐊᒡᓚᖏᑦ 2:8

ᑕᒪᓐᓇ ᐱᓪᓗᒍ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, “ᐅᐱᒋᓚᐅᖅᑳᕐᓗᓂᖓ ᑎᓕᕚᖓ, ᐃᓅᖃᑎᒌᒡᔪᐊᓄᑦ ᔫᑎᐅᖏᑦᑐᓄᑦ ᐃᓕᑦᓯᓐᓂᒃ ᓵᓚᖃᖅᑳᕐᓯᒪᔪᓄᑦ, ᐃᓕᑦᓯᓐᓂᒡᓗ ᐊᒃᑐᐃᓯᒪᔪᑦ, ᑕᕝᕙ ᐊᑕᓂᐅᑉ ᐱᓐᓇᕆᔭᖓᓂᒃ ᐊᒃᑐᐃᓯᒪᕗᑦ.

ᑯᓘᓯᐊᒥᐅᓄᑦ 3:25

ᐱᐅᖏᑦᑐᓕᔪᕐᓕ ᐊᑭᓕᕐᑕᐅᔪᒫᕐᐳᖅ ᐱᐅᖏᑦᑐᓕᓯᒪᓂᖓ ᒪᓕᒡᓗᒍ, ᐃᓅᑉ ᑭᓇᐅᑦᔪᓯᖓ ᑲᒪᒋᔭᐅᖏᒻᒪᑦ.

ᐄᑉᕈᐃᓄᑦ 6:10

ᒎᑎ ᐊᑦᔨᒌᖏᑎᑦᓯᖏᒻᒪᑦ; ᐱᓇᓱᐊᕐᓯᒪᔭᑦᓯᓐᓂᒃ ᖄᖐᓐᓁᓂᐊᖏᓚᖅ ᑖᑦᓱᒥᖓᓗ ᐱᓪᓚᕆᖃᕐᓂᕐᒥᒃ ᓴᖅᑭᑎᓯᒪᔭᑦᓯᓐᓂᒃ ᐃᓄᖁᑎᖏᓐᓂᒃ ᐃᑲᔪᖃᑦᑕᕐᓯᒪᓂᑦᓯᒍᑦ ᓱᓕᓗ ᐃᑲᔪᖃᑦᑕᕋᑦᓯᒋᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:18

ᐃᓅᖃᑎᒌᒡᔪᐊᑦ ᓂᓐᖓᕕᒡᔪᐊᕐᐳᑦ, ᓂᓐᖓᐅᓰᓪᓕ ᓇᓪᓕᐅᑎᓕᕐᐳᖅ, ᑐᖁᖓᔪᓪᓗ ᐃᖅᑲᕐᑐᕐᑕᐅᕕᒃᓴᖏᑦ ᓇᓪᓕᐅᑎᕗᑦ, ᐱᔨᕕᓪᓗ ᐊᑭᓕᕐᑕᐅᓂᒃᓴᖏᑦ ᓇᓪᓕᐅᑎᕗᑦ, ᓇᓚᐅᑦᑍᔨᖁᑎᑎᑦ, ᐃᑦᔪᕐᓁᑦᑐᖁᑎᑎᓪᓗ, ᐃᓕᖕᓂᒡᓗ ᐅᐱᒍᓱᒃᑐᑦ, ᐱᓪᓚᕆᐅᒃᐸᑕ ᐱᓪᓚᕆᐅᖏᑉᐸᑕᓘᓐᓃᑦ. ᓄᓇᕐᔪᐊᕐᒥᒡᓗ ᐊᓯᕈᕐᓮᔩᑦ ᐊᓯᕈᕐᑕᐅᕕᒃᓴᖓᑦ ᓇᓪᓕᐅᑎᕗᖅ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 15:4

ᑭᓇ ᓯᕘᕋᖏᓪᓗᓂ ᐊᑎᕐᓂᒃ ᓂᕐᑐᐃᔪᓐᓇᕐᐹ ᐊᑕᓃᖅ? ᐃᕝᕕᑦ ᑭᓯᕕᑦ ᐃᑦᔪᕐᓁᑦᑐᑑᒐᕕᑦ. ᐃᓄᖃᑎᒌᒡᔪᐊᓕᒫᑦ ᕾᔪᒫᕐᐳᑦ ᑐᒃᓯᐊᕐᕕᒋᔭᕐᑐᕐᓗᑎᒃ, ᐱᓂᐊᕐᓂᕕᑦ ᓇᓛᒎᕐᓂᖏᑦ ᑕᒤᓐᓄᑦ ᑕᑯᔭᐅᓯᒪᖕᒪᑕ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:20

“ᕿᓚᖕᒥᐅᑕᐅᔪᓯ ᖁᕕᐊᓱᓕᕆᑦᓯ, ᐃᑦᔪᕐᓁᑦᑐᓯ ᐋᐴᓯᑕᓕᐅᔪᓯᓗ ᓇᓚᐅᑦᑍᔨᐅᔪᓯᓗ, ᐃᓕᑦᓯᓐᓄᑦ ᐱᓂᐊᕐᓂᕆᓚᐅᕐᑕᖏᑦ ᒪᓕᒡᓗᒋᑦ ᒎᑎᐅᑉ ᐃᖅᑲᕐᑐᕐᓯᒪᖕᒪᒋᑦ ᐊᑭᓂᐊᕐᕕᒋᓪᓗᒋᑦ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:24

ᐹᐱᓘᓂ ᓱᒋᐊᕐᑕᐅᓚᐅᕐᐳᖅ ᓇᓚᐅᑦᑍᔪᑦ ᐃᑦᔪᕐᓁᑎᑕᐅᓯᒪᔪᓪᓗ ᐊᐅᖏᑦ ᑕᑯᔭᐅᓚᐅᕐᒪᑕ ᑕᕝᕙᓂ, ᑐᖁᕋᕐᑕᐅᓯᒪᔪᑦ ᓄᓇᕐᔪᐊᕐᒥ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:2

ᑖᑦᓱᒪ ᐃᖅᑲᕐᑐᐃᓂᖏᑦ ᓱᓕᖕᒪᑕ ᓈᒻᒪᓈᑦᓯᐊᕐᓗᑎᒡᓗ; ᐃᖅᑲᕐᑐᓚᐅᕐᒪᒍ ᐊᖑᓐᓂᐊᕐᑎᕐᔪᐊᖅ ᓄᓇᕐᔪᐊᕐᒥᐅᓂᒃ ᐊᓯᕈᐃᓚᐅᕐᑐᖅ ᐊᖑᓐᓂᐊᕐᓂᕐᒥᓄᑦ, ᑖᑦᓱᒪᓗ ᐊᑭᓂᐊᕐᕕᒋᓚᐅᕐᐹ ᐱᔨᖏᑕ ᐊᐅᖏᑦ ᐱᑦᔪᑎᒋᓪᓗᒋᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 6:10

ᓂᐱᖅᑯᕐᑐᓪᓗᑎᒡᓗ ᓂᓪᓕᐊᕗᑦ, “ᐊᔪᒐᖃᖏᑦᑐᑎᑦ ᐊᑕᓃᖅ, ᐃᑦᔪᕐᓁᑦᑐᑎᑦ ᓱᓕᔪᑎᓪᓗ, ᖃᓄᖅ ᓱᓕ ᓯᕕᑐᑎᒋᕚ? ᓄᓇᕐᔪᐊᕐᒥᐅᓂᒃ ᐃᖅᑲᕐᑐᐃᓂᒃᓮᑦ ᐅᕙᑦᑎᓐᓂᒃ ᑐᖁᑦᓯᓚᐅᕐᑐᑦ ᐊᑭᓂᐊᕐᓗᒋᑦ?”