ᓴᒧᐃᓕ ᐂᑉᐸᖏᑦ 7:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐃᓚᒌᓐᓇᓚᐅᕐᐸᒋᑦ ᓇᒧᑐᐃᓐᓇᖅ ᐂᑎᓪᓗᑎᑦ, ᐊᑭᕋᓕᒫᑎᓪᓗ ᓵᓚᒋᖃᑦᑕᓚᐅᕐᐸᒃᑲ ᐱᓪᓗᑎᑦ; ᐅᐱᓐᓇᕐᑐᓐᖑᕐᑎᓐᓂᐊᕐᐸᒋᑦ, ᑍᒃᑯᑎᑐᓇᖅ ᐅᐱᓐᓇᕐᑑᓯᒪᔪᑎᑐᑦ ᓄᓇᕐᔪᐊᕐᒥ.

ᓴᒧᐃᓕ ᐂᑉᐸᖏᑦ 7:9 Iomraidhean Croise

ᒨᓯᓯ ᓯᕗᓪᓖᑦ 12:2

ᐃᓅᖃᑎᒌᒡᔪᐊᓐᖑᕐᑎᑦᓱᒫᕋᒃᑭᑦ, ᓮᒻᒪᕐᑎᓪᓗᑎᓪᓗ, ᐊᑏᓪᓗ ᐅᐱᒋᔭᐅᑦᓯᐊᕐᑎᓪᓗᒍ, ᓮᒻᒪᕐᑎᑦᓯᑦᔪᑎᒃᓴᐅᖁᓪᓗᑎᑦ.

ᓴᒧᐃᓕ ᐂᑉᐸᖏᑦ 22:1

ᐊᑕᓂᐅᑉ ᐱᐅᓕᖕᒪᒍ ᓴᐅᓕᒥᑦ ᐊᑭᕋᕐᑐᕐᑎᖏᓐᓂᓪᓗ ᐊᓯᖏᓐᓂᑦ, ᑍᕕᑎ ᐃᓐᖏᓚᐅᕐᐳᖅ ᐃᓐᖏᕈᒻᒥᒃ ᐊᑕᓂᕐᒧᑦ:

ᓴᒧᐃᓕ ᐂᑉᐸᖏᑦ 22:30

ᐃᓛᒃ, ᐃᑲᔪᕐᑎᒋᓗᑎᑦ ᐅᓇᑕᕐᑐᒃᓮᑦ ᐅᐸᒃᑐᕈᓐᓇᕐᐸᒃᑲ, ᒎᑎᒐᓗ ᐂᑉᐸᕆᓗᒍ ᐊᕙᓗᕐᔪᐊᑉ ᐅᖓᑖᓄᑦ ᒥᓯᒍᓐᓇᕐᐳᖓ.

ᓴᒧᐃᓕ ᐂᑉᐸᖏᑦ 22:43

ᓯᖃᓪᓕᒐᒃᑭᑦ, ᐳᔪᕋᑐᐃᓐᓇᓐᖑᕐᐳᑦ, ᑐᓪᓕᕋᕐᐸᒃᑲ ᒪᕐᕋᕐᑎᑐᑦ ᐊᖅᑯᑎᒦᑦᑐᑎᑐᑦ.

ᓴᒧᐃᓕ ᐂᑉᐸᖏᑦ 23:1

ᑍᕕᑎ ᔨᓯᐅᑉ ᐃᕐᓂᖓ ᑖᓐᓇ ᒎᑎᐅᑉ ᐊᖏᔪᕈᕐᑎᓚᐅᕐᐹ, ᔧᑰᑉ ᒎᑎᖓᑕ ᓂᕈᐊᓚᐅᕐᑕᖓ ᐊᖓᔪᖅᑳᕐᔪᐊᓐᖑᖁᓪᓗᒍ, ᐃᓐᖏᐅᓯᓕᐅᕐᑎᐅᓚᐅᕐᑐᖅ ᐱᐅᔪᐊᓗᖕᓂᒃ ᐃᓴᕆᐊᓕᒥᐅᓄᑦ. ᐅᑯᐊ ᑕᕝᕙ ᑍᕕᑎᐅᑉ ᐅᖃᐅᓯᖏᑦ ᑭᖑᓪᓕᕐᐹᑦ:

ᓴᒧᐃᓕ ᐂᑉᐸᖏᑦ 5:10

ᑍᕕᑎᓗ ᓲᖑᓯᕙᓪᓕᐊᑐᐃᓐᓇᓕᓚᐅᕐᐳᖅ, ᐊᑕᓂᐅᑉ ᒎᑎᐅᑉ ᖁᑦᓯᖕᓂᕐᐹᖑᔫᑉ, ᐃᓚᒋᓚᐅᕐᒪᒍ.

ᓴᒧᐃᓕ ᐂᑉᐸᖏᑦ 8:13

ᑍᕕᑎᓗ ᖃᐅᔨᒪᔭᐅᒋᐊᓪᓚᒃᑲᓐᓂᓕᓚᐅᕐᐳᖅ, ᐅᑎᕐᒪᑦ ᑐᖁᑦᓯᓚᐅᕐᑎᓪᓗᒍ 18,000ᓂᒃ ᐄᑐᒤᑎᒥᐅᓂᒃ ᓇᕐᓴᒥ ᐊᑎᓕᖕᒥ ᑕᕆᐅᕐᒥᒃ.

ᓴᒧᐃᓕ ᐂᑉᐸᖏᑦ 8:14

ᐅᓇᑕᕐᑐᒃᓴᖁᑎᒥᓂᒡᓗ ᐃᓂᑖᕐᑎᑦᓯᓚᐅᕐᐳᖅ ᐄᑐᒥᓕᒫᒥ; ᐃᓄᓕᒫᖏᓪᓗ ᐱᔨᑖᕆᓚᐅᕐᐰᑦ. ᐊᑕᓂᐅᓪᓗ ᑍᕕᑎ ᓵᓚᖃᕐᑎᖃᑦᑕᓚᐅᕐᐹ ᓇᒧᓐᖓᑐᐊᕌᖓᑦ.

ᓴᒧᐃᓕ ᐂᑉᐸᖏᑦ 8:6

ᑕᕝᕙ ᑍᕕᑎ ᐅᓇᑕᕐᑐᒃᓴᖁᑎᒥᓂᒃ ᓄᓇᓕᖏᓐᓂ ᐃᓂᑖᕐᑎᑦᓯᓚᐅᕐᐳᖅ ᐊᕌᒻᒥ ᑕᒫᓯᑰᓯᒦᑦᑐᒥ; ᓯᕆᐊᒥᐅᓪᓗ ᐱᔨᑖᕆᓚᐅᕐᐰᑦ ᑮᓇᐅᔧᔭᓕᕐᓗᑎᒡᓗ ᑖᑦᓱᒧᖓ. ᐊᑕᓂᐅᓪᓗ ᑍᕕᑎ ᓵᓚᖃᕐᑎᖃᑦᑕᓚᐅᕐᐹ ᓇᒧᑐᐃᓐᓇᖅ ᐂᑐᐊᕌᖓᑦ.

ᑯᕉᓂᑲ ᓯᕗᓪᓖᑦ 17:8

ᐃᓚᒌᓐᓇᓚᐅᕐᐸᒋᑦ ᓇᒧᑐᐃᓐᓇᖅ ᐂᑎᓪᓗᑎᑦ, ᓄᖑᑎᓚᐅᕐᐸᒃᑲᓗ ᐊᑭᕋᑎᑦ ᓯᕗᓂᕐᓂ; ᐊᑏᓪᓗ ᐃᓚᒋᓕᐅᑎᓐᓂᐊᕐᐸᕋ ᐊᔪᖏᑦᑐᕐᔪᐊᓄᑦ ᓄᓇᕐᔪᐊᕐᒥ.

ᐃᓐᖏᕈᑎᑦ 21:6

ᑐᓂᓯᕕᒋᒐᕕᐅᒃ ᓮᒻᒪᕐᑎᑕᐅᓂᕐᓂᒃ ᐃᓱᖃᖏᑦᑐᒧᑦ; ᐊᒃᓱᒻᒪᕆᐊᓗᒃ ᖁᕕᐊᓱᒃᑎᑉᐸᑦ ᓇᔫᑎᓂᕐᓄᑦ.

ᐃᓐᖏᕈᑎᑦ 89:23

ᐊᑭᕋᕐᑐᕐᑎᖏᓪᓕ ᐋᓐᓂᕐᓯᕈᒪᕙᒃᑲ ᑖᑦᓱᒪ ᓯᕗᕐᖓᓂ ᐆᒥᒋᔨᖏᓪᓗ ᐊᓇᐅᓕᕈᒪᕙᒃᑲ ᖃᓄᐃᓐᓇᕐᑐᓄᑦ.

ᓘᑲᓯᐅᑉ ᐊᒡᓚᖏᑦ 1:52

ᐊᖓᔪᖅᑳᕐᔪᐊᑦ ᐱᔪᓐᓇᕐᓂᖏᓐᓂᑦ ᐅᕐᕈᑎᑉᐰᑦ, ᐱᔪᓐᓇᕐᓂᖃᖏᑦᑐᓪᓗ ᓂᑯᕕᑎᑉᐰᑦ.

ᔮᓱᐊᑉ ᐊᒡᓚᖏᑦ 6:27

ᑍᒤᒻᒪᑦ ᐊᑕᓂᖅ ᔮᓱᐊᒦᓚᐅᕐᐳᖅ; ᖁᕕᐊᒋᔭᐅᒻᒪᕆᓕᕐᓗᓂᓗ ᓄᓇᓕᓕᒫᓄᑦ.

ᓴᒧᐃᓕ ᓯᕗᓪᓖᑦ 18:14

ᑍᕕᑎᓗ ᐱᔪᓐᓇᑦᓯᐊᖃᑦᑕᓚᐅᕐᐳᖅ ᐱᓇᓱᐊᕐᑕᓕᒫᒥᓂᒃ; ᐊᑕᓂᐅᑉ ᐃᓚᒋᓚᐅᕐᒪᒍ.

ᓴᒧᐃᓕ ᓯᕗᓪᓖᑦ 18:30

ᐱᓕᔅᑍᓂᒥᐅᓪᓕ ᐊᖓᔪᖅᑳᖏᑕ ᐅᓇᑕᕐᑎᖏᑦ ᐅᓇᑕᕆᐊᕐᐳᑦ, ᐅᓇᑕᕆᐊᑐᐊᕐᒪᑕᓕ ᑍᕕᑎ ᓵᓚᖃᕐᓂᕐᓴᐅᖃᑦᑕᓚᐅᕐᐳᖅ ᓴᐅᓕᐅᑉ ᐱᔨᓕᒫᖏᓐᓂᑦ; ᑍᕕᑎᓗ ᐅᐱᒋᔭᐅᓂᕐᒧᑦ ᐱᓪᓚᕆᕈᕐᑎᑕᐅᒻᒪᕆᓚᐅᕐᐳᖅ.

ᓴᒧᐃᓕ ᓯᕗᓪᓖᑦ 2:8

ᐊᒃᓗᔪᑦ ᒪᑭᑎᑉᐰᑦ ᓄᓇᐅᑉ ᐳᔪᕋᖓᓂᑦ; ᐃᑲᔪᕐᑕᐅᔭᕆᐊᓖᓪᓗ ᖁᕝᕙᕐᑎᑉᐰ ᐊᕐᔭᓕᓂᕐᓂᑦ, ᐊᖓᔪᖅᑳᕐᔪᐊᓪᓗ ᐃᕐᓂᖏᓐᓂ ᐃᒃᓯᕙᐅᑕᕐᑖᕐᑎᑉᐰᑦ ᑭᖑᕐᖑᑦᔨᑎᑉᐰᓪᓗ ᐃᒃᓯᕙᐅᑕᕐᔪᐊᕐᒥᒃ ᐱᓐᓇᕐᓇᕐᑐᒥᒃ. ᓄᓇᕐᔪᐊᑉ ᑐᓐᖓᕕᖏᑦ ᐊᑕᓂᐅᑉ ᐱᒋᕔᑦ; ᖄᖓᓄᓪᓗ ᓯᓚᕐᔪᐊᖅ ᐃᓕᓯᒪᕚ.

ᓴᒧᐃᓕ ᓯᕗᓪᓖᑦ 31:6

ᑍᒫᒃ ᑕᕝᕙ ᓴᐅᓕᒃᑯᑦ ᐃᕐᓂᖏᓪᓗ ᐱᖓᓱᑦ ᑐᖁᓚᐅᕐᐳᑦ; ᓴᐅᓕᐅᓪᓗ ᐱᖃᑎᒋᔭᓕᒫᖏᑦ ᑐᖁᓚᐅᕐᐳᑦ ᐅᓪᓗᒥ ᑕᕝᕙᓂᑦᓮᓐᓇᖅ.

ᓴᒧᐃᓕ ᓯᕗᓪᓖᑦ 5:10

ᑕᕝᕙ ᒎᑎᐅᑉ ᐊᖏᕈᑎᖓᑕ ᐃᒃᓯᕐᕕᖁᑎᖓ ᐃᑯᕋᓂᒧᐊᕈᑎᕚᑦ. ᑍᑯᖓᓗ ᑎᑭᐅᑦᔭᐅᖕᒪᑦ, ᐃᑯᕋᓂᒥᐅᑦ ᐃᓄᖏᑦ ᐅᖃᓕᕐᐳᑦ, “ᐃᓴᕆᐊᓕᒥᐅᑦ ᒎᑎᖓᑕ ᐊᖏᕈᑎᖓᑕ ᐃᒃᓯᕐᕕᖁᑎᖓ ᑕᒪᐅᓐᖓᕐᑕᐅᕗᖅ ᐅᕙᑦᑎᓐᓂᒃ ᑐᖁᑦᓯᖁᔭᐅᓪᓗᓂ ᐃᓄᖁᑎᑦᑎᓐᓂᒡᓗ!”