ᓴᒧᐃᓕ ᐂᑉᐸᖏᑦ 7:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ “ᒫᓐᓇ ᑍᒤᒻᒪᑦ ᐱᔨᒐ ᑍᕕᑎ ᐅᖃᐅᑎᔭᕐᑐᕈᒃ, ‘ᐊᑕᓂᖅ ᖁᑦᓯᖕᓂᕐᐹᖑᔪᖅ ᐃᒫᒃ ᐅᖃᕐᐳᖅ, ᕾᖁᓚᐅᕐᐸᒋᑦ ᓰᐱᓂᒃ ᐰᕐᓯᔨᐅᑎᓪᓗᑎᑦ, ᐊᐅᓚᑦᓯᔨᐅᖁᓪᓗᑎᑦ ᐃᓄᖁᑎᓐᓄᑦ ᐃᓴᕆᐊᓕᒥᐅᓄᑦ.

ᓴᒧᐃᓕ ᐂᑉᐸᖏᑦ 7:8 Iomraidhean Croise

ᓴᒧᐃᓕ ᐂᑉᐸᖏᑦ 12:7

ᓁᑕᓂ ᐅᖃᕐᐳᖅ ᑍᕕᑎᒧᑦ, “ᐊᖑᑦ ᑖᓐᓇ ᐃᕝᕕᐅᕗᖅ. ᐃᒫᒃ ᐊᑕᓂᖅ ᐅᖃᕐᐳᖅ, ᐃᓴᕆᐊᓕᒥᐅᑦ ᒎᑎᖓ, ‘ᐊᖓᔪᖅᑳᕐᔪᐊᕈᕐᑎᓚᐅᕐᐸᒋᑦ ᐃᓴᕆᐊᓕᒥᐅᓄᑦ, ᓴᐳᑎᓚᐅᕐᐸᒋᓪᓗ ᓴᐅᓕᒥᑦ;

ᓴᒧᐃᓕ ᐂᑉᐸᖏᑦ 14:13

ᐊᕐᓇᐅᑉ ᐅᖃᐅᑎᕚ, “ᓱᖕᒪᓪᓕ ᐃᓱᒪᖃᕐᓯᒪᕖᑦ ᓈᒻᒪᖏᑦᑐᒥᒃ ᒎᑎᐅᑉ ᐃᓄᖁᑎᖏᓐᓅᑦ? ᐃᕐᓃᑦ ᐊᖏᕐᕋᕈᓐᓁᓪᓕᑎᓯᒪᒐᕕᐅᒃ ᐊᐅᓪᓚᕐᓯᒪᕕᖓᓂᑦ, ᐃᓕᖕᓂᒃ ᐸᓯᔭᒃᓴᓐᖑᕐᑎᓯᒪᕗᑎᑦ ᐅᖃᐅᓯᕆᕋᑖᕐᑕᕐᓄᑦ.

ᓴᒧᐃᓕ ᐂᑉᐸᖏᑦ 23:1

ᑍᕕᑎ ᔨᓯᐅᑉ ᐃᕐᓂᖓ ᑖᓐᓇ ᒎᑎᐅᑉ ᐊᖏᔪᕈᕐᑎᓚᐅᕐᐹ, ᔧᑰᑉ ᒎᑎᖓᑕ ᓂᕈᐊᓚᐅᕐᑕᖓ ᐊᖓᔪᖅᑳᕐᔪᐊᓐᖑᖁᓪᓗᒍ, ᐃᓐᖏᐅᓯᓕᐅᕐᑎᐅᓚᐅᕐᑐᖅ ᐱᐅᔪᐊᓗᖕᓂᒃ ᐃᓴᕆᐊᓕᒥᐅᓄᑦ. ᐅᑯᐊ ᑕᕝᕙ ᑍᕕᑎᐅᑉ ᐅᖃᐅᓯᖏᑦ ᑭᖑᓪᓕᕐᐹᑦ:

ᓴᒧᐃᓕ ᐂᑉᐸᖏᑦ 24:17

ᑍᕕᑎᐅᓪᓕ ᐂᖏᓕ ᐃᓄᖕᓂᒃ ᑐᖁᕅᔪᖅ ᑕᑯᒐᒥᐅᒃ, ᐊᑕᓂᕐᒧᑦ ᐅᖃᕐᐳᖅ, “ᐅᕙᖓ ᐊᔪᕐᑐᓕᓯᒪᕗᖓ, ᐅᕙᖓ ᐱᐅᖏᑦᑐᓕᓚᐅᕐᐳᖓ; ᐅᑯᐊᓕ ᐃᓄᐃᑦ ᖃᓄᐃᓕᐅᓚᐅᕐᐹ? ᑐᒃᓯᐊᕐᕕᒋᕙᒋᑦ ᐅᕙᓐᓂᒃ ᐃᓚᓐᓂᒡᓗ ᓱᒋᐊᕐᓯᖔᕐᑐᒃᓴᐅᕗᑎᑦ.”

ᓴᒧᐃᓕ ᐂᑉᐸᖏᑦ 5:2

ᑍᑦᓱᒪᓂ, ᓴᐅᓕ ᐊᖓᔪᖅᑳᕐᔪᐊᖑᑎᓪᓗᒍ, ᐃᓴᕆᐊᓕᒥᐅᑦ ᐃᓄᖏᑦ ᐅᓇᑕᕐᓂᒃᑯᑦ ᑕᓯᐅᓚᐅᕐᐸᑎᑦ, ᐊᑕᓂᐅᓪᓗ ᐊᖏᕐᕕᒋᓚᐅᕐᐹᑎᑦ, ‘ᐃᓄᖁᑎᓐᓂᒃ ᐰᕐᓯᔨᐅᓂᐊᕐᐳᑎᑦ, ᐊᖓᔪᖅᑳᕐᔪᕆᔭᐅᓗᑎᓪᓗ.’”

ᓴᒧᐃᓕ ᐂᑉᐸᖏᑦ 6:21

ᑍᕕᑎᓗ ᑭᐅᕗᖅ ᒤᑲᐅᓪᒧᑦ, “ᑖᓂᓯᖅᑲᐅᕗᖓ ᐊᑕᓂᖅ ᐅᐱᒋᓪᓗᒍ, ᐅᕙᓐᓂᒃ ᓂᕈᐊᓚᐅᕐᑐᒧᑦ ᐊᑖᑍᑦ ᐃᓇᖏᕐᑕᐅᖁᓪᓗᒍ, ᐃᓚᖏᓐᓄᓪᓗ ᓯᕗᓕᕐᑎᐅᖁᓪᓗᖓ ᐊᑕᓂᐅᑉ ᐃᓄᖁᑎᖏᓐᓄᑦ ᐃᓴᕆᐊᓕᒥᐅᓄᑦ, ᑖᓂᓰᓐᓇᕐᓂᐊᕐᐳᖓᓗ ᖁᕕᐊᓱᒡᓗᖓ ᐊᑕᓂᕐᒥᒃ ᐅᐱᒍᓱᒡᓗᖓ.

ᐊᑕᓃᑦ ᓯᕗᓪᓖᑦ 3:6

ᓲᓗᒨᓂ ᑭᐅᕗᖅ “ᓇᒡᓕᒍᓱᖕᓂᕐᓂᒃ ᐊᖏᔪᒥᒃ ᓱᖁᓯᔪᐃᑦᑐᒥᒃ ᐱᔨᖕᓄᑦ ᐊᑖᑕᓐᓄᑦ ᑍᕕᑎᒧᑦ ᓴᖅᑭᑎᑦᓯᓯᒪᕗᑎᑦ, ᑖᓐᓇ ᐃᓅᓯᖃᓚᐅᕐᒪᑦ ᐃᓕᖕᓂᒃ ᒪᓕᑦᓯᐊᕐᓱᓂ, ᐃᓱᐊᕐᑐᓕᓂᕐᒥ, ᑲᔪᓯᑦᓯᐊᕐᓗᓂᓗ ᐆᒻᒪᑎᒥᒍᑦ ᐃᓕᖕᓄᑦ; ᓇᓗᓁᕐᓯᕕᒋᓯᒪᒐᕕᐅᒡᓗ ᐊᖏᔪᐊᓗᖕᒥᒃ ᓇᒡᓕᖕᓂᕐᓂᒃ ᓱᕐᕋᔪᐃᑦᑐᒥᒃ, ᐃᕐᓂᕐᑖᕐᑎᓪᓗᒍ ᐊᖓᔪᖅᑳᕐᔪᐊᖑᕕᖓᓂ ᐃᒃᓯᕙᓂᐊᕐᑐᒥᒃ ᐅᓪᓗᒥ ᐊᑐᓕᕐᑐᒥᒃ.

ᐊᑕᓃᑦ ᓯᕗᓪᓖᑦ 8:16

‘ᑍᒪᓐᖓᓂᑦ ᐃᓄᖁᑎᒃᑲ ᐃᓴᕆᐊᓕᒥᐅᑦ ᐊᐅᓪᓚᕐᑎᒐᒃᑭᑦ ᐄᑦᔨᑉᑎᒥᑦ, ᓂᕈᐊᓚᐅᓐᖏᓚᖓ ᐃᓴᕆᐊᓕᐅᑉ ᑭᖑᕚᖏᑕ ᐃᒡᓗᒐᓴᖏᓐᓂᒃ ᓇᓪᓕᐊᓐᓂᒃ, ᐊᑎᕋ ᐃᓂᖃᖁᓪᓗᒍ; ᑍᕕᑎᓕ ᓂᕈᐊᓚᐅᕐᐸᕋ ᐊᐅᓚᑦᓯᔨᐅᖁᓪᓗᒍ ᐃᓄᖁᑎᓐᓄᑦ ᐃᓴᕆᐊᓕᒥᐅᓄᑦ.’

ᑯᕉᓂᑲ ᓯᕗᓪᓖᑦ 17:7

“ᒫᓐᓇ ᑍᒤᒻᒪᑦ ᐅᖃᕐᑐᒃᓴᐅᕗᑎᑦ ᐱᔨᓐᓄᑦ ᑍᕕᑎᒧᑦ, ‘ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᓰᐱᓕᕆᔨᐅᑎᓪᓗᑎᑦ ᑎᒍᓚᐅᕐᐸᒋᑦ, ᓰᐱᓂᒃ ᒪᓕᒃᑎᓪᓗᑎᑦ, ᐊᖓᔪᖅᑳᓐᖑᖁᓪᓗᑎᑦ ᐃᓄᖁᑎᓐᓄᑦ ᐃᓴᕆᐊᓕᒥᐅᓄᑦ.

ᑯᕉᓂᑲ ᓯᕗᓪᓖᑦ 21:17

ᑍᕕᑎᓗ ᒎᑎᒧᑦ ᐅᖃᕐᐳᖅ, “ᐅᕙᖓᐅᓐᖏᓛᖅ ᑎᓕᓯᓚᐅᕐᑐᖅ ᐃᓄᐃᑦ ᓈᓴᕐᑕᐅᖁᓪᓗᒋᑦ? ᐅᕙᖓ ᑕᕝᕙ ᐊᔪᕐᑐᓕᓚᐅᕐᐳᖓ ᐱᐅᖏᑦᑐᓕᓪᓗᖓᓗ. ᐅᑯᐊᓕ ᓰᐲᑦ ᖃᓄᖅ ᐱᓂᐊᓚᐅᕐᐹᑦ? ᑐᒃᓯᐊᕐᐳᖓ ᐊᑕᓃᖅ ᒎᑎᒐ, ᐊᒡᒐᑎᑦ ᐅᕙᓐᓄᑦ ᑐᕌᖓᓚᐅᕐᓕᑦ ᐊᑖᑕᒪᓗ ᐃᓚᒋᔭᖏᓐᓄᑦ; ᐃᓄᖁᑎᑎᓪᓕ ᖃᓂᒪᓇᕐᑐᒧᑦ ᑎᑭᑕᐅᑎᓐᓂᐊᕐᓇᒋᑦ.”

ᐂᒨᓯᐅᑉ ᐊᒡᓚᖏᑦ 7:15

ᐊᑕᓂᐅᑉ ᕾᖁᓚᐅᕐᐹᖓ ᓰᐱᓕᕆᔨᐅᑎᓪᓗᖓ, ᐊᑕᓂᐅᓪᓗ ᐅᖃᐅᑎᕚᖓ, ‘ᐅᖃᓪᓚᒋᐊᕐᑐᕆᑦ ᐃᓄᖁᑎᓐᓄᑦ ᐃᓴᕆᐊᓕᐅᒥᐅᓄᑦ.’

ᐋᐴᓯᑕᓖᑦ ᐱᓂᐊᕐᓂᖏᑦ 7:46

ᑍᕕᑎ ᒎᑎᒧᑦ ᐱᓐᓇᕆᔭᐅᓚᐅᕐᒪᑦ, ᐃᓂᒃᓴᓕᐅᕈᓐᓇᕐᑎᑕᐅᔪᒪᓚᐅᕐᐳᖅ ᑖᑦᓱᒧᖓ ᔧᑰᑉ ᒎᑎᖓᓄᑦ.

ᓴᒧᐃᓕ ᓯᕗᓪᓖᑦ 10:1

ᓴᒧᐃᓕᐅᑉ ᐊᓕᒍᖅ ᐅᕐᓱᒥᒃ ᐃᒪᓕᒃ ᑎᒍᕚ ᑯᕕᓪᓗᒍᓗ ᓴᐅᓕᐅᑉ ᓂᐊᖁᐊᓄᑦ, ᑯᓂᒡᓗᒍᓗ ᐅᖃᐅᑎᕚ, “ᐊᑕᓂᐅᑉ ᐅᕐᓱᕐᑎᕐᐹᑎᑦ ᐊᖓᔪᖅᑳᕐᔪᐊᓐᖑᖁᓪᓗᑎᑦ ᐃᓄᖁᑎᖏᓐᓄᑦ. ᐊᑕᓂᐅᑉ ᐃᓄᖁᑎᖏᑦ ᐊᖓᔪᖅᑲᐅᕕᒋᓂᐊᕐᐸᑎᑦ ᓴᐳᑎᓗᒋᓪᓗ ᐊᑭᕋᕐᑐᕐᑎᖏᓐᓂᑦ ᖃᓂᒋᔭᖏᓐᓃᑦᑐᓂᑦ. ᑕᒪᓐᓇᓗ ᓇᓗᓁᒃᑯᑕᕆᓂᐊᕐᐸᑦ ᐊᑕᓂᐅᑉ ᐅᕐᓱᕐᑎᕐᒪᑎᑦ ᐊᖓᔪᖅᑳᕐᔪᐊᖑᖁᓪᓗᑎᑦ ᐃᓄᖁᑎᖏᓐᓄᑦ.

ᓴᒧᐃᓕ ᓯᕗᓪᓖᑦ 2:8

ᐊᒃᓗᔪᑦ ᒪᑭᑎᑉᐰᑦ ᓄᓇᐅᑉ ᐳᔪᕋᖓᓂᑦ; ᐃᑲᔪᕐᑕᐅᔭᕆᐊᓖᓪᓗ ᖁᕝᕙᕐᑎᑉᐰ ᐊᕐᔭᓕᓂᕐᓂᑦ, ᐊᖓᔪᖅᑳᕐᔪᐊᓪᓗ ᐃᕐᓂᖏᓐᓂ ᐃᒃᓯᕙᐅᑕᕐᑖᕐᑎᑉᐰᑦ ᑭᖑᕐᖑᑦᔨᑎᑉᐰᓪᓗ ᐃᒃᓯᕙᐅᑕᕐᔪᐊᕐᒥᒃ ᐱᓐᓇᕐᓇᕐᑐᒥᒃ. ᓄᓇᕐᔪᐊᑉ ᑐᓐᖓᕕᖏᑦ ᐊᑕᓂᐅᑉ ᐱᒋᕔᑦ; ᖄᖓᓄᓪᓗ ᓯᓚᕐᔪᐊᖅ ᐃᓕᓯᒪᕚ.

ᓴᒧᐃᓕ ᓯᕗᓪᓖᑦ 9:16

“ᖃᐅᒃᐸᑦ ᑍᒤᓪᓗᐊᓕᕐᑎᓪᓗᒍ ᑎᓕᓯᕕᒋᔪᒫᕐᐸᒋᑦ ᐊᖑᒻᒥᒃ ᐱᓐᔭᒥᓂᐅᑉ ᑭᖑᕚᖏᓐᓂᑦ ᐱᓯᒪᔪᒥᒃ; ᑖᓐᓇ ᐅᕐᓱᕐᑎᕈᒫᕐᐸᑦ ᐊᖓᔪᖅᑳᕐᔪᐊᓐᖑᖁᓪᓗᒍ ᐃᓄᖁᑎᓐᓄᑦ ᐃᓴᕆᐊᓕᒥᐅᓄᑦ. ᑖᑦᓱᒪ ᐃᓄᖁᑎᒃᑲ ᐱᐅᓕᔪᒫᕐᐰᑦ ᐱᓕᔅᑍᓂᒥᐅᓂᑦ; ᐃᓄᖁᑎᒪ ᐅᖁᒤᑦᑐᒦᓐᓂᖏᑦ ᑕᑯᓯᒪᓕᕋᒃᑭᑦ, ᓂᓪᓕᐊᓂᖏᑦ ᐅᕙᓐᓄᑦ ᑎᑭᓯᒪᓕᕐᒪᑕ.”