ᓴᒧᐃᓕ ᐂᑉᐸᖏᑦ 7:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᐃᓴᕆᐊᓕᒥᐅᑦ ᐃᓅᖃᑎᒌᒡᔪᐊᓂᒃ ᐊᑦᔨᖃᓐᖏᓚᑦ ᓄᓇᕐᔪᐊᕐᒥ, ᐄᑦᔨᑉᑎᒥᑦ ᓴᐳᑎᔭᕐᑐᓚᐅᕐᐸᑎᑦ ᐃᓄᖁᑎᑎᑦ ᐃᓚᒋᔪᒪᓪᓗᒋᑦ, ᑲᒪᓇᕐᑐᕐᔪᐊᓪᓗ ᐱᓂᐊᕐᓂᕆᓚᐅᕐᐸᑎᑦ ᑖᒃᑯᓄᖓ ᖃᐅᔨᒪᔭᐅᓕᕐᓗᑎᒡᓗ ᓯᓚᕐᔪᐊᒥᐅᓄᑦ, ᐃᓅᖃᑎᒌᒡᔪᐊᑦ ᒎᑎᓐᖑᐊᖏᓪᓗ ᓯᖏᓚᐅᕐᐸᑎᑦ ᐃᓄᖁᑎᑎᑦ ᓄᓇᑖᖔᖁᓪᓗᒋᑦ.

ᓴᒧᐃᓕ ᐂᑉᐸᖏᑦ 7:23 Iomraidhean Croise

ᓴᒧᐃᓕ ᐂᑉᐸᖏᑦ 7:24

ᐃᓴᕆᐊᓕᒥᐅᓪᓗ ᓇᖕᒥᓂᕐᑖᕆᓯᒪᕙᑎᑦ ᐃᓄᖁᑎᑖᕆᓪᓗᒋᑦ ᐃᓱᖃᖏᑦᑐᒧᑦ; ᐃᕝᕕᓪᓗ ᐊᑕᓃᖅ, ᒎᑎᒋᔭᐅᓕᕐᓗᑎᑦ ᑖᒃᑯᓄᖓ.

ᑯᕉᓂᑲ ᓯᕗᓪᓖᑦ 17:21

ᐃᓄᖁᑎᑎᑦ ᐃᓴᕆᐊᓕᒥᐅᑉ ᐃᓅᖃᑎᒌᒡᔪᐊᑦ ᓇᓪᓕᖏᓐᓂᒃ ᐊᑦᔨᖃᕐᐹᑦ ᓄᓇᕐᔪᐊᕐᒥ? ᒎᑎᐅᑉ ᐱᐅᓕᓚᐅᕐᑕᖏᑦ ᐃᓄᖁᑎᒋᔪᒪᓪᓗᒋᑦ, ᐊᑏᑦ ᖃᐅᔨᔭᐅᖁᓪᓗᒍ ᑲᒪᓇᕐᑐᕐᔪᐊᒃᑯᑦ ᐱᓂᐊᕐᓂᒃᑯᑦ, ᐃᓅᖃᑎᒋᒡᔪᐊᑦ ᐊᐅᓪᓚᕐᑎᓚᐅᕋᕕᒋᑦ ᐃᓄᖁᑎᕕᑦ ᓵᖏᓐᓂ ᑖᒃᑯᐊ ᐱᐅᓕᓚᐅᕐᑕᕕᑦ ᐄᑦᔨᑉᑎᒥ.

ᓂᕼᐃᒤᐊᐅᑉ ᐊᒡᓚᖏᑦ 1:10

“ᑖᒃᑯᐊ ᐱᔨᒋᒐᕕᒋᑦ ᐃᓄᖁᑎᒋᓪᓗᒋᓪᓗ, ᐱᔪᓐᓇᕐᓂᕐᔪᐊᕐᓄᑦ ᐱᐅᓕᓚᐅᕋᕕᒋᑦ, ᓴᓐᖏᓂᕐᔪᐊᕐᓄᓪᓗ.

ᐃᓐᖏᕈᑎᑦ 106:22

ᑲᒪᓇᕐᑐᐊᓗᖕᓂᒃ ᐱᓕᕆᓚᐅᕐᒪᑦ ᓄᓇᒥ ᕼᐋᒥᒥ, ᓯᕘᕋᓕᕐᓇᕐᑐᓂᒡᓗ ᐊᐅᓚᑦᓯᓚᐅᕐᐳᖅ ᐃᒪᕐᒥ ᐊᐅᐸᓗᒃᑕᒥ.

ᐃᓐᖏᕈᑎᑦ 111:9

ᐃᓄᖁᑎᒥᓄᑦ ᐱᐅᓕᔭᐅᑦᔪᑎᒃᓴᖅ ᑎᓕᒃᓯᐅᑎᒋᓚᐅᕐᐹ; ᐃᓱᖃᖏᑦᑐᒧᓪᓗ ᑐᕌᖓᔪᒥᒃ ᐊᖏᖃᑎᒌᒍᑎᖃᕐᕕᒋᓪᓗᒋᑦ. ᑖᑦᓱᒪ ᐊᑎᖓ ᐃᔪᕐᓁᑦᑑᕗᖅ ᐅᐱᓐᓇᕐᑐᕐᔪᐊᖑᓪᓗᓂᓗ.

ᐃᓐᖏᕈᑎᑦ 145:6

ᐃᓄᐃᑦ ᐅᖃᐅᓯᖃᕐᓂᐊᕐᐳᑦ ᐱᓂᐊᕐᓯᒪᔭᕐᐱᑦ ᑲᒪᓇᕐᑐᕐᔪᐊᖑᓂᖏᓐᓂᒃ ᐊᖏᔪᕐᔪᐊᖑᓂᖏᓐᓂᒡᓗ, ᐅᕙᖓᓕ ᐊᖏᔪᕐᔪᐊᖑᓃᑦ ᐅᓂᒃᑲᐅᑎᒋᔪᒪᕙᕋ.

ᐃᓐᖏᕈᑎᑦ 147:20

ᐃᓅᖃᑎᒌᒡᔪᐊᑦ ᓇᓪᓕᐊᓪᓘᓐᓃᑦ ᑍᒤᓕᐅᕐᕕᒋᓚᐅᓐᖏᓔᑦ; ᑖᑦᓱᒪ ᐃᓱᐊᕆᔭᖏᑦ ᖃᐅᔨᒪᔭᐅᓐᖏᓚᑦ ᑖᒃᑯᓄᖓ. ᐊᑕᓂᖅ ᓂᕐᑐᕐᑕᐅᓕ!

ᐃᓐᖏᕈᑎᑦ 40:5

ᐊᑕᓃᖅ, ᒎᑎᒐ, ᐱᓂᐊᕐᓂᑎᑦ ᑲᒪᓇᕐᑐᑦ ᐅᓄᕐᑑᕗᑦ, ᐱᓂᐊᕐᓂᕆᖃᑦᑕᕐᓯᒪᔭᑎᑦ. ᐅᕙᑦᑎᓐᓂᒡᓗ ᐃᓱᒪᓕᐅᕈᑎᖃᕐᓂᑎᑦ ᐃᓕᖕᓄᑦ ᑭᖑᓕᕇᒃᓗᑎᒃ ᐃᖅᑲᐅᒪᔭᐅᔪᓐᓇᓐᖏᓚᑦ; ᓇᓗᓁᕋᓱᐊᕈᒃᑭᑦ ᐅᖃᐅᓯᕆᓗᒋᓪᓗ, ᐅᓄᓗᐊᕐᒪᑕ ᓈᓴᕐᑕᐅᔪᓐᓇᖏᓚᑦ.

ᐃᓐᖏᕈᑎᑦ 44:3

ᓄᓇᒥᒃ ᑎᒍᓯᓚᐅᖏᒻᒪᑕ ᓇᖕᒥᓂᖅ ᓴᕕᒡᔪᐊᖏᑕ ᐱᔪᓐᓇᕐᓂᖏᓐᓄᑦ, ᓇᖕᒥᓂᕐᓘᓐᓃᑦ ᐊᒡᒐᖕᒥᖕᓄᑦ ᓴᐳᑎᓚᐅᓐᖏᓚᑦ; ᐃᕝᕕᓪᓕ ᑭᓯᐊᓂ ᐊᒡᒐᖕᓄᑦ ᑕᓕᕐᐱᖕᓄᑦ, ᑮᓇᕐᐱᓪᓗ ᖃᐅᒪᓂᖓᓄᑦ, ᖁᕕᐊᒋᓚᐅᕋᕕᒋᑦ.

ᐃᓐᖏᕈᑎᑦ 65:5

ᐱᓂᐊᕐᓂᕐᔪᐊᒃᑯᑦ ᑲᒪᓇᕐᑐᑎᒍᑦ ᐃᓱᐊᕐᑐᓕᓂᒃᑯᓪᓗ ᑭᐅᒐᑦᑎᒍᑦ, ᒎᑏ ᐱᐅᓕᔭᐅᕕᕗᑦ, ᓂᕆᐅᖕᓂᖃᕈᑎᒋᔭᐅᕗᑎᑦ ᓄᓇᕐᔪᐊᕐᒥᐅᓕᒫᓂᑦ, ᓄᓇᕐᔪᐊᑉ ᐃᓱᐊ ᑎᑭᓪᓗᒍ, ᐃᒪᕐᔪᐊᓪᓗ ᐅᖓᓯᖕᓂᕐᐹᖏᓐᓄᑦ;

ᐃᓐᖏᕈᑎᑦ 66:3

ᒎᑎᒧᓪᓗ ᐅᖃᕐᓗᓯ, “ᓴᓇᓯᒪᔭᑎᑦ ᑲᒪᓇᕐᑐᐊᓘᕗᑦ! ᐊᔪᒐᖃᖏᓐᓂᕕᑦ ᐊᖏᔪᕐᔪᐊᖑᓂᖓᓄᑦ ᐊᑭᕋᕐᑐᕐᑎᑎᑦ ᐹᒻᒫᒃᑎᕐᐳᑦ ᐃᓕᖕᓄᑦ.

ᒨᓯᓯ ᐂᑉᐸᖏᑦ 12:12

“ᑕᕝᕙᓂ ᐅᓐᓄᒥ ᐄᑦᔨᑉᑎᐅᑉ ᓄᓇᖓᒍᑦ ᐃᖏᕐᕋᓂᐊᕋᒪ, ᐄᑦᔨᑉᑎᒥᓗ ᐃᕐᓂᐊᖑᖅᑳᕐᓯᒪᔪᓕᒫᑦ ᑐᖁᓐᓂᐊᕐᐸᒃᑲ, ᐃᓄᖕᓂᓗ ᐆᒪᔪᓂᓗ; ᐄᑦᔨᑉᑎᒥᐅᓪᓗ ᒎᑎᓐᖑᐊᓕᒫᖏᑦ ᓱᒋᐊᕐᓂᐊᕐᐸᒃᑲ ᑐᑭᓯᖁᓪᓗᒋᑦ, ᐅᕙᖓ ᐊᑕᓂᐅᒐᒪ.

ᒨᓯᓯ ᐂᑉᐸᖏᑦ 33:16

ᖃᓄᕐᓕ ᖃᐅᔨᒪᔭᐅᑦᓯᐊᕈᓐᓇᕋᔭᕐᐲᑦ ᐃᓄᖁᑎᖕᓂᒃ ᖁᕕᐊᓲᑎᖃᕐᓂᕐᓂᒃ ᐅᕙᓐᓂᒡᓗ ᐅᕙᑦᑎᓐᓄᑦ ᐱᖃᑕᐅᓂᐊᖏᓪᓗᑎᑦ? ᐃᓕᖕᓄᑦ ᐃᓚᒋᔭᐅᑐᐊᕈᑦᑕ ᐅᐱᓐᓇᕐᑎᑕᐅᓂᕐᓴᐅᒐᔭᕋᑦᑕ ᓯᓚᕐᔪᐊᕐᒥ ᐃᓄᒋᔭᐅᔪᓕᒫᓂᑦ.”

ᒨᓯᓯ ᐂᑉᐸᖏᑦ 6:7

ᐃᓄᖁᑎᑖᕆᓂᐊᕐᐸᑦᓯᓗ, ᐃᓕᑦᓯᓐᓄᓪᓗ ᒎᑎᒋᔭᐅᓂᐊᕐᐳᖓ; ᖃᐅᔨᓕᖁᓪᓗᓯ ᐅᕙᖓ ᐊᑕᓂᐅᒐᒪ ᒎᑎᒋᔭᓯ, ᐊᐅᓪᓚᕐᑎᑦᓯᔨᒋᓚᐅᕐᑕᓯ ᐄᑦᔨᑉᑎᒥᐅᑦ ᐅᖁᒤᒃᓴᕐᑎᑦᓯᓂᖏᓐᓂᑦ.

ᒨᓯᓯ ᐂᑉᐸᖏᑦ 9:15

ᒫᓐᓇᒧᑦ ᑎᑭᓪᓗᒍ ᓱᒋᐊᕋᓱᐊᕋᔭᓚᐅᕈᒃᑭᑦ ᐃᓄᖁᑎᑎᓪᓗ ᐋᓐᓂᐊᓇᕐᑐᒧᑦ, ᑕᕝᕙ ᒫᓐᓇ ᑕᒫᓐᖓᑦ ᓄᓇᒥᑦ ᐲᕐᑕᐅᓯᒪᔪᑐᖃᐅᓕᕋᔭᕐᐳᑎᑦ;

ᒨᓯᓯ ᐂᑉᐸᖏᑦ 9:16

ᑭᓯᐊᓂᓕ ᑕᒪᓐᓇ ᐱᑦᔪᑎᒋᓪᓗᒍ ᐃᓅᑎᓚᕿᓯᒪᕙᒋᑦ, ᖃᐅᔨᖁᓪᓗᑎᑦ ᐱᔪᓐᓇᕐᓂᓐᓂᒃ ᓂᕐᑐᕐᓇᕐᓂᕋᓗ ᓄᓇᕐᔪᐊᓕᒫᒥ ᐅᖃᐅᓯᐅᓕᖁᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 32:20

ᐄᑦᔨᑉᑎᒥ ᓇᓗᓁᒃᑯᑕᓂᒃ ᑲᒪᓇᕐᑐᕐᔪᐊᓂᒡᓗ ᑐᑭᓯᑦᔪᑕᐅᔪᓐᓇᕐᑐᓂᒃ ᐱᓂᐊᖃᑦᑕᕐᓯᒪᕗᑎᑦ, ᐅᓪᓗᒥᓗ ᓱᓕ ᐱᓂᐊᕐᓂᕆᕙᒃᐸᑎᑦ ᐃᓄᓕᒫᓂᒃ ᐃᓴᕆᐊᓕᒥᐅᓂᒃ ᐊᓯᖏᓐᓂᒡᓗ ᐃᓅᖃᑎᒌᒡᔪᐊᓂᒃ ᖃᐅᔨᒪᔭᐅᑦᔪᑎᒋᕙᑎᓪᓗ ᓇᓂᑐᐃᓐᓇᖅ, ᐅᓪᓗᒥᒧᑦ.

ᔨᕆᒤᐊᐅᑉ ᐊᒡᓚᖏᑦ 32:21

ᐃᓄᖁᑎᑎᑦ ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕋᕕᒋᑦ ᓇᓗᓁᒃᑯᑕᒃᑯᑦ ᑲᒪᓇᕐᑐᓪᓗ ᐊᑐᕐᓗᒋᑦ. ᐱᔪᓐᓇᕐᓂᕐᔪᐊᕐᓄᑦ ᐊᔪᒐᖃᖏᓐᓂᕐᓄᓪᓗ ᑲᑉᐱᐊᓇᕐᑐᒃᑯᑦ.

ᐃᓯᑭᐊᓕᐅᑉ ᐊᒡᓚᖏᑦ 20:9

ᑲᔪᓯᑎᓚᐅᓐᖏᓚᕋᓕ ᐊᑎᕋ ᐱᓪᓗᒍ ᓇᕐᕈᓇᕐᓯᑎᑕᐅᖁᓇᒍ ᐃᓅᖃᑎᒌᒡᔪᐊᑦ ᓄᓇᖃᑎᒋᔭᖏᑕ ᓵᖏᓐᓂ, ᐅᖃᐅᑎᔭᕇᓚᐅᕋᒃᑭᑦ ᓄᓇᖃᑎᖏᑦ ᑕᑯᓐᓇᕐᑎᓪᓗᒋᑦ ᐊᐅᓪᓚᕐᑎᑦᓱᒪᓂᕋᕐᓗᒋᑦ ᐄᑦᔨᑉᑎᒥᐅᑦ ᓄᓇᖓᓐᓂᑦ.

ᒨᓯᓯ ᓯᑕᒪᖏᑦ 6:27

“ᑍᒫᒃ ᑕᕝᕙ ᐊᑎᕋ ᐃᓴᕆᐊᓕᒥᐅᓄᑦ ᐃᓕᓯᒪᓂᐊᕐᐹᑦ, ᐅᕙᖓᓗ ᓮᒻᒪᕐᑎᓐᓂᐊᕐᐸᒃᑲ.”

ᐃᐱᓯᒥᐅᓄᑦ 1:6

ᒎᑎ ᓂᕐᑐᓚᐅᕐᓚᕗᑦ ᓂᕐᑐᕐᓇᕐᓂᕐᔪᐊᒥᒍᑦ ᐱᑦᓯᐊᕐᓂᖓᑕ ᐱᔪᓐᓇᕐᓯᑎᑦᓯᓂᖓ ᐱᑦᔪᑎᒋᓗᒍ, ᐊᑭᖃᖏᑦᑐᒥᒃ ᑐᓂᓯᕕᒋᓚᐅᕐᒪᑎᒍᑦ ᓇᒡᓕᒋᒻᒪᕆᒃᑕᒥᒍᑦ.

ᒨᓯᓯ ᑕᓪᓕᒪᖏᑦ 10:21

ᓂᕐᑐᒐᒃᓴᕆᕙᓯ ᒎᑎᒋᒐᑦᓯᐅᒃ, ᓇᖕᒥᓂᖅ ᑕᑯᓯᒪᒐᑦᓯ ᑖᑦᓱᒪ ᐊᔪᖏᑦᑐᐊᓘᓂᖓᓂᒃ ᑲᒪᓇᕐᑐᕐᔪᐊᖑᓂᖓᓂᒡᓗ ᐃᓕᑦᓯ ᐱᑦᔪᑎᒋᓪᓗᓯ.

ᒨᓯᓯ ᑕᓪᓕᒪᖏᑦ 15:15

ᐃᖅᑲᐅᒪᔭᕆᐊᖃᕋᑦᓯ ᐃᓕᑦᓯᑦᑕᐅᖅ ᓯᐊᓛᖑᓚᐅᕐᒥᒐᑦᓯ ᓄᓇᒥ ᐄᑦᔨᑉᑎᒥ, ᐊᑕᓂᐅᓪᓕ ᒎᑎᑦᓯ ᑕᕝᕙᓐᖓᑦ ᐊᓂᑎᓚᐅᕐᒪᓯ; ᑍᒤᒻᒪᑦ ᐱᖁᔭᒥᒃ ᑕᒪᑐᒥᖓ ᒫᓐᓇ ᒪᓕᒐᒃᓴᓕᐅᕐᐸᑦᓯ.

ᒨᓯᓯ ᑕᓪᓕᒪᖏᑦ 33:29

ᐃᓴᕆᐊᓕᒥᐅᖑᔪᓯ, ᖁᕕᐊᓱᒃᑐᒃᓴᐅᕗᓯ! ᐊᑦᔨᖃᓐᖏᓚᓯ, ᐊᑕᓂᕐᒧᑦ ᐱᐅᓕᔭᐅᓯᒪᔪᓂᒃ. ᑖᓐᓇ ᓴᐴᓗᑕᕆᒐᑦᓯᐅᒃ ᐃᑲᔪᕐᑎᒋᓪᓗᒍ, ᓴᕕᒡᔪᐊᕆᓪᓗᒍᓗ ᓵᓚᖃᐅᑎᒋᓪᓗᒍ! ᐊᑭᕋᓯ ᐃᓕᑦᓯᓐᓄᑦ ᕾᕙᖕᓂᐊᕐᐳᑦ ᐃᓚᓐᓂᕐᓴᕐᓗᑎᒃ; ᐃᓕᑦᓯᓕ ᑐᒃᓯᐊᕐᕕᖏᑦ ᐳᕐᑐᔪᒦᑦᑐᑦ ᑐᓪᓕᕋᕐᓂᐊᕐᐸᓯ.”

ᒨᓯᓯ ᑕᓪᓕᒪᖏᑦ 9:26

ᑐᒃᓯᐊᓚᐅᕐᐳᖓᓗ ᐊᑕᓂᕐᒧᑦ, ‘ᐊᑕᓃᖅ ᒎᑎᐅᔪᑎᑦ, ᓇᖕᒥᓂᖅ ᐃᓄᖁᑎᒋᔭᑎᑦ ᓄᖑᑎᓐᓂᐊᕐᓇᒋᑦ, ᑖᒃᑯᐊ ᓴᐳᑎᓚᐅᕐᑕᑎᑦ ᐊᐅᓪᓚᕐᑎᓚᐅᕐᑕᑎᓪᓗ ᐄᑦᔨᑉᑎᒥᑦ ᓴᓐᖏᓂᕐᔪᐊᕐᓄᑦ ᐱᔪᓐᓇᕐᓂᕐᔪᐊᕐᓄᓪᓗ.

ᑍᑑᓯᒧᑦ 2:14

ᑖᓐᓇ ᐃᒻᒥᓂᒃ ᑐᓂᓚᐅᕐᒪᑦ ᐅᕙᑦᑎᓐᓄᑦ ᐱᐅᓕᔪᒪᓪᓗᑕ ᐱᐅᖏᑦᑐᓂᑦ ᑕᒤᓐᓂᑦ ᐃᑦᔪᕐᓁᑦᑐᓐᖑᕐᑎᑦᓱᒪᓪᓗᑕᓗ ᓇᖕᒥᓂᖅ ᐃᓄᖁᑎᑖᕆᓗᓂᑎᒍᑦ ᐱᐅᔪᒥᒃ ᐃᓅᓯᖃᕈᒪᑦᓯᐊᖁᓪᓗᑕ.

ᔮᓱᐊᑉ ᐊᒡᓚᖏᑦ 7:9

ᑬᓇᓂᒥᐅᑉ ᓄᓇᓕᓕᒫᓪᓗ ᖃᓂᒋᔮᓃᑦᑐᑦ ᑐᓴᕐᓂᐊᕐᐳᑦ ᑕᒪᑐᒥᖓ, ᐊᕙᓗᔭᐅᓗᑕ ᑐᖁᑕᐅᓂᐊᓕᕐᐳᒍᑦ! ᖃᓄᐃᓕᐅᕐᓂᐊᕐᐱᓪᓖ ᐊᑎᕐᐱᑦ ᐅᐱᓐᓇᕐᓂᖓ ᓴᐳᑎᓗᒍ?”

ᐲᑦᑐᕉᓯ ᓯᕗᓪᓖᑦ 2:9

ᐃᓕᑦᓯᓕ ᐃᓅᖃᑎᒌᖑᔪᓯ ᓂᕈᐊᕐᑕᐅᓯᒪᕗᓯ, ᐊᖓᔪᖅᑳᕐᔪᐊᒧᑦ ᑐᓂᕐᕈᓯᕐᑎᑦᓯᔨᖁᑎᒋᔭᐅᓪᓗᓯ, ᐃᓅᖃᑎᒌᑦ ᐃᑦᔪᕐᓁᑦᑐᑦ, ᒎᑎᐅᑉ ᐃᓄᖁᑎᖏᑦ, ᐅᖃᐅᓯᖃᖁᓪᓗᓯ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᑖᑦᓱᒪᓗ ᕾᖁᓚᐅᕐᒪᓯ ᑖᕐᔪᐊᕐᒥᑦ ᓇᖕᒥᓂᖅ ᖃᐅᒪᓂᕐᔪᐊᒥᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:9

ᐃᓐᖏᕐᓯᕗᓪᓗ ᐃᖏᕈᒻᒥᒃ ᓄᑖᒥᒃ, ᐅᖃᕐᓗᑎᒃ: “ᐊᒡᓚᖕᓂᒃ ᐃᒧᓯᒪᔪᓂᒃ ᐃᓯᕕᑦᓯᔪᓐᓇᕐᑎᑕᐅᔪᑑᕗᑎᑦ ᓇᕿᑦᔪᑎᖏᓐᓂᒃ ᐲᕐᓯᔪᓐᓇᕋᕕᑦ, ᑐᖁᑕᐅᓚᐅᕋᕕᑦ ᐊᐅᖕᓄᓪᓗ ᐃᓄᐃᑦ ᐊᑭᓕᓚᐅᕐᐸᑎᑦ ᒎᑎᒧᑦ ᐅᑎᕐᑎᓪᓗᒋᑦ, ᑭᖑᕚᕇᓕᒫᓂᑦ ᐅᖃᐅᓯᖃᑎᒌᖏᑦᑐᓂᑦ ᐃᓄᒐᓴᒡᔪᐊᓂᑦ ᐃᓅᖃᑎᒌᒡᔪᐊᓂᓪᓗ.