ᑎᓴᓗᓁᑲᒥᐅᓄᑦ ᐂᑉᐸᖏᑦ 1:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐊᑕᓂᑦᑕ ᔩᓱᓯᐅᑉ ᐊᑎᖓ ᐃᓕᑦᓯᑎᒍᑦ ᓂᕐᑐᕐᓇᕐᑎᑕᐅᖁᓪᓗᒍ, ᐃᓕᑦᓯᓗ ᑖᑦᓱᒪᓂ, ᒎᑎᑦᑕ ᐊᑕᓂᑦᑕᓗ ᔩᓱᓯᐅᑉ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:12 Iomraidhean Croise

ᒨᓯᓯ ᓯᕗᓪᓖᑦ 18:18

ᖃᐅᔨᒪᒐᒪ ᐂᑉᕋᕼᐋᒻ ᑭᖑᕚᒃᓴᖏᑦ ᐃᓄᒐᓴᒡᔪᐊᓐᖑᕈᒫᕐᒪᑕ ᐱᔪᓐᓇᕐᑐᕐᔪᐊᖑᓗᑎᒡᓗ, ᑖᑦᓱᒨᓇᓗ ᐃᓅᖃᑎᒌᒡᔪᐊᑦ ᓮᒻᒪᕐᑎᑦᓱᒫᕐᐸᒃᑲ.

ᐃᓐᖏᕈᑎᑦ 72:17

ᑖᑦᓱᒪ ᐊᑎᖓ ᐳᐃᒍᕐᑕᐅᓂᐊᓐᖏᓚᖅ ᐃᓱᖃᖏᑦᑐᒧᑦ; ᐅᐱᒋᔭᐅᔪᒫᕐᐳᕐᓗ ᓯᕿᓂᕐᑐᑦ ᐊᑯᓂᐅᑎᒋᔪᒥᒃ! ᐃᓄᐃᓪᓗ ᓮᒻᒪᕐᑎᑕᐅᔪᒫᕐᐳᑦ ᑖᑦᓱᒧᖓ; ᐃᓅᖃᑎᒌᒡᔪᐊᓕᒫᓪᓗ ᓮᒻᒪᕐᑎᑕᐅᓯᒪᔪᒥᒃ ᑍᔪᒫᕐᐹᑦ.

ᐂᓮᐊᓯᐅᑉ ᐊᒡᓚᖏᑦ 24:15

ᑍᒤᒻᒪᑦ ᓯᕿᓂᐅᑉ ᓄᐃᕕᐊᑕ ᓇᓛᓂᒥᐅᑦ ᐊᑕᓂᕐᒥᒃ ᓂᕐᑐᐃᔪᒫᕐᐳᑦ, ᐃᒪᕐᔪᐃᑦ ᓯᓈᓂ ᓄᓇᖃᕐᑐᑦ ᐊᑕᓂᕐᒥᒃ ᓂᕐᑐᐃᓕᕈᒫᕐᐳᑦ ᐃᓴᕆᐊᓕᒥᐅᑦ ᒎᑎᖓᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 45:17

ᐃᓴᕆᐊᓕᒥᐅᓪᓕ ᐊᑕᓂᕐᒧᑦ ᐱᐅᓕᔭᐅᔪᒫᕐᐳᑦ ᐱᐅᓕᔭᐅᓂᕐᒧᑦ ᐃᓱᖃᖏᑦᑐᒧᑦ; ᑲᓐᖑᓇᕐᑐᒦᓐᓂᐊᖏᓚᓯ ᐅᐱᓐᓇᕈᓐᓃᕐᑎᑕᐅᓂᐊᕋᓯᓗ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᐂᓮᐊᓯᐅᑉ ᐊᒡᓚᖏᑦ 45:25

ᐊᑕᓂᕐᒥᓕ ᐃᓴᕆᐊᓕᒥᐅᑦ ᑭᖑᕚᓕᒫᖏᑦ ᓵᓚᖃᕐᑎᑕᐅᔪᒫᕐᐳᑦ, ᓂᕐᑐᕐᓇᕐᑎᑕᐅᓗᑎᒡᓗ.’”

ᐂᓮᐊᓯᐅᑉ ᐊᒡᓚᖏᑦ 66:5

“ᐊᑕᓂᐅᑉ ᐅᖃᐅᓯᖓ ᑐᓴᓕᕐᓯᐅᒃ, ᐃᓕᑦᓯ ᐅᖃᐅᓯᖓᓄᑦ ᓴᔪᒃᑐᓯ; ᖃᑕᓐᖑᑎᓯ ᐃᓕᑦᓯᓐᓂᒃ ᐆᒥᓱᖕᒪᑕ, ᐃᓕᑦᓯᓐᓂᒃ ᓇᕐᕈᓕᕐᓯᒪᔪᑦ ᐊᑎᕋ ᐱᓪᓗᒍ ᐅᖃᕐᒪᑕ, ‘ᐊᑕᓂᖅ ᓂᕐᑐᕐᑕᐅᓕ, ᑕᑯᓂᐊᕋᑦᑕ ᖁᕕᐊᓱᒃᑎᓪᓗᓯ’; ᑭᓯᐊᓂᓕ ᑖᒃᑯᐊ ᑲᓐᖑᓱᒃᑎᑕᐅᔪᒫᕐᐳᑦ.

ᒪᓚᑬᑉ ᐊᒡᓚᖏᑦ 1:11

ᓯᕿᓂᐅᑉ ᓄᐃᕕᐊᓂᑦ ᓂᐱᕕᐊᓄᑦ ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓂ, ᓇᓂᓕᒫᖅ ᑎᐱᑦᓯᐊᕆᒃᑐᓂᒃ ᐳᔪᕐᓂᒃ ᑐᓂᕐᕈᓯᕐᐳᑦ ᐊᑎᓐᓄᑦ, ᐃᑦᔪᕐᓁᑦᑐᓂᒡᓗ ᑐᓂᕐᕈᑎᓂᒃ; ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓄᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᔪᐊᓇᓯᐅᑉ ᐊᒡᓚᖏᑦ 17:10

ᐱᒋᔭᓕᒫᒃᑲ ᐱᒋᕙᑎᑦ, ᐱᒋᔭᑎᓪᓗ ᐱᒋᕙᒃᑲ, ᓂᕐᑐᕐᓇᕐᓯᑎᑕᐅᕗᖓᓗ ᑕᒪᒃᑯᑎᒎᓇᖅ.

ᕉᒪᒥᐅᓄᑦ 1:7

ᕉᒪᒥᐅᑕᓕᒫᖑᔪᓯ ᑎᑎᕋᕐᕕᒋᕙᑦᓯ ᒎᑎᐅᑉ ᓇᒡᓕᒋᔭᖏᑦ, ᐃᑦᔪᕐᓁᑦᑑᓗᑎᒃ ᐃᓄᖁᑎᒋᔪᒪᓪᓗᓂᒋᑦ ᕾᖁᔭᖏᑦ: ᒎᑎᐅᑉ ᐊᑖᑕᑦᑕ ᐊᑕᓂᑦᑕᓗ ᔩᓱᓯ ᙭ᔅᑑᓯᐅᑉ ᑐᓂᓯᕕᒋᓕᓯ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᕐᒥᓂᒃ ᖃᓄᐃᖏᑦᓯᐊᕐᑎᑦᓯᓂᖓᓂᒡᓗ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:4

ᑍᒪᓐᖓᓕᒫᖅ ᒎᑎ ᖁᔭᒋᕙᒃᐸᕋ ᐱᑦᔪᑎᒋᓪᓗᓯ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐃᓕᑦᓯᓐᓄᑦ ᑐᓂᔭᐅᓚᐅᕐᒪᑦ ᙭ᔅᑑᓯ ᔩᓱᓯᒃᑯᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 13:4

ᓴᓐᖐᓐᓂᕐᒥ ᑭᑭᐊᒃᑐᕐᑕᐅᓚᐅᕐᐳᖅ, ᐆᒪᕗᕐᓕ ᒎᑎᐅᑉ ᐱᔪᓐᓇᕐᓂᖓᒍᑦ. ᑍᒫᒃᑕᐅᖅ ᑖᑦᓱᒪᓂ ᓴᓐᖐᑦᑑᕗᒍᑦ, ᒎᑎᐅᓪᓕ ᐱᔪᓐᓇᕐᓂᖓᒍᑦ ᑖᓐᓇ ᐃᓅᖃᑎᒋᓂᐊᕐᐸᕗᑦ ᐱᓇᓱᐊᓕᕈᑦᑕ ᐃᓕᑦᓯᓐᓄᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:9

ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᖃᐅᔨᒪᒐᑦᓯᐅᒃ, ᐊᔪᕐᓴᖏᒃᑲᓗᐊᕐᓗᓂ, ᐊᔪᓴᑑᓕᓚᐅᕐᒪᑦ ᐱᑦᔪᑎᒋᓪᓗᓯ, ᐊᔪᕐᓴᓕᕐᓂᖓᓄᑦ ᐊᔪᕐᓴᕈᓃᕐᑎᑕᐅᖁᓪᓗᓯ.

ᐱᓕᐱᒥᐅᓄᑦ 3:9

ᑖᑦᓱᒥᖓᓗ ᐃᓅᖃᑎᖃᑦᓯᐊᕈᓐᓇᖁᓪᓗᖓ, ᐅᕙᓐᓂᑦ ᐱᔪᒥᒃ ᐱᖁᔭᓂᒃ ᒪᓕᖕᓂᒃᑯᑦ ᓇᓛᒎᓐᓂᖃᕋᓱᐊᖁᓇᖓ, ᓇᓛᒎᕐᓂᕐᒥᒡᓕ ᐱᑎᑕᐅᕗᖓ ᐅᒃᐱᕐᓂᑯᑦ ᙭ᔅᑑᓯᒥ, ᑕᒪᓐᓇ ᓇᓛᒎᕐᓂᖅ ᒎᑎᒥᑦ ᐱᔪᖅ ᑐᓐᖓᕕᖃᕐᒪᑦ ᐅᒃᐱᕐᓂᒥᒃ;

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:10

ᑎᑭᒃᑯᓂ ᐱᓐᓇᕐᓇᕐᑎᑕᐅᓗᓂ ᐅᐱᓐᓇᕐᑎᑕᐅᓗᓂ, ᐅᒃᐱᕈᓱᒃᑐᓕᒫᓂᓪᓗ ᑲᒪᓂᐊᕆᔭᐅᔪᒫᕐᐳᖅ, ᐃᓕᑦᓯᑦᑕᐅᖅ ᐃᓚᒋᔭᐅᔪᒫᕐᐳᓯ ᐅᖃᐅᓰᑦ ᓇᓗᓁᕐᓯᓂᕆᔭᕗᑦ ᐅᒃᐱᕆᓚᐅᕋᑦᓯᐅᒃ.

ᑍᑑᓯᒧᑦ 2:11

ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᓂ ᓴᖅᑭᑎᓯᒪᖕᒪᒍ ᐃᓄᓕᒫᑦ ᐱᐅᓕᔭᐅᖁᓪᓗᒋᑦ.

ᐲᑦᑐᕉᓯ ᓯᕗᓪᓖᑦ 4:14

ᐅᖃᕐᓂᕐᓗᒃᕕᐅᒍᑦᓯ ᙭ᔅᑑᓯᐅᑉ ᐊᑎᖓ ᐱᓪᓗᒍ, ᑕᑉᕙ ᓮᒻᒪᕐᑎᑕᐅᑦᔪᑎᒃᓴᖃᕐᐳᓯ ᒎᑎᐅᑉ ᐊᓂᕐᓂᖓ ᐱᓐᓇᕐᓇᕐᑐᕐᔪᐊᖅ ᐃᓂᖃᕐᒪᑦ ᐃᓕᑦᓯᓐᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:4

ᔪᐊᓇᓯᒥᑦ ᐅᒃᐱᕐᑑᖃᑎᒌᓄᑦ 7ᓄᑦ ᐂᓯᐊᒦᑦᑐᓄᑦ: ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᓮᒻᒪᕐᑎᑦᓯᓂᖓᑕᓗ ᐃᓚᒋᓕᓯ ᒫᓐᓇ ᑍᒤᓕᖓᔪᖅ, ᑍᒤᓚᐅᕐᑐᖅ, ᐱᔪᒫᕐᑐᒥᓗ ᑍᒤᓱᒫᕐᒥᔪᖅ, ᐊᓂᕐᓂᕐᓂᓪᓗ 7ᓂᑦ ᐃᒃᓯᕙᐅᑕᕐᔪᐊᖓᑕ ᓵᖓᓃᑦᑐᓂᑦ,