ᓴᒧᐃᓕ ᐂᑉᐸᖏᑦ 8:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᐱᓁᐊᓗ ᔨᕼᐅᐃᐊᑕᐅᑉ ᐃᕐᓂᖓ ᑲᒪᔨᐅᓚᐅᕐᐳᖅ ᓴᐳᓐᓂᐊᕐᑎᓂᒃ ᓯᕆᑍᑎᓂᒃ ᐱᓕᑍᑎᓂᒡᓗ; ᑍᕕᑎᐅᓪᓗ ᐃᕐᓂᖏᑦ ᐊᖓᔪᖅᑳᖑᓚᐅᕐᐳᑦ.

ᓴᒧᐃᓕ ᐂᑉᐸᖏᑦ 8:18 Iomraidhean Croise

ᓴᒧᐃᓕ ᐂᑉᐸᖏᑦ 15:18

ᐊᖓᔪᖅᑳᖁᑎᖏᑦ ᓴᓂᐊᓂ ᓇᖏᕐᑎᓪᓗᒋᑦ ᓴᐳᓐᓂᐊᕐᑏᑦ ᓯᕆᑍᑏᑦ, ᐱᓕᑍᑏᓪᓗ ᓵᖓᒍᑦ ᖄᖏᓚᐅᕐᐳᑦ, ᐅᓇᑕᕐᑐᒃᓮᓪᓗ 600 ᒋᑍᑎᒥᐅᑦ ᒪᓕᒃᑐᑦ ᒑᑎᒥᑦ ᖄᖏᓚᐅᕆᕗᑦ, ᐊᖓᔪᖅᑳᕐᔪᐊᑉ ᓯᕗᕌᒍᑦ.

ᓴᒧᐃᓕ ᐂᑉᐸᖏᑦ 20:23

ᔪᐊᐱ ᐊᖓᔪᖅᑳᖑᓚᐅᕐᐳᖅ ᐃᓴᕆᐊᓕᒥᐅᑦ ᐅᓇᑕᕐᑐᒃᓴᖁᑎᓕᒫᖏᓐᓄᑦ; ᐱᓁᐊᓗ ᔨᕼᐅᐃᐊᑕᐅᑉ ᐃᕐᓂᖓ ᐊᖓᔪᖅᑳᖑᓚᐅᕐᐳᖅ ᑍᕕᑎᐅᑉ ᓴᐳᓐᓂᐊᕐᑎᖏᓐᓄᑦ ᓯᕆᑍᑎᓄᑦ ᐱᓕᑍᑎᓄᓪᓗ;

ᓴᒧᐃᓕ ᐂᑉᐸᖏᑦ 20:26

ᐂᕋᓗ ᓄᓇᓕᖕᓂᑦ ᔧᕅᑎᒥᐅᓂᑦ ᐱᓯᒪᔪᖅ ᑍᕕᑎᐅᑉ ᑐᓂᕐᕈᓯᕐᑎᑦᓯᔨᒋᓚᐅᕆᕚ.

ᓴᒧᐃᓕ ᐂᑉᐸᖏᑦ 20:7

ᑕᕝᕙ ᔪᐊᐱᐅᑉ ᐃᓄᖁᑎᖏᑦ, ᐊᖓᔪᖅᑳᕐᔪᐊᓪᓗ ᓴᐳᓐᓂᐊᕐᑎᖏᑦ ᓯᕆᑍᑏᑦ ᐱᓕᑍᑏᓪᓗ, ᐅᓇᑕᕐᑐᒃᓴᓕᒫᓪᓗ ᔨᕉᓴᓕᒥᑦ ᐊᐅᓪᓚᕐᐳᑦ ᐊᐱᓮ ᐃᓚᒋᓪᓗᒍ ᒪᓕᒃᓴᕐᓗᑎᒃ ᓰᐸᒥᒃ ᐱᑭᕆᐅᑉ ᐃᕐᓂᖓᓂᒃ.

ᐊᑕᓃᑦ ᓯᕗᓪᓖᑦ 1:38

ᑖᒃᑯᐊ ᔭᑑᒃ ᑐᓂᕐᕈᓯᕐᑎᑦᓯᔨ, ᓁᑕᓂᓗ ᒎᑎᐅᑉ ᐱᔪᖃᓛᕐᑐᒥ ᐅᖃᕐᑎᖓ, ᐱᓁᐊᓗ ᔨᕼᐅᐃᐊᑕᐅᑉ ᐃᕐᓂᖓ, ᐊᖓᔪᖅᑳᕐᔪᐊᓪᓗ ᓴᐳᓐᓂᐊᕐᑎᖏᑦ ᓯᕆᑍᑏᑦ ᐱᓕᑍᑏᓪᓗ, ᓲᓗᒨᓂ ᐊᖓᔪᖅᑳᕐᔪᐊᑉ ᑍᕕᑎᐅᑉ ᓯᐅᑎᖅᑯᕐᑐᔪᖁᑎᖓᓄᑦ ᐃᑭᑎᑉᐹᑦ, ᒋᕼᐅᓂᒧᐊᕐᑎᓪᓗᒍ.

ᐊᑕᓃᑦ ᓯᕗᓪᓖᑦ 1:44

ᑎᓕᓯᖕᒪᑦ ᔭᑑᒡᒥᒃ ᑐᓂᕐᕈᓯᕐᑎᑦᓯᔨᒥᒃ, ᓁᑕᓂᒥᒡᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᓂᒃ, ᐱᓁᐊᒥᒡᓗ ᔨᕼᐅᐃᐊᑕᐅᑉ ᐃᕐᓂᖓᓂᒃ, ᓯᕆᐅᓪᓗ ᑭᖑᕚᖏᑦ ᐱᓕᐅᓪᓗ ᑭᖑᕚᖏᑦ ᐊᖓᔪᖅᑳᕐᔪᐊᓪᓗ ᓴᐳᓐᓂᐊᕐᑎᖏᓐᓂᒃ ᓯᕆᑍᑎᓂᒃ ᐱᓕᑍᑎᓂᒡᓗ; ᐃᑭᒪᑎᑦᓱᒍᓗ ᐊᖓᔪᖅᑳᕐᔪᐊᑉ ᓯᐅᑎᖅᑯᕐᑐᔪᖁᑎᖓᓂ,

ᐊᑕᓃᑦ ᓯᕗᓪᓖᑦ 1:8

ᔭᑑᒃᓕ ᑐᓂᕐᕈᓯᕐᑎᑦᓯᔨ, ᐱᓁᐊᓗ ᔨᕼᐅᐃᐊᑕᐅᑉ ᐃᕐᓂᖓ, ᓁᑕᓂᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ, ᓯᒥᐂᓗ, ᕆᐂᓗ, ᑍᕕᑎᐅᓪᓗ ᓴᐳᓐᓂᐊᕐᑎᖏᑦ ᐊᔪᖏᑦᑐᕐᔪᐊᑦ ᐊᑐᓁᔭᒥᒃ ᐃᑲᔪᕐᑐᓚᐅᓐᖏᓚᑦ.

ᐊᑕᓃᑦ ᓯᕗᓪᓖᑦ 2:25

ᑕᒪᓐᓇ ᐱᓪᓗᒍ ᐊᖓᔪᖅᑳᕐᔪᐊᖅ ᓲᓗᒨᓂ ᑎᓕᓯᕗᖅ ᐱᓁᐊᒥᒃ ᔨᕼᐅᐃᐊᑕᐅᑉ ᐃᕐᓂᖓᓂᒃ; ᑖᑦᓱᒪᓗ ᑐᖁᑦᓴᕐᑐᕐᐹ, ᐊᑐᓁᐊᓗ ᑐᖁᕗᖅ.

ᐊᑕᓃᑦ ᓯᕗᓪᓖᑦ 4:4

ᐅᓇᑕᕐᑐᒃᓴᓄᑦ ᐊᖓᔪᖅᑳᖅ: ᐱᓁᐊ ᔨᕼᐅᐃᐊᑕᐅᑉ ᐃᕐᓂᖓ, ᑐᓂᕐᕈᓯᕐᑎᑦᓯᔩᒃ: ᔭᑑᒃ ᐊᐰᐊᑕᓗ;

ᐊᑕᓃᑦ ᓯᕗᓪᓖᑦ 4:5

ᐊᔭᕅᐊ ᓁᑕᓂᐅᑉ ᐃᕐᓂᖓ, ᐊᕕᒃᑐᕐᓯᒪᔪᑦ ᐊᖓᔪᖅᑳᖏᓐᓄᑦ ᐊᖓᔪᖅᑳᖑᕗᖅ; ᔭᐴᑦ ᓁᑕᓂᐅᑉ ᐃᕐᓂᖓ ᑐᓂᕐᕈᓯᕐᑎᑦᓯᔨᐅᔪᖅ ᐊᖓᔪᖅᑳᕐᔪᐊᓪᓗ ᐃᓚᓐᓈᕆᓪᓗᓂᐅᒃ;

ᐊᑕᓃᑦ ᐂᑉᐸᖏᑦ 11:4

ᐊᕐᕌᒍᐃᑦ 7ᖓᓐᓂ ᔨᕼᐅᐃᐊᑕ ᑐᓂᕐᕈᓯᕐᑎᑦᓯᔨ ᐊᖓᔪᖅᑳᕐᔪᐊᑉ ᐅᓇᑕᕐᑎᖁᑎᖏᑕ ᐊᖓᔪᖅᑳᖏᑦ 100ᓄᑦ ᑳᕆᑎᔅᓂᒃ ᑍᔭᐅᔪᑦ ᖃᐅᔨᓴᕐᑎᖁᑎᖏᓪᓗ ᕾᖁᕔᑦ ᐊᑕᓂᐅᑉ ᐃᒡᓗᖓᓄᑦ; ᐅᖃᕕᒡᓗᑎᒡᓗ ᐊᖏᖃᑎᒋᕔᑦ ᐊᑕᓂᐅᑉ ᐃᒡᓗᖓᓂ, ᑕᑯᑎᓕᕐᓗᒋᓪᓗ ᐊᖓᔪᖅᑳᕐᔪᐊᑉ ᐃᕐᓂᖓᓂᒃ ᔪᐊᓯᒥᒃ.

ᑯᕉᓂᑲ ᓯᕗᓪᓖᑦ 11:22

ᐱᓁᐊᓗ ᔨᕼᐅᐃᐊᑕᐅᑉ ᐃᕐᓂᖓ, ᐊᔪᖏᑦᑐᕐᔪᐊᒧᑦ ᑲᑉᔨᐅᓪᒥᐅᑕᒧᑦ ᐃᕐᓂᕆᔭᐅᔪᖅ, ᐱᓂᐊᕐᓂᖃᓚᐅᕐᐳᖅ ᐊᖏᔪᕐᔪᐊᒥᒃ; ᑐᖁᑦᓯᓚᐅᕐᒪᑦ ᐊᖑᑏᖕᓂᒃ ᒪᕐᕉᖕᓂᒃ ᓛᔭᑎᑑᕐᑐᖕᓂᒃ ᒧᐊᐱᒥᐅᑖᖕᓂᒃ. ᑐᖁᑦᓯᓚᐅᕐᓯᒪᖕᒥᔪᖅ ᓛᔭᒥᒃ ᐃᑎᕐᓴᒦᑦᑐᒥᒃ ᖃᓐᓂᕐᑐᐊᓘᑎᓪᓗᒍ.

ᑯᕉᓂᑲ ᓯᕗᓪᓖᑦ 18:17

ᐱᓁᐊᓗ ᔨᕼᐅᐃᐊᑕᐅᑉ ᐃᕐᓂᖓ ᐊᖓᔪᖅᑳᖑᕗᖅ ᓴᐳᓐᓂᐊᕐᑎᓄᑦ ᓯᕆᑍᑎᓄᑦ ᐱᓕᑍᑎᓄᓪᓗ; ᑍᕕᑎᐅᓪᓗ ᐃᕐᓂᖏᑦ ᐊᖓᔪᖅᑳᖑᕗᑦ ᐊᖓᔪᖅᑳᖁᑎᒋᔭᐅᔪᓄᑦ ᐊᖓᔪᖅᑳᕐᔪᐊᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 25:16

ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ, ᑕᑯᒋᑦ, ᐱᓕᔅᑍᓂᒥᐅᑦ ᓱᒋᐊᕈᒫᕐᐸᒃᑲ, ᓯᕆᑍᑎᓪᓗ ᓄᖑᓪᓗᒋᑦ, ᐊᒥᐊᒃᑯᖏᓪᓗ ᑕᕆᐅᑉ ᓯᓈᓃᑦᑐᑦ ᓄᖑᑦᓱᒫᕐᐸᒃᑲ.

ᔨᐸᓁᐊᐅᑉ ᐊᒡᓚᖏᑦ 2:5

ᑲᑉᐱᐊᓐᓇᒦᖑᔪᓯ ᑕᕆᐅᑉ ᓯᓈᓂ ᓄᓇᖃᕐᑐᓯ, ᐃᓅᖃᑎᒌᖑᔪᓯᓗ ᓯᕆᑍᑎᓄᑦ ᐊᑕᓂᐅᑉ ᐅᖃᐅᓯᖓᑕ ᐊᑭᕋᕐᑐᕐᒪᓯ, ᑬᓇᓁᒥᐅᖑᔪᓯ ᐱᓕᔅᑍᓂᒦᑦᑐᓯ; ᐊᓯᕈᕈᒪᕙᑦᓯ ᓄᓇᖃᕐᑐᓕᒫᑦ ᐊᒥᐊᒃᑯᖏᓪᓗᒋᑦ.

ᓴᒧᐃᓕ ᓯᕗᓪᓖᑦ 30:14

ᐅᓇᑕᕆᐊᓚᐅᕐᐳᒍᑦ ᓯᕆᑍᑎᓄᑦ ᔫᑕᐅᑉ ᓯᕿᓂᖓᓃᑦᑐᒧᑦ ᓂᒋᑉᒧᑦ ᑬᓚᐱᐅᓪᓗ ᓄᓇᖁᑎᖓᓄᑦ, ᔨᒡᓛᒡᒥᐅᓪᓗ ᐃᑯᐊᓪᓚᓚᐅᕐᐸᕗᑦ.”